°ˆ~*¤®‰«ô_°ديوانية أمهات ذوي الإحتياجات الخاصة°_ô»‰®¤*~ˆ°

[الصابرة المحتسبة]

وعليكم السلام
هلا بشمس شلونج وشلون اسووومتنا؟

 

[تم مشاري]

السلام عليكم انا ام لمعاقين عندي كم سؤال ابي استفيد منكم
يعني مو كم سؤال كم سؤال عاد كوووووووووووووووود بس بالوقت الحالي بسال شوي

 

[الصابرة المحتسبة]

هلا بتم مشاري وين هالغيبة؟؟؟

حياج يالغالية سألي

 

[تم مشاري]

والله حبيبتي الصابرة كل يوم ادش بس صايرة متفرجة
شوفي حبيبتي راح اقول لك الي صاير معاي انا عندي بنتين معاقين وحدة 18 سنة والثانية 14 سنة اعاقة حركية بس
طبعا تعلرفين الاعاقة الحركية يكونون حساسين زيادة عن اللزوم
انا عندي الكبيرة وااااايد حساسة
الكبيرة زارعة كلية انا متبرعه لها الثانية الي 14 سنة ام مسامح عادي عندها كل شي لانة من صعوبات التعلم بس مخها طبيعي وعلى قدها يعني عطيتيها وديتها عادي عندها وتموت على الممثلين والفنانين لدرجة لو تقصين عليها تدقين تلفون كانك تكلمين ممثل او فنان تحبة تصدق وعلية (يا كثر ما اسوي فيها هالدقات ) وتكسر خاطري لا صدقت ما يفكها من سوالفنا انا مع اخزاني عليها الا ابوي

هذا تعريف بسيط عن بناتي

 

[تم مشاري]

الحين الكبير دايما تتذمر على حالتها اقول لها لازم تحمدين ربك وتشكرينة تقول ادري بس مااقدر ساعات احس ليش
عاد امس كسرت خاطري اهي مسوين لها توسعة بالمثانة عاد اهي تسوي قسطرة من منطقة السر
صار لها كم يوم ما تاكل عدل قلت لها يمكن من الكلية فبها شي انتي وايد تخربطين هبت فيني
انتي مو معطتني كليتك ليش ما يصير فيك شي
قلت لها انا اروح الحمام طبيعي وانتي فيك كذا شغلة وما تسوين قسطرة وايد قالت
بس بس واهي رايحة ودشت الاصانصير تتحلطم تقول ما بقى شي ماصار فيني شنو هذا

 

[الصابرة المحتسبة]

عسى ربي يخليهم لج ويحفظهم ويشافيهم
واذا تحبين تواصلين مع الخوات على راحتج راح احط الروابط وتبين اهني تسولفين او هناك العين اوسع لج من المكان يقلبي

عــــــــندج اعــــاقه حـــــيااااج الله مـــعااااناااا..... (http://www.q8yat.net/showthread.php?t=403004)

الأستاذ أحمد البرماوي يرد على استفساراتكم (http://www.q8yat.net/showthread.php?t=431987)

كملي سولفي وكلنا لج اذان صاغية

 

[تم مشاري]

والله عادي لازم ابي اكون ملمة بكل شي واذا عندك روابط خليني اطلع عليهم يمكن ينفعوني

 

[الصابرة المحتسبة]

شوفي يقلبي اي استفسار تبينه حطي السؤال وان شاءالله انا والخوات ما راح نقصر امري تدللي يقلبي

 

[الصابرة المحتسبة]

الحين الكبير دايما تتذمر على حالتها اقول لها لازم تحمدين ربك وتشكرينة تقول ادري بس مااقدر ساعات احس ليش
عاد امس كسرت خاطري اهي مسوين لها توسعة بالمثانة عاد اهي تسوي قسطرة من منطقة السر
صار لها كم يوم ما تاكل عدل قلت لها يمكن من الكلية فبها شي انتي وايد تخربطين هبت فيني
انتي مو معطتني كليتك ليش ما يصير فيك شي
قلت لها انا اروح الحمام طبيعي وانتي فيك كذا شغلة وما تسوين قسطرة وايد قالت
بس بس واهي رايحة ودشت الاصانصير تتحلطم تقول ما بقى شي ماصار فيني شنو هذا

يقلبي انزين شرايج تغيرين اسلوبج معاها يعني عامليها طبيعي ولا تحسسينها انها غير عادية وانتي من بعيد لبعيد راقبي وحاولي تعطينها الأوامر بشكل غير مباشر او انج تدورين على اللي يونسها وتسوينه او انج تقعدين معاها بمكان تحبه وبهالوقت تسولفين معاها عن اللي تبين توصلينلها.

