°ˆ~*¤®‰«ô_°ديوانية أمهات ذوي الإحتياجات الخاصة°_ô»‰®¤*~ˆ°

[@شمس الضحى@]

السلام عليكم يا الغاليات شلونكم شخباركم وشلون عييلنا
الله يعلم اني احبكم في الله -الاماني حمد لله على السلامه وتقبل الله طاعتج
مشرفتنا الحبيبه الله يعطيج العافيه
شموستنا انا وعيالي بخير دام امهاتنا بخير
ام عزوز بعد عمري والله صج ولهانين عليج وااااااايد
انا لاهيه بين البيت وبين بنياتي قاعده اخلص لهم حق العيد بذن واحد أحد عشان بالعشر الاواخر ما اطلع من البيت:eh_s(6):
بنات تدرون ان يويو مومن ضمن اللي اجلوا لهم الدراسه ويقولون لازم يداوم لانه بصفت الدمجالله الحافظ يحفظ عييلنا ومة محمد أجمعين

شعوووووله شكلج متضايقه وخايفه على يوسف
اذا خايفه عليه بسم الله عليه لاتودينه خليه ينطر ولاحق على الدراسه

 

[سمسومه الحبوبه]

مشكورين حبيباتي الصابره وشمس
الله لايوريكم مكروه في انفسكم ولا من تحبون يارب

 

[الصابرة المحتسبة]

السلام عليكم
الأماني الحمدلله على كل حال
مشاعل استخيري واذا انتي مو مرتاحة لاتودينه
شمس شلونج يقلبي
مباركية يالغالية بشريني عنج

 

[مشاعل الشمري]

هلا بالغاليين حاولت اليوم ادش المنتدى وما رضى يفتح معاي بس الحين فتح
صج اللي كاتبه الله بيصير بس خواتي انا خايفه من سالفة هالمرض اللي منتشر بس اللهم احفظنا وعيالنا وجميع اهل الكويت والمسلمين
واللي اسمعه من الامهات ان محد راح يخلي عياله يداومون بس شفت التحذير اللي من وزارة التربيه على اللي غايبين كلهم
انا خايفه عن عيالي كلهم
تسلمون على الردود

 

[المستغفرة 74]

بصراحة انا خايفة على ولدي بروحة مسكين توحد وربو ناوية ماخليية يداوم لاني موسوسة علية .

 

[مباركيه]

لكم عندي سلام من فؤادي كما المزون يسقي كل وادي
سلام فاح في الأفاق مسكا يطيبكم بأشواق الفؤاد
سلام لو رأه الناس يزهو أخص به أناسا هم الأقمار من بين العباد
شلونكم وعساكم بخير يا الصابرة ياالغالية انتي انا بخير عساج بخير 00وياشعولة ويا تفاحة الله يحفظ عيالكم وعيال الجميع ويكفيهم من كل شر

 

[مشاعل الشمري]

هلااااااااااااااااااااااااااااااااا وغلاااااااااااااااااااااااااااااااااااااااااااااا
ببركت منتدانا
عساج بخير يالحبيبه وشلون عييلج

 

[@شمس الضحى@]

السلام عليكم ,,
هلاااااااا بمباركيه شلونج شخبارج
الصابره شلونج فديتج بشري عن يسوفي شلونه اليوم عسى التشنجات ولت
شعوله شلونج شلون يويوفديته الله يحرسه ويحرس عيالناا واهل الكويت كلهم من هالمرض الغريب الله يرفع عناا هالبلاء
شلون خواتي كلهم شخباركم
يامن لقى او عزوووزي لهاا وحشه كبييييييييييييييره يافديتهاا هالبنت شمعة المنتدى ولايهونون حبيباتي

 

[مشاعل الشمري]

