.·:*¨`*:·. دوانيه المغتربات .·:*¨`*:·.

[منورة الكويتية]

منورة اورلاندو تهببببببل و الجو حلو بهالوقت و التذاكر اشتريهم من البوابة عادي تري مو فرق بس مرة من المرات بغيت اشتري و لا ومالت التذاكر اللي بالفندق قالت لي تعالي حضري ويانا مثل دعاية يسولفون يحاولون يبيعونج شقة مادري شالية ساعة بس اهيا صج لوعة وراسج يفتر بس اذكر بدال ما ندفع 200 دولار حق تذكرتين دفعنا بس 75 دولار كان في فندق الشيراتون بس اذا معاج يهال في اماكن ماراح تروحين لها لانها ما تنفع بس صج ونااااااااااااااسة احلي من كاليفورنيا مليون مرة

اي قصدج التايم شيرر
والله فرق
وانا حدي ودي اروح كاليفورنيا كنا بنروح المؤتمر بس لان ريلي كان امتحانات كنسلناها ولاا كانت حيل بخاطري
وشنو الاماكن الي ماتنفع مع اليهال؟

انا ودي اروح اورلاندو ماشفتها بس ريلي يقول عطله وماراح تستانسين زحمه يعني كل لعبه بقعد فيها ساعه وبعد معاي بنتي وكاليفورنيا رحتلها جم مره بس بشوف اذا رفيج ريلي مع مرته يبون يسافرون معانا يمكن نروح فلوريدا بس اذا لاء بروح لاس فييغس هم ودي اروح هاواي
العام رحت اتلنتس بجزر البهاماس وناسه

هلا ميرميييد
والله مادري اذا مارحتي الحين متى بتروحين
المشكله اجازاتنا مع اجازااتهم عشان جذي صعبه ماتروحين بموسم
وهاوااي حلم حيياتي

بنات محد فيكم راح كروز
رفيجاتي ثنتين راحو وايقولون رحله العمر

 

[منورة الكويتية]

وينكم اليوم سبات شتوووي!! لووول

اليوم رحت وديت عيالي الطبيب بعدين تغدينا بونديز وناسه ماكو احد غيرنا بالمطعم
وبعدين رحنا وول مارت جيلنا للبيت وردينا

الجو بارررررررررررررد صقيع احس ويهي ثلج

 

[chocolate fondue]

هااااي

والله حد الكآبه من رجع الثلج و البرد القااارص

واااي شوقتوني أهل أمريكا حق التفرفر آنا فريت كندا ألحين ودي أيي أفر عندكم بس خل انحصل لنا إجازه

 

[chocolate fondue]

irresistable أحسن لها مجنونة حبه اتبيع سيارتها آنا والله بعتها قبل لا أيي قلت ألحين بخليها و محد بيستخدمها

وغير هذا على ما أيي موديلها صار قديم أبيعها و أخش فلوسها ولما أرجع اخليه مقدم سياره يديده أكشخ فيها:wqedqw:

ولما أرد ما أحتاج السياره وايد طلعاتي أغلبها مع أهلي و ريلي و إذا كلش كلش أجرتلي سياره فتره و رديتها

 

[irresistible]

بنات انا صار لي حادث اليم اليوم اييي قبل شوي كنت اتمشي بالسوق دخلت محل بيبي منزلين جنطة بيضة علي شكل قلب الحب تضحك مو هني السالفة السالفة اني مسكتها ورديتها وانا افر ويهي و الغبية اللي تشتغل قاعدة تغير اماكن العلاليق الطوالية عرفتوها اللي يعرضون عليها الملابس دشت الحديدة فيني حيل خشمي لي الحين ينزل دم و فوق عيني انجرح بس يعور لي الحين هم ينزل دم لاااااااا تقولون روحي الطبيب ماااااابي

 

[كندية]

زوزو ماتشوفين شر حبيبتي....والله لا تسكتيين شاتكي...شلون اصلا خلتج تطلعيين من المحل ماتصلوو على احد.....رووحي شفيج انتي

 

[chocolate fondue]

وي وي وي اسم الله عليج ياوخيتي ما اتشوفين شر

من صجج روحي الطبيب لا اتقولين مابي مو زين

وبعدين اشفيها هذي ما اتشوف لو آنا منج ما أطلع إلا ماخذه تعويض

بس أهم شي صحتج حبيبتي

 

[irresistible]

لاااااا البقر اللي بالمحل وين وانا وين حضرتها فالحة تفصخ الناس ملابسهم ماااااااحبها راسي يعورني والله حاسة الدنيا تلف فيني

 

[irresistible]

تري من صجي يوم قلت حق ريلي ان في محل بي بي قالي اكيد محد يدري عنج محل ناس فاسقين قتلة الحين شكو الفسق بالموضوع و الله وقفت بالمحل و لا احد درا عني اشو ان البيت خطوتين ولا جان علوم

 

[chocolate fondue]

تعالي ليش فاسقين قتله ؟!!

