~®§§ دورة شامله للمكياج حياكم §§®~

[مملوحه الفال]

خامسا>>>> وانحطه بالفرشاه ع الجفن المتحرك

سادسا>>>> بنتختار اللون الذهبي أو الاصفر ..اي نوع من اي ماركه

وبنرسم تحت الحاجب بهذه الطريقه

ولاحظوا انه اللزقه الشفافه في مكانها!!!

وبعدها انعبي كامل منطقه اللي تحت الحاجب

سابعا>>>>> أجيب الشدو الاسود وبالفرشاه

وأعرض مكان الكحل اللي رسمناه قبل..في اول خطوه..طبعا بنرسم عليه بالشدو الاسود

ثامنا >>> انموه الشدو الاسود مع اللون الذهبي القولد ع فوق..ندمجه ع فوق...

وهذااا الشكل قبل النهااائي .. نشيل اللزقه ونجيب الشدو الذهبي
ونرسم مكااان اللزقه ..

وهذااا الشكل النهااائي ..

حطينا الكحل والرموووش والمسكره ..

بالنسبه لي انا ماحب هالمكياج الاوفر احب الشي البسييط

 

[مملوحه الفال]

انا عندي طريقتي كيف اتحطين بودرة الأعرااااس ... "

وبالنسبه للبودره المائيه..أكثر خبيرات التجميل عندنا يستخدمون
بودره المائيه ماركه بن ناي وماك..

انا عن نفسي استخدم بن ناي..وشريت ثنتين ودرجتين..

درجه غامقه ودرجه الفاتحه..ليش!!!

خبيرات التجميل دوم يحطون طبقتين للبودره..وانا اقصد للسهرات طبعا..والبودره المائيه حلاتها للمناسبات..!!

اتحطين ع ويهك الغامقه في البدايه وبعدها الفاتحه!!!
وهذه طريقتي في البودره المائيه..

انا خذت رقم 41 الغامقه و36 الفاتحه >> للبشره البيضه

تقريبا العلبه الوحده بــ116 ريال..خذتهم مع الأسفنجه الخاصه لها

كله طلع 260 ريال..في محل الاسوار بالغرافه..

وعندج في بعضهم يحبون يستخدمون كفر واساس

(( ديرماكول..وبودرته))

طريقته تحطين شوي ع ايدج من هالكفر..وتخلطينه مع اساس واو مرطب حتى اتخففين من الاساس..!!!
وبعدها حطي البودره!!


وهذه اغلب الدرجات اللي يستخدمونها البنوتات...حسب لون بشرتهم

بن ناي للبشره البيضه
pc-305
pc-36
للبشره الحنطيه
pc-41
للبشره شديده السمار
pc-16

وعندج بعد البودره المائيه ماركة سمر كيك.. هم ممتازه

وبودرة ماك وكنيبو وكرولاين وماكس فاكتر

[/

 

[مملوحه الفال]

((درس الازرق السموكي))

درس من دروس أختي جنان...!!


اولا>>>>> نحط الكونسيلر ع دار مدار العين

ثانيا>>> بقلم الكحل نرسم ع الجفن المتحرك

ثالثا>>> بالشدو المائي نرسم اللون الأزرق نصف منطقه الجفن الثابت بهذه الطريقه

رابعا>>>>> نجيب اللون السلفر ( الفضي) ونحطه تحت الحاجب

ملاحظه>>> ذكرت قبل..اذا تبين تضبطين منطقه الخارجيه للعين
عليج بالاصق الشفاف حطي ع المنطقه الخارجيه للعين مثل ماهو موضح..

وعلشان مايتناثر الشدو..حطي تحت العين البودره الحره ( لوس بودر)

خامسا >>>> أنموه لون الازرق ع فوق حتى ندمجه مع اللون الفضي

وهذا الشكل النهائي >>>>

حطينا اللمعه والمسكره...وخطينا الكحل داخل العين

[/

لحد يرد

 

[مملوحه الفال]

نوع جيد للكحل والشدو للسموكي ..

