«التربية»: تسليم التلميذ للمخفر إذا تأخر في المدرسة ساعة!!

[فديت عيوني]

الحمدلله والشكر

 

[زيـنـه]

عاد اكو ناس تتاخر على عيالها سااااااعه عدله او اكثر !

 

[لبيه ياعتيبه]

اشفيها نورية انهبلت شنو هالقرارات التعسفيه اقوووووووووووول لا يكون نورية تنتمي لحزب البعث الصدامي او لجماعة مقتدى الصدر الجبان

حمدالله والشكر اخرها بيصرون عيال الكويت خريجين سجون من رايي ان يبادر واحد من السلفيين ويقرى عليها

والله صج مهي صاحية

 

[بنت من الكويت]

ينوون مايعييل على احد .. والله مسخره

 

[جوك احلى جو]

اها يعني الكل راح يصير عنده سوابق مكتوبه في ملفه خخخخخخخخخخخخخخخخخخخخخخخ

مادري شنو هالطالب اخاف بس عالم كبير اقصاها يهالو ماله سالفه مخافر عاد!ّ!!!!!

 

[دلووعة ابوها]

الحمدللة والشكر باللة وحدة ابوها علق بالزحمة ولا اهمة نااسين سالفة زحمة شوارعنا شتسوي البنت وهمة ماخذينها المخفر

 

[om deaj]

بصراحو قرار غلط ومسخرة>>> يعني يهال ومخافر؟؟؟
والبنات شلون؟؟؟

انا امي كانت تمسك اشراف في الروضة وتتأخر علينا لانه في اهل يتأخرون معذورين وفي بعضهم يدقون عليهم عشان يقعدونهم من النوم وياخذون عيالهم ولا الام متكله على الابو والابو متكل على الام والياهل ينطر

بس اكبر غلط الي يودونهم المخافر خو الشوارع مو بيدنا؟؟؟
انا اقول لو يطبقون قانون الباصات ويصير الزامي تخف الزحمة ونفتك

 

[د.شريفة]

انزين الابله المشرفه او المدرس لي متى راح يقعد يعني هم مايصير يخلص دوامهم ويقعدون فوق الدوام هم ساعه وهم الاهالي يتأخرون على عيالهم زين يسووون خل يودونهم المخفر شنو يعني هالابله او المدرس ماعندهم بيت وعيال ومسؤوليات بعد اظل امسك مسؤوليات عيال الناس
واللي مايقدر خل يحط حق عياله سايق باص ... اي شي ولا يتاخر اذا الياهل يطلع الساعة 12 ونص يبي اييله الساعة 2 او 2 ونص هم حرام على الابله وعلى هالطفل بهالحر

 

[IM SO LOCCO]

هذي ينت رسمي

 

[[..كـــــرك..]]

انزين الابله المشرفه او المدرس لي متى راح يقعد يعني هم مايصير يخلص دوامهم ويقعدون فوق الدوام هم ساعه وهم الاهالي يتأخرون على عيالهم زين يسووون خل يودونهم المخفر شنو يعني هالابله او المدرس ماعندهم بيت وعيال ومسؤوليات بعد اظل امسك مسؤوليات عيال الناس
واللي مايقدر خل يحط حق عياله سايق باص ... اي شي ولا يتاخر اذا الياهل يطلع الساعة 12 ونص يبي اييله الساعة 2 او 2 ونص هم حرام على الابله وعلى هالطفل بهالحر

اوكي بس الحل مو مخفر

في حلول ثانيه في اختراع اسمه باصات ..!!

 

[*أم*خالد*]

انا مع القرار

عيب على أولياء الامور انهم يتأخرون على عيالهم .. خل يرحمون عيالهم اللي قعد ينطرونهم

والكل يمر بمشكلة الزحمه بس شمعنى الأطفال كلهم يروحون البيت الا هذا ؟ وين اهله ؟ ما يهتمون ؟
واذا زحمه او شغله بالدوام خل احد من اهلهم اييب الياهل مو يظلمون المعلمات معاهم .. احنا لنا حياتنا ومسؤولياتنا نبي نجابلها مو بس قاعدين إلى ماشاء الله ليحد ما ولي الأمر أو ولية الأمر ينزل عليهم الوحي واييون ياخذون عيالهم .. هالكلام مو سليم

واذا المكان اهوا الغلط .. اقترحوا مكان ثاني .. يعني وين بتوديه ؟ الجمعيه ولا المكتبه العامة ولا المسيد ؟

ما انحط هالقرار الا من المشاكل اللي صارت والاهمال المتزايد

يعني الاهل يتاخرون لي الساعه 2 و3 ليش شعندكم ؟ مافي احد ثاني يتكفل بهالمهمه الصعبه جدا جدا ؟

 

[* LOVE STORY *]

المدارس مسؤولة عن الطفل حتى انتهاء الدوام المدرسي
و بعد انتهاء الدوام المدرسي ..... الطفل مسؤولية الأهل.


