[©]مد لي يمناك وسلملي يالغلا قلبك..معاك ابا ا&#

[ضوى العيون]

في اليوم الثاني .. كان يوم الجمعه ...من الصبح هند وعاشه وعلايه وشويخ ومعاهن حموده سارن المستشفى مع امبو >>> امبو دريول الشركه ...
وفي مستشفى خليفه ...... وفي غرفة الريم ...الريم توها كانت طالعه من الغيبوبه....وماكانت تعرف هي وين .. وشو اللي مستوي........
دخلت هند ومعاها عاشه والبنات .....هند من شافت الريم فاتحه عيونها سارت ولوت عليها وتمت تصيح ...ريم ماتعرف شو اللي استوى ....
هند : الحمدالله عالسلامه يالريم ......
الريم :امايه شواللي مستوي وليش انا في المستشفى واحس بعمري متكسره
هند ..........................خبرت الريم السالفه كلها..حتى خبرتها عن الخبر اللي وصلهم انها توفت ... وشو استوى بعدين ....الريم تمت فاجه عيونها ..معقوله كل هذا استوى .... وهي ماتدري ..ولا حست بشي ..بس اذكرت انها اخر شي سمعته صوت عالي لبريك السياره ......
الريم والدمعه في عيونها : الله يرحمها كارمي .....................
عاشه : ماعليه يالريم .. هذا قدر ربي والحمدالله انج بينا الحين ....
ريم ابتسمت لخالتها ..... وجافت علايه واقفه بعيد......علايه ماكانت رايمه تستوعب بعدها اللي استوى في بنت خالتها ....
ريم : علايه بلاج بعيده ....تعالي اريد اسولف وياج ....
عاشه : لاحقات عالسوالف .. وانتي الحين لازم ترتاحين.....
ريم : والله ياخالوه اني بخير الحمدالله ... بس حاسه اني متكسره ..
علايه سارت ولوت على الريم ................
ريم : فديتج علايه .. والله ما فيني شي .. شوفيني جدامج شرا القطوه
الكل ظحك ..................بس الريم مارامت تكمل رمستها .. حست بويع..
هند على طول ربعت وسارت زقرت النيرس ....
النيرس دخلت .........وشافت الريم ...
النيرس واونها مغيظه : لازم كلو يتلع برا اهينه ..هازي بنت توه يتلع من كيبوبه لازم يرتاه شويه ..مافي جين يكلم واجد .. بأدين في تأبان جياده دكتور في سوي جنجال مع آنا << النيرس هنديه J
عاشه : عنبوه هذي الحينه شو قالت ...
شويخ : تقول لازم نطلع ...الريم توها طالعه من الغيبوبه لازم ترتاح
علايه : خالوه ..امايه ..تعالو نيلس برع ..لين الدكتور ايي ويشوفها ..
في هالوقت ... النيرس حطت حق الريم الاكسجين لانها حست بخنقه .. وظربتها ابرة مسكن .. عسب ترقد وترتاح .....
...طلعن الحريم والبنات من عند الريم وسارن مصلى المستشفى عسب يصلن الظهر .....وعقب ساعه تقريبا ... عبيد وصل المستشفى ومعاه حمود توهم كانو رادين من صلاة الجمعه ......وعالعصر ....سعيد وام خليفه ونوف سارو المستشفى بعد ....ولحقهم بعدين خليفه بسيارته لانه كان مع رشود .....
عاشه اتصلت بسلطان عسب ايي وياخذهم ...لان باجر بيكون السبت ووراهم دوامات علايه وشويخ ...
خليفه يوم وصل ... رشود قال بيترياه تحت .....لانه خليفه مابيطول بس بيسلم وبيطلع ..
رشود : خلوف والله هب تخيسني تحت .....
خلوف : لا لا افا عليك .. بس عشر دقايق بالكثير ....اسلم واطلع على طول
سار خليفه فوق ... ويوم وصل لقى ماشاءالله العايله كلها متيمعه ...
عاشه وبناتها كانن بعدهن يالسات لان سلطان بعده ماوصل ...
علايه كانت تسولف مع نوف ...(( على فكره ترى نوف وعلايه هب وايد مع بعض ...يعني بس في العزايم او المناسبات يتلاقن )) .....
خليفه اول مادخل انتبهت له شويخ .. بس خليفه حتى ولا اطالع .. لانه ماصد صوب الحريم ......بس من بعيد قال السلام عليكم ...<< اونه عاد مؤدب J
ويوم سلم انتبهت له علايه بعد .. بس على طول صدت الصوب الثاني هههه يعني اشكره يالسه تكلم اخته .. وتيلس تطالعه ... بس شويخ الملعونه ماشلت عيونها عنه ...خليفه سار صوب عمه وابوه ......
خليفه : ها عمي بشر شو صحتها اليوم ..................؟؟
عبيد : والله يسرك حالها الحمدالله ...الدكتور طمنا وقال مافيها غير شي غير الكدمات اللي في جسمها ...ويبالها كم يوم ترتاح وتكون تحت مراقبتهم هنيه في المستشفى ....وان شاءالله عقبها بترد شرا اول واخير بعد ....
خليفه يوم سمع رمسة عمه تشقق ...
سعيد : هيه عاده لازم تتشقق تراها زوجة المستقبل ان شاءالله ........
خليفه واستانس زياده يوم ابوه جي قال ...بس عبيد على طول اذكر ان سلطان ولد مصبح وعاشه ...بعد خاطبنها ............
خليفه قام يغمز لابوه انه يريد يدخل ويشوفها ........
سعيد : والله هذو عمك ..خذ الاذن منه قبل ...
عبيد : شو بلاكم ..............؟؟
سعيد : والله تعرف خلوف ...عاده يريد يدخل يسلم على بنت عمه
عبيد : افا عليك يا خليفه .. تراك ولد عمها وهب غريب ...بس لحظه بشوف امها جان الا مغطينها ...
عبيد سار صوب هند ....<<<< ترى الكل كان يالس برع الغرفه لان النيرس ماكانت تخلي حد ييلس داخل بس اللهم الواحد يسلم ويطلع على طول ...
في هالوقت سلطان توه كان واصل .......سلم على عبيد وخالته وأمه ومن بعيد سلم على ام خليفه ونوف..نوف انتبهت لسلطان وسلطان بعد... بس مااهتم وصد على طول.......
عبيد : هند ... الريم مغطايه ...؟
هند : هيه ... ليش ؟
عبيد : لا بس لان خليفه قال بيدخل عندها ... عاد انا قلت جان مغطينها ولا
سلطان من سمع ان خليفه بيدخل عند الريم حس بقهر..وغيره نفس الوقت..
عبيد رد صوب سعيد وخليفه ... وسار وياه سلطان عسب يسلم عليهم ..
عبيد قال لخليفه يدخل ......... خليفه تشقق وماصدق على طول دخل ..وقبل لايدخل طلعت له النيرس في ويه..ويلست تتحرطم ..
النيرس : شوف انتا سير داكل بس مافي اكر واجد بس كمسه دقيقه جين
خليفه : طاعو هذي انتو بس اخر زمن والله ...
النيرس : سنوو قولي انتا ؟؟
خليفه سوالها طاف ودخل .........ووراه النيرس واقفه تتحرطم ...........
وسلطان ميت من القهر شمعنى خليفه .. يريد يدخل هو بعد <<<عيبتهم السالفه...........................................

