˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

//

وانا بعد وياكم باشرت 3/4 أسبوووع وردونا على ما تتشكل الحكومة .,

خيره يا بنات .,

 

[درة أهل الطولات]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

الله يعينكم .,

درة حبيبتي انتبهـــــــــــــــي !!

سوي الي عليج والباقي على الله = استبدليها بـــــــ ونسأل الله المعونة ..

لان الباقي مو حلوة بحق الله سبحانه .

وسلامتج

امبيه صججج عاد احنا دايما نقولهاا

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

درة اي صج ونص

اهم شي عرفتي الصح وقوليها لأي احد يقولها .,
لأنها منتشرة والناس تقولها عالنية وما تدري انها خطيره ):


..

 

[(كويتيه عسل)]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

قوه أبلات شلونك

اليوم ماعطيت الطالبات مقدمه وتمهيد علطول دخلت بالدرس
<<شسو ي الحصه قصيره :krkrkr:

ويالله مداني أخلص كل الأمثله والطالبات حلوا شويه من تمارين التطبيق

<< العوض ولا القطيعه الحمد الله نعمه المهم حلوا شسويه أحس من أمس

الطالبات في صف سابع اليوم ماأدري شفيهم كلا يعلقون

قاعده اشرح مثال شرحت أول خطوه وووصلت لآخر اللوحه

بعدين قمت ومسحته وقلت للطالبات لا لا:eh_s(10): موعاجبني بمسح المثال

وبرد ااكتبه من اول اللوحه شكله مومرتب ووحده من الطالبات قالت

أبلللللللللللللللللللللللله <<< بصراخ خرعتني عبالي فيها شي

ولا تقولي أبله شكرا على اهتمامج بترتيب اللوحه مو مثل الابله الفلانيه

تكتب الامثله فوق بعض وحوسه ومخربط

بعدين وزعت الكتب ولا وحده تقولي : ابله ليش صلحتي هالدرس

وماصلحتي هالتمرين لما صوبت الغلط


ووحده من الطالبات جاوبت على سؤال وقلتلهم يصفقونلها

ولا وحده من الطالبات أبله فلانه مازدتيها درجه بالشفوي

انا معودتهم لما طالبه تجاوب على سؤال صعب ازيدها درجه واليوم نسيت


وعقب ما خلصت شرح وافتكيت :ggdw: فتحت دفتر التحضير بشوف الاسئله ملوت التطبيق

علشان اقولهم شنو الاسئله اللي يحلونها ولا الطالبه اللي قاعده جدامي

تشوف دفتر تحضيري مكشخه الدرس وكنت حاطه استيكرز ومنقشته وملونه الدرس بالالوان

قالت الطالبه الله ابله شحلات الدرس شلون سويتي النقشه جذي علميني شلون

ووحده من الطالبات ابله التاريخ عوي وموحاطه م يعني ميلادي


وآخر الحصه زفيتهم زف ذبحوني <<<موناقصتهم كل وحده صاريتلي موجهه موناقص الا يكتبون تقرير الزياره علشان أوقع عليه هههههههههههههههههههههه :krkrkr:

 

[درة أهل الطولات]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

بنات منو اوصلت لدرس في مدح الرسول سابع

راح ابجي

شنو هالقصائد ؟؟

 

[درة أهل الطولات]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

درة اي صج ونص

اهم شي عرفتي الصح وقوليها لأي احد يقولها .,
لأنها منتشرة والناس تقولها عالنية وما تدري انها خطيره ):


..

ان شاء الله

 

[منال القلب]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مسا الخير بنات

ميخالف شوي راح أقرق على راسكم

بنات حيل متضايقه

امس كانت حفلة تخرجي من جامعة الكويت

كان الجو يهبل وشفت كل صديقاتي أيام الدراسة

صج حلو الجو ووزعوا علينا اعلام وابواق وناسة كان

حيل زحمة أمس ماشالله أحس نص الكويت كانت هناك

المهم اليوم داومت وانا قاعدة ناطره تبدا حصتي حسيت فجأة إني صرت كبيرة

بنات مشتاقه للجامعة ومقاعد الدراسه حيل مشتاقة حاسه ان صدر منقبض امس واليوم

فيني البجيه مو طالعه البجيه ابي أرد طالبة مرة ثانية مابي اصير موظفة ولا أخذ معاش

واااااااااي بنات ليش جذي الحياة ليش ما نرجع حق الوقت الي نبيه بمجرد ما نضغط على زر الكنترول

