.·:*¨`*:·. دوانيه المغتربات .·:*¨`*:·.

[بطه فيها نطه]

هلا بطه ... و الله ما بقى شي على سفرتي
تاريخ 20 راده لايرلندا و ضايق خلقي و الله لاني ما راح اشوف ريلي لي شهر 7
و صج المده وايد طويله الله يعينا

الله يعينك ... وتردين بالسلامه

يالله الايام تركض ...

 

[AnnaLina]

chocolate ماركة lise watier حلوة احس كريماتها خفيفه واخر مرة خذيت منهم anti aging treatment +30 لول وانا بعدي اول العشرين خخخ بس ياربي هالتجاعيد بعدهم ماطلعو و مسبييين لي قلق نفسي ههه

 

[بطه فيها نطه]

استغفرالله الجووو كئييييييب والمنظر برا كئيييييييب والحياة اهني كئيبة @@ مو معقوووووووووله جذي

في احد اهني لول ؟

انا هني بعد ... :weight_lift:

قومي سويلك شي دافي وشربيه ... ودوري اغنيه افيل قود باليوتيوب ... وتصيرين :rerrerek:

 

[بطه فيها نطه]

هااااااااااي بناااااااات


هااااايات


وناسه بطتنا حلوه سالفة مريول المطبخ حقج و حق بنوتج الله يحفظها


الله يسلمك ...


آنا اليوم خفايف سويت شوربة عدس حق هالبرد اللي ذبحنا و سويت معجنات خفيفه جبن كيري و زعتر و سويت صينية دياي مع كرات البطاط بس للأسف كاميرتي مافيها شحن وما صورت إن شاء الله المرات اليايه بس اليوم معجناتي اتينن اطلعت طريقة بتول الكندري أول مره أجربها اتيننننننننن حدها ترفه


عليكم بالعافيه


و بنات خلونا من الأكل ألحين اتعرفون ماركة lise water حق الميك أب منزلين lip stick عجيب بلونين كل طرف لون أخذت واحد بلون الوردي و اللحمي ألحين شكلي بروح آخذ الثاني اللي طرف فضي و برونز لا اااا يطوفكم

في دعايه من جم يوم لاحضتها ... بس مادققت على الماركه

اهي سموكي اي شدو ... اقلام والالوان دخاني وزيتي وبني ... شكله يشوق

احد جرب يشتري منهم ؟؟

 

[AnnaLina]

انا هني بعد ... :weight_lift:

قومي سويلك شي دافي وشربيه ... ودوري اغنيه افيل قود باليوتيوب ... وتصيرين :rerrerek:

قاعده اشرب جاي زنجبيل دافي بس اي دونت فيل قووود ماحب الثلج يقولون الثلج نقاوة وانا اشوفه كااااابه ومخيف وموحش وتكرمين جلب الجيران قاعد ينابح وظلمة جني عايشة اجواء فلم رعب خخخ

 

[DenTisT]

اليوم بررردد لانه ماكو شمس
و فوق كل هذا رحت اخذتلي باسكن روبنز هههههههههههههه
بنات تشوفون البلونات شلون تشوق بالجمعيات حق الفالنتين ؟
لما ادش اصير جني ياهل ودي اخمطهم كلهم و اطلع

 

[DenTisT]

انا لينا ... شوفي فلم و غيري جو
انا طالبه مسلسل آلي مكبيل اذا تذكرينه قديم عن محاميه
اذكر اني شفته بس مو كله
فطلبته كله من امازون و كل يوم اطالع 5 حلقات اضيع وقتي

 

[DenTisT]

مشكوره حبيبتي بطه

بنات كفر قيرل ترى عندهم سوالف حلوه حق الدوام على السريع .. خصوصا اللي دوامه طويل و تكرمون وايد وصاخه " نفسي بالمستشفى"
وايد ينفع كفر قيرل لانه يبي شي خفيف و طبيعي
عجبني ال stain مالهم
شرايكم فيه ؟

 

[AnnaLina]

Dentist الي مكبيل قصته حلوة بس الممثله ماحبها تنرفزني فما شفته وانا على العموم ماحب اتابع مسلسلات لان ما عندي صبر لازم اشوف النهايه والمسلسلات خو يلعبون باعصاب الواحد بالاسبوع حلقه واحدة .. المسلسل الوحيد اللي متابعه ديسبرت هاوس وايفز