 

[ضوى العيون]

الريم كانت واعيه ... بس مغمظه عيونها ....دخل خليفه .....
اول ماشاف الريم ... وقف مكانه ...كان خدها غادي وردي .. وعيوناتها وهي مغمظه ..يبينن ناعسات ...... الريم حست انه في حد دخل عليها ...بس لانها مغمظه ماعرفت امنوه ........ شوي شوي فتحت عيونها ....
اول مافتحت ........ شافت خليفه جدامها ....واحمرت زياده فوق ماكانت غاديه ورديه ........خليفه ابتسم ...<< وهو في داخله ميت من الوناسه
خليفه : الحمدالله عالسلامــــــه الغلا ...
ريم وهي مستحيه : الله يسلمك ...............
تمو ساكتين محد منهم يعرف شو يقول ... كان السكوت احسن شي يعبرون به عن اللي في خواطرهم .........اكتفو بالنظرات والابتسامات ...
بس خليفه مارام يتم جي ساكت ......ويلس يرمس الريم ....>>> عاد الحين بياخذ راحته اكثر وياها وهو يكلمها لان الريم تعتبر خطيبته الحين ...هو كان يرمس بس الريم يالله يالله الحرف يطلع منها .. كانت وايد مستحيه ..........
شوي ولا النيرس تدخل عليهم ......فز خليفه من مكانه .. يعني بسم الله منوه هاللي جي دخل مره وحده ... ولا يشوف انها النيرس ....
خليفه : والله هاي بذبحها اليوم ....
الريم ظحكت ................والنيرس بدت تتحرطم على خليفه انه وايد تاخر
النيرس : اوهو بابا يله اتلع برا ..هازا دوكتور بييجي now ......
خليفه خطر في باله يرش النيرس بكف ....بس عقب حس انه صدق اتاخر ... ماكان حاس بالوقت ....لانه بسرعه مر .....ترخص من الريم وطلع وهو باله معاها..... الريم وايد استانست يوم خليفه ياها ...حتى انها نست سالفة سلطان ولد خالتها انه خاطبنها ...
الوقت اللي دخل خليفه عند الريم ... ميثا وسلامه ين المستشفى بس ترين عند الحريم لين خليفه يطلع عسب يدخلن ويسلمن على ربيعتهن الريم ...
حموده كانت تصيح وحاشره الممر...شلتها سلامه وودتها تحت عسب تشتري لها حلاوه .. في هالوقت راشد طفر من كثر مايتريا خليفه .. قال بيسير السوبرماركت اللي في المستشفى عسب ياخذله شي يشربه ...
حمدوه سكتت ..وكانت تمشي مع سلامه وسلامه قابظه يديها .. عن لاتضيع ...دخلت السوبرماركت...وسارت صوب الحلويات عسب تشتري حق حموده حلاوه .....في هالوقت راشد دخل نفس السوبرماركت...اللي فيه سلامه وحمده..........سلامه كانت يالسه ادور حق حموده الحلاوة اللي تحبها ...
راشد دخل .. وشاف حمده بنت عم خليفه ... عرفها لانها شافها قبل يوم كانو مسافرين ...حموده بعد يوم شافته ربعت صوبه ...
سلامه على طول صدت صوب حموده وين سارت ......والا تشوف راشد واقف ..........راشد بعد نفس الشي انصدم يوم شاف سلامه وماصدق عيونه
سلامه ارتبكت .... وراشد ماصدق على طول كلمها <<< الاخ جريء شويه
راشد : سلامه شحالج ....................
سلامه من كلمها راشد شوي وتموت جدامه .. كانت بتصيح من كثر ماهي قافطه ...................ويهها على طول استوى احمر...
سلامه : يسرك حالي .................حموده يلا حبيبي تعالي بنسير الحين..
راشد : افا بلاج مستعيله .........والله من زمان وانا خاطريه اكلمج ...
سلامه : راشد اسمحلي والله هب حلوة اكلمك وحتى انت ماتعرفني ولا انا اعرفك .............تكلمني بصفتك امنوه ......؟؟
راشد : سلامه والله اني رايدنج ..بس مادري اذا انتي في حد في حياتج ولا لا
والله هب في نيتيه شر وجان ودي العب بس جان ودرتج من زمان ولاسالت عنج حتى..... من كثر برودج وصدج ..بس والله لاني صدق احبج للحين احاول معاج........وخاطريه والله تصدقيني ....
سلامه من سمعت رمسة راشد جيمت مكانها ولا عرفت شو تقول ماتت من كثر المستحى ....ماقدرت ترد بأي شي على راشد .. مع انها حست ان صادق بكلامه ...وانه مايقص عليها ...وصح يعني لو كان يلعب عليها جان مااهتم الها جذيه ... ولا كان بيسال عنها جي كل يوم عند خليفه عسب اييب اخبارها من عند الريم ............. سلامه نزلت راسها وخذت حمده وطلعت على طول وهي قافطه من راشد ... بس راشد كان حده مستانس لانه سكوت سلامه يدل انها استحت منه من جي ماردت عليه .........

