.·:*¨`*:·. دوانيه المغتربات .·:*¨`*:·.

[اختكم بالله]

فراوله لو انتي عندي سويت لج

بس ترى انا قهوتي على قدي مره تضبط ومره لا

 

[ضي]

مستخدمين موجودين حالياً يشاهدون الموضوع: 3 (2 أعضاء و1 ضيوف)
ضي, مجنونة حبه

هـلا هـلا بمج مج

 

[ام عبدالوهاب555]

بنوتات الي عندهم القروب بي مسنجر

شلونه؟ صج يربط بالفيس بوك لو لأ؟
وهو حلو عالبلاك بيري ولا عادي لان الواتس اب ماساة على البي بي بس حلو على الاي فون؟
شرحولي الفرق؟
وتجمعتوا بالقروب؟

 

[ام عبدالوهاب555]

اهلين اختكم بالله

انا بعثة زوجي بس ماستر متى ما خلص رادين ان شاءالله

ساعات اقول فكة واريح لي انها قصيرة

وساعات اتحسف ودي استفيد واطول وادرس واولد

يعني مرة ومرة

 

[irresistible]

هلا والله ام عبدالوهاب اي ابوي كان يدرس هني

انا اشتري من wal mart بس الخضرا و الفواكة اشتريهم من whole foods فريش و حلو و طبيعي

هلا ضي منزلة واحد من app store بس مليق

اختكم بالله شلون ولدج اليوم احسن

Australia girl مبروك ماياكم تتربي بعزكم

ام وهابي لي عودة لج مع السوق و الكوبونات

 

[ام كوشه منكووشه]

رد : .·:*¨`*:·. دوانيه المغتربات .·:*¨`*:·.

السلام عليكم

بناات اشلونكم وشخباركم

ام وهاابي حبيبتي انا رديت علي سؤالج اب صفحه 290 او 291 بس يمكن انتي ما شفتي ردي لان كنا مندمجين مع قصه ولادة مج مج حياتي..


اختنا حبيبتي هذا الرابط في معلومات عبير الهوالى
http://www.kuwaitculture.com/Contact us/Profiles/Dr. Abeer Al-Hooli.htm

 

[ام كوشه منكووشه]

رد : .·:*¨`*:·. دوانيه المغتربات .·:*¨`*:·.

السلام عليكم

بناات اشلونكم وشخباركم

ام وهاابي حبيبتي انا رديت علي سؤالج اب صفحه 290 او 291 بس يمكن انتي ما شفتي ردي لان كنا مندمجين مع قصه ولادة مج مج حياتي..


اختنا حبيبتي هذا الرابط في معلومات عبير الهوالى
http://www.kuwaitculture.com/Contact us/Profiles/Dr. Abeer Al-Hooli.htm

 

[الماسه.80]

بنات اشلونكم اواشلون الغربه معاكم وشلون اتنضمون وقتكم ومع اطفالكم فيدوووووووووووني لاني جايه قريب لكم وناقعه بقروبكم ان شاءالله بالله خواتي مانبي طنااااااااااااش:082502bye_prv:

 

[اختكم بالله]

ام وهابي وضيونه وirresistible

شخباركم

انا الحمدلله بخير وولدي للحين مابين عليه شي بعطيه اليوم بعد

ام كوشه هلا والله شلونج فديتج ماقصرتي


الماسه هلا والله حياج بينا باي وقت

 

[اختكم بالله]

مج مج وفراوله وتوفي وينهم مختفين ؟؟؟

 

[Australia girl]

فراولــــــــــــــه - اختـــــــــــــكم بالله - ام كوشــــه _ اريزيسستبـــــــــــــل - ضــــي - ام عبــــــــــــد الوهاب

الله يبارك فيكم يارب ومشكورين ..
وام عبدالوهاب انا باستراليا صارلي 9 شهور ,,وقبلها سنه ونص وهم باجيلي سنه ونص لله يعين وانا مرافق مع ريلي ...

