˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

قوه ابلات انا لحد الحين تعبانه من الغبار مايسوى علي:eh_s(2):

كلا نايمه او رايحه الطبيب :eh_s(2): مااستانست في الويك اند
وضايق خلقي باجرعندي برنامج اذاعي ماسلمته لابلة الاذاعه:eh_s(2):

والوكيله معصبه وزافه رئيسة القسم :eh_s(2):

تقول المفروض البرنامج يسلمونه قبلها بجم يوم وانا ماسلمته :eh_s(2): علموني شسوي ؟؟؟

يوم الخميس كنت تعبانه وماداومت ويوم الاربعه داومت وطلعونا لان الجو معفوس :eh_s(2):

ومايسوى علي داومت الاربعه وطحت طيحه جابده وايد تعبني الجو :eh_s(2):

واهما مايقدرون ابد حدددددددددهم نحس :eh_s(2):

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

........


سلامتج عسولة ما تشوفين شر .,
انزين كلمي رئيسة قسمج وشرحي لها ظروفج .,
واذا فيها الخير اكيد بتقول ظروفج حق الوكيلة .,

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

بنات امس كنت في مكتبة العجيري بحولي مقابل النقرة الجنوبي.. منزلين مذكرة اسمها " القمة " روعة سعرها 5.500 تحتوي على كتابين الأول فيه حل التقاويم واسئلة من المذكرة نفسها والكتاب الثاني فيه تمارين خط رقعة وتعبير والذي منه.. كامل متكامل وايد حلو ومريح وفيه أفكار بسيطة حق الشرح.. بس ما اذكر اذا فيه حق باجي المواد.. انا ال شفته حق العربي، عاد بعدين رحت صوب كتب الطبخ هناك فيه رفوف خاصة حق كتب طبخ " قناة فتافيت " لوول

وبنفس المكتبة فيه طابق خاص حق المعلمات كله وسائل تعليمية وواااااايد اغراض حق اذا تبين تسوين حصة نموذجية ولا شي، في وايد خرابيط هالطابق راح يوفر عليج التعني فيه العاب وصناديق ولوحات وعلم وبروشات على الكويت ووااااايد اشياء على بالج
ومو على بالج..

ايه صح صاجه انا اتفق معاج 100%

المكتبه حددددددددها تشوق كل شي فيها

واسعارهم ارخص من اسعار مكتبة جمعية المعلمين

على طاري الدرس النموذجي وااااااااااااااااااااي كنت ناسيه وذكرتيني فيه :krkrkr:

لحد الحين ماسويت شي تعبانه ومالي خلقهم عفيه ابله اخطبوط :eh_s(2):

بسوي درس نموذجي ولا الامتحانات القصيره ولا البرنامج الاذاعي ولا بصلح الدفاتر ولا بحضر

امبيه شلون اسوي كل هذا بوقت واحد موقادره انا يبيلي ايدين مثل الاخطبوط علشان

اسوي كل اللي طالبينه مني :eh_s(2):

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

........


سلامتج عسولة ما تشوفين شر .,
انزين كلمي رئيسة قسمج وشرحي لها ظروفج .,
واذا فيها الخير اكيد بتقول ظروفج حق الوكيلة .,

اهيا تدري وانا قلتلها بس

ايه هين رئيسة قسمي تروح تكلمهم وتدافع عني :eh_s(2):
ياريت تصير مثل رئيسات الاقسام المبلتعات اللي يدافعون عن الابلات :krkrkr:الله كريم

الله يسلمج حبيبتي مشكوره تصديق ولا ابله فيها خير وسألت عني لو على الاقل دزتلي مسج بالغلط وجاملتي وانا لما غيبون كلااسأل عنهم صج مافيهم خير

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

..........

الله يعينج ., انزين حاولي تنجزين ولو القليل في المدرسة مثل التحضير الكتابي وتصليح الدفاتر.,
وبالبيت فكري بالاذاعة والورشة ., أدري تعب بس تهون مابقى شي ويخلص الكورس .,

شدي حيلج قدها وقدود .,

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

....

