][®][^][®][اشتكى اللي بين ضلوعي][®][^][®][

[ضوى العيون]

خلود صارت ساكته ما تدري هي تكمل وناسه وفله معاهم..والا تعارض لان هالشئ ما يرضي اهلها.. بس صعبه انكد عليهم خرجتهم واقعد ساكته ولا اتكلم تذبحني ليلى لانها ميته على هالخرجه وتبيها...
دخلوا المطعم وراحوا لطاولة بزاوية بعيده شوي عن الناس ودخلت خلود وليلى..وسلمان ما جاهم..
خلود:والله انك سخيفه...
ليلى:اقول لاتخربين الجو اللي انا فيه من جد مستااااااااانسه على الاخر...
خلود:بس والله استحي وانتي تعرفين هالشئ......
ليلى:اقووووول وش رايك بلبس سلمان...
خلود احمرت خدوده وقالت:صراحه كوووووووول...كله على بعضه يجنن...
سلمان:منهو؟؟؟
خلود حطت يدها على قلبها لا تعلمه ليلى....
ليلى:واحد من الناس لازم تعرفه.......
سلمان:ايه دام خلود قالت لازم اعرف......
خلود تبي تموت وش فيهم ما يحسون بي الظاهر نسوا اني موجوده......
ليلى:يوه صح نسيت انك تغار عليها وانك ما تبي احد احلى منك......بس منب قايله...
سلمان:ما عليّ منك..شوفوا هذا هي القائمة وش تبون......
ليلى:مشتهية سلطة فرنسيه وتبوله وسلطة المايونييز...
سلمان:تبين تعشينا سلطات....
ليلى:يا ابن الحلال الموضه سلطات...
سلمان:حتى بالاكل فيها موضات......(وناظر خلود اللي منزله راسها) وش تبين خلود؟؟
خلود حست برجفه بداخلها يوم نطق اسمها صارت خايفه منه وتحس انها مرتبكه وما تعرف وش تقول...:أي شئ...
سلمان:على ذوقي...
ليلى:تدري يا سلمان جيب سلطة فرنسية لاني مشتهيتها مره والباقي على ذوقك....
سلمان:اوكي وانتي خلود...
خلود:عادي أي شئ معاكم...
ليلى:وشو معاكم بنركب لعبه تراه اكل وانتي الخسرانه...
خلود حست بقهر من ليلى ليش تغيرت المعامله معاها وصايره ما اهمها ولا تحس بالاحراج اللي انا فيه....
سلمان:ها خلود وش قلتي؟؟
خلود حطت عينها بعين سلمان لاول مره:على ذوقك...
سلمان مات من الوناسه معقوله خلود تقول كذا..تحط عينها بعيني وتكلمني...آآآآآخ ذبحتني عينك يا خلود..وذبحتيني انتي بكبرك...
ليلى:سلمان عيب روعت البنت من عينك.....
سلمان حس باحراج خلود لانه ما شال عينه منها وراح عنهم شوي...
ليلى:ياربي متى اشوفكم عرسان ويروح هالخجل اللي طايحه فيه....
خلود:والله مالك داعي...ترى والله اني منحرجه على الاخر...
ليلى:يالله بس والله اني عارفه انك مستانسه على الاخر وبعدين هذي القعده ما راح تنسينها لو ايش احد يحصل له لقاء مع حبيب القلب ويقول لا....
خلود:بس
سلمان:بس ايش يا خلود؟؟؟
خلود حست انها بتموت من الخوف..ياربي انا وش خلاني اطيعهم واخرج معاهم والله لو درى ابوي عني او خالد او منصور او امي والا عهود ما راح يسامحوني وبتتغير نظرتهم عني....
سلمان:وش فيك ساكته لايكون تفكرين باحد غيري؟؟
خلود تناظر بليلى تبيها تهرج بس ما في أي امل....
ليلى قاعده جمب سلمان وخلود مقابل ليلى وعيونها على الارض....
سلمان:ها خلود!!...سلمان ينتظر هالقعده بشغف وكم مره حاولوا هو وليلى بس ما فيه أي امل ولما تحققت تمنى يسولف معها...يقولها احبك يبيها ترد له صدى هالكلمه ونسى كل عادات خواله...
خلود وقفت:ابرجع البيت....
سلمان مسك يدها وقعدها......
خلود حست بروحها انها ميته وانه حلم مهوب علم...وصلت انه يمسك يدي..لا والله ما اتحمل...
ليلى:معليش خلود بس تكفين بس ناكل اللي طلبناه......
سلمان:آسف والله..خلود ما اقصد اللي سويته وسامحيني بس انا ما صدقت اننا نكون بمكان واحد ونخرج مع بعض وتكون احلى خرجه لكم انتو الاثنيين....
خلود ما زالت يدها ترجف اول مره يمسكها احد غريب..هي اخوانها ما تخليهم يمسكونها شلون واحد غريب عنها ولا بعد يكون سلمان.......
سلمان:خلود اذا زعلانه نرجع البيت وآسف على كل اللي صار ولو اني اشوف ما سويت شئ غلط بس لاجل عين تكرم مدينه.,......
ليلى:خلوووووود حبيبة قلبي لا تصيريين معقده وبعدين كلها كم يوم وان شاء تخرجون الحالكم...
خلود:......................
سلمان:خلود زعلانه....
خلود مهي قادره ترفع عينها منحرجه مره اول مره تخرج بنقاب من دون غطا فوقه وتخرج مع واحد وتناظر بجراءة..وما زال كلام ليلى يردد باذنها ويبرر لها موقفها(كلها كم يوم وتخرجون مع بعض)
سلمان:اجل يالله نقوم.....
خلود بسرعه:لا....
سلمان:نعم وش قلتي؟؟؟
خلود:نكمل العشا ونخرج..........
ليلى:يا هوووو على بنت الخاله....
سلمان:يالله جت الطلبيه.....
ابتدوا بالاكل وفصخت نقابها ليلى وتمنت لو خلود تسويها بس مستحيل تسويها الا هالشئ.. صعبه حتى لو فيه حب بيننا حتى لو نعز بعض والاهل كلهم داريين..ما زلنا غراب عن بعض وهالشئ حرام.....
سلمان:ها خلود ما زلتي زعلانه مني...
خلود تموت بسلمان وتعشقه لدرجة الجنون كلامه اللي بالرسايل وكلامه اللي توصله ليلى يجنن وهي تعلقت به لدرجة الجنون...بس ان فيه احتكاك بينهم هذا اللي ما حسبت له ولا حساب لانها متعوده مع عمانها اذا دخلوا العيال بس كلمتيين ويخرجون ما توصل للميانه.....
سلمان:لا يعني لسه زعلانه.....
خلود اتجرأت بهالطلعه وصارت تقدر تناظر سلمان ناظرته وقالت:ابد ما في أي شئ صار ومشكور على الاكل الحلو.....
سلمان حس انه بيطير من الفرحه واخيرا نطقت خلود..اخيرا حبيبته تكلمت...
سلمان:الله لا يجيب الزعل بيننا ومد ايده لها ومسح عليها....
خلود لا شعوريا سحبت يدها وبعدين رجعتها ومسك عليها سلمان وقالها:احبك يا خلود...
خلود:وانا بعد.....
خلود اتجرأت يوم طلعت ويوم لبست نقاب ويوم طاوعتهم بهالشئ لدرجة انها نست الحرام وليلى وسلمان عشان سلمان يبيها وناوي يخطبها اجازوا لنفسهم كل شئ ونسوا ان سلمان ما زال اجنبي عن خلود.....
ليلى:اطلع برى واتركم على راحتكم....
خلود بسرعه:لا وشو؟؟
سلمان ترك يدها وقال:تضايقتي مني....
خلود:لا بس وشو تتركنا الحالنا....
سلمان:ما فيها شئ كلها بس الاختبارات وانا عند بيتكم.......
خلود:صحيح.....
سلمان:أي صحيحين...
خلود:بس ما زلنا غريبيين عن بعض.......
سلمان:نطلب آيسكريم......
خلود استوعبت الي صار لها..ياربي وش سويت..انا خلود العاقله اللي تخاف ربها اسوي هالشئ حتى ولو بيخطبوني...صحيح هي مستانسه وغرقت في حبه زياده بس ضميرها يأنبها غصبا عنها..
خلود:نرجع البيت احسن
ليلى:خلوووووووووود
خلود:ليلى ترانا مصخناها يالله سلمان خلنا نرجع قبل لا احد يجي البيت يبينا او شئ وانا برى..
سلمان حس بمقدار الخوف اللي فيه خلود وحس انه لو طولها يمكن تكرهه بالعكس مو تتعلق فيه..
سلمان:يالله....

 

[ضوى العيون]

ورجعوا البيت....خلود حاولت تستوعب اللي صار لها وشلون جرائتها كرهت نفسها عشان وناستها وحبها تسوي اشياء متهوره وحرام وقررت انها ترجع بيت عمها على طول....
ليلى:بلا سخافه انا ما صدقت انك تجين بعدين وش بيقول ابوك والله يظن مننا...
خلود:مننا منكم انا اقوله حسيت اني بعيده عن امي وما قدرت خلاص بارجع البيت ودقت على خالد........
ليلى:يعني مو زعلانه من هالخرجه....
خلود وهي تلم اغراضها وكتبها:عشان اكون معاكي صريحه هذا العشا لايمكن انساه بحياتي كلها بس تراي سويت شئ حرام وانا ندمانه.......
ليلى حست بالانتصار عشانها تاكدت من حب خلود:اهم شئ عندي انك حبيتي سلمان...
خلود:طيب انا من اول احبه وش الفرق......
ليلى:لا يا عمري غير يوم يصير بينكم كلام...واذا صار بس هدايا ورسايل.....
خلود:ما ادري بس انا لازم ارجع البيت.......
ورجعت خلود البيت واول ما دخلت اتفاجأت باللي حاصل بالبيت واهل البيت كلهم متفاجئين من اللي يصير............
*******************

((الجزء الثالث عشر))

فتحت باب الصاله وقفت عنده لا دخلت ولا خرجت برى...ام خالد تصيح وام فيصل تمسكها وتمتم عليها بكلمات... عهود اللي كنت اظن انها قوية وما تهمها المشاعر اشوفها قدامي منهاره من الصياح بس ابوي مبتسم وخالد مبتسم...من ذا...
منصــــــــــــور في غيره....
تمنيت لو ادفن راسي داخل صدره من الشوق...ويـــــــــــــنــــــــــــــــــك منصور؟؟؟
منصور وينك عني..اشتقت لك واشتقت لسوالفك...ويـــــــــــــــنـــــــــــــــــــك؟؟ ؟؟ مو معقوله برااااااااااااااااءه وقدامنا مافيه الا العافيه......هاللحين التم شملنا... اللحين احس اني مرتاحه... عجزت افسر الضيق اللي انا فيه واللحين عرفت ان شخص واحد هو اللي غير حياتنا... فرد منا وعضو فقدناه وحسينا بالضيق والكتمه...واللحيــــــــــــــــــــــن....اللحين اقدر افرح واستانس...
ويــــــــــنـــــك ابي اشكي لك همي؟؟احس ان همومي ضايعه تدور قلبك الحنون؟؟
خلود تموت بمنصور وتقدر تشكي له عن أي شئ واكبر همها كان عهود ومعاملتها لها وما اتعدلت العلاقه اللي بينهم الا بعد ما انمسك منصــــــور..تبيه وتبي تقوله عن عهود شلون تغيرت معاها... عن كل شئ بالبيت...
انا ما استحقه ولا استحق لضمه لو بيضمني...لو يدري عني كان ما مسح على راسي ولا قال هذي خوختي
سلمت عليه وجه وتمنت لو ترتمي بحضنه من الشوق.....
منصور:وش فيك؟؟ما وحشتك...
خلود وهي تصيح:شلون ما(وتحاول تكتم صيحتها) شلون ما وحشتنا...والله لك فقده مهيب صاحيه...
منصور:وش فيكم كلكم اليوم مشغليين الماء...خلوه اذا مت..
ام خالد:بسم الله عليك وش فيك قمت تتفاول على نفسك....
منصور:يمه عشاني لا تصيحين...
ام خالد زادت صياح...وراح منصور لامه وحبها على راسها وايدها وام خالد تزيد صياح....
ابو خالد:تعبتوا الولد اقعدوا بدال هالوقفه...
ام خالد:أي والله يا منصور اكيد تعبان...
وتمسكه مع يده وتروح به للصاله الداخلية وتقعده....
ام خالد بحناااااان:انت بخير؟؟؟؟
منصور:هذا انا مابي الا العافيه....
ام خالد:اكيد ما في شئ يعورك؟؟والرصاص(وقامت تصيح) يمه يقولون ان جاك رصاص..
منصور:يمه والله لو اني مو بخير كان ما طلعوني....
عهود كل ما تناظر منصور تزييييييييييد صياح...ياربي منصور اثر لك غلا فوق الحدود.... وجت خلود عند عهود وصاروا يصيحون........
وخلود اللي تحس بروحها انها تحلم وماهي بعلم....آآآه يا منصور يمكن لو كان فيه كان ما خرجت مع سلمان بس هو بيخطبني وبيروح اللي انا خايفه منه.....
خالد:اللحين امي ولها حق بس انتو وش فيكم؟؟؟؟
عهود وخلود يزيدون صيااااااااااااااااااح....
منصور الغالي...منصور اكثر واحد ماخذين عليه وما توقعوا انه يخرج بهالسرعه وتوقعوا انه يطووول ولا يخرج بسرعه...وخالد حب يسوي لهم مفاجأة شفاء منصور وبرائته...
ابو خالد:عاد الذبيحه وجبت..
منصور بضحك:الله يقويكم...يالله اذبحوا......
خالد:لالالالا يا حبيبي الذبايح عليك.........
منصور:اللحين العشا عشاني وانا اللي اذبح.....
خالد:ول عليك يا قحطه(بخيل) خلاص احنا نذبح لك كم عندنا منصور...واحد وراعي سوابق..
ابو خالد:ههههههههههههههههههه.... خالد اترك الولد بحاله لا اللحين امك اللي بتقوم عليك...
خالد:لا عاد الا الوالده..........
منصور:ها يمه اخبارك؟؟واخبار البنات؟؟؟؟؟
ام خالد:حنا بخير دامك انت بخير......يا ولدي ليش ذي اللصقه على وجهك
ابو خالد+خالد:هههههههههههههههههههههه
منصور:يمه صارت لي عمليه...والحمدلله قدامك ما بي الا العافيه.....
خالد:يمه اضربيه على اللصقه وشوفيه توجعه والا لا......
منصور:هيّن يا خالد....
ام خالد:بسم الله عليه ......
خالد:ابسسسط يا عم..اللحين عندك مية محامي ومن جميع الجنسيات....
منصور:لا تعطيني عين..اخبر عينك ما يسلم منها الواحد.....
خالد:طييييييب ترى باعديها لك عشان هالوجه الطيب(ويأشر على امه)
منصور:غصبا عنك...
ابو خالد:لا باقي بالنعول عشان تكمل الهوشه...
الكل:ههههههههههههههههههههه
منصور:اخاف يجي النعال باحد منكم......
ابو خالد:لا صدق تحتسي..قابل امك بس
خالد:يضحك على منصور بطنازه
ابو خالد:وانت تعال ابيك بالملحق.....
منصور رد له نفس الحركه......
وراح خالد وابوه للملحق..........................................
عهود:الحمدلله على سلامتك....
منصور:ولو انها جت متأخره بس الله يسلمك...........
خلود:تو البيت نور...........
منصور:لالالالالالا ترى بادخل هواش مع عمي البيت منور باصحابه............
ام خالد:هم وش قالوا لك اخاف يجون مره ثانيه ويمسكونك.........
منصور:يا عمري يا يمه هم اصلا ما مسكوني...هالمخدرات رموا علي رصاص والشرطه ودتني للمستشفى وثبتوا اني مو منهم وخلاص خرجت........
ام خالد:الله يلعنهم ما شفنا منهم الا البلاوي.....
منصور:لا تلعنينهم يمه...ادعي لهم بالهداية...........
عهود جت بتكمل دعا عليهم بس سكتت وخلود ساكته مهيب مصدقه اللي قدامها هو علم والا حلم...
ام خالد:طيب الرصاص وينها؟؟؟
منصور يبتسم ويعرف انها امه من خوفها ولا يمكن تتطمن من سؤال واحد:جت بساقي وطلعوها..
ام خالد:طيب ليش هالخياط اللي براسك.......
منصور:لانهم ضربوني بالسلاح مدري حديده من هنا(وياشر لامه مكان اللصقه)...
ام خالد:وعساك طبت منها
منصور:أي يمه الحمدلله بس لصقه حاطينها زينه..واذا تبيني اشيلها ترى اشيلها...
ام خالد بسرعه:لالالا يمه وشو تشيلها...اكيد حاطينها عشانها توجعك......
وقعدت ام خالد مع منصور تسولف عليه ويسولف عليها وكل شوي تسأله عن حالته لانها خايفه عليه مره ولانها شافته وهو مغمى عليه وما تحملت تشوفه بهالوضع... وما ارتاحت من سؤال واحد عشان يطمنها.........
خلود وعهود تركوا الصياح وصاروا يشاركون منصور بالسوالف ولو ان الطابع الحزين هو غالب الجلسه......

 

[ضوى العيون]

>>فوق بغرفة جوري...حالتها حاله واوضاعها منقلبه فوق تحت من عرفت ان منصور جا... تحس بخوف يندمج معاه فرح...وشئ مستقبلي مخيف ما تدري هي وسوسه والا من شدة الفرح... آخر شئ توقعته ان منصور يخرج بهالوقت والكل كان مستغرب لان خالد ما بلغهم عن حالته اول بأول لانه يبيها مفاجاة وفعلا كانت اكبر مفاجأة للكل..............
غاده جت من الصاله اللي فوق:اللللللللللللللللله بعض الناس رايحيين فيها
جوري:تكفين مالي خلق مزحك........
غاده:لا حياتي انسي اني اتركك..... الا اليوم اصلا اليوم تااااااااااااااااريخي...
جوري:واللي يرحم والدينك فكيني.........
غاده:لا الحاله مستعصيه تبين طبيب.......
جوري:غاده حرام عليك(ولفت الجهه الثانيه)
جت غاده ولفتها قوه على وجهها وانصدمت من جوري يوم شافت عينها تدمع......
جوري انقهرت من نفسها ومسحت دموعها بسرعه.....
غاده:يا قلبي جوري وش فيك؟؟المفروض اكثر وحده تكونيين مستانسه......
جوري:ما ادري يا غاده خايفه مررررررررره خايفه.......
غاده:خايفه من وشو؟؟؟لاتقولين خطبه ومدري شو؟؟؟؟؟؟
جوري:ليش في شئ اكبر منه!!!!!
غاده:تصدقين اكتشفت انك غبيه.....
جوري:غبيه والا ذكيه ما تفرق معاي.......
غاده:لا من جدك تتكلمين...........
جوري:ياربي وش فيك يا غاده.............
غاده:اقول اتركي عنك خرابيط المسلسلات وتعالي شوفيه والله يا هو حلو مدري انا ويني عنه..
وسحبت غاده جوري وراحت للصاله اللي فوق وخلتها تناظر مع بداية الدرج عشان تشوف منصور.. جوري مسحت الدموع اللي مسببت لها غشاوه قدام عيونها وما تشوف منها.... وتناظر هذا منصور...هذا الي عمري ما فكرت فيه واعتبرته اخ...اللحين بيكون زوجي وخلاص اسبوعيين واكيد عقب الاختبارات بتصير الملكه........بسرعه دخلت الغرفه وانسدحت على سريرها....
غاد بعد ما كملت قز وفصفصه بمنصور رجعت لجوري...........
غاده:جوري بتنامين.......
جوري كانت متلحفه باللحاف ومغطيه كل جسمها:أي بانام......
مسكت اللحاف وشالته عن وجهها ولقت الوجه احمر والخشم طماطم:وش ذا يا بنت احمر خدود طبيعي....
جوري:اقول وش رايك تنقلعيين عني.....
غاده:بس باعرف ليش كل هالخوف..موب انتي قلتي انك موافقه......
جوري:وش صار يوم قلت موافقه...ما امدني استوعب اللي قلته الا طلع بالمستشفى ورصاص وقلبت حياتهم نكد...اجل لو موافقه من جد وش صار...هذي البداية ويا خوفي من اللي بعده...
غاده:/اعوووووذ بالله يهالموسوسه...جوري ترى كل شئ مقدر ومكتوب وهذا الشئ بيصير لمنصور ان وافقتي والا ما وافقتي.......
جوري:بس انا بدايتي نحس مع منصور........
غاده:حرام عليك تقولين هالكلام وبعدين بالله عليكي بس هالسبب اللي مسبب لك هالازمه...لو انا متقدم لي كان وافقت وعلى طول..جوري والله ما ينرد..والللللللللللله ما ينرد.....
جوري:وهذا اللي مجنني بادور أي شئ عشان ارفضه بس ما لقيت....
غاده:منتب صاحيه....جوري هالانسان شااااااااااااريك تعرفين وش كلمة شاريك....
جوري:بس سلطان....
غاده:لا تقوليين احبه...تراك مهبوله ان قلتيها...اللحين باعرف وش الشئ الوحيد اللي فيه وعاجبك... التزام وعلى العين والراس بس والله منصور بيموت لو ما اخذكي...والله عهود قالت لي انه شاااااااااااريك ويبـــييييييييييييييييييك...ويتمنى انه لو ما صرتي من نصيبه يرزقه بوحده مثل جوري....سمعتي وحده مثل جوري....هو يقوله وعهود قالت لي.......
جوري سكتت وحاولت تستوعب اللي تقوله غاده...منصور شاريني ويبيني واذا ما صار نصيب يبي وحده مثلي......ياااااااااااااربي ما اتحمل انا.......
غاده:سلطان ما سأل عنك ولا اتصل ولا عمره تكلم عنك ولا لولو ما الظاهر جابت لك طاري انه يفكر فيكِ...الرجال ما حب ان الزواج يتم بالغصب بس عشان دين....اي والنعم فيه بس الزواج ما صار غصب وابوك دفع الدين..لو انه يبيك كان تقدم لك بس هو سكت ولا اتكلم.....
جوري بدت تتاثر بغاده لانها محتاره وما تعرف لاي كفه تميل والظاهر من كلام غاده انها بتميل كفة منصور...جوري:ما ادري بس انا عمري ما حطيت ببالي الا سلطان...احسه لي وانا له.....
غاده:الله ياللي لي وله...طيب انا حبيت ولد عمي وتمنيت انه لي وانا له وكان الرجل المثالي بس سفهني ولا ناظر بخشتي يوم جا يتزوج وراح اخذ له وحده مدري من وين.......
جوري بدت تفكر بجديه ليش انا اتعب ورى انسان ماني متاكده يبيني والا لا...وقدامي شخص يبيني وشاريني...بدت كلمة غاده(شاريني) ترن براسها لين دخلت بقوه:تدرين ليش افكر بهالموضوع وانا الاسبوع الجاي عندي امتحانات وثانويه عامه.....
غاده:يا عمري لا تفكرين الا بمنصور...شوفي وش حلاته رازن وجهه بالصاله ويناظر يمين وشمال شكله وده يشوفك....الله يا ناس...وحده متسدح عندها واحد يبيها وهي مسويه روحها ما تعرف وتكابر...ووحده محد معطيها فيس بالدنيا......
جوري:رجعنا للفيس قولي وجه لاتسمعك امي والا امك وتسوي لنا سالفه...
غاده:أي كذا رووووووووقي ولاتخلي ولا يوم يفوتك الا وانتي تشوفينه ترااااااه حبيب وشوفي شلون اهله معاه وشلون يعامل اهله...ترى ان انخطبتي بتصيرين عميه وماراح تشوفين ولا شئ... مدري وش سالفتهم المخاطيب يصيرون عمي اذا جا الصدق.....
جوري:الله يقطع سوالفك منتب صاحيه.......
جوري دخلت براسها كل كلمه تقولها غاده ولو انها متخوفه من هالشئ بس اذا جا عليها تفكير مشوش ولاتعرف لاي قرار تستسلم عند أي نقطه تواجهها...واللحين اول نقطه هي غاده حببتها بمنصور...وبدت تفكر فيه جديا.....وبدت تزيح عنها أي فكره عن سلطان لانه فعلا ما سوى ولا شئ يثبت ان يحمل لها أي مشاعر بقلبه........
غاده:بعدين يا قلبي باقولك شئ بما اني باروح بيتنا...
جوري بزعل:بتروحين بيتكم...
غاده:أي عندي اختبارات والله ان قعدت هنا باقعد انا وعهود ونقلبها سوالف ولا نعرف كتبنا...
جوري:يوووو قهرررر
غاده:لا بتقولين يالنشبه...لاني باخلص من هنا اختبارات وباجي عندكم...صراحه مره مستانسه..
جوري:اوكي...الله يالنشبه...
غاده:عيب عليك حتى من غرفتك ما طلعت...قوليها اذا طلعت برى بيتكم...
جوري:لا انا ما اقول الا بالوجه...مو من قفاك...
غاده:الزبده..تراني عجوز واذا ما قلت لك اللي بنفسي انسى وبتقعد بقلبي ليش ما قلت لك...