ولا مرة جربت شي من كفر غيرل بس اذا تحبين اشياء مثل طقه الستين تكون طبيعيه في شي روعه خفيف وطبيعي وتستخدمينه حق حلجج وخدج مثل صبغة ورد من بينيفت يصلح حق الدوام خصوصا اذا كنتي قاعده الصبح وويهج شاحب واصفر هذا على طول يلونه لون طبيعي

 

[بطه فيها نطه]

قاعده اشرب جاي زنجبيل دافي بس اي دونت فيل قووود ماحب الثلج يقولون الثلج نقاوة وانا اشوفه كااااابه ومخيف وموحش وتكرمين جلب الجيران قاعد ينابح وظلمة جني عايشة اجواء فلم رعب خخخ

انا العكس .. احب البرد

وقاعده اطالع قناة وذر جانل واقول ياريت السنو اللي عندهم عندنا ههههههههههه وريلي يقولي لا بل

بسنا برد ...

 

[بطه فيها نطه]

اليوم بررردد لانه ماكو شمس
و فوق كل هذا رحت اخذتلي باسكن روبنز هههههههههههههه
بنات تشوفون البلونات شلون تشوق بالجمعيات حق الفالنتين ؟
لما ادش اصير جني ياهل ودي اخمطهم كلهم و اطلع

صح اليوم برد وانا من الصبح مشغله الدفايه .. عاد باسكن اهني يحطون البرد بضمير

... تكبر الكوره واااااااااااايد ... مو مثل الكويت

انا غرامي الزرع والورد ... كل مادشيت سيفوي ... اخذت باقه ولا شتله والبالونات بناتي مو مقصرين

عاد اليوم الصبح موظفين المكتب ... واقفين على كل مخارج الفريج ... حلوه الفريج ههههههه

ووزعو جياس عليها معايده بالفلنتاين ... وداخلها موزه وبرتقاله وهرشي و كويكر شوكلت

صج انها بسيطه ... بس حسيت البرتقاله لها معنى عندي ... انهم يوقفون بالبرد

ويعطونا .... عكس عروسنا واستقبالاتنا ... تقطين بالاف

وان اطلعوا منك ... ياريت يوصلون ليه البيت ... لا يم الباب ... كان عادي

ويه افلانه احلى ...

 

[irresistible]

بطة فيها نطة اجرمتي فيني تري بسبة البسبوسة لازم احط لج صورة جهاز السكر سكري وصل 14 اليوم من كليتها بس تهبببببببببببببببببببببببببل تررررررررفة بس يا الله عكيت يوم واحد موش مشكلة

دنتيست شخبارج شنو مسيرة امريكا تزورين ريلج

 

[بطه فيها نطه]

بطة فيها نطة اجرمتي فيني تري بسبة البسبوسة لازم احط لج صورة جهاز السكر سكري وصل 14 اليوم من كليتها بس تهبببببببببببببببببببببببببل تررررررررفة بس يا الله عكيت يوم واحد موش مشكلة


هههههههههه عليك بالعافيه .. خففي الشكر المره اليايه موشرط كوب حطي نص

والشيره كافيه


دنتيست شخبارج شنو مسيرة امريكا تزورين ريلج

تدرين طلعنا انا ودنتيست جيران ... واقدر اشوفها من دريشة بيتي هههههههههههه

 

[DenTisT]

اي و الله مسيره على ريلي و راده بعد 9 ايام انشالله
شفتي شلون الدنيا صغيره و انا بطه طلعنا جيران و بالضبط الشقه جدام الشقه و الفاصل شارع ههههههههه

 

[Filakawyia]

بطوطة . . . صح صح صح كلامج مضبوط . . يلا قوليلي باجر بسوي مجبوس دياي شلوووووون ماعرف شي ابي بالتفصيل الممل . . .

ترا راح أأذيج كل يوم بسوي طبخة من تأليفج . . . يعني بدال ماتفكرين شتسوين حق غداكم لازم تفكرين حق غدانا بعد خخخخخخخخ

بس ابشرج اليوم سويت مجبوس لحم يمي يمي . . . <== مجبوس لحم مو مال يمي يمي الله يهداج

المهم ان عجبنييييييي و اخيرا ضبط . . . اشتغلت عليه جم يوم ورا بعض لما ضبط يا انا يا اهوه و بالاخير . .انا طبعا هههههه

و عقب هالبلع كله قاعده افكر اروح الجيم . . . لان بدوا يطلعون اشياء مالها داعي . . . لازم اسوي كنترول