 

[تم مشاري]

انزين احد عنده علم عن المدارس الي تاجلت للتربية الخاصة اشلون يبون يعوضونهم بنتي الكبيرة ماتت من البكي لمن درت انه يبيون ياجلون تقول شنو يعني نداوم العطلة وانتو تسافرون على كيفكم
عاد اهي تحب ماليزيا وانا ان شاء الله مفكرة هالسنة اسافر معاهم امريكا بس زوجي قال غسلي ايدك خدم وامريكا لو تموتين مو مستعد انسجن بسبت خدم عاد انا اقول لها انتى قعدي بالعطلة اهنية وانا مع اخوانك نلروح ماليزيا تزيد بكي
عاد مو صج تلطيف جو

 

[الصابرة المحتسبة]

ان شاء راح راح يداومون بعد عطلة الربيع والعطله عادي ماراح اتأخر

بس حراااام تلعبين باعصابها ياحلوها

 

[تم مشاري]

شوفي حبيتي اهي تحب الحيوانات تكرمون ومعروف عن الاعاقة الحركية لازم مثل ما قريت يكون عندهم حيوانات علشان يامرون عليهم ويحسسونهم بشخصيتهم عاد انا شارية لها قطاوة ذكر ونثية ولا تشوفين هواشها معاهم جنهم عيالها الحين كملو سنه عندها توه قطوتها وادله ما بقى احد ما دقت عليه تقول لهم صرت جدة
وكحاحة عيالها بكبتها كل شوي تهاوش امهم وتهاوش اليهال الي اهم القطاوة الصغار
وانا كل اشوف طلباتها بس تعرفين الاعاقة الحركية اعتقد اصعب اعاقة للشخص نفسة
حتى من كثر ما احنا مدلعينها ما تسوي ولا شي بروحها عاد انا قلت لابوها بدخلها مركز تاهيل يعلمونها اشلون تعتمد على نفسها
وودي انه يكون عندنا بالكويت مركز يعلمونهم يعني اشلون افهمها انها ماراح تتزوج ما يصير لانه دايما تقوا واااايد معاقين تزوجو انا اقول لها لا انا اخاف عليك ماادري اشلون اقول لها
مو قلت لك اهي مازمتني مو مثل اختها الثانية اسم الله عليها

والمشكله الثانية صج تجي منا احنا يعني اقول لك اختها اصغر منها 17 سنة طبيعية لا ييت بروح اي مكان ااخذها بحكم انها خفيفة لا قالت لي الكبير انا بروح اقول وييييييييييه يعني لازم ااخذ السيارة الكبير ولازم لازم بعدين تقول خلاص خلاص روحو
لا تقولين سويها واخذيها من زين الديرة ماكو تسهيلات للمعاقين
سامحيني بس صج بفضفض

 

[الصابرة المحتسبة]

زين عندها هواية وتحب القطاوة بس لامنعينها من الطلعات ادري يمكن شوي صعبه عليج وصاجة ياوخيتي التسهيلات عندنا نادرة بالنسبة لهم
بس مبين عليها ذكية ماشاءالله وتحب تبحث وتسأل فلا تخشين عنها شي جاوبي على اسئلتها ولا تخلينها.
بس هم عوديها انها تعتمد على نفسها لمصلحتها وعندج مراكز خاصة على ما اعتقد للتأهيل .