شدو ماركة ماك اسمهBlack Tied

كحل السائل ماركة ماك liquid eye liner

مسكرة ماركة ماك MAC Mascara X

شوفي هالعين مستخدمه شدو بلاك تيد ماركة ماك

[/[/B]

 

[مملوحه الفال]

(( طريقه حلوه لتثبيت الروج!!!! ))

أولا>>> تختارين أي لون روج انتي تبينه من اي نوع واي ماركه!!! وحطي الروج ع شفايفج!!!

ثانيا>>> واختاري اي لون من الوان اي شدو تبينه..وبعدها أخذي فرشاه الشدو..وحطي الشدو..ع الروج..اللي حطيتيه ع شفايفج..واهم نقطه..يكون لون الروج..متناسق مع لون الشدو اللي حطيتيه ع شفايفج!!!

ثالثا>>> غطي شفايفج بالكامل بالشدو...!!! وبتحسين انه شفايفج صارت جافه..وماعليج الا أنج اتجيبيت القلوس..الشفاف او اللي فيه لمعه..وحطي عليه..وراح يطلع لج شكل مختلف وحلو!!!!!

===================

شلون تحافظين ع فراشي مكياجج!!!

لازم وشي اكيد وطبيعي انج اتحافظين أولا>>> ع الفراشي..أولا نظافتها قبل كل شي..
اذا اهملتي نظافتهم..راح تنتقل لها البكتيريا..وبعدها بتنتقل للبشره..
أنا ذكرت لكم سابقا..تقدرون اتنظفونها بمناديل تنظيف الوجه من الميك اب..أذا ماعندج..عندج اللوشن..
اي لوشن تستخدمينه لتظيف الوجه من الميك اب..!!!

============


أكبر خطاء>>> الكل يقع فيه!!!!



- تجنبي اتشاركين غيرج في مكياجج..حتى لوكانت اختج..او وحده من الاهل واقرب الناس لج!!!

وحاولي ع قد ماتقدرين..تتجنبين استخدام الميك اب التستر في المجمعات>>>

اولا عينة التجربه تبقى مفتوحه لوقت طويل..؟؟ من اللي لمسها..كانت يد نظيف او غير نظيفه..تبين اتجربين المنتج..خلي الخبيره اتجربه عليها..انتي لاتغامرين..!!!


..** اذا كانت عينج ملتهبه او متورمه وفيها ألتهاب..تجنبي اتحطين مكياج العيون والشدو والكحل..يمكن يزيد الضرر..وبالتالي يتأخر علاجها!!!


** تجنبي تستخدمين المكياج..وايدينج مهب نظيفه..لأنه شي طبيعي راح ياثر عليج..وبالذات لما تمسكين اكثر من منتج واكثر من شغله!!!


بالنسبه للمسكره>>>>> تجنبي دائما لما تستخدمين المسكره اتقللين من كثره ادخالها واخراجها..
(( ماتلاحظين انه ساعات..تنشف بسرعه!!! لانه الهوى يدخلها وتنشف بسرعه!!!))
والطريقة الصحيحة إننا ندخل الماسكرة ونلفها وبعدين نحطها على الرموش

وشغله جدا مهمه>>>> لازم اتعرفين مكونات كل منتج للميك اب

عليك بالتأكد من المواد التى يتركب منها مستحضر التجميل وذلك في المادة المكتوبة التى توجد بداخل كل علبة مكياج، وإذا لم توجد مثل هذه المادة تأكد تمامآ بأن هذا المنتج لا يستحق منك الاستخدام لأنه في هذه الحالة لن يكون مطابق للمواصفات. لانه بعض المنتجات تحتوي ع و و و و الخ!!!


** تجنبي اتقطين ادوات المكياج في السياره وبالذات..في حرارة الشمس..لأنها تتلف وتخترب..ليش!!
لأنه أدوات التجميل تحتوي ع مواد حافظه..وهالمواد تتلف مع حرارة الشمس وتفسدها!!!