وقصة الولاده الحين احطلها لكم ...

 

[Australia girl]

هذي قصة ولادتي من تجمعنا مواليد سبتمبر ..انا ولدت بتاريخ 17-9 الجمعه الساعه 6.25 المغرب ..وامي واختي الصغيره كانوا عندي عشان الولاده ..مثل مانتوا خابرين اخر اخباري كانت عقب مارحت المستشفى عبالي الماي فتح طلع افراز من الرحم رديت البيت عادي ماكان فيني شي وكنت وقتها مو مفتوحه ولا سانتي ...رديت البيت حدي مكتبئه لاني دشيت العاشر ويومين ..المهم كملت عادي نشاطاتي لين يوم الخميس 16-9 كنت احس بعوار مغص يروح ويرد مو منتظم بس في عوار وهمن عوار بظهري جني مسويه مجهود الاهل كانوا طالعين وانا قعدت بالبيت كنت بسويلهم غدا على مايردون واحاجي رفيجتي تقولي ترى هذا طلق بارد بس انتي ماتدرين وتحملت العوار عادي اكلنا غدانا وريحت عالمغرب قام يزيد العوار قلت خل اروح امشي اليوم يفتحون لين 9 بالليل المجمعات طلعنا وتمشيت شوي بس تعبت كان فيني عوار يشششد وانا ساكته اتحمله لقيت رفيجاتي بالكوفي قلت بقعد وياهم احسن ابي اونس روحي ومافكر بالولاده ورديت البيت 10 ونص ...تسبحت وقعدت اسولف مع زوجي لين 2 بالليل وبعدها قام يصير العوار كل خمس دقايق ويعور حيل مغص انا قلت اخاف مو صج مابي اروح المستشفي قعدت لين اربع الفجر جان اروح اتسدح وامي تقولي شفيج تشوفني اتعور قلتلها عن العوار جان تقول انتي بتولدين قومي المسشتفى الحين قلت لزوجي خل نروح لا اولد بالبيت ورحت هناك والا المفاجاه مفتوحه 4 سم قالوا ولاده على طول ..ركبولي جهاز الطلق ولبسوني لبس المستشفى امي واختي وزوحي كانوا معاي كل ما يزيد العوار اخذ كمام الساعه 10 قالوا بيفحصوني مره ثانيه وطلعت مفتوحه 8 سم قالوا ننطر بعد ..امي واختي ردت البيت لان اختي تعبانه وقلنالهم ريحو اخاف اطول ..المهم لين الساعه 1 قام يصير العوار مو صج بغيت اموت ماكفىاني الكمام ولا الدريب . الساعه 3 العصر بطوا الماي عندي وكنت اشفط حيل من الكمام من كثر ماكنت دايخه سمعت صوت بيبي وعبالي انا ولدت واقول لريلي ولدت يقولي لا بس فتحوا الماي جان ابجي عبالي خلصت ..ولما زاااد حده حده العوار اخذت ابرة الظهر مع اني كنت خايفه منها بس كنت مخدره وابي اي شي يخفف العوار وزوجي ياعمري طول الوقت معاي وعانى وايد للحين متاثر اخذتها ارتحت لين الساعه 6 المغرب جان يفحصوني وقالوا اوكي 10 سم سوي بوش البيبي راسه تحت واسوي اسوي بس مو قادره لاني مخدره وتعبانه سويت سويت وتعبت جان يشفطونها بعد عمري وحطوها على صدري على طول وااااي احساس مو طبيبعي ماتكلمت بس كنت اون نظفوها وعطوها زوجي على طول طلعت المشيمه بخمس دقايق وكانت وايد كبيره ..بعد ين عطوني بنيتي وانا وزوجي نسولف شوي بالغرفه نفسها على ما اريح ويصعدوني الجناح والا اتيي النرس وتشوف صزب ريولي كلها دم ويصب من السرير وتبطل والا المفاجاه بحر من الدم نادت الدكتوره جان تشوف وظغطت على بطني والا يطشر الدم جنه هوز فاتحينه جان تضغط زر الطوارئ وتسامعها تقول نزيف نزيف انا مو مستوعبه شقاعد يصير شوي واربع دكاتره فوق راسي واكسجين وركبولي دريب بايدي الثنيتن ويضغطون ويطشر الدم فقدت 2 ليتر دم وريلي اشوف حاضن البنت ويدور على نفسه اهوه عارف انه انزيف معاناته شي قوي خصوصا بالولاده لانه يدرس طوارئ طب باستراليا انا اشوفه من بعدين بديت ااتعب واهمه يكلموني مابيوني اغيب عن الوعي وضغط ضغط ضغط لين الحمدلله فجوا التجلط الي فيني كانت جلطه بالرحم وربكم ستر والحممدالله الف مره اني صرت زينه وخلو المغذايات علي وكل ربع ساعه يشوفون ظغطي وحرارتي وفحصوا الدم عندي طلع زين الحمدالله كانت تغذيتي زينه مع اني كنت اخذ حبوب الحديد لان فيني انينما حمل بس التزمنت فيهم الله نجاني من الموت الحمدالله يارب ..امي مادرت بالي صار جان طاحت علينا بس عقب ماانتهى الموضوع زوجي دق عليها يقولها اني وولدت واني بخير ....زوجي يقولي انا اشوفج واقول خلاص راحت راحت بس الحمدالله يارب ..ظليت بالمستشفى يومين وطلعت اليوم الممرضات حبوبات حيل ومتفهمين واحس فيهم جنيه مو بس شغل لا يعاملونج معامله راقيه والحمدالله انا صحتي زينه كنت طول الوقت ادعي اقوم بالسلامه باقرب وقت والحمدالله كاني وياكم بخير بس في عوار بظهري من ابرة الظهر والباجي اوكي فيني غرزه وحده اشوه مالعبوا فيني ..وبالنهايه انا بخير وبنتي يارب لك الحمد

