[©]مد لي يمناك وسلملي يالغلا قلبك..معاك ابا ا&#

[ضوى العيون]

الساعه عشر الصبــح في بوظبـــي … وفي بيت عبيد .. الريم على اعصابها
تتريا نتيجة الثانويه….. يرن التيلفون تربع ريم وترد .. " هلا ميثوه (ميثا ربيعة ريم) ... ها بشري شو خذتي النتيجة ولابعدج .. وقبل لاتكمل الريم كلامها .. تقاطعها ميثوه وهي مستانسه .." ريموووووووووه باااركيلي نجحت " .. ريموه وهي مش مصدقه .." وكم نسبتج يالعيووز..؟..
ميثوه: 85% احم احم / الريم: والله ويبتيها يالمصريه ههههه يلا بالبركه ..
عقبااالي ياااارب والله يا ميثوه اني اتحرقص من الصبح وااايد زاايغه اخاف ارسب واعيد السنه ../ ميثوه : خلـــي عنج هالسوالف وان شاءالله بتنجحين صدقيني / ريموه: ميثوووه ميثوه عندي خط هاي اكيد سلوم اترياها تخبرني نتيجتي .. تعرفين نتنا مقطوع وانا موصتنها ... يلا ميثوه برد اكلمج بااااي .. // تــــرد عالخط وهي مرتبكــه .. ألـــــوووو ..
سلووم وهي مستانسه : ريموووووووه مبرووووووووك نجحتي ..
ريموه : واللـــــــــه !! .. سلووم دخيلج لاتخليني على اعصابي اكثر قولي الصدق نجحت ولالا ..// سلوم عاد وطبعها لازم تتغلس شوي //
سلووم : امممممم شو تبين تعرفين بالضبط ..// ريموه ظغطها ارررتفع : هب متفيجتلج ســـــلوم وربي هب وقت سوالفج الحين .. قووولي كم النسبه وخلصيني ....// سلوم : انزين انزين بسم الله شوي شوي خلاص بخبرج ..
ريموه: اوووف بسرعه قولي ماتسوى هالنسبه الي موصتنج اطلعينها لي ..
سلوم: ههههه خلاص ريموه غمظتيني تصدقين ... نسبتج هي .. اممممم .. 68 % ..// ريموه وهي مستانسه الاخت النسبه مب هامتنها كثر ماهامنها النجاح // ريموه : سلووووووووم ترمسين جد هههه خلاص يعني مافي شي اسمه مدرسه .. وووووووالله ومابغيت ../ سلوم: انزين يالعنز عالاقل اسالي عني نجحت ولا رسبت .. عفانا الله محد هامنج غير عمرج ..
ريموه وهي تظحك : السمــــــــــــــــــوحه فديتج هههههه بس يعني سلوم اكيد ناجحه مايباله سؤال .. يلا خبريني كم نسبتج ؟؟ ,,
سلوم وبكل فخــــــــر تقول : 78% فديت روحج ...
ريموه : مبروووووووووووك ... صدق انكن مصريات انتي وميثوه هههه
اسوولف ترى سلوم هب تزعلين خخخ اعرفج حساسه زياده عن اللزوم ..
سلوم : ريموه بايــــــخه بسـج طنازه يالسخيفه .. يلا يلا بخليج الحينه تعرفين ورايه مكالمات وايده .. لازم اتخبر عن البنات وحده وحده ..
ريموه : انزين الغلا انا بعد بسير اخبر قوم امايه .. يلا فحفظ الرحمن ////
تسكــــــــر ريموه التيلفون .. وتربع عند امها في الحجره ..والفرحه هب شالتنها .. دقت الباب ودخلت .. ويلست تباغم ..." امايــــــــــــــــــه نجحت خلاص خلصت شي اسمه مدرســه ..// هند ( ام ريم) وهي الثانيه استانست
.. تعرف بنتها ماتحب شي اسمه مدرسه وزين انها كملت لين اخر سنه ..
حضنت هند بنتها ,, وخاصه ان ريم البجر والفرحه بنجاحها غيــر ..
( الريم بجر امها وابوها ومحمد الوسطي اصغــر عن ريم بست سنين>>صف سادس ..وحمده الصغيره عمرها 4 سنييين ..)
" اونها عــــــاد مستانسه جنه محد نجح غيرهــا" << حمود داش على امه وريموه ويتفلسف..دوم ظرابه بينه وبين الريم..لازم يغثها او يطنزعليها..
ريم : بس جــــــــــب جــــــب يالحمار هذا بدل لا تباركلي ..
// طبعـــــا حمود متعمد يقهر اختــه كالعاده //...
عـــاد الريم ماتبا تخرب فرحتها اليوم والسبه حمود,,, سوتله طاف وطلعت من الحجره ....... وهي طالعه سمعت التلفون يرررن.. سارت صوبـه ..
شافت عالكــــــاشف انها حصوه الي متصله ..( حصه وحده من شلة الريم
الوحيده الي افكارها غير عن بقية ربيعاتها.. نص الشله مش متقبلينها )..
" اووف حصوه مالي خاطر اكلمج الحينه " >> ريموه تقول فخاطرها.....
المهـــــــم .. ردت ريموه على حصوه .." هلا هلا حصوه..."
حصوه وهي تتحرطــم : اوووووف سنه لين ماتردين حظــرتج ..
الريم: اسمحيلي الغــلا بس كنت عند امايه ومااسمع التلفوون فالحجره ..
حصوه: ماعليه ماعليه بطوفهـــــــا لج هالمره >> الاخت جايفه عمرها<<
الريم: المهم بشـــري ان شاءالله نجحتـــــــي ...
حصوه : بالله عليــج انا ويه نجاح الحينه ..
الريم: رسبتــــــــــــــــــــــــــــــــــــــــــــــ ـــــــــــــــي ؟؟؟؟؟؟
حصوه : لالالالابسم الله عليــه عـــاد هب رســـوب مره وحده .. بس يبت دور ثاني في مادتين اوووف وربي هب متفيجه اذاكر مره ثانيه ..
الريم: افـــــا ... يلا يلا شدي حيلج .. تراها تهوون ..
حصوه : المهم مبروووووك خبرتني سلوم انج نجحتي .. تستاهلين
الريم: الله يبارك فيج حبيبتي .. بخليج الحينه بدق حق بنت عمــــي
ابشرهــا .. فديت روحها موصتني اخبرها نتيجتي اول مااعرف ..
حصوه: اوكي برايج .. بااااي <<<طااااااخ<<< تسكر حصوه السماعه بالقو!!!...../// ريموه : بسم الله هــاي بلاها !!!

وفــــــــــي بيت سعيـــد ,,,( عـــــم الريم ) ,,,
نوف وخليفه يالسين فالصاله ..( عيال عم ريم : نوف اكبر من ريم بسنه وتدرس فالكليــه .. وخليفـــه اكبر من نوف بسنه .. يعني خليفه اكبر من ريم بسنتين تقريبا ...) ....///
نوف : خلوووف عطني الرموت احسلكـ ,, والله لاخبر عليـــك ابويــه
ويفرها خلوف بالكوشنه ...." يالله جان ترومين خبري ابويــه ...
نوف وهي مقهورة تعرف خلووف وحركاته ,,,
" اووكي اوكي بتشوووف ... // ويرن مبايلها وتقطع رمستها مع خلوف وتـــرد عالمبايل .....................
نوف: هـــــــلا واللـه ببنت عميـــــه .. بشررررررري ريماني شو النتيجه ؟
** خليفـــــه سمع اســم"الريم" يعني بنت عمه الي متصله .. وبدا قلبه يدق .... ربع ويلس حذال اختـــــه ,,,نوف اطالعته بنظره .. وظحكت تعرف اخوها وتعرف انه حاط عينه على ريم من زمان ... مع انه عمره ماعترف بهالشي ..// ريموه وهي ترد على نوف : هــلا نوفي .. باركيــــــلي نجحت
يلا جهزي مكاني في الكليه ..// نوف : والله وتستاهلين مبرووك مبرووك
* يلسن البنات يسولفن وسالفه ورا سالفه ..
وخليفــــــــــــه سرحان باللي ماخذه عقــله ويلس يذكر ايام قبل يوم كانو صغار وأيــام الحواطه فالفريج ,,// انتبهت نوف لخلوف .. وعقب ماسكرت عن الريم..// نوف : في امنوه سرحان " مــاي بروذر" ...انتبه خليفه لاخته
وظحــــك ..مــش سرحان بس كنت قاعد افكر .. // نوف: وفي شو تفكــر ؟
خليفه : في نعــال رشود الي انصرق امس من المسيد ..( راشد ربيع خليفه الروح بالروح ) ....ظحكت نوف وجنها سمعت نكته ....وفي نفس الوقت
كانت تعرف انه اخوها ماكان يفكــر في هالشي .. وتعرف انه مايبا يعترف انه يحب ريم ..بنت عمهم ..بس نوف فاهمه السالفه من زمان .. وحاسه بهالشي من حركات خليفه يوم يسمع طاري الريم او يشوفها ..
ومـــــــــــر الوقت ونوف وخلوف يظحكون على سوالف رشود ,,,
وخلووف مقطعنــه ,,,

اممممم .. وصلنا عند نوف وخليفه .. يوم كانو يسولفون عن راشــــد ...
رن مبايل خليفه .." عمــــــره طويل رشود هذو اتصل ..
خليفه: هلااااااااااا رشووود شحالك ..؟
راشد: انـــــت وين ياراسك ..هب جنك واعدني اتي المول ولا بتنقعها خيانه كالعاده .../// خليفه : اوووووووووووووووه اسمحلي رشود والله نسيت ..
خلاص عطني عشــر دقايق واكون عندك ..
* ياخذ خلوف سويج الرنـــــج ويطلع صوب راشد ..
.......وفـــــــــي بيت ميثا ( ربيعة الريم ) ..
ميثوه محتشره على امها تبا حد يطلعها : اميـــــه الحين انا ناجحه ونسبتي عاليه .. يعنــــــي مااستاهل اطلعوني من البيت والله لاعت جبدي من اليلسه
ام ميثا : فديتج والله تستاهلين يـــوم انج رفعتي الراس .. بس مريم بتيني عقب شوي ,,( مريـــم :ام سلوم ربيعة قوم ميثوه ... يعني ام سلامه ربيعة ام ميثا ) ...... " ميثوه دامج متملله اتصلي بسلوم خليها اتي مع امها تونسج ..
ميثوه : اووه اميه انا ابا اطلع مابا ايلس فالبيت ..اممم اقوول اميه شو رايج اتصل بسلوم واخليها اتيني بس مانيلس فالبيت ..
ام ميثا : ووين ان شاءالله ناويه تسيرين ..
ميثوه: والله يا اميه خاطريه اسير المول اتســـوق ..
ام ميثا : وااابويه عليج ان شاءالله تبين ابوج يذبحنا روحج طالعه من البيت
ميثوه: دخيلج اميه مابتاخر وبعدين الدريول بيودينا وبيردنا وصدقيني بوصل البيت قبل لا ابويه يرجع ../// وعقب حنه وموت طاعت ام ميثا ...///
ترربع ميثوه تتصل بسلوم عسب تلحق عليها قبل لاتطلع امها ..
ميثوه : هلا هلا سلوم .. /// سلوم : اهلين والله شحالج ..
ميثوه : بخير ربي يعافيج .. اقول سلوم امج بتي اليوم عند اميه صح ..
سلوم : هيه خبرتني اميه مساعه انها بتي صوبكم اليوم ..
ميثوه : شو رايج اتين وياها عدنا ..وعقب نطلع نسير المول .. انا كلمت اميه ووافقت .. وانتي ماظني امج بتعارض ,, خلينا نسير نغير الجو عقب صكــة الامتحانات ...// سلوم: والله وعليج افكار يا ميثوه..خلاص بسير الحق على اميه قبل لاتطلع ..........................

وفي المول رشــود كان طفران يتريا خلوف .. /// شوي ولا خليفه واصـل عند راشد ../ خليفه : هلا بو الشباب عاد السموحه منك فديتك ادري خيستك راشد: هــيه والله الا خيستني .. عاد انا ماارضـــى بسرعه .. لازم تراضيني
خليفه وهو يظحك : خلاص فهمت فهمت شو قصدك .. بس ولايهمك غداك عليه اليوم انت بس اشر عالمطعم الي تباه ..
راشد: احم احم .. ماوصيك خلوووف كل يوم اتاخــر هههههههههههه
ويلسو الشباب يتمشون فالمول والخقــه واصله حدها عندهم ..
والبنات يتراكظن وراهم .. هذا بدل لاهم يركظون ورا البنات ..<<
خليفــه وراشـــد كل واحد كان احـــــلى من الثانـــي .............
وعليـــهم حركات شوي ( خليفه صدق انه يحب بنت عمه .. بس بعد ما يووز عن حركات الشباب وخاصه انه يعرف عمره حلوو وكل البنات يتمنونه وهو ولد قبيله معروفه ..) //
....................

 

[ضوى العيون]

وفــي بيت ميثا .. وصلت مريم وبنتها سلامه .. سلمت ميثا على ام سلامه
وطلعن من البيت ( ميثوه وسلوم سايرات المول )..
وفي الطريج ... وبين سوالفهن طرن الريم ..
ميثوه : سلوووووووووم شو رايج ندق لريموه ونخليها تلحقنا المول
سلوم : والله فكره من خلصت امتحاناتنا ما تيمعنا ..
..........
وفـــــــي بيت عبيد يرن مبايل ريم ..
تشوف الريم رقم ميثا وتشله بسرعه ..// هلا بالغلا واللـــــــــــــــه ..
ميثوه : اهلين ريموه ..// وتسمع ريموه صوت سلوم شوي بعيد وهي الثانيه تزاعج " هـــــااااي ريموه " ...
ريموه : ما شاءالله متيمعات الربــــــــع ..// ميثوه : سايرات المول .. يلا بسرعه سيري اتلبسي والحقينا ..// ريموه : الله المووووووووول !! والله خاطريه آآي وياكن .. من زمان ماارتبشنا ..
ميثوه : يلا انزين سيري كلمي امج وردي عطينا خبر ../ الريم: اوكي باااي..
وتسير الريم جدا امهـا .. امهـا حست ان ريم تبا شي . .
هنــد : يلا يلا قــــــولي شو تبين ,, // ريم : بسم الله امايه كيف عرفتي ههههه .. المهم هاي ميثوه ومعاها سلوم داقيلي .. زاقريني اسير المول وياهن ..// هند : جــان تبين تسيرين شلي حمود وياج .. وبالمره حمدوه وديها الالعاب الي في المول وخلي كارمي ( الخدامه ) ..وياها ,, بس لا تتاخرون ..// ريموه : اوهوو.. ياامي يعني لازم هالاسطوانه كل مابغيت اطلع
وماروم اسير مكان بدون هالدبش // هند وهي تظحك على على ريموه وتشوفها كيف متنرفزة : فديييييييت عيالي والله هب دبش ..تراهم يبون يطلعون شراتج ..// ريموه شوي وبتصيح من القهر.. سارت حجرتها وتلبست....................
في الوقت نفسه وصلن ميثوه وسلوم المول ( على فكره كان نفس المول الي فيه راشد وخليفـه ) .... ترين ريموه لين توصل عسب يدخلن رباعه ..
وعقب خمس دقايق وصلت الشيخه ريم .. ونزلت من السياره وهي تتحرطم
والضغط مرتفع عندها .. ووراها حمود وحمدوه وكارمي .. وتلاقن الربــع ميثا والريم وسلامه ..// سلووم: ريمووووه اعصابج be cool حبيبتي بلالالاج جـي معصبه ..// ومييثوه هب رايمه تقبض عمرها .. ميته من الظحك على ريموه .. لان شكلها وهي معصبه صدق كان يظحك ,,
ريموه : اوووف خلاص انتن بعد هب كفايه الي مطرشتنهم امايه ..
حشــى هب ااخوان لصقــه كل مكان اووف ..>> ويلست تتحرطم ..
المهم دخلن المول ميثا وسلامه وريم...وطبعا معاهن حمود وحمدوه وكارمي
عاد ريموه الحين تبا تفتك من اخوانها .. عسب اتم مـع ربيعاتها .. قالت حق كارمي تشل حمدوه وتوديها الالعــاب .. وشلت كارمي حمدوه وسارو ..
ريموه : اوووف افتكيت من اثنين وبقا لي واحـد ..// حمود: يالسباله شو تقصدين ماعليه ماعليه .. بخبر عليج ..// ريموه وهي معصبه على حمود ..
" سيـــــر ول " وجلبت مره وحده الموجه : حمود حبيبي عيب تتمشى معانا ربيعاتي يستحون منــك ../ حس حمود انه ويهه احتــرق / ميثوه وسلوم ناقعين عليهم ..حمود وهو قافط : اوكي ريموه يوم بتخلصين دقيلي ...
حليله سار عن ريموه وربيعاتها ../ ريموه هب مصدقه : اوول مره حمود يستحي .. ويلست تظحك ................................
يلسن البنات يتسوقن ومن محل لين محل..وفي الوقت نفسه رشود وخلوف يتمشون وياهم ربيعهم محمد وكمل معـاهم حواطـه ..
رشـود:اووف خلوووف يلا عاد بتذلني مايسوى الغدا هذا اللي بتعزمني عليه
محمد وهو يظحك : هيه والله تعبت انا بعد .. بسنا كم بنقز .. خلونا نتغدى
خليفه : خيبه خيبه هب يوع صايبنكم ,,,/ رشود : حسبي الله عليك يا خلوف الحين عقب ما مشيتنا المول بكبره ماتبانا نيوع .. يلا يلا خلنا نــاكل دخيلك
خلووف ومحمد ظحكو على سوالف رشود .. وسارو جدا المطاعم ...
وفــــــــــــــــي نفس الحزة سلوم كانت محتشره بعد تبا تتغــدا ,,
ميثوه : سلوم عن الخبال الزايد .. شوي وبنرد البيت .. كيف تبينا نتغدى هنيه وتعرفين صوب المطاعم كل شباب بوظبي متيامعين هناك ,,
سلوم : حرام عليكم ..لا اطلعون علث الحينه نحن بنسير واذا زحمه بنــرد
ريموه : خلاص اوكي بنشوف واذا شي زحمة شباب بنرد .. مافينا عالمشاكل
*امممممممم نرد شوي عند الشباب ..
وهم سايرين جدا المطاعم .. لمـــح خليفه .." حمود" ولــد عمه عبيد
خليفه : اوووه هذا ولد عمي .. غريبه روحه يتمشى ..
رشـود : ووويه حليله هب من كبـره امخلينه روحــه ,,
زقـر عليه خليفه : حمـــووود ..... / التفت حمود صوب خليفه ..
اووه خلووف ......./ خليفه : حمود شو يايبنك المول روحــك ..؟.
لا هب روحي ريموه وحمدووه وكارمي ويـايه ..................
وفجـــاه تغيرت ملامح خليفه من سمع طاري ريم/ خليفه : شـــو؟ ريم هنـــي ...؟ وينها عيل و مع امنوه تتمشـى ؟ // حمود حليله وعلى نياته ولحكم سنه ماعرف شو السالفه وخار بالرمسه كلها ..//حمود : ريموه مع ربيعاتها صوب المحلات يتسوقن .. وحمدوه مع كارمي فالالعاب ..
خليفه ومن كثر مايغارعلى ريم ماتقبل فكرة انها يايه المول روحها .. وكان يبا يستفسر اكثـر من حمود .. بس رشود قاطعهم .." اووف خلووف يلا عاد بمووت من اليوع يـاخي ذليتنا ..حرام والله .. / خلوف رد على ربعه وملامحه متغيره ..وكملو طريقهم ووصلو المطاعم .. وراشــد لاحظ انه ملامح خليفه تغيرت من كلم حمود ولد عمه .. اختارو الشباب مطعم ويلسو فيـه ............ في الوقت لي وصلن البنات ( ميثوه وريموه وسلوم ) صوب المطاعم .. وعــلى حظ سلووم المطاعم كانت فاضيه واغلب الي فيها عوايل .
سلوم : اللـــــه كشششخه صدق اليوم الحظ لاعب دوره .. يلا عاد الحين مالكن حجه ماتدخلن اظن شفتن المكــان مافيه حـد ...
الريم وهي ماتعرف شو الي ينتظرها داخل .. خطوه وحده يمكن تغير اشيا وايده مع ولد عمها . خطوه وحده منها يمكن تكون بداية لشي ينتظره خليفه من زمان ويمكن العــــــكس ../ ريموه وجنه قلبها ناغزنها بشي .. حست بشي مايطمن .... اذكرت حمود وحمدوه ... ريموه : سلوم وميثوه مابا ادخل
// استغربن البنات // .. ميثوه : ريموه حبيبتي بلاج ؟...
سلوم : لاااا ريموه دخيلج لاتغيرين رايج بس هالمره .. اخاف يستويبي شي ان ماتغديت الحينه .. / ريموه : وربي ماعرف شو ياني بس احس بشي ناغزني ... ماعرف يمكن احاتي حمود وحمدوه ... / سلوم : ريموه خلي عنج حمود ما شالله عليه صح انه صغير بس بعقل ريال وحموده تراها مع كارمي فالالعاب ونحن مابنطول الا هو غدا بالكثير بناخذ ربع ساعه .. ورادين ترانا...
... اقتنعت ريم برمسة سلوم ......... يعني في شي ثاني غير حمود وحمدوه ..!!.. بس شو هو .. ماتعرفه ريم .. وماتعرف القدر وين بياخذها بالخطوه الي بتخطيها جدا المطاعم ...
دخلـــــــــــن البنات ركن المطاعم الي في المول ..........
***
امممم شو تتوقعون؟؟.. بيشوف خليفه الريم ؟... وبتشوفه هي بعد ... وشو بيستوي فالمطعـــم ............ في شي بيتغير في حياة الريم وخليفه ولا لا ..؟

دخلن البنات المطعـم .. في الوقت نفسه كان خليفه سرحان ويفكر .. ويقول في خاطره يعني اقــدر اشوف ريم اليوم .. وبدا يسال عمره " ليش عصبت يوم اني عرفت انها في المول .. تراها نوف اختي تطلع مع ربيعاتها وابويــه اغلب الاوقات يخليها .. ليــــش يعني ريم ؟؟... وعلى فكره خليفه بينه وبين عمره مايبا يعترف بحبه الها ... ويحاول يتجاهل شعوره صوب بنت عمه .. بس مايقـــــدر ...يمكن لانه معروف بين الشباب بعزتـه .. ودوم ربعه يقولون ماانخلقت البنت الي تيب راس خليفــــــه ...بس خليفه كان يحس بشي غريب كل ما يسمع طاري بنت عمه..تم خليفه يفكر..يسرح شوي ويسولف مع رشود ومحمد شوي ... رشووود كان ملتهي بالاكل ... ومحمد ترخص عنهم وراح ..انتـــــــــبه راشـــد لخليفه <<<< طبعا عقب ماشبع الاخ ..
راشـد : خلوووف بلاك جالب موجتك .. خير ان شاءلله ...
خليفه : هـــا <<<<<<<< كان سرحان وما انتبه شو قال راشد
راشد : لحــــــووول اشفيك يا ولد الحلال بالمــره هب ويايه ...في شو سرحان بو الشباب .... // خليفه وهو يظحك : بسم الله عليه من السرحان ههههه هب سرحان ولا شي .. // رشود : هيه هيه صح بايـــــــــــــــــــن ..
وبين ماكانو يرمسون ... انتبه خليفه لثلاث بنات داخلات المطعم نفسه الي فيه يالس مع رشوود ......... الثلاث بنات كانن الريم وسلامه وميثا ...
طاحت عين خليفه على ريم وفي هالوقت ريم ماجافت صوب الشباب ..
ولا حتى طاحت عينها عليهم .. لانها مربايه ..ولاتحب سوالف الشباب ولا حركاتهم .. ولا تحب تخون في الثقه الي عطاها ابوها.. ولاتسود الويه عند امهـا .. وخاصه انها البجر.. يعني لازم تكون القدوة لاخوانها ................
كانت ريم احلى ربيعاتها وكانت معروفه حتى فالمدرسه بجمالها الي مطيح الكل ..وقف خليفه مكانه وهو هب مصدق الي جدامه ..وكان من زمان هب شايفنها.. بس عرفها من ملامحها.. وســرح في عيونها..الي تذبح الواحـــد..
رشود: اوووب اوووب صوبنا صوبنا ..خلووف لايفوتك شوف الي يايات جدانا والله انهن عجوبيات ..ياااسلالالالالالام ...>> مبقق عيونه الاخ عليهن
خليفه وهو معصب على راشد : حـــدك حدك ..الا الوسطيه عاد ..
(( الوسطيه كانت ريم )) .../// راشـد وهو مستغرب لانه ماجد خليفه عيبته وحده : نعـــــم نعــــم !! .. مســرع ماعقتك هالبنت .. بس تبا الصراحه عليها جمال مش طبيعــــــــي ...// خليفه : يا راسك .. تعرف هذي منوه ..!!
رشـود : لا والله ماتعرفت بعدني <<<<<<<<<< يطنز هههههه
خليفه : بسك طنازة ياويهك.. هاي بنت عمـي عبيد .. // راشد وهو منصدم!!
شــــــــو ؟ بنت عمك ... اخ اخ وكل هالجمال ومايبت راسها للحين صدق انك ثوووووور..// خليفه ماكان متفيج لرشود هالحــزة وماشل عيونه عن ريم .
وصوب البنات .. سلوم الوحيده الي انتبهت لنظرات خليفه من دخلن المطعم .
سلامه : ميثوه ريمووووه .. شوفو الشباب الي هناك ..// ميثوه وريموه شافو صوب الشباب بس طبعا هب في نيتهم شي ../// من طاحت عين ريم على خليفه ..خليفــــــــه جيــم وماعرف وقتها شو يسوي .. وفي الوقت نفسه ريم تمت مصدومه لان الي جدامها ولد عمها والها فتره هب شايفتنه
.. ارتبكت وماعرفت شو تسوي ..لكن ريم عرفت كيف تضبط الموقف وتخليه عادي وخاصه انها معروفه بشخصيتها القويه ... اكتفت ريم بابتسامه لولد عمها خليفه ودارت ويهها صوب ربيعاتها .. خليفـــــه ذاااب يوم ابتسمت له ريم ...// ريم كانت صدق مرتبكه ومستحيه .. وربيعاتها لاحظن بعد ..
طوول الوقت ماكلت شي وكانت مستحيه لدرجه فظيعه ..لانها كانت تحس ان في عيون مافجت عنها تراقب حتى غمظة عيــوناتها ...// ماقدرت اتم اكثر استعيلت ربيعاتها وتعلثت باخوانها وانها ماتروم تتاخر اكثر .. بس السبب كان انها ماتروم اتم اكثر وهي مجابله خليفه ...راحن البنات وطلعن من المطعم ..وعيـــــون خليفه راحت مع العيون الي خذت عقله ..........
** العيـــــن حورا وتشــع باشراق ... واهداب عينه تذبــح الروح **
......