 

[ضوى العيون]

جوري:من جد عجوز...
غاده:طيب...شوفي خوذيها مني..لا تتعلقين باحد وش ما كان...يعني سلطان ويمكن ظروفه كانت قويه يعني خمس سنيين وانتي تحسبين انكم مخطوبيين..ويالله الحمدلله ان لقائاتكم قليله والا كان رحتي فيها...وهذا هو منصور هو يبيكي...يعني احمدي ربك..ولا تتعلقين باحد لان لو صارت الخطبه لو صار أي شئ..وش دراكي يمكن يصير اللي اكبر منه وهو الموت....
جوري:يمممممه تخوفين....
غاده:ولا اخوفك ولا شئ الموت حق...وصراحه انا بعد ما حبيت ولد عمي وتزوج...تصدقين حمدت ربي..لاني احس اني تافهه يعني مشاعري ارميها على واحد ما ادري عنه...حتى لو ادري عنه المفروض ما ارسم شئ واحلم واخطط على اشياء ماهي متوقعه... وبعدين المفروض الواحد ما يتعلق باي شخص مهما كان...حتى الاب والام... الحب الحقيقي لله وللرسول وغيره ما نسميه حب حقيقي.....ومشاعرنا واحاسيسنا مهيب رخيصه نعطيها أي انسان...نعطيها اللي يستحقها... احنا بنااااااااات يعني اهم شئ بحياتنا هي المشاعر...وخوذيها مني يا جوري محد بياخذ غير اللي كاتبه له الله وكل شئ مقدر ومكتوب....
جوري تسمع بانصات..بعقل..بكل حواسها....تمنت لو سمعت هالشئ قبل لا تحب سلطان وتتعلق فيه... بس قدامها الفرصه انها تنساه...ومثل ما قالت غاده الحب الحقيقي لله وللرسول... وموب أي انسان يستحق حبنا...وينك يا غاده عني من زمان...وينك تفهميني معنى الحب... وينك تنصحيني هالنصايح القيمه الكبيره اللي باعتبرها سلاحي وعدتي بطريقي.....
جوري بدت تبعد عنها أي شئ يذكرها بسلطان..صحيح جتها فتره وكرهت ابوها لانها تظن انه متكبر على خواله..لانها كانت تعشق شئ اسمه سلطان واي شئ يضر بسلطان او اهله بتكره هالشئ بسببه.. كنت مغفله يوم فكرت ان ابوي ما يفكر فينا..ابوي يبي مصلحتي وحياة سعيدة لي وانا افسرها بأي تفسير..
بس سلطان شئ صعب اتخلص منه...اتمنى ابعد عنه نهائيا...ولا افكر فيه ولا يجي ببالي... وكل تفكيري يصير لمنصور...منصور وبس... اتمنى ان قلبي يسمح بدخول منصور وخروج سلطان...
تحاول جوري تبعد عنها كل تصرف من سلطان كانت تظن انه يحبها او ان هالتصرف بس عشان جوري...لازم افكر بعقل..ليش كنت افكر أي تصرف يصدر منه بدافع الحب...ليش كنت اظن ان أي كلمه منه تقصدني انا...بس هو...مدري...يارب يسر لي الخير......
********************************
ام رغد:طيب انت متأكد....
سلطان:اقولك انا سمعت لولو وتأكدت منها.....
ام رغد:طيب انا بعد سألت لولو تقول انها موب رسميه.......
سلطان:شلون موب رسميه...خلاص اذا صارت الخطبه وانتتشرت اكيد وافقوا......
ام رغد:طيب واذا وافقو.....
سلطان:تحسبينها بسيطه...انا يوم فصخت الخطوبه فصختها وانا قلبي يتقطع على بنت خالتي...كنت ابي اثبت لها انها مهيب مغصوبه لاني ابيها توافق باقتناع مو بالغصب او سالفه قديمه بين ابوي وابوها....ابيها تقول هذا اللي بيه بين الناس......وربي هداني وحلفت اني ما اتقدم لها الا وانا خاتم المصحف...والحمدلله ختمت القرآن ولقيت لي وظيفه وكلها سنه واشتغل مع ابوي.....
ام رغد:لا تصيحني يا سلطان.......
سلطان:وشو اصيحك؟؟ابيك تتأكدين..صحيح الكلام واذا مهوب صحيح تقولين لها اني ابيها...
ام رغد:ما ادري يا سلطان بس احسها صعبه..افرض لو صارت خطبه لازم ما اكلمها وهي متكلم عليها احد.......
سلطان:وانا...انا وش اسوي لو راحت عليّ...حلمي اللي كبر معاي افقده بلحظه.....
ام رغد:انت بعد الله يهداك ما تكلمت والا كان كلمتها.....
سلطان:وشو تكلمينها...انا متأكد انها تبيني
ام رغد:وش اللي يأكد لك انها تبيك؟؟؟؟!!!!!
سلطان ارتبش... بس متأكد مية بالمية انها تفكر فيه..تصرفاتها..سوالفها مع لولو...مع امه..واااااضح ان فيه بينهم انسجام..وقال:فيصل يعني مين؟؟؟
ام رغد:ودام فيصل يعرف وقالك ليش...ما اعترض على هالخطبه....
سلطان:ما ادري بس قبل ما التزم كان عادي الوضع واعرف عنها بس بعد ما التزمت حسيت اني عيب عليّ اعرف عنها كل شئ وادور اخبارها وما ادري حاس ان هالشئ عجبها وكاننا متفقيين بس ما امداني سنه الا وتروح......
ام رغد:انت استهدي بالله وانا ما بيدي شئ اذا في خطوبه مستحيل اكلمها.......
سلطان:ام رغد تعرفين اني ما استحيل اقول هالكلام لاحد انتي اختي الكبيره وتفهمين عليّ وابيك تساعديني......
ام رغد:اذا صدق تبيها ادعي بالليل....سهام الليل ما تخطئ.........
سلطان:ان شاء الله..بس انتي بعد تاكدي من هالكلام..........
سلطان حس بالدنيا تضيق عليه وانه خسر اكبر حلم بحياته....وحاول يكتمها بنفسه بس ما قدر ولان ام رغد مستودع اسراره على طول قالها هالخبر اللي بيذبح سلطان.......

 

[ضوى العيون]

لمياء:عيوش لي اربع ايام ما اشوف فراس وينه؟؟؟
عيوش بربكه:مدري يمكن اجراءات الوفاة تعرفين مافيه الاهو وانتي واكيد هو يروح معاهم....
لمياء:والاجراءات تمنعني من فراس...تكفين ابي اشوفه اسلم عليه...اشوف يمكن ما اكل زين.. والا متأثر بوفاة ابوي(وصارت تصيح)
عيوش:بس لميوه والله ما يصير ما صدقت انك سكتي.....
لمياء:وشلون تبيني اسكت وانا هدمت مستقبلي وروحي بنفسي بسبب هالغباء اللي متجمع بعقلي... والا وفاة ابوي تحسبينها سهله..والله يعيش تعبان وانا اخدمه ولا يموت ويتركنا....
عيوش:لميوه حرام عليك هذا يومه اللي مات فيه.......
لمياء:آآآآآآآآآه ما ادري وش الايام الجايه بتجيب لنا من المصايب......
عيوش:ياااااااربي منك لميوه ما يصير والله اللي تسوينه ما يصير........
لمياء:عيوش وش رايك تذلفين برى...
عيوش:انا!!!!!!!
لمياء:ايه
عيوش مراعاة لنفستها وظروفها الصعبه ما تبي ترفع صوتها وتتهاوش معها:طيب.. وخرجت.. لمياء كل ما تتذكر ان عيوش بنت عمها يعني لها علاقه مع عمها واخوها عادل تنفجر قدامها وتحس ان عيوش متفقه معهم..فقدت أي ثقه باي انسان...ولا صارت تصدق أي احد..وتحس ان المشاعر الرقيقه والرائعه انعدمت وما فيه أي انسان عنده رحمه...
لمياء حست انها بتموت من الضيق اللي فيها...ضاقت عليها الدنيا وحست بروحها ضعيفه ما عندها لاسند ولا ظهر قوي...واخوها فرحة عمرها بدت تحس بتلاشيه من حياتها.... واكيد السبب عمها ومرته وعادل.....آآآآآآآآآآآآآآآه يا عادل ليت زالزال يشيلك من عندي...انت سبب كل البلاوي... وينك يا خالد؟؟وينك تصبرني بكم كلمه وتحترم ابوي ولا تجيب له طاري الا بالخير....ليش الغريب ازين من القريب ليـــــــــــــش؟؟؟؟؟
وينك يا يمه؟؟؟وينك ليش تركتني؟؟وينك لاضاقت بي الدنيا ارتميت بحضنك الدافي؟؟؟وينك اشكي لك همي وانا متأكده انك تحبيني وتتمنين لي الخير؟؟وتدعين ربي يفك همي؟؟وين الاقي احساس مثل احساسك؟؟وين الاقي قلب دافي وحنون صاادق بكل شئ؟؟مافي احد مثلك؟؟؟ويــــــــــــنــــــــك؟
وينك تواسيني لا تخلوا الناس عني؟؟وينك تمسحين على شعري وتصبريني؟؟وينك ما اشم ريحة عطرك؟؟يمه بديت افقد بقوه ريحتك..ريحتك من بعيد تبعد عني كل شئ مخيف..اشم ريحتك احس بدفا وقرب..حتى لو ما عرفتي وش فيني..يكفي قربك..يكفي ريحتك عندي....وينـــــــــــــك؟؟؟
وانت لؤي ما تذكر يوم تقول انك اذ عقلت تبي تتوظف ازين وظيفه....لا عقلت ولا بقيت لنا..مت ورحت عنا ولا بقى لي احد......وينك اللي كانت كل آمالي وطموحاتي بك؟؟
آآآآآآآآآآه يا يبه...يبه اشتقت لصوتك الحنون...اشتقت للمسكة يدك البارده...وينك تقولي ادعي ربك تراه ما يضيع احد...ويــــــــــــــنك تخفف عني؟؟؟؟؟وين ظلك باخر الليل يحسسني بامان؟؟ وينــــــــــــــــــــــــــــــكم؟؟؟؟؟
ارتمت على فراشها على الارض وما عندها الا مخدتها الا تعرف عنها كل شئ وقلبت مخدتها من كثر ما بكت وتبللت هالمخده...وراحت لعالمها القديم...لدنيتها وماضيها السعيد اللي بسنه ضاااااع كل شئ واندفنت هالسعاده وبتواجه الدنيا بوجه ثاني...بانسان ثاني.. لافي ابو يدلعها ويمنع احد يتدخل فيها او يجرحها..ولا اخو سند تعتمد عليه بامورها...ولا وظيفه تقدر تشغلها عن هالحياة ولا راتب يسد حاجتها....ولا خوي يخفف عنها هالمصايب اللي تتحذف عليها من كل صوب....ولا ام تصبرها على قسوة الدنيا.....
ضمت المخده بين يدينها وتخيلت لو انه فراس تضمه وتمنعه من أي شر يجيه بس وينه فراس؟؟ وين املها الوحيد..بيحرموني منه..آآآآآآآآآآآآه يا زمن...
وين طموحي راح؟؟وين تفكيري البعيد؟؟وين فلسفتي وتعلمي؟؟وين اهلي؟؟ وين انا؟؟ وين مصيري بيصير؟؟؟....
آآآآآآآآآه وين راحت زاعتي اللي كنت ازرعها ببنات المتوسط...وين تعليمي لهم...وين راحوا؟؟ وين الامل المفقود اللي كنت احببه فيهم؟؟؟وين البنات؟؟ وصلوا للي يبيونه... انتج ثماره هالامل والا اندفن مثل ما اندفن عندي...
آآآآآآآآآه خرجت منها بعد ما تذكرت الطالبه اللي كان آخر همها بالدنيا اللعب.... وينك تشوفيني وانتي تقولين لي؟؟ابلة لمياء انتي لو منك اثنيين كان انا الثانيه...ابلة لمياء علمتيني اشياء كثيره ما كنت اعرفها..حببتي الامل وزرعتيه بداخلي... خليتيني اعيش على شئ يستاهل..ويني انا عنك... ابلة لمياء باذن الله باحقق طموحاتي وباخلي طريقي كله امل واخلي ورودي الحب واعيش بالحياة وانا راضية....
وينك لو تشوفيني وانا طريقي كله خيانه..كله وغد...كله حقد...انمحى الامل وحتى رماده ضاع مع الرياح....وانمسحت آثار الود من طريقي...
وينك ابيك تعيدين عليّ كلامي يمكن افهمه منك..يمكن اتذكره...يمكن ارجع واروح طريق ثاني.. والا اتعدى هالجسور والاقي طريقي اللي كنت ارسمه.....
وينكم؟؟ويني انا؟؟وين دنيتي؟؟وين امي؟؟وين ابوي؟؟وين املي المفقود؟؟؟؟
وضمت المخده لها بقوه وغرقت بانهار من الدموع...
******************
محمد:تكفى يا نواف آخر شهر بحياتي....
نواف:بس انت ادرى بالموضوع......
محمد:اوكي انا ادرى...ممكن تكلمها تقنعها...شهر واحد بس آخر فرصه لنا اننا مع بعض....
نواف:والله انك غريب...
محمد:انت صديقي واعرف بطبعي......
نواف:اوكيه انا باكلمها...وابقنعها واذا ما اقتنعت الدور عليك.........
محمد:اوكي.....
نواف:يالله تامر بشئ........
محمد:ابد سلامتك........
نواف:الله يسلمك.............
تقلب محمد على سريره وهو يفكر بالشهر اللي بيكون اخر عهده بنهى.... آآآآآآآه يا نهى لو تدرين وش كثر احبك...انا احبها واموت فيها...شلون ما انتبهت لها....شلون ما حسيت بها.... انا اخذتها وانا ادري ان تعبانه بس هالكثر...الله يشفيكي يا نهى وترجعين لي...
لولو:هاي ماي برذر كابيتل(مرحبا اخوي الكبير)
محمد:الله من زين الانقليزي...وش تبين؟؟؟
دخلت لولو الغرفه:لا يا خوي مهيب عوايدك وش فيك من غير نفس تكلمني!!!!
محمد:الله يالنشبه
لولو:شفت قلت لك منتب طبيعي.........
محمد:انجزي وش تبين؟؟
لولو:بس من دون زعل والا تهاوشني مثل سلطان.......
محمد:وش فيه بعد سلطان؟؟؟؟؟؟
لولو:ما عليك من اخوك المخرف وخلنا بسالفتنا
محمد:خير وش فيك؟؟؟
لولو:طلبتك ياخوي قل تم.....
محمد:لا دام فيها تم وقبايل...الموضوع كبير
لولو بحماس مبالغ:كبير وبس...اووووووب لو تعرف وشو بس انت قول تم.....
محمد تحمس مع لولو:تم...
لولو:كلام رجال...
محمد مسك شاحن الجوال اللي بجمبه ورماه عليها:بلا قلة حيا رجال طول بعرض وتقولين كلام رجال....
لولو:آآآآي والله امزح...بعدين انا اقلد الملسل البدوي......
محمد:انجزي عليّ وش تبين؟؟؟
لولو:بما انك قلت تم...(وناظرته بعين الخايف) وانت رجال...ابيك توديني المطعم...
محمد مسك جواله ورماه عليها:يالبقره رجال غصبا عنك...
لولو:والله آسفه انت كل الرجال بس تكفى ابي اروح المطعم........
محمد:والله انك فاضيه وما عندك شغل......
لولو:افا يا الرجال وين اللي...
وما امداها تكمل كلامها الا محمد قام بيضربها..........
لولو صرخت وخرجت برى الغرفه وراحت للصاله........
لولو بصوت عالي:يا ناااااااااااس ابي المطعم.........
لولو:يا ناس ما تفهموووووووووووووووووووووون
لولو:ليش محد معطيني وجه........
ابي المطعااااااااااااام
ام محمد:بلا قلة حيا فضحتينا عند الجيران صوتك عالي........
لولو:طيب ودوني المطعم........
ام محمد:وش فيه اكل البيت......
لولو:وع وماصخ وموب حلو.......
ام محمد:اقول احمدي ربك على النعمه...وما الماصخ الا انتي.......
لولو:يمه والله اكلك يهبل بس انا مشتهيه المطعم.......
ام محمد:والله انك فاضيه لو تنظفين غرفتك تراه ازين.......
لولو:يمممممه بس غرفتك وغرفتك من زينها ما ابيها خلاص ابنام بالصاله وكتبي تحت الكنب عشان ما تبلشكم غرفة لولو...
ام محمد سفهت لولو لانها تعرف ان جتها هالحالة ما ينفعها الا التطنيش....
لولو قعدت بالصالة وفتحت التلفزيون......
كان تقرير عن مباريات الهلال وعن تشكيل الفريق لانه بيدخل الدوري النصف النهائي وبيتبارى مع الشباب....انتهى تقرير الشباب وبدى تقرير الهلال.......

