·.¸.•°° ديــــــــوانيه متفاوءله بلحمل. ركن المتفاؤءلات ~الجزء الثاني~ ... ·.¸¸.•°°·.

[حبيبه فايز22]

شلونكم بنات
شخباركم

 

[حبيبه فايز22]

أبوده



اشتقنالج
ويييينج
شدعوه هالغيبه

 

[حبيبه فايز22]

عبره
وحده معانا بالقروب تسلم عليج
وتسأل عنج
وفرحت لج حيل يوم درت انج حامل

 

[shayto0oNa]

صباح الخير حبيباتي

شلونكم شخباركم


روح ابوها معووضه يارب


مشتاقتلكم

سامحوني قطعت شوي حيل النساه متعبتني


فاقدين شكثر بنات الغرور بدبد ابوده جوجو

 

["*آآآنؤؤؤقهـ*"]

ابووووووده

دايم ادخل بروفايلهاا

لهاا شهرييين ماادخلت

عسااه خيييييير

 

["*آآآنؤؤؤقهـ*"]

اشلووونكم


ربي لاتذرني فردا وانت خير الوارثين

 

[حرم_الغلا]

شلونكم



الحمدالله تحليل ما بعد الجماع زين


يمممه سبحان الله شفت الحيوانات المنويه شلون يتحركووون زوجي استانس هههه

واخذت سونار والبويضه حجمها 20

قال الجماع لمدة 3 ايام


والله كريم


دعواتكم بنات

 

["*آآآنؤؤؤقهـ*"]

حرم قلبوووو

ياااربي ياحبيبي يرزقج الذريه الصالحه

حجم البويضه تمام يااااارب خييييير


وتبشريني بحمالج الشهر الجاي

 

[ماتغير شي]

حرم ماشالله حجم البويضه وايد زين ان شالله تحملين الشهر الياي


شيطونه الله يعينج ع النساة كلها جم شهر وتروح تحملي عشان البيبي


حبيبة فايز وانوووقه شخباركم اي والله ابد من زمان عنها فاقدينها عسااها بخير




بالنسبه لي بعد معاناة مع زوجي انه يقتنع انه الشهر الياي اسوي انابيب واخيرآ اقتنع يخليها الشهر الياي وان شالله اسوي تحليل هرمون بثاني الدوره مطوله الدوره على ماتنزل ادعولي بنات انه مايغير رايه نفس الشهر اللي طاف وتكنسل العمليه

 

[حرم_الغلا]

انوقه ان شاءالله ي رب




ماتغير الله يكتب لج الخير

 

["*آآآنؤؤؤقهـ*"]

ماتغير

بخير انتي اشلونج


وان شاااءالله تسهل اموورج وتسوين العمليه دامج مقتنعهرفيهاااا ياعمري


الله يكتب لج اللي فيه خيير

 

[حبيبه فايز22]

حرم موفقه





ماتغيير
ياحياتي بخييير
شخبارج انتي

عسئ الله يرزقج
يرب ويرزقنا اجمعين

 

[عبره]

هلا عبوره

الله يعافيج ويهون عليج

ويتم حملج يااارب


اي والله حييييل طولت غيييييبه

مكانها موجود

آمين ي عمري
أي والله طولت اهم شي تكون بخير

انوقه وعبره امين يارررررب حبيباتي الحمد الله على كل حال

عبره انا مسوية لك فولو في التويتر من زمان
وشفتك بالقلاع مره نفس النك والصورة اتوقع انتي ؟

والله يعينك على المل المعده ويهون عليك حبيبتي

طيب بنات تدخلون بروفايلها بدبد من متى مادخلت ؟عساه خيررر يارب

هههههههه بعد عمري وش اسمك بالتويتر ؟
ترى مادري :eh_s(22):
والاقلاع أي انا ياعمري مشرفة ابنائنا فالخارج :eh_s(22):
فديت اللي متابعتني :eh_s(22):

عبره حبيبتي عسى ربي يثبته




ويرزقنا اجمعييين

عبره
وحده معانا بالقروب تسلم عليج
وتسأل عنج
وفرحت لج حيل يوم درت انج حامل

آميييين ي ررررب ويرزقك ي عمري قريب
مييييين اللي تسلم علي ؟!
فديتكم وربي
ربي يفرحني فيها




حرم الغلا
الحمدلله ي رب ان شاء الله تحملين هالشهر بقدرته سبحانه

 

["*آآآنؤؤؤقهـ*"]

كيف الحااااااال

 

[سيكولوجية]

ربي لاتذرني فردا وانت خير الوارثين

اللهم لا تحرمنا من الامومه وقر أعيننا برؤية اطفالنا

 

[جولينار]

عبورررررررررررررره الف الف مبررررررررررروك :yaaaaaarb:
الحمد الله يارب الله يتمم لك على خيرررر ويثبته يارب
وريحي نفسيتك المكتوب بيصيرررررررررررر


بنات انا عندي قناعه مدام الوحده سقطنت يعني الحمد الله يارب ربي بيرزقها عاجلا ام اجلا