 

[ضوى العيون]

وفــي بيت عبيــد ...
عبيد (بو ريم)... وصل البيت وكان توه راد من الشركه ../ عبيــد : عيل وينهم العيال مالهم حس غريبــــه ؟..// هنـد(ام ريم) : ريموه شلت حمود وحمدوه ومعاهم كارمي من الظهر وسارو المول وللحين ماردو ..
عبيد وهو يظحك يعرف انه ريم ابتلشت باخوانها كالعاده .. يلس عبيد مع ام عياله هنــــد .. شوي ولا تدخل ريم ومعاها حمدوه ووراهم حمود وعيونه في مبايله الي مايفج عنـه ...وطبعـا ريم دلوعة ابوهـا وغلاها غير لانها البجر ..كل شي تباه يتنفذ الها ...} ابوها عبيد وعمها سعيد من هوامير بوظبي مافي حد في بوظبي مايعرفهم , اسمهم ينطرى في كل ميالس الكباريه{ ....حمدوه وايد متعلقه بابوها ..ويوم شافته ربعت صوبه .. وعاد حمدوه اخر العنقود بعــد دلعها غيـــر ..وهي دلوعة البيت ..خذها عبيد في حضنه ..وعطاها بوســه ../ ريم : يــــــــــالله كل هالحب حق حموده السباله ونحن وين سرنا ..قام عبيد ولوى على الريم بعد ..وتمت الظحكــه في بيت عبيد .. / ريم مايلست وايد وياهم .. ترخصت من امها وابوها وسارت حجرتها وخاصه انها هاليوم وايد تعبت من كثر المشي والحواطه .. فكانت تبا ترتاح شوي ..مـــر الليــل .. وريم هب رايمه تبات .. كانت تفكر في نظرات خليفه الها يوم تلاقو في المطعم .. وكيف كان يطالعها .. حست بشي في قلبها .. هب اول مره تحسـه .. لانها كل ماتشوف خليفه تحس بهالشي وهي روحها ماتعرف ليــش .. وتمت الليل كله وهي تفكــر .........
مــــــــــر اليوم ومرت الايــام .. وفـــي بيت سعيــــــــــــــد .. العايله متيمعه
(بو خليفه وام خليفه وخليفـــــــــــــــه ونوف وفهــــد ) ..>> فهـد اصغر من نوف بثلاث سنين وهو بعده في الثانويه يدرس ..<<<
الكــل كان متيمع عالريوق .. وطبعا كان في الصيف يعني الي يدرس مأجز ..
نوف : بويه وين ان شاءالله بنسافر السنه الجــو في البلاد مايساعد اخاف لين الصيف يخلص نكون كلنا انصلخنا .. / فهد : صدقج نوفو ..محد تم من ربعي في بوظبي غيري انا ....../ خليفه وهو ساكت ماله راي في هذا الموضوع طبعا ..لانها كالعاده اكيـــــــد بيسافر مع راشــد ...//
سعيد ( بوخليفه ) : ان شاءلله الي تبونه بيستوي بس عطوني اسبوع بالكثير ارتب الشغل في الشركـه ../ ام خليفه : خلاص يعني نزهب شناطنا ..
نوف : عاد انا يبالي سيره السوق ../ خليفه وبدا استعباطه على اخته ..
ظربها على راسها ..// نوف : خلووف اقبظ يديك احسلك .. / خليفه وميت من الظحك على اخته .." اسمـــي خليفه شو شايفتني اصغر عيالج ..
ويلس بو خليفه وام خليفه يظحكون على خلوف ونوف ../ نوف :اوووف تعرف خلووف احسن شي تسويه كل سنه انك ماتسافر ويانا هههه الله يعيني لو انت ويانا .....// خليفه ( يطنز ) : ترى لانج تكونين موجوده انا ما آي وياكم ....// عايلة سعيد كلها : ههههههههههههههههههههههههههه
....... قام سعيد وترخص عنهم وسار صوب الشركه .. ونـــش خليفه وراه .. وشل سويج الرنج وطلع صوب راشــد ( مخيسنه كالعاااد ) .....
.....
وفــــــــــي بيت عبيد ..
هنـد : عبيد يلا نش تراك تاخرت على سعيد اخوك في الشركه الساعه 11 الحين ... ( على فكره ترى عبيد اصغر من سعيد ) ... // عبيد : خلاص خلاص تراني وااعي .. محد يروم يرقد في هذا البيت ,,ويلس يترحطم ..
هند وهي تظحك على ريلها تعرف مايحب حد يواعيه من الرقاد ..
شوي ولا تفتح عليهم حمدووه الباب وتعفد على ابوها ..عبيد كان متنرفز بس يوم شاف حمدوه في ويها ..خذها في حضنه << عنده شوفة عياله بالدنيا كلهــا <<... وفي الصاله تحت كان يالس حمود ويشوف " سبيس تون" ... رن التيلفون وسار يرد عليه .. / حمود : الو ..
علايه : هلا حمود شحالك ...( علايه : بنت خالتهم عاشه ..وعايشين في دبي سنها من سن ريموه وهم الهنتين واايد قراب من بعض ) .....................
حمود : تمااااااااام ..// علايه : وين اختك الدبه // حمود : رااقده .. ولا تقوليلي سير واعها ..تراني هب متفيج اسيرلها فوق الحينه .. دقي على مبايلها ../// علايه : طااالعوو هذا صدق انك خقاق .. ياويهك انا بنت خالتك واكبر عنك لازم تحترمني ( وهي تظحك ) ..يلا يلا اجلب ويهك وماعليه يا حمود ..جان ما خبرت عليك خالو هند ..ماكون علايه بنت اميه وابويه ..
حمود وهو يظحك : عااادي خبري اميه مابتقولي شي ولا نسيتي انا ولدها الوحيد..(حموود ومايووز عن طبعه دوم يرفع ضغط علايه شرات مايرفع ضغط ريم) .................................................. ...............
علايـه : بس بس خلاااااص تعرف انا الغلطانه يوم اني اتصلت عالبيت لو كنت داقه على مبايلها على طول احسن .. بس حظي النحس ماعرفت انك بترد عليه يلاااا بااااي ... // حمود وهو يظحك على علايه : باااااااااااااااااي
وفــي غرفة ريم ... ريم كانت راقده ..وكل مااتي كارمي أو امها يواعونها تتحرطم وتـــرد ترقد مره ثانيه .................. يررررن المبايل .. وتنش ريم على رنتها اللي حاطتنها .. تشققت يوم شافت رقم علايــــه ..
ريموه : هلا ووووووووووووالله .. // علايه : هلا بالغــلا بنت خالتيه ..
ريموه : فديييتج علايه وربي لج وحشــه انتي وين عنبوه مختفيه ..
علايه : انــــــا ولا انتي ..المهم ماعليه ماعليه الحين خلينا من هالسالفه
اشحـــــــالج وشحال خالوه هند ..// ريموه : والله الحمدالله يسرج حالنا
ومن صوبج شحال هل دبي ؟؟..// علايه : عالعااااال الحمدالله .. الا غريبه ماسافرتوو السنه للحين ..//ريموه : والله مادري بس تعرفين ابويه اييبلنا التذاكر نفس اليوم ويحطنا فالامر الواقع هههه ...//علايه وهي تظحك ..انزين عاد خلونا نشوفكم والله اني متولهه عليييكم وعلى سوالف خالوه
ريموه : والله يا علايه لكم وحشه انتو بعد ..بس تعرفين خلاص بسير اكلم امايه جان الا ماعندها شي اليوم وبقوللها اني صوبكم من زمان ماشفنا يدوه وخوالي ..// علايــه ( متشققه) : ونااااااااسه والله من زمان ماتيمعنا .. المهم انتي كلمي خالوه وردي عليه عسب اعطي قوم اميه خبر ..
ريموه : خلاص ولا يهمج ..برايج علايه الحين .. تعرفين توني ناشه من الرقاد بسير اتغسل وبنزل تحت وبالمره بكلم امايه ..// علايه : خلاص فديتج اتريــاج يالله فحفظ الرحمن ..///////////////
....
وفي الشــــركه .. عبيد كان توه واصل عند سعيد اخوه ..
عبيد : السلام عليك بو خليفه .. / سعيد : وعلييييك السلام .. والله ومابغيت تنش من الرقاد صدق ان الرقاد لاعب دور في حياتك ..(يظحك) ...
عبيد وهو قافط من اخوه : هههههه المهم شحال العيال ../ سعيد : والله يسرك حالهم .. تعرف عاد انته نوف وفهود كارهين الصيف والسبه انهم ماسافرو لين الحين عاد انا قلت برتب الشغل وبحاول اخلص خلال هالاسبوع عسب اطلع واكشتهم //عبيد:هاي سوالفهم اليهال ههههه عدنا وعندك خير..
مادري شعنه مايحبون يقرون فالبلاد في الصيف ..
سعيد : الا اقول عبيد شو رايــــــك تاخذ انته بعد حرمتك وعيالك ونسافر كلنا يميع ..وفي حزه وحده ..// عبيــد : والله وفـــكره .. خلاص ان شاءالله اليوم بخبرهم عسب يزهبون ..
كان خليفه مع راشـــد يتمشون بالسيــــــاره عالكورنيش .. يسمعون اغاني ورابشين اعمارهم الشباب .. بطاليه لاشغله ولا مشغله ..( اممم يمكن نسيت اخبركم ان خليفه وراشد يدرسون فالكليه ) .. خلوف : اقول رشود يالله وين نسير نتكشت السنه ../ رشود : والله انت قول وين وانا وراك وراك هههه وين ماتروح ..// خليفه :صدقت في هاي ورايه ورايه ماتفج ههههه..
رشــود : اصلا انته ماتتحرك خطوه بدوني احم احم انا الكل فالكل وانته بدوني ماتسوى //خلوف : ويا راســك ..اشوفك وايد مصدق عمرك على شو عاد مادري ..هههههههههه ... // رشود وهو يظحك : الا صدق صدق خلوف خلاص خلنا نسافر دور النا مكان حلوو // خلوف : اممممم خلاص ان شاءالله بشووف وبخبرك .............
الاهـــل وين بيسافرون ؟؟.... وخليفه شو بيسوي يوم بيعرف ان عمه عبيد وعياله بيكونون مع اهله في السفر هالسنه ...وخاصه انه الريم بتكون وياهم ....؟...
.....وفــــــــــــــــي دبــــي ( بيت عاشه خالة ريم ) << بيت مصبح ال.........
( حمدان الكبير وعمره خمس وعشرين سنه مالج على بنت عمه والعرس قريب..وعقب حمدان.. سلطان ويدرس فالكليه وهو من عمر خليفه وراشد ..
وعقب سلطان ..علايـــه .. واصغر وحده شويــخ اصغر من علايه بسنه يعني السنه اليايه بتكون في الثانويه العامه ) ....<<< باختصار عايلة مصبح ...
علايه:اميه اميه ترى قووم خالوه هند بيون صوبنا اليوم ..( وهي مستانسه)
عاشه: واللــــه ؟؟..(استانست) ..وامنوه خبرج ؟ ..
علايه : الصبح مكلمه ريموه وقلتله جان بتون خبريني والحينه قبل لا انزل لج دقت لي واكدت عليه انهم بيون ..
عاشه : وااي فديتها انا اختيه وعيالها والله متولهين عليهم .. يالله حياهم الله والدار تراها داهم ..//في الوقت للي كانت علايه ترمس امها / دخل عليهم حمدان <<البجر ..... عاشه : يامرحبا بالمعرس .. وينك انته عنبوه في نفس البيت ومانشوفك .. هذا وبعدك مايبت حرمتك .. الله يعين عقب جان بس ماتنسى انه عندك ام ..// حمدان ويبوس راس امه : افا بس انا انساج ..انتي حبيبتي ..// عاشه : هيه هيه سكتني الحين بهالرمسه .. خبرني ليش ماتبين ولا لك شوفه وشو عندك 24 ساعه في حجرتك ..والله وماصارت حجره ..
حمدان وهو يظحك على سوالف امـه : حشى والله يا اميه ماعندي شي بس ..احم حم .. > اونه استحى < كنت اكلم موزه ..(موزه هي بنت عمه الي مالج عليها ) ..علايـه : عاش عاش والله ..الا شخبارها مواز .....؟
حمدان : يســرج حالها ../ علايه : الا عطاري موزه .. متى العرس ولا بعدكم مارسيتو على راي ../ حمدان : لا ان شاءالله قريب .. وعقب يومين ابويه بيسر عند عمي عسب يحددون كل شي ..وان شاءالله خيــــــــــــر ...
عاشـه :وييه فديتك وفديت حرمتك..يالله عسى مايطول الوقت وايي اليوم الي اشوفك فيه معرس ببشتك وغترتك واشوف حرمتك منوره البيت بوجودها ..
حمدان : يـــالله يا محلات دعاويج يالغاليه لا خلاني الرب منــج ..
ويلوي على امه ..// شوي ولا تنزل شويخ من فوق وتشوف انه امها لاويه على اخوها حمدان ..( شويخ شوي ملقوفه ولسانها طويل ) .. شويخ وهي تظحك :شو السالفه اليوم .. وتغمز لعلايــه .."علايه هب جنه نحن بنات البطه السوده الوالده هالايام حنانها زايد حق حمدان وسلطان ونحن ولاجنه..
علايه وهي مكملتنها طنازة مع شويخ .." آآه ياشيخوه شو اقولج بس .. يالله ماعليه خليها على الله ..( تظحك) ...ماعليه بتعرف اميه بعدين قدرنا خخخخ ... شوي ولا الكل قام يظحك على سوالف علايه وشويخ ..

 

[ضوى العيون]

وفــــــي بيت سعيد الكل كان متيمع عالغدا ..ماعــــدا خلوووف ... طبعا متاخر كالعاده لانه مع رشود ../ سعيد : وهذا خلوف لازم يأخرنا جي كل يوم
<<< سعيد واليوع واصل حده ......... / ام خليفه : والله هذا ولدك وعندك اياه قوله لا يتاخر .. عيزت وانا اكلمه ..// نوف : الحين تبون خلوف يصطلب والله لو الموت هذا الخقاق مابيعتدل ( وهي تظحك ) ..ههه لا وبعد ربيعه خقاق شراته هههههه يعني صدق اغسلو يديكم منه ..
فهد : يلا ابويه خلنا نتغدى هذا خلوف دوم يخيسنا تلقاه الحين يوم بيرد بيقولك انه متغدي ../ شوي ولا خلوف داااش عليهم ../ خليفه : احم احم خليفه بن سعيد وصل ../ سعيد : يا حيا الله خليفه .. والله ومابغيت حضرتك .. متنا من اليوع ونحن نترياك .. / خليفه اصلا كان راد البيت وهو متغدي مع رشود في المطعم بس مابغى يقول انه متغدي << الاخ عايبتنه السالفه ان الكل يترياه عالغدى >> ... خليفه وهو يظحك : اسمحلي بويه بس كنت مع رشود ويالسين نرمس في موضوع السفر .. وخذتنا السوالف عقب ..
سعيد : الا عطاري السفر .. تراني اليوم كلمت عمكم عبيد وقلت له ياخذ حرمته وعياله .. ويسافرون معانا رباعه ..// نوف وهي الفرحه هب شالتنها لان الريم بتكون معاها : واااااااااو والله وناااسه ..ريموه بتكون ويايه يعني
.....خليفه من سمع الرمسه جيم مكانه وخاصه يوم سمع اسم ريم ....
ام خليفه : ويه والله زين سويت يا سعيد .. عالاقل بتونسني هند ما شالله عليها سوالفها ما تنمل .. // فهد وهو الثاني بعد متشقق : والله صدق انها فكره حلوة بلقى حد يتحوط ويايه >>>> يقصد حمود ...
عاد الحين خليفه مايبا يطوف هالسفره .. بالذات لانه بنت عمه بتكون وياهم يعني لو سافر وياهم بيقدر يشوفها كل يووم .. // نشت نوف من الغدا بسرعه : انا بسير اكلم ريموووووه ../ في هالوقت سرح خليفه في ريم واذكر يوم شافها في المطعم واذكر ابتسامتها وعيوونها ..
سعيد شاف خليفه سرحان : الحلووو في شو يفكر ..
خليفه : ها بويه ..لالا ماشي ( وكالعاده غير السالفه ويلس يسولف مع ابوه)
....
وفي بيــــــت عبيد .. عبيد كان توه راد من الشركه وطبعا خبرهم عن سالفة السفره مع اخوه وعياله .. // هند : خلاص ان شاءالله ياعبيد اول مابنرد من دبي بنزهب الشناط .. / عبيد : دبــــــــي ؟ ليش مسيرين صوبهم اليوم ؟
هند : اذا ماعندك مانع طبعا .. / عبيد : لا افا وليش يكون عندي مانع والله اني متوله على هل دبي بعد .. ولو ماكان عندي شغل فالشركه عقب العصر جان ييت وياكم ..الا بتباتون هناك ولا رادين ان شاءالله ..؟
هند: والله ياعبيد مادري بس اذا شفت اهلي كلهم اليوم مابنبات ..
شوي ولا مبايل الريم يرن . / ريم : هلا نوفي ....../ نوف : هلا وغلا اشحالج ريم : والله اوكييييييك الحمدالله .. / نوف : عرفتي .. بنسافر رباعه السنه ..
ريم : هيـــــــه والله توه ابويه يخبرنا صدق استانست ..
نوف: الا اقول ريموه شو رايج نسير السوق اليوم نشرى حق السفر ..
ريموه : لا فديتج والله اليوم مااقدر .. بنسير دبي صوب قوم خالوه واذا مابتنا عندهم اليوم ان شالله بسير السوق وياج باجر ../ نوف : ايوا خلاص ماعليه ان رديتو باجر دقي عليه .. وسلميلي على هل دبي وعلى علايه بنت خالتج بعد ../ ريم : يوووصل حبيبتي ....... وسكرت ريموه عن نوف بنت عمها................
.... خليفه كان بعده يفكر ويقول في خاطره يعني اذا سافرت وياهم بقدر اشوف ريم كل يوم .. بس كيف اسافر معاهم وانا كل سنه اسافر مع رشود ..واصلا حتى لو خبرتهم اني بسافر معاهم اكيد بيشكون في السالفه ليش يعني السنه .. وكل سنه لا ...قعد خليفه يفكر وهو مايبا يطوف هالسفره من يديه .. وبدا خليفه يتحمس اكثر واكثــــــر.. لانه كان يحب ريم ويموت فيها ,
.....
وفــي بيت عبيد (الريم وامهـا وحمود وحمدوه طلعو صوب دبي مع الدريول وكارمي كانت وياهم ) ..وطوول الدرب حمدوه مسويه حشره شوي تظارب مع حمود وشوي مع ريموه ...حتى امها ماسلمت منها..هههههه بس حليلها كانت مسويتلهم جو ..وكل شوي تصيح ..
فــــــــــــــي دبي .............. ( بيت مصبح ) ..<< بيت عاشه (خالة ريم)
علايه كانت يالسه عالمسن وتكلم ربيعاتها..دخلت اليازيه على علايه ويلست تكلمها ( اليازيه: ربيعة علايه من هم صغار ).. اليازيه :هلا والله عليوه
علايه : هلا وغلا يزووي شحالج ../اليازيه:ترتووب الحمدلله..ومن صوبج
علايه : يسرج حالي الحمدالله ../ اليازيه:اوه غريبه عليوه فالبيت ماطلعتي
علايه : ههههههههه لالا اليوم بيونا قوم خالوه من بوظبي ...
اليازيه : امممم قوم ريم يعني ؟ ../ علايه : هيه وانا عندي غير خالوه هند وحده وفي بوظبي ... جفتي عااد .. / اليازيه : يلا have a nice time....^_^
علايه : ان شاءالله والله اني متولهه عليها السباله ريموه ..
اليازيه : تصدقين اني ناسيه شكلها بنت خالتج ..بس احيد انها جميله ماشاءالله عليها .. يمكن اخر مره شفتها قبل خمس سنوات يوم كنت في بيتكم وهم كانو عندكم ../ علايه وبدت مدح في بنت خالتها : وويه يزوي ماشفتيها الحين مشالله عليها ,, تعق الطير من السما ..تعرفين يعني لازم بنت خالتيه اكيد بتطلع عليه حلوة هههههه احم احم
اليازيه : ووويه ولا يخصه حرام عليج ظلمتي البنت يوم انج شبهتيها فيج تعرفين هههه حتى اني اشك انكن بنات خاله >>> تطنز على علايه
علايه : بـــــــايخه يزوي ..الا اقول شو رايج اتين عندي اليوم ..
اليازيه: انتي تستهبلين ؟..هب توج تقولين قوم خالتج يايينكم اليوم ..
علايه : يالهبله ترى من جي اباج تين عسب نتيلس كلنا وبالمره تشوفين الريم وتتعرفين عليها ..صدقيني بنستانس ..
اليازيه : اممممممم خلاص دام جي عقب المغرب ان شاءالله بييكم ..
... شوي ولا تسمع علايه حشره تحت ..هي كانت في غرفتها ..
وعرفت ان قوم خالتها وصلو ..علايه وتكتب حق يزووي : يزووووووووووي يلا بااااي قوم خالوه وصلو بنزللهم الحينه يلا فديتج اترياج عقب المغرب هب تتاخرين ياويلج ..// وتطلع علايه من المسن بسرعه وتنزل تحت ..واول مانزلت شافت ريم في ويهها ربعت صوبها ولوت عليها ..لانهم من فتره هب شايفين بعض .. علايه: ريموه يالعنز والله اني متولهه علييييج .. / ريم : فديتج والله انا بعد ../ وقامت عاشه تسلم على هند اختها ..وسارن يلسن في الصاله .. هند وعاشه في صوب يسولفن
وعلايه وريم في صوب ثاني ...شوي ونزلت وشويخ سلمت على خالتها وبنت خالتها .. وسارت يلست مع ريم وعلايه ........ويلست تسولف وياهن
علايه : ريموه تذكرين يزوي ربيعتيه ..الي دوم اسولف لج عنها ..
ريموه : والله ماحيد شكلها عدل .. بس اعرفها هاللي وياج من انتو صغار
علايه : ايــــــوا عليج نور هي هذي ..
ريموه: انزززين بلاها ؟..// علايه : عقب المغرب بتينا وجي تبا تتعرف عليج وتبا تتيلس ويااج ..// ريموه وهي قافطه: اووي علايه استحي البنت ماعرفها ........
علايه : انزين بتتعرفين عليها وبعدين صدقيني بتعيبج .. فديتها ربيعتيه سوالف هههههههههههه ...
** وعقب المغرب يتهم اليازيه اول ماشافت ريم .. انبهرت لجمالها وقالت في خاطرها .. صدقت علايه يوم انها مدحت بنت خالتها ... ووايد عيبتها ...
وريم بعد وايد ارتاحت لليازيه وكنها تعرفها من زمان .. يلسن البنات يسولفن وسالفه ورا سالفه .. وخذن على بعض بسررعه ...
.....

