.·:*¨`*:·. دوانيه المغتربات .·:*¨`*:·.

[بطه فيها نطه]

شلونكم بنات ؟؟ من زمان عنكم ؟؟
انشالله كل شي اوكي
انا ملانه اهني وااااااااااااي ماكو شي اسويه .. عطله و مللللللللللل

حيالله اهل كورفاليس ... شخبارك

ماعرفتيني عليك ... من متى بكورفاليس ... وشنو تدرسين ...؟؟ ولا مرافق

 

[DenTisT]

شلونج ارريزستبيل ؟؟
و بطه شلونج ؟؟ شتسوين اهني ؟؟ صج ملل و ماكو شي
كل ما ابي اغير جو اروح تي جي ماكس و لا وينكو و لا سيف واي

 

[DenTisT]

بطه .. لا و الله ما ادرس اهني
انا ادرس بايرلندا طب بشري
بس كورفاليس تقريبا عايشه فيها لانه بالسنه ازورها 3 مرات " بالكريسماس و ايستر و صيف"
و اقعد من شهر و نص الى شهرين
و صارلي الحين 4 سنين ايي كورفاليس
طبعا لانه ريلي يدرس اهني فأزوره
و انا ادرس بايرلندا
و انتي مرافق و لا تدرسين ؟؟

 

[بطه فيها نطه]

بطه .. لا و الله ما ادرس اهني
انا ادرس بايرلندا طب بشري
بس كورفاليس تقريبا عايشه فيها لانه بالسنه ازورها 3 مرات " بالكريسماس و ايستر و صيف"
و اقعد من شهر و نص الى شهرين
و صارلي الحين 4 سنين ايي كورفاليس
طبعا لانه ريلي يدرس اهني فأزوره
و انا ادرس بايرلندا
و انتي مرافق و لا تدرسين ؟؟

الله يعينكم الصراحه ... كل واحد بديره

بس يالله راح الكثير ... وان شاء الله ترتاحون بعد الدراسه

انا مرافق مع زوجي ... وناطره بنتي الصغيره تدش السنه اليايه الروضه

علشان ادخل معهد اللغه اللي تابع الجامعه

فرصه الواحد يستفيد ... وبنفس الوقت اضيع وقت

 

[DenTisT]

اي و الله زين تسوين
وين تروحون اهني ؟؟ شتسوون بوقت الفراغ ؟؟
صج المنطقه وايد صغيره

 

[بطه فيها نطه]

اي و الله زين تسوين
وين تروحون اهني ؟؟ شتسوون بوقت الفراغ ؟؟
صج المنطقه وايد صغيره

اهني ماكو شي مثل ماانتي عارفه ... يا السينما او نروح يم النهر نوكل البط هههههههه

او نلعب سله مع البنات ... بس الويك اند نطلع بره كورفاليس

رحت نيو بورت وااااااااااااااايد حلوه واعجبتني ... ورحنا يوجين مرتين

ومره سيلم وبورتلاند ... يعني نكتشف الولايه

 

[DenTisT]

نيو بورت عجبتج ؟؟ و الله انا ما ادري ليش لما رحت ضاق خلقي
نفس حالتي اهني ماكو شي من البيت لي السينما و بس
جربتو مطعم sheris ?? ترى حده اكله لذيذ خصوصا الفيجي برجر و الجوكلت ملك شيك
ودي اليهال راح يستانسون
صار على ال 9th
و الحين توه مبطلين محل حق ال frozen youghret
على monroe
جدام الجامعه ... ودي اروح اجربه باجر


قاعده احن على ريلي يوديني walmart باجر و مو موجود الا اب lebanon
بس ليبانون قريبه مو بعيده وايد

 

[Filakawyia]

بدعتوا بدعتوا بدعتوا

بطوطه ميخالف اخذ دورة طبخ عندج و عند منورة و باجي البنات

لاني الله بالخير بالبطخ توني مبتدئة

اليوم سويت بلاليط

بس طافكم صار هريسة على بلاليط

طعمه مضبوط و البيض فله بس حيل لين مادري ليش

 

[ريشه فنانه]