===================

أولا >>>> لازم تكون عندج درجتين للبودره... غامقه وفاتحه

اول طبقه راح اتحطين اساس بن ناي ( الغامق ) رقم 41 او 14 وبعدها الطبقه الثانيه ( الفاتحه) من اساس بن ناي
رقم 36 او 305 واتحطين طبقه كثيفه من الدرجه الفاتحه..بالأسفنجه المشبعه بالماي..

(( ملاحظه)) الاسفنجه لما اتشبعينها بالماي..تجنبي يكون الماي غرقان بالاسفنجه..خففي الماي عن طريق عصر الاسفنجه!!!


ثانيا>>>>> أساس ماركه كانيبو رقم 101 وهذا الرقم اللي تعتمد عليه خبيرات التجميل
اللي يستخدم للمناسبات..وراح اتحطينها..مرتين ع الوجه..يعني تاخذين الاسفنجه اول مره طبطبه ع الوجه..وتنشف....والمره الثانيه هم طبطبه وتنشف..


ثالثا>>> في النهايه لما بتخلصين من الشدو..بعد نفس الشغله..بترجعين اتحطين طبقه من بن ناي المائي
الدرجه الفاتحه رقم 36 او 305 وفي النهايه طبقة من اساس المائي ماركة كانيبو..!!!


اذا ماعندج ماركة كنيبو..>>> عندج اساس ماك..خيالي..وحلو للمناسبات!!!

 

[مملوحه الفال]

انواع فراشي البلاشر

ابتعدي عن الفرشاه الكبيره>>> ماتصلح للعمل

استخدمي المتوسطه + للمبتدئات استخدمي الصغيره
انا اشوف فرشاة بودي شوب وايد مريحتني وتعجبني واتريحني وايد في الشغل!!

وفي نوع من الفرش..يكون البلاشر موجود داخل مثل علبه اسطوانيه!!

وهذه اشوفها سهله للمبتدئات...اللي اتجيج داخل علبة البلاشر!!!

وسهلة الاستخدااام بحيث اتحطينها في الشنطه بدووون ماتحسين ابثقلهااا..

*******

انا اعطيج الحركه العامه للبلاشر..( الشكل الموحد)

ابيج تمشين معاي خطوه ابخطوه...

أولا>>>> الطريقه الصحيحه لوضع البلاشر..

تبدين من بداية منطقة الجبين..حتى نهاية المنطقه اللي انا وضحتها لج!!!

نرجع مرتين نفس الحركه>>> من فوق لتحت من فوق لتحت..من فوق لتحت

ليش نبدى من المنطقه اللي فوق>> ع اساس يكون غامق فوق وخفيف ع تحت

لاحظي..لما اكمل طريقه من فوق وحتى تحت..انزل بربع حركه نفس طريقة السهم
موانزل لتحت الخد كامل..فقط ربع ..مسافه!!!! وبخفه!!!

[/[/B]

 

[مملوحه الفال]

من دروس اختي جنان ( السموكي) او الدخاني) (( ماحبيته لانه اوووفر ))

اولا>>>> بنحط الكونسيلر دار مدار العين

ثانيا>>>> بناخذ الفرشاه.. وبنحط لون السلفر تحت الحاجب

ثالثا>>> وبنرسم بقلم الكحل ع جفن متحرك وبعدها بالشدو ماك الاسود نحط ع الجفن متحرك

رابعا>>> بنمد الشدو الاسود بهذه الطريقه

خامسا>>> بنخط الكحل تحت العين وكامل العين
بستخدام قلم ماركة ريفلون بنصلح بعض الزوايد

سادسا>>> بنموه اللون الاسود ع فوق وندمجه مع اللون السلفر بهذه الطريقه

سابعا >>> هذا الشكل النهائي""

[/

 

[مملوحه الفال]

بالنسبه لدرس الحواجب>>>> الدروس لأختي جنان

الطريقه الأولى >>> بستخدام الشدو المائي أو قلم الاسود او البني


اولا>>> شكل الحاجب قبل الرسم

ثانيا>>> نبتدي نرسم الحاجب من البدايه

ثالثا>>> نمشي خطوه خطوه حتى نوصل لنهاية خط الحاجب

ونرجع مره ثانيه من جديد ونرسم عليه مره ثانيه ع نفس بداية الخط..