 

[ضوى العيون]

في الوقت الي كانت ريم في بيت خالتها يالسه مع علايه ويزووي ...
كان خليفه مع راشد في بوظبي..وعالكورنيش بالضبط << دوم مطيحين هناك .......خليفه كان واايد يسرح .. وراشد كان منتبه لهذا الشي ..
راشد : لي ماخذ عقلك يتهنى به .../ خليفه وانتبه لرمسة رشود ويلس يظحك .. / راشد : والله لي يشوفك يقول من شكلك بديت تحب ..
خليفه واول مره يعترف لحد وكان اول واحد يعترف له راشد ..
خليفه : بديت ؟؟.. قول الا خلصت بعـــــد ...
راشد وجنه حد صب عليه ماي بارد .. انصدم من خليفه عمره ماتوقع انه خلوف بيي يوم وصدق يحب فيه ..لانه دوم ماخذ الدنيا لعب وسوالف بس ..
راشد : آآه يالخااين من ورايه .. ومن ومتى ان شاءالله ومنوه هاي الي يابت راسك ..لا وماخبرتني لين الحين .. هذا وانا وياك 24 ساعه وين ماتروح لاحقنك ..والي اشوفه انه البنات يترابعن وراك .. عمري ماشفتك تلحق وحده << يطنز ..........من وين يبتها هاااي ..؟؟؟..
خليفه واول مره يحس انه يبا يفضفض باللي في فواده .. وبدا يقول لخويه راشد عن ريم بنت عمه من اول ماحس انه يحبها ليــــــــــن سالفة السفر ..
راشـد : لاتقووول اللي شفناها في المطعم هذاك اليووم ؟؟؟؟.......
خليفه : ليش وانا عندي بنت عم غيرها ؟...<<<<ههه حمدوه هب محسوبه
راشد : اخ والله انها عجووبيه .. لاتضيعها من يديك وتخلي غيرك ياخذها منك ..ياخي ولا اتم جي معذب عمرك صارحها عالاقل عسب تعرف رايها وعقب سير اخطبها من عمك ..
خليفه : ايه ايه ينيت انته شو اخطبها ؟..نسيت ان بعدني ادرس فالكليه وانها توها مخلصه الثانويه وبعدها مادخلت الكليه ..وماظني عمي بيرضى بنته تعرس قبل لا تكمل دراستها .. اذا امها جامعيه ..كيف هي مابتدرس ؟؟.
راشد : والله كيفك يا خلوف انا شرت عليك وعقب جان حد ياي وخطبها غيرك ذاك الوقت بتندم قد شعر راسك ..
خليفه : والله لا ادفنه نفس الحزة الي بيسير يخطبها .. بنت عمي محد بياخذها غيري ...
راشد: اوووب اووب يا خلوف شكلها بنت عمك يابت راسك ..
خليفه : والله يارشوود انها ذابحتنـــــــــــــــــي هالانسانه ...المهم وشو عن سالفة السفر الي خبرتك ..
راشد: لالالالاعاد ..شو قصدك خلوف ويا راسك .. تبا تسافر ويا اهلك وتخليني هنيه روحي صايع ..ضايع ..( يظحك ) ...
خليفه وهو يظحك : لا يالذكي ..بس خلنا نفكر في طريقه تنفع .. فيها اشوف الاهل كل يوم >>>>>>>>> متشقق ويقصد ريم ...
وفيها اكون وياك تعرف ماطيق السفر الا ويـــاك..<<< يظحك
رشوود عاد لاتصدق عمرك واااااايد ههههههههههههههههههههههههههه
راشد : عاد انا صدقت وخلصت هههه بس تعرف شوو تسوي ..
خليفه (يطنز) :لا والله ماعرف لو كنت اعرف جان ماخذت برايـك
راشد: خلوف صدق انك ماتستحي هذا وتوني ياي اعطيك فكره عجيييبه بس ماعليه شوف الحين منوه بيخبرك ..
.....خليفه وهو يعرف انه افكار رشود دومها صايبه ......
خليفه : ماعليه يا رشود تبا تذلني الحين .. قول عاد وغلاتي عندك ..
(( رشوود وهو مستانس هههه يحب يذل الواحد )) ...
راشد : هههه خلاص خلاص بخبرك .. شووف انته لاترمس عن سالفة سفرتك ويايه ..ويوم هلك بيقررون وين بيسافرون .. سو عمرك مختار البلاد نفسها من زمان وقبل لاهم يختارونها ..واونه عاد بالصدفه .. وبجذي هم بيسافرون وبتلحقهم انته ههه طبعا ويايه ..وبتقدر تسير صوب هلك كل يوم .
خلوف وهو مستانس على افكار رشود ..// خليفه : والله وعليك افكار ..............
راشد : هيــه عيل شو قالولك مخي زينه شرااتك هههههه .. بس شوف خلووف من الحينه اقولك هب عقب تخيسني في الفندق وتطيح 24 ساعه عند اهلك واتم انا زي الاطـــــــرش في الزفــه ,,,,,,
خلوف وهو يظحك على رشود .." لالا افا عليـــــك انته بس ..
راشد : هيه ماعليه ماعليه بنشووف وبذكـــــــرك ..ههههه
وتمو الشباب يسولفون وهم يتمشون على كورنيش بوظبي ماشالله سوالفهم اكثر من سوالف الحـــــــريم ....
..
وفــــــي دبي ... كانت ريم يالسه مع علايه بنت خالتها في الصاله ..طبعا عقب ماسارت عنهن يزووي...وعلى فكره ترى ريم واليازيه خذن ايميلات وارقام بعض ......... المهم .. كانت علايه تسولف مع ريموه وريموه كانت عاقه الشيله لانها تعرف انه مافي رياييل في البيت .. وبين سوالفهم ..
دخـــل عليهم " سلطــــــــان " ..( سلطان دخل الصاله ..من باب المطبخ وماكان يعرف ان خالته وعيالها عندهم في البيت ) .. دخل سلطان ..بس علايه وريموه ما انتبهو له .. ومكملات سوالفهن ..في الوقت لي تم سلطان واقف مكانه وامبحلق عيونه في ريم وجنه اول مره يشوفها واصلا هو من زمان هب شايفنها .... استحى شوي على ويها وحس انه هب حلوة يطالعها جي وهي عاقه شيلتها بعد حتى لو كانت بنت خالته ..
سلطان : السلام عليكم ......// ريموه من سمعت حس ريال قفطت و لبست شيلتها على طول ..علايه وماعرفت روحها شو استوى غير انها زعقت على سلطان ........// علايه : سلطان شو ها بعد عالاقل دق الباب قبل لاتدخل وبعدين متى حضرتك واقف ؟؟؟....// سلطان روحه استحى مسكين وقفط
سلطان : بسم الله بلاج...توني الا الحين داخل (هههه مش توه بس يبا يعدل الموقف شوي )...// علايه : صدق انك فضيحه..يعني اونك ماتعرف انه قوم خالوه عدنا اليوم ولا استهبال منك كالعاده ../// علايه قطعت اخووها وخلته مايســـــــــــــوى شي ..سلطان خطر في باله يصطع علايه طراق ..كيف جي تهزبني واونها مسويه عمرها شي !.. لا وبعد جدام بنت خالوه الي من زمان هب شايفنها والله مايسوى عليه ... سلطان و يبا يغير السالفه ..
سلطان : خلاص السموحه منج ريم ( ويقول في خاطره ماعليه يلا عليوه دواج عندي بعدين ) ... // ريم : مسموح يا سلطان ماعليه ما استوى شي ..
علايه وهي منصدمه من برود ريموه : طاعو طاعو وانا من الصبح افاتن واوني عاد شاده حيلي واهزب سلطان واخــر شي وبكل برود الاخ يستسمح وانتي تقولين مااستوى شي......// سلطان وهو متشقق : والله انتي الا كبرتي السالفه محد قالج وبعدين ريم بنت خالوه مش غريبه ...
ريم ابتسمت وهي في خاطرها تنقع على علايه وسلطان وسوالفهم ...
سلطان: الا شخبارهم هل بــــــــــوظبي ..// ريم : والله يسرك حالهم
(سلطان في هالوقت كان ميت من الوناسه وهو يكلم ريم .. بس روحه ماكان يعرف ليش ...... اما ريم كان وايد عادي الوضع عندها وما تشوف سلطان غير انه ولد خالتها وبـــــــــــس ..)..
سلطان : الا وينها خالتوووو ماشفتها عيل ..// علايه وهي تبا الفكه من سلطان لانه يوم دخل قطع عليهم سوالفهم : خالوه مع اميه في العزبه طلعو من العصر عند قوم يدوه وللحين ماردو ..// سلطـــــــــان : ايــــــوا (( سلطان ماكان وده يفارج ريم وخاصه انه لاحظ انها محلوه وايد تغيرت عن قبل ويمكن هاي كانت اول مره يدقق فيها عدل )) ...
سلطان : خلاص عيل برايكــــن .. تامروني بشي ..بطلع فوق ..
ريم : سلامت راسك ..// وعلى طوول قاطعتها علايه وقبل لاتكمل رمستها : ووويه سلطوون من متى تعلمت الادب والاتكيت هههههه والله واكتشفت اليوم انك تعرف ترمس <<<<<< تطنز
سلطان وهو ضغطه مرتفع من علايه لانها اليوم قطعته بما فيه الكفايه وماخذه راحتها زياده عن اللزوم : ماعليه انتي دواج عندي بعدين محترمنج للحين هب لسواد عيونج والله احتراما لريم بس ../// ريم ماسكه عمرها خلاص شوي وبتنقع من الظحك ///....... علايه :هههه لالا خلاص والله الحين صدق خفت .. مافيه تكسرني بعدين .. كله ولا سلطان فديتك اخويـــه..
سلطان اطالعها بنــظره : احم احم هيـــــه اتحرى بعد ..// وسار سلطان حجرته فوق ..اول ما صعد سلطان الدري ..ودخل حجرته .. انفجرت ريم من الظحك ...علايه وهي مستغربه وعلامة الاستفهام على ويهها ؟؟...لانها تشوف ريموه تظحك وبشكل هب طبيعي ...
علايه : ايــه انتي بسم الله بلاج ؟؟..مابغيت افتك من سلطان وسوالفه .. طلعتيلي انتي .. شــو ياج ..// ريم وهي بعدها تظحك : والله الي يشوفج انتي واخوج ماظني بيتم صاحي !!..حشى ( ديج وديايه ) هب اخوان هههه والله ولا انا وحمود يوم نظارب ..// علايه : لا والله الحين انا وسلطانو ديج وديايه ماعليه ماعليه ياريموه هذا يزايه الحين..(( شوي ولا نقعت علايه بعد ويلست تظحك مع ريموه .. ليش تظحك علايه ؟؟.. بس جي زياده خبال ههههه ))....................................
سلطان دخل غرفته وعلى طول عفد عالنت وفتح المسن ماله .. ويلس كالعاده يكلم البنات الي يلعب عليهن ..// بس في شي حسه في قبله من شاف ريم واذكر شكلها اول مادخل عليهم وكانت عاقه شيلتها ... نسى سلطان البنات الي يكلمهن ونقعهن عالمسن ولا يرد عليهن كان سرحان في بنت خالته .. وهو روحه مايعرف ليش جذيه وايد مهتـــــــــــم ...

 

[ضوى العيون]

مــر اليوم وهند وعيالها باتو في بيت عاشه .. وردو اليوم الثاني بوظبـــي وطلعت الريم مع نوف السوق ومر الاسبوع عادي ..غير انه عايلة عبيد وعايلة سعيد يزهبون حق السفــره ..ولين الحين خليفه مايعرف وين هله بيسيرون .. عسب يسوي الي قاله عنه راشد ...
وقبل السفر بيوم .. وبالتحديد في بيت سعيد ... سعيد ومرته ..
كانو في الصاله يالسين ويت نوف ويلست معاهم .. شوي ودخل عليهم خليفه
خليفه : سلاااااام ........../ بوخليفه وام خليفه : وعليـــك السـلام ..
(( خليفه قال في خاطره بيسالهم عن السفر وين بيسافرون قبل لا يسألونه هم وين بيسافر وعقب يتوهــق ..)) .. خليفه : ها ابويه وين قررتو تسافرون ان شاءالله ..
بو خليفه : والله ان شاءالله ايطــــــاليا ...
خليفه وبدا الاستهبال يعطي مفعوله : اوووووب شو هالصدفه الحلوة
نوف : صــــدفه ؟.. كيف يعني ؟؟...
خليفه : انا ورشود بعد حاطين في بالنا ايطاليا السنه >>> اخ يالخرط هههه
ام خليفه ( اتشققت ) : والله ؟؟.. خلاص عيل خلوف تعال ويانا ..دام جي السالفه ...// خليفه : لااااااااااالاااا اميه .. مااقــــدر اخلي رشود روحه
سعيد : ومنوه قالك اتخليه روحه سافر معاه رباعه ويوم بتكون هناك تعال صوبنا ورد على ربيعك ..// خلووف مستااانس لانه رمسة ابوه كانت نفسها تخطيطه مع رشـــــوود ..// خليفه : خلاص ابويه تــــــــــــــــــم ..ان شاءالله انتو بتسافرون وعقب يومين بنلحقكم انا وراشــد ..// سعيد : خير ان شاءالله
........
وفي بيت عبيد .. كانت ريم يالسه عالمسن تكلم ريبعاتها سلوم وميثوه وحصوه .. شوي ولا تشوف حد سوالها ادد ..سوت اوكــي (( اكسبت )) على طول .. كانت اليازيه الي ضايفه ريموه .. بس ريم ما كانت تعرف .. لانها ماثبتت عالايميل يوم سوت اوكـي ..
اليــازيه : مرحبـــــا ملايين ولا يســدن ..
ريم : مرحبتــــين والله ... امنوه معايه ؟..
اليــازيه: افــا ماعرفتيني يعني ؟؟...
ريم : لا والله ..امنوه انتــــــي ؟؟
اليـازيه : اممممم .. وحده من هل دبـــــــي
ريم وعقب مانتبهت عالايميل اذكرت انه هذا ايميل اليازيه الي عطتها اياه يوم كانو في دبــــــــــي ..
ريم : يزوووووووووووووي فديتج والله .. سووري ماكنت منتبه عالايميل
اليــازيه : فديييييييييتج والله عادي .. المهم اخبارج واخبار هل بوظبي كلهم.
ريم :والله الحمدالله عالعـــــــــال .. ومن صوبج ..
اليـازيه: يسرج الحال الحمدالله .. الا بعدج في البلاد ماسافرتي ؟؟
ريم : ان شاءالله بــــــاجر ..
في الوقت الي كانت ريموه تسولف مع يزوي ورربيعاتها .. دخلت نوف المسن .. دخلت على ريموه ..
نوف : هلا هلا ..//.. ريموه : اهلـــــــين واللــــــــــــــه
نوف : ريموه قولي انتي بس منوه بيكون ويانا (( تقصد في السفر ))
ريم : امممم امنوه يعني بيكون ويانا <<< حطت الفيس المستغرب !!
نوف : خلووووووووووووووووووووووووووووووووووف
..... ريم تمت فاجه عيونها من قرت اسم خليفه وتمت جــي !!!!!!!
ريم : خلوووف اخوووج ؟؟
نوف: لا خلوف ولد يرانا >> تطنز ... وحطت الفيس الي مطلع لسانه
....ريم ماعرفت شو الي ياها .. حست انها وايد استااانست .. بس ماتعرف ليش.. وتحمست اكثر للسفر ..بعد ماتعرف ليــش ..؟؟..
ريم : زيـــــــــــــن والله بيربش الجو عيل خليفـــه ..
نوف : هــــــيه فديته اخويه <<< حطت الفيس الي مستانس ويظحك J
ويلسن البنات يسولفن عالمســــــــــــن ...
....
مـــر اليوم ويا اليوم الثاني وسافرت عايلة عبيد مع عايلة سعيد ..
ووصلو ايطاليا وبالتحديد رومـــــــــــا .. خليفه وراشد بعدهم في البلاد .. مرن يومين .. وجو روما كان عجيب .. كانت الطلعات اكثر من اليلسه في الفندق .. الحريم ما مداهن الا وتعبن .. ويلسن يتحرطمن على ريم ونوف الي دقيقه وحده مايبن يقـــــــــــــــــــــــــــــــــــرن في الفندق ...
...
خلونا نرد البلاد شوي... وفي بوظبي .. وفي مطار ابوظبي الدولي بالضبط ..
كان خليفه مع راشد .. في"قاعة الانتظار".. وكان باقي على موعد طيارتهم ربـــــــع ساعه .. راشد لاحظ ان خليفه متحمس زياده هالمره ..
راشد وهو يظحك على خليفه : وووووويــه كل ها لاني وياك جي مستانس
خليفه : مااااااااااااشي شغل ... تراك 24 ساعه ويايه شو اليديد ..هههه
راشد : عفانا الله عفانا الله جـــامل انزين ياخــي ..حشى هب حب هذا جي مخبل بك ومزيد جرعة الحماس عندك <<<<<<<<<< ويظحك
خليفه وهو يظحك بعد:ماعليه يا رشود بيي اليوم الي بيبليك ربي فيه وبذكرك
راشد : بســـــــــــــم الله عليــه من الحب جان الا جي بيسويبي ...
ويلسو الشباب يسولفون لين ركبو الطياره ........
......
امممم نرد روما الحيــن ... وفي الفندق كانت ريم يالسه مع نوف ...
ريم كانت تتحرقص تبا تعرف خليفه متى بيوصل .. بس خايفه تسال نوف وعقب تفهمها غلــــط ... / ريم : نوفو هب قلتي ان خليفه بيلحقنا عقب يومين واليوم كملنا اربع ايــام .. وماشفنا اخوووج ...!! .........
ريم قالت هالكلام وماعرفت كيف نطقت به اصلا .. ونوف استغربت لان هب من العاده ريم تسال عن خليفه .. حتى ان خليفه كان يسال عن ريم اكثر مما هي تسال عنه .. // نوف : غريـــــــــبه !! .. شو مستوي في الدنيا ريموه تسأل عن خلووف ..// ريم قفطت وويهها احمر لاارادياً ..
ريم : اووف يا نوفو بدا الاستعباط ..خلاص مابا اعرف متى خلوف بيي ... وهذا السؤال وسحبناه .. ززززين ..
نوف : بسم الله شوي شوي اعصابج ..ماقلت شي انا (( نوف حست انه ريم بعد خليفه يعنيلها شي .. ولا جان ماسالت عنه ...ههههه بس بعد لازم نوفو تغلس شوي ..)) ...نوف : بس ولايهمج عقب كم ساعه خلوف بيكون في رومـا ..// ريم استانست ..بس مابغت تبين لنوف ..انها وايد مهتمه للموضوع .../ ريم : يلا يوصل بالسلامه ان شاءلله ..
ريم قالت هالكلام ونشت على طول من عند نوف .. عسب ماتتوهق باسألة نوف بعدين ...واصــــــــلاً ريم روحها ماتعرف ليش جذيه وايد تهمها اخبار خليفه ... سارت ريم صوب امها ومرت عمها .... ويسلت نوف تقول : ياحظك يا خلووف جانها ريموه تحبك ..,,,,,ههههه بس ماعليه ياريموه انا وراج اليـــن تعترفين انج تحبين خلووف ... ووراك بعد يا خلوف لين تعترف
........
وفي مطار روما..راشد وخليفه توهم واصلين .. عبيد وسعيد كانو في المطار يتريونهم في الاستقبال ..(( سعيد كان حاجز لخليفه وراشد في نفس الفندق الي هم فيه .. بس الطابق الي فوقهم .. عسب يكون خليفه قريب منهم )) ..
........ نــرد مره ثانيه البلاد .. بس هالمره صوب دبي ..وفي بيت مصبح
مصبح : بس بتخنقيني يا حرمــه من الدخون ......
عاشه : يـــــــــالله يا محلاتها الريحـــــه .......
مصبح : والله الي يقول الحينه انا المعرس هب جنه ولدج الي بيعرس....
عاشه : هيه هيه تروم تعرس انت .. وانا شو ان شاءالله هب مازره عينك....
مصبح : واللــــــــه يا ام حمدان انتي الكـــــــل بالكـــل ......
عاشه استحت وما مداها تدلع على ريلها .. الا بحمدان يستعيل ابوه عن لا يتاخرون على عمه .. ترى مصبح وحمدان كانو بيسيرون صوب مايد عم حمدان ....عسب يحددون موعد عرس حمدان وموزه ........
اتفق مصبح مع مايد اخوه ان العرس يكون عقب شهرين .. يعني قبل لا الصيف يخلص بأسبوع تقريبا ..وحمدان كان مستانس لانه خلاص مايروم يصبر اكثر ووده يعرس اليوم قبل باجر .. ونفس الشي موزه ... على فكره حمدان ماكان يحب موزه قبل الملجه .. خذها لانه امه وايد كانت ترتاح لموزه وايد كانت تعيبها وكانت تباها لولدها حمدان .. بس عقب الملجه .. وايد تعلق حمدان بموزه .. وموزه بعد تعلقت بحمدان .. وطبعا انولد بينهم الحب الي ماكان موجود قبل .................................................. ...................
......