وناسه دسنتست و بطوطه طلعتوا يران . . . . جان زين تطلعلي ياره . . . حتى الامريكية اللي جبالي ماشوفها الحجية تشتغل بمطعم و كل يوم لابسه مريولها و رايحة

سلامي للجمييييييييييييييييييييييييييييييع

 

[DenTisT]

فيلجاويه انتي وين ؟ اي ولايه ؟

 

[بطه فيها نطه]

ولو اني مستعيله ... بس تكرم عيونك .. يالفيلجاويه



هذا مجسم المشبوس ... اكيد تعرفينه هههههههه





طبعا واضح جدا ان العيش امريكي لووووووووووول ... بس غيرته


اذا مشيتي على الطريقه بكل حذافيرها راح يكون عندك صحن مشبوس انما ايه يهوس



اسهل عليك بتوزيع المقادير :


طريقه تنظيف الدياي :

علشان ماتطلع الديايه فيها زفره ... بعد ماتغسلينها بالماي عدل فركيها بليمونه من كل صوب حيل

بختصار مساج تايلندي ... حتى من داخلها وخليها ترتاح


مقادير فوح الدياي :


1 بصله مقطعه اي حجم كبير ... اونص بصله عادي

1 قص ثوم

1 طماطه اونصها ... مقطعه نصين

ورق غار تقريبا 2 حبه

4 هيل حب


4 مسمار

فلفل اسود حب


1 م ص كركم ناعم

1 م ص هيل ناعم

2 عود دارسين صغار

ملح


الطريقه : المقادير كلها حطيها بجدر فيه ماي + الديايه اللي مسويه ريلاكس

وخليها تطبخ ..لما تستوي ... بس لاتغطين الجدر علشان مايفور الماي

بعد ماتستوي ... تقريبا تاخذ ساعه على حسب حجم الديايه ... شخلي الماي علشان العيش

وحطي الديايه علشان نتبلها وندخلها الفرن



تتبيلة الدياي :


فلفل اسود ناعم + دارسين ناعم + كركم + ملح + باربيكا + بهارات مخلوطه + هيل ناعم

ثوم مدقوق ناعم + زبده او دهن + 3 م كاتشب ..... من كل شي شويه

خلطيهم مع بعض عدل .... ولبسي دسوس وفركيها عدل ... ودخليها الفرن تتحمر

حركيها علشان تتحمر من كل جهه ...



العيش :


تاخذين ربع بصله ناعمه او اقل... وتقلينه بقاعه الجدر ... طبعا تكونين مغسله العيش

ومنقع .... صفيه وحطيه بالجدر وحطيله ملح ... وصبي ماي الدياي عليه

خل يكون فوق العيش بطرف صبعك بس ... لاتزيدين ماي وايد ... وغطي الجدر

خل ينشف .... وقصري عليه بس ينشف

ولما يستوي ... حطي شوية ماي ورد او ماي عادي او دهن + صبغة الزعفران + زعفران

وصبيهم ولاتحركين الجدر الا قبل النجاب علشان يطلع معاك لونين


الحشو :


بصل مفروم + بهاراتك العاديه او نفس بهارات تتبيلة الدياي + الكشمش او النخي اذا عندك

بعد ماتخلصينه حطيه بجدر العيش على جنب علشان العيش يمتص النكهه


ويقدم مع الدأووس الكويتي ... وعليكم بالعافيه وادعوا لنا بالتوفيق

 

[irresistible]

ماشاء الله دنتست يتي من ايرلندا و شفتي بطة بامريكا مو بالكويت صج الدنيا صغيرة يا الله عليكم بالعافية بطة تكفين بسج عاد صور تري انا مو بطينية بس احب اطالع الصور لوووول

 

[De3La^85]

بطه ماشاءلله عليج شكلج شطوره بالمطبخ

انا ودي اسوي مجبوس دياي من ييت اهن الحين صارلي شهر وكل يوم اقول الي عقبه احسه صعب مادري ليش

بعد عطونا طبخات فناتق

انتو ما وراكم gym ماوراكم الا البلعه ههههه

 

[أجمل حور]

الله يوفقكم انا بنتي بالغربة بروحها الله يسهل غربتها وغربة كل غريب ويسخر قلوب الناس حقكم ويهون عليكم ويردكم ديركم سالمين غانمين ويمسح على قلب اهاليكم والله احنا بالكويت ونحاتيكم بعد