اذا الأهل تأخروا على ولدهم أكثر من ساعة ينطرهم بالشمس ....... هذا شنو اسمه ..... عدم احساس بالمسئولية بصراحة.
انا كلمت اكثر من مدرسة و بعض اقاربي وكيلات ..... يقولون لي قصص عن الأهل تطلع عيونكم
الأهل مايدرون عن عيالهم وصلوا البيت و الا بعدهم بالمدرسة ..... كلشي على السايق و الخدامة....... جا السايق و الا ماجا ..... الأم ماتدري شسالفة.
شنو هذا ....... ماكو احساس ...... خليهم ينقرصون شوي علشان يحرصون على عيالهم و الا ليش جبتوا عيال من الأساس اذا تعتمدون على السايق و ماتدرون اذا الولد وصل او لا..... على الأقل اتصلي تلفون تأكدي ولدك وصل البيت اولا.


انا بصراحة أايد القرار ....... بصراحة من الكلام اللي أشوفة من المدرسات نفسهم .... معظم الاهالي صاروا حيل اتكاليين على السايق في كل شي و مايدرون شنو قاعد يصير.

حتى لو صار ظرف طارىء لاسمح الله ..... في شي اسمه تلفون اتصل على اي اقاربي يجيب الولد او البنت مو اخليها بروحها اكثر من ساعة بالشمس ..... انا لما كنت صغيرة اذا تأخروا أهلي نص ساعة اقعد ابجي ......

حبايبي احنا ننظر للموضوع فقط من زاويتنا ...... و بس بعيالنا ...... مانفكر بالموضوع من الزاوية الثانية ...... المدرسة غير مسؤولة عن الولد بعد لنتهاء الدوام المدرسي ...... المناوبة مساكين بعد .... الى متى راح ينطرون لما الأهل يجون و ياخذون عيالهم ( و تلقينهم يمكن في سابع نومة !!! ) ..... ينطرون لما العصر ؟ و الا لما المغرب ؟ و الا يوصلونهم بيوتهم و اللي بالجهرا و اللي بالقرين و اللي منطقة بآخر الدنيا ...... ألأابلة غير مسئولة توصل كل واحد بيته.


انا بصراحة مع احترامى لكم .... أؤيد القرار ...... لأن في هالزمن قل الإحساس بالمسؤولية و زادت الأتكالية على الغير.
المفروض الأم و الأب يحرصون يجيبون عيالهم مبجر مو ينطرون هالقرار علشان ينقرصون ....... لو في إلتزام من الأهالي جان ماطلع هالقرار من الأساس.

كلامج عين العقل ,,

 

[ســوســو]

استغفرالله ..

 

[ArEEj]

الحل بعودة الباصات
انا معلمة رياض وشكثر اطفال يتأخرون عندي بالمناوبه الى 2
وفي أطفال وصلتهم لبيوتهم لان أهلهم ما يردون على التلفون او مفصول عن الخدمه
بس مستحيل أأيد الطفل يروح المخفر حراااااااااام
الكويت دوله قادره انها تحط لكل مدرسه باصات مو قاصر علينا الحمدلله
كلش كلش يحطونها بسعر رمزي
بس مخافر لا أعوذ بالله

 

[ghalaty]

اي ماراح يروح المخفر الا ولد الفقير لاسايق ولا هم يحزنون والدوامات ما يعطون اذن يعني شسوي ولي الامر هذا كلامي للي يلومون اولياء الامور وليش حضرتها ما تحط باصات ولاقاعد تصير سوالف عجيبه شنو ياهل يروح المخفر وين صارت هذي وزارة تربيه والا شنو اقول هل تسنع وزارتها احس نلها

 

[الاسطورة]

وزارتنا وزاره بطيخ
قرارات عشوائيه وكلش مو مدروسه
اااااااااااااااخ من نوريه
شكلها القرار الياي بيكون اذا المدرسه تأخرت عن الدوام
تروح توقع بالمخفر
صج اعفست التربيه وصارت وزاره الترهيب والتهريب ( اقصد نحشت المدرسات من سلك التدريس)

 

[الاسطورة]

انا اقول للي مع القرار
تحمدوا ربكم ان عندكم مسئولين يطلعونكمعلشان تاخذون عيالكم
اهو عندكم سواق يوصلون لكم اليهال البيت
اشحالنا احنا المدرسات الي الطلعه علينا بالحسره
يعني الحين رمضان وطلعت عيالنا من الروضه 12.30
واحنا نطلع 1 الا عشر
والله لا يوريج الزحمه الي عند المدرسه
وبتروحين تاخذين ولدج من مدرسته وتمرين على مدرسه او مدرستين بدربج على ماتوصلين يبيلج ساعه
تخيلي توصلين ولا تالين ولدج ومودينه المخفر
قلبج ما راح يحترق عليه؟؟؟؟؟؟؟؟
واللهالقرار تعسفي مليون بالاميه

 

[nice-girl]

عاد قلنا شددو مو مخفر!!!
امبيه شصاير بالديره