Ξღ سمعتي قصة خطبة او زواج غريبة؟؟ تعالي ღΞ

[Bamya]

لووووووووووووووووووووول

والله قصص تونس وتضحك الله يهنييييكم ويرزق كل مو متزوجه الزوج الصالح اللي يطيب خاطرها << ترى عزوبية ملقوفة خخخ

مشكووووووووووورة ام فيصل عالموضوع العسسسسسل المفروض يتثبت من حلاته

up

 

[طوق البنفسج]

خوش قصص

الله يهنيهم و يتمم عليهم

 

[لؤلؤية]

اممممم هذي السالفه سالفتي ..

الله يسلمكم .. عندي ولد خالتي ..

يدوروله على بنت يمكن اكثر من بنت خطب .. وما حصل نصيب ..

المهم .. انا كنت ادورله على مراه وامي هم تدورله والعايله كلهاا ..

مرت الايام وفجأه اخطبووني :s والحين احنا مملوجين على بعض ..

الله يالايام كنت ادور لزوجي زوجه .. والله والوحده ما تعرف نصيبهاا ..

صج نصيب ..

:dddds::dddds::dddds:

يعني اختصروا الطريج

الله يوفقج حبيييبتي ويرزق كل بنووووته ولد الحلال اللي يهنيهاااااا

 

[احلى بنت بالدنيا]

سبحان الله قصص عجيبة

 

[ام حسوني]

up

up

 

[طلابة نصيب]

قبولكم على قصه في بنت اعرفها عدل شخصيه وسنعه والله ونعم
بس البنت مافيها من الزين شعره يعني جد جد قبيحة
المهم بنت هذي كل بنات معارفنا يحتقرونه لانهم جيكره يعني لبسها مو شي اهلها شوي حكرين
ولا احد يقعد معاها ولا يسولفون معاها من شده الاحتقار
محد كان يكلمها ومعطيها وجه إلى انا لاني احب البنت شخصية تكانه يعني ما يهمني لبسها
وكبرت البنت وماتزوجت كل بنات تزوجو إلى هي لدرجه انها كانت عياره بينهم
ونخرجت ونقعت بالبيت 3سنين بسبت ديوان............> وحده حاقده تبي تشتغل
وشتغلت سنه كان يتقدملها واااااااااحد ضابط إيمه وسيمه
ملكت وسوولها عرس ولا بالاحلام برجنسي وجابوا فنانه وكوشه من اكبر مصمم بالسعودية يعني عرسها كان من الف ليله وليله
لا وسفرها سهر عسل اوربا
اسكتو بنات جماعتنا بموتون من القهر ولا عزمتهم بس عزمتني انا جد استانست لها لانها جد اخلاق وان الله كريم فوقهم

 

[آنسة نعنوعه]

للرفع
والله سوالفكم تشوق

 

[عاشقة^زوجها]

يسلمووووووووو

 

[*peace*]

سمعوا هالقصه اهي قديمه

ان اكو وحده تتسبح يم النهر بالليل مدري البحر

ولاتسمع صوت ولااا واحد يطالعها جان بسرعه تغطي صدرها السموحه يعني

اهو انهبل على صدرها لوووووووووووووووووول

وقال لها منو بنته انتي وشسمج

سكتت

وبعدين قالت اسم وحده معاهم بالمدينه بس موصاحيه

ثاني يوم راح الاخ وخطب هذيك الموصاحيه وطلع واحد غني وأخذ معاه فلوس وهدايا وخدم عشان

مايرفضونه

سبحان الله صج نصيب !

وهذيك ماتت حرررره احسن :tomato2:​

 

[*peace*]

يعطيج العافية ام فيصل على هالقصص ...



خل اقول لكم قصتي
عاد انا قصتي قصة و ليلحين ما خلصت
و الله يستر من نهايتها !!