 

[ضوى العيون]

وفــــــــــــي روما كانت ام خليفه مستانسه وتتريا خلوف متى بيوصل .. ونوف بعد كانت تتريا اخوها .. وفهوود ولا على باله << كان لاهي مع ولد عمه حمود ... ويمكـــــن ريم كانت اكثر وحده مستانسه فيهم لاني خليفه بييهم .. بس طبعـــــــا ماكانت تبين لحد .. في هذا الوقت سعيد وعبيد وخليفه وراشد وصلو الفندق .. خلوف ورشود سارو صوب ( السويت ) الي حاجزلهم اياه سعيد .. كانو منهدين وهلكانين .. وسعيد وعبيد ردو لحريمهم وعيالهم ...اول مادخلو.. سارت ام خليفه صوبهم .. وشافت ان خليفه هب وياهم .. انقبض قلبها زاغت الا استوى شي ...
ام خليفه : الا وين خليفه يا سعيد ماشوفه وياكم ؟؟؟
سعيد : هههه وين تبينه اييج الحين خلي الولد يرتاح شوي منهد حيله من يلسة الطياره .. عقب بينزل لج ...
ريم غيظت وقالت في خاطرها : اووف يعني ماقدرت اتي تسلم عقب ترتاح
قالت هالكلام لانها متولهه عليـــــــه وخاطرها تشوفه ..
ام خليفه : يلا على خير ان شاءالله .. بنترياه شو ورانا ...
نوف : لااااااا اميه شو نترياه .. خلونا نطلع بس مليت من يلسة الفندق
.. ريم ماعلقت ولا قالت شي .. وهي الي دوم تحشر الدنيا مع نوف عسب يطلعون ...عمها سعيد لاحظ انها من دخلو وهي ساكته ...
سعيد : ريم .. شو فيج حبيبتي صاخــه اليوم هب من العاده ولا مليتي من الطلعه ..
ريم انتبهت لعمها ... : لا عميه .. بس ما شاءالله نوف تكفي وتوفي ههههه
الكل ظحك هههههه لانه صدق نوف كانت وايد مشططه تبا تطلع ....
ام خليفه : مايخصني انا .. هب طالعه لين اشوف ولديه ..
نوف : اميه عاد الحين الي يقول هب شايفتنه من سنه وبعدين الا هو خلوف ..يعني لو كنت انا بداله بنقوووول ههههههههه
الكل ظحك على نوف وخبالها ... الا ريم غيظت .." كيف نوفو تقول الا هو خلوووف ................ طبعا بعد مابينت لحد ..بس قالت جي فخاطرها ..
......
.......
وفي سويت الشباب .. رشود من دخلو.. خذله " شاور" .. وعفد عالشبريه ورقد ... اما خليفه .. مارقد عقب الشاور .. تلبس وتكشخ ... عسب ينزل عند الاهل ويسلم عليهــــم ...كان وايد مستانس لانه بيشوف الريم.. بس ماكان يعرف انه ريم بعد تتحرقص من الصبح تبا تشوفه ...ولا ريم كانت تعرف ان خليفه ياي رومــــا بس عسبها ...
في هالوقت عبيد وسعيد طلعو من الفندق يتمشون برع وخذو معاهم فهود وحمود .. وخلو الحريم في الفندق .. ونوف كانت ميته من القهر تبا تطلع ..
وريم كانت على اعصابها تتريا خليفه .. ماكانت تقدر تتريا اكثر ..
دق خلوف باب "السويت " الي فيه الاهل ...
سارت كارمي وفتحت الباب <<<<<<< ههههه شالين كارمي وياهم روما
خليفه دخل وعلى طول سارت امه تسلم عليه وتمت لاويه عليه وعقبها
نوف سارت تسلم على اخوها ريم قلبها انقبض ماعرفت شو تسوي....
.. وخليفه اول مادخل كانت عينه تدور على ريم .. هههه بس امه ما اشاءلله عليها غطت ... سارت هند ( ام ريم) جدا خليفه وسلمت عليه ..
حتى حموده الصغيره سلمت .. وما بقى حد غير ريم ....
ريم واقفه مكانها ولا تتحرك ... وحتى خليفه يمكن اول مره جي يرتبك .. ولا العاده خلوف طايش مايهمه حد ولا حتى يستحي من حد ..
ريم حست انه هب حلوة يعني هو الي ياي .. لازم تسلم ...
بس قبل لا تسلم ريم .. سبقها خليفه ... ومن مكانه سلم : السلام عليج بنت عمي ... ..// ريم جيمت وعلى طوول سرحت .. الكل لاحظ انه ريم هب على بعضها .. // هند : ريموه بلاج ردي السلام على ولد عمج بسج من الصبح وانتي سرحانه ...
ريم قفطت ويلست تلقط ويهها اللي استوى احمــــــــر .. اول مره جي يستويبها ... شوي وكانت بتنفضح جدام الكــــــــل ...
ريم : وعليك السلام ... السموحه منك خليفه ...
خليفه ومافــج عيونه دقيقه عنها وعادي كان عنده حتى لو انتبهو عليه مايهمه حد // خليفه : لا افا عليــــج مسموحه ...
خذ راحته خليفه زياده عن اللزوم ....
خليفه : اشحالج ؟؟.................. ريم قفطت زياده : يسرك حالي ومن صوبك .... ..... خليفه : بخير ربي يعافيـــــــــــــج ...(( متشقق ))
ونوف دشت عرض بينهم .. وخربت الجو ...على خليفه والريم... نوف : شو اخبار بوظبي واهلها والله تولهت ...........
خليفه كان خاطره يرش نوف بكـــــــف ... وقال في خاطره : الحين ياويهج قاطعتينا ... عسب تسالين هالسؤال البايـخ !! ....// بس رد عليها ..
خليفه : والله الحمدالله .. هههههههه بس بوظبي ماتولهت عليج ....
نوف : يا ويهك .. بس بس ييت الحينه عسب تغثني....
يلسو نوف وخلوف يحطون على بعض كالعاده .. ريم ماكانت تقول شي بس تبتسم وعيونها كانت على خليفه .. و يوم كان يشوفها كانت تطالع الصوب الثاني ولا جنها تشوفه .. يلس خلوف عندهم تقريبا ساعه الا ربع وعقب ترخص من امه ومرت عمه ونوف وبنت عمه ريم ..وسار صوب رشووود الاخ كان توه واعي من الرقاد شوي ونزلو الشباب فالكوفي تحت في الفندق
.... مرت الايام .. ومر اسبوع كامل على عايلة سعيد وعبيد وهم في روما ..
الجــو كان وايد بارد ... والامطار كانت مغطيه روما..حموده الصغيره مرضت .. ويتها حمــــــــى ... هند قلت طلعاتها من الفندق لانها كانت اغلب الاوقات تيلس مع حمده ...نادر ماكانت تخليها مع كارمي ..
ونــــــــادر ماكان خليفه وريم يتلاقون .. لان خليفه اكثر شي كان مع رشود واذا بيسير صوب اهله .. يسلم ويطلع .... هههه رشود ماكان يعطيه فرصه..
.....
طولت الحمى عند حمدوه ... وفي مره ...ريم ماكان الها بارظ تطلع تتحوط .. فقالت بتيلس مع حمدوه .. الكــل طلع ... وتمت ريم مع حمدوه وكارمي في الفندق ... وصوب الشباب ... كان خليفه مع راشد في الفندق عيزو من كثر الطلعات ... رشود بغى ينزل الكوفي تحت عسب ييلس عالنت من زمان هب يالس .. وخليفه قال بيسير صوب الاهل ... ماكان يعرف ان محد في الشقه غيرالريم وحمده....نزل رشود الكوفي وسار خليفه جدا شقة قوم ابوه وعمه ... في هالوقت الريم كانت يالسه في الصاله عالنت ..و داشه المسن <<< ترى النت في الفندق اللي هم فيه كان موصل للسويت والغرف..
دق خليفه الباب .. ريم على طول حطت في بالها انه قوم امها ردو .. بس استغربت لانهم توهم طـــــالعين ..يعني ليش ردو بسرعه ؟؟ ..........
ماكانت تعرف انه الي عند الباب خليفــــــــــــــــــه ...
الريم كانت منسدحه ومجابله اللابتوب وفي اذنها سماعة الموبايل .. كانت تكلم سلوم عالمبايل وتكلم ميثوه وعلايه بنت خالتها عالمســن ..فما تفيجت تسير وتفتح الباب...........
زقرت كارمي ...سارت كارمي فتحت الباب ... وردت عند حموده في الغرفه..
....... دخل خليفه ...
شو بيستوي عقب ........ بتنتبه له ريم ولا لا ؟؟...
وصلنا عند خليفه يوم دخل ........... ريم مانتبهت .. لانها اصلا حاطه في بالها انهم قوم امها ومرت عمها ونوفو .. مول ماتوقعت انه خليفه ..
خليفه دخـــل وشاف ريموه تظحك >>>> كانت تكلم سلوم بالمبايل...
وكانت مندمجه في اللابتوب .. خليفه اول مره يسمع حس الريم عدل واول مره يسمع ظحكتها ... واول مره بعد يشوفها بدون شيله ..غير يوم كانو صغار .... ريم ماصدت صوب الباب ... ولا شافت خليفه بعدها ...
بس خليفه كان واقف مكانه مثل الي صابين عليه ماي بارد .. ...
شوي وانتبهت ريم انه محد دخل عقب مافتحت كارمي الباب .. صدت وراها
شافت واحــــــــد واقف ... فزت من مكانها وعدلت يلستها وعلى حظها كانت الشيله حذاها .. لبستها بسرعه .. وسكرت عن سلوم .. وتم المسن مفتوح .. وعلايه وميثوه يرمسون ..ريموه ويهها تلون واستوى كل الالوان
ريم وبصوت واطـي : اووي يالفضيحــــــــه ...
خليفه سار ويلس عالسوفه الي مجابله ريم ... وكـــــــــان حده مستانس
خليفه : السموحه منج يا بنت عمي .. بس والله انا سلمت .. انتي ماسمعتي
ريم شوي وبتصيح من القفطه اول مره تنحط في مثل هالموقف ......
سكتت ماقالت شي ... وميثوه وعلايه نقعو المسن وريم ماترد عليهم ..
خليفه بعده ماكان يعرف انه محد في الشقه غيرها هي وحمدوه ...
خليفه : ريم بلاج ؟...
ريم وعقب ماهدت شوي: والله انـــــي قافطه وماعرف وين اودي ويهي ... اسمحلي والله ماكنت ادري انك هنيه ..

 

[ضوى العيون]

خليفه ((متشقق )) : لاااا افا عليـــــــــــــــج مسموحه الغلا مااستوى شي
ريم فجت عينها ..يوم سمعت خليفه قالها " الغلا " .. وخليفه روحه ماعرف كيف نطق بها اصلا ... ريم شوي وبتموت من المستحى ومن كثر ماهي قافطه ... خليفه اونه عاد يبا يعدل الموقف لانه روحه قفط يوم جي قال ...
خليفه : اووه سوري والله زلة لسان ..
ريم غيظت وقالت في خاطرها " اووووف يعني ليش زلة لسان " ..
بس مابينت وردت على طوول على خلووف بشي اقوى بعد ...
ريم : اعـــــــرف ان زلة لسان ..
خليفه انصدم من رد الريم ... وجنها بردها سطعته طراااق ...ماعرف خليفه كيف يفهمها .. ويمكن حز في خاطره رد ريم ....ماعرف انه ريم اصلا اظايقت منه يوم قال زلة لسان .>>..محد درى بالثاني ..<<...
خليفه : وين الاهل عيل ؟..
ريم : محد <<<< ريم وايد كانت بارده في ردها وجنها تجازي خليفه ..
خليفه لاحظ انه ريم اسلوبها تغير عن اول مادخل ....بس في نفس الوقت استانس يوم انه عرف انه محد وياها .....
خليفه : ريم بلاج ؟؟.. احس بج مغيظه ؟؟ ...
ريم استغربت من سؤال خليفه ... يعني حس فيها ...
ريم : يهمــــــك ؟؟...<<<< ماتعرف ريم كيف اجرأت ورمست جي ...
خليفه : انتي شو رايــج ....؟؟؟... <<<< وابتسم
ريم ردت قفطت .. ابتسمت : مــــــاعرف
خليفه وده يعترف لها ... وريم نفس الشي ... بس محد فيهم رايــم ....
... علايه وميثوه حشرو ريموه عالمسن وهي طبعا مسوتلهم طاف ولا ترد
وسلوم بعد نقعت موبايل ريموه ........
خليفه : شكلي خربت عليج ... كنتي مشغوله عالنت ...
ريم على طول : لاااااا والله .......
ريموه غلقت موبايلها وسكرت المسن مالها ... عسب تفتك من حشرة ربيعاتها ....حمدوه تمت تصيح .. وكارمي هب رايمه تسكتها ..
ريم ترخصت من خليفه وسارت جدا حمدوه ...
خليفه وبدت اللعانه عنده ... من دخلت ريم داخل .. عفد عاللابتوب وخذ ايميل ريم وكتبه في مبايله .. عسب يسويلها ادد ... خذ ايميلها ورد يلس مكانه .. ولا جنه الحبيب مسوي شي .. ريم سكتت حموده وردت طلعت ..
خليفه حس انه لازم يطلع .. لانه يلسته جي مالها معنى ..ترخص من ريم
وطلع .. ريم في خاطرها ماكانت تباه يرووح .. ولا هو ماكان يريد يطلع ..
خليفه طلع وهو مستانس لانه حس انه يعني شي للريم .. بس خذ ايميلها عسب يتاكد اكثر واكثر ........ ونفس الشي ريم حست انها تعني شي لخليفه
بس بعد ماكانت متاكده ... من طلع خليفه .. ريم يلست تذكر شو استوى من اول مادخل خليفه .. ليــــــن طلع ... مافارق خيال خليفه لحظه الريم ...
خليفه نزل على طول عند رشود في الكوفي وقال له كل شي استوى و بالتفصيل... وقام ويلس مع رشود عالنت .. فتح له ايميل يديد .. وظاف ريم فيه ........ ريم عقب ماطلع خليفه .. شوي وردت يلست مره ثانيه عالمسن..
وردت تكلم علايه وميثوه الي كانن محتشرين عليها لانها نقعتهم مساعه ..
وبين ماكانت تسولف مع ربيعاتها ... شافت حد سوالها ادد .. الايميل كان غريب ... بس كالعاده سوت " اكسبت " على طول ... خليفه تشقق ....
وعلى طول دخل عليها وقال : والله انــــــج الغلا وماكانت زلة لسان ..
ريم من قرت الرمسه فجت عيونها وعلامة التعجب على ويهها !!!!
عرفت انه خليفه ..... بس كيف خذ ايميلها ماعرفت ....
ردت على خليفه وحطت له مليون علامة تعجب !!!!!!!!!!!.......
خليفه : ريم ... بسألج سؤال .. بس بجاوبيني بصراحه ؟؟....
ريم ارتبكت وماعرفت شو بيسألها خليفه ...
ريم : على حسب السؤال ....
خليفه : اممممممممممممم حسيت انه اسلوبج تغير من قتلج " زلة لسان ".. غيظتي صح .....؟؟؟؟؟.....يلا قولي وبصراحه اريد اعرف اللي بخاطرج …
ريم انصدمت من خليفه .. كيف عرف وكيف حس انها غيظت ...
ريم : ماعرف ماعرف .......اممممم ... والله ماعرف ليش انقهرت ..اقول
خليفه انا بطلع قوم امايه ردو .. بااااااااااااااااي .......................
وعلى طول طلعت ....... ماوحـاله خليفه يقوللها مع السلامه حتى ...
بس من رد ريم ... حس خليفه انها تحبه ولا جان ماانقهرت ...
......
مرت الايام.. و كملت عالعايلتين ... شهـــر تقريبا في رومـا ... بدت هند تستعيلهم بالرده .. كانت تبا ترد البلاد .. عسب تزهب حق عرس حمدان ولد اختها .. وتبا تكون مع عاشه في هالوقت ... ريم ماكلمت خليفه من هذاك اليوم .. لانها نادر ماكانت ادش المسن .. واذا دشت ماتلقى خليفه .. ونفس الشي خليفه يوم كان يدخل ماكان يحصلها ... مااستوى شي يديد بينهم ... عبيد وسعيد خذو تذاكر حق الرده ... وراشد وخليفه بعد بيردون وياهم ... وفي يوم الرده .. كانو سايرين المطار قبل الوقت تقريبا بساعه وشي ... ريموه ونوف ومعاهن حمدوه ...يلسن يتمشن في سوق الحره .. بمطار روما ... ولين المطار وهن وبعدهن يشرن ... لهن شوي عن حمدوه .... ضاعت منهن .. !!
ريم : نوفو وين حمدوه ؟؟؟؟؟؟؟؟؟؟؟؟؟؟؟؟؟
نوف : اووي والله مادري بها .. توها كانت ويانا ..
ريم وبدت ترتبك ... المطــار عود ... واختها ضايعه مايعرفون وينها ..
نوف : ريموه لازم نخبر قوم ابويه وعمي ... عسب يخبرون السكيورتي ويدورونها معانا ...
ريم : لالا مايحتاي نحن رواحنا بندورها .. ماظن سارت بعيد ... اكيد قريب من هنيه ...
تمن نوف وريم يدورن حمدوه ................ في نفس الوقت رشود كان يتمشى معى خليفه في السوق بعد .............. حموده وحليلها ميته من الصياح ... رشود انتبه لياهل يصيح ....
راشد : وااي فديتها هاي ضايعه عن اهلها .....
كانت حمده ماشاءالله عليها جميله شرات ريم بس لانها صغيره بعدها ملامحها ماكانت تبين ... خليفه يوم شاف الياهل ... انصدم انها حمده بنت عمه .. ربع على طول صوبها وشلها ...//خليفه : رشود هاي بنت عمي
خليفه : حمدوه حبيبي مع منوه كنتي ...
حمدوه وبعدها تصيح وبصوت مقطع ومبحوح قالت : ريموه
خليفه : وووفديت هالاسم الي طلع من ثمج ...
راشد : والله انك متفيج ..خلوف شوف البنت كيف تصيح سير ودها عند امها
ريموه كانت على اعصابها هي ونوف يدورون حمدوه .. مر الوقت ومابقى على الطياره .. غير ربع ساعه ..
في هالوقت خليفه اتصل بنوف اخته ... عسب يخبرهم عن حمدوه ..
نوف ردت على خليفه : هلا خلووف ...
خليفه : صدق ماتستحن .. حضرتكن تتمشن .. ومخلين حمدوه روحها
نوف : حمدوووووووووووووووه عندك .؟.؟.؟.؟
ريم استااااااااااااانست .. يعني حمدوه الحين هب ضايعه ....
خليفه : هيه هذي ويايه ... انتو وين ؟؟؟
خبرته نوف وين هم واقفين ........ياهم خليفه ...... ريموه كانت مستحيه ...
حموده اول ماشافت ريم ربعت صووبها .. خذتها ريموه في حضنها ...
خليفه ابتسم لريم ....... وريم بعد ...... وروح عنهم صوب راشد ..
في هالوقت الكل سار قاعة الانتظار .. لانه مابقى شي عالطياره .....
.......... وعقب كم ساعه وصلو البلاد ................. الكل كان منهد حيله ... اول ماوصلو بيوتهم ......... رقدو لين اليوم الثاني من كثر التعب .........
………

 

[ضوى العيون]