..........
خليفه من طلع من عند الريم ...نزل تحت بسرعه لانه خيس رشود وايد ......
خليفه ياي وزايغ هههه من رشود .....قال له عشر دقايق وتم فوق نص ساعه تقريبا .....اونه عاد يبا يتعلث باي شي الحين ....
خليفه : والله والله والله ماكان بييدي اتاخر بس تعرف سوالف ابويه وعمي ماتخلص.........
راشد سرحان ولا منتبه على خليفه .........
خليفه : اوي بسم الله ربيعي شي استوى به يا انه مايسمع او مايشوفني..ايه ايه رشوووود بلاك
راشد عقب انتبه على خليفه وحتى نسى انه اصلا تاخر عليه ...
راشد : خلوووووووووووووف باركلي ....>>>> متشقق....
خليفه علامة الاستفهام على ويهه ؟؟؟..........
خليفه : مبروك والله وتستاهل بعد ههههه بس على شو ؟؟؟
راشد : خلوف كلمتها ... والله هب مصدق ....
عاده رشود خبر خلوف كل اللي استوى مع سلامه .. ونفس الشي خليفه خبر راشد باللي استوى مع الريم بنت عمه ...<< ونسى راشد يهزب خلوف لانه تأخر عليه وخلاه يخيس تحت...من كثر ماكان مستانس نسى هالسالفه .. وسلم خليفه من لسان راشد هالمره>>>>> بس عاد هب كل مره تسلم الجره ياخليفه خخخ.......
في هالوقت سلامه وميثا دخلن على الريم ...وسلامه طول الوقت سرحانه في راشد وفي الموقف اللي استوى ..الريم لاحظت هالشي بس ماقالت شي ...
وسلطان خذ امه وخواته وردو دبي ...لان باجر السبت وراهم دوام ...
واليوم الثاني الكل درى بسالفة حادث الريم في الكليه .... وحصه يوم عرفت وايد اظايقت ...وقالت في خاطرها انها بتسير الها المستشفى اول ماترد من الكليه ...وميثوه وسلوم كانن ملانات لان توأمتهم الريـــــم محد ..........

 

[ضوى العيون]