قوه بنات

بطوطه بطه بطابيطوووو شخبارج يا قلبي تعالي انتي عجبتيني وايد..............(بدينا المصلحه )

اول شيء انا اموت علي التصوير ومن زمان ودي بكاميرا بروفيشنال والي حصلتها حلوه وعجبتني كانون ب500دينار
انا انا استغليتها وايد
السؤال هو هل هناك كميرات بروفشينال بنفس اداء كانون وبسعر اقل ؟...........(اتعبلي علي الفصحي)

الشيء الثاني هم اموت علي الفتوشوب ............. الحين جم موته صارو هههههههههههههه

وانتي ما شاء الله محصله جائزه عليه
السؤال هو هل الصوره يجب ان تكون مصوره بكاميرا بروفيشينال حتي يمكن العمل بها في برنامج الفتو شوب ؟

السؤال الاخير عاد هذا بالعاميه عندج خبره شنو احسن نوع ميني لابتوب وممكن استخدمه للفتوشوب ؟


ومشكووووووووووووووووره هذا اهم شيء اما الطباخ فخليه حق فيلجاوبه مسكينه مبتدأ ومحتاجتلج ​

 

[بطه فيها نطه]

نيو بورت عجبتج ؟؟ و الله انا ما ادري ليش لما رحت ضاق خلقي

اذا تحبين البحر ... بتحبينها

والطريج كان خيال تبارك الرحمن ... وايد حلو

والبنات استانسو على الفقمات والنورس ... واليال يهبل



نفس حالتي اهني ماكو شي من البيت لي السينما و بس
جربتو مطعم sheris ?? ترى حده اكله لذيذ خصوصا الفيجي برجر و الجوكلت ملك شيك
ودي اليهال راح يستانسون
صار على ال 9th

لا والله ماجربته ... بس بعد ماقلتيلي ان شاء الله



و الحين توه مبطلين محل حق ال frozen youghret
على monroe
جدام الجامعه ... ودي اروح اجربه باجر


خوش خبر ... ماعني احوس صوب الجامعه وايد بس مالاحظت .. يبيله


قاعده احن على ريلي يوديني walmart باجر و مو موجود الا اب lebanon
بس ليبانون قريبه مو بعيده وايد

انا رحت له تقريبا مرتين ... وصج المنطقه مو بعيده وايد

اول مااخذنا الشقه ... كنا نشري منه سوالف ...


انتي قاعده اهني ليه متى ... ومتى تبدي دراستك ؟؟؟

 

[بطه فيها نطه]

بدعتوا بدعتوا بدعتوا

بطوطه ميخالف اخذ دورة طبخ عندج و عند منورة و باجي البنات

لاني الله بالخير بالبطخ توني مبتدئة

اليوم سويت بلاليط

بس طافكم صار هريسة على بلاليط

طعمه مضبوط و البيض فله بس حيل لين مادري ليش

افا عليك دورتين ثلاث اربع ههههههههه واحنا ورانا حاجه

البلاليط ...

اخترب لسببين :


الاول انك طبختي البلاليط وايد ... او لما استوت وهذا غلط

والثاني لان الشكر بعد ما يذوب بالحراره راح يتحول سائل وتطبخ البلاليط ازياده وتتحول لمريس بعد

مو هريس ههههههههه

والحل :

تطبخين البلاليط ثلاث ارباع السوى ... وراح تكمل طبخها مع الشكر وبخار الجدر بعدين وماتنهرس

 

[De3La^85]

شخباااركم بناات ؟

منوره انتي اي ولايه احنا بعد اليوم ماكان في دوام علشان العواصف

وهذا احنا قاعدين لا شغله ولا عمله

بنات دوانيتكم مو خوش شي كلها بلعه حرام عليكم اشرايكم نحول على الرياضه ؟

ودي اروح الجيم مع ريلي لول تهقون شنو موقفهم مني وانا متحجبه واركض

 

[بطه فيها نطه]

قوه بنات

بطوطه بطه بطابيطوووو شخبارج يا قلبي تعالي انتي عجبتيني وايد..............(بدينا المصلحه )


تسلم ياجميل ...