وبستخدام قلم ريفلون لتعديل وتنظيف الزوايد

وهذا الشكل النهائي

 

[مملوحه الفال]

الطريقة الثانيه (( بستخدام الواكس) عجينة الحواجب

بنحتاج لفرشاة الحواجب..ويفضل هالنوعيه

شدو بني

الواكس>>>عندج اكثر من ماركه بن ناي + فور ايفر..

الحاجب قبل الأخفاء

ناخذ اشوي من الواكس او عجينة الحاجب وبالأصبع انحطه ع كامل الحواجب
تقدرين تستخدمينه بالأصبع + قطنة الأذن>>تقدرين تخفين كامل الحاجب
أو بعض الزوايد

اتحطين كريم اساس ع كامل الحاجب+ البودره>>> حتى تخفينها بالكامل

في النهايه>>> ترسمين الحاجب بالطريقه اللي انتي تبينها..

===============

 

[مملوحه الفال]

ثالث طريقه

طريقة استخدام البلاستيك(تاتو لتحديد الحواجب) من البلاستك يحتوي
ع انواع واشكال لتحديد شكل الحاجب ..

[/SIZE][/

 

[مملوحه الفال]

اذااا كانت الطرق صعبه علللليج

استخدمي معصااار وفرشاااه الحوواجب من فورايفر

[/[/B]

 

[مملوحه الفال]

وختامها مسك

بعض المعلومات اللي ممكن تفيدج

موشرط تعتمدين ع مكيااجج من المااركات الاصليه .. عندج ماركات
معروووفه وطبيه بعد وزينه ع البشره..

عزيزتي اولا .. بما انه بشرتج من النوووع الحساااس ..
قبل لاتحطين اي فونديشن ع وجهج .. لازم قبلها اتحطين كريم وااقي لبشرتج .. سواء واقي الشمس او كريم طبي لبشرتج الحسااااسه او مرطب
حاص للبشره الحساااسه.. "

لانه الوااقي ع الاقل يحمي بشرتج من الأساااس ومن الألتهاااب ..
وتقدرين تستخدمين كريم اساااس خاص للبشره اللي مثلج.."

وفيه نوعية كونسيلر وفونديشن جدااا ممتااازه ..

بالنسبه للفاونديشن فيه ماركة ماااك وكرولاين وفور ايفر وبن نااي
ومكيااج ومبروووك وبيل فيزااج وانواااع كثيره ..

وانتي ع حسب استخدامج لها.. سواء للمناسبااات او للسهره او للصباااح"

شوفي حبوووبه اذا كنتي تبين اسااس للمناسبااات.. مافي احسن من تغطيه بن ناي وكرولاين وماك وفور ايفر..


اتمنى استفدتوا مثل ماستفدت انا

واسمحولي على الاطاله

 

[مرافئ الذكريات]

مشكووووووووووووووووووووووووووووورة

 

[جمولة مزيونة]

مشكورة على المجهود الحلو

ننتظر لوك من ايدج الحلوة

 

[يالبيه 17]

مشكــووووووووووووووووووووووووره حياتي


خوش موضـوووع وربي

يعطيج الف عاااافيه

وجزاج الله خير

 

[بشوررة]

جزاك الله خير بس ماركة بن ناي وين تنباع وجري التطبيق

 

[alissa]

مشكوووووووره


مااقصرتي ع المجهود

 

[السمرة المزيونه]

مشكووورة على المجهود الرائع

 

[ملواكي]

الله يعطيج العافيه عالمجهود الكبير وتسلم الايادي
جدجدجد فيه فايده كبيره لنا وتستحقين الشكر
ولازم يكون موضوعج ثابت للافاده العامه

 

[• قلبه نصيبي •]

حيييل استفدت من موضوعج ياقلبييي يعطييج الف عافييه وان شاءالله يثبتووونه