حبيبتي كافي الحزب هني يسأل عنج ,.,

دونت ووري :*

الله يعطيج الصحة والعافية وتصيرين مثل الاخطبوط لووول.

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

ورئيسة القسم متصل علي من صباح الله خير قعدني من النوم

<<<وانا استانست علبالي بتسأل عني

وتقولي لاتنسين باجر عندج برنامج اذاعي وتعالي مبجر قبل الطابور

<<<بطت جبدي صج مافيهم خير وماعندهم ذوق :krkrkr:

انا كارهه المدرسه لاعت جبدي من هالجو اللي كلا مصالح ونفاق :eh_s(2):

حلاته باجر اغيب باجر واكشت فيهم
<<<بس اللي معور قلبي الطالبات واحاتي المنهج :krkrkr:

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

....

حبيبتي كافي الحزب هني يسأل عنج ,.,

دونت ووري :*

الله يعطيج الصحة والعافية وتصيرين مثل الاخطبوط لووول.

بعد قلبي الله لا يحرمني منكم :eh_s(2):

 

[jen2n]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

حبيباتي منووووله وتوووتي تسلموووون صج كلامكم يشرح الصدر والله يوفقنا جميعا

 

[3w!Shni]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

الصراحه في شي كل ماقول بسويه انسى ولا الهى

الحين كذا مرة اسويه

بما اني عنجلش طيجر

قمت ازهب الكلمات مالت اسبوع كامل .. و اطبعهم ويا الصور و ارتبهم ورا بعض

بحيث كل يوم بس احضر..

انا تعبانه نفسيتي

ابي استقيل خلاص

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

..

عوشني الله يسهل عليج ., ويعطيج الصحة والعافية..

لا تفكرين بالاستقالة

 

[3w!Shni]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

اهو انا ناوية استقيل بس ناطرة شغله تصير


دعواتكم تتسهل اموري يارب وافتك من هالقرف

 

[منال القلب]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

عوشني: الله يقدم الي فيه الخير ان شالله وتتسهل أمورج يارب ويتحقق الي تبينه

كويتية عسل: حبيبتي سلامتج ماتشوفين شر ان شالله.. إذا ما مداج تسوين البرنامج خلاص اعتذري مو شرط تسوينه ما راح يفنشونج من الدوام. بعد انتي لج ظروفج واذا يمدي وعندج وقت افتكي منه وخلصي من حنتهم. اما سؤالهم عنج لول انسي مو فاضيين حق السؤال..

 

[كــلــ أمــل ــي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

ياحيــآتي ياكويتية عســل ما تشووفيـــن شر بس انقهرت

اشدعووه محد دق عليــج يســأل والله شي يكدر الخــآطر ..بس بالطقــآق دآآم جذي اخلآقيــآتهــم لايضيق خلقج ولا شي عيشي حيــآتج واستمتعي .. صج مجتمع حريمي ><

ياقلبي احنــآ نسأل عنــج ماعليــج من المصلحجيــآت اللي بالدوآآم والله يرزقــج بوحده تسيرلج مثل الأخت تونســج بالدوآآم والله الدوآآم من غير رفجه طيبه وتشرح الصدر يضيق الخلق

والله يعيـــينج اشدعووه كل هذاا يبوونه منــج تدرين شلووون .. انتي حضري وصلحي بالمدرسه لاا تشيلين هم التحضير والتصحيح يبقاالج الدرس النموذجي يووم السبت بالويك اند تفنني عليـــــه وفكري واي شي تحتـــآجينه احنــآ بالخدمــه ياعمري ^^

والله يوفـــقج ..