 

[اختكم بالله]

هلا والله استراليا شلونج

ناطرين قصة ولادتج

 

[اختكم بالله]

Australia girl

الحمدالله على سلامتج ياقلبي ومبروك البنووته ياربي عسى يحفظكم

والحمدلله والله العظيم اقرا قصتج وعيوني ادمع ياربي لك الحمد

ماتشوفين شر انشالله حبيبتي وديري بالج على نفسج وانتي للحين نفاس اهتمي باكلج ولبسج وتدفي عدل

الله يحفظكم يارب

 

[al_3needa]

رد : .·:*¨`*:·. دوانيه المغتربات .·:*¨`*:·.

بنااات اللي في كليفلاند

متى مواقيت الصلاه تكفون

والله تعبت اصلي على اوقات تقريبيه

ومافي احد اسأله

واللي تعرف اسواق رخيصه تعلمني

 

[اختكم بالله]

العنيده في موقع عندي يطلع مواقيت الصلاه

لحظه بشوفه

 

[اختكم بالله]

العنيده هذا الموقع وحطيت المدينه اللي انتي فيها انتي في ولاية اوهايو مدينه كليفلاند


http://www.guidedways.com/prayertim...te-OH-latitude-41.4995-longitude--81.6959.htm

 

[اختكم بالله]

الموقع هذا عطتني اياه وحده الله يجزاها خير حتى فادني حيل برمضان

 

[al_3needa]

رد : .·:*¨`*:·. دوانيه المغتربات .·:*¨`*:·.

اختي في الله

الله يجزاج عني كل خير وربي يجعله في ميزانج

الله يوسع لج ويرفع قدرج ويسر امورج يارب

 

[al_3needa]

رد : .·:*¨`*:·. دوانيه المغتربات .·:*¨`*:·.

منو معانا في كليفلاند

السكن في رسيرف سكوير؟؟؟؟؟؟؟؟؟

مليت انا واختي نبي نتعرف على احد