مرن اسبوعين تقريبا ... والريم في المستشفى ..كانت في المستشفى بس عسب الدكاتره يطمنون على حالتها .. لانها كانت محتاجه راحه عقب الحادث .. عبيد سفر محي الدين لانه يدري به وايد يسرع ومايحاسب ومايريد سالفة الحادث تتكرر مره ثانيه ... سفر محي الدين وياب دريول ثاني بداله ...
في الاسبوع الثالث ... طلعت الريم من المستشفى وحالتها كانت وايد اوكيه لانها ارتاحت اسبوعين وكانن كافيين .....بس صدق زعلت على كارمي ..لانها وياهم في البيت من هي صغيره .....
عبيد قرر يسوي عزيمه عوده في بيته .. لان الريم طلعت بالسلامه من المستشفى ...
....وكان مار شهر تقريبا عن الحادث ... الريم طول هالشهر ماداومت في الكليه ......وفي ويوم الخميس..............كانت العزيمه اللي مسونها عبيد ...
عاشه وعلايه وشويخ وموزه ومصبح وسلطان وحمدان يو من دبي .... وطبعا سعيد وام خليفه ونوف وفهد وخليفـــــــــه ....
وربيعات الريم ..ميثا وسلامه وحصه ..وام ميثا وام سلامه بعد كانن يايات لانهن ربيعات هند ....... وهند بعد كانت عازمه غريسه ... وعبيد عزم مايد اخو مصبح ..وكان معاه عياله حميد وحمد .......الرياييل كانو يالسين في الميلس والحريم في الصاله .. بيت عبيد كان كبير .. يعني كان شي مكان بعد زياده .....الريم كانت وايد محلوة لانها ماتعدلت وتكشخت من عقب الحادث ..فكان عدولها في العزيمه غير ... وام خليفه وام سلطان كانت عيونهم عليها .... ولا وحده للحين تعرف بالثانيه انها خاطبه ولدها حق الريم .....
كانن البنات يسولفن في صوب والحريم في صوب ثاني ... وعاد الرياييل في الميلس رواحهم سالفه ...كانو رابشين عمارهم ...يعني صدق العزيمه كانت قد المقام ...والكل استانس ..وخاصه انه الكل كان ياي ....وعلى فكرة ميثا وسلامه والريم لاحظن ان حصه ربيعتهن بدى اسلوبها يتغير عن قبل وايد استوت اوكي وياهن وتغيرت ....حصه كانت يالسه مع شويخ وعلايه بس ماكانت تدري انهن خوات سلطان ....حتى ماكانت تعرف انه الريم اصلا تقربله ....
مر اليوم الثاني عادي ...ويوم السبت الريم ردت داومت .. كانت غايبه تقريبا شهر بس لانه كان بعذر ..قبلته الكليه..<<< وواسطة عبيد كانت تكفي بعد...
سلامه : اوب اوب وانا اقول الكليه منوره اليوم ........
ميثا : فديتج ريموه والله افتقدناج في الكليه .........
الريم : ههههه تصدقون والله يلسة البيت احلى ..اوف برد حق الكراف الحين
سلامه : شو دراج يمكن تعرسين وريلج مايخليج تكملين دراستج ..<<تنغز
الريم : هههههه سخيفه سلوم بس تصدقين ياليت اليوم اعرس قبل باجر ...
ميثا كان كلاسها بيبدا فروحت عنهن .. وتمت الريم تسولف مع سلامه ...
الريم : سلوم تعالي صح ماخبرتج ...
سلامه : شووووووووووووووووووو ...؟؟؟>>> حست انه شي عن راشد
الريم : راشد .. يريد ايميلج ...
سلامه : اوي لا لا ريموه مااقدر والله ...مااتخيل اكلمه ..
الريم : امممم خلاص على راحتج ..اللهم بلغت اللهم فاشهد ..خليفه خبرني هالشي نفس يوم الحادث .. بس انا مااذكرت لين اليوم ...
سلامه : المهم الحين انتي شو بتسوين في سالفتج .. ترى اكيد الحين خالتج ومرت عمج بيردن يرمسن في السالفه ....
الريم : اوهو دخيلج لا اذكريني .....والله روحي مبتلشه ماعرف شو اسوي
سلامه : انتي تريدين خليفه صح ....
الريم : تستهبلين سلوم ....اكيد هيه <<<<<<<< اونها استحت....
سلامه : خلاص انزين رفضي سلطان ... وقولي انج تريدين خليفه....
الريم : انتي هبله .. سلوم والله مااقدر اخاف خالوه وعلايه يزعلن ...
سلامه : ريموه عاده هذا عرس يعني هب غصب وبعدين حتى لو زعلن مصيرهن بيعرفن ان هالشي قسمه ونصيب وكل واحد ياخذ نصيبه ...
الريم : والله مادري ... الله يهديها خالوه ماعرفت تخطب لي سلطان الا نفس اليوم اللي انخطبت فيه حق خليفه ...
سلامه : الا شخباره خليفه ... رمستيه ...؟
الريم : امممم من يومين مادخلت المسن ..............
سلامه : شو رايج ندخل الحين ...ماورانا شي ...
الريم عرفت ان سلامه تولهت على اخبار راشد ...فقالت بتتنيذل شويه ..
الريم : امممم ماريد الحينه ادخل يوم برد البيت ...احسن
سلامه انقهرت : ريموه عاد دخلي ...دخيلج
الريم : ايوا ايوا خلاص تراني فهمت السالفه انتي بس الا هب طايعه تعترفين بس ولا يهمج الحينه بدخل ... عاد انتي وحظج جان لقيته ولا لا ....
سلامه تشققت ... وسارن دخلن المسن ...............
.....
.. دخلن سلامه والريم المسن بس على حظ سلامه خليفه ماكان اون لاين عسب تعرف اخبار راشد ....... خلص الدوام في الكليه ...
وصلت الريم البيت ... وكان عبيد يتريا الريم عسب يكلمها ....
بدلت الريم ثيابها .. وتوها كانت يايه تدخل المسن ... الا بأبوها يدق الباب ..
سارت الريم وفتحت له الباب ...
عبيد : اكيد كنتي بترقدين وانا خربت عليج ..
الريم : لا لا والله ابويه ...
عبيد : شوفي يا ريم..صح انا وامج خليناج مخيره بين ولد خالتج وولد عمج بس صدقيني والله ماكنا نريد هالشي بس مثل ماتعرفين استوى وبدون قصد والحينه من كم يوم خالتج عاشه ردت وكلمت امج عن سالفة خطبتج من سلطان .. ونفس الشي عمج دوم يلمح لي ان خليفه مستعيل يريد يعرس ....
شو بيستوي بعديييييييين ... الريم بتوافق على منوه ..؟؟.. وسلامه وراشد وين بيوصلون ... وحصه وعلايه والبقيه شو بيستويلهم ^_^ تريوني في البارت الاخير
من القصه ^_^