لانها الحمد الله ضمنت الحمل بأذن الله بس اانه ربي ماكتب انه يتم ومردها بتحمل بأذن الله سواء قريب او بعيد


اما اللي ماحملت ولا مرررره سبحان الله هذي اللي مو عارفه هي ربي كاتب لها الحمل ولا لا هي بتخلف ولا لا مو مكتوب لها تنجب هذي اصعب من اللي سقطت فهمتوا علي




جوجو انا مثلللللللك مرا ت افكر انه انا يمكن ما انجب استغفر الله يارب اللهم لا اعتراض ومرات تجيني افكاررر ........... ما ابي اقولها بس هذي وساوس شيطان والحمد الله على كل حال واللهم اختر لنا ماهو خير لنا :eh_s(11):

الله يختار لنا الطيب

جوجو

افا افا بس شهالحجي
استغفري ربج وربج كريم بعباده
انتي سوي الي عليج ادعي استغري تصدقي وخليي الباقي علي الي ماتنام هينه هو الي بيرزقج
ونصيحه مني هيشي يومج وستانسي تري دنيا ماتسوي الواحد يضيق خلقه
خلي ثقتج بربج كبيررره وراح يرزقج قريب وراح اذكرج بكلامج


احساس فديت طلتلج الحلوه
وموشرط الي تسقط راح تحمل والس ماحملت تحمل جذي بيوسوسون البنات
اذا الله طاتب للشي كن فيكون
خلوووها ربكم يابنات وبيروقكم


وربي يغرحنس فيج انتي وجوجو. قريب ياااارب عاجل غير اجل ياكريم

اي والله هذا اللي بسويه بس الواحد لابد يضعف بس نرجع اقوى ان شاء الله

شنو هالسلبيه اللي بالتجمع



جذي ازعل عليكم والله



تعوذي من الشيطان جوجو واستغفري هذا الشيطان قاعد يوسوس لج وكوني واثقه ثقه عمياء ان الله بيرزقج قريب ان شاء الله صدقيني بس تثقين بالله راح يعطيج وترا الدعاء بدون ثقه بانه بيستجاب ماراح يتحقق كل شي بيد رب العالمين يقول له كن فيكون !! ماكو شي اسمه ماراح اخلف شوفي مريم سبحان الله عذراء ومومتزوجه الله رزقها بالحمل ماكو شي مستحييييل ماااااكوووو


حبيبتي جوجو انتي اقوى من هالشعور الخايس وانتي انسانه مؤمنه مصليه مسميه وماشاء الله عليج مثقفه وشخصيتج قويه لاتخلين الشيطان يلعب بنفسيتج والله حاسه باللي قاعد تمرين فيه بس تغلبي علييه


وترا الدنيا ماتوقف عاليهال صج اهم زينة الحياه الدنيا بس مو اساسها !! ودايما حطي ببالج ان محد راضي لا الحامل راضيه ولا اللي مو حامل ولا اللي عندها يهال ولا المتزوجه ولا اللي مو متزوجه


واحنا حالنا احسن من غيرنا اهم شي الصحه والعافيه وصدقيني هذا اختبار من الله اصبري واحتسبي الاجر للحينا بنوتات


عسى الله يرزقكم عاجلا غير اجل ماتدرين يمكن هالشهر دورج ؟؟؟

حبيبتي شوشو كلامك عسل صادقة والله بس تقدرين تقولين ( وعكة نفسية ) وعدت ان شاء الله

حبايبي أنتو ربي يسعدكم ولايحرمني منكم
ماقصرتووووا وربي
والعقبى للجميع ي رب



جولينار
وش ذا ي بنت ..?
أنا بحط لك عذر ان هالكلام من نفسية الدورة بس
له له ماتوقعت هالكلام منك وربي ي جولينار ربك له حكمه بكل شي
وصدقيني بيرزقك بوقت انتي مو متوقعته إبدااااا
الله كريم وأكرم الأكرمين حطي هالشيئ لعقلك ولاتخلين اي شي يهزك
تذكري
ضاقت فلما استحكمت حلقاتها فرجت وكنت أظنها لا تفرج
ما تعسر الا تيسر
وربي ماتوقعت احمل هالفتره صح تابعت التبويض واكلت اشياء تساعد و و
يعني ما خليت روحي ودائماا الحمل برأسي
بس كنت اعيش حياتي طبيعي ولا كان فيه احتمال احمل
ولما عرفت اني حامل لين الحين مو قادره اصدق وربي
كان مقرر لي تلقيح صناعي وجالسه انتظر متى ارجع امريكا اسويه
بس ربك حكمته غيرر
الله يمسح على قلبك وخليك متفائله ومحسنه الظن بالله
ان ما جاك رزق جاك اجر كبير من الله


إحساس
صدقيني مو شرط اللي تحمل وتسقط يعني رح نجيب ضنى
زوجة اخوي حملت وسقطت ثاني شهر زواجها
والحين لها 12 سنه وماعندها ضنى
مو شرط أبدا
خليك متفائله ي عمري والحمدلله اهم شي العافية بهالدنيا
بإذن الله وحده ورى الثانية رح نفرح
خلوا املكم بالله قوووووي