ومحل بي بي عنده حق يهال توني أدري ؟؟

بس لو آنا منج ما أخليهم والله من صجج رديتي من غير ما اتحاسبينهم ؟

 

[كندية]

ابيه زوزو والله حدج اي شيء شلوون سكتي واللي اكفختج ماشافتج بالله...والله حدج غلطاانه ..حدي احتريييت...
ابيه ريلج نكته جان قلتي له انت وين واحنا وين ههههههههههههههه.....
والله لو انا منج اطلب الماانجر والشريط بعد وامسح فيهم الارض واسوي ريبوورت ..اشرشحهم..بالله لا سمح الله حاشت عينج

 

[منورة الكويتية]

بسم الله عليج ارززستبل خطاج السوء
شهالبقاره فيها شلون ما تطالع
وضحكني ريلج ليش فاسقين لوول

 

[irresistible]

منورة ريلي يقول البنات اللي يشتغلون فاسقات لان كل مايدش يلاقيهم مفاصيخ ما يحب يدشة يعصب يقول هالمحل لما ادشة احس داش بيت دعارة لووووول كيفة كندوش يوم طقيت العمود كانو بس بنية و صبي بالمحل و لاهين مع الناس العمود ماكان موجود اهم قاعدين يحوسون بالمحل يحطون الاشياء اليديدة و مانتبهو علي و حطو العمود لما رديت افر ويهي دش بعيني انا ما فكرت بس ركضت البيت لان خشمي كان يخر دم و فوق عيني بعد بس الحين حطيت علية منقوع مرة و بعدين بن سوالف مصارون بن ولااااااا اروح الطبيب عشان يهولون فيني

 

[chocolate fondue]

هااااااااااي بناااااااات اشلوووونكم؟؟؟؟

واي اليوم طلعت اشوي حاشتني كآبه من البيت و أنا أسوق بالثلج حسيت نفسي أسوق غواااصه

الشوارخ اتخرع و كل اشوي أخاف اغرز ما سوت علي

 

[ريشه فنانه]

سلامات يا الغلا خطاج السوء يا معوده قولي الحمد الله علنه يات علي جذي مو اكثر امبيه انا اقرا كلامج واحس عيوني تعورني

حبي حطي عليه كمادات لا يتورم عليج اما عن هذي الغبيه واااي منها يعني هالكثر المحل كبييير وايد والا انتي صغيروونه ما اتبينيين ؟ غبااء الله لا يردها

 

[Filakawyia]

خطاج السوو

لا لا لاماتشوفين شر اشهالخبر

سلامتج انشالله

لازم تروحين الطبيب مايصير تخلين روحج

تعالوا بسألكم متى السبرنغ بريك و اشكثر مدتها توني ترا ماعرف

 

[o_mermaid_o]

سلامات حبيبتي ماتشوفين شر لو انا مكانج جان اشتكيت عليها

 

[o_mermaid_o]

خطاج السوو

لا لا لاماتشوفين شر اشهالخبر

سلامتج انشالله

لازم تروحين الطبيب مايصير تخلين روحج

تعالوا بسألكم متى السبرنغ بريك و اشكثر مدتها توني ترا ماعرف

مدته تقريبا 10 ايام وهو يمكن من 10مارس مو متأكده من التاريخ

 

[pretty eyes]

السلام عليكم يا بنوتات يا حلوااات ماشاء الله الديوان عاااااااااااااااااامر

زوزو شلونج هة كويتية والا امريكية وبشرينا عن صحتج؟؟؟

كوكو ... شالا خبار ياقميييييييييييييييل لك وحشة يااا امر...

باجي البنات نتشرف بمعرفتكم ياحلوياااااااااااااااااااااات

 

[pretty eyes]

مرميد شلونج وشلون كتكوتج؟؟؟

بنات انا عندي استفسار وحدى متوهقة ... انا بسافر لنيويورك عقب اسبوعين واكتشفت ان جوازي بينتهي باخر يوم من السفرة يعني اخر يوم لي في نيويورك ...تعتقدون بيمشكلوني بالمطار ويمنعوني من السفر بسبة انة جوازي على وشك الانتهاء والا لا ؟؟؟؟