وعقب يومين ... سعيد وعبيد .. ردو الشركه .. الشغل واايد كان متراكم ..فانشغلو اسبووع تقريبا عن بيوتهم وعيالهم ... هند خذت عيالها وسارت دبي صوب اختها عسب يرتبون حق العرس ...بس ريم ماسارت مع امها واخوانها .. لانها كانت تبا تسير تشوف فستانها عند المصمم .. وكانت تبا تسير ترتب اوراقها في الكليه مع ربيعاتها .... حمدان وموزه وايد كانو مستانسين ... وعلايه وشويخ بعد ارتبشو .. لانه اخوهم الكبير بيعرس ..
وسلطــــــان لاهـي مع ربعه والبنات الي يلعب عليهن ....
.....
ريم وميثا وسلامه ... سارن الكليه ورتبن اوراقهن ... لان مابقى شي والسنه بتبدا ... عقب ماخلصن تيمعن في بيت ريم .. تغدن وسارن ييلسن عالنـــــت ... ريموه فتحت المسن مالها .. ولقت علايه اون لاين ... ويلست تسولف وياها .. وميثوه يالسه عاللابتوب الثاني .. وسلوم شويه تيلس مع ريموه وشويه مع ميثوه ...
علايه : ريموه يالسخيفه متى بتيـــــــــن حظرتج دبــي عقب باجر العرس
ريم : ان شاءالله باجر انا عندكم ....
علايه : اووف هب تتأخرين بعد .. حليلها خالوه الحين من اسبوع عدنا انتي بس الا حركــــات ..
ريم : لا والله هب جي السالفه .. بس كنت اريد اسير الكليه عسب الاوراق ..
واليوم خلصت ... وان شاءالله باجر اكيد بييكم ...
علايه : يلا اتريااااج .. تعالي من الصبح ماوصيــــج ...
ريم : هههههههههه افا عليج من الفجر بكون عندكم ..
ريموه تمت تسولف مع بنت خالتها عالمسن .. ومع ميثوه وسلوم الي كانن عندها ......مــــــــر اليوم عادي ....
اليوم الثاني سارت ريم دبي مع ابوها ...
اول مادخلت ريموه شافت شويخ جدامها ...
شويخ : هلا والله ببنت خالووه .. والله ومابغيتي اتين يا ريموه .....
ريموه تظحك : اهليين شيخوه اشحالج ..
شويخ : يسرج حالي ...
ريموه : عيل وين علايــــــــــــه ...
شويخ : فوق في حجرتها ...
سارت لها ريموه ... كانت علايه يالسه عالنت كالعاده .. اول ماشافت ريم سارت وسلمت عليها .. كانن متولهات على بعض . .. ..
علايه : يالسوووووووووده انتي من متى عدنا ...
ريموه : ههههههه بسم الله توني الا الحين واصله .. وبعدين انتي اربع وعشرين ساعه مجابله المسن ... بسج بسج.......
علايه وهي تظحك : شو اسوي فاضيه ماورايه شي ...
عاشه كانت تدور علايه عسب تسير بيت عمها مايد واتيب البطاقات ..
شويخ دخلت على ريموه وعلايه : عليوووووووه اميه تباج ...
علايه : خيرررر
شويخ : مادري والله بس سمعتها تقول تباج عسب تسيرين بيت عمي مايد اتيبين البطاقات من عندهم ...
علايه : اوهو والله هب متفيجه .. شويخ سيري انتي دخيلج ..
شويخ : لا فديتج هب طالعه من البيت الحين .. مابا انصلخ في الشمس وبعدين اميه قالت علايه هب شويخ ...
علايه يلست تتحرطم وريموه تظحك عليها ..
علايه : يلا ريموه برايج بسير بيت عمي وبرد ...
الريم : take your time حبيبـــــــــتي ..
طلعت علايه من الغرفه وهي تتحرطم .. وشويخ وريموه يظحكون عليها ..
الكل كان مشغول في بيت مصبح .. الرياييل والحريم .. لانهم كانو يرتبون حق العرس ...
ريموه سارت وفتحت المسن مالها .. عقب ما روحت علايه بيت عمها ...
اول مافتحت المسن ... شافت خليفه اون لاين ......وكانت هاي ثاني مره تلقاه اون لاين من عقب هذاك اليوم الي كلمته في روما ..
خليفه كان يالس في غرفته ... ويكلم رشود عالموبايل ... اول ماشاف ريم دخلت المسن.. بقق عيونه ... واااااايد استانس ... ونفس الشي ريم استانست يوم لقت خليفه اون لاين .. بس طبعا .. ريموه مارمست .. ولا قالت شي لخليفه .. وخلوف كان يتحرقص يباها ترمس .. تريا وتريا بس ريموه طااف .. ولا جنه خلوف اون لاين .. بس بينها وبين نفسها كانت تباه يكلمها .. خلوف مل وهو يتريا ريموه تسلم ... ماقدر يصبر اكثــــــر ..
رمسها خليفه .. امممم شو تتوقعون قاللها.. في شي بيتغير في الريم عقب ماكلمت خليفه ؟؟.... وشو بيستوي في عرس حمدان وموزه ...تريووووووني في البارت الياي ^____^
خليفه كان يالس في غرفته ... ويكلم رشود عالموبايل ... اول ماشاف ريم دخلت المسن.. بقق عيونه ... واااااايد استانس ... ونفس الشي ريم استانست يوم لقت خليفه اون لاين .. بس طبعا .. ريموه مارمست .. ولا قالت شي لخليفه .. وخلوف كان يتحرقص يباها ترمس .. تريا وتريا بس ريموه طااف .. ولا جنه خلوف اون لاين .. بس بينها وبين نفسها كانت تباه يكلمها .. خلوف مل وهو يتريا ريموه تسلم ... ماقدر يصبر اكثــــــر ..
خليفه : اممممممممم ماحيد السلام بفلوس.. <<< حط فيس يفكر
ريموه قفطت : السلام عليــــــــكم ... :>
خليفه مقهور من برود ريم : اففففففف انتي ليش جيه .. ماتحسين...
ريم انصدمت يوم قرت خليفه جي كاتبلها ...
ريم : نعـــــم ؟؟........ كيف يعني مااحــــــــس ؟؟؟
خليفه : ماشي ماشي خلاص ........................انسي ..
الكل يكابر اكثر عن الثاني ولا واحد يبا يعترف .. ريم كانت تتحرقص تبا خليفه يقوللها كيف يعني هي ماتحس .. بس عزة نفسها ماتخليها ترد وتساله مره ثانيه عسب يقول وماكانت تبا تبين له انها مهتمه تخاف مايطلع يحبها اخر شي...وتخاف مايكون حاط في باله هالشي اصلا ... من جي كانت وايد بارده .. تبا تتأكـد قبل .. عقب تغير اسلوبها ..وخليفه نفس الشي..
ريم : عراحتـــــــــك ..
خليفه خطر في باله ينقع البوكس عاللابتوب من القهر .. وعلى طول غير نكه ... وحط " ليتــــــك تحس وليت تهتــــــــــــــــــم .."
ريم يوم قرت النك قلبها تقطع وحست ان النك حقها .. بس قالت في خاطرها ... اووف انززين ليش ماتعترف اول تقول شي .............
ريم : خليفه ..............شو هالنــــــــك ...!!!
خليفه : شو اسويبج ...عيزت والله وانتي هب طايعه تفهمين ..
ريم صخت .................. وتمت تقرا الرمسه اكثر من مره ...
ريم : افهــم ......... افهم شووو ؟؟
ريم قالت بتستعبط على خليفه لين تخليه يعترف ...انه يحبها ....
خليفه : والله بتذبحيني ...
ريم : بسم الله عليـــــــــك ... خليفه لا تقول جي <<< حطت الفيس المعصب
خليفه تشقق وحس انها اهتمت شوي : يعنــــــي اهمـــج ؟؟؟؟؟
ريموه تحس من اسلوب خليفه انه يباها هي اللي تقول انها تحبه .. بس هب على الريم بنت عبيد .... هههههههههه............
ريم : اكــــــيد تهمني ... هب ولد عمي ..لازم بخاف عليك ..
خليفه صابه احبــــــــــاط من كلام ريموه : افففففف خلاص انا بطلع في خاطرج شي ... ؟
ريموه ماتبا خليفه يطلع : لااالااالااالااالااالااالااالااا
خليفه( تشقق) قالهاااا: تبيني اتم يعني ...
ريم : شو ... ها .... لااااا اقصد يعني ليش بتطلع ...
خليفه خلاص وااااصل حده : بطلع عسب ماانغث زياده ...
ريم : شووووووووووووووو ؟؟؟ يعني الحين انا الي اغثك ؟.. مشكور خليفه وايي منكـ اكثر .. يلا برايك انا الي بطلع الحين ..
خليفه حس انه واايد زودها .. وزعل الريم ... وطبعا هو مايبا هالشي ..
خليفه : لااااا دخيلج والله .. هب قصدي .. تمـــي
خليفه على طول رد وغير نكه مره ثانيه وحط هالمره " حبيبي لا تعذب من اذا طال الجفا يهواك .,,"
ريموه حست انها بعد وايد قاسيه ... وخليفه ماسوالها شي عسب جي تعامله .. ريم : خلاص اوكـــــي .. بتم ..
خليفه : واللـه انــــــــــــــــــــــــــــــــــــي .....................
ريم تشققت : انك شو ؟...
خليفه : ريم والله اني احبج .. واباج تردين عليه الحين .. اذا تحبيني ولا
ريم انصدمت وجيمت مكانها ماتوقعت خليفه يعترفلها جي انه يحبها .. وماعرفت شو ترد عليــه .................................................

 

[ضوى العيون]

ريم : خليفه انا بطلع بسير عند خالوه وامايــــه ...
خليفه : لا .. ردي عليه قبل .. لاتخليني اتحرقص زياده ...ارحمي حالي
ريم : اممممممممممممم خليفه برمسك بعدين .. لازم اطلع الحين ...
ريمووووه على طوول طلعت من المسن .. لانها ماعرفت كيف ترد على خليفه...................
خليفه كان مستانس ونفس الوقت مقهور ... كان يبا يعرف ردها الحين .. وطبعا خلوف خبر رشود كل شي بالتفصيل ..... ورشود يظحك على خبال خليفه ... ريم ماتوقعت ان في يوم خليفه بيصارحها وبيقول انه يحبها ...
بينها وبين نفسها كانت وايد مستانسه .. بس بعد كانت تفكر في الرد الي بترده على خليفه ..............
...
ريم كانت تحس انها تبا تفضفض باللي في خاطرها .. وكانت تبا تاخذ راي اي حد .. تبا تعرف الي تسويه غلط او صح ... كانت تبا تعرف الي تسويه يمس سمعتها وسمعة ابوها او لا ؟؟.......العاده تقول ريم بالي في خاطرها لعلايه بنت خالتها لانها اقرب وحده لها ... او نوف بنت عمها ... بس كيف تخبر نوف ؟؟... وخليفه اخوها ؟؟؟؟.......كانت الساعه 12 بالليل ..
ريم وعلايه سهرانات .. علايه تسولف .. سالفه ورا سالفه .. بس ريم بالمره ماكانت وياها .. بالها كان مشغول في سالفة خليفه ..
علايه لاحظت انها من ردت من بيت عمها ان ريم متغيره وفيها شي ..
علايه : ريموه بلاج ؟؟... فيـج شي .. اشوفج وايد تسرحين اليوم ؟؟
ريموه تبا تقول لعلايه .. بس تخاف علايه تفهمها غلط ...
ريموه : لااااااا ماشي فديتج .. ههههه بس احاتي فستاني اخاف مايطلع مرتب عليه باجر في العرس ...
علايه عرفت ان في شي ثاني بس ريموه ماتبا ترمس ماحبت انها تضغط عليها .....
علايه : هههههه والله انج متفيجه .. وبعدين خلي عنج ما شاءالله فستانج احلى عن فستاني بعد .. والله رووعه ... اكيد بيكون مرتب .. اقول ريموه يلا نسير نرقد .. ورانا نشة من الصبح باجر .. راعية الصالون بتي من وقت ..
....... سارن الحجره .. علايه من حطت راسها ... رقدت كانت منهده من كثر المشاوير ... ريموه حاولت تبات بس مارامت ... كانت وايد تفكر في رمسة خليفه ............. واهم شي كانت تفكر فيه... شو بترد عليه .....؟؟............
مر الليل وريم تفكـــــــــــــــــــــر ...............وماغمظت عيونها الا قبل الفجر بساعه تقريبا .....
مر الوقت .. واستوت الساعه 11 الصبــــــح ... الكل كان مرتبش في بيت مصبح .. لان اليوم عرس حمدان ..بس ريم بعدها راقده ... امها سارت تواعيها .....<<<< طبعا ماشي فايده ... ونفس الشي علايه كل شوي تواعيها لكن ريموه ماتبا تنش من الرقاد ...
علايه : ريموووووه بسج رقاد يلا هذي راعية الصالون يت ... شويخ خلصت ... والحين دورج ...
ريموه : اووهو علايه .. سيريلها انتي الحين .. بعدين انا ..اريد ارقــد
طلعت علايه من عند ريموه ...
وعقب ساعه ردت لها ... كانت توها الا واعيه ...
علايه : صباااح الخير .. ريموه اعرفج تحبين الرقاد بس عاده هب جذي
ريموه وهي تظحك : والله تصدقين للحين ماشبعت ...بس قلت مافيه تروح عني راعية الصالون .. وعقب اتوهق ماحصل حد يمكيجني ...
علايه وهي تظحك بعد : ههي والله تسويها بسم الله مادري بلاها جذي عصبيه ... شوي وتضربني ...
.........مر الوقت بسرعه هاليوم ...الكل كان منشغل في عمره .. الي يتعدل والي يتجهز ... وعاد ريم عدولها غير ... لانها اصلا تحب تكشخ وتتعدل وماشاءالله اصلا جمالها يكفي ...
البنات تلبسن وتعدلن وتكشخن ... والحريم بعــد .. اذن المغرب .. وكانن يترين الدريول .. يرد ويوديهم القاعه ...
عاشه تشوف بناتها وبنت اختها .. ماشاءلله عليهن ..كلهن كانن محلوات..
عاشه : يلا ان شاءالله اشوووفكن عرايس ياربي ...
هند : الله يسمع منج .. ههههههه ونفتك من حشرتهن ..
اونهن عاد استحن ... بس شويخ الجريئه فيهن ..
شويخ : وويه الله يسمع منج ياميه .. ويسمع منج يا خالوه .. بس عيزت من الدراسه .. اريد اعرس..........
علايه : والله انج ماتستحين ..
عاشه وهند ظحكن على شويخ وخبالها ...
هند : عاد انتي خلصي الثانويه قبل ... ريموه وعلايه خلصن ..
عاشه : صح اباكن تعرسن بس عاده هب الحين خلصن دراستكن قبل ..
شويخ : وويه عيل وايد بتريا ..
الكل ظحك على سوالف شويخ ....رد الدرويل ووداهن القاعه ..
وصوب الرياييل ... كان حمدان وسلطان ومصبح مع مايد اخوه .. وحمد وحميد عيال مايد ... وكان عبيد وحمود بعد وياهم ..عرس الرياييل كان زحمه .. وبدو المعازيم ايون .. كل الشباب كانو مرتبشين والكل كان ايول .. والرزيفه بعد كانو متيمعين .. وعقب صلاة العشا .. سعيد وخليفه وفهد بعد وصلو من بوظبي .. لان مصبح كان عازم سعيد بعد ... وصوب الحريم ..... القاعه كانت زحمه من كثر الحريم الي يايات ...ام خليفه ونوف وصلن ..ريم سارت صوبهن اول ماشافتهن ...
نوف : اووب اووب ريموه عاقــــه الكل اليوم ..
ريم : احم احم .. وجـــــــااااان استحي ..
ام خليفه : ريم يا اميه سيري اقري على عمرج او خلي امج تقرا عليــج والله عن يحسدونج ...
ريم وهي تظحك : ماعليج يامرت عمي .. خالوه عاشه ماشاالله عليها قرت علينا كلنا ..ماقصرت..هههههههههههه
ام خليفه : زين سوت ...هيه ترى نباكن نحن ..
... ريموه سولفت شوي مع مرت عمها وبنت عمها .. وردت سارت صوب علايه ... في هالوقت علايه كانت تسولف مع غريسه مرت عمها مايد ...
اول ماشافت غريسه مرت مايد ..الريم .. على طول خطر في بالها تخطبها لولدها حمد ... واصلا كانو هالوقت يدورون حق حمد حرمه ... ويوم شافت ريم حست انها اكثر وحده تناسب حمد ولدها ...
حليلها ريم واقفه وياهم وعلى نياتها .. ماتعرف انه مرت مايد .. حطتها في بالها ...
عالساعه عشر ونص دخلت موزه .. وكانت محلوة ..وشكلها كان وايد متغير .. لانها اصلا نادر ماكانت تحط ميكب ... يلست تقريبا ..ساعه وشي .. وعقب قامن الحريم والبنات لبسن عبيهن وشيلهن .. لان حمدان بيدخل ... حمدان كان يتحرقص من دخلت موزه وهو يبا يدخل .. >> مستعيل الريال
عالساعه وحده الا ربع تقريبا زفوهم ... شوي والكل رد بيته ...
هند وام خليفه ونوف وحموده وريموه ركبن مع خليفه ... وعبيد وسعيد وحمود وفهود في سياره ثانيه .. ردو بوظبـــــــــــــــــــي ...
في سيارة خليفه..خليفه كان متشقق وعيونه على ريم<< يطالعها الملعون من المنظره .. وريم طول الدرب كانت قافطه ومستحيه .... ومنزله راسها ..
محد انتبه لهم .. لان الكل كان عيزان .. ومنهد حيله ..هههه واللي رقد بعد ..
خليفه تعمد وشغل اغنية اصاله الي تقول فيها " انا ادري اكثر من شهر .. حاول حاول ماقدر .. انه يخبرني بغلاه .. قولوله واصلني خبر"وتم كل شوي يعيدها..ريموه حست انها نغزة ...ونوف طفرت من كثر ماخلوف يعيدها ...
نوف : خلووف عاد بس حشرتنا من هالاغنيه ...
خليفه وبدت نغيزاته واضحه لريموه : خلاص عاد يانوف .. صدقيني عيونج فاضحتنج .. كم بتكابرين .. ريحيني وقولي..
نوف ولا فهمت شي من رمسة خليفه وعلامة التعجب على ويهها !!...
نوف : ايه ايه خلووف بسم الله بلاك ...والله انك ينيت .. اقول سوق بس عدل عن تدعم ابنا ...
ريم من سمعة رمسه خليفه ..ماعرفت شو تسوي ولا شو تقول .. بس قالت في خاطرها .... " ايييييييه والله بتفضحنا .......................
ام خليفه وهند طول الدرب باخات رقاد ههههه ولا يدرن شو السالفه ...
وصل خليفه مرت عمه وبنات عمه " ريم وحموده " البيت ..
ماكان وده يووصل بسرعه .. عسب يشوف ريم اكثر ... خخخخخ حاول يخف السرعه قد مايقدر ... <<<<< بس مصيره بيوصل بوظبي ..
كان عبيد وسعيد وفهود وحمود .. واصلين قبلهم بوايد ......
.... مرت هالليله ..... والكل كان هلكان ... وخاصة في بيت مصبح ومايد ...

.... مرت هالليله ..... والكل كان هلكان ... وخاصة في بيت مصبح ومايد ...
واليوم الثاني دخلت ريموه المسن .. ولقت خليفه اون لاين ...
ريم : انت مينون والله كنت بتفضحنا امــــــس .... زين ان نوف اختك هبله ولا جان انا رحت فيها .. وهلي جان الحين فاهميني غلط ..زين الله ستر ..
خليفه : شوي شوي اعصاااااااااابج ..... ماقلت شي انا ... عادي..
ريم : لاااا والله هاكله وماقلت شي عيل لو قايل كيف ؟؟؟؟...
خليفه : جان تبيني اسكت ... ردي على هذاك السؤال وصدقيني بسكت وعمري مابرمس ....وعلى فكره شو ماكان جوابج .. والله بتمين غاليه ..بس قولي ... تراج جي تعذبيني بدون لاتحسين ...
ريم حست ان خليفه فاهم انها ماتحبه ..............
ريم : والله هب قصدي جي .. بس ...
خليفه : دخيلج قولي ...
ريم استحت تقوله بطريقة مباشره حطت الفيس المستحي ...
خليفه تشقق : معناتها هــــــــيه ..
ريم ماعرفت شو تقول ... ردت وحطت الفيس المستحي مره ثانيه ..
خليفه : واخيـــــــــــــــــــــــــــــــرا ........>> وحط الفيس المستانس ..
ريموه من المستحى مارامت تيلس اكثر عالمسن .. وطلعت ....
خليفه هاليوم كان اكثر واحد مستانس في الدنيا .. حس ان الارض هب شالتنه من كثر الفرحه واخيرا استوى الي ترياه سنين ... ونفس الشي ريم .. بس ماكانت تعرف اللي سوته صح او غلط ..وخاصه انها ماخبرت حد ..
........
عقب عرس حمدان ... الكل كان يجهز حق السنه اليديده ..يعني الي بيسير الكليه .. واللي بيسير المدرسه ...بدت السنه وبدا عوار الراس وياها....... خليفه وراشد في كلية بوظبي كانت السنه الثالثه لهم ..
ونوف كانت السنه الثانيه لها في الكليه ... ريموه وربيعاتها اول سنه ..
دخلن نفس الكليه اللي فيها نوف ...حموده دخلوها الروضه اول سنه ..
وحمود بسير صف اول اعدادي .. وفهود ثاني ثانوي ... وفــي دبي .. علايه كانت شرات ريم اول سنه كليه ودخلت معاها اليازيه ربيعتها نفس الكليه.. وشويخ ثالث ثانوي .. وسلطان ثالث سنه كليه ............................

 

[ضوى العيون]

مــر اسبوع على بداية الدوامات.. في كلية بوظبي للبنات .....كانن ريم وميثا وسلامه ومعاهن حصه ..يتمشن في الكليه ... ريموه وسلوم حطوهن في نفس الكلاس ... وميثوه فروها روحها ... وحصوه بعد روحها .....
ميثوه : والله حراام عقب كل هالعمر فرقونا ...
سلوم : هيه والله ... بس يلا ميثوه ماعليه كلاسج قريب من كلاسنا ,,,
لاريموه : هههههههههه حصوه مسكينه فارينج ورا اخر شي ...
حصوه : عادي مايهمني وين اكون ...
(( على فكره ترى اسلوب حصه وايد كان غلس .. من جذي ريموه وربيعاتها ماكانن وايد وياها )) ....وسلوم كانت اكثر وحده تسكتها يوم رمستها ماتعيبهن ...
سلوم : انتي ايه بلاج بسم الله ريموه ماقالت شي ...وبعدين لايهمج ..والله نحن شعلينا ...
حصوه : اقولج عاده سلوم انا مارمستج انزين ...وماله داعي ترزين بويهج كالمره .. وانا كيفي شو بقول .. هب انتي الحين تعلميني ..
ميثوه : اوهو سلوم وحصوه .. بس عاد ...انتن متى بتيوزن ..لازم ظرايب كل ماتيمعنا ....
ريموه : اووف صح والله .. خلاص تعالن نسير نتغدى ...
...سارت ريموه مع ربيعاتها جدا كانتين الكليه .... وهناك حصلت نوف بنت عمها .. سارت ويلست شوي وياها ...
وفي كلية الاولاد .... خليفه وراشد ومعاهم محمد ربيعهم .... بعد كانو يتغدون ... خليفه طفران من الكلاسات .. من بداية السنه ...
خليفه : حشى هلكونا .. تونا الا اول اسبوع ..هب اساتذه هذيله وحوش مايتعبون ....
محمد : اعصابك خلووف تونا الا بادين ..مامداك تتعب ...ماكفنك ثلاث شهور في الصيف وانت مأجز ... شد حيلك الحين شوي ...
رشود : صدقك ياخلوف والله .. تعب ولوعة جبد الكليه ..
محمد : لاحووول انت بعد .. بسم الله بلاكم جذيه تخلون الواحد يصيبه احباط بالقو .... والله اللي يسمعكم الحين يقول مره مسكتين .. حليلكم كارفين كراف .. هههه .. هذا وانتو تلعبون وجي هلكانين من الدراسه .. عيل لو تدرسون بضمير كيف بتكونون .. هههههههه
الشباب كلهم ظحكووو ... ويسلو يسولفون ..وضاع عليهم الكلاس ...
.......
خلونا نسير شوي دبي ......... وفي بيت مايد .. اخو مصبح ...
اممم بعطيكم شوي نبذه عن عايلة مايد .......................
مرت مايد اسمها غريسه ... اكبر عيالهم ..حميد >> معرس وعنده ولدين ..
وعقب حميد موزه >> اللي خذها حمدان ولد عمها ...
وعقب موزه حمد ..>> حمد اخر العنقود مخلص الكليه ويشتغل.... وامه(غريسه) ادورله بنت تخطبها له ...وحاطه عينها على ريم من يوم عرس حمدان وموزه ... بس للحين بعدها ماكلمت عاشه ..عسب تكلم هند .. وتاخذ راي ريم قبل مايخطبونها رسمي ....يعني قبل رمسة الرياييل ..
....
غريسه اتصلت في عاشه ... وخذت رقم هند ... عسب تتصل ابها وتكلمها في الموضوع ...وفي بيت عبيد ....هند كانت يالسه في الصاله ... سمعت التيلفون يرن .. سارت وردت ....<<<<< كانت غريسه متصله ..
غريسه : مرحبا والله ..
هند : غريســه !! .... مرحبا ملايين ولايسدن ...
غريسه : شحالج وشحال العيال وبو العيال ......
هند :والله الحمدالله يسرج حالهم ومن صوبج شحال هل دبي عساهم الا بخير
غريسه : كلهم بخير ربــــي يعافيــــــــج ...
ويلسن الحريم يسولفن ...<<<<<<<< سوالفهن ماتخلص ...
وبين السوالف ... كلمت غريسه هند .. عن سالفة حمد .. وانهم يبون يخطبون ريم له ... وقالتلها بعد .. تاخذ رايها قبل لاتكون الخطوبه رسميه
......
عقب ساعتين تقريبا ...ردت ريم من الكليه ....<<< وماكانت تعرف باللي مستوي ...وشو اللي ينتظرها ....
.... عالغدا... عايلة عبيد كانت متيمعه ..( عبيد وهند وريم وحمود وحموده)
عبيد : ها ريم شو الكليه وياج ...
ريم : والله ياابويه اني هلكت من الكلاسات ...
هند : عيل قبل كنتي تبين تخلصين المدرسه بس عسب ادشين الكليه والحين مليتي من الكليه بعد ..
عبيد ظحك على بنته : يلا ماعليه شدي حيلج .. وان شاءالله خير
حمدوه : بابا انا بأد عتوني كتاب عثان اثوي واجب >> حمدوه رمستها كانت مقطعه ههههه ..الكل ظحك عليها يوم رمست
عبيد : وفديتج انا .... بس متى بترمسين شرات الناس مادري هههه الظاهر كارمي وايد مأثره فيج ...
عايلة عبيد تمت تظحك على سوالف حمدوه .....
عقب الغدا .. ريم سارت غرفتها ... وعلى طول فتحت المسن ...
لقت اليازيه ... وسلوم ....وعلايه بنت خالتها ..........وخليفه اون لاين ...
خليفه ماصدق يوم شاف ريم دخلت ... على طول كلمها .........
خليــفه : هلا والله بالغـــــــلا كله ..... تو مانور المسن ..
ريموه تشققت : منور بوجودك ...............................^_^
خليفه : متوله عليـــــــــــــــــــــــــج ..
ريم : me to J
خليفه : فديــــتج والله احبـــج ..
ريم : خليفه عاد بس ........ نحن شو قلنا ......ولا ترى بسويلك دليت
خليفه : لالالالالالالالالالا خلاص خلاص توبه .. ^_^
ريم : هيه جي اباك <<<<<< وحطت الفيس اللي يغمز
خليفه : والله مااقـــــــــدر .........
ريم : >>>>>>>> حطت الفيس المستحي ...
................ شوي وهند دقت الباب على ريم ..........
ريم : خليفه .... امايـه تباني ... لازم اطلع الحين ..
خليفه : لالالالالالالالالالالالالالالا تمي ريم .. والله اني متوله عليج ..
ريم وهي روحها ماكانت تبا تطلع : تحمل على عمرك .. فداعة الله ..
وطلعت ريم من المسن ... ودخلت امها الغرفه عندها .....
هند : والله وكبرتي يا ريم ...
ريم مافهمت قصد امها بس حست انها تبا تلمح لشي ..
ريم ابتسمت ..... " خير امايه ..
هند : شوفي ريم ...يايينج عرب يخطبونج ... وانا بغيت آخذ رايج قبل اذا موافقه ولا لا ... تعرفين مافي شي بيستوي الا بموافقتج ... وترى للحين ابوج مايعرف .. انا قلت بكلمج قبل .. وترى الولد ماشاءالله عليه دارس .. ويستوي ولد عم علايه بنت خالتج ....اخو موزه مرت حمدان ...
ريم كانت تسمع امها وكل كلمه من امها ... ريم كانت تحس ان موتها يقرب .. ماتتخيل انها بتكون لواحد ثاني غير خليفه ولد عمها ... عمرها ماتخيلت انه في حد بيخطبها غيره .. من كثر ماكانت مصدومه من كلام امها ... شوي وكانت بتصيح .. خنقتها العبره ...
هند : ريم حبيبتي بلاج اميه ... انتي فكري وغريسه تقول انهم هب مستعيلين .....
ريم بعدها مصدومه : هيه امايه .. بس ........................
هند : الحين لاتقوليلي شي ... فكري عراحتج .... ويوم بترسين على راي .. خبريني ...... وصدقيني ياريم محد بيغصبج على شي انتي ماتبينه ... بس فكري زين تراهم ناس والنعم فيهم ...
...... طلعت هند من غرفة ريم ......

