×. هالســــــــؤال يحــــــــــرجني !! .×

[Athwaq]

اكره سؤال بحيااااااااتي : للحين ماتخرجتي ؟ متى تخرجين ؟

وين تشتغلين .. جم معاشج ؟

ليش ماتسوقين ؟


واااااااااااي انغث من هالاسئلة وفي غيرهم بعد بس مو على بالي الحين .. اذا ذكرت ارجع اكتبهم

يسلمووووووووو عالموضوع

 

[pure feminine]

اي والله ينكدون علينا يعني انتي مستانسه بالرشاقه بعد تعب
تجي الاخت بكل برود وتقولج انتي اول احلى
............................................................
هم يحرجني سؤال بعض البنات اللي مو شايفيني لهم فتره
لما اكلمهم بالتلفون يسالوني ما صار شي <<<< يعني قصدها ما تزوجتي

والله لو صار شي انا بقولكم بنفسي ماله داعي هالسؤال
صار ما ودي اكلمهم ولا اتطمن عليهم بسبة اسالتهم

امبيه نفس السؤاااااااااااااال اكره لدرجه قمت اتحاشى ادق عليهم والله بسبت هالسؤال طيب ليش الاحراااج يعني لو صار شي انتي اول وحده بتعرف خو الكويت صغييره :eh_s(14):

 

[pretty sarona]

بعد لما تييج الوحده تقولج جم معاشج ؟ تنحرجين يعني و الاوادم خو كله مبققين عيونهم

 

[q8tia27]

ههههههههه ضحكتيني برتي سارونه اتحسين صج احراج وتوهق مو طبيعي واذا المكان متروس ويصير فجاه ضخه لوووول

 

[كريستال ليدي]

شالله حادج على الشغل ... جم معاشج ؟؟!!!!

واااايييي ياني ما اطيق هالجملة !!!!

 

[مميزة خلقة]

السؤال اللي يخلينيودي اقوم وازنطها لمن يقولون لي محد جاج اخطبج يعني ليش هالاحراج جاني ولا ماجاني شكو لاتزوجت الكل بيدري والمشكله تسالج قدام اللي يسوا واللي مايسوا يعني من امه احراااااج

 

[Heaven Light]

اكره سؤال عندي .. ليش ما تسوين ريجيم ؟ انزين انتوا شكووووووووووووووووو قاع اسوي بس دايما فترة وامل .. شايليني على ظهوركم ؟

 

[shai5at al3arab]

آنا لما يسئلوني ليش ما تسووقين ؟ :0bee2e8d89: حددددددددي أتأزززم لأن بس تعبت وأنا أشرح لهم ليييش

وأيام الكلية لما يسئلوني جم معدلج ، واااي شتبون :dddds:

 

[سبائك]

وين بتروحين؟؟

جم معاشج؟؟

ما ودج تييبين بنت!!!!<<<اخاف بكيفي بس!!!

 

[makhroosha]

الاسئله الي تبط جبدي .. وين تدرسين ؟ بجم شريتي السيارة !! خو شريتهاا و بس :S شعرج مسويتلا يوكو او كراتين << ma7eb hal so'aaaaal :S .. ورد عليها لا شعري جذي طبيعي من الله تروح ترد جذابه اكيد امسويه شي بس ما تبين تقولين !!!!! اذبحها ؟ :eh_s(14): قصب مسويتلا كراتين او اطلع جذابه ؟ خوووو جابلي عمرج كل اسبوع دهن و حنه بيتعدل الشعر .. لا مرة وحده اسئلتني ليش ما تزوجتي جان اقول لها مالله كاتب ما يالي النصيب و مافكر الحين (خوو اهيا شكو فيني ).. جان ترد تقولي انتي على شنو تفلسفين و شايفه نفسج شنو ما تبين انا بعرف اصلا انتي شنو فيج زود ؟ّ؟ّ؟ّ كلاتنيييي بقشوريييي :eh_s(14):.. تجرييييح ! اصير انطوائيه ابركلي

 

[كيوي كويتي]

ابيه لمن اضعف ليش ضعفتي بس تدرين جذي احلى بس ويهج ضعف حيل مو حلووو
طبعا اقرهم اقولهم بس اوصل للوزن اللي ابيه انفخ خدودي لوووول
ولمن امتن يقولون ليش متنتي قبل احلى لوووووووووووووووووووووووووووووول
ولمن ولمن ولمن هالناس مو عاجبها الحال

 

[مدام فستقه]

اتضايق لما احد يقول لى ويهج في حبوب شكوووووووووووو واتضايق من الاسئله الشخصيه

 

[زُمرُدة]

يبطون جبدي لما يقولون لي ، ليش ما تزوجتي لما الحين !!!! ع قولة البنات .. بكيفي؟؟لدرجة اني قطعت عن وحدة من البنات من كثر ماصارت كل ما اتصل عليها تسألني هالسؤال ومرة من المرات وهي تكلمني قالت لريلها ماعندك واحد حق رفيجتي طاع الاسلوب بس والمصاخة ،، من عقبها ما قمت اتصل عليها صراحة