 

[ضوى العيون]

لولو رفعت صوت التلفزيون على اخر شئ وكانت اغاني الهلال مع انها ما تسمع اغاني مره ولا ترفع الصوت بس هالمره ابليس راكبها....
لولو:الله يقلعكم يالهلال ما خرجنا مطعم ولا رحنا وجينا بسببك....
عبود:لالالالالالا مو معقوله لولو عاشق الهلال تسبه لالالالالالالا اكيد صاير شئ بالدنيا..
لولو:ضف وجهك لا اعطيتك ركبه....
عبود:انا باعرف انتي شلون جيتي بنت...هلال وركبه ومضاربات.....
لولو:هي هي هييييي تعرف تنكت......
عبود.:عسى المانع خير وش فيك يا وخيتي.......
لولو:عادي تصرق سيارة ابوي..
عبود فاتح فمه:هــا!!!!!!
لولو:يعني تعرف.........
عبود:اقول اخوياي يبوني برى بنلعب كوره.....
وفرك عبود برى لا اخته اليوم مهيب صاحيه..........
محمد يفكر بنهى ويتمنى الموافقه من نهى عشان يصير اخر شهر بحياتهم واحلى شئ بحياتهم بدل هالثلاثه الشهور اللي راحت عليهم لا استانسوا ولا شئ.......
وسلطان مرتفع ضغطه على الاخر من سالفة جوري واخر شئ كان يتوقعه ان جوري تروح منه بهالسهوله........
وام رغد ما عندها أي مانع تودي لولو مع زوجها بس ابو لولو ما يرضى مشاوير عاديه وبالموت يرضى شلون مطعم..........
وام محمد ابتلشت مع لولو ما تعرف شلون تكلمها...ابلشتها بهالكوره والنت ومنتدى الزعيم الا ما تسولف الا عنه...لا تذاكر ولا تهتم بالبيت ولا المطبخ....
وعبود دوم يتناقر معها بس تجيها حالات ما يقدر عليها والحل الافضل له انه يفرك ويروح عنها.....
وابو محمد مهوب فاضي لحركاتها ودلعها........
لولو:يااااااااااربي...حتى شيماء خارجه برى وش هالمللللللللللللللل
سلطان:اقول لولو تعالي بسرعه....
لولو من الملل قامت له والا العاده بعد عشر دقايق تجيه ويقاله بدري:نعم
سلطان:اكوي هالبنطلون........
لولو:بس تبي هالبنطلون...ابشر كم عندي سلطان واحد زي العسل على قلبي... ما تبي شئ اخوي العزيز؟؟يمكن ناقصك شئ والا شئ...تأكد ترانا بالخدمه...
سلطان حاس ان السالفه فيها شئ والا مو معقوله لولو اللي قدامه لانه يعرفها انها ترمي البنطلون على الخدامه وتمشي..........
سلطان:عسى ما شر.......
لولو:الشر ما يجيك ولا يجي جمبك...اسم الله عليك تف تف من الحسّاد....
سلطان:لالالا صدقيني لولو منتب طبيعيه.....
لولو:كلك ذوق يا خوي...انا صناعي طبيعي على راحتكم يا اخواني الرجال....
سلطان حس بشئ كبير بعد الرجال:لولو فيكي شئ؟؟؟
لولو مشت عنه وراحت للشغاله ورمت عليها البنطلون:يقول سلطان انتي ليش ما تغسلين الملابس اول باول وتكوينها ...مره ثانيه ما نعطيك الراتب......
لاتي:والله هو مافي جيب ملابس وفي قول مافي تدخل قرفه هو..انا ايس اسوي....
لولو:ضفي وجهك وانقلعي...وش دراني عنك ديوان المظالم قدامك....
وراحت عنها والشغاله مسيكينه تحسب ان لولو عندها سالفه...........
لولو طقت وملللللللللللت على الاخر وودها تنفجر من الطفش اللي هي فيه...صديقاتها طالعيين قبل لا تبدى الاختبارات عشان تنفتح نفوسهم للمذاكره وهي قاعده بالبيت ولا احد معبرها.....
ما في الا جوري........
*************************************
سلمان:متأكده يا ليلى....
ليلى:هي قالت لي بصراحه هذا عشاما راح انساه....
سلمان:يا عمري عليها....
ليلى:ابسألك سؤال صريح؟؟؟؟
سلمان:وش عندك؟؟؟؟
ليلى:انت تحب خلود لدرجة الجنون.....
سلمان:اكثر...اكثر من كذا..ما اتخيل حياتي بدونها...مدري يمكن لانها حلوه..وتستحي مره وانا فاقد هالشيئين ببنات عمي...ادب وخلق وجمال...ورومانسيه....
ليلى:بس غالب البنات فيهم هالاشياء......
سلمان:ابدا...مستحيــــــــــل...
ليلى:وليش تقولها بثقه...منت عايش وسط البنات.......
سلمان:بس عايش حول عيال كل واحد يكلم ويفرغون كل شحناتهم العاطفيه بهالبنات والبنات كل وحده اخس من الثانيه...وانا تركت هالاشياء عشانها لاني ابيها وابي هالرومانسيه على ارض الواقع موب العب على بنات الناس...وبيني وبينك لانها بنت متربيه ومن عائلة محافظة يعني مضمونه من أي شائب......
ليلى:وااااااااو يالعيال...يعني الواحد يلعب مثل ما يبي بس لا جا يتزوج ما يبي الا بنت من عائلة محافظة......
سلمان:اكيد...ومجنون اللي يفكر غير كذا......
ليلى:اجل ضاع سوقنا......
سلمان:اذا خرجاتك مع اخوانك تعتبريين من العوائل المحافظة....
ليلى:اشوى يعني في امل....
سلمان:امل والا خلود......
ليلى:كلن على هم سرى..........
سلمان:اقول ليلى في عطر ياخذ العقل...تجين معاي نشوفه واذا حلو باخذه.....
ليلى:لخلود طبعا......
سلمان:اكيــــــــد.....
ليلى:آآآآخ ياربي متى يجي اللي يدلعني........
سلمان:قومي ذاكري بس..........
ليلى:ايه هيّن..........
وراحت ليلى من عند سلمان للتلفون وتقول لخلود التفاصيل الممله....وخلود ميييييييته من الوناسه والفرح على ان داخلها تلوم روحها بس سلمان سحرها وعماها عن كل مخلوق ثاني.....
وخلود قالت لها عن منصور انه جا والاخبار بالتفصيل عند ليلى اللي على طول راحت تقول لحنان عن كل شئ....وحنان ما تزيد الا قهر وحسره بقلبها......

 

[ضوى العيون]

جوري:اوكي انا انزل لك عند الباب.......
لولو:أي يا قلبي اخاف عمك يصير موجود.......
جوري:ما اسمع وش تقوليين...غاده قالبه الدنيا اللحين انزل لك.....
غاده:يالله بسرعه وين العطر اللي قلت باخذه معاي......
جوري:يوه...والله نسيت...تلاقينه بالعلبة اللي فوق بالمستودع......
غاده:والله انك فسقانه اللحين هالعطر تحطينه بالمستودع.....
جوري:مالت عليك اللحين شايلته لك عشان ما انساه بانزله مع الاغراض...... (وطلعت برى الغرفه وبسرعه نادتها غاده)
غاده:جوووووووووري.....
جوري رجعت ركض:نعم......
غاده:أي علبة.....
جوري:الوردي(وجت بتروح)
غادة:وين بتروحين؟؟؟
جوري:باشوف لولو بتجي...ومستحيه من عمي......
غاده:اوكي.......
ونزلت جوري بسرعه...لانها تعرف ان ابوها وعمها بيسلمون ولولو بتوريها لو قابلتهم... وفيصل ما يقصر بالطنازه.....
اول ما نزلت قابلت منصور عند باب الغرفة اللي امه تنام فيها هو بيخرج واستحت لازم تسلم عليه..
جوري ما تقدر تتعداه وتسوي روحها ما شافته لانه بوجهها...وهو وقف شكله ينتظرها تجي وتسلم..
جوري بخوف وقلق:الحمدلله على السلامه......
منصور:الله يسلمك....
جوري ضاعت كل كلمه ونست كل الحروف...ماتعرف هي تقول كيف الحال؟؟والا شلونك؟؟؟ والا اخبارك؟؟والا انت بخير....ضاع كل شئ منها لانها بحالة رعب موب طبيعي.......
منصور:اخبار الاستعداد...ان شاء الله مستعده للاختبار...
جوري:أي زين...لا ...قصدي الله يسهلها علينا......
منصور حس بالاحراج:الله يوفقك عاد انتي ثالث نبي نسبه زينه محترمه....
جوري:ايه ان شاء الله....
ودخل الغرفة منصور على انه خرج منها...بس عشان يخليها تمشي.....
اما جوري جمدت رجلينها من كثر الخوف ويوم راح منصور كأن احد صب عليها ماء بارد.... ومشت بسرعه لبرى......ومن الربكه ما انتبهت لصوت لولو مع بنات عمها بالمجلس وخرجت للحوش...
جت بسرعه للشخص اللي تظن انه فيصل ونغزته بين جنوبه:ابعد عن الطريق ترى؟!؟!؟!
انصدمت يوم سلطان لف عليها وواضح انه متضايق من هالنغزه واشوى ما صرخ والا مسك ايدينها ودفها بقوة لانه دوم يسويه بالعيال لانهم يدرون انه يكره هالشئ...
تفاجأ بعد فيصل من جوري وانه واقفه قدامه بس هو ينتظر فيصل وبسرعه لف وجهه وقال:انا انتظر فيصل..وباطلع برى البيت لاتركضين وتوجعك رجلك....
وخرج سلطان هو بمشاعر متضاربه..ياربي هي ابيها..جوري ما غيرها...شلون تضيع بين يديني بهالسهوله...هي حلم الطفولة اللي كبر معاي.....
اما جوري بعااااااالم ثااااااااااني...ياربي كل ما حاولت ابعد عنه يقترب زياده...وليش وقفت ما مشيت وبعد انغزه...ياربي وش هالغباء اللي بي...شلون ما فرقت بين سلطان وفيصل...بس هو اول مره اشوفه ببنطلون....ولا بعد عرف ان رجلي انكسرت المره الماضيه....
سلطان فيه شئ يجذب لي والا ليش كل ما حاولت ابعد يقترب زياده....ياربي فكني من هالحيره....
والتفت يمين وشمال ما شافت أي احد وتطمنت ان محد شافهم او لاحظهم ودخلت البيت وهي شايله هموم الدنيا فوق راسها.....
ودخلت لقت لولو طالعه منةالمجلس هي وخلود.....
جوري:ما شاء الله انتي داخل.....
لولو:قلت لك تراني بادخل ودخلت البيت على طول...انتي اللي ليش ما جيتي بسرعه....
جوري:ما سمعتك من رجة غاده جمبي...وطلعت برى وما لقيتك فيه.....
لولو:لايكون شفتي سلطان اخبره ينتظر فيصل...
جوري بخاطرها..شفته وكلمني وكأنه يقول الحمدلله على السلامه...وانتبهي على روحك لاتطيحيين...
لولو:ياهو وين الناس....
جوري بحزن:موجوده...(وتبي تغير الموضوع)..وش رايكم لو نغير اليوم ونشتري لنا خرابيط من البقالة ونطلع بالسطوح......
خلود:اللللللله من زمان عن طلعات السطوح.....
لولو:اشوى في احد قروي مثلي.....
عهود:ما شاء الله يعني كل شئ تحطونه بالقراوه....مافيها شئ طلعت السطوح والقعده بفرشه على الارض...احب حياة البساطه......
جوري:عاد تخيلي بالسطوح وبكراسي.......
خلود:مالنا داعي نقعد هنا احسن اذا فيها كراسي.....
وضحكوا وراحوا يكتبون وش يبون من البقالة وبيعطونه السواق يجيبه.....
عهود:تعرفون في خلطه للبطاطس الحار وما تنفع الا للكشتات....
جوري:خلطه للبطاطس......
خلود:والله لذيــــــــــــذه..
لولو:شهيتيني الله يقطع ابليسك........
عهود:اسمعوا من اللي معها الدفتر....
جوري:انا......
عهود:طيب اكتبي...(2)بطاطس تسالي حار....
جوري:واذا ما لقى
عهود:اثنيين(ليزحار كبير)
جوري:طيب وغيره......
عهود:علبة بيبسي كبيره او كوكاكولا.....و5كت كات..و5اندومي......و3علب زبادي(روب)..
لولو:يالله يا عهود ليش ترجعين لي المواجع...ايام زمااااااان كت كات وبيبسي واندومي....
عهود:ههههههه....لازم احنا نبيها جلسة ايام زمان.....
خلود:غريبه حطيتي بيسبي العاده مقاطعه المنتجات الامريكية......
عهود:وش اسوي ما ينفع مع البطاطس الحار الا بيبسي...وبعدين فيه كت كات بدل الجالكسي... وتسالي بدل ليز...
جوري:ما شاء الله عليك...اجل انتي اللي رافعه اقتصاد الدولة.......بعدين تعالي وش تبين بالزبادي...
عهود:اكيـــــــد...اعجبك انا......اما الزبادي خليه لين نطلع واذوقك من الخلطه بعدين احكمي..
جوري:اوكي...ان شاء الله يكفينا...والمكسرات والفص فص عندنا كثير ما يحتاج نشتري......
خلود:اجل على بركة الله عطي الورقة الشغالة تعطيه السواق واحنا بنطلع قبلك للسطوح...ولا تنسين جيبي الفص فص...
لولو:يالله تراني ادل البيت.....والسطوح بعد.....
خلود:اجل شوفي لنا درب....
لولو:هههههههههه يالله....
طلعوا خلود ولولو للسطوح وصاروا يتمشون فيه...اما جوري راحت تعطي الشغالة ورقة الطلبات وعهود تنتظر الطلبات عشان تسوي الخلطه العجيبه........

 

[ضوى العيون]

غاده مالها حس بينهم وفقدتها عهود وجوري بس اذا جو يطلعون بيشوفون وش عندها.......
>>غاده قفلت باب غرفة جوري وجلست تفتش على الصندوق الوردي....اثركِ يا جوري منتب هينه...
فيه رسالة من وحده معجبة...شكلها مسكينة تموت بجوري مره...قرت الرساله والا محتواها غزل وعشق لجوري وتتمنى كل لحظه تشوف فيها جوري وتتكلم معها.....
ولقت ظرف كامل كله شكله للمعجبات..... ولقت ظرف ثاني مربوط فكته بسهوله ولقت اول شئ صوره لسلطان هو وفيصل...والصوره الثانيه لسلطان ولابس النظاره السودا...والثالثه لسلطان وهو يخوف فيصل....وصور كلها لفيصل وسلطان......وصور هم صغار وكبار...
غاده:شكلها تموت بسلطان وتكابر قدامي والا ليش محتفظه بكل هالصور وحاطتها بظرف انيق ورابطتها وبصندوق وبعيد عن الكل....
واللي شدها مره لقت صندوق بني باخر المستودع يالله يالله مسكته...وفتحته.....لقت رساله كبيره..
ومكتوب فيها كتابات....
اول وحده جوري:اتمنى انكم تحبوني وما تكرهوني ونصير اقوياء.....
ثاني واحد فيصل:اتمنى ان سلطان يقص شعره واصير اقوى منه.....
ثالث واحد سلطان:اتمنى اصير اطول واحد بالدنيا....
ومكتوب اسم لولو وبس شخاميط جمبها.......
غاده:يالله يهالورقه شكلها لها عزه خاااااصه بقلب جوري والا ليش كل هالحرص بس وش سالفتها... شكلهم الثلاثه كانوا مع بعض...ولولو شكلها كانت صغيره وما تعرف تكتب....
واندق باب غرفة جوري.......
جوري:غاده يالله بسرعه افتحي الباب...
غاده بسرعه لمت كل الاغراض وحطتها بالصندوق وبالمستودع واخذت العطر وحطته بشنطتها وتأكدت ان كل شئ رجع لوضعه الطبيعي.......وفتحت الباب.......
جوري:ما شاء الله ليش ما تفتحيين بسرعه........
غاده:اممممممممم....مو شغلك......
جوري ما جا ببالها ولا واحد بالميه ان احد يفتش اغراضها:يا طول لسانك بسرعه البنات كلنا بالسطوح......
غاده:يالله...بس تعالي بجلال والا بدون.......
جوري:يالعجوز لا بدون محد بيجينا............
وطلعوا السطوح....................
عهود فرشت السفره وحطت عليه الصحن البيضاوي وفتحت البطاطس الحار على الصحن ومسكت صحون صغيره وحطت فيها خلطتها العجيبه واخذت الاكواب وصبت فيها البيبسي.....
خلود مسكت البطاطس ومررته على الخلطه واكلتها:اممممممممم طعمها يجنن......
غاده:من جد كذا تنأكل.........
عهود اخذت حبة بطاطس:تأخذين الحبه هكذا وتغمسينها غمسا مبرحا بالخلطه وتضعينها كاملة بالفم وبالهنا والشفا......
جوري:نجرب الله يستر منك ومن خلطاتك..(وجربتها)...اممممم روعه طعمها......
لولو:طعمها خياااااااااال...بسرعه شلون طريقتها........
عهود:كم تعطيني.......
لولو:ولا شئ........
عهود:ههههههههههههههه...طيب خلصوها وعقب اقولكم.........
غاده:الله يستر منك لايكون فيها شئ...مع ان طعمها حلو وما فيه شئ............
بعد ما خلصوا أكل علمتهم عهود وشي الطريقه واللي هي....
عهود:تحطين علبة زبادي ومعها حول الملعقتتين سماق وحبة ثوم وقليل خل.....
جوري:بس!!!!!
عهود:أي بس وحسب الكميه الي عندك تزيديين الزبادي والسماق...
غاده:صراحه رووووووووعه باسويها اول ما ارجع بيتنا.....
لولو:وانا بعد باسويها لصديقاتي.......
عهود:أي عاد دعواتكم لا تنسوني...........
جوري:ابشري بس لو جانا تسمم والا شئ يا ويلك مننا........
عهود:هههههههههههههههههههههه
خلود:جوري وين الفص فص بانزل اجيب الشاهي........
جوري:جيبه معك بالمطبخ تلقينه بأول درج........
خلود:مالت عليك المفروض تقوليين بنت عمي وعيب عليّ المفروض انتي تروحين.....
جوري:بدل هالمحاضره كان جبتيه وجيتي.......
خلود:طيب يالدبه...لاني رشيقه باروح اجيبه...........
لولو:تصدقون كان خلق ضاااااااااااااايق على الاخر...من جد طفشانه.....
جوري:ليش؟؟؟؟
لولو:بعد ليش....الاختبارات قرفت من عمري وهي بعدها ما جت......
جوري:اجل وش اقول انا...ثااااالث ثانوي احس اني باموت كل ما تذكرت اني ازم اجيب نسبه...
عهود:الله يوفقك..والله كلنا بثالث نفس الشئ...النفسيه معدوووووومه على الاخر...بس الايام تجري وبتلاقين نفسك بالجامعه وتقوليين يا مسرع الايام.....
جوري:الله يسمع منك......
غاده:المهم بنات اليوم اخر يوم واحنا الفجر بنمشي لازم نخليه يوم تاريخي.....
جوري:يالله وش عندك........
غاده:نلعب بالاوراق.............
لولو:بعد فيها اوراق..........
غاده:المشكله ما فيه غيرها.......
عهود:طيب وش رايكم نلعب لعبة الصراحة........
لولو:اللللللللللله وناسه يالله.......
جوري بخوف:يالله........
غاده:مافي أي مانع...بس ننتظر الاخت خلود........
**********************
سلطان:وانت ما تترك طبعك الشين ذا...ليش ما طلعت بسرعه.......
منصور:معليك منه ولد عمي واعرفه ميت...
فيصل:لانك طالع م المستشفى مني راد عليك........
بدر:وش فيكم على الولد ذبحتوه........
سلطان:ياي...لايكون تضايقت فيصل......
فيصل:الا متضايق هالدب منصور حاشرني ورى.......
منصور:احد لقفك وخلاك ترجع ورى....
بدر:وخالد مهوب جاي.......
فيصل:قلت له بس شكله متردد.........
منصور:يمكنه مشغول........
سلطان:الزبده يا عيال وين استقريتوا.....
فيصل:نروح صالة بلياردوا.......
بدر:انا ميت من الجوع نروح مطعم ناكل وبعدين نروح أي مكان.........
فيصل:وانت اربع وعشرين ساعه جيعان........
بدر:انا آكل وجسمي هو نفسه موب انت تاكل وتنتفخ تقل بالون....
منصور:هههههههههههههه قويه رد عليه......
فيصل:مره عجبتك النكته....
سلطان:وش رايكم ناخذ لنا عشا ونطلع باي منتزه ونتعشى وعقب نقرر باي مكان.....
منصور:ايه ازين......
وكلهم بسيارة سلطان راحوا لاقرب مطعم لهم وتعشوا وبعد اصرار من فيصل راحوا لصالبة بلياردوا....
منصور يناظر سلطان ويراقب تصرفاته...وعقب ما شاف اللي صار بينهم بالحوش...واضح ان ما بينهم كلام او أي شئ بس يكفي وقفة جوري ولا مشت على طول....يعني في بينهم شئ....والا ليش ما وافقت على طول......منصور جزم مية بالمية ان علاقة فيصل قوية واكد له رغبة سلطان بجوري وعنده دليليين...ماردت لهم بالموافقه....وسلطان وهو يكلم جوري(كان يناظرهم من شباك الصاله)....جوري نزلت راسها وسلطان بسرعه لف وجهه وكلمها....يعني اكيد بينهم شئ....صح امنيتي جوري بس انا ليش ما فهمتها من البداية...وليش هالمكابره ما ابي احد يرفضني....
منصور تغير بعد ما طلع من المستشفى...يوم حس انه ضعيف بالمستشفى وان لا علمه ولا حب الناس له هو اللي فاده....والكبرياء اللي كان فيه راح وانزاح عنه...وصار يفكر بعقل وموب كل شئ لصالحه...واول شئ رفض جوري له اللي كان يشوفه من اصعب الواقف بس هانت عليه لسالفه وقرر قرار وهو بهالصالة...وراح يقوله بس اذا جا وقته............