 

[الصابرة المحتسبة]

شرايج تشاركينهم معانا
جميع الأخوات في قسم مائدتك تضامناً مع اليوم العالمي لــ ذوي الإعاقة (http://www.q8yat.net/showthread.php?t=527217)

 

[تم مشاري]

مشكورة حبيبتي الصابرة بس اذا تعرفين مراكز تاهيل قولي لي لاني امس قعدت مع ابوها انه نسفرها بره بمركز تاهيل بروخها عشان تعتمد على نفسها اذبحتنا حتى البس يلبسونها على قولتها شفايدة الخدم
واذا وريتها اي معاق يعتمد على نفسى تقول ليش انا مينونه نفسة الله يعافي الخدم ههههههههههه
شسوي لها عشان جذيه فكرت ادخلها مركز تاهيل اذا في بالكويت دليني عليه

 

[الصابرة المحتسبة]

تفضلي
مستشفيات ومراكز وعيادات طبية منزلية !!!!!!!! (http://www.q8yat.net/showthread.php?t=348551)

 

[مباركيه]

يابعد قلبي يا الصابرة والله انج كفيتي ووفيتي

 

[سمسومه الحبوبه]

مساء الخير حبيباتي
اتمنى ان تكونوا بخير
أختي تم مشاري الله يخليلك بناتك ولا يحرمك الاجر يارب
الله يجزاك خير يالصابره ماقصرتي بعد عمري الله يجعله بميزان حسناتك وتشوفينه أن شاء الله بعافية وليدك يارب

 

[HearT ChocolaTe]

شوفي حبيتي اهي تحب الحيوانات تكرمون ومعروف عن الاعاقة الحركية لازم مثل ما قريت يكون عندهم حيوانات علشان يامرون عليهم ويحسسونهم بشخصيتهم عاد انا شارية لها قطاوة ذكر ونثية ولا تشوفين هواشها معاهم جنهم عيالها الحين كملو سنه عندها توه قطوتها وادله ما بقى احد ما دقت عليه تقول لهم صرت جدة
وكحاحة عيالها بكبتها كل شوي تهاوش امهم وتهاوش اليهال الي اهم القطاوة الصغار
وانا كل اشوف طلباتها بس تعرفين الاعاقة الحركية اعتقد اصعب اعاقة للشخص نفسة
حتى من كثر ما احنا مدلعينها ما تسوي ولا شي بروحها عاد انا قلت لابوها بدخلها مركز تاهيل يعلمونها اشلون تعتمد على نفسها
وودي انه يكون عندنا بالكويت مركز يعلمونهم يعني اشلون افهمها انها ماراح تتزوج ما يصير لانه دايما تقوا واااايد معاقين تزوجو انا اقول لها لا انا اخاف عليك ماادري اشلون اقول لها
مو قلت لك اهي مازمتني مو مثل اختها الثانية اسم الله عليها

والمشكله الثانية صج تجي منا احنا يعني اقول لك اختها اصغر منها 17 سنة طبيعية لا ييت بروح اي مكان ااخذها بحكم انها خفيفة لا قالت لي الكبير انا بروح اقول وييييييييييه يعني لازم ااخذ السيارة الكبير ولازم لازم بعدين تقول خلاص خلاص روحو
لا تقولين سويها واخذيها من زين الديرة ماكو تسهيلات للمعاقين
سامحيني بس صج بفضفض

حياج الله فديتج .. وياهلا ومرحبا فيج بينا .. عسى الله يقر عينج بشفاهم يا تم مشاري
بنتج عمرها 18 سنه وهذا شي طبيعي انها تفكر بالزواج .. وهم شي طبيعي انها تبي تطلع حالها حال البنات خواتها
ومو ذنبها انها تكون مقعده ..هذا أمر الله عليها وعليج .. حبيبتي يا تم مشاري إذا أنتي تبينها تقعد بالبيت راح تتغير
للأسوأ !! لأن الحياة بره تغير من نفسيتهم للأحسن خليها تروح الحديقه على الأقل !! الجمعيه ... اي مكان
وبشكل يومي بعد .. ترى حنا نمل شلون هم فديتهم ..!!

في مركز الخرافي .. وأنصحج فيه واايد أتصلي عليهم وشوفيهم والقي نظرة مع بنتج عليه بموافقتها سجليها هذا هو اللنك
أتمنى ما تآخذين على خاطرج من كلامي
وصدقيني حنا الأسرة سبب التأزيم الأول والداعم الأول ... وأنتي إختاري الأفضل لها

http://www.q8yat.net/showthread.php?t=395491

 

[HearT ChocolaTe]

الأماني .. سافرت اليوم الى الحج وتبلغكم سلامها .. عسى الله يتقبل منا ومنكم صالح الأعمال

:yaaaaaarb: