«كي دي دي» تندد باساءة الصحيفة الدنماركية للرسول وتؤكد أنها كويتية 100%

[كلي غلا]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

شكرا اختى زينه
الحمدلله كنت متأكده انها كويتية
اعيالي مايحبون الا كي دي دي
ومو بس العيال كلنا نحب منتجات كي دي دي
والله ارتحت من الخبر

 

[سبائك]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

مشكوره يا زينه على هالخبر

بصراحه لا غنى عن منتجات كي دي دي بتاتا

 

[همس الروح]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

زين اشوووواااااااااااااااااا

قرت عيني


والله عاد ما استغني عن جودة شغلهم ...

يعطيج العافيه على الخبر ..

 

[bambena]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

شكرا زينه منتجاتهم اتينن ومبين طازج وفرش يوميا اكيد كويتي ميه في الميه

 

[jolie_q8]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

فروحه توحه

اذا مو متأكده شوفي السجل التجاري حاطين نسخه منه بكل الجرايد

بصراحه لازم انشجع المنتج الكويتي

واللي مطلع البرشور اللي حاطين في شركه Kdd

سعوديين

وطبعا علشان يضربون عصفورين بحجر

دعايه لمنتجاتهم

هذا رأيي بالموضوع

وشكرا

 

[كويتية في لندن]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

اشوا ..هالخبر ريحني لاني يايبة من الكويت معاي عصير كي دي دي .... وودي اشرب منه ومستحرمة وخايفة لا يكون دانماركي
الحمدلله طلع كويتي ....جزاج الله خير

 

[المتفائله]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

انامع الاخت فروحه والنويره شاللي يثبت ان الشراكه انتهت؟
مثل الشركه السعوديه الدنماركية غيرو اسمها وشالو الدنماركية من زمان(حليب وعصيرات وصلصه وغيره........
مع هذا قاطعوووووووووووها السعوديييييييييييييين فداء لرسول الله عليه الصلاة والسلام

هذا رد على كلام الاخت جولي
((((واللي مطلع البرشور اللي حاطين في شركه Kdd

سعوديين

وطبعا علشان يضربون عصفورين بحجر

دعايه لمنتجاتهم))))

منتجات السعودية ماتحتاج دعاية والله يرزقكم ويرزقنا نحب لكم الخير مثل مانحب لنفسنا

 

[عنابه]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

عاد يوم انهم من زمان فاجين الشراكة ليش ماغيرو اسمهم وريحونا وريحو نفسهم , واكيد منتجاتهم ممتازة بس الواحد مايحب يقرب لاي شي فيه شبه بس مادام انها كويتية 100/100 لازم ندعم المنتج الوطني .

 

[النويرة]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

خواتي والله عيب هالكلام اللي تقولونه !!!!!! يعني كل هذا علشان جبن وحليب وكريمة ؟؟؟؟

شنو نفوسنا رخيصة الى هالدرجة تكون متعلقة بالطعام ؟؟ شنو حيوانات أحنا !!!!
والحمد لله احنا في بلد فيها من الخير وشايفين خير
فليش نتكلم بأسلوب كأننا لو ما أكلنا أكلهم بنكون بمجاعة
والله حتى لو احنا فقراء وبمجاعة لازم نفوسنا تكون أسمى من جذي
ولما نتكلم عن امر يمس ديننا وعقيدتنا ما نحط ديننا بكفة وملذات النفس بكفة موازية

عيب والله ينكتب مثل هالكلام كأنكم مقاطعين مع الخيل ياشقرا مو اهتمام نابع من النفس وكأن مافيه حمية صدق في نفوسكم

طبعا الكلام رد على بعض الردود في الموضوع


بالنسبة لكي دي دي لما يكون اسمها الشركة الكويتية الدانمركية لازم يكون فيه حقيقة للأمر
فهم اما خادعينا من قبل بسالفة انها دانمركية او خادعينا الحين
فالأول خل يغيرون اسمهم رسمي ويجيبون دليل من وزارة التجارة بعدين نصدقهم

اما عن الأكل مو مهم الحمد لله المزارع موجودة وفيه شركة كويتية ثانية غير هالشركة
وشفيها بعد لما نشتري من السعودية ؟؟؟ مو بلد مسلم ونفتخر فيه ونتمنى لهم الخير مثل بلادنا
ماله داعي ننزل بمستوانا الى هذا الحد ونتكلم عن السعودية بعنصرية
ترى هذا تخلف كلنا مسلمين وكلنا عرب

 

[بنت الدلال]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

بس يابنات العصير يمي مكتوب

شركة الالبان الكويتيه الدينماركيه


لازم يشلوون هالاسم

 

[نشـــامي]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

شنو يقصون علينا

شركة الالبان الكويتيه الدنماركيه؟؟؟؟؟؟؟؟؟؟؟؟؟؟

أحسن عقاب لهم عشان يغيرون الاسم

شفيه كي دي كاو أحسن منهم والسوق متروس شركات وطنيه ومنتجاتهم حلوه ليش ادش بشبها

 

[بدون اسم]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

انصدمت من الردود ... معقول بس جم وحده عندها غيره عالرسول وعلى كرامة المسلمين

شكلكم مقاطعين جذي بدون اصرار واراده يمكن لو يقولون الدنمارك اعتذرت ثاني يوم بتشترون



يا بنات لو صج كلامهم جان الشركه الدنماركيه احتجت من زمان وغضبتهم يشيلون اسمها من منتجاتها عشان ما يستغلونه

حطوها بعقلكم !!

ليش وزعوا هالاوراق مو عشان حسوا انهم بخطر و اكيد الشركه الدنماركيه وازتهم يسوون جذي عشان ما تخسر ..اهم شنو همهم غير الفلوس

ولو كلامهم صججج جان الجمعيات ما سحبت المنتجات .. مو الجمعيه تعرف المنتجات وصناعتها وكل شي عن الداخل والطالع فيها

يعني منو افهم احنا ولا الجمعيه اللي عليها مراقبه وبلديه

ايهو ثقه اكبر الجمعيه ولا الشركه واوراقها ؟؟؟؟؟؟؟

الله يهديهكم ليش نتناقش بهالمواضيع اللي فيها شبهه

مو الرسول اهم من الاكل ؟؟؟ هذا شفيعكم يوم القيامه


و اختي اللي تقولين السعوديين حاطينه عشان يكسرون منتجاتنا خافي ربج وعيب هالكلام..يا ليتكم مثل التزامهم بالمقاطعه عالاقل احسن منا ... احنا ما يهمنا غير الاكل و الشرب ... يا ربي معقول جذي بالكويت .. ما عند نا غيره عالدين والرسووووووووول لا حول ولاقوة الا بالله


وين نصرة رسولنا الحبيب ؟؟؟؟؟؟؟؟؟؟؟؟؟

 

[زيـنـه]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

كلي غلا . . . كلنا ارتحنا يوم درينا

سبائك . . . فعلا ما نستغنى عنهم ..

شيخة الحلوين . . . قرة عينج عيل

بامبينا . . . فعلا كلامج صحيح ..

جولي .. مشكوره على التوضيح

كويتيه في لندن . . .شربي و عليج بالعافيه

المتفائله . . . ما اشاركج الراي .. لان اذا الكلام مو صحيح ما اعلنوا بالجرايد .. و حاطين شهاده من غرفة التجاره و الصناعه ان كل الشركائ جنسيتهم كويتيه .. اكثر من جذي شنو .. و السعوديين يحبون منتجات كي دي دي و المطاحن من الكويت و هالشي ماحد ينكره . . . بس في ناس تمشي على الاسم بدون ما تركز بالمحتوى و هذا غلط .

عنابه .. اتوقع ماشين على نفس الاسم للشهره اللي حققوها .. و ما توقعوا في يوم بيصير جذي .

النويره .. لا عيب و لا شي و ماله داعي تتنرفزين .. اذا يتي للصج شغلهم كله زين من حليب و عصير .. و ان جربتي غيره تحسفين لان الجوده و الطعم غير . . .و الحمدلله شايفين خير بس ليش انحسر على عمرنا و ناكل شي مو برغبتنا .. و اذا احنا تعودنا على شي بطريقه يوميه صعبه اتيين و تغيرينه .. و الحمدلله الصج بين و الشركه نزلت بيان و مدعم بشهاده من غرفة الصناعه و التجاره .. فيه سجلها و ان الشركاء جميعهم كويتين و منتجاتهم كلها مصنعه بالكويت .. و ياما بالمدارس ودونا رحلات لمصانعهم و شفنا بعيوننا . . و على الاسم يمكن يوم فلوا الشراكه ما غيروا الاسم نتيجه شهره الشركه و تغيير الاسم التجاري و خاصه لشركه كبيره مثلهم مو سهل او بالسهوله اللي تتوقعينها .

الدلال .. نفس ردي لعنابة ..

نشامي .. لا شبهه و لا شي .. و اذا انتي متردده جربي غيرهم بس عن نفسي قريت الخبر و شفت الشهاده من غرفة التجاره ..و الحمدلله متطمنه و مرتاحه و لا راح اقطعهم .

بدون اسم .. عندنا غيره على الاسلام و الرسول .. و ما نرضى باللي صار .. بس هم ما يرضيج تظلمين كي دي دي علشان اسمهم .. يعني فسروا الموضوع للناس و من حقهم يثبتون رايهم و يخافون على منتجاتهم و شهرتهم .. و دعموا رايهم بشهادة غرفة التجاره و الصناعه .. يعني لو اهما مو صادقين .. الغرفه بعد بتساندهم و تعطي شهاده غير صحيحه .. اذا بتقولين ايه معناته احنا بمشكلة اكبر اذا غرفة التجاره تعطي شهادات على كيف الناس .. فكرنا مثلج بالمقاطعه بس يوم تاكدنا ردينا و ما فيها شي .. و لا بس قاطعوا و خلاص .. الله يهديكم يالبنات المتعصبات لرايكم .. لا تكفرون الناس لان هذا ذنبه عظيم عند رب العالمين.

 

[أوركيد]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

اشوه ....

من حظ عيالي ....ضاق خلقهم فقارى على عصير المانجا يوم سوينا المقاطعة ....

لا ويتابعون الاخبار ..ليش؟؟؟؟؟

عشاااان تعتذر الدنمارك ويردون يشربون عصير

 

[رشيقه]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

شكرا زينه

 

[المتفائله]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

ان مع أم هيا

 

[لازانيا]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

انصدمت من الردود ... معقول بس جم وحده عندها غيره عالرسول وعلى كرامة المسلمين

شكلكم مقاطعين جذي بدون اصرار واراده يمكن لو يقولون الدنمارك اعتذرت ثاني يوم بتشترون



يا بنات لو صج كلامهم جان الشركه الدنماركيه احتجت من زمان وغضبتهم يشيلون اسمها من منتجاتها عشان ما يستغلونه

حطوها بعقلكم !!

ليش وزعوا هالاوراق مو عشان حسوا انهم بخطر و اكيد الشركه الدنماركيه وازتهم يسوون جذي عشان ما تخسر ..اهم شنو همهم غير الفلوس

ولو كلامهم صججج جان الجمعيات ما سحبت المنتجات .. مو الجمعيه تعرف المنتجات وصناعتها وكل شي عن الداخل والطالع فيها

يعني منو افهم احنا ولا الجمعيه اللي عليها مراقبه وبلديه

ايهو ثقه اكبر الجمعيه ولا الشركه واوراقها ؟؟؟؟؟؟؟

الله يهديهكم ليش نتناقش بهالمواضيع اللي فيها شبهه

مو الرسول اهم من الاكل ؟؟؟ هذا شفيعكم يوم القيامه


و اختي اللي تقولين السعوديين حاطينه عشان يكسرون منتجاتنا خافي ربج وعيب هالكلام..يا ليتكم مثل التزامهم بالمقاطعه عالاقل احسن منا ... احنا ما يهمنا غير الاكل و الشرب ... يا ربي معقول جذي بالكويت .. ما عند نا غيره عالدين والرسووووووووول لا حول ولاقوة الا بالله


وين نصرة رسولنا الحبيب ؟؟؟؟؟؟؟؟؟؟؟؟؟

احــــــــــــــــســــــــــــــــــنـــــــــــــــــــــــــــتـــــــــــــــــــــــــــيييييييييي

 

[MaYoOoma]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

شدعوه مسوينها سالفه احنا ندري انها كويتيه من قبل لا تصير هالسالفه وان الشركاء الدنماركيين طلعوا منها من زمان !!!!!!!!
واللي مو مصدقه عاادي لا تشتري منهم شي ههههه احنا مانحب نشتري من اي شركه ثانيه الحليب مانشتهيه الا منهم وانا ماحب اشرب الا عصيرهم

 

[nono78]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

بنات انتو مو قلتو رقم السريال نمبر 57 روحوا جيكوا على كي دي دي

مو نفس الرقم غيييييييييييييييييييييييييير

رقم كي دي دي 2 6

 

[BlUe SkY GuRl]

مشاركة: «كي دي دي» تندد باساءة الصحيفة الدنماركية للرسول وتؤكد أنها كويتية 100%

من قال اصلا كي دي دي حليب بودر وهذا البودر ييي من مزارعهم في الدنمارك لوكان كويتي جان صار طبيعي نفس كي دي كاو واصلا كي دي دي رافعين الاسعار وحليبهم بودر وماي والله انه كي دي كاو افيد واحلى طعم بعد خصوصا انه حليب طازج