 

[ضوى العيون]

سلطان:دورك يا منصور جرب العب.......
منصور:تراني دلخ بهالالعاب بس اجرب وش وراي....
فيصل:تعال بدر ناخذ قهوه...
بدر:يالله.....
فيصل:وش تبي....
بدر:أي شئ...والا تدري قهوه ايطاليه من زمان عنها....
فيصل:طيب وانا مثلك بعد...
قعدوا على طاولة وجلس فيصل مقابل بدر...
فيصل:وش فيك؟؟؟؟
بدر التفت حواليه:انا!!!!!!!
فيصل:على ولد خالك
بدر:متضايق.....
فيصل:اعرف بس ابي وش السبب.......
بدر:بنرجع البيت.......
فيصل:بزران احنا...ليش متضايق اذا رجعت البيت..مو المفروض تنبسط لان عندك ناس بيستقبلونك استقبال غير(ويغمز له)
بدر مهموم ويتكلم من قلبه:وصلت لا تبعد...هذا اللي مضايقني اذا رجعت ما شفت الا النكد وانا قاصد ما ابي آخذها عشان استانس....
فيصل:ليش طيب؟؟
بدر:ياخي مشكله الحريم....
فيصل:وشو خلنا نستفيد.......
بدر:لا نستفيد ولا شئ بس الله يبعدك عنهم........
فيصل:لا عاد الا الزواج ترى اقضي منها جامعه على بيت الزوجية على طول...
بدر:اقصد الله يبعدك عن هالنوعيات.....
فيصل:اذا ماهو فضول قولي عشان اعرف....
بدر:اصلا من اول وانا باقولك...بس موب عارف شلون افتح معك الموضوع....صراحه يا فيصل ابعد عن البنت اللي يقولون عنها حلوه...سواء كانت حلوه والا مهيب حلوه...ابد ما تشوف الا الغرور والدلع...ونفسك تضيق لاهي اسعدتك ولا انت قادر تسعدها....
فيصل:زوجتك من هالنوع......معليش بدر ما كنت اقصد....
بدر:لا عادي بس.... هي ما تهتم الا بشكلها الخارجي...اخلاقها..تعاملها مع زوجها...رأيه وشخصيته مالها أي اهميه عندها....ما تعرف تحترم امي وتعاملها بلين ولا تحترمني انا بوجود الناس...
فيصل حس ان ماله داعي ويبي يقفل السالفه:طيب بتطلقها.......
بدر:مالنا الا خمس شهور متزوجيين...صعبه مره صعبه...وبعدين انا كلمتها بس هي ماهي مقتنعه تقول انا كل الناس تبيني وانا حلوه...يعني اشياء مالها داعي تقولها...
فيصل:خذ القهوه....والسواة......
بدر:والله محتاااااااار مره محتار..صراحه بيتي ما ينطب جابت لي الهم والغم ولا بعد تقول انت مقصر....
فيصل:طيب طلقها اذا ما منها نفع...لا تبي تسمعك ولا تبي تسعدك وشايفه نفسها...ادبها....
بدر:والله لو الطلاق عندنا سهل كان طلقتها بس مشكلة نظرة المجتمع يعني اقل شئ سنه او بعد كم شهر...يعني ما حسبون فيها عيب قوي او شئ من كذا....
فيصل:والله انت مهتم وهي ما درت عنك.....
بدر:بعد هي تهمني يعني بنت عمي ولازم اصونها حتى لو طلقتها يمكن تتزوج واذا ما فهمت وش سبب الطلاق بتكرر نفس الشئ...واهل عمي هم اللي يصير عليهم الكلام.....
فيصل:الله يعين...شكلي ضيقت صدرك بس والله ما هان عليّ اشوفك كل يوم وانت ضايق صدرك....
بدر:تمون يا ولد الخال.....
فيصل:يالله سلطان ومنصور ينادونا......
سلطان ومنصور اندمجوا مع بعض وتداخلوا بشكل كبير....وحسوا ان فيه اشياء كثيره بينهم مشتركه ومثل بعض......
****************************
عهود:يعععععع جا علي اسألك يا لولو....
لولو:وانا بقوة وصمود باجاوبك.........
عهود:وش اكثر شئ بحياتك تحبينه........
لولو بعد تفكير:من غيره حبيب القلب والروح اللي اتمنى له السعاده والنجاح وين ما كان....
البنات كلهم مصدوميين.....عهود:ميــــــــن؟؟؟؟؟؟
لولو:ملزميين.........
غاده:يا ويلك ان ما جاوبتي لاننا متفققين من بداية اللعبه.......
لولو:طيب عشقي الوحيد وحبي الابدي هو(وتناظر فيهم تبي تحرق اعصابهم) الهلااااااال....
عهود:مالت عليك....
لولو:ههههههههههههه...والله اموت فيه والله ازعل لو خسر واحس اني باموت لو احد يسبه...
خلود:يالله لولو دوري القاروره.....
لولو:حاضر......ودورت القاروره وطلع على جوري........
جوري:يا ويلي منك يا لولو.......
لولو:جاك الموت يا تارك الصلاة.........
جوري:يالله وش عندك................
لولو:امممممممممم...عمرك سويتي شئ مخاف لاهلك او يعني شئ بس اهلك ما يرضوه بس شئ قوي؟؟واكيد وشو؟؟؟؟
خلود انتفضت من الخوف كأنها تحس ان الشئ يعنيها بس حاولت تكون طبيعيه.......
جوري وهي تضحك:اذكر مره ببيت خالتي وامي عيّت عليّ اروح البقاله وانا مره ودي اروح... واسكت عنها واروح مع سلطان للبقاله وقابلنا هناك فيصل وكان بيفتن علينا بس اشوى راضينه بريال....بس وانا كبيره ما اذكر الا وانا راجعه دخلت بيت صديقتي بس من عند الباب وخرجت....
عهود:لا ما شاء الله عليك مطيعه.....
غاده:أي تعالي عهود شلون الخلطه لونها احمر مدري وردي.......
عهود:صباح الليل....لان السماق هو اللي معطيها حموضه ولون وردي.......
غاده:اها!!!
خلود:يالله يا جوري.......
جوري:شكلك انتي الحكم....يالله.....ودورت القاروره وجا وجهها على خلود..........
خلود:الله يستر منك......
جوري:اممممم في انسان بحياتك؟؟؟؟
خلود ارتبكت بعدين ردت بكل ثقه:ايه.......
انصدموا البنات كلهم من ردة فعل خلود وتمنوا لو يعرفون من هالشخص اللي بحياة خلود.....
وكملوا لعب ووناسه لقريب الفجر...ورجعت لولو بيتهم وغاده تجهزت لانها بتروح بعد الفجر على طول...وخلود وعهود وجوري انتظروا صلاة الفجر وصلوا وناموا................
**************************
مشاري:خلاص يمه ما بقي الا موافقتك.......
ام مشاري:مريم شافتها......
مشاري:أي يمه شافتها بمناسبه وتمدحها...واخلاقها بسأل جوري عنها بس لازم اسمع موافقتكي...
ام مشاري:والله انا مابي الا سعادتك واذا الجوهره تمدح فيها ما في أي مانع بالعكس هذا ليوم اللي ودي افرح فيه وابارك لك.......
مشاري:الله يبارك بعمرك ويسلمك(ويروح يحب راسها ويدها)
اللحين اتصل عليها واكلمها........
مشاري:هلا جوري وينك يالدوبه؟؟
جوري:هلا بك على طول دبه.....
مشاري:يو صح نسيت اخبار عجيزنا...........
جوري:هيّن اوريك....بخير تسلم عليك...........
مشاري:اخبار فيصل تراه الدب ما يسأل عن احد يبي له فرش.....
جوري:أي عليك فيه اضربه ضرب مهوب صاحي..........
مشاري:طيب يالسوسه عند اخوك......
جوري:هذا جزاتي ادافع عنك.......
مشاري:هههههههههههههههه....
جوري:مشاري ما تقدر تجينا......
مشاري:توني باقولك....احسها صعبه ببيتكم ما شاء الله بيتكم صار مليان وفيه عمك واهله...
جوري:عادي تعال ونقعد ورى البيت لا هو عند احد ولا طريق لاحد........
مشاري:اوكي صار.....وسلمي لي على امي.......
جوري:يبلغ ان شاء الله مع السلامه......
مشاري:مع السلامه............
ام مشاري:ليش ما قلت لها.......
مشاري:اذا جيتها اقولها.....
نوره:يالله انا جاهزه.............
ام مشاري:على وين؟؟؟؟
نوره:باروح السوق معاه...ما شريت لي قماش لزواج مريم....
ام مشاري:بلا اسراف روحي بفستان زواج بنت خالك.....
نوره:يممممممممممه قديم ولبسته كم مره وبعدين نهذا زواج اختي يعني لازم جديد....
مشاري:معليه يمه ما عندنا الا وحده خلينا ندلعها.......
ام مشاري:الله يصلحها...بس متعبتك........
نوره بزعل:يمممممممممممممممممه
مشاري:خلاص ما حصل الا خير.........

 

[ضوى العيون]

اسامه:ما عندك اوربت...
خالد:اول كانت عندي وشلتها وما خليت الا المجد....
اسامه:الله يقويك....
خالد:صالح وش صار عليها.....
اسامه:والله مهم هينيين اللي ورطوه...بس الحمدلله بعد كم تعذيب وتخويف اعترفوا ان صالح ماله أي ذنب....بس الى الان ما اقروا كلام صالح......
خالد:يعني بيقعد يتمشى وهو سبب اللي صار بمنصور.......
اسامه:هد اعصابك..كل شئ بالهدوء نجيبه....وعادل نهايته على يدي عشان اعلمه ان المخدرات مهي لعبه..يرميها على أي واحد يكرهه.....
خالد:تدري انه مغفل...فيه ناس عقولهم صغيره ومدري شلون يفكرون.....
اسامه:انت بس اصبر عليّ وبتشوف كل شئ......
خالد:والله مهمتكم صعبه واحنا ما ندري عن شئ....
اسامه:بس اللي يحب شغله ما يشوفها صعبه...........
خالد:اسامه نسيت اقولك الوالد بلغني اني اقدم لك شئ وقال أي شئ يعجبه...واللي تبيه احنا حاضريين....
اسامه:وش دعوه؟؟احنا ما سوينا الا الواجب.......
خالد:هذا كلام الوالد....وكلام الوالد اوامر...........
اسامه:والا ابو خالد ما نقدر عليه بس خليها اذا اثبتها على عادل......
خالد:يعني براسك شئ.....
اسامه:ايه...بس مثل ما قلت بعد ما ابشرك بعادل.........
خالد:ان شاء الله.....
التفتوا على التلفزيون يناظرون برنامج كشتات بقناة المجد...برنامج اكثر من رائع....اندمجوا معاه مره...شوي التفت اسامه على خالد.........
اسامه:خالد في سؤال يختلج في خاطري وابي اقوله.....
خالد:افا في شئ بخاطرك ولا قلته من زمان........
اسامه:والله مدري عن ردة فعلك والموضوع حساس........
خالد:قول وما عليك من ردة فعلي.........
اسامه:انت قلت لي بالضبط عن الحادث اللي صار لكم انت ولؤي...بس تأثرك فيه مره كبير...لدرجة انك احيانا تنفعل او تنحرف عن السواقه مثل ما صار لنا.......معقوله بس عشان هالحادث....
خالد:آآآآآه يا اسامه...تمنيت ان احد ما يسألني هالسؤال وبنفس الوقت ودي اجاوبه.... ادري بتقول قام يهذر...لكن اللي صار لي شئ كبير....
اسامه:واقدر اعرفه والا لا....
خالد:لا مو لازم تعرفه...بس لازم تعرف ادق التفاصيل....
اسامه بخاطره..ما تترك عوايدك يا خالد....
خالد:ما ادري ليش احسها صعبه..يمكن محد دري عن التفاصيل...يعني تخيل تشوف ام تموت بسبب ولدها..وولدها ما يقصد ابد الحادث بس...يعني(واخذ تنهيده) اقصد لؤي كان مجرد لعب وطيش بس بيخوف العائلة اللي قدامه وسبحان الله من السرعه ما انتبه انها سيارتهم تعرف ددسن..وماليه الديره ما تعرف تفرق بينهم...صدم بالعائلة وماتت امه قدامه واهله الباقيين سابحيين بالدم..وابوه..تخيل اسامه ابوه يشوفه وينتبه ان ولده هو سبب الحادث وقام يدعي عليه...والله دعاوي تقعشر البدن من قوها... لؤي قدامي اللي قوي وصامد وجافه مشاعره انهار عند ابوه يصيح ويبي منه السماح...ابوه مهوب راضي ينتهي من الدعا...وبالموت سكت وصار ما يدعي....لؤي راح لامه وحبها مع راسها ويدها ورجلها بس ماتت ولا تحس به....يعني منظر قوي قدامي ولا يمكن انساه...لا يمكن انساه.... ولؤي ما قعد الا يوم ومات لان الصدمه كانت من جهته وكانت قويه....قويه بالحيل....ابو لؤي صار مقعد ولايقدر يشتغل واخته ما تقدر تداوم اضطرت انها تستقيل وترعى اهلها اللي هم ابوها واخوها الصغير... حياة صعبة تعرضوا لها هالعائلة.....وخصوصا البنت يعني بلحظه امها واخوها يموتون وابوها يصير مقعد....مدري الوم نفسي اني ما حذرت لؤي وما عارضته على اللي سواه... يعني انا كم مره جربت التفحيط وعمري ما جا ببالي اني ممكن ادمر اسره او افرق شمل عائلة ولا فكرت بان التفحيط له نتايج سيئة....وكل ما اشوف احد يفحط ترجع لي المواجع.... واذا شفت حادث اتذكر هالحادث المؤلم...والاكبر منه(وعقدت حواجبه اكثر)..الطامه اني قد صدمت عائلة وانا افحط وطبعا المشاعر كانت عندي جامده ولا اهتميت ولا شئ....تصدق اني صدمت شاب وهو كان وحيد اهله وحتى ابوه ميت وهو اللي يصرف عليهم وصار مقعد ما يقدر يتحرك الا بس راسه.. ووقتها خرجت بكفاله وما صار بي شئ....مدري شلون بعدها رجعت افحط والامور عاديه ولا كأني ارتكبت ابشع جريمه.....واللحين اتمنى اعرف منهم لاني حاولت بس عجزت اعرف.... وخليت اهتمامي بأسرة لؤي يمكن الله يغفر لي.....والله صعبه...صعبه تعيش وانت جامد الاحساس وبعد فتره تحس باللي حولك....صعبه......صحيح ابوي اعطاهم مبلغ جامد وكبير..لكن(ويأشر على قلبه) هذا مو مرتاح....
اسامه:يالــلـــه... همك كبير...الله يغفر لك....اهم شئ انك تبت قبل لا ينقبض روحك والحمدلله...والله يغفر الذنوب السابقه...بس اهم شئ انك تعزم على التوبة الصادقة بدون عودة للذنوب السابقة...
خالد:الله يغفر لنا ما سبق ويعفوا عنا.....
اسامه:آمين....
خالد:اقتنعت..عرفت شلون ان هالحادث قوي....
اسامه:ما كنت اتصور انه بهالصوره وصراحه انا لو مكانك كان متحطم من الحياة ولا اقدر اعيش...
خالد:يالله...كل ذا مقدر ومكتوب من قبل لا نولد بس ما بيدنا الا التوبه......
اسامه:الله يتوب علينا......
خالد:اللهم آمين...........
اسامه اعجب بشخصية خالد القوية ولو ان فيه نظرات ضعف بسبب الحادثيين اللي أثروا عليه بس تبقى شخصيته القوية وكتمانه لاموره الشخصية هو الشئ اللي مخليه يطلع بمنظر قوي وجبار...
اما خالد حس ان جبال من الهموم طاحت واندفنت عقب ما تكلم له سنيين كامته بصدره وبين ضلوعه ما يقدر يقوله لاحد...يحس انه ضعيف...ضعيف حيل عند هالسالفة.....بس كلامه مع اسامة ريحه وخلاه يحس بارتياح وان فيه رب رحيم يغفر الذنوب اذا عزمنا على التوبة.....
********************************
>>مشاري تعذر من جوري وقال انه انشغل حيل مع اخته مريم وتجهيزاتها ويالله يالله يلحق على اموره ووعدها انه يجيها بوقت ثاني.....بس لمح لها عن خلود وجوري ما قصرت مدحت له خلود مرررررره وانها من زمان تتمنى خلود لمشاري.....
<<خالد يفكر بلمياء اللي ظلمها وحس انه مهما كانت هي بنت وحالتها صعبه انها تفقد عائلتها وما عندها أي شغل وشلون يتركها ولا يسئل عنها وين حبه للؤي ويوين وعده للعم سعد انه يسأل عنها.. وعادل الحقودي وش بي انا ما افكر فيه ولا جا ببالي انه راح يضر لمياء....وحاول يفكر بطريقه ممكن تخليه يعرف اخبارها.......
>>غاده راحت بيتهم وهي ميته من الوناسه...روحتهم لبيت خالهم غيرت اشياء كثيره.. زاد حبها لخوالها وتعرفت على بنات خوالها اكثر....وتمنت لو انها تطول وتقعد عندهم اكثر.....
<<اما بدر حايس بمشكلته مع زوجته ويتمنى لو انها تعقل وتصير مثل أي زوجة تحترم زوجها بس لا الاسلوب الطيب نفع معها ولا التلميح....واحتاااااار بامره معها.......
>>وعهود المسيكينه تحلم بسلمان وتتمنى لحظة الخطوبة...هي عمرها ما فكرت فيه بس زاد مزحه لان خلود معها وهي تظن انه يقصدها...ماتت عليه وصارت تفكر فيه وتدور أي اخبار عنه.....
<<خلود احيانا تلوم نفسها على اللي سوته بس تتذكر انها اسبوعيين وبيخطبها ترمي كتابها على جنب وتقول خلاص ما فيها أي شئ........سلمان صرق عقلها وصار هو تفكيرها...وهو حلمها الوحيد لدرجة انه أثر على دراستها...حبها لسلمان غطى عن عيوب كثيره فيه وصارت تشوفه بس هو ولا احد غيره وما تتخيل حياتها بدونه وعقب العشا اللي بالمطعم جزمت على حبه لها وحست انه متعلق فيها مثل ما هي متعلق فيه....وضمت السلسال الي عليها وحبت تعليقته وسبحت بافكارها...
>>اما جوري...جوري المحتاره اللي معذبه روحها من كثر التفكير...احيانا تنشغل بكتبها وتتحمس بالمذاكره واحيانا تروح افكارها بعييييييييييد...بين حبها الطفولي اللي كبر معها وانتهى بالخطوبه اللي كانت لها اكبر صدمه يوم انفصخت...والا بمنصور اللي شاريها ويتمنى لو ما كانت من نصيبه تكون عروسته مثل جوري.....بينفجر راسها من التفكير......
<<منصور تغير مره وحده...انسان ثاني...يفكر بواقعيه اكثر..كان اول تفكيره طموحي ولبعيد..