تسلمييين يالغاليه والله ونفس الشعور بالنسبه لام عزوز ومحد يزعل من المحبه
شلونج وشخبار اسوم الغاليه عساها بخيييير
والصابره حبيبتي الله يطمنا على الغالي
بغيت آخذ رايكم بشغله بس لا تعتبون علي او على ابو يويو
انا من العام كان ودي اودي يويو حق ابلاته القدم بمركز التوحد بس ابونا الله يهداه مو عاجبته الفكره ودايما يقول او يوصلها ان هذي الصفحه اطويها
ما اقدر انسى فضل الله اولا ومن ثم فضل ابلاته عليه بمركز التوحد وودي اوديه ابي كل وحده تقولي رايها وبصراحه انتو خواتي حبيباتي

 

[الصابرة المحتسبة]

هلايتفاحة حياج الله بينا
لاتودينه والله الحافظ

 

[الصابرة المحتسبة]

السلام عليكم
شلونكم؟
يالغاليات الحمدلله وليدي أشوى ألحين الصغيرة حرارة واحتقان باللوز
مشاعل اهم شي موافقة الأبو وصدقيني الزوج نظرته غير عنا احنا يالحريم.
من غير عدد أحبكم في الله.
ام عزووز ياليتني فني كمبيوتر وصلحه لج:ada:

 

[مباركيه]

أنار الله أيامكم بالقرأن ووهبكم الشفاعة ودمتم في حفظ الرحمن
صبحكم الله بالخيرات :blueSmCLR:
هلا بشعولة كلكم بركة المنتدى يالمزيونة00وشلونج ياشمس ياشموسة ويالصابرة يالحبيبة سلميلي على ام عزوزي ولهنة عليها وايد مو شوية

 

[الأماني]

السلام عليكم ورحمه الله وركاته


اشلونكم خواتي الغاليات علي قلبي جميعا عساكم بخير انتوا واعيالكم

اختي الغاليه الصابره اشلونك طمنينا علي صحتج عساها احسن ولدج بعد عساه بخير وراحت التشنجات عنه

اختي الغاليه شمس الضحي بشرينا عنك وعن بنتج عساه بخير يااارب

اختي الغاليه مشاعل عساج بخير ويويو اشلونه مع الصيام عسي ربي يثبته ويقويه يااارب

واختي الغاليه ام عزوز طمنينا عليج مشتاقين لج يالله انا راح اتبرع لج بجهازي علشان نشوفج ونطمن عليج

والغاليه علي قلبي وبركة المنتدانا المباركيه طمنيني علي صحتج عساها بخير

خواتي حبيت اقولكم امس رحت مركز الخرافي وديت اعيالي كانوا امسوين قرقيعان وااايد استانسوا وماشاءالله فقرات

متنوعه وكل شي موفيرن حق اعيالنا عسي ربي يبارك فيهم خووووش مركز كنت اتمني ألتقي فيكم

 

[مشاعل الشمري]

مباركيه الزين والله كله بعيونج وبدعائك يا بركتنا
هلا والله الاماني وعساهم دوم عيالج يفرحون وتسلمين يالغاليه يويو ماشي مع الصيام ولله الحمد والمنه
وانتي الصاجه يالصابره انا ما طلع من شوره وصج الرىايل نظرتهم غير
وين عجميه-ام صالح-توت وتين- سمسومه -وشموستناوالباجي لنا فتره ما ندري عنهم

 

[الأماني]

هلااا وغلااا اختي مشاعل

اللهم آآآ مييييييييييييييييييييين يارب العالمين

 

[المستغفرة 74]

مشكووورة يالمباركية . و الله يحيييج يااختي الصابرة اشكرج.

 

[مشاعل الشمري]

حياج الله بينا اخيتنا تفاحه عاد انا اموت على التفاااااااااااااااااااااااااح خخخخخخخخخخخخ

 

[الرهيييفه]

السلام عليكم حبيباتي

شلونكم كلن باسمه

 

[مباركيه]

هلا فيج يا الرهييفة انتي شلونج واحنا بخيرالله يسلمج

 

[الصابرة المحتسبة]

السلام عليكم
الرهيييفه شلونكم بشريني عنكم؟
سلام وشوووق مرسل لكم من الأخت ام عزووز لكم كلكم وحده وحده.