منوووول قلت حق رئيسة القسم قاالت انــآ سويتهــآ مره وعصبت وقاالـــت انــآ متى مابغيت ادش ادش موو تحددون وتقوولوون تعالي هالأسبووع تقووول رئيسة قسمي اهي تحب ادش فجــأه من غير ساابق انذار

جــآن اقوولها اوكي مابقى شي واخلص تحضرلي ع شنوو ضحكت وقــآآلت اوكي انا ابلغهــآ وربنــآ يسهل

قلت احسن رئيسة القسم اتبلغهــآ بدآآلي لاني توني يديده موو مآخذه عليــها فــأخــآآآف تفشلني ^^

دعــوآآتكم لي لا تنسووون

انزين انتي اليووم شلووونج ... عســآآج بخيـــر ..؟

الله يــآريت يعطونــآ عطــله جذي والله يبيلنــآ فترة نقااهه واستجمــآآم قااعده اقوول لأختي جــآن تقووول يــلآ اخذي اجــآزة 3 أيــآآم نرووح نســآفر تغيرين جووو ...هههههههههههه ضحكتني انا وين واهي ويـــن عندي منهج ع قلبي قااعد متى يشرف شهر 5 وارتــآآح ياربي

بنــآآت انتوو مثلي تحسبووون للعطله .... !!

درورر زين سويتوو حذفتوو من المنهج الفــآل لنــآ ان شالله

عوشني الله يخليـــج ارفعي من معنويــآتنا لا تييبين طــآآري الاستقااله تونــآ نيوو وطقت جبوودنــآ ><

الله يسهل اموورج يارب ويرزقـــج باللي تمنينه اللهم أميـــــــن

توتي ... شلووونج يالغلا ...؟

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

عوشني: الله يقدم الي فيه الخير ان شالله وتتسهل أمورج يارب ويتحقق الي تبينه

كويتية عسل: حبيبتي سلامتج ماتشوفين شر ان شالله.. إذا ما مداج تسوين البرنامج خلاص اعتذري مو شرط تسوينه ما راح يفنشونج من الدوام. بعد انتي لج ظروفج واذا يمدي وعندج وقت افتكي منه وخلصي من حنتهم. اما سؤالهم عنج لول انسي مو فاضيين حق السؤال..

الشر مااييج صج انتي ابلة عربي وتعرفين نظام البرامج الاذاعيه

شنو تنصحيني اسوي اروح باجر اعطي البرنامج للابلة الاذاعه ولا شسوي ؟

تدرين خلوني اوقع غصب على ورقه مكتوب فيها لازم اسلم البرنامج لابلة الابلة الاذاعه قبل لا اعرضه واذا ماعطيتيها افاده

باجر اكيد 10000% راح يعطوني احتياط السابعه عقاب ليش غبت الخميس :krkrkr:

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

ياحيــآتي ياكويتية عســل ما تشووفيـــن شر بس انقهرت

اشدعووه محد دق عليــج يســأل والله شي يكدر الخــآطر ..بس بالطقــآق دآآم جذي اخلآقيــآتهــم لايضيق خلقج ولا شي عيشي حيــآتج واستمتعي .. صج مجتمع حريمي ><

ياقلبي احنــآ نسأل عنــج ماعليــج من المصلحجيــآت اللي بالدوآآم والله يرزقــج بوحده تسيرلج مثل الأخت تونســج بالدوآآم والله الدوآآم من غير رفجه طيبه وتشرح الصدر يضيق الخلق

والله يعيـــينج اشدعووه كل هذاا يبوونه منــج تدرين شلووون .. انتي حضري وصلحي بالمدرسه لاا تشيلين هم التحضير والتصحيح يبقاالج الدرس النموذجي يووم السبت بالويك اند تفنني عليـــــه وفكري واي شي تحتـــآجينه احنــآ بالخدمــه ياعمري ^^

والله يوفـــقج ..