 

[ضوى العيون]

وما عنده شئ اسمه مستحيل...كل شئ تقدر عليه...بس عقب الحدث اللي صار له تغير وصار مهموم.. عرف ان الحياة صعبه وقوية ولازم الواحد يواجهها بكل قوته مو بس طموح... وعرف ان مول كل شئ بهواه احيانا الواحد يتعرض لاشياء لازم يتماشى مع الوضع المرسوم له بدون أي نقاش... وجته حالة يئس وقنوط من هالدنيا....
>>فيصل اللعاب وده بسرعه تنتهي الاختبارات خلاص مل من هالاجواء ووده يسوي لهم شئ يغير عليهم هالجو المكتوم...وعشان محد ينساه لانها فتره وبيروحون بيت عمهم عنهم.....
<<ابو خالد مشغول ببيته ووده يخلص منه باقرب فرصه لانه انعدم عقب اطلاق النار.... وقرر انه يفتح موضوع لخطبه عقب الامتحانات....
>>ابو فيصل كان همه الوحيد ان بيت اخوه مايضايقهم أي شئ ويتمنى يعرف هم مبسوطيين والا لا.. ويقدم كل شئ عشان ما يحسون بالنقص......
<<ام فيصل وام خالد زادت علاقتهم ببعض وصاروا يدخلون المطبخ مع بعض ويتعلمون من بعض الطبخ.......
>>لولو التهت بالدراتسه ونست سالفة المطعم وكعادتها لا جت الاختبار جا الجد عندها وتركت خرابيطها ولعبها...وصارت ما تكلم احد الا للضروره.......
<<سلطان آخر سنه له...وآخر ترم بحياته الدراسيه والمفروض يعتبره فرحته وسعادته بس شكله بينقلب احزان عليه....كان يتمنى يعدي هالترم والناس تبارك له بالخطوبه من بنت خالته.... الوظيفه وموجوده والعروس وموجوده....بس يختفي احدهم هذا اللي ما حطه بباله ولا فكر فيه....صار يدعي ربه ان كان بهالزواج خير...ييسرله وان كان ما فيه خير يبعده عنه.....
وافقت نهى بعد اصرار من محمد ونواف على انها تقعد شهر...بس بعد اسبوعيين...يعني مع بداية الشهر......
(اسبوعيين للاختبارات وكلن ملتهي بدنيته))
****************************

اسبوعيين بتعدي بس يصير فيها شئ؟؟؟
يصير بعدها شئ؟؟؟
جوري وش نهايتها؟؟؟
سلطان وش بيصير له؟؟؟؟
منصور وش القرار اللي اتخذه وهل هو مجرد تفكير والا حالته النفسية قلبت كل تفكيره؟؟؟
خالد وش بيصير له؟؟بيكلم لمياء يقدر والا لا؟؟؟
حنان وش سالفتها وليش خوفها يزيد؟؟؟وهل تركها للشغل فتره له أي صله بخالد؟؟؟
عادل هل بيسكت عن بنت عمه؟؟؟وفراس وينه وش بيصير له؟؟؟
خلود وش تاليها مع سلمان؟؟؟؟
وعهود تعرف بقصة حبهم واذا عرفت وش بيصير لها؟؟؟؟
غاده بيتغير فيها شئ والا كلامها دايم مزح؟؟؟؟

((اعذرووووووووني بس هذا الموجود لاني من جد مشغوله لراسي وكل ما لقيت الفرصه نزلت لكم الجزء اللي بعده...
((الجزء الرابع عشر))
مرت اسبوعيين الاختبار بسرعه..مثل البرق والايام صايره تمر بسرعه...انتهت الاختبارات وكلن مهوب عارف مصيره وين....جوري وصديقاتها....قضوا آخر يوم بالمدرسه وما اتفرقوا الا وهم ميتيين من الصياح....
جوري:حرام عليكم بنات بإذن الله نسجل بقسم واحد وبكلية وحده....
غدير:أي كلية وش يضمنكي(وحضنت جوري)
هيفاء وهي تكتم صيحتها:بنات والله باشتاق لكم...والله بنفقد هاللمه الحلوه....
جوري بعدت عن غدير لانها تحس ان غدير بتنهار من كثرة الصياح:تفاولي خير....
غدير:بنفقدها...بنفقد كل لحظه...بنفقد الطيبه والعشره الحلوه...بنفقد البساطه اللي عشناها بالمدرسه....
جوري:غدير لا تصيحيني زياده...حرااااام عليك بإذن الله عشرتنا ماهي مثل أي عشره...وصداقتنا غير...وشفيكم بنات؟؟والله اعزكم ومستحيل انساكم حتى لو افترقنا.....
هيفاء ضمت غدير وصاروا يصيحون......
>>البنات اللي بالمدرسه انتبهوا لهالثلاثي وحسوا انهم يعزون بعض معزه مهيب صاحيه... وحسوا انهم بينهاروا لو طلعوا برى المدرسه.....
جوري طلعت من شنطتها تجرافها والوشاح اللي انزفوا فيه يوم تخرجهم وطلعت القلم
(i Love Youالمغلف بالقماش الاحمر المخمل ومكتوب فيه(
كان يوم التخرج يوم تاريخي لاينسى...الكل ملتهي بشعره ومكياجه الا الثلاثي..اتفقوا انهم ما يحطون ولا شئ الا بالمدرسه... هيفاء عليها المكياج تحط لهم كلهم....وغدير تحط لهم الطوق من الفل الابيض الكبير يحطونه على شعورهم مثل التاج وطقمت لهم الثلاثه.... وجوري عليها باقة الورد يشيلونها اذا انزفوا.....وكانوا مسشويريين شعورهم ومدرجينها...
كان شكلهم ملفت للنظر بشكل غير طبيعي....وكل المدرسات انتبهوا لاشكالهم اللي طلعت روعه... واتفقوا كلهم انهم يصورون انفسهم اول ما يرجعون من المدرسه...بمرايلهم لانهم يخافون ان الصور تنصرق اذا صوروا بالمدرسه او يكتشفوا ان معهم كاميرا......وفضلوا انهم بالمراييل وعليهم الوشاح بالمايل وباقة الورد ماسكينها والطوق من الفل عليهم....كل وحده صورت بالبيت واحتفظوا بصورهم....
الثلاثي كان اروع ثلاثي بالمدرسه...والكل يشير اليهم بالبنان....مكان الصبح مايغيرونه....ومكان الفسحه...ومكان الخروج.....
مسكت غدير الوشاح حق جوري وكتبت فيه اروع كتابات لانها معروفه بالكتابه...وراحت لتجراف جوري وكتبت فيه بعد....وهيفاء كانت مشغوله بالكتابة لغدير....وجوري مسكت وشاح وتجراف هيفاء...وتبادلوا ثلاثتهم الوشاح والتجراف.....
غدير طلبت من سواقها انه يجيب لهم فطور....اكلوا وخلصوا....وقعدوا مهم قادريين يخرجون من المدرسه ولا هم قادريين يتحركون من مكانهم.....ولا وحده متجرأه تبدأ تخرج....المدرسه فضت الطالبات كلهم خرجوا وما زال الثلاثي بمكانه......
كلمات غدير لهم الثنتتين...((الى اروع صديقه لي بالوجود.....الى من استقلبتني وفتحت لي باب الصداقه...الى من افهمتني معنى الصداقه...الى من اشركتني في امورها...كم اتمنى ان تدوم صداقتنا وتدوم محبتنا....كم اتمنى ان لايجف نهر الود...ان نسقيه بحبنا...ونزرع حواليه ورود الأنس... اتمنى ان تلامس مشاعرنا شعيرات الود وتتمسك فيه وتشد قبضتها عليه وتمنع أي تسرب لمشاعر اخرى... كم اتمنى ان تضخم علاقتنا...وتقوى ففراقكِ صعب...والاصعب ان لا اجد ابتسامتك يوميا في حنايا مدرستنا....
عزيزتي..بل غاليتي...
تخونني العبارات ويجف قلمي عن ما يكن لكِ قلبي من عبارات الود والمحبه...ويشهد الله ان قلبي لا يحمل لكِ سوى الحب الطاهر النقي...اتمنى ان لاتنسي صديقتك غدير....وان تتذكريني بكل خير....))
عبارات غدير كانت قويه لكل من جوري وهيفاء...يعرفون ان غدير عصبيه واحيانا ترمي كلام قاسي بسبب عصبيتها...وكانوا ثنتينهم هم اللي متحمليينها وعرفوا لها واتأقلموا معها مره...وحبتهم مره...لانها لقت من اللي يفهمها ومن يقدرها..........
جوري عرفت من المستحيل انهم يقومون او يتحركون وتأخروا مره عن بيوتهم...
وقفت جوري وهي تناظر بهيفاء وغدير...قاموا على طول وصاروا واقفيين....لمت اغراضها جوري وهيفاء وغدير صاروا يلمون اغراضهم يوم قربت عند عباتها بتلبسها ما قدرت تقاوم وصاحت... وغدير دموعها جاهزه صاحت هي الثانيه.....وهيفاء معهم.....
موقفهم صعب ولا قدروا يخرجون لانه آخر يوم...ويمكن بعدها ما يتقابلون حتى وان تقابلوا.... ما يصير مثل ما كانوا بالثانوي....يوميا مع بعض...وكل شئ مثل بعض......
صاروا يضمون بعض...ولبسوا عبيهم بالموت....ويوم جو عند الباب ماتوا من الصياح وخرجت جوري اول وحده لانها تحس انها بتموت وان الدنيا انقفلت بوجهها وضاقت عليها بالحيــــــل....
جوري رجعت البيت وهي منهاره...صديقاتها ومدرستها...معلماتها....كل ركن بالمدرسه كانت تحبه... صديقاتها تعتبرهم خواتها لان ما عندها خوات...همومهم وحده وافكارهم وحده... واهتماماتهم وحده...
رجعت جوري ولقت اهل البيت متجمعيين بالصاله...الحريم كلهم موجوديين..وفيصل مخلص من الاثنيين اختباراته وعهود وخلود يوم الثلاثاء....وهي الوحيده اللي يوم الاربعاء.....
خالد ومنصور وابو خالد وابو فيصل بالشغل....وفيصل داج ما يقعد بالبيت.....

جوري ما تبي تقابل احد ومالها خلق تقابل احد....طلعت باغراضها على غرفتها على طول من دون لا تسلم ولا شئ والكل لاحظها ولاحظوا الضيقة اللي فيها..........
دخلت غرفتها وصلت الظهر وطاحت على سريرها........ولا تبي تقوم لان خلقها ضااااااايق على الاخر ونفسها مكتوم ولا تبي تحس باي شئ......ولا رضت تتغدى ولا تاكل شئ وما تقوم الا على الصلوات تصليها وترجع تنام...نفسيتها معدومه على الاخر...
*************************

 

[ضوى العيون]

اقتربت حنان من غرفة امها..غرفة تفريغ الهموم...محد يعرف بهمومها الا امها..اقتربت بخوف ودخلت على امها اللي سرحانه وانتبهت على نحنة بنتها....
ام سلمان :هلا حنان...تعالي اقعدي...
حنان ما قدرت تقاوم وعلى طول بدت مع امها وقالت:يمه بديت....
ام سلمان وهي عارفه اللي بداخل حنان:طيب وش فيها....
حنان بانفعال:يمه وشو اللي وش فيها....احس اني تغيرت....
ام سلمان وقلبها على بنتها:طيب يمكن لصالحكِ......
حنان ما تضعف الا قدام امها:يمه صعبه وانتي تعرفين بي.....
ام سلمان:يا يمه قضاء الله وقدره وانتي بعد ما تأكدتي.....
حنان تحس باعصابها تنشد:يمه تاكدت والا ما تأكدت...هذا موضوع منتهي من زمان....
ام سلمان:وليش تقولين منتهي يمكن فيه امل......
حنان:يمه انا خلاص عودت نفسي على تلاشي هالامل...يمه افرضي طلع العكس وقتها راح انهار تنتهي الدنيا...ولا اقدر اعيش......انا ما ابي اتأكد....
ام سلمان:طيب لو برى السعوديه.....
حنان:لا يمه ما ابي....خلاص انا انهيت هالموضوع من يومه.....
ام سلمان:طيب كنتي صغيره ولا ندري يمكن اصلا ما تكوّن غشاء البكاره......
حنان حست بضيق قوي على صدرها:يمه انا اتذكر السالفه وكأنها قدامي معناه اني كبيره موب صغيره....
ام سلمان واللي الحالها تعرف بهالموضوع:طيب مو تقوليين ما طلع دم....
حنان بقشعريره لانها تذكرت الموقف:يمه ما ادري طلع ما طلع...بس ما ابي اتذكر خلاص ما ابيه ولا ارجع له ومصيره محددته من زمان.....(وعينها تدمع)...
ام سلمان تحاول تقنع بنتها:طيب بس تحرشات...يمكن ما وصل للشئ الكبير يا يمه بس نتأكد......
حنان تحس بكل شعره بجسمها وقفت لان الموقف عاد لها من جديد وكأنها تبي تفضفض لامها مع انها قالت لها عند اول خطيب لانه ما ينرد على قولة اهلهم وهو كان السبب فتدمير حياتها: يا يمه والله ان اصعب موقف يمر بحياتي...يمه انا اتعرضت لتحرشات جنسيه ومن اقرب الناس لي... ايه ولد عمي وانتو بغفله عنا...كان الانفتاح الكبير بعايلتنا والدش عادي صغار او كبار وتخلونا نقعد الحالنا....يمه الموضوع كبير..كبيييييييييير مره وما اقدر اتحمله انا...ما ابي اتذكر السالفه ولا ابي اتذكر عيال عمي ولا هو...كان اكبر مني وفاهم بكل شئ وانا كنت صغيره وكنتوا يمه تلبسونا أي شئ وما تدرون انا احنا الصغار نغري العيال المراهقين...المراهققين اهم شئ عندهم تفريغ اللي فيهم وما يفكرون بعقل ان هي قريبته او بعيده حتى لو اخته....اهم شئ يفرغ هالشحنات واحنا...ما كنتوا تبعدونا عنهم واللبس ما تهتمون فيه.......(وناظرت امها اللي دمعت عينها بس ما تقدر تتكلم الا مع امها...وام سلمان متقطع قلبها على بنتها)...
يمه انا منتهيه مع هالقصه وراسمه طريقي وما ابي الزواج لو وش ما كان... لا تلوموني لانه تقدم لي ورفضته...لاني ما اقدر اعيش معاه..ولا اقدر اناظر فيه...مستحقرته ولا ابيه ولا ابي اناظر فيه.. ولو اخر انسان يبقالي ما راح اوافق عليه...لانه حقير حتى لو مراهق انا كرهته وكرهت الحياة بسببه...وما صرت انثى مثل البنات....
بس يمه الفتره الماضيه حسيت اني اميل لواحد..هو ما غيره...ما ادري ليش وشلون جذبني...اللي اكبر منه وافضل منه ما ناظرت فيه الا هو اذا جا عندي او سمعت اسمه او أي شئ عنه يهتز قلبي غصبا عني.... انا يمه ما ابي اعيش على شئ وهمي....وشئ منتهي منه....مقهوره يمه..مقهووووووره ليش بعد كل هالسنيين وكل هالقرارات والبعد عن الناس كلها ارجع افكر فيه.....يمه انصحيني وجهيني...احس ان تفكيري مهوب لصالحي هالايام....
ام سلمان متقطع قلبها على بنتها اللي انظلمت بدون أي سبب وبسبب اهمالها هي وعدم التزامهم... وحرص حنان على اهلها وهي اللي تصرف عليهم....وكانت حريصه على ليلى ورانيه وما تبي تكرر نفس الغلطه.....وابعدتهم عن العيال واهتمت بلبسهم وحاولت بالدش انه يطلع برى البيت بس عجزت وما قدرت....
ام سلمان:ليش ما زلتي تحبين خالد؟؟؟؟؟
حنان تحس بروحها تنقبض لا سمعت اسمه شلون يوم كانت تشوفه بالمستشفى:يمه وش يفيد الحب...واذا احبه ما يغير شئ بحياتي وهذا اللي قاهرني....ما يفيدني أي شئ بس اتعذب...
ام سلمان:انتي لو توافقيين انك تكشفين واكيد بيعرفون ان انفض الغشاء او لا...وبعدين فيه عمليات ترقيع للغشاء....
حنان:يمه بانفضح...فضيحه عالميه...لو رحت باقصى الشمال والا الجنوب...الكل بيسأل ليش هناك رحت؟؟؟وافرضي ان طلعت ماني(وبالموت نطقتها)بكر..خليني اتعذب ولا اتأكد اني فعلا ماني بكريه.. والله صعبه وانا راضيه بحياتي والله يعوضني بالجنه.....بس تفكيري المتخلف ما ادري وش صار بي وليش افكر فيه..........
ام سلمان وميته حزن على بنتها وودها لو تقدم لها أي شئ لانها عجزت عن هالمشكله ولا هي قادره تحلها:يمه مالك الا الدعاء....ادعي ربك وكثري من الكتب اللي كنتي تقرينها....
حنان:أي والله يمه...القراءة تشغلني عن التفكير وخصوصا التفكير الاعوج اللي طحت فيه....
وقامت حنان من عند امها بعد ما طلعت كل اللي بقلبها...لانها لو ما طلعت لامها كان تموت من الضيق اللي هي فيه...وكل شئ يصير لها تعرف عنه امها....وتقول لامها كل شئ لانها تعتبرها الام والاخت والصديقه وكل شئ بدنيتها.........
حنان رجعت لها مأساة الماضي وكيف كانت تحب خالد وتعجبها هيبته وقوته...وكل ما تتذكر قعداتهم مع بعض لما كانوا صغار....اذا تذكرتها تزيد عليها المأساة وتنقهر وودها لو تمحي الماضي... وتكون حياتها غير ومختلفه عن أي بنت....بس كبرت وعرفت ان قصة الحب اللي طايحه فيها متتهيه وفاشله...وهي رفضت ولد عمها لانها ما تبي تكون بموضع محرج وذل لها ولانها لو بتوافق بيظن ولد عمها انه عشان الفضيحه ويبي يذلها لانها غصبا عنها....
حنان حاااااااااااااااقده على العائلة بكبرها ومقهوره من هالانفتاح اللي عايشيين فيه وتمنت لو تعرف من هو السبب بعدم التزام هالعائلة................
وكل ما تشوف خالد..خالد اللي كان حلمها باحد الايام...تشوفه التزم يرجع لها القهر والظلم اللي عاشته وتحس انها بتموت من الضيق اللي هي فيه......
بسبب تفكيرها تركت شغلها فتره... لانها تبي تعاقب نفسها من احلى شئ بحياتها...شغلها هو دنيتها وهو كل شئ..تنشغل فيه وتفكر بمرضاها واي دورة هي اللي تدخل فيها...تبي تبعد عن التفكير عن الزواج وعن أي شئ يخصه خصوصا اذا تذكرت خالد...ويوم شافته بالمستشفى زااااااد حنينها للماضي وصار هو تفكيرها...خالد وشكله الجديد...واللي قهرها ان شكله باللحيه طالع احلى ورزززززه وحست انه هذا اللي تبيه...خالد العاقل الكبير الرزين الهيبه...خالد الملتزم... انقهرت ليش تفكيرها يوصل لهالدرجه وهي اللي حاولت سنيين وسنيين عشان تنساه.. مجرد كم يوم شافته انقلب كل شئ...تبرعت بالدم للمريض اللي كان يهتم فيه خالد وتمنت ان احد ما يعلم بس صديقتها فضحتها وبعدها ما قدت تتحمل...خرجت على اساس عدم العوده...لكن كفائتها العاليه هي اللي خلت المستشفى تعطيها اجازه بدون راتب.....ورجعت للمستشفى وهي تتمنى ان خالد ما يجي ابد ولا يعترض بطريقها.......
واللي قهرها اكثر يوم عرف انها ما صارت تدوام...شلون درى؟؟؟وليش؟؟؟ معقوله يراقبها..ابعدت عنها كل فكره تعتبرها سخيفه والتهت بدنيتها وتمنت لو يخرج من قلبها وتفكيرها ولا يهمها ابد...
وولد عمها احيانا تتمنى تقتله تفكر بسم باي شئ تنتقم منه...واحيانا تحس انه ضحيه مثله مثلها لانه مراهق وهالانفتاح هو السبب يعني يشوف اشياء تغريه....غصبا عنه...دش وافلام يخلي لواحد يفهم وهو صغي وعدم اهتمام العائلة فيهم هو السبب باللي يصير لها.....
بس تحاول تبعد عن هالتفكير مره وحده وتشغل وقتها قد ما تقدر......
>>فمكان ثاني بنفس البيت....سلمان طاااااااااااااير من الوناسه ويبي يطير اكثر لان كل شئ جاهز له بس العروس تجي للبيت والموافقه حاطها بجيبه......سلمان يغني ويروح ويجي....
ليلى:بس سلمان وش ذا؟؟ترى ابغار من خلود.......
سلمان:غاري منها...وش عليّ منك.....
ليلى:طيب يا سلمان..تهون عليك اختك.....
سلمان:لا والله ما تهونين عليّ..بس ما تلاحظين انك تخربين عليّ احلى فرحه....
ليلى:المهم...بسرعه باروح اشوف بيتك صراحه متحمسه ودي اشوف ذوقك بالاثاث لانك منت راضي احد يشاركك بالبيت...وعلى قولك(وتقلده)...بيت العمر وما ابي احد يشاركني فيه الا اذا العروسه هي اللي تبي تشاركني.....
سلمان:وانا صادق ما ابي احد يشاركني فيه......
ليلى:طيب يالله اكلم امي والبنات وتودينا.....
سلمان:اممممممم....معليش بما انكم اهلي راح اوافق والا الامنيه ان اول واحد يدخل هي خلود..ادخلها واسألها عن رأيها بالبيت......
ليلى:زين انك تذكرت ان لك اهل...يالله باروح اقولهم...
وراحت ليلى بسرعه تقول لحنان ورانيه وامها.......وبسرعه جهزوا لانهم متحمسيين يشوفون البيت... والاكثر بيشوفون ذوق سلمان....اما احمد ولا فكر انه يروح معهم....
فتح سلمان البيت وهو حاس انه بيطير من الفرح......
سلمان:تفضلوا حياكم الله......
ام سلمان:لا اله الا الله......
البيت كان تصميمه رااااااااااائع...فوق الخيال....قمممممه.....مختار كل شئ ومنتبه لكل شئ...كل ركن وكل زاويه ما اهملها....ونوع بالاثاث من كل شئ....السجادات الايرانيه....وكنب امريكي....وتصميم صيني.....ودخل اللمسات المغربيه وما خلى احد من اصحابه اللي يسافرون برى الا وصاهم بتحف غريبه من برى.....

