رد: [[...×،، ضاع شبابه ،، × ,,, قصه كويتيه حقيقيه على السان >> اخت صاحب القصه ..]]
البارت السابع ........
دق عمر على حسن جان يقوله :-
عمر : هلا والله بوعلي.
حسن : هلا فيك.
عمر : نايم .
حسن : ايه توني قعدت من النوم وجسمي متكسر وفيني صداع .
عمر : خلاص تعال عندي الدوانيه
.
حسن : خل اقوم اصحصح وادق عليك
عمر: اوكي ناطرك
حسن : مع السلامه
وراح حسن بدل وطلع وراح لعمر بالدوانيه وسهر معاه جان حسن يثقوله :-
حسن : عمر ابي منك طلب.
عمر : آمر.
حسن : مايامر عليك عدو.
حسن : ابي من الحبه اللي عطيتني اياها.
عمر: ان شاء الله والطلب رخيص بس هالمره أعطيك اياهم بس مره ثانيه اعطيك رقم الريال اللي تشتري منهم الحبوب لانه انا ماعندي فلوس اشتري .
حسن: أوكي ماشي .
وراح عمر عطى حق حسن الحبوب وخذى الحبه وقعد وسهر كل يوم على هالحال وفي يوم من الايام حسن يبي يتغدى مع
خواته وحطوا سفرة الغدى وقعد مع خواته ولا آية لاحظت تغير على حسن وقالتله "-
آية : حسن شفيك صارلك مده متغيره تصرفاتك قمت تسهر باليل وضعفت وااايد ليش فيك شي ياخوي
حسن : مافيني شي أكلي وخلصي
آية : لاوالله انت مادري شفيك
حسن : قتلج مافيني شي
آية : خلاص عيل
ولاحظت آية ومريم على حسن شي غريب واهو قاعد ياكل الغدا نام على السفرة ويت آية قالتله :-
آية : حسن شفيك
حسن: مافيني شي
آية : شفيك انت نمت علينا
حسن : منو قال انا قاعد
آية: توك نمت
حسن : قتلج قاعد
مريوم: امبلا كنت نايم بالسفرة
حسن :سكتي يالبطه لاتاكليني بس
مريوم : خلاص ياكلمه وردي مكانها
حسن :هههاااااي
وقام حسن من السفرة وراح داره وحط راسه ونام وصار الصبح وراح حسن دوامه ويت روان بيت امها وقالت حق مريم :-
روان : مريومه تعالي نامي عندي اعيالي يبونج .
مريوم : ما أدري اخاف ابوي مايرضى .
روان : مالج شغل روحي يبيلج شويه ملابس وتعالي نامي عندي
مريوم : ان شاء الله
وطلعت مريم مع اختها روان بيتهم ولا توصل بيت اختها وقعدت معاهم لي الساعه 10 بليل ولا يدق عليها ابوها :-
بوحسن : انتي بأي حق تروحين بيت اختج
مريوم: والله يايباه روان قالتلي تعالي وانا قلت حق امي
بووحسن : شوفي انا بعطيج لي ساعه 1 بليل اذا مايتي ياويلج فاهمه
مريوم : أن شاء الله يبه
وقامت مريم تبجي وقالت حق اختها السالفه جان تقولها:-
روان : هذا شفيه أبوي للحين على سوالفه
مريم : والله انا اللحين خايفه اكيد بيطقني
روان : بس مالج شغل نامي وبعدين يطخ ابوي
مريم : بس خايفه ولله
روان : خليها بويهي انا
وصارت الساعه 1 بليل جان يدق ورن تلفون مريم ولا حسن داق عليها :-
حسن : مريومه انتي شمسويه ابوي داق علي يصارخ علي وانا بالدوام يقولي روح ييب اختك اللحين .
مريم : والله انا ماسويت شي بس رحت نمت عند اختي
حسن : تدرين ابوي اطفارته تطلعون من البيت
مريم : والله انا مارحت بيت غريب انا رايحه عند اختي
حسن :زهبي نفسج وربعد ربع ساعه ادق عليج طلعي انزين
مريم : ان شاء الله
ووصل حسن بيت اخته روان ودق على مريم وقالها :-
حسن : يالله نزلي انا تحت
مريم : يالله كاني نازله
ونزلت مريم ولاتشوف حسن حده معصب عليها وكان لابس لبس الدوااااااام
حسن: تدرين ابوي شنو سوى فيني قام يصارخ علي بالدوام يقولي أطلع من الدوام وروح ييب مريم .
مريم : والله كنت متضايقه وابي اروح عندهم وران قالتلي تعالي معاي
جان يلف حسن على مريم ويعطيها بوكس على راسها وقامت تبجيمريم وحسن قام يطالعها وطول الطريج قاعده تبجي وبعدين
حسن طلع زقاره صغيره ملفوفه ويشربها جان يقولها حسن :-
حسن : شفييج اطالعيني يالله مسحي دموعج
مريم : ان شاء الله <
سكت حسن مارد عليها بولا كلمه ومر الجمعيه قالها قعدي بسياره انا نازل :-
وراح حسن الجمعيه وشرى شويه اغراض وياب حق مريم :-
حسن : هاج هذا كرت ايزي 10 دنانير حقج
مريم : ليش تعبت نفسك
حسن : خلاص اخذي وانتي ساكته
وردوا البيت وراحت مريم داارها اهي مريم مع آية بغرفه وحده وراحت حق آية وقالتلها سالفه الزقاير جان تقولها :-
آية : انتي من صجج
مريم : أي والله العظيم
آية : انا كنت اقولج حسن وايد متغير
مريم : ليش قاعد يسوي جذي بنفسه
آية: تدرين بعد ابوي شلون قاسي معاه بس والله انا خايفه على حسن
مريم : انا باجر الصبح بروح اقول حق ابوي السالفه .
آية : احسن عشان يقدر يغير معاملته معاه
مريم : اوكي بس يصير خير باجر
شنو توقعاتكم ؟؟
بوحسن بيسوي لحسن شي
ولا بيخليه جذي .,؟
كل شي راح نعرف بالبارت الثامن .....
وان شاء الله يعجبكم ...
تحياتي : Miss ZoZo ,,