 

[ضوى العيون]

عقب ماخبرت هند بنتها ريم سالفة حمد اللي خطبها ... وريم ماتعرف شو تسوي .. يلست تصيح .. حست ان الدنيا ضدها ... وحست بضيجه ... اول مره تحس ان اللي تباه مايستوي .. تبا تقول اللي في خاطرها لاي حد .. ودها تفضفض .... بس ماتعرف منوه اللي بيفهمها .. ويقدر موقفها عدل بدون لايلومها او شي ...

عقب ماخبرت هند بنتها ريم سالفة حمد اللي خطبها ... وريم ماتعرف شو تسوي .. يلست تصيح .. حست ان الدنيا ضدها ... وحست بضيجه ... اول مره تحس ان اللي تباه مايستوي .. تبا تقول اللي في خاطرها لاي حد .. ودها تفضفض .... بس ماتعرف منوه اللي بيفهمها .. ويقدر موقفها عدل بدون لايلومها او شي ... أول وحده يت عبالها سلامــه (( سلامه وايد قريبه من ريم حتى يمكن اكثر من ميثا )) ...ريموه ترددت قبل لاتتصل بسلامه ...
خذت مبايلها ... واتصلت في سلامه ..
سلامه : هلااااااااااااا والله ...
ريم وبصوت مقطع ((لانها كانت صايحه )) : اهلين سلوم ..
سلامه حست من نبرة سلامه .. ان فيها شي ...
سلامه : ريموه حبيبتي بلاج ؟؟؟؟... فيج شي ....؟؟... مظايجه ؟؟؟
ريم وردت تصيح : سلوم انتي فاضيه اليوم ..
سلامه وبدت تخاف على ريم : ريموه شو فيج ... واذا هب فاضيه بفضى ..
ريم : سلوم دخيلج تعالي عندي اليوم .. وربي اباج ضروري ... ابا آخذ رايج في سالفه وايد تهمني .. فيه بيتحدد مصيري .. والله اني خايفه سلوم ..
سلامه : ريموه حبيبتي هدي عمرج ... وان شاءالله خير .. خلاص عقب المغرب بكون عندج .. بس انتي الحين لاتصيحين .. وصدقيني مابيستوي غيراللي الله كاتبنه ...
ريم وتمت تصيح زياده : خلاص سلوم اترياج .. دخيلج لاتتأخرين ...
...سكرت ريموه عن سلوم .. في الوقت اللي هند كانت تتلبس عسب تسير عند ام خليفــه .. ... .....
.... وخليفه كان عالمسن يتحرقص يتريا ريموه تدخل ... رن تيلفون خليفه
ورشود اللي كان داقله ...
رشود : هلا خلووووف ..
خلوف : اهلين بو الشباااب ..وينك
رشود : والله ماشي في البيت ...
خلوف : قوم البس ... بمر عليك .. خلنا نتمشى شوي عالكورنيش ,,
رشود : خلاص اوكيه اترياك ..
.... طلع خليفه صوب راشد ... وعقب ماطلع بعشر دقايق وصلت هند بيت سعيد .. وطبعا عبيد وسعيد في الشركه ...و في هالوقت وصلت سلامه عند ريم ... ريم اول ماشافت سلامه .. لوت عليها ويلست تصيح ....
سلامه اول مره تشوف ريم بهالحاله من عرفتها ...
سلامه : ريمووووه بلاج لا اتمين جي ..
ريم خذت سلوم وسارن يلسن في الميلس ...
سلامه : يلا الحين قولي ...
ريم هدت شوي ..وخفت صياح ...
ريم : سلامه بقولج السالفه كلها .. بس قبل اباج توعديني انج ماتفهميني غلط ...........
سلامه : ريموه والله خوفتيني .. وبعدين متى انا فهمتج غلط .. انتي قولي
ريم <<< خبرت سلامه السالفه كلها من اول مابدت تكلم خليفه لين اليوم يوم خبرتها امها ان في ناس يايين يخطبونها ..
سلامه تمت مبققه عيونها ... لان ريم طول الفتره مابينت لهم شي .. ولا حتى لمحت انها تحب ولد عمها ..... صح ان سلامه انصدمت .. بس بعد ماشافت ان ريم سوت شي غلط ...
سلامه : انزين ريم خليفه عرف .. عن حمد اللي خطبج ...؟
ريم : لااااااااااا طبعا .... // وبنبره حزينه قالت : سلوم كيف اخبره
سلامه : ريم .....................لازم يوم بترفضين حمد .. يكون عندج سبب انج ماتبينه ...... شو بتقولين حق امــج ..
ريم : والله ماعرف ...احس الدنيا سوده فعيوني ...
سلامه حست ان ريم بالمره ماتبا حمد ... وانها تحب خليفه ...
سلامه : وتتوقعين خليفه شو بيسوي لو عرف ...؟؟؟..
ريم : ماعرف ...!!!
سلامه : ريم هاي فرصتج ..تتاكدين اذا خليفه صدق رايدنج ولا يلعب ..
ريم : سلوووم ... كيف بعرف ؟؟
سلامه : جوفي انتي خبريه السالفه ... واذا شفتيه عادي .. بارد .. ولاهمته السالفه .... اتاكدي حزته انه ماكان يحبج ....ووافقي على حمد ... صدقيني والله عسب تنسين خليفه وتنسين حبج له .... حتى لو هالشي بيكون صعب عليج .. بس اذا شفتي خليفه عصب واهتم للسالفه ... وعارض وجي .. هالساعه رفضي حمد .. بس طبعا دوريلج سبب قوي انج ترفضينه ...
ريم : سلوم والله كلامج صح ............. بس بعد مااقدر اوافق على حمد وربي مااقـدر ..
سلامه : المهم انتي الحين فكري في سبب يخليج ترفضين حمد .. وخاصه انج تقولين من رمسة امج ان الولد ماينعاب ...
.... تمت ريم تسولف مع سلامه ... وكل رمستهن كانت في هاي السالفه ...
.... كانت هند يالسه مع ام خليفه ....
هند : حسبي الله على هالدريول .. مايقر مكان ... يوم نباه يطلع لنا في جلعة بليس ...
ام خليفه : انزين بلاج مستعيله ياهند .. تونا الا يالسات بعدنا ماسولفنا ..
هند : والله اليلسه معاج ماتنمل .. بس تعرفين اليهال رواحهم في البيت .. ...... شوي ودخل عليهم خليفه .......
خليفه سلم على امه ومرت عمه ...
هند : وينك انت محد يشوفك ... حشى مادري كيف تختفي مره وحده ..
خليفه يظحك : بعد يا مرت عمي تعرفين الViP مايظهرون في المجتمع وايد هند وام خليفه يلسن يظحكن على سوالف خلوف ..
ام خليفه : الا غريبه ياخلوف هب من العاده راد البيت الساعه 9 ...
خليفه : لا امـــي راد البيت اشل الCD وبرد اطلع .. رشود في السياره هند : ويه خليفه دخيلك .. على دربك نزلني البيت .. وربيعك راشد تراه الا شراتك حسبة ولدي .. من هو صغير وهو ويانا ...
خليفه : خلاص ان شاءلله .. بس دقيقه بسير اييب الCD وبرد ..
... طلعت هند مع خليفه وراشد ... وطول الدرب تسولف مع راشد
تساله عن امه وخواته .. لانها تعرفهم .... وصلو بيت عبيد ... وحلفت هند على خليفه وراشد الا ينزلون ويتقهوون ...راشد كان يستحي ينزل ... بس طبعا خليفه كووووووووول .....وعقب زور راشد نزل << اونه عاد يستحي
في هالوقت ريم كانت مع سلامه ربيعتها في الميلس ...
... وهند قالت حق خليفه يدخل مع ربيعه في الميلس ... لانها بتسير تقولهم اييبون القهوة ..... خليفه سار مع راشد صوب الميلس ... وفي الميلس ريم وسلامــــه ..!!
...
خليفه وراشد دخلو الميلس ... في هالوقت ريم وسلامه وقفن مكانهن وعلى طول لبسن شيلهن ...وخليفه وراشد بعد ماعرفو شو يسوون ... لكن
خليفه تشقق يوم شاف ريم ... بس على طول انتبه انها صايحه لان عيوناتها كانن غاديات حمر من كثر الصياح ... راشد اول مادخل طاحت عينه على سلامه ... وتم مبقق عيونه عليها ...
ريم ماكانت تعرف اللي جدامها صدق ولا هي تحلم ... سلوم خذت ريموه وعلى طول طلعن من الميلس.... وخليفه وراشد مجيمين مكانهم .... اللي يشوفهم يقول حد راشنهم بماي بارد ... خليفه كان مجيم لانه شاف ريم ... بس شافها وهي ماكانت على بعضها .. حس ان فيه شي ...
وراشد سرح في اللي شافها <<<< سرح في سلامــــه ,,,,,,,,,,,,,,
هند يت صوب الميلس وجدامها البشكاره شاله صينية القهوة ..
اول مادخلت شافت خليفه وراشد واقفين مكانهم ...
هند : بسم الله بلاكم .........؟؟؟ اشعنه جذيه واقفين
خليفه وراشد على طول انتبهو على هند ...
خليفه : ها ... لالا ماشي ............
.... خلتهم يتقهوون .. وطلعت هي عنهم ..............
راشد : خليفه اي وحده فيهن بنت عمــك ؟؟؟؟؟؟؟؟؟؟؟؟؟
خليفه : نعم نعم ... وشو تبابها حضرتك .؟؟؟؟؟؟؟
راشد : اللي لابسه اسود امنوووه ؟؟؟ دخيلك لاتقول انها بنت عمك
.......اللي لابسه اسود كانت سلامه ...........
خليفه : لالا هب بنت عمي .... وماعرف اصلا امنوه هاي ...
راشد : اشـــوه ...
خليفه انصدم من راشد ... غريبه يعني اول مره يهتم لوحده ..
خليفه : رشوووووووووووووووود ليكووووووووووووووووووووون
راشد : ايييه ايه خلووف بلاك ... لالا مايخصه لا يسير بالك بعيد ...
بس دخيلك اسال بنت عمك منوه هاي ؟؟؟؟؟
خليفه : عليييينا .....هههههههه مايخصه وتبا تعرف منوه هاي ..
راشد يبا يغير السالفه : خلووف اقولك خلنا نطلع من بيت عمك .. والله فشله خليفه : هيه والله جنه ماصدقنا خخخخ يلا سرينا ..
في هالوقت ريم وسلامه سارن غرفة ريم .......
ريم : اووي اووي سلوووم هذا كان خلووف ... يالفشله جافني وانا جي شكلي ... اوهو الحين شو بيقول .. والله فضيحه ...
سلامه : وانا شو اقول ... عالاقل انتي ولد عمج ... اقول ريموه اي واحد خليفه ؟؟؟...ومنوه الثاني ..؟؟؟؟
ريم : احم احم خليفه الحليو والطويل ... والثاني ماعرف منوه
سلامه : يااااالله عاد الحين عرفت اي واحد اثنينهم ماشالله عليهم حلوين وطوال .... اللي دخل قبل منووه ؟
ريم : هذا خليفه .. اللي دخل قبل .....// وبصوت واطي قالت " فديته"
سلامه : امممم انزين والثاني ؟؟ ما جد جفتيه قبل ؟؟
ريم : امممم لا والله بس اكيد بيطلع ربيعه راشد ... لانه اللي اعرفه انهم وايد مع بعض ... بس غريبه يعني ليش يايين بيتنا ؟؟؟؟
وتمت ريم تسولف مع سلامه .. كانو يسولفون عن خليفه وراشد .. ونست ريم .. سالفتها وهمها الكبير الي جدامها ...
... طول الدرب وراشد سرحان فاللي شافها ....<< سلامه
وخليفه يبا يعرف شو سر عبرات ريم ... اللي كانن على خدها ... خليفه وصل رشود بيتـه ... ورد هو البيت .... وعلى طول دخل المسن ...
يمكن يلقا ريم اون لاين ... ويكلمها ..............................
........

 

[ضوى العيون]

ريم عقب ماروحت عنها ... سلامه .... دخلت المسن ... سيرت سلوم وايد خففت عن ريم .. وخلتها ترتاح وماتحاتي ....
ريم اول مادخلت لقت خليفه اون لاين ... قلبها عورها وحست انها مكسورة ... ماتعرف شو تسوي...خليفه اول ما شاف ريموه دخلت .. على طول كلمها
خليفه : هلا والله ...... باللي شفتها اليوووووووووووووووووم ....
ريم من بدا خليفه يكلمها ..ردت اذكرت ان في واحد غيره خاطبنها ...وخنقتها العبره ... بس مابغت ترد تصيح لانها وعدت سلامه انها ماتصيح
ريم : اهليـــــــــــن والله ...... اوي والله فشله ... كان شكلي يلوع بالجبد ..
خليفه : وربـــــــي قمر بس صح كان في شي متغير فيج تعرفين شو هو ؟؟؟
ريم : اممممم شوو ؟
خليفه : عيونج ............ ريم فيج شي ؟؟؟؟......
ريم ماتوقعت انه خليفه في هالدقيقه اللي شافها فيها انتبه حتى على عيونها .........
ريم : مافيه شي ...<<< وحطت الفيس الحزين ....
خليفه بدا يحاتي اكثر وعرف ان في شي ...
خليفه : ريم ... وغلاتي عندج تقولين شو فيج ؟؟؟ ....
ريم قالت بتسوي اللي قالته سلوم ..... وبتشوف خليفه شو بيقول ..
ريم : تبا الصدق .. في شي ...... بس ماعرف شو بتكون ردة فعلك ,,
خليفه : دخيلج قولي .. والله بديت احاتي ...
ريم : تذكر العصر يوم كلمتك .. وقتلك ان امايه تباني ...
خليفه : هيـه اذكر ....... وفي شو كانت تباج ؟؟؟؟؟؟
ريم : كلمتني عن عرب يايين يخطبوني ....................
خليفه من قرا الرمسه .. حس انه بيين ..ظلمت الدنيا مره وحده في عيونه ..
خليفه : نعــــــــــــــــــــــــــــــــــــــــــــــــ ـــــــــــــــــــــــــــــــــــم .... انتي شو تقولين ... والله لادفنه هذا اللي بياخذج مني ... ريم وربي لا توافقين .. منوه هذا انتي خبريني بس ... وربي محد بياخذج غيري ...
ريم : خليفه شوي شوي .... هد اعصابك انا للحين مارديت على امايه ..
خليفه : انتي ينيتي كيف اهدي اعصابي وانتي تقولين في واحد خطبج ..
ريم : وحطت الفيس اللي يصيح ....
خليفه توتر وماعرف شو يقول حس ان المسن ماينفع .......
خليفه : ريم كم رقمج ؟؟؟؟ اباااااااااا اكلمج الحين وضروري ...
على فكره الساعه كانت 11 ونص فليل...ريم ماعرفت شو تقول لخليفه يوم طلب رقمها يعني عمرها ماتخيلت تكلم واحد عالموبايل حتى لو ولد عمها ...
ريم : لا خليفه سوري ...... مااقدر ..
خليفه غيظ اكثر : يعني انتي تبينه <<<< وحط الفيس اللي معصب
ريم : خليفه شو هالرمسه ........وربي احبك وانت تعرف هالشي .. بس اظن تعرف ماروم ارفض الولد بدون لايكون عندي سبب ...
خليفه : ريم ..دخيلج لا توافقين .. والله اليوم اللي فيه بتنزفين لغيري ... انا بيودوني قبري .......... انا مستعد اخطبج الحين وبسير اكلم ابويه يكلم عمي بس انتي لا توافقين على هذا ...............دخيلج ...
ريم حست شكثر خليفه يحبها ....
ريم : خليفه صدقني ... مااريد غيرك وربي شاهد ...
خيفه : عيل سيري الحين وخبري امج انج ماتريدينه ... خليني ابات وانا مرتاح ....
ريم : الحيـــــــــن !! .. صدقني مااقدر امايه سارت ترقد ... اوعدك ياخليفه ..... انـــي مااحب حد غيرك ... حتى لو القدر ابعدني عنك ....
خليفه : ريم دخيلج لا تقولين هالرمسه ... والقدر ان اشاءالله بيقربنا من بعض مابيبعدنـــــــا ....... عيل اذا مابتكلمين امج الحين ... اباج توعديني انج ماتوافقين عليـــه ...
ريم : اوعـــــــدك ... ولو شو صار .... ماباخذه ....
ريم وعدت خليفه .... بس بعدها ماكانت تعرف شو بتقول لامها ..
طلعت ريم من المسن .... وخليفه بعد طلع من المسن .. وتم طول الليل وهو يفكر عمره ماتوقع ان هاليوم ايي ... اليوم اللي غيره يخطب اللي يحبها هو من سنين ... خليفه وايد اظايج .. وحس انه هب قادر يسوي شي ... ويلس يشل شلة عيضه " يا بوي " >>.....
يابوي انا اسهر والملا رقود
........................ يابوي انا عفت المنامي
يابوي انا لي قلب مصيود
......................... مصطاب من حلو القوامي
يابوي انا اشكي ناعم العود
........................ ياللي عليه القلب ضامي
لاتلومني يابوي بالزود
........................ انا المتيم في الغرامي
لو دون وصله داروا حسود
......................... ماهمني كثر الكلامي
بيني وبينه لزم وعهود
.......................... موثقه له بحترامي
يابوي احبه حب مفنود
...........................واللي شراتي مايلامي
في الروح حبه دوم موجود
............................ويابوي هايم به هيامي
هو غايتي وهو كل مقصود
............................واحن له حن الضوامي
عساه في راحات وسعود
.............................وعساه في خير وسلامي

ونفس الشي ريم تمت سهرانه ... كانت وايد مظايجه ..... وتفكر شو بتقول لامها ....

 

[ضوى العيون]