 

[ضوى العيون]

سلمان يعرف ان خلود تموت بالغريب وتحب تداخل التصاميم...وتمنى لو تجي وتشوفه بس يدري ان هالشئ ما يقدر عليه........
حنان:ابداااااااااااااع...صراحه البيت رووووووووعه بكل الماقايييس...
سلمان يبي يتأكد:والله...
حنان:ما يبيلها حلف..صراحه تناسق الوان...والتصاميم شكلها متعوب عليها....
سلمان:هذا تجميعي لها يمكن اكثر من سنتيين...ومجمعها من كذا مجله وكذا تصميم.....
ليلى بانبهااااااار:كوووووووووووول....صراحه ذوقك خياااااااااالي........
رانيه:ما شاء الله طلعت ذويق...
سلمان:لا دام رانيه عبرت عن رايها خلاص انا متأكد.....
رانيه:حرام عليك انا ما اتكلم.....
سلمان:انتي..من قال؟؟......
رانيه:طيب تتطنز..........
سلمان:ههههههههههههه
ام سلمان:ومتى ان شاء الله نخطب لك.......
سلمان:خير البر عاجله....وبما ان اخوها طلع بالسلامه...خلاص بكره...
ليلى:لا وشو بكره خليها لين تطلع النتايج........
سلمان:مدري وش رايك حنان؟؟؟
حنان:والله شوف الاسبوع الجاي افضل....الناس تكون انتهت والاجازه جت....
سلمان:الراي رايكم.............
ليلى:عقبالك حنو...ان شاء الله يطلع بيتك احلى من هالسلمان....
سلمان:يالله يالغيره....قولي الله ماشاء الله.....
حنان حست بخوف فضيع مع احباط امل قوي كل ما يجي طاري الزواج....وش فيهم محد يحس بي.....
وكملوا نقار وهواش ليلى وسلمان ....وراحوا للغرف كلها شافوها....الا غرفة النوم ما سوى فيها ولا شئ الا بعد الملكه عشان يختارونها مع بعض...............
ورجعوا البيت وهم مستانسيين وسلمان اللي طاير من الوناسه وحاس انه مع كل يوم يروح يزيد خوف مع فرح............
*************************************************
نهى:احسها صعبه........
نواف:وشو اللي صعبه........
نهى:ليش نقعد...بس نعذب نفسنا ونزيد الامنا الام........
نواف:انا اشوف هالشئ من صالحكم انتو الاثنيين...يعني تصفية مافي النفوس....
نهى:وانت وش رديت عليه.....
نواف:باقول له اللي بتقولينه اللحين.......
نهى بخوف:وابوي تتوقع وش يقول..........
نواف:هذي حياتك وهو الى الان زوجك.........
نهى:ما ادري احسها صعبه...خيبت املهم وبارجع مطلقه......
نواف:لاتتندمين على شئ فات...انتي خضتي التجربه وهذا مصيرك.......
نهى:الله يعين اجل خلاص اكلمه....
نواف:وانا بعد اشوف كذا........
طلع نواف من عند نهى وتركها بحيرتها....نهى محتاااااره مره...تدري ان هالشهر بيكون احلى شهر بحياتها وكل وقت تقضيه مع محمد هو احلى شئ بدنيتها.....محمد كان مفتاح لابواب سعاده بحياتها..
وهي اكثر شئ تخافه بعد هالشهر...وشلون تقدر تعيش بدونه...هي يالله تقبلت انها ما راح تكون معاه... شلون بعد لحظات حلوه عاشوها مع بعض........
مسكت جوالها ودقت عليه وقلبها ملياااااااان خووووووف.....
نهى قفلت الخط بسرعه بس جت نغمه عند محمد....رجع محمد اتصل فيها وانخرشت نهى ما تعرف ترد او لا....قامت بسرعه وقفلت باب غرفتها وقعدت على الكرسي وتناظر بالمرايه وردت عليه...
محمد:الو...
نهى:نعم...
محمد:السلام عليكم.......
نهى:وعليكم السلام....
محمد:شلونك؟؟وش اخبارك؟؟؟
نهى ترد بجمود:بخير..
محمد:فيكِ شئ؟؟؟؟؟؟؟
نهى:لا ابد مافيني شئ...
محمد:اكيد ما فيك شئ......
نهى مرتبكه:ايه..انت شخبارك؟؟؟
محمد:بخير دامني اسمع هالصوت..ها اجيك اليوم......
نهى بدا الخوف بقلبها:لا موب اليوم....
محمد:ما اشتقتي لي.....
محمد يحب يحرج نهى...ونهى خايفه ان محمد ياخذ بخاطره منها....
نهى:لا مو قصدي بس ما رتبت اغراضي......
محمد:اجل بكره بعد الدوام امرك وعلى طول ببيتنا......
نهى:........................................
محمد:نهى.........
نهى:نعم!!!!!
محمد:معاي.....
نهى:ايه.......
محمد:طيب موافقه؟؟؟؟
نهى مفجوعه:على وشو اوافق........
محمد:ههههههههههههههه
نهى تموت بضحكة محمد عليه ضحكه تضحك اللي قدامه غصبا عنه...ويطلع صوت يبين انه ميت من الضحك........
نهى مبتسمه:ليش تضحك؟؟؟انا قلت شئ يضحك؟؟؟؟؟؟؟؟؟؟
محمد:لا ابد...بس تذكرت بداية زواجنا والا نسيتي شلون تقولين موافقه.......
نهى عرف يستدرجها محمد بالكلام:شلون ما اذكر!!!
محمد:عليّ انا...بس ولا يهمك اذكركِ......تذكرين يوم يسألك الشيخ...وش قلتي له....
نهى:الله يقطع شرك ما نسيت...........
محمد:احد يقول على راحتك....على راحة الشيخ......
نهى:بس محمد لاتقعد تذلني بهالسالفه..........
محمد:بالعكس كل ما اتذكرها اموت من الضحك....
نهى:زين تتذكر شئ عني يخليك تبتسم........
محمد:بس هالشئ...كل شئ بحياتنا اتذكره...اتذكر كل شئ...الاكل اللي تحبينه...وقعدة القهوه بالمغرب... ضحكتكِ في احد ينساها.....انتي كل شئ بالنسبه لي....وكل شئ بدنيتي...تعودت عليك وعلى كل شئ تحبينه....وشاهيكِ ما انسى طعمه........
نهى:خلاص محمد...حرام عليك لا تخليني ابكي.....
محمد:الا دموعك تراها غااااااليه عندي.....
نهى:طيب ترى الي ببطني.......
محمد:الله يهديكِ...تمنيت انه يكون معنا الشهر........
نهى:اخاف ينفخ فيه الروح وما اقدر انزله.....
محمد:حصل خير...اهم شئ انتي...جهزي حالك وجهزي شنطتك......
نهى:ليش بنسافر......
محمد:اكيــــــد....
نهى:وين؟؟؟؟
محمد:اختاري....
نهى:مدري على راحتك........
محمد:انا اقول نروح برى السعودية ازين وابعد عن الناس......
نهى:بالعكس اذا ما عندك أي مانع بالجنوب افضل شئ...خصوصا ابها....مدري اذا ما تحبها لا نروح لها..بس اذا عادي عندك صراحه ابها رووووعه وتحس بين اهلك وناسك...
محمد:اوكي ما عندي أي مانع....بالعكس اللي يريحك يريحني.......وانا بعد افضل ابها لاني اعرفها...
نهى:على كيفك........
محمد:اوكي بكره باخذ اجازه من العمل...اليوم تجهزين كل اغراضك واذا تبين من البيت شئ معك المفتاح ودقي عليّ اجيك او نواف يجيبك.....
نهى:اوكي...
محمد:اجل فمان الله......
نهى:بوداعة الكريم وحفظه...
نهى ما تدري هي تستانس والا تواجه خطر قادم...هي تحاول تبعد عن محمد خلال الثلاث شهور بس الظاهر صعب...صعب انها تنسى احلى ايام عاشتها مع انسان واعي متفهم....صحيح نواف كان بصفها بس الزوج غييييييير....يعاملها بلطف وحنان وفوق كذا يموت فيها.....
نهى تعلقت بمحمد بالبداية بشكل جنوني لدرجة انها احيانا ما تبي ترجع البيت....وبنفس الوقت محمد يحاول يعرف منها السبب الحقيقي لكرهها لاهلها...وفعلا هم يعاملونها كذا والا هي تتخيل هالاشياء...
نهى..ودي اصارح محمد بحبي...بعشقي له..ودي اصارحه بالحقيقة بس اخاف يكرهني ويخذلني.. اخاف يكرهني وما يعتبرني بالوجود...بس هو طيب...اخاف ان درى اني اموت فيه ما يعبرني....
>>آآآآه يا نهى لو تعرفين وش غلاك قد؟؟؟اموت فيك..وودي اعرف وش تاليكِ...انسانه نادره وين الاقي اللي يحبني بصدق...وين القى بديل عنها وانا تعودت عليها....بس انا لازم اعرف وش قالو لها.. وش السبب الكبير اللي يمنع انها تعيش معاي......
كل شئ باعرفه بهالشهر بس لازم اكلم الوالده..........
********************************************

 

[ضوى العيون]

عهود:الى الان ما قامت الجوهره...
ام فيصل:مدري وش فيها...لايكون صاير لها شئ....
خلود:لا انا مقومتها صلاة العشا...قامت صلت ورجعت نامت.....
ام خالد:خلوها ترتاح بعد آخر يوم...اكيد ما كانت تنام الايام الماضيه......
ام فيصل:بس غريبه اول مره تنام هالنوم.....
عهود:يمكن ثالث ثانوي غير....
خلود:يمكن.....
ام خالد:جو العيال تغطن يا بنات......
ام فيصل:خلصتوا من الدواره بهالشوارع.....
فيصل:لا ما خلصنا ولاطرى علينا....بس قلنا ما نبي نفوت قهوتكم....
ام فيصل:قهوتنا المغرب وقضت....
فيصل:الله يخلي البنات يقوموا يصلحوا لنا قهوه....
عهود ودها ترد على فيصل قهرها مررررررره بس ما تقدر..وش شايفني شغاله عنده....وخلود ماتت من الضحك على خبال ولد عمها.....
منصور:الا وين الناس؟؟بس انتو؟؟؟
عهود بغت تخربها وتدق منصو بالكلام بس امها سبقتها وسكتت.....
ام خالد:اخواتك هنا والجوهره فوق.....
فيصل:اكيد نايمه...ما تترك عادتها آخر يوم كله نوم.....
منصور:ههههههه...حلللللللوه....
فيصل ببلاهه ويبي يحرج منصور:منهي الحلوه؟؟؟
منصور انحرج على الاخر وما يعرف لحركات فيصل:الشعر اللي قلته!!!
فيصل:اشوى احسبك تقصد شئ ثاني....
عهود وخلود يالله يالله ماسكيين نفسهم لايضحكون بصوت عالي...حركاته وهو يتكلم شئ ثااااااني..
منصور:ترى انا منصور مو فيصل.....
فيصل:لا...تصدق احسبك فيصل.........
ام فيصل:وين ابوك وعمك؟؟؟
فيصل:اخبرهم يطرون الحرمه الثانيه....وشكلهم راحوا يخطبون اللحين......
ام فيصل:قم من عندنا لابارك الله بابليسك...لو كنت جمبي كان قرصتك....
منصور:ليته عندك عشان تعطينه قرصه كود انه يعقل....
فيصل:يا كثر الناس اللي يترصدون لي بالشر....
فيصل يحب يستعرض عند البنات خصوصا اذا كانوا بنفس جيله...ويطلع انواع الفنون اللي عنده.. بس اشوى ولا احد انتبه من العيال والا مسكوه طنازه ولاتركوه.......
منصور:اقول خلنا نروح برى.....
فيصل:ليش؟؟؟خلينا هنا مستناسيين.......
منصور:لا ياشيخ...يالله قوم....
قام منصور وفيصل منقهر وده يطلع فنونه الثانيه...بس هو دمه خفيف وما يحتاج يستعرض....
منصور انشغل باله بموضوعه هو جوري خصوصا ان ابوه وعمه قاموا يلمحون بالموضوع وشكلهم متكلميين فيه....
اخاف اتكلم عن اللي بداخلي واقول اللي ابيه ينقلب الموضوع فوق تحت خصوصا وانا ببيت عمي... واخاف تكون وسوسه مني...والا وش اللي غيرني وخلاني عادي مو مثل الاول متعلق باخر امل فيها....
احس ان سلطان انسب لها...وانا وش دراني مجرد موقف بسيط يحصل بين أي واحد ووحده...بس احس نظراته غير لها...
منصور وين تفكيرك القوي الصارم...وين قوتك باتخاذ القرار...وين اللي كنت تعلمه للناس... منصور اجزم امرك وسوي اللي يرضي ضميرك.....
صارت العبارات ترن براسه وافكاره تروح به بعــــيـــــد...ما يدري اللي يفكر فيه هو الصواب بعينه والا افكاره خلته يروح بعيـــــــــد.....
فيصل:يالله ابو الشباب وصلنا بيتكم......
منصور:بتنزل معاي والا لا.......
فيصل:مدري افكر...اكيــــــد بانزل عشان الف البيت براحتي...مافيه ارجع يا ولد وراك احد....
طلع من السياره منصور وسكر الباب وفيصل خرج بعد وقاله منصور:حزنتني...مسكين اللي سمعك يقول انك ما تدخل البيت كله اذا فيه احد من الحريم.....
فيصل:خلينا نسولف..دام السوالف ببلاش.....
منصور:وش رايك بس ندخل؟؟؟؟
ودخل منصور البيت والعمال يشتغلون فيه...وراح لغرفته اما فيصل صار يتمشى بالبيت.......
منصور اخذ اغراضه المهمه لان البيت بس يبيله شوية ترميم ومن جهة وحده..عشان كذا ما اخذوا عفشهم كله...واخذوا المهم من اغراضهم الا منصور..جا واخذها بنفسه..
منصور يعشق الكتب بجنون...خصوصا اللي مجالها علم النفس...اخذ كتبه المفضله ودفتره اللي يكتب فيه اجمل عبارات مرت عليه.....
رجعوا البيت منصور وفيصل....وقابلوا بالمجلس الخارجي خالد وابو خالد.......
ابو خالد:مريت البيت.....
منصور:توني راجع منه...بغيت شئ...
ابو خالد:لا بس ودي اتطمن على الشغل...تعرف العمال اذا مافيه احد وراهم ما يشتغلون....
خالد:انا ومنصور نتناوب عليه....
منصور:ولا تشيل همه........
ابو خالد:لا لازم امر عليه يوميا ما اتطمن اذا ما شفته بنفسي...بس ابي المتابعه بالليل.......
خالد:لا من هالناحيه لا تشيل هم........
فيصل راح عنهم داخل البيت........
ابو خالد:ها يا منصور متى نتكلم بالموضوع......
منصور:أي موضوع!!!
ابو خالد:موضوع بنت عمك...الاجازه جت وخلاص ما بعد هالوقت وقت...نخطبها رسمي وعمك ما يردنا.....
منصور بضيق:لو نأجل الموضوع شوي.....
ابو خالد:ابد ما فيها تأجيل....خلاص البنت علقناها ولا تقدمنا رسمي...موب عشانها بنت اخوي مانسوي مثل العالم والناس...لازم نخطبها رسمي.....
خالد:طيب هي وافقت والا لا.......
ابو خالد:احنا نخطبها واللي يصير يصير وعمك مهوب رادنا......
منصور اخذ الدفتر اللي معاه وصار يقلب اوراقه ويقرى كتاباته وكتابات بنت عمه اللي كانت تجيب له اياها خلود..........ويحاول يبعد ابوه عن هالسالفه اقل شئ لو تتأجل...
قلب الاوراق...وفتح قسم مكتوب فيه (عبارات اعجبتني)...
يقول احد الحكماء:
الناس مشغولون عني وعنك بنقص خبزهم وإن ظمأ أحدهم ينسيهم موتي وموتك....

ويققول أحد أدباء الغرب:
افعل ما هو صحيح ثم أدر ظهرك لكل نقد سخيف!!
.......
وقرى اللي بعده وهو اللي قهره اكثر(تركى على المركه اللي جمبه وهو قاعد بالجلسة الشعبية وخالد بالكنب يقلب بجريدة)
>>كان من كتابات جوري....بتواقيعها اللي كانت تلطشهم خلود...
في الحديث((من أكثر من الاستغفار جعل الله له من كل هم فرجا ومن كل ضيق مخرجا))
والثانيه:أي شئ وجد من فقد الله؟!وأي شئ فقد من وجد الله؟!لايستويان أبدا...من وجد الله وجد كل شئ ومن فقد الله فقد كل شئ.....
تحطم منصور عند كلماتها....انقههههههر من نفسه على الاخر...شلون يفرط بالعلم الشرعي ويروح لعلم النفس....ليش اضيع وقتي بعلم من ناس مثلي مثلهم...وافرط بعلم من سيد البشرية.... وش بي ما احس وما افرق بينهم...لا قريت كلام او اثر من السنة ينشرح صدري وتلقائي يدخل قلبي...وعلم النفس دورات وشهور لين تدخل.........

 

[ضوى العيون]

تأفف منصور وضاق خلقه ورمى الدفتر بجنبه....وانسدح وحط راسه على المركه....
خالد انتبه لمنصور:وش فيك ابو الشباب.....
منصور:حاس بضيق.....
خالد:ليش عشان خطوبتك...عادي كل الشباب اللحين يشيلون هم الزواج لانه يربطهم....
منصور:لا تروح بعيد...
خالد خلا الجريد على جنب:وش السالفه يا منصور.....
منصور:حاس بضيق موب طبيعي.....
خالد:انا قلت يمكن اثر الحادث يوميين ويروح بس ما هقيته يطوول(وجا عنده)
منصور تعدل بالجلسه:انا موب منصور الأولي....
خالد:ليش وش اللي تغيّر....
منصور:قول ليش انا ما تغيرت...انا جتني حالة هوس بعلم الغرب...علم النفس...دورات وشهور وبالنقليزي والعربي...وسنوات وانا عمري ما فكرت بحالي زين.....
خالد:طيب وش اللي صار؟؟؟
منصور:انا متندم على اللي صار......
خالد:وش اللي صار........
منصور:لا تلعب باعصابي يا خالد...
خالد:شف يا منصور...انت خارج من حادث واكيد نفسيتك تعبانه بس انك تتغير على اللي صار لا... انت واحد مثقف وكم واحد اقتنع وصار بعيد عن الاشياء السيئة...تتذكر ولد جيراننا اللي عجز ابوه عنه انت بعد الله خلاه يهتدي...علمته التفكير الزين...وكانت هوايتك لا تنسى...وصديقي..وصديقك... وناس انت اكثر مني تعرفهم.....
منصور:بس انا متندم على العلم ذا وتركت افضل علم وهو العلم الشرعي.....
خالد:ما فيها شئ كلها علوم ولازم الواحد يتعلم مو بس يقعد على علم واحد....اذا كان كل الناس تفكر مثلك...اجل صرنا ما ندرس الا دين...انا ما انقص من العلوم الدينيية هي اهم شئ ومعها ناخذ العلوم الثانيه.....
منصور:مدري حاس اني قصرت مره بالعلم الشرعي وفيه عبارات لعلم النفس كنت اشوفها هي طريقي وهي اللي بتقويني واتفاجا ان فيه بالحديث او قول من الصحابه اقوى منه بكثير....
خالد:هيّن ذي ما فيها كلام السنه افضل...بس انت ادمج بينهم...
منصور:شلون؟؟
خالد:يعني العلم النفسي هو علم جيد انت قويه بالعلم الشرعي.... وابدا من اللحين....
منصور:ان شاء الله.....
منصور ارتاااااااااااااااح لرد خالد كان بدوامة ندم كبيييييييييرة وارتااااااح لخالد...مع انه كان صعب انه يقتنع باي رأي بس خالد غييييييير....يشوف باخوه رجوله وتفكير عجيب......
واخذ دفتره المعظم عنده واللي مستحيل يستغنى عنه بروح قويه....وقرى موضوع كان هو السبب بيأسه...بس اللحين يقراه بروح عااااااااليه.....
((غريب أليس كذلك..؟))
غريب كيف اننا نرى 10 ريالات كبيرة عندما ناخذها للمسجد وصغيره جدا عندما ناخذها للسوق!!
غريب كيف أننا نرى ساعة في طاعة الله طويلة ولكن ما أسرع تسعون دقيقة في لعب كرة القدم أو ستون دقيقة في ألعاب الكمبيوتر..!!
غريب كيف يفرح الناس عندما تعطى المبارة وقتا اضافيا ولكن يشتكي الناس عندما تطول خطبة الجمعة عن وقتها المعتاد!!
غريب كيف أننا نتقبل ونتبع أحداث أساليب الحياة ولكننا ندير ظهورنا لسنة نبينا محمد صلى الله عليه وسلم...!!!>>وهذا اكبر شئ اثر فيه...
غريب كيف أننا نحتاج الى مدة طويلة ونواجه صعوبة في حفظ آية او اثنتيين ولكن في مدة قصيرة وبسهوله نستطيع حفظ اغنيه!!!
غريبة رغبة الناس في الذهاب الى الجنة بشرط عدم اعتقاد او تصديق او قول او عمل أي شئ!!
وسكر دفتره وحس انه نشيط وعرف ان الشيطان يدخل من مداخل الفرح ومداخل الحزن... كسر شيطانه ونوى انه يصادق سلطان عشان يروح معاه ويحضر المحاضرات عشان يستفيد ويعرف دينه اكثر.....

