وحده تقدم لها واحد من عايلتهم...
فيه كل المواصفات اللي تتمناها اي بنت
وفرررحت وتم كلشي حسب الاصول المتعارف عليها
ولكن سبحان الله قبل العرس توقف الموضووع فجأة
ضاق خلق البنت ...وتعقدت من نفسها ونصيبها
وخاصة انه خطيبها خطب وحده ثانية وتزوج وخلف
وزيادة كل بنات اهلهم واقاربهم اللي كبرها تزوجوا..الا اهي
حتى وصلت للثلاثينات
و....سبحان الله صار حادث لزوجة خطيبها القديم وتوفت تاركه وراها 5 اطفال
وبعد وفاة الزوجة بفترة اهله حنوا عليه عشان يتزوج
ورشحوها له
اهي فرحت وبنفس الوقت كانت خايفه
وتم الزواج وعاشت سعيدة معاه ومع اولاده الخمسة
لحظة لحظة
ما انتهت القصة..لها تكلمة مهمة جدا
ظل هاجس الخلفة والعيال يشغلها..خاصة انها ماحملت بعد زواجها بكم سنة
وبدأت رحلة العلاج والفحوصات والتحاليل وكانت المفاجأة
>>>انها عقيم ولا تنجب ابدااااااا
طلبت الطلاق..ولكن عيال زوجها كانوا متعلقين فيها...وزوجها بعد كان يحبها
ورجعت لهم وهي اتفكر بالقضاء والقدر..وحكمة الله في كل شي
وحزنها قبل لما خطبها وراح
لو انها لو تزوجته من الاول وهي عقيم ماكان استمرت معاه..او حتى بيتزوج عليها
فالله سبحانه وتعالى رزقه بالعيال...وبعدين رجع لها
لا اله الا الله