اول شيء انا اموت علي التصوير ومن زمان ودي بكاميرا بروفيشنال والي حصلتها حلوه وعجبتني كانون ب500دينار
انا انا استغليتها وايد
السؤال هو هل هناك كميرات بروفشينال بنفس اداء كانون وبسعر اقل ؟...........(اتعبلي علي الفصحي)

اكيد في ... والدليل سعر كامرتي بــ 200 وشوي ... يمكن 270 والله مااذكر

والاسعار تختلف من مكان ليه الثاني ... عندك يوريكا ارخص من الغانم

وفي ناس تشتري من الامزون وهم ارخص ... وساعات تكون في عروض ماتطوف



الشيء الثاني هم اموت علي الفتوشوب ............. الحين جم موته صارو هههههههههههههه


هههههههههه اسم الله عليكي

وانتي ما شاء الله محصله جائزه عليه

ده كان زمان وجبر هههههههههه


السؤال هو هل الصوره يجب ان تكون مصوره بكاميرا بروفيشينال حتي يمكن العمل بها في برنامج الفتو شوب ؟

اكيد لا ... اي صوره .. ممكن تلعبين فيها بالفوتوشوب

السؤال الاخير عاد هذا بالعاميه عندج خبره شنو احسن نوع ميني لابتوب وممكن استخدمه للفتوشوب ؟

لا تقلبين المواجع ... امباق مني 2 لاب توب بمطار نيويورك

واحد مني hp استعمال خفيف + سوني بنفسجي يديد حده ... مالمسته شاريته علشان اكشخ فيه بامريكا

والله ماكتب ... واللي يحر الحراميه تدق علينا ليه الحين ...




ومشكووووووووووووووووره هذا اهم شيء اما الطباخ فخليه حق فيلجاوبه مسكينه مبتدأ ومحتاجتلج ​

راح احط لك صورة كامرتي ومواصفاتها .... وعيبها الوحيد قريباااااااااااااااااا

 

[DenTisT]

هلا بطه ... و الله ما بقى شي على سفرتي
تاريخ 20 راده لايرلندا و ضايق خلقي و الله لاني ما راح اشوف ريلي لي شهر 7
و صج المده وايد طويله الله يعينا

 

[AnnaLina]

استغفرالله الجووو كئييييييب والمنظر برا كئيييييييب والحياة اهني كئيبة @@ مو معقوووووووووله جذي

في احد اهني لول ؟

 

[DenTisT]

انا اهني

 

[AnnaLina]

هلا والله زين في احد كلما ادخل محد موجود

عاد تصدقين جني مرة سالتج شي بخصوص ايرلندا اذكر يوم كنت بقدم سالت واحده تدرس هناك مثل صورتج الشخصية بس ماني ذاكرة نكها !! ا

 

[DenTisT]

والله حبيبتي ما ادري
امري شنو بغيتي تسألين ؟

 

[chocolate fondue]

هااااااااااي بناااااااات

يا عيني شالإبداع ماشاء الله عليكم

منوره آنا بعض أضم صوتي مع irresistable البتر جكن بليز وماشاء الله حتى كبسة الدياي شكلها يشوووق عليكم بالعافيه

وناسه بطتنا حلوه سالفة مريول المطبخ حقج و حق بنوتج الله يحفظها

آنا اليوم خفايف سويت شوربة عدس حق هالبرد اللي ذبحنا و سويت معجنات خفيفه جبن كيري و زعتر و سويت صينية دياي مع كرات البطاط بس للأسف كاميرتي مافيها شحن وما صورت إن شاء الله المرات اليايه بس اليوم معجناتي اتينن اطلعت طريقة بتول الكندري أول مره أجربها اتيننننننننن حدها ترفه

و بنات خلونا من الأكل ألحين اتعرفون ماركة lise water حق الميك أب منزلين lip stick عجيب بلونين كل طرف لون أخذت واحد بلون الوردي و اللحمي ألحين شكلي بروح آخذ الثاني اللي طرف فضي و برونز لا اااا يطوفكم

 

[AnnaLina]

ما يامر عليج عدو، ما بغيت اسال بس قاعده اقول جنج مرة ساعدتيني بشغله يعطيج العافية