حاليا عطري الفرنسي اللي احبه وداش مزاجي
هو شوبارد هابي سبيرت
ريحته ناعمه وحلوه
وعطر LIVE من جنيفير لوبيز هم حلووو
وصيفي بما انه داشين ع الصيف وريحته انتعاش
عطر لاليك الاسود هم داش مزاجي حيل
حاليا هذول من العطور الفرنسيه اللي عاجبيني
اما بالنسبه للي جربتهم قبل وافكر ارجع اشتريهم ان حصلت لي الفرصه
هو عطر لاكوست لاف اوف بينك
وعطر كوليستار الوردي
اروح وارجع عليهم
ومن العطور اللي ما استغني عنهم واحبهم واحب دايم يكونون موجودين عندي وكل ما اروح عزيمه ن حطيتهم الكل يسال شنو عطرج
اول شي عطر المحبه من الرصاصي خاصه لما اكون مبخره ملابسي وهم معلقين وراش العطر والملابس قاعده تبخر
الكل يسألني شنو عطرج سعره بـ7دك
ومن اجمل في عطرين لازم يكونون عندي
اول عطر رين دروبز
حيل يحبه زوجي خاصه لما استعمل مجموعته معاه في تثبيت العطر
وحلو وسعره رخيص بـ3وربع
والعطر الثاني اسمه ساكريفايس من اجمل سعره بـ6ونص دك ويشبه عطر الين الفرنسي مافي فرق بينهم
والحين هالايام هابه بعطر رومانس من الرصاصي ريحته فرنسيه
وكله ارش منه للصبح احسه انتعاش وريحته تهبل بـ2و700فلس
هذول اكثر عطور احبهم واحب دايم يكونون عندي