الله يسلمكم انا و رفيجتي توظفنا بنفس اليوم بنفس الفرع
و كان فرعنا اغلبيته بنات الا اثنين شباب كويتييين و الباجي لبنانيين
المهم
رفيجتي طيحت الميانة ويا العموم
انا امي قبل لا ادش البنك قالت لي ايااااني واياااااج تتغشمرين ويا شباب البنك ترى مو ويه تغشمر !!
المهم كلمة امي معلقتها باذوني
كل ما طلعوا موظفين فرعنا طلعة غدا كلهم ويا بعض انا الوحيدة الي ما اروح
و كل ما تيمعوا عقب الدوام و راحو ستاربكس انا الوحيدة الي ما اروح
مع انه رفيجتي تحن علي تحن علي بس ماكو امي ما ترضى
و هم اذا شفنا احد من شباب البنك برا ولا جني اعرفهم ولا جني اشتغل معاهم !!
المهم
يالنا موظف يديد
هالموظف رفيج واحد من الاثنين الي معانا
لما خلص الدوام العموم رااااحووا ستاربكس الا انا
عاد اهوا سال رفيجه الي معانا من زمان جان يقول اي هاذي كله ما تطلع معانا ولا شي
المهم ولا يسئله عني و هذاك يمدح فيني و سال رفيجتي عني و مدحت فيني
و اهوا كان يبيني بس انا اشتغل بارت تايم و ليلحين ما تخرجت و باجيلي سنة و اتخرج
عاد قال لهم لا اييبون لي سيرة لانه ناوي اييني عقب ما اتخرج
بس رفيحتي زل لسانها
و انا سحبت منها حجي
المهم
انا قلت حق امي
جان تقولي شووووفي هذا لو يبيج جان يااج الحين
هذا بيلعب
و عقب قال حق رفيجتي تجيييس نبضي لانه ناوي اييني الحين و غير رايه
المهم انا على كلام امي قلت لها اوكي
و امي قالت لا لازم تتخرجين بالاول !!
المهم
امه دقت
و امي رضت اييون مادري شلون مع انها كانت رافضة !!
و قبل لا تيي امه بشوي امي قالت لي لا تستانسين ما راح يصيرر شي !!
المهم اول ما طلعت امه من عندنا جان امي تقووولي انا موافقة !!
(اليوم الي يت فيه امه توفى بابا سعد الله يرحمه !! اعلنوا الخبر و اهيا قاعدة عندنا !! )

و لما امه يت بتدق على امي تقول لها متى الولد بيي ولا يدته تدش المستشفى !!
نطرنا اسبوع بعدين قالوا حق امي انه الولد بييني باليوم الفلاني !!
المهم الولد يه وقت امتحانات الفاينل !! وييع بين اصعب امتحانين ياااي الاخ مادري ليش !!

المهم عقب امه دقت و قالت انه يبيني و نفس الشي امي قالت لهم اني راضية و سالنا عن الولد !!

عقب اسبوعين امي دقت قالت اوكي و امه قالت لما يرد اخوه من السفر الرياييل بيون
رد اخوه من السفر
امس دقت امه و قالت حق امي يوم الاثنين بيون !!
عاد الله يسلمكم
اليوم ابوي حبيبي دخلوه المستشفى !! ( حياتي ابوي الله يشافيك انشالله )
و طبعا السالفة تاجلت و ما راح ايون الا لما يرد ابوي انشالله بالسلامة من المستشفى !!


لووووووووووووول
و القصة ما زالت مستمرة احم احم
عاد بالدوام يقولي صج انه الطبيعة ضدنا بس ماخذج ماخذج !!
:tomato2:

و ماكو ناطرين نهاية المسلسل المكسيكي !! ​

امبي عاد انا يوم عرسي يوم وفاة بابا سعد @@

سبحاااااااااااان الله

حبيبتي لاتنسين تصلين استخاره والله يكتب اللي فيه الخير ان شاء الله ​

 

[الدانة-81]

واااي ونااااسة قصصكم حلوة

زلابية شصار علييج تزوجتي ولا فليتو؟؟؟!!