 

[ضوى العيون]

وصلت الريم البيت ... وكان عبيد يتريا الريم عسب يكلمها ....
بدلت الريم ثيابها .. وتوها كانت يايه تدخل المسن ... الا بأبوها يدق الباب ..
سارت الريم وفتحت له الباب ...
عبيد : اكيد كنتي بترقدين وانا خربت عليج ..
الريم : لا لا والله ابويه ...
عبيد : شوفي يا ريم..صح انا وامج خليناج مخيره بين ولد خالتج وولد عمج بس صدقيني والله ماكنا نريد هالشي بس مثل ماتعرفين استوى وبدون قصد والحينه من كم يوم خالتج عاشه ردت وكلمت امج عن سالفة خطبتج من سلطان .. ونفس الشي عمج دوم يلمح لي ان خليفه مستعيل يريد يعرس وانتي اكيد من عرفتي عن سلطان وخليفه فكرتي في الموضوع .....وبعدين ياريم نحن الحين مخلين عايلتين يتريون ردج ..يعني هب حلوة ...
الريم : ابويه اللي تشوفه مناسب سوه ...
عبيد : لالا انا اريد اعرف رايج انتي ..وبعدين اكيد تميلين لواحد منهم اكثر من الثاني صح ولا انا غلطان ...
الريم نزلت راسها وكانت مستحيه في خاطرها تقول على طول انها تريد خليفه ... بس كانت قافطه من ابوها ...
عبيد كان يحس انها الريم تريد خليفه ... لانه اول ماخبرها انه خطبها استانست وكان يبين هالشي .... بس عاد يباها تقول بلسانها تبا امنوه ..
عبيد : امممم خلاص يعني اقول حق امج انج موافقه على سلطان ..؟؟
ريم فجت عيونها وبدون لاتحس على طول قالت : لااااا <<< قفطت
عبيد غمز الها : ايوا يعني خليفه .........
الريم لانها وايد قريبه من ابوها قالت له اللي في خاطرها ...
الريم : والله يا أبويه .. ماريد خالوه ولا بناتها يزعلن مني ..
عبيد : ماعليه خالتج تحبج وتعدج شرات بناتها .. وبناتها يحبنج ...بالعكس اذا ماكان لج نصيب في سلطان ..صدقيني بيفرحن لج حتى لو كان خليفه ...
الريم حست براحه من سمعت كلام ابوها ...وصدق يعني اذا كانن صدق يحبونها .. بيستانسون لها ..حتى لو ماكان سلطان اخوهم ...
عبيد : يعني اللي افهمه منج انج موافقه على خليفه ها ..؟؟
الريم نزلت راسها وكانت مستحيه من ابوها ....وماعرفت شو تقول
الريم : ابويه اللي تشوفه .. والشور شورك ..
عبيد : ياعيني عاللي مستحيه ... خلاص ان شاءالله اليوم برد على سعيد
طلع عبيد من عند الريم .....الريم كانت تحس براحه ..لانه صدق رمست ابوها كانت في محلها ...صح كان صعب انها ترفض ولد خالتها بس بعد ..
الريم على طول دخلت المسن .. ولقت علايه ..ونوف وخليفه وربيعاتها كانو اون لاين بعد ...
الريم كانت تبغي تكلم علايه ...عسب تتطمن اكثر انها مابتشل في خاطرها ..
الريم : هلا علايه .......<<<< فيس مبتسم
علايه : اهلين والله ... كيفوو ؟
الريم : ترتوب الحمدالله ... ومن صوبج ...؟
علايه : بخير ربي يعافيج ..
... في هالوقت خليفه كان مقهور كيف الريم تدخل ولا ترمسه ...
خليفه : لا تكلميني انزين <<<< فيس معصب >>>> ههه اونه عاد
الريم : افـــــــــــا.. << فيس منصدم وزعلان
خليفه اونه مارد عليها >> يتغلى شوي ..
الريم : خلاص اوكي ..وهذا توني قايله حق ابويه اني موافقه عليك بس ماعليه ...>>>>>>>>>>> اونه فيس يصيح ..
خليفه من قرا الرمسه .. ماعرف شو ياه ..تم يناقز مكانه
خليفه : قوووووووولي والله .... الريم واخيرا ..>> متشقق
الريم : لا بس شو الفايده الحين .. تراك توك قايل لا ترمسيني ..
خليفه : لاااااااااااااااااااااااااا والله هب قصدي بس انقهرت يعني ماتشوفيني اون لاين ... ولا اللي تكلمينهم اهم مني>>فيس زعلان<< .. اوف انتي خليني بس املج عليج .. بخليج تنسين شي اسمه مسن ... <<<< فيس لابس نظاره ههههه ........
الريم : لا والله .. اوكيه ماعليه .. هههههههههه لاتستانس وايد انت بعد بتنسى المسن .. والله شو يظمن لي انك ماتكلم حد مني ولا مناك من ورايه