ليش لازم نفكر بالماضي ونقول يا حلاة أيام قبل ............ ياريتني من النوع الي ما تهتم بالماضي واطالع لجدام

جان هذا مو حالي........ تصدقون بنات مرات افكر اني على يوم استأذن من الدوام واروح الجامعة واحسس نفسي

اني بعدي طالبة وادخل الجامعة واروح احد المحاضرات كأني مستمعه ومحد راح يدري وامسك كتابين وقلم بإيدي شدراهم

اني بعدي مو طالبة؟ اشتقت حق كليتي وايد ودكاترتي واي مابي احسد الي بعدها بالجامعة

بنات متضايقة والله

حياتي الحين احس مافيها لا لون ولا طعم ولا ريحة

الحمدلله وظيفيتي زينة وانا مرتاحة لها ومتقبلتها بحلوها ومرة بس مو قادرة اتأقلم نفسيا على التغييير من اني صرت من طالبة الى

موظفة والله ترا مو شي سهل

........

والي زادها ان اليوم في ابلة وافدة تقولي انتي ماعندج سالفة ان قعدتي بالتدريس تقولي انتي كويتية وخريجة اداب كملي واشتغلي بمكان غير التدريس

واي بعد انا ناقصه كلام جذي؟ تخيلوا بنات بيئة مدرستي كل ما تساعد ولا تشجع الوحدة على الاستمرار حتى الناظرة قالتلي مرة

لحد الحين صامدة ومرتاحة؟ ماودج تغيرين الوظيفة؟ انزين ليش هالأحباط يعني؟

وعلى فكرة بنات ترا لا تشوفوني مرتاحة بوظيفتي معناها اني اكرف.. انا الصراحة يمكن أقل وحدة أكرف لأن ابدا ما يهمني التقييم

انا كل الي أسويه اني اشتغل وانفذ المطلوب مني بدون زيادة ولا نقصان.... يعني تقدرون تقولون حقانية بحق نفسي وبجذي انا

مريحة بالي وراسي..


انزين بنات مافي حل يعني ارجع الجامعة؟ الله يلعن بليس من كثر ما يحنون علي الظاهر صكوني عين

واحس ودي اتوظف واقعد ورا مكتب واتعامل مع كبار مو مع طالبات وازعاجهم وااااي ماحب افكر جذي

-----


بنات لا تقولون لي كملي ماستر الماستر يبيله مجابه صح سنتين بس النجاح مو مضمون يعني الماستر فيه بحث سنع وان

ما عجب اللجنة بتسقطين وبعدين حتى لو نجحت بالماستر راح يزيد معاشي 75 دينار على معاشي الاساسي بس يعني تعب سنتين

وبحث وبالأخير يزيدون معاشي 75 دينار فقط صح ممكن اترقى في منصبي أسرع بس انا مو قاعدة أفكر اني اصير وكيلة ولا ناظرة

بنات انتوا شايفين مهام الوكيلة شلون تعل الجبد؟ يعني كل يوم في مشاكل مع طالبات وكل تصرخ وكل يوم شكوى واولياء امور

حتى المدرسة الأولى أو رئيسة قسم مادري ليش الكل ميت على رئاسة القسم احس تعبه أكثر من تعب المدرسة. علشان جذي

انا يمكن أكون غريبه تفكير بس انا داشة التربيه وأنا حاطة ببالي اكون معلمة مو حاطة ببالي اصير لا ناظرة ولا وكيلة ولا رئيسة

قسم...

------

بنات ابي أبجي احس قاعد ادخل سالفة بسالفة ومادري شفيني كله من حفلة التخرج مادري اني عقب هالوناسة بالحفلة

راح ينقلب مودي بنات احس صرت كبيرة وعيوزة خلاص وراحت ايام الدراسة وولت وماراح ترجع بعد

يارب افتح لي صدري ويسر لي أمري وابعد عني الضيقة بنات عفية ادعولي الضيقة تروح مني

تخيلوا اليوم رادة من المدرسة نمت على السرير حسيت شي واقف على صدري من الضيقة امبي يارب محد يحوشها

الي حاشني


​

 

[فجر Q8]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

عورتي قلبي منال القلب من كلامج

بس مو شرط اذا كملتي ماستر تكمليين على نفس تخصصج مال البكالريوس

وتصيرين معيده او بمجال تخصصج وهم معيده

انا بصراحه ودي اكمل دام للحين ابي الدراسه لان الشغل خو مضمون شنو بشتغل ووين

بس الدراسه صج مالها عمر معين بس كل ما تكونين صغيره احسن عشان المعلومات ما تطير

 

[توتي فروتـي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

منال شقاعد تقولين اسم الله عليج ):

انا معاج ان الواحد يحن على ايام الدراسة والجامعة ., يعني احنا ماصارلنا جم شهر وولهنا عليها .,!!
بس هذي الحيـــــــــاة الواحد يدرس بعدين يشتغل وبعدها يتعاقد ..

بس الماستر حلو أخذيه ,, بس عقب ما تجتازينه ان شاء الله طلعي من المدرسة واشتغلي بالجامعة معيده ..
ومعاشج بيزيد وايد مو 75 ..

ترى حلو الطموح والدراسة ., روحي الدراسات العليا وشوفي شروطهم وتوكلي على الله ..
ونصيحة من اخت :
مالج شغل بالمحبطين
مالج شغل بالمحبطين

سوي الي تمليه نفسج عليه وسألي الله التوفيق .,

 

[3w!Shni]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

منول

انتي قلتي كل الي في قلبي والله

انا ناطرة شغله تصير

وان ربي يسرها وسهلها علي و سترها

راح اقدم استقاله على طول

لي ذاك الوقت بسوي الي علي وانا ساكته

حتى الحين من يكلموني
اي
حاضر
ان شاء الله

عشان لققمتج تاخذينها خلال هذا اقل شي تسوينه .. \

بس والله كريم

كملي دراستج

دخلي الجامعة مرة ثانية اخذي بكلريوس بشي ثاني ترا عادي يصير

استغفري حبي على كثر ماتقدرين

 

[يا قائم آل محمد]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

إييييييييييييييه يا منال القلب

حطيتي ايدج على الجرح

يا حلات الجامعه و يا حلات ايامها -----------> توها متخرجة و ما صار لها اسبوعين متعينه

تدرين من نمر صوب الجامعه اطالعها
و مرات ودي ادخل فيها

اخر يوم بالعلوم تدرين شسويت
بالغصب طلعت :\ شلون بفارقها
و لما طلعت قمت اطالعها من اولها لي اخرها
و شوي و ابجي كنت
لان احلى ايام دراستي قضيتها فيها

و لما اخر يوم بالتربية
مم هم حسيت شلون بفارقها
بس احساسي كان اخف من العلوم

 

[" ملحً يقوطر "]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

مرحبا بنات تكفون نخيتكم مانخيت رخوم تكفون تكفووووووووووووون تكفوووووووووووووووووون ببجي من كثر ماأسئل وماحد يرد قلت ادخل تجمعكم يمكن احد يفيدني والله لأدعيلها اللي ترد انا عندي مقابله كيمياء وخايفه ماني عارفه شلون الاسئله ولا كيف الطريقه وهل في امتحان تحريري غير الشفهي تكفون ردوا لا تحقروني
ملاحظه/ اللي ماتعرف تسأل مدرسة كيمياء تعرفها مثلا وتقولي الله يوفقكم حدي ارجف من الخوف
تكفون ادعولي اتوفق في المقابله

 

[منال القلب]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

صباح الخير

استغفر الله ربي وأتوبي اليه

فديتكم بنات وحدة وحدة والله يفتحها بويهكم.. ماقصرتوا والله

عاد تدرون لو أقدر أخذ بكالريوس ثاني ما كنت راح اتردد بس الي عرفته انه ما يصير تاخذين بكالريوس ثاني

اما عن الماستر مادري والله مرة اقول اي ومرة لأ ومرة اهون ومرة اتحمس المشكلة تخصصي بنات صعب يعني انا بالنحو زينة

مو نابغة يعني النحو الي ادرسه بالمدرسة اقدر عليه لكن اذا بتشعب بالنحو والبلاغة والصرف احس حيل حسل صعب وعارفة نفسي

ما راح انجح ماكو الا ماستر بتخصص ثاني مثل ما قلتوا بسأل عنه واذا صار راح أقدم بس اكيد ماستر لغة عربية ماراح اخذ

وااي حدي استانست ان في بنات يحسوون نفسي احس هالشي يخفف عني شوي

الله يفتحها على قلوبكم يارب

------

بنات ترا برا غبار قوي والشارع كله لون برتقالي

ما داومت اليوم ودزيت مسج حق رئيسة قسمي واعتذرت لها دوامي بالديرة وبيتنا بمبارك الكبير يعني مستحيلة طلعتي

وابوي وامي زافيني يقولون انتي مينونة تطلعين بهالجو؟ الي يبط الجبد ان التلفزيون لحد الحين ما اعلن ان ماكو دوام!!

