·.¸.•°° ديــــــــوانيه المتأخرات فى الحمل... ركن التفاؤل المتجدد... ·.¸¸.•°°·.

[&هند&]

شيطونه >>> تقبل الله عمرتج والحمدلله على السلامه

ستايلش >> حبيبتي انتي حامل خلاص بعد انطري 3 ايام اذا حللتي وصار اغمج معناته صج حامل اهم شي اكلي فولك اسيد عشان البيبي ،،،،

 

[ماتغير شي]

ستايلش الــــف مبرووووووگ ياقلبي ان شاء الله حاااامل

شوشآآ لاتضيقين خلقج وتفائلي بالخير الشهرر الياي ونصيحه لاتفكرين بالحمل وايد عيشــي يومج وابذلي الاسبآب وتوكلي ع الله وان شاء الله الله يرزقنآآ

 

[ماتغير شي]

ضحكتي ماركه زيــن ماسويتي غيري جو وقطي كلآم النآآس وراء ظهرج وان شاء الله كلنآ راح نحمل قبل رمضآآآن يارب يارب

 

[ضحكتي ماركة ]

ماتغير شئ>>> حبيبتي امييييين الله يسمع منج

ويرزقنا الحماااال

 

["*آآآنؤؤؤقهـ*"]

شيطوووووونه نورتي

حمدلله ع سلاااامتج


تقبل الله طااعتج ياقلبييي

 

["*آآآنؤؤؤقهـ*"]

ضحكتي احنا هني نواسي بعض ولو حبيبتي

وزين تسوين غيروا الروتيين

 

[سيكولوجية]

ضحكتي ماركه
فديتج ربي يبارك بعمرج ويرزق الجميع يارب


بنات خلكم متفائلين لا تتضايقون
ربكم يقول انا عند حسن ظن عبدي بي
احسنتوا الظن وقولو كلها جم شهر وراح نحمل
تفائلوا بالخير تجدوه

ادري كلنا نمر بلحظه ضعف
خاصه لمن نشوف الناس من حولينا تحرجج بالاسئله وتحسسج انج عقيم
واللي تخش عنج حملها تخاف من عينج
واللي يحسسج انج ميؤوس منج ماراح تحملين

وهذا بصوب والدورة بصوب لمن تلعب فيج وتتأخر وتعيشين بأوهام وانج خلاص حامل

ماعليه بنات صدقوني قاعدين نأجر
وربكم يقول ( و بشر الصابرون )
وكانا كلنا صابرين وندعي ونبذل بالاسباب
ادري تعبنا بس صدقوني ورا كل هالنطره والتعب والاكتئاب
شي يعوضنا وينسينا كل هذا


كاني انا قبل اسبوعين كنت اكلمكم وبجي وفاقده الامل واحس اني ماراح احمل الا
لمن اسوي اطفال انابيب لدرجة فكرت اروح حق الدكتوره واقولها سويلي على طول اطفال انابيب
حسيت اني عقيم
وراح اعيش طول عمري من غير عيال
لان شهر 4 تأخرت دورتي 20 يوم وعشت الدور اني حامل
ويوم حللت نفس اليوم نزلت علي !
شهر 5 خذيت ابره وعشت الدور بحمل ويوم رحت حللت وانطر النتيجه بعد ساعه
جان تنزل علي حتى قبل لا اعرف النتيجه
اكثر من جذي تحطيم شنو ؟

بس كاه ربي عوضني هالشهر صج اني ماحملت للحين
بس بشرني بنتيجة زوجي مع ان تخيلوا خلاص كنا متجهزين للعمليه
وقاعدين نسأل عن المستشفيات
وريلي مبلغ امه خلاص ان بيسوي عمليه وانا بلغت دكتورتي و امي
وبلحظه طلعت تحاليل زوجي سليمه ومايحتاج عمليه
احس ربي عوضني عن شهرين اللي طافوا وفرحني

والحين متفائله حيل حاسه اني كلها جم شهر راح احمل
مع ان والله بنات هالشهر قاطين انا وزوجي عالعلاج 400 وشي
قطينا كل فلوسنا عالعلاج ومفلسين
بس ماعليه ربي بيعوضنا كلنا

