×× غلــــــــــطآت التجهيــــــــــــز ××

[b7h]

فديتــــــــــــــــكم الله يووفقكم جميع

 

[lovelove]

مثل ما قالولج البنات حبيبتي لا تكثرين عطور و لا لوشنات ولا ميكاب و لا تكودين قمصان نوم، كثري ملابس داخلية و بجايم و ملابس الشقة بس هم بحدود، الاكسسوارات الزايدة مالها داعي اخذيلج اشياء بسيطة و نعومة تمشي مع اكثر من شي و صدقيني السوق بتملين منه و بتدشينه وايد تالي فركزي على المهم الحين و الله يوفق كل العرايس يارب *

 

[عمة الورد]

نصيحة اللي عندها معاش او اعانة تجهز منها بس

وتخلي المهر بس ل(بدلة العرس + الذهب + والمصورة + الصالون + بدلة التحوال .. )

وباقي التناتيف و العطور والبخور و الفواحات و العرابين من اعانتج او معاشج

 

[@ DLOO3TAH@]

أأب

 

[گـحِـلْ |~]

كثرت بمجموعات الجسم

والعطورات بعد حييل خذيت

 

[قطوه بطه]

انا فلست ونص شغلي ماسويته

الغلطه الشنيعه اني ما حطيت لي نوت وامشي واشتري

اي صج واذا دشيتي السوق لا تاخذين مبلغ كبير لانه صدقي او ماتصدقين رايح يطير

 

[زبــــــــدة]

انا امي ماسكتني ولا جان فسفست الحلال هههههههه

كتبت نوته كل الاشياء الضرورية اللي ابيها ..وكل ماخلصت من شي شطبت عليه ...وخشيت حق نفنوفي والصالون والشبكه على ماماتي حبيبتي...

وكل مارحت السوق اخذ وياي 100 او 200 بسسسس ..واشتري الاشياء اللي كاتبتها بالنوت وابيها

يعني ماخذ اي شي ...الحمدالله ماخربطت ولا غلطت ..

وللحين ماخلصت تجهيزي ..

باقيلي العطور والبوكسات حق قمصان النوم والملابس الداخليه ... وبوكسات الخواتم والساعات ... يعني باقيلي شوية اغراض واخلص ...

 

[ற!ŚŚ 7ŎǾř]

اب اب

 

[mrs.abk]

للحين ما بديت .. والعرس باقي له شهرين ونص تقريبا

بس حطيت نوتة وأبرز المشتريات اللي بحتاجها

عندي أطقم نوم حراير حلوين 2 .. وعندي بيجامات يديدة ف أكياسها من لندن وسوريا ودبي حوالي 30 بيجامة فما بشتري أي شيء قطن بركز على الحراير

العطور ما راح أشتري عطور عندي الحمد لله شنطتين عطور متروسات .. وأحس أغلب الهدايا بتكون عطور

العيادات بديت مواعيدي من فترة وما عندي أصلا مشاكل كثيرة بس سوالف نحت الجسم هابة فيها هالايام وبحتاجها أكيد للعرس

الليزر الحمد لله مسوية فووول بدي من أكثر عن سنتين والحين جلساتي مرة كل 6 شهور .. فما أحتاج وهذا توفير حلو لفلوسي في هالفترة


هالاسبوع بشتري الشنط أول خطوة علشان أشوف أغراضي وأرتبهم قدام عيني موب الأدراج والكبتات .. أحس الادراج بتخش عني أغراض وايدة وبظل أشتري لأني أحس إن فيه نواقص

بشوف أهلي هالاسبوع يمكن أنزل الشارجة أتفحص الملابس علشان أفصل لي كمن ثوب راهي وحلو

الله يسهل ويقدر لنا الخير ودعواتكم بنات

 

[أم ملاس]

لاا تكثرون عطور ومجموعات الجسم كللللللللش
بتملون صدقوني!!! اخذوا اصغر حجم من العطور 50 مللي كافي. ومجموعات االجسم لو في صغار اخذوهم احسن من الكبار

اخذوا ملابس داخلية للكرف مثل ستيانات ترايمف رووووعة بس غالين ي 13 تقريبا وفي ب 21 بس صج كراف وفي في bra moda هذول بالجميع نفس ترايمف بس ارخص ب 7.
والاندروير التحتاني اخذوا من ماركس وسبنسر وماكس واميريكان ايقل حيل حلوين.