**************************
عمر:يا محمد ظروفها صعبه وش فيك انت؟؟؟
محمد:انت اللي وش فيك يعني تتوقع اطلقها بكل سهوله وتبي ترجع لاهل ما يراعونها....
عمر:شف انا معك هي ظروفها صعبه مره...امها توفت وامي اللي ربتها...بس هي ما عندها ثقه باحد وشخصيتها ضعيفه.....
محمد:بس انا ما اشوف اللي تقوله....
عمر:يعني بالله باكذب عليك....شف انا باقولك شئ ولو اني ما كنت ناوي اقوله...بس اللحين مضطر...
محمد:ايه وشو؟؟؟
عمر:هي من توفت امها وهي تحس انها فاقده شئ...انا ما اقولك اننا كنا العائلة المثاليه يعني عادي مثلها مثل أي بنت....بس هي تحسب كل شئ غلط..ويمكن قالك شئ نواف...بس هي نفسها ما فهمناها حساااااااااسه مرره وعشانها يتيمه وما تثق باحد...وبعد امها ما توفت هي ومره صغيره لا عرفت امها يمكن عشر سنيين بس امي والله ما قصرت....بس هي حساسه مرره وتزعل من أي شئ وتعبت نفسيتها وبغينا نوديها لمستشفى بس هي يوم عرفت زعلت مره وقلبت علينا من يومها تحسبنا بنرميها ونتركها....احنا نبي مصلحتها ونبيها تخرج من الحاله اللي فيها بس زادت بالفتره الاخيره.....واللي مره زاد عليها كان اكبر شئ غيّرها هو ملكتها....ملكت على واحد وتعلقت به وفجأة تركها من دون أي سبب وتأثرت مرررره لدرجة اننا غصب ودينها للمستشفى وكانت حالتها صعبه ومن عقبها وهي حالتها ما تسر الواحد.....
محمد تطمن انها ما كذبت عليه:طيب وسالفة انكم ما تعطون حريتها بالبيت وماتعاملونها مثلها مثلكم واهلكم ما يبونها ويبعدون بزرانها عنكم....اعذرني عمر بس انت صديقي وتعرف ان ما بيننا شئ..
عمر:انا داري ان نواف اكثر مع نهى...بس(وسكت) يعني هي مره كانت بتضر نفسها وخفنا عليها وعقبها خليناها ما تقفل الباب والبزران وامهاتهم ما ادري عنهم بس انا انوقع انها تصورت هالشئ يعني وحده قالت لولدها تعال وهي فهمتها غلط........
محمد حس انه متضااااااايق مره على نهى...فعلا حالتها صعبه وما تتحمل أي شئ وما وثقت الا بمحمد والباقي كرهتهم....
حس انه مسؤل عنها وعن حياتها ووده لو يصحح لها الامفاهيم وتمنى لو يلاقي حل لمشكلتهم...
عمر:وين رحنا؟؟؟
محمد:ما ابعدنا....
عمر:اجل يالله مشينا للبيت ما تبي تستلم.....
محمد:لا بكره امرها وآخذها......
عمر(يغمز) :تبي تبعد عن الاجواء المشبوهه
محمد:بالضبط..
عمر:ههههههههه
وافترقوا محمد وعمر وكلن راح بيته.........
****************************

 

[ضوى العيون]

قامت من النوم جوري وهي مالها خلق تقوم ولا تبي تتذكر ولا شئ بس غصبا عنها المدرسه ببالها هاليوم نزلت دموعها وصارت تصيح...قامت ودخلت الحمام ولقت وجهها متنفخ من النوم والصياح ومتغير شكلها مره......
خرجت للصاله البيت كله مقفله انواره...نزلت المطبخ ومالها خلق تاكل شئ بس عشان بتسلي نفسها عشان ما تتذكر شئ بس كل شوي تتذكر وتصيح...
جوالها كان مغلق فتحته وناظرت والا جايتها رسايل من هيفاء وغدير وكلها شوق وحزينه ردت تصيح...ولقت رساله من رقم غريب....
<سلام الى اغلى جوري..مبروك يا قمر على انتهاء الاختبارات وعقبال النتيجه الحلوه اللي مثلك.. المجروح>
جوري اشتعلت كل نيران الخوف بقلبها....حتى الجوال عرف رقمه...مستحيل هذا يعرفني..موب صاحي...ومسحته على طول بس ما نست رقم جواله لانها من الخرعه تعيد الرساله وتناظر رقم الجوال...
جوري صدع راسها من هالسالفه الى الان ما نسى ولا بعد من الجوال...وزاد همها هم... نزلت راسها على الطاولة اللي بالمطبخ وقدامها كاس عصير الليمون...وتذكرت غدير وهيفاء...آآآه والله هم شلون اترككم...اللحين استوعبت السالفه..اللحين حست بهم...حست بفقدتهم...حست بالدنيا تضيق عليها كل ما تتذكرهم.....ونزلت دموعها غصبا عنها...
تنحنح واحد برى المطبخ...ارتبكت جوري وما كانت تظن ان فيه احد صاحي....
منصور:فيه احد......
جوري مرتبكه وما تدري وش تقول بس اسعفها لسانها وقالت:ايه...وراك...
منصور بياخذ علاجه اللي امه حاطته بالمطبخ لانه نسى ياخذه وخصوصا المراهم اللي على الوجه.. لازم يستمر عليها عشان تمحي اثر الخياط الي على وجهه....بس مستحي يتكلم....
جوري:انا باطلع اللحين فوق وخذ راحتك....
جوري ما تدري هو صح اللي قالته والا جرأة منها...جوري تخاف من الرد على الرجال وتحس انهم يفهمون كل شئ على هواهم...وخصوصا منصور متخوفه مره منه ومن تفكيره.....
منصور:لا خلاص كنت ابي شئ وهونت...
وراح منصور عنها لغرفة العيال اللي تحت....
مشكلة بيت ابو فيصل ان ما فيه الا مجلس كبير برى وملحق...بدورات المياه المرفقه بس الغرف الداخليه اريح منها بكثير....وهي تسعهم بس البنات يستحون من العيال اما الكبار ماهم حاسين بشئ وبالعكس مستانسيين على هاللمه.....
طلعت جوري لغرفتها وسكرتها وكانت تبي تفتح كيس الهدايا من صديقاتها بس ضاق خلقها وراحت لكمبيوترها....
قلبت بالمنتديات وكانت تبي تدخل شات بس تذكرت المصخرة اللي بالشات وان ما تلاقي الا ناس فاضيه وما يستحون تركته وقفلت النت......
من الطفش رجعت فتحت النت لان ما فيها ولاقطرة نوم وفتحت المنتدى ولقت 3رسايل من المجروح...
((ليش انا؟؟ليش من بين كل هالمخاليق تهجرني...ابعرف سبب واحد عشان تكرهيني... محبك:المجروح))
2
((الله يسهل عليك اختباراتك...ويوفقك..بس ما جاوبتيني؟؟
محبك:المجروح))
3
((تبي تعرف غلاك وش قد؟؟انا أسألك وجاوبني بجد!
هي الســمــا تـنـتـهـي بــحــد؟؟
او الارض تـنـتـهـي بــســد؟؟
أو الـرمــل تـلـقـالـه عــد؟؟
لا لـقـيـت جـواب أو رد
وقــتـــــهــا...
بـتـعـرف غــلاك وش قـــد....
محبك المجروح))
جوري انقهرت منه مررررررره...وش يبي منه وبنفس الوقت اشتغلت كل عروق اللقافه عندها... ولقت ايميله حاطه باخر الرساله بس خافت من الاضافه...هي بس تبي تشوف وسالفته وبنفس الوقت شئ مررررررره صعب انها تكلم وتدري انه رجال....ترددت مره من هالفكره.....
ودخلت المسن........
وما صدقت يوم لقت سارا اون لاين...وبسرعه دخلت معها....
سارونه كان النك نيم(هاك قلبي يا بعد عمري هديه..تجرحه ما تجرحه انت وضميرك)
والنك نيم حق جوري(سارعي للمجد والعليا::مجدي لخالق السما)

سارعي للمجد والعليا::مجدي لخالق السما:
هلا وغلااااااااااااااااااااااااااااااااااااااااااا

هاك قلبي يا بعد عمري هديه..تجرحه ما تجرحه انت وضميرك:
اهلييييييييييييييييييييييييييييييييييييين جوجو

سارعي للمجد والعليا::مجدي لخالق السما:
السلام عليكم؟؟وكيف الحال؟؟ووين الناس؟؟

هاك قلبي يا بعد عمري هديه..تجرحه ما تجرحه انت وضميرك:
شوي شوي

هاك قلبي يا بعد عمري هديه..تجرحه ما تجرحه انت وضميرك:
اول شئ وعليكم السلام
ثاني شئ انا الحمدلله بخير
ثالث شئ انا موجوده انتي اللي وينك

سارعي للمجد والعليا::مجدي لخالق السما:
ادعيييي لنا والله خايفه من النتيجه...

هاك قلبي يا بعد عمري هديه..تجرحه ما تجرحه انت وضميرك:
لا ان شاء الله تجبين نسبه حلوه زيك..

سارعي للمجد والعليا::مجدي لخالق السما:
آآآآآآآآآمين يارب...

هاك قلبي يا بعد عمري هديه..تجرحه ما تجرحه انت وضميرك:
اليوم خلصتوا صح

سارعي للمجد والعليا::مجدي لخالق السما:
ايه خلصنا...بس وش رايك باخر يوم...

هاك قلبي يا بعد عمري هديه..تجرحه ما تجرحه انت وضميرك:
لازم الطفش والقلق وبتكونيين متنكده مرررررررره وبعدين يصير عادي...

سارعي للمجد والعليا::مجدي لخالق السما:
ليته يصير عادي...ما ادري حاسه الدنيا ضايقه عليّ

هاك قلبي يا بعد عمري هديه..تجرحه ما تجرحه انت وضميرك:
يالله فتره ان شاء الله وتعدي....اخبارك واخبار المعاريس بعد ثالث....

سارعي للمجد والعليا::مجدي لخالق السما:
اليوم خلصت ما يمديهم العرسان يجون...ولاحقين على هم الزواج...

هاك قلبي يا بعد عمري هديه..تجرحه ما تجرحه انت وضميرك:
ليش هم؟؟بالعكس وناسه ودلع وشئئئئئئئئ

سارعي للمجد والعليا::مجدي لخالق السما:
تراها سنه وحده وبس...

 

[ضوى العيون]

هاك قلبي يا بعد عمري هديه..تجرحه ما تجرحه انت وضميرك:
ليش متحطمه كذا...بالعكس الزواج غيــــــر...

سارعي للمجد والعليا::مجدي لخالق السما:
ايه سارونه بغيت اقولك شئ....

هاك قلبي يا بعد عمري هديه..تجرحه ما تجرحه انت وضميرك:
وشو؟؟

سارعي للمجد والعليا::مجدي لخالق السما:
تذكرين سالفة المجروح كنتي بتقولينها ومن عقبها ما التقينا....

هاك قلبي يا بعد عمري هديه..تجرحه ما تجرحه انت وضميرك:
توني بافتح معك هالسالفه....بس يبيلها مقدمات لليل....

سارعي للمجد والعليا::مجدي لخالق السما:
ما بيننا شئ....بدون مقدمات...

هاك قلبي يا بعد عمري هديه..تجرحه ما تجرحه انت وضميرك:
اجل اصبري علي لين اكتب السالفه..

سارعي للمجد والعليا::مجدي لخالق السما:
اوكي

هاك قلبي يا بعد عمري هديه..تجرحه ما تجرحه انت وضميرك:
اولا انا قلت لك قبل كذا لاتاخذين موقف غلط مني ابدا...انا حبيتك وحسيت انك طيبه بجد... وكثير اشياء متوافقه بيننا...وانا اختي تعرفك اكثر مني وانا عن طريق المنتدى والمسن....

سارعي للمجد والعليا::مجدي لخالق السما:
منهي اختك؟؟يعني تعرفيني زين وتعرفين عايلتي وكل شئ.....

هاك قلبي يا بعد عمري هديه..تجرحه ما تجرحه انت وضميرك:
ايه وأنا أتكلم مع اختي اتفاجأت بانها عارفه يوزرك وبس اندمجنا مع بعض...

سارعي للمجد والعليا::مجدي لخالق السما:
واااااااااااااااو يالصدف طيب من انتي؟؟ومنهي اختك؟؟

هاك قلبي يا بعد عمري هديه..تجرحه ما تجرحه انت وضميرك:
اكمل السالفه وبعدين اقولك من انا....

سارعي للمجد والعليا::مجدي لخالق السما:
سوري قطعتك...بس من الحماس...

هاك قلبي يا بعد عمري هديه..تجرحه ما تجرحه انت وضميرك:
عادي ما صار شئ...

هاك قلبي يا بعد عمري هديه..تجرحه ما تجرحه انت وضميرك:
بعد ما اندمجنا مع بعض صراحه تمنيت لو نتقابل بس ما ادري عنك واحسها بعد صعبه لان اهالينا ما يسمحون تروحين لاي مكان...

سارعي للمجد والعليا::مجدي لخالق السما:


هاك قلبي يا بعد عمري هديه..تجرحه ما تجرحه انت وضميرك:
وصراحه كتاباتك ما تبين الا عن وحده واااااااعيه خصوصا خواطرك محتفظه فيها كلها....

سارعي للمجد والعليا::مجدي لخالق السما:
يسلمو..هذا من ذوقك..

هاك قلبي يا بعد عمري هديه..تجرحه ما تجرحه انت وضميرك:
بستغربين وش دخل ذا بالمجروح...بس اذا قلت لك اني اعرف المجروح وعندي كلام منه لازم يوصلك...

سارعي للمجد والعليا::مجدي لخالق السما:
وت؟؟؟؟؟؟؟؟؟؟؟؟؟؟

هاك قلبي يا بعد عمري هديه..تجرحه ما تجرحه انت وضميرك:
داريه انك بستغربين...بس باقولك كل السالفه بس بدون زعل...

سارعي للمجد والعليا::مجدي لخالق السما:
ايه قولي تراني عجزت استوعب....

هاك قلبي يا بعد عمري هديه..تجرحه ما تجرحه انت وضميرك:
بصراحه المجروح طايح فيكي طيح ويبيك من جد..ويتمنى هالامنيه تتحقق ويوم عرف عن اختي انها تعرفك انجن وخلاها تاخذ رقم جوالك وعطاه امي عشان تكلمكم....

سارعي للمجد والعليا::مجدي لخالق السما:
يعني اخوك المجروح...

هاك قلبي يا بعد عمري هديه..تجرحه ما تجرحه انت وضميرك:
ايه اخوي..انا دخلته عن طريقه..وانتي كنتي محل اعجاب الكثير مو بس هو....

سارعي للمجد والعليا::مجدي لخالق السما:
بس اسمحي لي طريقته غلط....

هاك قلبي يا بعد عمري هديه..تجرحه ما تجرحه انت وضميرك:
والله كلمته بس هو يقول ما فيها شئ احنا عن طريق النت...وانتي لاتصيرين متحجره... ومن هالكلام...

سارعي للمجد والعليا::مجدي لخالق السما:
يعني شفتي الرسايل الخاصه....

هاك قلبي يا بعد عمري هديه..تجرحه ما تجرحه انت وضميرك:
صراحه ايه..وكانت ردودك مره حلوه...بس هو اعترض يقول ما فيها شئ..احنا نغلق من كل مكان..ما اتكلمنا ولا اتقابلنا مجرد نت..وكتابات...لا نصير منغلقيين ومن هالكلام....

سارعي للمجد والعليا::مجدي لخالق السما:
لا حبيبتي انا عندي النت مثل غيره...وهذا موب اسمه انغلاق هذا اسمه عقل...الواحد ما يكتب أي شئ..ويحسب ان العلاقات اللي بالنت جايزه.....

هاك قلبي يا بعد عمري هديه..تجرحه ما تجرحه انت وضميرك:
والله انك صادقه بس هو والله حبيب وحليل ومره مثقف وفاهم بالكمبيوتر...صراحه كل شئ فيه زين...بس ما يحب التحجير وكل شئ عيب خصوصا العلاقات اللي قبل الزواج....

سارعي للمجد والعليا::مجدي لخالق السما:
يعني عادي عنده العلاقات اللي قبل الزواج...

هاك قلبي يا بعد عمري هديه..تجرحه ما تجرحه انت وضميرك:
ايه وهو كلمني اني اكلمك وتصيرون تتعرفون على بعض قبل الزواج واذا اتأقلمتوا مع بعض تتزوجون....

سارعي للمجد والعليا::مجدي لخالق السما:
لا يا حياتي قولي له اني انا منغلقه ومنحجره وما اعرف بالحضاره شئ...العلاقات حرام ذا شرع ربنا مو لعب وقوليه يتذكر هالآية((وما كان لمؤمن ولا مؤمنة اذا قضى الله ورسوله أمرا أن يكون لهم الخيرة من أمرهم))

سارعي للمجد والعليا::مجدي لخالق السما:
يعني مالنا خيارات...هذا دين ماله شغل بالثقافه....

هاك قلبي يا بعد عمري هديه..تجرحه ما تجرحه انت وضميرك:
يعني منتي موافقه.....

 

[ضوى العيون]

سارعي للمجد والعليا::مجدي لخالق السما:
اصلا انا مخطوبه..وبعدين انا مو من هالفكر...ولا احبه...والغريب ان كثير من الناس طايحيين فيه... عسى الله يهدي اخوك....

هاك قلبي يا بعد عمري هديه..تجرحه ما تجرحه انت وضميرك:
اوكي براحتك...بس لا يأثر هذا بعلاقتنا...كل واحد حر بتصرفاته....

سارعي للمجد والعليا::مجدي لخالق السما:
اكيد ما صار بيننا شئ بس تكفين تراه مرسل لي رساله على الجوال يا ليت تحذفين رقمي من عنده.. وعند اختك الي مدري منهي خليها تغير اسمي او تحذف اسمي وتحط الرقم بالنوته...

هاك قلبي يا بعد عمري هديه..تجرحه ما تجرحه انت وضميرك:
اوكي واسفين على الازعاج...بس ماتبين تعرفين من انا ومنهي اختي.....

سارعي للمجد والعليا::مجدي لخالق السما:
اكييييييييييد بعرف....

هاك قلبي يا بعد عمري هديه..تجرحه ما تجرحه انت وضميرك:
انا بنت عم غدير..ورقمك من غدير اخذته يعني مو عن طريق اختي بس عشان ما تتخرعين

سارعي للمجد والعليا::مجدي لخالق السما:
واااااااااو...اخر ما توقعت انك من طرف غدير عموما تعارف حلو وان شاء الله نتلاقى ببيت غدير..

هاك قلبي يا بعد عمري هديه..تجرحه ما تجرحه انت وضميرك:
ايه ان شاء الله....

سارعي للمجد والعليا::مجدي لخالق السما:
واخبار علوم؟؟؟

هاك قلبي يا بعد عمري هديه..تجرحه ما تجرحه انت وضميرك:
ابد بخير...

هاك قلبي يا بعد عمري هديه..تجرحه ما تجرحه انت وضميرك:
يالله يا قلبي ابخرج......

سارعي للمجد والعليا::مجدي لخالق السما:
مع الف سلامه ولا تنسين كفارة المجلس.....

هاك قلبي يا بعد عمري هديه..تجرحه ما تجرحه انت وضميرك:
سبحانك اللهم وبحمدك اشهد ان لا اله الا انت استغفرك واتوب اليك.....