عاد انا خطبتي عكس زلابية




قولو ماشاء الله



انا كل الايام اللي كانو اييون (من يوم يت الام و تالي ريلي و بعد يو مرة ثالثة )كل هالاياام كان
7



7




7



7



7



مــــــــطــــرر..........:ada::ada:



ماشاء الله

لا و عاد انا المليقة ما كنت ابي اتزوج لأني توني متوظفة و كنت ناوية اكمل دراستي:lkmnkl:

بس صار النصيب



و لي الحين فكرة الدراسة في باليي

حتى ريلي يشجعني




زلابية الله يعينج حبيبتي

 

[*peace*]

يااااااااااااااااااي شفيكم ميتين @@

بقولكم سالفه صارت لي

الله يسلمكم يوم ملجتي اللي ملج لنا انا وزوجي<<<انتي متأكده ان موانتي واختج!!!

اللي ملج لنا شيخ مشهووووووووور حيل حيل بالكويت اهو يعرف زوجي وجذي

بعد اقل من شهرين كنت بحلقه وكنت كل يوم اسولف مع البنات الصغار احب اقعد معاهم وامهاتهم ياخذونهم

آخر الحلقه واكو تقريبا 3 بنات خوات من ابو واحد امهاتهم لثنتين يمرونا بالتناوب عرفتوا!!!!

ولاااااااا مره وحده من البنات تقولي

امي تقولج نبي رقم امج بنخطبج لخالي

انا مت ضحك قلت لها حبيبتي انا متزوجه :eh_s(6): ضاااااااااق خلقها البنت والام

ولا بعد كم يوم سألتني نفس البنات

امي تقول عندج خوات لووووووووووووول

المهم قريت اسم البنت بالكشف ولا تتوقعون منو ابوها؟؟؟؟؟؟؟

الشيخ اللي ملج لنا :eh_s(1):

سبحان الله شوفوا الصدف

طبعا طرررررررررت انا وقلت لزوجي انصدمممممم بس وناسه شكثر خطبوني بعد ماتزوجت كله

عبالهم صغيره :ggdw:​

 

[الدانة-81]

لللررففففففففعععع

 

[حلم الطفولة]

وحده انخطبت خطبه عاديه ... وملجت ... لما اسئلت زوجها عن تاريخ ميلاده ...
طلع بنفس تاريخ ميلادها .. ( بالضــــبط ) !!
باليووووم والشهر والسنه !!!

 

[بناتي حبيباتي]

كملووووو ولا توقفووووون

سوالفكم حلووووه ما شاء الله عليكم

 

[*peace*]

يااااااااااااي شدعوه خلصت قصصكم

انا بقولكم قصة وحده اعرفها انخطبت من ناس بعااااااااااااااااد حيل حيل وهالقصه قديمه شوي

هالبنت كانوا يخطبونها دايما لانها مشهووووره بجسمها وشعرها وجميلة بس شعرها وجسمها مميزين حيل حيل

وسبحان لله على كثر الخطاطيب من قرايبهم الله كاتب لها واحد مايدرون عنه ومايدري عنهم

اخوها كان يروح محطة الباص ايام قبل ويصادف هذا اللي تزوجها اسمه ناصر يمكن واخوانه وكان يروح

معاهم بالباص مدرسة المباركيه مدري شسمها ماعرف بهالسوالف

المهم واحد من اخوانه رفيج اخوها اللي يروح معاهم بنفس الباص وصاروا ربع حيل حيل

سبحان الله اخو ناصر مرض بالخبيث وسافرو لندن مدري المانيا يعالجونه ومات هناك

وراح معاهم ناصر لانه يقدر يتبرع له بالنخاع مدري شنو هذا اللي بالظهر

قبل لايتوفى وصااااااه وقاله اخذ اخت فلان :0bee2e8d89: وتوفى الله يرحمه

اخوه من يكثر مايحبه ويغليه حط هالسالفه بباله

بعد سنه تعبو من الحزن والهم قال ابوه بزوجك وقال انا ماتزوج الا اخت فلان

وفعلا راح خطبها اسمها فاطمه بعد الخطبه بس كلام ماوافقوا جان يعطيهم ظرف فيه 4 آلاف وراح