اي والله الدورة اثرت علي مرررة وهدت نفسيتي يالله الله يعطيني خيرها يارب ومشكورة ياعسل ع الكلام الحلو

جولينار حبيبتي خل عندج ثقه بالله وان امره بين الكاف والنون انا مالومج كلنا نمر بنفس حالتج بس شنو بيدينا نسوي غير الثقه بالله والسعي


هذا اختبار من رب العالمين .. وخلج مؤمنه ان بعد الضيق فرج ان شالله لا تقنطي من رحمة الله


طقي كل الابواب جربي الاعشاب و جربي الطب واطفال الانابيب لاتيئسين


ويبقى الامل بالله كبيررررر

صدقتي والله نعتبره اختبار من رب العالمين

ماتغير شي وسيكولوجيه ان شالله بروح لممرخه وبشووف


انا احس الالام قويه برحمي

الله كريم ان شالله


جوجو معوضة يارب

والله يرزقج عاجلا غير اجلااا

جم سنه انتي متزوجه ؟؟؟


حاولي تشغلين نفسج باشيا ء تستانسين فيها


روحي عمره وادعي ان الله يرزقج

ترتاحين نفسيا

الله يسهل امورج ويسهل امورنا ياارب

لي 7 سنوات

الله يكتب لنا كل خير ومشكشورة حبيبتي

السلام عليكم

باجر عندي موعد تبويض , من كم يوم رحت عطتني الدكتورة ابر قالت بويضتج صغيره

ما الوم الأخت جوجو كل وحده فينا تجي لها لحظة تفكر فيها جذيه

الأمر يكون أحياناً ممل لكن برحمه ربّي هو إلي يصبّرنا :eh_s(17):

اي والله لابد نمر بهاللحظات

مساء الخير


جوجو حبيبتي معوضه وافا ما توقعت انج انتي تقولين هالكلام كل بيد ربي الحمال واحب انصحج ليش ما تروحين اتابعين مع دكتوره العلاج عندكم بالمملكه مجانا رفيجتي مسويه تلقيح جربي شوراج اذا ودج تجربين

وابدي بسورة البقره وقيام الليل بركعتين والدعاء والاستغفار والله يرزقج ،،،،

ماتقصرين هنودة الله يسعدك يارب

يااارب يكتب لكم الحمل ويفرح قلوبكم ياااارب... بنات حاولو وقت الدوره تشربون حليب مع عسل طبيعي وكثر ومن العسل الطبيعي يقوي المبايض حتى زوجك خليه ياكل عسل والله فيه شفاء ولا تنسون مذكور بالقرآن .. جولينار يااارب يكتب الحمل لا تيئسين والله شعورج مانلومج عليه بس حاولي تقرين سورة البقره وكل آيه فيها دعاء ادعي وقولى ياارب ارزقني الذريه وامسحي على بطنج وصلى على النبي وكل وقت فيه دعاء دايم ارفعي ايدك وادعي وصلي على النبي وامسحي على بطنج
وقولي ياارب ارزقني ولدا حسن الخلقه والخلق .. وياارب تكتب لكم الحمل .. لا تنسوني من دعاكم

مشكورة حبيبتي ابشري بسوي اللي قلتيه

جووجو

فتره وتعدي خلي املج بالله قووي

وسواس يوسوسلج


تعوذي من الشيطان

اي ولله الحمد عدت ع خير مشكورة حبيبتي

السلام شخباركم بنات


جوجو وينج لج وحشه

فديتك شيوطنه مايوحشك غالي

 

[جولينار]

كيفكم صبايا

طبعا حابة اقولكم ان نفسيتي الحين عال العال ولله الحمد

اعتبرو الكلام اللي كتبته من نفسي الأمارة بالسوء هههههههههه

وتغلبت عليها :rgewrg:


الحين نفسيتي توب الحمد لله وهالشي مكتوب

ومتأكدة راح يرزقني ربي ويرضي خاطري بكل خير :yaaaaaarb:


طبعا انا كنت اشيك عليكم كل شوي بس مااقدر ارد لاني اشوفكم من الفون وبصعوبة ارد ع الكل


ف أجلّت الرد لين ما ادخل من اللاب وارد ع الكل


مشكورين كلكم فديتكم وفديت كلامكم


واعذروني اذا نسيت احد :eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[جولينار]

اللي ينتظرون الدورة ها بشروني ؟؟


انا بعد اسبوع راح اسوي نيو لوك باٍذن الرحمن :eh_s(22):

راح اجرب اللون الأسود نفسي فيه مرررررررررررررررررره:balo:


وراح اسوي تنظيفات واللزي منو


وبوافيكم بالأخبار :eh_s(3):

 

[حرم_الغلا]

هلا وغلا جووجوو


عسى دووم عال العال ي رب



حلوو النيولوك

غيري نفسيتج ترتاح اكثر

 

[حرم_الغلا]

بنات



اذا حجم البويضه 25 يصير حمل


لان زوجي يقول الدكتور قال 25 مو 20

تحطمت حسبي الله ع قووقل
حطوووني يقولون مايصير حمل لانهاا كبييره

جد جد حدددي متضايقه

الله كريم