خليفه : !!!!!!!! وربي ماكلم حد غيرج ... والبقيه كلهم ربعي ..
تم خليفه يكلم الريم .. ويلس يطرشلها اغاني وكل شوي يهديها شي وعاده الريم مستانسه .................... والريم في نفس الوقت كانت تكلم بعد علايه
الريم : علايه ............بغيت اسالج سؤال بس دخيلج جاوبيني بصراحه ...
علايه : اوعـــــــــدج .. وبعدين متى جذبت عليج انا <<< فيس مطلع لسانه
الريم : علايه مادري اذا انتو دريتو او بعدكم ....ان نفس اليوم اللي خالوه خطبت لي سلطان ... خليفه ولد عمي سعيد كان خاطبني ........
علايه وايد انصدمت ماكانت تعرف هالشي لان اصلا هند بعدها ماكانت مخبره عاشه ......
علايه : خليفه خطبج في نفس اليوم اللي سلطان خطبج ؟؟؟!!!!!!!
الريم : علايه ... انتي تعرفين شقد انا احبكم واحب خالوه عاشـــه والله وماريد اخسركم ..لو شو يصير .. انتو اهليه ...
علايه بدت تفهم اللي تبا تقوله الريم ...
علايه : ريموووه انتي تريدين تقولين شي بس هب عارفه كيف تبدين وعلى فكره انا احس اني بديت افهم قصدج اللي تريدين تقولينه ...
الريم : اممممم ....وشو هو ....؟؟؟>>>> فيس يفكر!!
علايه : الريم صدقيني حتى لو اخترتي خليفه ولد عمج .. نحن بنفرح لج وربي مابيتغير شي ... وبعدين سلطان ولا خليفه كلهم اهلج .. واللي انتي تريدينه اختاريه .. واوعدج إنا بنتم نحن عيال مصبح وعاشه ..ومابيفرقنا شي مثل هالشي .. وصدقيني اميه تحبج وتعدج شرا بنتها وماظن بتاخذ موقف منج عسب هالسالفه J ريموه حبيبتي لا تفكرين وايد في هالسالفه وانا ادري انج تحبين خليفه ورايدتنه من زمان........>> فيس يبتسم ..
الريم وايد استانست من علايه وحست انها ارتاحت ...بس الي انصدمت منه كيف علايه تعرف انها تحب خليفه لا وبعد من زمان ....
الريم : فديتج والله لا خلاني الرب منج ....اممممممممم بس علايه كيف عرفتي اني ...........................<< فيس مستحي
علايه : افا ياريموه انتي نسيتي اني وياج من نحن صغار ويمكن اكون حتى اكثر وحده فاهمتنج ... صح انج ماطريتيلي هالشي .. بس انا علايه بنت مصبح افهمها عالطاير....هههههههههه
الريم يلست اتسولف مع علايه وخليفه ........وخبرت خليفه انه سلامه ربيعتها ماتريد تعطي ايميلها راشد ......
مر اليوم ومرت الايام ... رمست هند عاشه ... واستسمحت منها عن سالفة خطبة سلطان من الريم .. وان مااستوى نصيب امبينهم ... عاشه وايد زعلت لان الريم كانت في خاطرها من زمان حق سلطان ... بس بعد وايد فرحت الها لانها بتعرس ودوم كانت تعد غلا الريم من غلا شيخه وعليا .... سلطان يوم عرف انه انرفض .. حس ان هذا عقاب عاللي كان يسويه قبل ... صح حز في خاطره بس بعد حس انه هذا يزاه واقل من يزاه يعني عكثر ماكان يلعب عالبنات قبل لايصطلب ...وخليفه كان حاشر ابوه وعمه يريد يملج عالريم بسرعه ... وعبيد كان يريد الريم تكمل كليتها يعني عالاقل تاخذ الانجاز وعقب تعرس ... بس من كثر ماخليفه كان يحن عليه .. عبيد وافق عقب ماطلعت روح خليفه وهو يحاول واتفقو ان الملجه تكون في اجازة الربيع والعرس يكون في الصيف... يعني تكون الريم خلصت سنه والسنه الثانيه تدرسها مسائي عقب ماتعرس... ... راشد يوم عرف ان سلامه ماتريد تعطيه ايميلها وايد زعل واظايق >>> مسكين الريال يريد يوصللها بس هب عارف كيف ..وسلامه تتغلى ... وبالذات يوم كان يجوف خليفه كيف متحمس ويريد يعرس ..كان يريد يكون شراته .. مع انه قبل مول ماكان يحب طاري هالسيره ... مرت الايام بسرعه ...وخليفه كان واصل حده مايروم يصبر اكثر .................... شو بيستوي بعدين ؟؟.....سلامه بيحن قلبها لراشد ولا بتم تكابر ... وخليفه والريم شو بيستويلهم ...وغريسه بتخطب امنوه لولدها ؟
وسلطان شو بيسوي عقب مارفضته بنت خالته ....؟؟ ..