المكياج لا تكثرون كللللللش، حدكم 3 فاونديشن، واحد خفيف حيل للشقة (بينيفت) وواحد للجامعه او الدوام (ماكس فاكتر او بوب) وواحد للمناسبات وثقيل (كرايولان).

こ

 

[حبيبة قلبي]

اذا راح تسوين استقبال بعد العرس لاااااااا تكثرين قمصا نوم لعدة اسباب :
١- لازم تعرفين ذوق ريلج بالقمصان في رياييل مايحبون الريش والعكس ورياييل مايحبون الدانتيل والعكس ورياييل مايحبون التايقر والعكس ورياييل يحبون الهشك بشك والعكس .

٢- الناس البعيده بتترسج هدايا قمصان نوم لان القراب بيعطونج فلوس وذهب اما البعاد بيكودووووون لج قمصان نوم اذكر الكيس في ٣ قمصان غير العطورات ( والله اني لين حملت ووصلت الشهر الرابع وانا ما اعيد قميص ريلي قال لي ممكن سؤال ؟؟؟ قلت له شنو جان يقول انتي مهرج راح عالقمصان ؟؟؟ كل مره تلبسين يديد !!!!) طبعا هذا غيييير اللي ماعجبوني ووزعتهم هدايا .
ةالسوق موطاير خلج متجدده كل مارحتي تاخذين الاجدد ........... موفقين حبيبات قلبي

 

[سحايب برنس]

قسمي مهرج وكتبي كل شي بورقه وجنبه المبلغ اللي ماراح تتعدينه مثال
ثوب العرس فرضاً 1500 هذا فرضيه يعني المصوره كذا المسكه ووووو الاخره
المهم شنو تبين مع السعر
نفترض تبين شنط تحطين التوتل يعني 200 ما اتعداهم وع اساسه اشتري
مثله النعول حاولي تشترين الالوان الاساسيه مثل اسود بني ابيض في الشوارفسكي او شغلات جذي المهم مو تكودين نفس الالوان
العبي 3 وحده كشخه للاستقبالات لأننا عند الباب ونفصخ العبي ووحده اذا طلعتي للسوق مع زوجج او مطعم ووحده عاديه للمشاوير العاديه
الملافع نفس الشي أخذ شغلات حلوه وحطي ابالج انج ماراح تلبسينهن واجد اول زواجج يعني لاحقه
المكياج أخذي اللي متعوده عليه خرابيط لا الحمر لاتكثرين أخذي احمر وردي بنفسجي بني برتقالي لحمي الاضاءه احسن شي مالت شارمل بالنسبه لي
لاتاخذين القلتر الا واحد بس
امممم ملابس داخليه كثري وانا اختج
قمصان نوم أخذي حراير ترى اهم شي الملمس بجايم حرير أخذي 4 قطنيات 4 وبعدين لاطلعتي معاه اشتري
نصيحتي لكم
لا جيت اطلع للسوق اطلع عشان شئ واحد اخلصه بهاليوم
يعني اليوم اخلص المكياج كله أخذ فلوس المكياج بس واخلصه
العطور كثري منها والمرشات اذا ميزانيتج ماتسمح أخذي 6 عطور زينه وماركه والباقي اخذيهم من محلات رخيصه بس عشان شكل التسريحه يكون متروس
اللوشن حبيبتي أخذي 4 بس 2 كاملين مع العطر و2 لوشن وبخاخ
اذا تذكرت برجع اقولج؛)

 

[ana almessa]

الله يجزاكم خيير ويجعلها في موازين حسناتكم
من صج افادتني تجاربكم كثييير

 

[NWWWA]

يعطيكم الف العافيه

up
up

 

[do0ora]

غلطتي اني شارية عطور شكثر شكثر وكل الحجم الكبير والمشكلة كل مانزل عطر يديد بخاطري اشتريه واتحسف على الي عندي

 

[هواجيس الفجر]

اب

اب

اب

جزااااكم الله خير علي النصاااااايح

 

[NWWWA]

Up
up

 

[ميسم]

مموووووضوع قممممممه

انا للي الحين مابديت
ببالي شغللااااات وواييييد

اللله يسههههل شكلي بتخذ خطواتي من النوت عجبتني الفكرة

موفقين عرايس

 

[نواتل]

موضوع تحفه يبيله مراجعه

 

[بـ بذاليه ـويه]

ماعندي خبرررره ومتاابعتكم