خلكم متفائلين ابتسموا
وصدقوني كلكم بيي يوم وتبشرونا بحمالكم وتسولفون عن عيالكم

ابتسموا
وقطوا كل شي ورا ظهوركم
ماعلينا الا بالدعاء واستغفار ونبذل الاسباب
وعلى الله رزقنا


سامحوني عالطواله
بس ابي اونسكم شوي
ويشهد الله اني احبكم كلكم مثل خواتي وادعيلكم كلما دعيت حق نفسي
:eh_s(7):​

 

[Sтγlish]

هند لما أتاكد اكله ولا من الحين؟
ولازم وصفة طبيب ولا عادي؟

 

[فديت من سماني]

سكولوجيه صح كلامك والف مبروك النتيجه عقبال ماتبشرينا بحمالك

بنات عليكم بالدعاء الدعاء يرد القضاء

الواحد يصبر و يحتسب الآجر

يمكن كل تآخيره فيها خيره


و يتوكل على الله سبحانه و تصدقوا ترا الصدقه تدفع البلا سبحان الله

و هم استغفروا و تفائلوا بالخير

ان شاء رمضان نصومه كله و ماتجيكم الدوره جميع الا بعد تسع اشهر بالسلامه و العافيه

و الله يرزقنا الذريه الصالحه السليمه و المعافى

 

["*آآآنؤؤؤقهـ*"]

ياااارب يرزقنا هالشهرر

انا متفاااائله بحمل قرييييب بإذن الله



الله يرزقنا جميييع الحمل عاجلا غير اجلاا

 

[شوشآآ]

ضحكتي ماركه ///// وسيكولوجيه ،،، فديتكممم والله كلامم عسل ويريح القلب،،، الحمدلله رب العالمين علي كل الحال ،،، الله يبشرنا بكل خير ،، ويبعد الضيق والحزن من قلوبنا ،، اللهم لك الحمد والشكر ،،، ربي لاتذرنا فردا وانت خير الوارثين ،، ياااربي انسى وآلهى ومافكررر

 

["*آآآنؤؤؤقهـ*"]

شوشا فديتج بس ...


عسى الله يفرح قلبج قريب بالحمل

 

[شوشآآ]

بنات الي تمرخت شنو حسيتي عقب التمريخ ،،،، مثلا الالام في الحوض او تطرقع لوول ،، او الالام في الظهر ؟؟ بقولكم عني انا تمرخت مرتين ثاني ورابع دوره قالت لي رحمج نازل ومايل يمين وكنت احس بالم في ظهرررررررررررري والم في صوب اليمين من رحمي ،،، الحمدلله راح الالم بس احس بالم في الحوض احس عظامي تتطرقع ؟ عادي عقب التمريخ يكون جذي للعلم انا امس تمرخت ،، شنو هاي

 

[أأأميرة الورد]

سيكولوجيه الله يرزقج ويفرح قلبج انتي والبنات


كل يوم ادخل واتطمن عليكم


واتمنى الخييير لكم

 

["*آآآنؤؤؤقهـ*"]

امييييييرة الورد الله يرزقج باللي تمنيييين

ماتقصرين يالغلااااا

 

[شوشآآ]

حبيبتي انوووقه وياااج ياربي وكل بنات التجمع ،،،

 

[سيكولوجية]

شوشا انا يوم رحت للمرخه
والله حسيت بألم صوب ارحامي والمبايض
حسيتها جنها صج حركت رحمي
بس 3 ايام وقت التمريخ حسيت بالم وبعدها راح

اميره الورد
فديتج عسى ربي يرزقج بكل اللي تتمنينه


ستايلش اتوقع انج حامل حللي دم
وبشرينا والف مبروك مقدما

بدويه
وينها ماطمنتنا عليها​

 

[al_Gala]

بنإاااااات باقي 6 ايام على موعد. الدوره حدي خايفه

الله يرزقني وياكم بالحمل

 

[سمو النفس]

سيكولوجيه

ان شاء الله ربي يرزقج وتبشرينا عن قريب انتي وكل البنات يارب يرزقنا

بغيت اسالج ولا عليج امر اي دكتور زوجج يراجع..؟

 

[سيكولوجية]

الغلا
لا تحاتين يارب حامل

سمو النفس
زوجي يراجع عند دكتور خليل العوضي
خوش دكتور ممتاز راقي ومحترم ومو مادي كلش
حتى دكتورتي يوم قلتلها قالت هالدكتور معروف ممتاز​