منوووول قلت حق رئيسة القسم قاالت انــآ سويتهــآ مره وعصبت وقاالـــت انــآ متى مابغيت ادش ادش موو تحددون وتقوولوون تعالي هالأسبووع تقووول رئيسة قسمي اهي تحب ادش فجــأه من غير ساابق انذار

جــآن اقوولها اوكي مابقى شي واخلص تحضرلي ع شنوو ضحكت وقــآآلت اوكي انا ابلغهــآ وربنــآ يسهل

قلت احسن رئيسة القسم اتبلغهــآ بدآآلي لاني توني يديده موو مآخذه عليــها فــأخــآآآف تفشلني ^^

دعــوآآتكم لي لا تنسووون

انزين انتي اليووم شلووونج ... عســآآج بخيـــر ..؟

الله يــآريت يعطونــآ عطــله جذي والله يبيلنــآ فترة نقااهه واستجمــآآم قااعده اقوول لأختي جــآن تقووول يــلآ اخذي اجــآزة 3 أيــآآم نرووح نســآفر تغيرين جووو ...هههههههههههه ضحكتني انا وين واهي ويـــن عندي منهج ع قلبي قااعد متى يشرف شهر 5 وارتــآآح ياربي

بنــآآت انتوو مثلي تحسبووون للعطله .... !!

درورر زين سويتوو حذفتوو من المنهج الفــآل لنــآ ان شالله

عوشني الله يخليـــج ارفعي من معنويــآتنا لا تييبين طــآآري الاستقااله تونــآ نيوو وطقت جبوودنــآ ><

الله يسهل اموورج يارب ويرزقـــج باللي تمنينه اللهم أميـــــــن

توتي ... شلووونج يالغلا ...؟

انا كلا احضر واصلح في المدرسه بس هالايام قاعدين يضغطون علي

لاني كلا اكشت فيهم مااسوي دروس ولا ورش

الموجهه تبي تتشيحط جدام الموجهين على حسابي
اهيا زايق قلبها تبيني اسوي درس وانا كلا اقولها انشالله واتهرب
بس مصيبه صابتها موناسيه كل ما اشوفها تقعد تحن علي

ودي اقولها ماابي اسوي بس قاعدين يضغطون علي :eh_s(2):

 

[آنهار]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

عساكم ع القوة ابلات وربي يعطيكم الصحة والعافية

 

[كــلــ أمــل ــي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مصيبه هالموجهــآآت والله مأذينــآ هم عايشين بنعيــم واحنــآ لنــآ الشقا والكــرآآف الله يسهل عليــج وعليــنا ويوفقنــآ اللهم أمـــــــــــين

الله يقوويج ياانهـآر حيــآآج حبيبتي

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مساء الورد لأهل الورد وريحانه .,

كيف حالكم بنـــــــات ؟

//

كلي امل بخير حبيبتي .,وبالنسبة لي قاعدة انطر متى يرجع المجلس عشان نباشر العمل مرة ثانية .,
درسنا اسبوع وتوقفنا عقبها, بس الحمدلله على كل حال خيره ان شاء الله .,

آنهار يا هلا فيج حياج الرحمن ., والله يعطيج العافية

كويتية ها شلونج حبيبتي ان شاء الله احسن ., ؟؟؟
بشرينا شيصير معاج باجر ؟.
والله يسهلها عليج يارب

 

[منال القلب]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

كويتية عسل: احنا مدرستنا نظامها إن الأبلة الي عليها برنامج اذاعي لازم تكون موجودة بالمدرسة الساعة 7:15 يعني تكون متواجدة قبل جرس الطابور بربع ساعة بالاذاعة وتسلمه حق ابلة الاذاعة.... ردي حده متأخر وانتي اوف لاين الحين اكيد راح تشوفين ردي باجر... طمنينا شصار وياج


كلي أمل: عيل خلاص دام هذا طبع ناظرتكم بعدي عن الشر وغنيله وخليها اهي تدخل عليج، دام تعصب وماتبي احد يحددلها خلاص خليها براحتها وعلى قولتج توج يديدة مو وقته تحط عليج من أولها.. وانا الحمدلله وايد أحسن من قبل تسلمين حبيبتي على السؤال..