 

[ضوى العيون]

........في مستشفى الوصل بدبي ... حمدان على اعصابه ...وغريسه وعاشه يالسات يتري..ن وكل وحده تحاتي اكثر من الثانيه .....وعلايه وشويخ واقفات بعد .....ومصبح ومايد مع حمدان يهونون عليه ....شوي ولا طلعت النيرس من الغرفه ......وسارت جدا حمدان على طول ...
النيرس : مبروك .. مبروك يا استاز جالك تنين زي الامر .. >>>>>>>>>>>>> كانت النيرس مصريه ههههههه ...
حمدان ماصدق يوم سمع الخبر من النيرس ....
حمدان : شـــــو توم يعني ؟؟؟؟؟؟؟>>>>> متشقق وهب شالتنه الارض ..
النيرس : تووم وكمان ولدين .. بيجننو ...
الكل استانس اول مره الله يرزقهم بتوم ... والكل قام يبارك لحمدان ..
حمدان : وحرمتيه موزه اشحالها ان شاءالله بخير ..
النيرس : زي الفل .. تأدر تخوش دلوأتي وتسلم عليها ...
...الكل كان متانس هالوقت وهب مصدقين ... وعلى طول حمدان سار وسماهم ... واحد " مصبح " ... والثاني " مايد " ... عاد مصبح ومايد استانسو .. استوى عندهم مصبح صغير وميود صغير ...
غريسه سارت صوب عاشه ....
غريسه : عاشه .. خلينا نخلي الفرحه اليوم فرحتين ...
عاشه : فرحتين..ههههه كيف يعني يا ام حميد ..والله ومافهمت شو تقصدين
غريسه : والله يا ام حمدان ...تعرفين العيال كبرو ... وعاده انا بغيت اخطب عليا حق حمــــــــــد ...... وانتي شاوري البنت وردي علينا ...
عاشه استانست وصدق حست ان البنات كبرن .. ويا الوقت اللي يعرسن فيه
... يوم ردو من المستشفى .. عاشه كلمت علايه عن حمد ولد عمها مايد ...
عاشه : ها يا اميه شو قلتي ... مرت عمج مستعيله وتبا تعرف ردج ..
علايه نزلت راسها وكانت مستحيـه : اميه الشور شورج وشور ابويه وحمد هب غريب ... ولد عمي .......ودام ان ولد عمي وصل بيتنا .. مابرده ..
....... نرد شوي عند الريم احس من زمان ماطريتها.. مرت الايام ..وخلص الكورس الاول وملج خليفه عالريم ..وطبعا بدا يكلمها عالتيلفون >>>>> اطورو شوي ههه يعني بدال المسن..خليفه وايد كان يغار عالريم ونفس الشي الريم >> يعني صدق الله يعينهم على بعض ...^_^
وسلامه ماعطت راشد ايميلها الا عقب ماتاكدت صدق انه يحبها ومايلعب..
راشد ماصدق سوالها على طول ادد .......مرت اجازة الربيع بسرعه ..وبدا الكورس الثانـــــي ........
...وفي الكليه... كانت يالسه الريم مع ميثا وسلامه وحصه ............
ميثا : ويه ريموه والله وكبرتي وبتعرسين ..ههههههههههههه
سلامه : مااتخيل شكلج يوم يزفونج ..<< ريموه والله بصيح ...
حصه : والله ومرت الايـام .........صدق الزمن يمشي بسرعه ..
الريم : تصدقون والله فيه صيحه انا بعد ...احس شعور غير ....
سلامه كانت وايد حساسه ... مجرد انها كانت تفكر ان هاي اخر سنه الريم تدرس وياهم ...وعقبها بتعرس .. كانت تظايج وتخنقها العبره .....
الريم : سلوم عاد ههههه لاتصيحين الحين... محد يدري يمكن تعرسين قبلي >>>> وتغمزلها ....
سلامه قفطت وويها استوى احمر >>> شكلها تبا تعرس بسرعه هههه
على فكره ميثا وحصه ماكانن يدرن عن راشد ....
....وعلى نهاية الكورس ملج حمد على علايه ... والريم كانت تزهب حق عرسها .... وخليفه مستانس وهب مصدق انه خلاص الريم بتصير له ...
........................ خلص الكورس .................. وبدا الصيف ...
يعني عرس خليفه والريم قرب ... الكل كان مشغول ويجهز عمره حق العرس ......
...وقبل عرس خليفه بيوم ... كان خليفه مع راشد عالكورنيش >> مكانهم كالعاده .....
راشد : خلوف تذكر هالمكان ........تذكر اول مره ييناه وكان عمرنا 8 سنوات ... ههههههههههه كنا نلعب عالسيف ....
خليفه : رشود خلاص ههههه هاي اخر ليله اكون فيها حر >> يظحك
راشد صدق حس بعبره تخنقه ....يعني اكيد مابيلقا خليفه عقب مايعرس اي وقت يباه .. حس ان في اشيا وايده بتتغير في حياته عقب ماخليفه يعرس ..
خليفه وراشد كانو اكثر من اخوان ..كانو اكثر اثنين قراب من بعض ..
تم خليفه مع راشد .. يذكرون ايــام قبل من كانو صغار ..ليــن هالليله ..
...وفي بيت عبيد........... عاشه وبناتها كانو عندهم من ثلاث ايام تقريبا ...... وفي غرفة الريم ...علايه وريموه كانن يالسات يسولفن ......
علايه : ريموه باجر عرسج ....والله مااصدق ...
الريم : والله وكبرنا يا علايه .... باجر عرسي وعقب كم شهر عرسج ...
علايه : ريموه اخاف باجر وايد اتاثر واصيح وعقب مكياجي يخترب ..
الريم نقعت من الظحك : الله يخس بليسج هههه والله انتي ...
.....تمت الريم تسولف مع علايه في الغرفه .... وخليفه يسولف مع راشد عالكورنيش.........................مرت هالليله ....