اليوم الثاني خليفه سار الكليه متاخر لانه ما رقد الليل .. كان سهران .. ونفس الشي ريم ........... خليفه سلم على راشد ...وراشد على طول انتبه ان خليفه فيه شي ... من شكله يبين انه ظايج ..
راشد : خليفه بلاك ... خير شو فيك .......
خليفه : مافيه شي .. مافيه شي ....
راشد : لا والله فيك .........عليه انا ... قول خليفه بلاك ؟؟..
خليفه خبر راسد السالفه كلها ..... راشد اظايج بعد عشان ربيعه ...
راشد : لحووول ... خلوف تذكر يوم قتلك حيرها عالاقل ...قبل لاايي غيرك وياخذها منك ... وعقب تتندم ....
خليفه : رشود دخيلك .. والله مالي خاطر اسمع الحين حد يلومني ..
والله مستعد اخطبها اليوم بعد ... بس ترفض هالحمار اللي ياينها قبل ..
راشد : امممم انزين خلوف سألتها عن البنت اللي كانت وياها ...؟؟
خليفه : رشود وربي انك متفيج ... يعني وايد تشوف ان الوقت مناسب كان اني اسألها ............
راشد : خلاص انزين .. يوم بتنحل المشكله اسألها ...دخيلك .. خاطريه اعرف منوه هذي ... على فكره ترى هب امس اول مره اشوفها ...
خليفه بقق عيونه : شووو ؟؟ .. ومتى شايفنها بعـد ؟؟؟؟...
راشد : تذكر يوم شفنا بنت عمك في المطعم .. يوم كنا في المول .. هذي البنت نفسها كانت وياها ...
خيفه : ماشاءالله للحيــــــن تذكر..........المهم خلنا الحين ندخل الكلاس .. وايد تأخرنا ....
.......
وفي كلية البنات .. في البريك ... كانت ريم يالسه مع ربيعاتها ... بس حصوه ماكانت وياهن ...ميثا حست ان ريم هب شرات كل يوم ... ميثا ماكانت تعرف شو السالفه ...وسلامه كانت تعرف كل شي .. لانه ريم خبرتها
ميثا : ريموه بلاج اليوم ....كله ساكته وسرحانه .. ماتسولفين وتظحكين شرات كل يوم ....
ريم : لافديتج .. مافيه شي .... بس شوي مظايجه ...
سلامه بغت تغير السالفه .............لانها تعرف ريم لو رمست في السالفه بترد تظايج اكثر ....
سلامه : شو رايكن نسير نيلس عالنت .. عدنا ساعه بعد لين البريك يخلص..
.......... وفي نفس الوقت ...... خليفه وراشد ومحمد كانو يالسين عالنت ....
وبعد في كلية دبي ... علايه واليازيه كانن داخلات المسن .................
ريم اول مافتحت المسن ... علايه دخلت عليها وكلمتها ... حتى مامداها تشوف منوه عندها اون لاين ..
علايه : هلاااااااااا والله ريمووووووووه تولهت علييج
ريم :اهلييييين علايه ... والله انا بعد ...
علايه : شحااااالج وشحال خالوه ؟؟؟
ريم : يسرج الحال الحمدالله .....
... في هالوقت خليفه انقهر لان ريم دخلت وماسلمت او قالت شي ... ماكان يعرف ان ريم اصلا ماشافت منوه اللي عندها اون لاين ..لان علايه ماعطتها فرصه .. على طول كلمتها ...
خليفه : مع منوه بزي .. لهاي الدرجه حتى انج ماتسلمين علينا
...ريم ماكانت تعرف ان خليفه اون لاين ...
ريم : وربي ماكنت اعرف انك اون لاين .. هاي علايه بنت خالوه كلمتني على طول .... والله سوري ...
خليفه : اممممم كلمتي امج ؟؟؟؟؟
ريم : ان اشاءالله اول مابرد البيت ........<< حطت الفيس المبتسم J
خليفه : خلاص انا بتم اترياج عالمسن ... اوكي حووووبي عسب تخبريني باللي بيستوي .....
ريم : خلاص ........ ولا يهمك كم خليفه عندي << حطت الفيس المستحي
خليفه : يعلني ماخلا منج ياااااارب ........
ريم : ولا منــــك ... قول آآمين .....<< حطــــت الفيس اللي يغمز ...
خليفه تشقق وكان مستااانس ............رشود من عرف ان خلوف يكلم ريم .. يلس عراسه .. الا خليفه يسال ريم عن البنت اللي كانت وياها .. وخليفه مسوله طـــــــاف <<< الاخ ماكان متفيج حق رشود لانه يكلم ريم ...
رشود وضغطه ارتفع من خليفه ..
راشد : خلوووف ياخي ذليتنا .. الا هو سؤال مابياخذ منك دقيقه .. اسألها ورد كلم بنت عمك ..
خليفه : والله عورت لي راسي .. خلني اكلم حبيبتي على راحتي شوي .. وبعدين دامك تقول ماتحبها شعنه تباني اسال لك عنها ... بس يعني زيادة معرفه <<<<<<<<<< يطنز خلوف على رشود ...
راشد : ماعليه ماعليه ياخلوووف مشكووور ...
خليفه ويظحك : خلاااص ولا تزعل الحين بسالها ..
راشد تشقق .............. واخيرا يعني بيعرف منوه هي .. خليفه رد يكلم ريم
خليفه : ريمانــــــــــــــــــــــــــــــــــي
ريم : عيووووووون ريماني..............<< حطت الفيس المستحي
خليفه ميت من الوناااسه ....وراشد يتحرقص يبا يعرف ....
خليفه :لاخلاني الرب من عيون ريم يارب..امممم بس بغيت اسالج سؤال ..
تذكرين يوم دخلنا عليكم الميلس انا ورشود ربيعي ...
ريم من شافت خليفه بيرمس عن هاي السالفه .. على طول زقرت سلوم ..
ريم : اكـــــــــيد اذكر ...
خليفه : اممممممم انززين منوه اللي كانت وياج ...؟؟؟
ريم الضغط على طول ارتفع عندها 180 ..واطالعت سلوم .. سلوم مجيمه مكانها روحها ماتعرف السالفه ..
ريم : نعم نعم ... وشو تبابها ان شاءالله << حطت مليون فيس معصب
خليفه اطالع رشود بنظره " رشود ويايهك زين جي الحي فهمتني غلط ..
خليفه : لااااااااااااااااااااااااااااااااا والله لا
ريم : شوو لا بعد.. تراك تسال عنها .. يلا باي باي ...
خليفه : والله هب جي قصدي والله ...بس ..
ريم : بس شوووو ؟؟؟ ...
خليفه : تعرفين رشود اللي كان ويايه .. من امس وهو حاشرني يبا يعرف منوه هالبنت ...........والله انا مالي خص <<< حط الفيس الزعلان
سلامه من قرت الرمسه ..فجت عيونها .. ماقالت شي ولا علقت حتى ... ريم اطالعت سلامه وغمزت الها ... وقالتلها " ها سلوووم اخبره امنوه انتي ولا
سلامه : اوي ريموه هذا شو يبا ...
ريم : ماعرف بس بسال خليفه لحظه.../// ردت ريم تكلم خليفه ...
ريم : اها جي السالفه يعني .. انزين وربيعك شو يبابها ....؟؟؟؟
خليفه اطالع راشد .." ها رشود شو اقوللها ؟؟؟
راشد : اممممممممممممم ماعرف ...
خليفه : رشووود قول الصدق انت حبيت البنت صح ...؟؟؟
راشد : اوووي خلووف والله ماعرف .. بس هاي ثاني مره اشوفها ... وحتى اول مره شفتها حسيت شي بقلبي .. وامس نفس الشي .. احس اني ابا اعرف كل شي عنها ...
خليفه ظحك : واخيرا يا رشووود ... يا حبيبي هذا يسمونه الحب خخخخ
راشد : ها <<<<<<<<<<< وعلامة الاحباط كانت على ويه..
خليفه : رشوود يلا البنت تتريا .. شو اقوللها الحين .. شو تبا منها ؟
راشد :امممممممممممم ماعرف ..
خليفه : لحووول والله مامنك فايده .. انا بتصرف وبقول الي بقوله ...
رد خليفه يكلم ريم .. في هالوقت سلوم قلبها كان يدق بسرعه .. كانت ميته من الزيااغ ...ماتعرف .... راشد شو يبا منها ..
خليفه : رشود يقول .. يحس ان هالبنت تعنيله شي .. بس شو هو مايعرف
ريم : خليفه .. قول حق ربيعك ترى كله ولا سلامه ربيعتيه .. اذا خاطره يلعب خله يلعب بعيد ...
راشد قال في خاطره " الله واسمها سلامه بعد ..........
خليفه رد على ريم وقالها ان هذي هب اول مره رشود يشوف سلامه ربيعتها ... وخبرها بعد ان رشود مايلعب ... وصدق بدا يحب سلامه ....
سلامه ماعرفت شو تقوول ...تمت ساكته ....وواقفه مكانها ....
مرت الساعه تقريبا وهم يالسات عالمسن .... وباقي 5 دقايق والكلاس بيبدا
ريم : خليفه .... انا الحين لازم اطلع .. لان الكلاس بيبدا .. وقول حق ربيعك خله يتريا شوي ... لين سلامه تفهم السالفه ...
خليفه : اووف والله كله من رشوود ماكلمتج واايد ... ضيعنا الوقت في سالفه ماتخصني ولاتخصج ... غصه والله ... << حط الفيس الي يصيح
ريموه تمت تظحك : ههههههه خلاص ماعليه ان اشاءالله يوم برد بكلمك ..
Take care ........I will miss you... ^_^
خليفه تشقق : فدييييييييتج والله انتي بعد تحملي على عمرج .. ولا تنسين اول ماتردين البيت حدري المسن ... بكون يالس واتريااج ...وبتوله عليج اكثـــــــر ...............
ريم : يلا انت بعد سير كلاسك وبسك مسن ... فداعة الله ...
.... طلعت ريم من المسن وكانت مستانسه .. وسارت هي وسلامه كلاسهن .. سلامه طول الحصه وهي سرحانه وتفكر ... ماتعرف شو تقول ...

 

[ضوى العيون]

عالساعه ثلاث ردت ريم البيت ... اول ما دخلت شافت امها ..... سلمت عليها .. وكانت تبا تكلم امها في الموضوع ...
ريم : امايــه ... مااريد حمد ...
هند انصدمت من رمسة ريم .. يعني بهاي السرعه فكرت .. وخذت قرارها ..
هند : ريم .. فكرتي زين ...
ريم : هيه ... امايه ماريد اسير دبي ... واكون بعيده عنكم .. وعن قوم عمي .. وبعدين انا صغيره ..وان شاءالله لاحقه عالعرس ..بس دخيلج امايه ماريده
هند : جوفي ريم اميه .. هذي حياتج وصدقيني لا انا ولا ابوج بنغصبج على شي انتي هب رايدتنه .. وبعدين هذا عرس .. يعني عمر .. وخلاص دامج ماتريدين حمد .... ان شاءالله الله بيعوضج في غيره ..
ريم انشرح قلبها وحست براحه عقب ماكلمت امها ....
ريم : خلاص امايه اترخص منج الحينه بسير غرفتي ابدل ثيابي ...
اول مادخلت ريم غرفتها .. عفدت عاللابتوب وفتحت المسن ... وطبعا خليفه في هذا الوقت كان يترياها .....ويتحرقص يبا يعرف شو استوى فالسالفه ..
خليفه : انتــــــــــــــي وين ..... والله ولهت عليج ... ها بشري كلمتي امج ..
ريم : اممممممممممممم ....
خليفه : دخيلج ريم قوولي شوو استوى ؟؟؟؟...<<< فيس معصب
ريم : خلاص كلمت امايه وقلتلها اني مااريد حمد ....<<فيس مبتسم
خليفه: (فيس مستانس)خلاص اليوم بكلم ابويه واميه عسب يخطبونج لي
ريم : لالالا خليفه اتريا شوي ... اخاف امايه عقب تشك في السالفه ...
خليفه : مايخصني .. والله اخاف باجر ايي واحد ثاني ويخطبج بعد ..
ريم : ههههههههه لاعاده هب لهاي الدرجه .. بس صدق اتريا شوي .. عالاقل خل امايه تخبر الناس اني رفضت ولدهم...
خليفه : والله ماروم اصبر اكثــر .. والله بس عشان خاطرج ...بتريا ..
ريم : فديتك والله <<< حطت فيس مستحي ...
خلاص عيل انا الحين بطلع من المسن بسير ابدل ثيابي ....
خليفه : لاااااالالالالا ماريد ماريد ... اريد اكلمج ...بعدني ماشبعت ...
ريم : خليفه عاد ..>>>>>>>> فيس مستحي ..
ماعليه برد اكلمك بعدين ..... بس خلني ارتاح شوي ....والله منهد حيلي ..
خليفه : احبـــــــــــــــــــــــــــــــــــــــــــــــ ـــج .......^_^
ريم ماتت من المستحى : خليفه ... باااااي <<< حطت الفيس اللي يغمز..
... طلعت ريم من المسن .... كانت مستانسه ....حست انه هم وانزاح ...
وفي دبي ..... بيت مصبح ....حمدان كان توه راد مع موزه من شهر العسل .. كانو سايرين فيينا ....
عاشه : ماشاءالله عليكم ... هب شهر عسل هذا ثلاث شهور ...
حمدان : احم احم تعرفين اميه الجو في البلاد كان صيف ..وموزه ماكانت تبا ترد ... كلما قلتلها نرد البلاد .. قالت لا بعدنا ..
موزه بققت عيونها لانه اصلا العكس كان يستوي .. كلما كانت تقول لحمدان نرد كان يقولها تو الناس ...
موزه : انـا جي كنت اقول ... حرام عليك حمدان ... >>بعدها كانت تستحي
عاشه : والله محد غيره ادريبه ...بس يلا الحمدالله يوم انكم وصلتو بالسلامه
علايه : موزوه محلوة ... والله لو فيينا جي تحلي خلنا نسير نحن بعد هههه..
موزه كانت قافطه ومستحيه <<<<<< لازم توها عروس يديده .....
ترخص حمدان من امه وخواته ...وطلع مع موزه ..فوق غرفتهم ....
تمت عاشه وعلايه وشويخ يالسات في الصاله ....
شوي ودخل عليهن سلطان كان توه راد من برع....
سلطان : السلام عليــــــــــــكم ,,,,,
عاشه وعلايه وشويخ : وعليكم السلام ...
عاشه : ويه ان اشاءالله قريب ...اشوفك بعد شرات اخوك معرس ...
شويخ : سلطـــان يعرس .. والله مااتخيل ..
سلطان : وليش ان شاءالله ماتتخيلين .. هب مازر عينج انا ..
علايه قامت تنغز سلطان : والمسن وين بتوديه يوم بتعرس ....ههههه
سلطان : والله اودره الحين بعد مايهمني ... بس تقظية وقت ...
علايه : تقضية وقت ها <<<<<<<<<<< تغمز له ..
شويخ : تودره الحين ها <<<<< تغمز له هي بعد ...
علايه وشويخ كانن يعرفن بسوالف سلطان اخوهم ..
عاشه : حشى بلاكن انتن على اخوكن ....
سلطان وعاد اونه سوا عمره فقير : هيه والله يااميه مادري بلاهن عليه
شويخ وعلايه ظحكن ....
عاشه : بس ماعليك ... انا بخطبلك البنت اللي تناسبك ...والله ماشي شراتها
سلطان حس ان امه بدت ترمس جد ...
سلطان : لا اميه دخيلج ... مااريد اعرس الحين ... بعدني
عاشه : ماعليه بحيرها لك بس .. عن لاتضيع البنت من يديك ...
سلطان : اميه انتي حاطه في بالج حد ؟؟؟
عاشه : ماعليه .. خلني اشوف رايها قبل ... بعدين بخبرك من هي ....
علايه : منوووووه هاي يااميه اللي حاطتنها في بالج ... دخيلج قولي الفظول بيذبحني ان ماعرفت الحين ..
شويخ : منووه منووه .... نحن نعرفها ...؟؟؟
سلطان : طاعو هذيله ... والله انا هب هامني اعرف البنت شراتكن ...
علايه : والله عاده انت كيفك تبا تعرفها ولا لا... لازم نعرف من هي ترانا نحن بنعيش وياها .......
الكل ظحك ... على رمسة علايه ....
عاشه : والله انا حاطه في بالي من زمان وحده حق سلطان ... وياليت تكون من نصيبه .... وعلى فكره ترى البنت قريبه منكم ....
سلطان بقق عينه ..................ونفس الشي علايه ...وشويخ بعد ,,,
سلطان : اميه .... انتي منوه تطرين بالضبط ...
عاشه : يالله هالولد كيف مستعيل على رزقه ..بس سلطان قول لي وبصراحه شو رايك في روضه بنت عمتك آمنه>>>ترى كانت عندهم عمه اسمها آمنه
علايه : ووويه امايه تبين روضوه حق سلطان ..
عاشه : لحووول انتي شوي انطمي وخلي الولد يرمس ..
سلطان : لا اميه دخيلج مابا وحده شراتها ثجيلة دم ومافيها حلاه..ما أبلعها..
شويخ : اميه في ذمتج روضوه اللي حاطتنها في بالج من زمان حق سلطان
عاشه : لا .....هب روضه بس بغيت اسال .. امممم انزين وشو رايك في ريم بنت خالتك هند ....؟؟؟ بعد ثجيلة دم ومافيها حلاه ...
من طرت عاشه " ريم " ... الكل فج عيونه ... وانصدم ...علايه اكثر وحده لانه ريم اقرب منها اكثر ...عمرها ماتخيلت ريم تكون لسلطان ...
عاشه : بسم الله بلاكم ... قلت شي غلط انا ..؟؟.. ولا بعد ماعيبتك يا سلطان
سلطان : ريم بنت خالوه ماعليها كلام .. وجان تبين تحيرينها لي لين عقب الكليه ... ماعندي مانع .... ... اترخص الحين بسيرغرفتي ...
سار سلطان فوق .. وعلى طول لحقته علايه ...اول مادخل سلطان غرفته .. دخلت علايه وراه .. سلطان استغرب ....يعني اكيد علايه تبا تقوله شي ..!!
سلطان : بسم الله انتي ورايه ... خير عليووه شوو بغيتي ...
علايه : سلطان .... ريم بنت خالوه لا ...
سلطان استغرب ... ليش يعني ريم لا ؟؟؟....شو السالفه ؟؟...
سلطان : ريم لا ؟؟... وليش يعني .. بعدين اميه اللي اختارتها هب انا ..
علايه : جوف سلطان ... اظن تعرف ان انا وشويخ ندري بسوالفك وندري عن البنات اللي تكلمهن عالمسن والتلفون..وانا الصراحه ريم اقرب وحده لي ..ماباها تنخدع بواحد لعاب ومكلم الف وحده قبلها << اسمحلي ...
سلطان وايد انصدم من رمسة علايه ... عمره ماتوقع ان في يوم حد بيي وبيقوله هاي الرمسه اول حتى بيلومه على شي هو يشوفه عادي ....
سلطان : بس اللي اكلمهن .. ما أحبهن ...ولا عمري فكرت آخذ وحده منهن
علايه : يعني جد فكرت في ريم قبل ؟؟؟
سلطان : تبين الصراحه هيه .. بس بيني وبين عمري ...
علايه : سلطان والله ريم وايد غاليه عليه واخافك عقب ماتاخذها ترد لسوالفك.... وصدقني ..انا ماقتلك ريم لا ... الا لاني اعرف ان ريم وربي صدق بالمعنى " ريم "...وماتستاهل اللي ياخذها يطلع يلعب عليها اخر شي
سلطان : علايه انا اذا عرست اكيد بودر اللي اكلمهن وبعدين والله مايهموني
علايه : وهب حرام تلعب على بنات خلق الله ...توهمهن انك تحبهن واخر شي تفرهن شرا الجلاب ...ولاكنهن يحسن ...
سلطان اول مره يحس كيف انه نذل وحقير .... اول مره يحس ان اللي يسويه غلط ...وان رمسة علايه صح ... بنات الناس هب لعبه عنده ...متى بغاهن يلعب عليهن ومتى مل ودرهن ...سلطان تم ساكت ولا قال شي ..
علايه : اسمحلي يا سلطان جان غثيتك برمستيه ... بس والله كان خاطريه اقولك هالكلام من زمان ويمكن اليوم حسيت اكثر ان لازم اقولك..عقب ما عرفت ان اميه تبا ريموه لك..يعني جان انك صدق تريد ريم ودر سوالفك ..
سلطان : لهاي الدرجه تعزينها .....لدرجة انج خايفه عليها منـــــــي ...
علايه : والله واكثــر ...ريم توأمتيه من يوم نحن صغار ..
سلطان : خلاص ياعليوه.. والله اوعدج اني أحاول اتغير ...ويمكن الايام بعدين تثبتلج اني استاهل ريم ...
علايه حست براحه : والله اتمنى هالشي ...وصدقني مابتلقا احسن من ريم
واذا الله كاتب لك نصيب فيها ... ان شاءالله بتكون لك ..
طلعت علايه من عند سلطان ...وسلطان تم يفكر في رمست اخته ....
وكانت هاي اول مره رمسة حد تأثر فيه ...
.........!!! شو سالفة سلطان بعد .. وشو بيستوي حق ريم وخليفه في الايام اليايه .. القدر بيجمعهم ولا مره ثانيه بيوقف ضدهم ...........ان شاءالله بخبركم كل هذا في البارت الياي

 

[ضوى العيون]

سلطان بعد ماطلعت عنه علايه ... حس انه اول مره يحس بتأنيب الضمير ..
وعرف انه محد بيرضى ياخذه عقب لو عرفو انه راعي سوالف بنات ..
يعني لو اخته مارضت له بنت خالته بس عسب هالشي .. عيل الغرب شو بيسوون ...قرر سلطان .. ان هاليوم بداية ان يكون سلطان واحد ثاني ..
وقرر بعد انه يغير رقمه .. لانه لو تم على نفس رقمه الجديم .. بيردن البنات يتصلن فيه ... واكيد بيرد يكلمهن ... بس هو صدق حط في باله .. انه خلاص ماشي بنات لا عالمسن ولا عالتلفون .....
مــر شهر تقريبا ,,,,, صدق سلطان بدا يتغير والكل لاحظ هالشـي...حتى ابوه مصبح وامه عاشه... وخواته بعد بس البنات اللي كان يكلمهن كانن يتحرقصن يعني وين اختفى سلطان مــره وحده عنهن ...
وفي يوم الخميس ..في بيت سعيد ..سعيد يالس مع مرته .. وعياله ...
سعيد : ها خلوف ونوف شو مسووين في الكليه..
نوف : تمام والله الحمدالله عالعــال <<<<<<< كانت نوف شاطره
خليفه: خـرى والله لوعة جبد ... اففف متى بس بخلص وافتك ..
سعيد : خيبه خيبه شعنه عاد هاكله ..انت متى بتحب الدراسه
ام خليفه : والله ولا بيحبها ...دام انه جي سوالفه ...
خليفه : اميه .. ابويه ...اريد اعرس ...>> الكل جي !!!!!!!!!!!!!!!!!
سعيد : والله زين ... جان الا العرس بيعقلك .. عرس ...
ام خليفه : والله جان تباني اخطب لك من اليوم بدور لك وحده من مزايين بوظبي ......
خليفه : لا لا مايحتاي يااميه اتعبين عمرج << احم احم البنت موجوده
سعيد : وبعـد موجوده ... ماشالله بنت امنوه ؟؟؟
خليفه واونه عاد استحى : اريد ريم بنت عمي عبيد ...
الكل انصدم ...محد كان يتوقع خليفه حاط في باله ريم بنت عمه بس طبعا الا نوف ما انصدمت كانت تتوقع هالشي من زمان لانها كانت تعرف خليفه يحب ريم..وكانت تحس بعد انه ريموه تحبه..>> ماشالله عندها الحاسه السادسه
ام خليفه : والله وزين مااخترت ياخلوف.. مابنلقى احسن من ريم لك ..
سعيد : ريم بنت اخويه والنعم فيها..وجانك تباني اكلم عمك اليوم حاضر..
خليفه تشقق : هيه ابويه زين بعد تسوي .. << خير البرعاجله هههه
نوف : اووب اووب الولد مستعيل ...
ام خليفه : يوزي انتي .. زين يوم انه عقل ..هههههههههههه
الكل : ههههههههههههههههههههههههههههههههههههههههه
... ترخص سعيد وسار الشركه .... وكالعاده خلوف طلع مع رشود ..
وفي دبي ...كانت عاشه .. تكلم هند عالتلفون ... ورمستها انهم رايدين ريم لسلطان .... وفي نفس الوقت سعيد كلم عبيد ..عن سالفة خليفه ....
كيف الصدفه والحظ <<<< الاثنين خطبو ريم نفس اليوم .....
بس طبعا محد يدري عن الثانـــــــي .. وحتى ريم ماكانت تعرف انه خليفه بيخطبها اليـوم ... ماخبرها ... وعلايه بعد ماخبرت ريم ان امها بتخطبها لسلطان ....رد عبيد من الشركه .. وكانت هند بعدها تكلم عاشه اختها... وريم كانت في غرفتها ..عبيد قال بيخبر ريم قبل .. وعقب بيرد على هند وبيخبرهــا ...
سار عبيد فوق .. جدا غرفة ريم .. في هالوقت ريم كانت تكلم سلوم بالمبايل وتقوللها ان خليفه يقول والله راشد هب في نيته يلعب .. وان صدق يحبها .. حتى ان سلامه بدت وايد تهتم لراشـد ..دق عبيد الباب ..ريم بندت عن سلامه .. وسارت فتحت الباب .. شافت ابوها .. سلمت عليه .. ودخل الحجره
عبيد : ها ابويه شحال الدراسه وياج ...؟؟
ريم حست ان ان ابوها يبا يكلمها في موضوع .. ولا جان ماياها لين الغرفه
ريم : والله الحمدالله ابويه .. امشيه للحين ok
عبيد : الحمدالله ....والله ياريم بغيت اكلمج في موضوع .. وماباج تردين عليه الحين الا عقب ماتفكرين عدل ...
ريم قلبها بدا يدق ... وارتبكت قامت تحاتي ...
ريم : خير ابويه .... آمــــــــــــــــــــــــــر ...
عبيد : والله في ناس اليوم كلموني ... يبون يخطبونج ..
ريم خطر في بالها تصيح .... يعني بتنعاد سالفة حمد ولا شو ؟؟؟..
ريم تمت صاخه ولا نطقت بكلمه .................
عبيد : شو ماتبين تعرفين امنوه هم .............؟؟
ريم والعبره خانقتنها وبصوت واطي : منوه ؟؟
عبيد : خليفه ولد عمج سعيد .. اليوم كلمني عمج بالسالفه ..
ريم من سمعت اسم خليفه .. قلبها وقف .. لانه خليفه اصلا ماخبرها انه بيخطبها اليوم ... ولا يابلها طاري حتـــــــــى .....حست لحظتها انها بطير من الفرحه ... واخـيرا يعني ...خلاص خليفه بيصير الها ...<< ماكانت تعرف ان يمكن القدر مره ثانيه يبعدها عنه .. لان سلطان خاطبنها بعد ..
تمت مستحيه ريم ومنزله راسها ........
عبيد : يـالله يالمستحى .. والله وكبرتي يـا ريم ...فديت بنتي انا .. على فكره ترى امج للحين ماتدري .. قلت بخبرج قبل ... المهم انتي الحين فكري هههه سعيد يقول خلوف مستعيل ... وردي علينا .. يوم بتقررين ..
ريم : ان شاءالله ابويـه ..>>>>>> ويهها كان غادي حمر ...
طلع عبيد من عند ريم ...ريم من الوناسه ماعرفت شو تسوي .. على طول كلمت سلوم وخبرتها ..... سلامه استانست لريم ....
سلوم : ريمووووه والله تستاهلين ...
ريموه : امممم يلا عقبالج ان شاءالله .............
سلوم استحت : هههههههههه << بس قالت في خاطرها " آآآمييين "
....
خلونا نسير شوي صوب خليفه وراشد ..كانو يالسين في الكوفي شوب ...
خليفه : رشوود خلاص ابويه خطب لي ريم .. والله واخيـــرا >> مستانس
راشد : عقبــــالي يارب .. والله خليفه اني اريدها ....بس هي هب حاسه...
خليفه : والله وحبيت يا رشود ... تذكر تذكر يوم كنت تطنز عليه ..الله بلاك
راشد : والله روحي مادري ليش يعني هاي بالذات مع اني ما ريتها الا مرتين
خليفه وهو يظحك : ههههه اونه هذا يسمونه " الحب من نظره "..
راشد ومكملنها طنازه : ههههههه عيل انت شو " الحب من عشره "..
خليفه : اسميــــك سخيف .. انا اشهد ان اللي بتاخذك بتبتلش فيــك ...
راشد : وياويهك ... تراني طالع عليــك ...بس بعد هب شراتك خخخ
خليف : لا والله ... ماعليه ماعليه .. شوف الحين جان توسطت لك ..
راشد : لالالالا دخيلك تعرف انت الوحيد الي عن طريقك اعرف اخبارها ..
خليفه : هيه عيل اصطلب >>>>>>> يظحك
راشد : خلووف تعال ادخل المسن يمكن تلقا بنت عمك..وتسألها عن سلامه..
خليفه : ماريد ..عسب تحشرني عقب وماتخليني اكلم حبيبتي على راحتيه ..
راشد : حراام عليك ....هيه اشعليك انت الحين ضمنت اللي تباها .. هب انا مالت عليه .. لا وطحت على وحده مااقدر اتواصل وياها الا عن طريقك .. صدق عسب انذل عدل ... لين متى بتم تحت رحمتك مادري ...
خليفه نقع من الظحك : هههههه عسب تعرف قيمتيه ...شوف سبحان الله حتى في هالشي مصيرك متعلق فيديه ....
راشد : شفت عاد حظي الحلو .... خلوف عاد قوم ندخل المسن دخيلك...
خليفه : لحووول خلاص اوكي بس عاده هب تيلس تحشرني ...
سارو الشباب ودخلو النت ... بس على حظ راشد ريم ماكانت اون لاين ....................
شو بيستوي الحـين .. ووين القدر بياخذ ريم ....كيف بيخيرونها بين ولد عمها وولد خالتها ...بتختار خليفه ... ولا القدر بيجبرها تختار سلطـــان ...... شو بيكون موقف علايه ... وموقف نوف .. وخاصه انها قريبه من الهنتين .. وشو بيكون دور هند .. وعبيد .. في هاي السالفه .. وريم شو بتسوي وكيف بتكون حالتها ... عقب ماتعرف ان الاثنين خطبوها نفس اليوم ....وخاصه انها ماكانت تتوقع سلطان في يوم بيخطبها ؟؟؟... وانها تحب خليفه .... ورفضت حمد قبل بس عشانه ...بتخبر خليفه عن سلطان ولا لا ...وشو بيستوي في سالفة راشد وسلامه ؟؟ وشو الاحداث اللي بتتطور ...وغريسه ..عقب ماعرفت ان ولدها ماله نصيب في ريم .. بتخطب حمد لمنوه ؟؟؟.....
I will tell u all of that... in the next part of my story.