خرجت سارونه...وتركت جوري بالف حيره وحيره...معقوله غدير من عائلة محافظة وهذي بنت عمها والمجروح ولد عمها...معقوله هالفكر دخل هالبيوت المحافظة...معقولة في ناس يؤمنون بالعلاقات قبل الزواج...وما يبون احد يناقشهم...وشايفيين اننا حنا متحجريين ومتخلفيين... يارب ديم نعمة العقل عندنا....انا اعرف ان هالتفكير قليل بس شكله كثر بين الناس... ياربي حرام ما يعرفون انه حرام والا يحللون لأنفسهم أي شئ وياخذون الفتوى من أي احد...يارب ارحمنا برحمتك وثبت علينا نعمة العقل والدين.......
الفجر ما بقى عليها شئ راحت صلت ركعتيين واوترت ودعت ربها ان يبعد عنها هالهم الي جاها بعد التخرج...
ودعت ربها انه يريحها بمسألة الزواج لانه انتهت اختباراتها واكيد بيفتحون هالسالفه ودعت ربها لو حياتها مع سلطان فيها خير وسعاده ييسر لها هالزواج....
سلطان ما خرج من حياة جوري ابد لانها فترة المراهقه والثانوي كلها كل تفكيرها فيه...ما عمرها اتصورت ان غيره يجي مكانه والبنت لا اتعلقت بشخص وحطته ببالها مستحيل يطلع منها بسهوله خصوصا اذا خطبها.....
اذن الفجر راحت صلت وقومت اهلها يصلون وراحت للمطبخ تبي تسوي قهوه........
<<منصور بالغرفه ما نام ولا قدر ينام من كثر التفكير خصوصا ان ابوه قاله قبل لا ينام انه بكره بيخطب بنت عمه رسمي...
منصور محتاااااار مره اكثر من قبل...حس انه مهوب متهيأ مره لهالزواج وراح الحماس اللي كان فيه قبل الحادث..
وخايف انه عشان عمه يظلم بنت عمه وما يبي ياخذها الا وهو مقتنع مثل قبل...والا بنت الناس ما تنظلم...
منصور يفكر بطريقه تخلصه من هالزواج اقل شئ لو يتأجل وترجع حالته النفسية الأولية والأكثر ان حالة اليأس مازالت مستمره ومايفكر بشئ الا الدنيا وشلون يستغل حياته...
وما يبي يظلم أي احد... وهو من النوع اللي ما يحب ياخذ قرار عن طريق ضغوط ولا عمره سواها اذا ما كان القرار نابع من نفسه بيسويه واذا كان لا فمستحيل يسويه....
منصور قام يصلي الفجر وقابل عمه وابوه وخالد وفيصل راح يصحيه يعرف نومه الثقيل بس هالمره نايم بغرفته....وصى عمه ابو فيصل يصيحه لانه متوصي فيه ويحب ينكد عليه لين يتعود على الصلاة بوقتها......
********************************
لمياء تعبت مره لدرجة انها صارت على الفراش ما تقدر تقوم منه ودمها قل مره وضعفت مره... واكثر شئ اخوها فراس اللي صارت بالموت تشوفه حست ان الدنيا قفلت بوجهها..ولا هي قادره تتماشى مع وضعها ببيت عمها....وولد عمها ما زال يضايقها بالفتره الاخيرة...
انقلبت على فراشها وهي تدعي عليه وتدعي ان ربها يفكها من هالمصيبه....
<<بالصالة....
عيوش:فراس روح عند لمياء......
عادل:تسوين روحيك ما تدرين........(عادل ما يبي فراس يروح عند لمياء عشان لا تتعدل نفسيتها)
عيوش:قلت شئ غلط......
عادل:لا ما قلتي بس انا ما ابيك تفتحين فمك.....
عيوش:انا ما قلت شئ غلط والظاهر انك منت ابوي عشان تتحكم بي.......
عادل:انا اخوك مثل ابوك واللي اقوله يمشي عليك وعلى غيرك.......
آمنه وامهم ساكته ما يردون........
عيوش:والله...لا محد له دخل بي غير امي وابوي..........
عادل مسك يد عيوش وعوجها لها بطريقة مؤلمة مره:اذا اتكلمت انا تسكتيين وتقولين تامر أمر....
عيوش وهي تتألم:منب قايله الا لأمي وابوي.......
عيوش كانت عنيده وما تحب السلطة خصوصا من عادل اللي يبي يفرض رأيه على الجميع...
عادل ضغط على ايدها بقوه وقال:غصبا عنك وعن اللي جابك تسمعين كلامك.....
عيوش وعيونها تدمع:اترك يدي....اتركها....
عادل:باتركها بس لا تصيحيين علينا..
عيوش راحت غرفتها وهي تبكي انقهرت مرررررره من عادل...والام وآمنه ما علقوا ولا تعليق خلاص تعودوا على اسلوب عادل معهم...
عيوش:وقح ما يستحي على وجهه... ويقول عنك وعن اللي جابك..ما كأنها أمي قدامه...الله ياخذه ونفتك منه.......
ابو راشد وتوه داخل البيت:وش فيها اصواتكم.......
ام راشد:ابد تعرف لعب العيال.....
ابو راشد:الله يصلحهم......
عادل:بغيت اكلمك بموضوع يبه...
ابو راشد:تكلم مافي شئ خاص بينا....
قامت آمنه تسوي القهوه لهم.......
عادل بكل ثقه:ابي اتزوج.......
ابو راشد بإبتسامه:يالله صباح خير....
راشد ساكت ما يحب يتدخل بمواضيع عادل بسبب الحساسية اللي بينهم....
ام راشد:ما شاء الله بتسبق اخوك وبتتزوج.....
عادل:والله ولدكم ما يبي يتزوج بس انا ابي ومستعجل.....
ابو راشد:ما شاء الله شكلك مخطط لكل شئ......
عادل:تقريبا....
ام راشد:ومنهي قلنا عشان نخطبها لك.....
عادل:اهم شئ انتو موافقيين.......
راشد وهو مستغرب مررررررره من قرار عادل اللي عمره ما فكر بالزواج...
ابو راشد:ايه موافقيين....بس منهي؟؟؟
عادل:لمياء بنت عمي....
ابو راشد سكت وما قدر يعلق وام راشد بعد...سكتوا من الصدمه.....عادل اللي اكثر واحد يكرهها هو يبغاها...آمنه كانت بالمطبخ وشهقت وسمعوها اللي بالصالة....آمنه عارفه وش نواياه وعارفه وش يخطط له....وخايفه من تجرأه وعدم خوفه من ربه....

 

[ضوى العيون]

اما راشد كان له تصرف ثاني مع عادل......
راشد باستهزاء:من اللي تبي...ما سمعت......
عادل يسوي نفسه عادي:لمياء بنت عمي...قلت شئ غلط.....
راشد:لمياء اللي هي لمياء ما غيرها تبيها....
عادل بدى يعصب:ايه لمياء...وبعدين انا اكلم ابوي وامي لا تتدخل انت.....
ابو راشد:بس يا عادل....هذا اخوك الكبير.....
عادل:المهم انا ابيها وابي استر عليها...هي يتيمه ومالها احد غيرنا...
ابو راشد:والله لي فتره وأنا افكر بهالموضوع وشايل همها....
عادل:وعشان كذا باصير المحرم لها بهالبيت....
راشد:وهي أكيد ما تبي منك هالمحرمية......
عادل:البنات مالهم رأي....
راشد:من قال؟؟
عادل:عادل قال......
راشد:يخسى عادل وأمثاله....
عادل وهو يصرخ:راشد لا تتدخل وخليك ساكت ازين لك...انا اتكلم مع ابوي وانت تسكت....
راشد:منب ساكت لو تموت....البنت لازم ينأخذ رأيها...مو عشانها يتيمه خلاص تسكتون عن حقوقها....
عادل:يتيمه والا مي يتيمه البنت ما ينأخذ رأيها والشور عند ولي امرها.....ها ابوي....
ابو راشد:لا بعد كملوا هواش...ما تستحون على وجيهكم لا تحترمون ابوكم ولا امكم.....
عادل:ولدك هو اللي تلقف...انا باستر عليها وبافكك من همها واصونها وهو يقول كلامه ماله معنى....
راشد:انا ما قلت شئ غلط قلت خوذوا رأي البنت...
عادل:عمرنا ما اخذنا راي البنت...ولي الامر هو اللي يحدد وهو اللي يعرف مصلحة البنت....
راشد:وانت تظن انك مؤهل للزواج....
عادل:وانت مالك الا الكلام واللقافه...لو فيك خير كان سترت عليها وخطبتها....
ابو راشد:عادل يقول الصح...البنت لازم تتزوج ويصير لها محرم بهالبيت...
راشد:اذا ما تبونها ودوها لبيت خوالها...كلهم قالوا يبونها...ولا تضايقكم ويخرب مستقبلها....
عادل:ولد عمها اولى بها من الغريب...وهو الاحرص عليها واذا انت ساكت انا باتكلم....
ابو راشد:وش تبي الناس تقول عننا اذا ودينها لخوالها...يقولون متضايقيين منها.....
راشد:خوالها مثل عمانها...وبالعكس في بيت خالها ما عنده أي مانع انه ياخذها هو اللي قالك يوم العزا وكل شوي يدق عليك يأكد عليك انه يبيها عنده وان ما فيها شئ.....واللحين مر وقت وهي عندكم عادي لو راحت عند خوالها.........
ابو راشد بين ناريين....راشد ولده الكبير العاقل اللي يوزن اموره وكلامه مقنع...وكلام عادل اللي يحس انه اقرب له..........
عادل خاف يخرب راشد كل شئ وقال:البنت لولد عمها وانا ابيها منك....اتركونا من سالفة السكن لانها بتتزوج ها ابوي موافق.......
ابو راشد:خلها بعدين....
راشد:وخافوا الله في بنت العم...وتراه امانة عندكم وشاورها هذي مهي بنتكم عشان تفرضون عليها كل شئ......
عادل:اذيتنا امانه وامانه اذا خايف عليها تزوجها ولا تقعد تنصحنا......
ابو راشد:أي والله يا راشد كانك خايف عليها تزوجها......وخلاص انا موافق على هالزواج.........
ويسمعون صرخه قوية من غرفة لمياء واغمى عليها...وودوها للمستشفى..........
******************************
ام رغد:يا لولوة انتي وش دراك بهالسالفة.....
لولوة:شفتي عهود بنت عم الجوهرة...صديقتها نوف اختها معاي اللي هي امجاد اللي دايم اسولف لك عنها.....
ام رغد:وش قالت بالضبط......
لولوة:قالت ان منصور يبي بنت عمك وهي ساكته ما ردت قالت بعد ثالث...وتقول ان عهود تقول شكلها مهي موافقه لانها تأخرت بالرد...بس منصور مره يبيها.....
ام رغد:وصارت خطبة رسمية والا لا....
لولوة:والله مدري...بس الظاهر انها قالت اول ما تخلص اختبارات بتصير الخطبه لانهم بيخلون الزواج باخر الصيف.....
ام رغد:الله يعين.....
لولوة:ليش تسالين؟؟؟؟؟
ام رغد:غريبة ليش خالتي ما تقولنا شئ حتى امي ما تدري بالسالفه.......
لولوة:طيب ما صار شئ رسمي شلون تبينهم يقولون كل شئ........
ام رغد:يعني اذا صديقتها تعرف حنا اولى اننا نعرف.......
لولوة:الا قصدك سلطان يبي يعرف....تحسبيني غشيمة ما افهم...
ام رغد:والله انك داهيه...طلعتي حيه من تحت التبن........
لولوة:ههههههههههه....عشان تعرفون اني موب شئ يستهان به.......
ام رغد:المهم أي اخبار قولي لي......
لولوة:هو مره يحبها......
ام رغد:اقصري صوتك لا احد يسمعنا.....
لولوة:محد فيه.......
ام رغد:ايه يعزها..........
سلطان دق الباب:ام رغد....
ام رغد:هلا........
سلطان:تعالي ابيك شوي.........
لولوة:روحي للعاشق الولهان...مالت علينا......
ام رغد:استحي يا بنت.......
لولوة:والله...على العيال عادي والبنات لا........
ام رغد قامت من عند لولوة وراحت لسلطان....ولولوة من يوم ما خلصت اختبارات وهي ببالها تبي جمعه للأربعاء الجاي باحد الحدايق عشان يشوفون مباراة الهلال لانها حمست كل البنات لانها تقولهم المبارة وجمعة بنات احلى شئئئئئئئئئئ...حتى البنات اللي ما يتابعون مباراه تحمسوا ودهم لو يشوفون هالشلة وهي معهم فص فص وبيبسي وبطاطسات...يبون يخربووووووونها على الاخر...
سلطان:ها وش صار؟؟
ام رغد:والله ياخوي شكل البنت اليوم خطبتها.....
سلطان وفقد آخر خيوط الأمل:لا تقولين........
ام رغد:الولد خاطبها من العام وهي اهلها قالوا صعبه ثالث خلوها بعد الاختبارات وشكل الولد مستعجل يبي يخطبها وبيكون الزواج باخر الصيف........
سلطان:لاحول ولا قوة الا بالله....يعني ما في امل.......
ام رغد:ان ربي كاتبها لك بتكون لك حتى لو بعدين........
سلطان:خلاص البنت مخطوبه....اصلا انا الغبي اللي مسوي فيها فاهم بالاصول....اكيد هي ماخذه مني موقف...تحسب اني ما ابيها مثل ما رفضها محمد....انا كنت ابيها تقولي ايه موافقه مو مواقف والا ضغوط من الاهل تجبرها انها توافق......
ام رغد:يا سلطان اذا على الموقف انا اصلحها واقولها...
سلطان:وش تقولين لها...تقولين لها انه كان يبيك... ويبيك تقولين الموافقه من طيب خاطر وهي اللحين مخطوبه....صعبه والله صعبه....
ام رغد:هي صعبه بس لازم نلقى حل...........
سلطان:مافي أي حل...البنت اكيد كرهتني بسبب غبائي......
ام رغد:بس لازم نبين لها انك ما تقصد انك ما تبيها........
سلطان:خلاص دام البنت انخطبت خلاص مافي أي مجال اننا نرجعها للماضي.......

 

[ضوى العيون]

ام رغد:طيب وش رايك لو نجيبها بطريقة ملتويه......
سلطان:شلوووون؟؟؟
ام رغد:يعني مثلا نقول ان الولد ما كان عنده وظيفه وما يبي يربطها...من هالكلام...
سلطان:برضو صعبه...البنت مخطوبه واي شئ يمكن يأثر بخطوبتها.....
سكتوا ام رغد وسلطان وهم يفكرون وش يقولون لها لو اعتذار...اي شئ يبين انها غاليه ومهي رخيصه.....
لولو سمعت كل شئ وراحت تبي تكلم بنت خالتها جوري اللي تعزها من بين بنات خالاتها وبنات عمها....
لولو:الو.....
فيصل اللي كان نازل من غرفته وسمع صوت التلفون بالصالة ورد:نعم...
لولو:السلام عليكم........
فيصل:هلا والله وعليكم السلام...لولو....
لولو باحراج:ايه....
فيصل:وش اخبارك؟؟؟
لولو:بخير.....
فيصل يحس ان لولو بعدها صغيره ويعاملها كانها اخته الصغيرة:وينك من زمان عنك؟؟؟ها بشري راسبه...
لولو:ههههه لا اعوذ بالله....ان شاء الله ناجحه بس مدري كم النسبه....
فيصل:ياي يالنسبه اولى ثانوي انتي صح....
لولو:صح....
فيصل:اجل لاتهتميين بالنسبه اهم شئ ناجحه....
لولو:يالله الحمدلله.....
فيصل:اكيد تبغين الدوبه...اصبري اناديها....
لولو:ايه ابي جوري.....
فيصل:ثواني.........
لولو يعجبها فيصل مره لانه ينكت ويفرفش ويعجبها الولد المهبل اللي بس ينكت ولا بعد عشانه يشجع الهلال...حاسه انه احسن ولد...بس تفكيرها ما زال طفولي وما زالت تعتبره مثل اخوها....
فيصل:الجوهره...ارفعي السماعه.....
جوري:طيب....
الجوهره:هلا والله.....
لولو:هلا بك...وش اخبارك يالدوبه؟؟؟؟
الجوهره:بخير...علومك انتي يالقطوع؟؟؟؟
لولو:ازقح...عال العال...
الجوهره:ها بشري ناجحه........
لولو:الحمدلله بس ما شفت النسبه وحده قالت لي اني ناجحه....وانتي؟؟؟
الجوهره:لا تذكريني انا اشوفها من النت.........
لولو:الله يعينكم............
الجوهره:وش رايك تجين عندنا اليوم........
لولو:مدري والله على حسب الشايب اللي عندي لان محمد يبي يسافر ومافيه الا سلطان....
الجوهره حست بقلبها يقبض يوم سمعت اسمه:لو ابوك ما عنده أي مانع ارسل لك السواق...
لولو:هاهاااااي....الا السواق......
الجوهره:معاه الشغاله زوجته محرم........
لولو:والله لو عائلته الكريمه معاه...الا السواق........
الجوهره:اجل الله يعينك حاولي فيه ان شاء الله يرضى....
لولو:هو لو اقوله جوري تقول كان على طول يجيبني...بس انا مسوية شديدة وما استغل المواقف الحساسة......
جوري انصدمت من كلام لولو اللي ما يدل الا على شئ واحد وهو سلطان يحبها وما زال والا وش تقصد بكلامها....
لولو:جوري اذا عندك احد صرفيه ابي اقولك سالفه.......
جوري:لا ما عندي احد....
لولو:صراحه وعلى بلاطه السالفة ان: اخوي سلطان يحبك ويموت فيك...وكان ما يبي يتقدم لك الا اذا صارت معه وظيفه وخاف انه يعلقكي ...وغير كذا فصخ الخطوبه عشانك
سلطان رفع السماعه وصدم بلولو وقال بهواش:لولو سكري الخط....
لولو:مني مسكره وباعلمها وش السالفه.....
سلطان:لولو سكري السماعه.....
لولو:فصخ الخطوبه عشان يبيك توافقين انتي مو عشان المشكله اللي بين ابوي وابوك......وكان بيجيكي هالسنه بس ما صار نصيب..
سلطان:.........................
جوري:.............................................
لولو:وهو موب عارف كيف يعتذر...وانا اقولك انك انتي غاليه علينا وما فرطنا فيك.....
جوري:مشكوريين يا عيال الخاله...والله انكم انتو اللي رايتكم بيضاء.....
وسكرت الخط.....
جا سلطان عند لولو وهو معصب على الاخر.........
سلطان:افتحي باب الغرفه.......
لولو:مني فاتحه اكيد بتضربني..........
سلطان:ليش سويتي كذا يا لولو......
لولو:سويته عشانك...انت تحسب ان الجوهرة عادي عندها السالفة...تخطبها وبعدين تفك الخطوبه بعد كم سنه....
سلطان:طيب افتحي الباب....
لولو:ما تسوي لي شئ.......
سلطان:مني مسوي لك شئ.........
لولو:طيب وفتحت الباب............
سلطان دخل ومهوب مستوعب اللي يصير.........
لولو:والله سويته عشانك...جوري ما تتكلم ولا تشتكي ولو تموت ما تقول ليش سويتوا كذا... لا تحسبني صغيره وما افهم...يعني اثنيين من عيال خالتها ولا واحد فيهم يبيها وش بيكون موقفها... وانت بعد اشد كأنك تبي تنتقم من عمي اللي ازعج ابوها...خليتها كم سنه وعقب فكيت الخطوبه ولا قلت لها شئ ولا اعتذرت لها ولا قلت ابي الاقي وظيفه ولا شئ...انا لو مكانها كان قطعت علاقتي فيكم كلكم لانها اهانه كبيره...
سلطان:معقوله جوري ماخذه هالفكره عني....
لولو:جوري ما تتكلم بس السالفه واضحه وبتزعل هي والا غيرها وش ما كانت شخصيتها وش بك انت ما تحس تراها بنت وانجرحت مرتيين......
سلطان:بس لو جبناها بطريق ثانيه ازين.....
لولو:الى متى؟؟؟خلاص البنت بتاخذ واحد يموت فيها ويبيها مررررررره.....
سلطان:ليش وش دراك انه يبيها مره؟؟؟
لولو:الاخبار توصلني وولد عمها شاريها ويبيها.....
سلطان ما قدر يتحمل...وخرج من عندها....الجوهره اللي تمناها له تروح لغيره ولا اكيد كارهته...كلام لولو قطع ذرة الامل اللي كانت باقيه فيه وخلته يتحطم على الاخر....يعني مو بس انها ما راح تصير له...لا بعد آخذه منه موقف سئ مررررررره...
واللي قاهره مره انه كان يبيها بعد سنه....بعد سنه يبيبها تقول:أي موافقه هذا ولد خالتي اللي ابيه... كان يبي يجيها وهو خاتم القرآن ومتخرج ومتوظف بس النصيب ما صارت له.......
خرج برى البيت وراح لاي مكان اهم شئ يبعد عنه هالشعور الغريب اللي جا على قلبه يوم درى عن سالفة الجوهره..............
>>جوري....جوري اتحطمت نفسيتها مره....سلطان يبيها...ايه يبيها ويحبها.....سلطان ما تغير...سلطان هو القديم هو الجديد...مافي شئ تغير...حبها له واحساسها كان صادق.... حب الطفولة اللي بينهم باقي وما راح وكبر معهم....كانت ما تدري ليش ماهي راضيه تقتنع بكلام غاده... تحسه غير...حاول تعرف السبب بس مهي قادره......
جوري رجعت تتذكر كلام لولو: صراحه اخوي سلطان يحبك ويموت فيك...وكان ما يبي يتقدم لك الا اذا صارت معه وظيفه وخاف انه يعلقكي وغير كذا فصخ الخطوبه عشانك... فصخ الخطوبه عشان يبيك توافقين انتي مو عشان المشكله اللي بين ابوي وابوك...... وهو موب عارف كيف يعتذر...وانا اقولك انك انتي غاليه علينا وما فرطنا فيك.....
جوري صارت تبكي....ياربي شلون اتخلص من هالكابوس...اقل لمنصور ما ابيك.....شلون وش السبب... سلطان اللي مهوب راضي يروح عن بالها.....سلطان تحبه باللي فيه..قبل لا يتلزم وبعد ما التزم...وحتى يوم فصخ الخطوبه كانت تظن انه من ابوها ومره تقول انه من سلطان ما تدري ليش تحس ان السالفه فيها شئ....وخلاص لولو أكدت لها ان احساسها عن سلطان صادق وما تغير....
بس وش تقول لابوها....تقوله ما ابي منصور عشاني احب سلطان وابيه.......
سلطان يبيني اقول موافقه...يبيني انتهي بس من ثالث ويخطبني....ايه اكيد كذا قصده ما يبيني عشان يغطي غلطة اخوه....آآآه ياربي...وش اسوي........سلطان يبي يجي وهو كامل ويخطبني رسمي مثل أي خطوبه...آآآآآآآآه ياربي.......