اليوم الثاني الكل مرتبش وخليفه بيطير من الوناسه .....الوقت بسرعه مر..
وفي عرس الرياييل ..... الشباب كلهم متيمعين ... رشود طبعا كان مع خلوف
الكل كان مرتبش...............وخليفه وراشد يالسين ايولون ...وعبيد وسعيد بعد ... حتى حمود وفهود كانو مستانسين ....
وصوب الحريم ... القاعه كانت ممزورة حريم ......وغير ربيعات الريم اللي ماشاءالله عليهن كانن سادات المكان ........ كانت الساعه عشر ونص ,,,
الاضاءه في القاعه تغيرت ... المكان ظلم شوي ...الكل عرف ان الريم بتدخل ............. دخلت الريم .......والكل تلفت جداها ...كانت منورة وعاقه الكل ...... كانت الريم دوم حلوة ... بس هالمره كانت قمر ... يمكن اول مره جمالها جي يبين واضح ....كانت الريم مرتبكه وهي داخله .. لان العيون كلها كانت عليها ...........وصلت الريم عند الكوشه ....
وقامن ربيعاتها سلامه وميثا وحصه يسلمن عليها ...
وعقبهن سارن ربيعاتها بنات الكليه وسلمن بعد .......
وسارت لها علايه ونوف ويلسن وياها ... ماشاءالله وحده سايره ووحده نازله .................هند كانت واقفه من بعيد وتطالع بنتها عالكوشه عيون هند كانت تدمع كل شوي ...ومعاها كانت حموده الصغيره ......
وفي هالوقت خليفه كان يتحرقص يريد يدخل ....... مل وهو يتريا
خليفه : بس عاد متى بدخل ...
راشد : عاش عاش واخــيرا ياخلوف عرست ههههههههههه .... صبرت سنين ماتقدر تصبر دقايق بعد ....
خليفه : ماروووووووووووووووووووووووووم بسير استعيل ابويه وعمي
... سار خليفه جدا ابوه وعمه .. هههه وقاللهم انه يبغي يدخل ...ورشود ناقع على خلوف من الظحك ..
وعقب ساعه تقريبا .. دخل خليفه وقبل لا يدخل خبرو الحريم عسب يتغطن
دخل خليفه القاعه ومعاه ابوه وعمه عبيد.. وكل ماكان يتقرب اكثر من الكوشه .. الريم كان قلبها يدق بسرعه ...اول ماوصل خليفه عالكوشه رفع طرحة الريم ويلس يطالعها و يظحك الها ..
سعيد : هههه فضحتنا ياخلوف .. بوس راسها ...
خليفه عقب انتبه وباس راس الريم ...... الريم كانت مستحيه .......
زفو خليفه والريم ..............خليفه متشقق وهب مصدق .. والريم مستحيه
.................. مرن شهرين خليفه والريم سافرو سويسرا ...راشد ماكان قادر يتأقلم مع الوضع .......عمره مافارق خليفه كل هالمده .... وعقب فتره خذ راشد اهله وسارو صوب اهل سلامه وخطبو له سلامه ............ مرت الايام وخليفه والريم ردو من شهر العسل ....اللي صدق استانسو فيه... ........وعقب شهر كان عرس علايه وحمد ... كان عرسهم حلووو ........... حصه عقب فتره خذها ريل عفره اختها .. لان عفره توفت في حادث وحصه وايد تعبت عقب وفاة اختها... بس كانت احق وحده انها تربي سيف ولد اختها ...تقدم لها ريل عفره وكان صعب عليها انها توافق بس وافقت عشان خاطر سيف الصغير .........سلامه وراشد عرسو ...وعقب سنه ....... ................................. الريم وخليفه ياهم ولد سماه خليفه راشد على اسم ربيعه .......................حمدان وموزه كانو متلعوزين بميود ومصبح يسكتون واحد ..الثاني يرد يصيح وهاي هي حالتهم .......... سلطان خطب نوف بنت سعيد ...عرسو وسافرو عسب يكملون دراستهم برع ..
حموده قامت ترمس عدل هههه يعني رمستها هب مخبقه شرا قبل وكل ماكانت تكبر كانت تاخذ ملامح الريم اكثر واكثر .. الكل كان يسميها ريموه من الصغار .........علايه بعد حملت وربت .. يابت توم >> الظاهر استوى وراثه في بيت مصبح ومايد .... يابت بنت وولد سمت البنت غريسه والولد مطر ..<<< استوى عندهم غروس الصغيره ومطاري .....
شويخ خلصت الثانويه ودخلت الكليه ....... ميثا ربيعة الريم بعدها ماياها نصيبها ومكمله للحين دراستها في الكليه ......حمود ماكان يلقى حد يظارب وياه عقب ماعرست الريم هههههههههههه غير حمدوه >> صدق ابتلشت باخوها...... وشركة سعيد وعبيد بدت تكبر وتكبر...خليفه>> (بو راشد J) اشتغل مــــع ابوه وعمه عبيد فـــــي الشركه وعقب فــــتره راشـــــــــــد اشتغل وياه بعـــــد <<< وراه وراه ^____^ ...
سلامه ربت ويابت بنت وسمتها على امها " مريــم " ....
وحصه بعد يابت بنت وسمتها عفره على اسم المرحومه اختها .....
... وفي بيت عبيد ...حمود يالس يلعوز حمدوه ...
حمدوه تصيح : ماما شوفي حمود يظربني......
النهايــــــــــــــــــــــــــــــــــــــــــــ ــــــــــــــــــــــــه

The end ……………

 

[ورود الجوري]

يعطيج ألف عافيه