ناطرين شنو مثلا؟ نسوي حادث؟ لا والله اقعد بالبيت سلامتي أبرك

عاد اليوم في لقاء اولياء امور مادري شنو بيصير.. وماعتقد الطالبات راح يداومون اليوم كلش....

بنات الي بيطلعون اليوم ديروا بالكم وانتوا تسوقون


​

 

[يا قائم آل محمد]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

عيل خل اقول لج قصتي
كنت اتقلب بالفراش مالي خلق اقوم و اشوف الدريشة من ورا الستارة كأن الدنيا صايرة برتقالية

و اكمل نومتي
و اقوم فجأة على صوت ابوي
الساعه 7 وثلث
يقول ماكو دوام شكله
قلت اروح و اشوف
يقول وقعي و ردي البيت
لبست عالسريع
وصلت 7 ونص و خمس تقريبا
وقعت حضور و مراقبة امتحان
و الا ايمعون البنات بصالة البدنية
و الاهالي ياخذونهم
بقى شوي بنات
جان ناخذ اغراضنا من القسم وقعنا انصراف و طلعنا
ييت البيت عال 8 و خمس

 

[كــلــ أمــل ــي]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

الســـلآم عليــــكم

ياقلبي ياا منـــــــــوول .. والله انج تتكلمــــين عن حـــآآلتـــي

بس الحمدلله اقعــــد استغفــــر واشجـــع نفســـي بس انتي عورتي قلبي يووم قلتي اللي حووولج محبطيـــن

صدقينـــي عطيهم اذن مسدووده لاتسمــعيــن اي شي منهم استمتعي بوظيفــــتج حــآآولي تعيــشين حيــآتج خلآص سبحــآن الله كل فتره بحيــآتنــآ تكوون غيــر خلصنــآآ الدراســة وياحلووهــآ من أيـــآم

واللحيـــن موظفــآت ولله الحمد

تعوذي من ابليس واقعدي استغفري واذا في مجــآآل اتكملين كملــي بس درسي قرارج عدل والله يوفقــج

ولاا يضييق خلقـــج ياحياتي


اييييييييييييييه يابنــآت اليووم غبره شلووونكم مع الجووو اللندني ^^

اناا داومت لانه توني يديده صــآرلي شهر واسبوعين تقريبــآ فخفت اغيب بس ردوونـــآ اجازة رسمية عقب ماداومنــآ استوعبووا ونزلوو قرار الاجازة ماعليه

بس كنت خايفة ع البنــآت كانوو مداومين يقولون ابله عندنــآ اختباار .. خايفين حريصين ماشالله عليهم عندهم قلب يحسوون ياريت كل البناات مثلهم شطاار ..

 

[ملآمح يوسفيه]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

,
منوول طلعتي وياي بحفله

​

 

[ملآمح يوسفيه]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

,
منوووول حبي
والله كلناا نشتاق
بس هذي الدنيااا
والله مو عال قلبنا الي تعليقااات
نفسي بضبط
كله يقولون لي طلعي روحي
مع انا حبيت التدريس والحمدالله مرتاااحه
كل يقول للالحين صامده
انتي شهادتج مو تربيه انحااشي
اشووفكم انتم قاعدين ما اشوفكم طلعتوا شتحبيط ؟!!!

​

 

[ملآمح يوسفيه]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

,
كلي امل

اناا قعدت 6 بفرااشي وحاطه على قناة الكويت
لماا قالوا عطله
ورجعت اناام

​

 

[ملآمح يوسفيه]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

,
ملح
انا سووا لي امتحان مقالي
لما نجحت دخلوني على مقااابله
درسي كتاب من كيمااء الثانوي
راح اييي بصوره عامه

​

 

[يا قائم آل محمد]

رد: ˚◦ஐ˚◦( حـزب معـلـمات التعيــيــن الجــديد [3] ♥ فضفضي واستفيدي )˚◦ஐ˚◦

ربع ال icdl
دوام و الا مو دوام ( امتحان :\ )