واول كانو يغثوني بالضعف والمتن ،، صج ماكو شغل:0bee2e8d89:

ثانكس ع الطرح

 

[yam_yam]

ويي مسكينة الله يرزقج للحين ماتزوجتي ؟؟؟
يحسسوني اني قاعده على الرصيف اطر من الناس خخخخخخخخخخ


و صج للحين مالقيت اجابة تجعمهم خخخخخخ

 

[bskota]

والله مافي سؤال محدد بس ماحب اللي يتدخل بخصوصيات الناس وانا اخررر وحده افكر اتدخل بخصوصياتهموثااانكس عالمووضوع

 

[غيدآء]

انا اكره سؤال عندي....

انتي ليييييييييييييييش على كثر اكلج ما تمتنين شتسويييييييييييين؟؟؟


امبيه صرت اعاف الاكل منهم يمه هذي بنية جسمي شسوي بعد.....


ولمه يقولون لي هاه ما انخطبتي؟؟؟ ترى بنت فلان انخطبت وانا شكو فيها الله يهنيها يعني اذا بنت فلان وعلان انخطبوا لازم انا انخطب@@

خو وراي وظيفه واذا جاء النصيب يحلها الف حلال *_^

 

[سحر الشرق@]

اكره سؤالين
للحين ماتخرجتي متى تخلصين(خاصه عمتي ام زوجي دوم تسأل هالسؤال مع انها تدري متى بتخرج)
والسؤال الثاني
للحين ما حملتي بعد بنتج ليش تسوين منع خلاص كافي احملي
وانتو شكو
واخرتها حملت وفكيت المنع ومن احد اسباب فك المنع اني افتك من هالسؤال مو حامل؟؟

 

[Artya 【ツ】●]

السلام عليكم ورحمة الله وبركاته ..



شلونكم بنات شخباركم .. ان شاء الله الكل بخير .




امم هذا موضوع قريته وعجبني وهو عباره عن ..




سؤال يضايقج ويحرجج ودايم يسألونه لج ..



وبما ان احنا مانعرف بعض بره النت فاتمنى كل وحده تفضفض وتقول السؤال اللي تكررررهه ..

وانا اول وحده ببلش :ggdw:

ـ دايما اللي يشوفني يقول وي غنج ليش ضعفانه وايد قبل احلى .. والمشكله اهي متينه مادري قاصه على نفسنا

وانا جذي عاجبني جسمي بالعكس احلى من قبل .. واقرب الناس لي يقولون احلى :eh_s(6):

..

فوق هذا انا اعطيهم طاف ومااحر نفسي

هذي اسألتي وناطره اسألتكم ...

نفسي بالززززززززززبط :dddds:

 

[el3aNoOoNa]

وااااااااااايد اسئئله

انا ادرس بالمعهد التطبيقي بالدورات الخاصه فا انننننحرج لما احد يسألني انتي وين تدرسين اقولهم بالتطبيقي .. يقولون وين وين بالضبط شنو التخصص .. اقولهم دورات خاصه طبعا واانا منحرجه .. يقولون اي يالله يالله ما عليه انننننننننننننققققهر خاصه اذا كانت يمعه يمعه والكل موجود


ولا لما ادق علي وحده من زززززززززززززززززمان مادري عنها واكون طالعه اتقولي ها وينج مع منو ماحب هالسسسؤال

ولا لما يخلص رصيدي بسرعه يدقون يقولون ها ها وين رصيدج بسم الله مسرع خلص على منو >> انتو شششششكو !!!!

ماتفكرين بالزوواج ؟؟؟؟ ترا الفرصه ماتيي حق الواحد الا مره وحده >>>> ياربي كيفي !!!!!

ولا لما اطلع مع رفيجتي وادق خالتي اقولها انا طالعه مع رفيجتي تقولي (( ابوج يدري ؟؟ )) ننننننننننننننعم خيررر ؟؟!!!!!!!!!!!!!

ولا شنو اصلج !!!!! ااااااااااااااااااانقث اننننننننننننننننننقث من هالسسؤال
مطيريه عتيبيه عنزيه عازميه هاجريه مالج شغل

ولا شمسويه بشعرج ؟؟ اقولهم ولا شيء .. يقولون يالله عاد قولي .. هاه يعني شقوول والله العظيم مو امسويه شيء واله والله !!!!!!!


ههههههههههههههههه ادري قرقت واايد بس سوالف الناس ماتخلص

 

[M!Ss TEEFA]

امبي اناا تنبط جبدي لمن اكلم وحده من زمان موشايفتها يوم ادق عليهاا اول شي تقوله ليش ماتسئلين عني !! خوو يمكن مشغوله عندي امتحانات عندي ظروف .. اذا وايد هامتج ليش انتي ما سألتي !!