وبعدين وافقوا لانه صج صج خوووش واحد ومهرها 10 آلاف ماشاء الله غير الشبكه العجيبببببببببببببه

وعقب عرسهم اسبوع كامل كل يوم ذبيحه وعشا

تبارك الرحمن ليلحين مع بعض وعايشين حياة سعيييييييييييييييده حيل

الله يتمم عليهم يااااااااارب​

 

[غزيل الفله]

صراحه موقادرة اكتب شى القراءة ماخذة وقتى موضوعج روعه تسلم اصابعج الحلوة ياعسل

 

[د-سوسه]

بقولكم قصتي ...
مره كنت قاعده بالدوام ياني مراجع كان خووووش ريال وكنت مستغربه ان خجول حيل شلون في واحد جذي هالايام المهم خلصت معاملته وقام اييني دايما يخلص معاملاته ويطرش لي ناس نعرفه اخلص معاملاتهم<<<<<<<<<<<<<كرفني
بعد فتره ياني قالي انا بصراحه معجب فيج وابي اخذج انا ترا مو خجول الامعاج لاني بصراحه ماقدر اطالع عيونج احس لما اطالعهم ادوخ <<<<<<<<<<<عشتو
انا كنت منفصله وعندي بنات وادري ان مومتزوج قبل فقلتله انا متزوجه بس عندي بنت اختي خوش ابنيه وتصلحلك وتشابهني عالخفيف
راحو اخطبو بنت اختي بس لما شافها ماعجبته مع ان ترا الشبه بينا كبير لدرجه ان الي موشايفينا من زمان يلخبطون بينننا
راح الريال وخطب ابنيه ثانيه ودق علي قالي خطبت بنت العايله الفلانيه اشرايج وتزوجها وسبحان الله عقب سنه انفصلو لان البنت الظاهر كان ببالها واحد ثاني او شي ...المهم صار مطلق وحسيت انليلحين معجب صارحته اني منفصله وتزوجنا ..وخلصت القصه وملصت بس محد عنفص ليلحين

 

[meen_ana]

ombaza

اليوم مسموحه...بس نبي منج قصة باجر



cat^q8
لا اله الا الله...ما شاء الله
عسى ربي يهنيج...قصتج غريبة وتهبل


اقروا هالقصة

7
7

بقولكم قصه وايد جميله حصلت معايه
كنت من سنه واقفه مع صديقتي في مكان وشفنا انسان شكله محترم وكله هيبه ورزانه ما يلتفت ابدا
فرفعت ايدي للسما وقلتها بطريقه مزاح بس من داخلي جاده ان يارب يااارب ترزقني بواحد مثل هالانسان شخصيه ووسامه ادري ان مستحيل يكون مثله بس عالاقل فيه لو شويه منه. صديقتي ضحكت لانها تعرفني امزح

بعد فتره خطبتني جارة خالتي لولدها انا عمري ما شفته بس يوم رحت هناك وشفت سيارته قلبي دق لانها نفس سياره الشخص اللي شفته ويوم شفت صورته كان بيغمى علي من الفرحه
لانه نفس الشخص وهو ما شافني بس النصيب

بس النهايه التعيسه للاسف ان ابوي ما وافق وانا صليت استخاره وما ارتحت بس المهم عندى ان الله استجاب لدعائي وما خلى شي بخاطري واتعلمت من هالقصه ان لو لك نصيب في شي بتاخذه ولو الله كاتب المستحيل والغريب يصير .

سبحان الله ماكو شي بعيد عن الله سبحانه

 

[meen_ana]

وحده انخطبت خطبه عاديه ... وملجت ... لما اسئلت زوجها عن تاريخ ميلاده ...
طلع بنفس تاريخ ميلادها .. ( بالضــــبط ) !!
باليووووم والشهر والسنه !!!

ونااسه :eh_s(6)::eh_s(6)::eh_s(6):