 

[ضوى العيون]

وفي دبـي .. بيت مصبح ...موزه كانت حامل في شهرها الثالث ... والكل مدلعنها في البيت ... وخاصه حمدان ريلها .. ما يخليها تتحرك من مكانها ..
ويسوي كل شي بدالها ... كـــــــــان مستانس لان بييه بيبي ......
سلطان اعتدل ... و ودر سوالفه القبليه ...غير رقمه .. وفتح له ايميل ثاني ..
بس وحده من اللي كان يكلمهن ... سوت المستحيل .. بس عسب تحصل رقمه اليديد .... وفعلا حصلته عقب موت ........
سلطان كان يالس مع ابوه..واخوه حمدان..يشوفون المباراه (العينxالوصل)
حد اتصل في سلطان ... سلطان استغرب لان الرقم غريب ...<< من كثر البنات اللي كان يكلمهن قبل .. ماكان يمديه يحفظ ارقامهن بعـد ...
طلع سلطان برع الميلس ..ورد عاللي متصل فيــه ...وعلى فكره اللي كانت متصله حصه ربيعة قوم ريموه .... تعرفت على سلطان من الجات ... وكان سلطان يكلمها قبل ..وحصه صدق حبت سلطان .. من جذي ماتقبلت الوضع يوم انه اختفى مره وحده وماقام يدخل المسن .. طبعا كان يدخل بس بايميل ثاني .............المهم سلطان رد عليها .. وماكان يعرف امنوه اللي داق ..
سلطان : ألــــــــــــــــو ...
حصوه اول ماسمعت صوت سلطان بغت تين ...لانها الفتره الاخيره اللي ماكانت تكلم سلطان .. حالتها النفسيه وايد تعبت حتى ان ربيعاتها لاحظن هالشي .... بس طبعا ماقالتلهن .........
حصوه : هذي اخرتها ياسلطان .... تغير رقمك ولا تخبرني ...
سلطان من سمع الحس ..عرف انها وحده من اللي كان يكلمهن .. بس ماعرف انها حصه ... << الاخ حتى قبل ماكان يميز بين اصواتهن ..
سلطان : نعم اختي ... امنوه انتي ؟؟ <<<< متعمد يغثها يوم قال اختي
حصه حست بغصه ....حست اسلوب سلطان غير .. حتى ماعرفها .. معقوله في هالشهرين ينسى!!<<كانت تتحرى قبل انه يحبها ماكانت تعرف انه يلعب
حصه : انت متأكد انك سلطــــــــان .....
سلطان : واللي عطاج الرقم ... ماخبرج ..هذا رقــم منووه ....
وكل مايقول سلطان شي كان ضغط حصه يرتفع اكثر واكثر ...
حصه : يالخايـــــــــــن ...انته شو ماتحس .. لعبت عليه ويوم مليت قلت بدور غيري ... نسيت ..نسيت يوم قلت انك بتاخذني ..وبتي لين بوظبي بس عسب تخطبني من هلي ...
سلطان بكل برود : والحيـــــــــــن شو المطلوب منــي ..؟؟ لج عندي شي..؟
حصه : وربــــــــــي انك حقير ...ونذل ...حطمتني ...
سلطان : مشكوره ....ومحد ظربج على يديج وقالج كلميني .....وبعد محد قالج صدقي اي واحد يكلمج...
حصه بدت تصيح من الصدمه : والله انا الغطانه يوم اني حبيتك وصدقتك
سلطان : مع السلامه .. انا مشغول الحين ...
وسكر عن حصه ... حصه صابتها حاله... كانت شوي وبتين ..كسرت كل شي جدامها بدون لاتحس ...>>>>>>> بخبركم شوي عن عايلة حصه
(( حصه هي الصغيره عندها اخت وحده اسمها عفره واخوها أحمد الكبير معرس وعنده ثلاث بنات وولدين عايش مع مرته وعياله عند امه واخته حصه...وعفرا بعد معرسه وعندها ولد عمره سنتين اسمه سيف ... ام حصه وابوها مطلقين ..من يوم كانو حصه وعفرا صغار....ونادر مايشوفون ابوهم....يمكن النقص اللي كانت تحسه حصه هو اللي خله افكارها ماتكون طبيعيه شرا ربيعاتها .. كانت دايما تحس ان ربيعاتها يطالعونها بنظره .. لان امها وابوها منفصلين... مع ان بالعكس عمرهن ربيعاتها مافكرن بهالشي .. بس احساسها بهالشي ضيعها .. وخلاها تدورعن طريقه تسد هالفراغ ...وطاحت بين الشباب وقامت تكلمهم ..بس الي صدق حبته هو سلطان ...............
............
في بيت حصه ........ عفره كانت يايتنهم ....سارت جدا حجرة حصه عسب تسلم عليها ... وقبل لاتدخل ..سمعت صوت صياح ...دخلت .. شافت حصه شبه منهاره ...دخلت وسكرت الباب...حاولت تهدي اختها حصه .. عسب تفهم منها السالفه ..
حصه : اووف عفروو مافيه شي خليني بروحـي ,,,
عفره : لا والله هب مخلتنج ... الين تقولين شو مستوي ..
حصه عمرها مافتحت قلبها لحد ....كانت تكتم كل شي في قلبها....دوم كانت تحس ان محد يحبها ... وان الكل يكرهها .. من كانت صغيره وهي تحب تكون روحها ...منعزله عن اللي حولها ...ماتتقبل اي حد يوم يكلمها ...
حصه : قتلج مافيه شي ... خلاص خليني روحي ..مابا اكلم حد ..
عفره كل مره كانت تخلي حصه على راحتها .. بس هالمره حست في شي جايد مستوي ...وان اختها بتضيــــــــع ....
عفره : حصوه ان مارمستي بزقر لج احمد يتفاهم وياج ويشوف شو اخرتها
أحمد كان وايد متشدد وهو الوحيد اللي كانت تخاف منه وتحسب له حساب..
حصه من سمعت اسم احمد اخوها .. خافت لا تنفضح وتروح فيها ...
حصه : لا عفروه دخيلج ... احمد لا …..
عفره : عيل يلا خبريني شو بلاج ؟؟ وليش كل هالدموع ؟؟...
حصه حست انها تبا تخف شوي عن عمرها ... حست انها محتاجه اختها الكبيره وفي هالوقت بالذات ....
حصه : عفروه اوعديني انج ماتيبين طاري لأحمد ...
عفره : صدقيني هب قايله لحد بس انتي انطقي ...
حصه : >>>>>>>>>>> خبرت عفره اختها السالفه كلها ...من بدت تكلم الشباب لين سالفة سلطان .......................
عفره تمت مصدومه من حصه ... عمرها ماتوقعت ان في يوم حصه تسوي اللي سوته .... يعني طول هالوقت وهي تكلم الشباب ولا حد درى عنها ...
بس مالامتها ...لانها تعرف الظروف في البيت ... يعني الام لاهيه مع ربيعاتها ... وابوها مطلق امها .. وماخذ له حرمه ثانيه ... والاخو الكبير 24
ساعه مع مرته وعياله ... بس جاهز يفرض عليهم القوانين ويتحكم فيهم...
عفره بغت تصيح يوم عرفت حالة اختها وين وصلت من كثر الاهمال ...
عفره وخانقتنها العبره : ليش يا حصه جي سويتي ...ليش مشيتي هالدرب
حصه اول مره تحس ان في حد اهتم لها >> بس عقب شووو ؟؟؟؟
حصه ربعت في حضن اختها وتمت تصيح ...<<< اول مره هالشي يستوي
حصه :والله مادري والله مادري ...والله ياعفره ربيعاتي كلهن زينات .. بس انا اللي ماعرف كيف اتعامل وياهن .. انا اللي دوم احس اني غيرعنهن .. كل مايقربن مني ... ابتعد انا عنهن ...رافعه خشمي عليهن .. على شو ؟؟ والله على خيبتيه.... مادري ليش ضيعت عمري ..<<< تمت تصيح
عفره مارامت تستحمل اكثر .. اول مره تشوف اختها حصه جذيه ..
عفره : حصه حبيبتي خلاص اللي استوى تراه استوى ... والحمدالله ان سلطان هذا اللي تقولين عنه ... تاب عن سوالفه .. لان صدقيني لو ماكان .. جان انتي بعدج ضايعه ... اوعديني ياحصه ان هاللحظه تكون بداية لدرب نظيف .... خلاص انسي الماضي وفريه ورا ظهرج ...
حصه : انا اشهد ان سلطان عطاني درس عمري مابنساه ... اوعدج عفره اني اتغير .... اعرف هالشي صعب .. بس والله بحاول .....
تمت حصه تسولف مع عفره اختها ... وكنها اول مره تعرفها وتشوفها ... اول مره تحس حصه ان عندها اخت .. دايما كانن بعاد عن بعض ... بس يمكن الله راد يستوي هالموقف مع سلطان .. عسب يقربن الخوات من بعض .. وتكون بدايه بيضه لحصه .....
................

نسير شوي صوب بيت عبيد ...
هند كانت سايره تخبر عبيد عن سلطان طبعا كانت مستانسه لانه ولد اختها خطب بنتها...بس عبيد كان راقد .. فقالت بتخبر ريم ...وعقب ماينش عبيد بتسير وبتخبره ...في هالوقت الريم دخلت المسن ... وطبعا خليفه وراشد نقعو وهم يتريونها تدخل ...اول مادخلت .. خليفه وراشد تشققو ...
خليفه لانه متوله عليها <<< متوله عليها ولا هب متوله عليها يبا يكلمها
راشد استانس .. لانها بتيبله اخبار سلامه ...
وقبل لاخليفه برمس سبقته الريم ...
الريم : اووووي وليش ماخبرتني ...<<< فيس مستحي
خليفه : فديت المستحيه انا .... بس شو رايج اتفاجأتي صح << فيس يغمز
الريم : والله ويهي غدى احمر جدا ابويه ...<<< فيس مستحي
رشود قطع افكار حبل خلوف ... الاخ مستعيل يبا يعرف اخبار سلامه .. والريم وخليفه في وادي ثاني ........
رشود : خلوووف بسك عاد ...يلا اسألها عن سلامه جان كلمتها ؟؟
خلوف : بدينا يا خلووف ... والله مامداني .. يوم بشبع سوالف .. بسألها
رشود معصب : خلوووف تعرف ان ماسالتها الحين .. والله لااهدك واروح عنك ... لا تنسى اليوم طالعين بسيارتي <<< يعني بترد بتكسي ..عاد خليفه ولد سعيد اكبر هوامير بوظبي ..راكب تكسي >> خخخ شغل مذله ...

 

[ضوى العيون]

خلوف : لالا دخيلك ... خلاص والله الحين بسالها ههههههههه
خلوف على طول كتب حق الريم ...
خليفه : ريمــــــــــاني حبيبتي ......والله يعني هب بييدي بس تعرفين في واحد قام يهدد وعادي ينفذ تهديده ....بغيت اسـأل ...والله هب انا اللي اريد اعرف هو اللي حاشرني وواقف على راسي ...>>>> احبـــاط ..
الريم مافهمت السالفه عدل .. بس عرفت ان خليفه يطري راشد ربيعه وعرفت ان راشد يريد يعرف أخبار سلامه شرا كل وديه ..
الريم : ههههههههههههه ...قول له هذا اللي مايستحي ويهددك .. ان اللي في باله بخيــــــر ويسلمون عليه بعـد <<<< يعني شي تطور<< فيس يطنز
راشد من قرا الرمسه تشقق << خخخ بس اونه غيظ على كلمة (مايستحي )
رشود قال حق خلوف انه يريد ايميلها ...<<< ماصدق الريال
خليفه : ريمانـي رشود يريد ايميل ربيعتـج ههه ويقول انه قصده شريف
الريم :عاده هذي كبيره..ماظنتي سلوم توافق...بس ولا يهمه انا بكلمها ..
خليفه : لااااااااا تقولين ولا يهمه تفهمين <<< فيس معصب... يغار ههه
الريم :خلاااااااص سحبناها بس دخيلك لاتزعل ....ياويلي عاللي يغارون جاااااتليني <<<<<<<<< فيس يغمز ...
وبين ما كانت الريم تكلم خليفه ..دقت عليها امها الباب ...طلعت ريم من المسن وعقب موت خليفه كان يباها اتم اكثر .. سارت فتحت ريم الباب حق امها ...دخلت هند ويسلت حذال بنتها ...
هند : فديت العروس انا ...
الريم على طول استحت ونزلت راسها ...
هند : الظاهر هل دبي حالفين الا ياخذونج عندهم...
الريم فجت عيونها !!!! هل دبي شلهم في السالفه !!!!!
الريم : هل دبي !!!!!!!!!!!!!!!!!!!!
هند : عاد هالمره ... غير هب اي حد ...
الريم بعدها هب فاهمه شي من رمسة امها !!!!....
الريم : كيف يعني امايه ؟؟....وهل دبي شلهم في السالفه اصلا ...
هند : كيف شلهم يالريم ... ومن صوبهم المعرس ...
الريم : معـــــــــرس ومن دبي كيف ؟؟؟؟؟؟؟؟
هند : جوفي يااميه ... هالمره .. الي خاطبنج ... سلطان ولد خالتج واليوم خالتج عاشه مكلمتني .. عسب آخذ رايج ...
الريم ... ماعرفت شو استوى فيهــا .. وجنه الدنيا تدور وترد عليها ..
كيف سلطان ؟؟؟؟؟؟؟؟ وخليفه شو ؟؟؟؟ يعني الاثنين خطبوها نفس اليوم ؟؟
الريم : امايه شو تقولين ..؟؟؟... كيف سلطان ؟؟.. وخليفه شو ؟؟؟
هند انصدمت من رمسة الريم لانها اصلا ماتعرف شي عن سالفة خليفه.. عبيد بعده ماكان مخبرنها ؟؟؟؟؟؟؟... ولا هي خبرته عن سالفة سلطان ....
هند : خليفــــــه !! .... بلاه خليفه ؟؟؟؟
الريم : امايه دخيلج .. هب ناقصه زود صدمات .. قبل ساعتين خليفه والحين سلطان ؟؟؟؟ وربي هب فاهمه شي ؟؟؟؟؟؟؟؟
هند : ريموه بلاج يا ماما ... شو هو اللي قبل ساعتين خليفه والحين سلطان
الريم بعدها مصدومه وبعدها هب عارفه السالفه ومليون علامة استفهام على ويهها .......... تحلم ولا صدق اللي يستوي جدامها ...
الريم : امايه ابويه ماخبرج ان عمي سعيد اليوم خطبني لخليفه ؟؟؟
هند وهي الثانيه جنه حد رشها بماي بارد ...!!
هند : خليفه خطبج اليوم .... والله ماكنت ادري ...........!!!!!
الريم : امايه دخيلج شو سالفة سلطان بعد ..
هند : قتلج اليوم عاشه كلمتني تباج لسلطان ....بس تعرفين ماعليه خليج انتي انا بسير اشوف شو السالفه من ابوج ...!! والله غريبه !!!
طلعت هند من عند الريم ... وسارت عند عبيد ... في هالوقت ريم واقفه مكانها ماتعرف شو تسوي ولا حتى شو تقول <<<<<< لا تعليق ...
معقوله يعني عمر الفرحه ساعتين بس ... و القدر بيعاند مره ثانيه ...
كلما ما تتقرب الريم من خليفه ...يرد الزمن يبعدهم ...!! ليش الحظ دوم يلعب بها ... ليش يعني هي بالذات .... ليش سلطان اختارها ... اختارها وهو مايدري انه اختياره معناه تحطيـــــــــم للريم ....!!!! كيف الايام بتحكم في الاخير .... وللزمن قرار ... شو بيكون هالقرار ... شو بتسوي الريم ... بهالموقف ..................... بتقدر تتحمل كل هذا .. انها تختار مابين ولد خالتها ..... ولا ولد عمها اللي تحبه ........



فــــي دبي ... وفي بيت مصبح .....
عاشه كانت يالسه في الصاله .....وعلايه وشويخ كانن يالسات فوق مع مرت اخوههن موزه اللي هي بنت عمهن....ماكانت تنزل وايد تحت لانها كانت حامل ....ووايد تتعب......شوي ولا تدخل غريسه مرت مايد على عاشه ... سلمن الحريم على بعض ...>> غريسه ماكانت مخبره عاشه انها خطبت الريم بنت هند لولدها حمد ومااستوى نصيب ...
عاشه : شحالج وشحال العيال .. وبو العيال ..
غريسه:كلهم بخير ربي يعافيج..الا شو السالفه عاشه اشوفج اليوم مستانسه
عاشه : والله كل خيرالحمدالله .. بس تعرفين عاده اليوم خطبت الريم بنت اختيه حق ولديه سلطان ....ماتعرفين ياغريسه شو كثر غلا هالبنت ...
غريسه انصدمت ... يعني حتى عاشه حاطه عينها عالريــم ....غريسه صدق كانت في خاطرها الريم لحمد .. بس حكم القدر ماجمعهم ...
عاشه : غريسه بلاج ....وين سرحتي ؟؟
غريسه : لا والله بس اذكرت الريم في عرس موزه وحمدان .. ماشالله عليها
عاشه : هيه ماشالله عليها ..مليحه ...وان شاءالله تكون من نصيب سلطان ..
غريسه : عاده ماظني هند بترد سلطان .... مهما يكون هذا ولد اختها
عاشه : الله يسمع منج .. بس تعرفين بعد مانبا شي بدون رضا الريم ..اهم شي موافقتها ..وان شاءالله خيــر ..اذا الله كاتب نصيب بيستوي كل شي ..
غريسه قالت في خاطرها ... " عيل ماظني الريم توافق "....
غريسه : يلا اللي كاتبنه ربي بيستوي ..الا وين موزه والله متولهه على بنتي
عاشه : فوق مع البنيات يالسه ... فديتها الحمال هادنها ....
غريسه : هيه والله .. الله يقومها بالسلامه ويسهل عليها ان شاءالله ..
قامت عاشه وزقرت على موزه تسلم على امها وعلى علايه وشويخ يسلمن على مرت عمهن مايـــــــد ...نزلت علايه مع موزه على طول ...بس شويخ لازم تتاخر كالعاده ....وعقب ماسلمت غريسه على موزه وعلايه ...
حست انها اول مره تشوف علايه عدل .. يعني اول مره تنتبه الها زين ...
........ يلسن البنات والحريم يسولفن ....وسالفه ورا سالفه .. وغريسه عيونها على علايه .. جنها الا اول مره تشوفها ....

وفي بوظبـــي ... بيت عبيد ....
هند سارت تواعي عبيد من الرقاد عسب تفهم شو سالفة خليفه ....؟؟؟
وطبعا عقب زور نش عبيد ....
عبيد : والله خاطريه ارقد يوم بس يوم عالاقل .. بدون لا حد اييني ويواعيني
هند : عبيد ... قوم دخيلك اريدك في سالفه واايد مهمه ....
عبيد : خلاص ماعليه بتلبس وبنزل تحت ...
هند : يلا بسرعه لا تتاخر .. بنزل تحت اترياك ...
......

 

[ضوى العيون]

الريم في هالوقت .. كانت وايد مظايقه .... تحس انها خلاص فقدت حتى الامل ..يعني الحين ماتقدر حتى ترفض سلطان لانه ولد خالتها واذا رفضته اكيد خالتها وبناتها بياخذن موقف من ريم ونفس الشي عمها ومرت عمها وأهم واحد كانت تفكر فيه خليفه.. >> أول ماطلعت من عندها امها اتصلت بسلامه .. وخبرتها باللي استوى .. سلامه روحها ماصدقت .. يعني معقوله اللي يستوي بربيعتها الريم وتمت تهدي ريم... وتحاول تغير السالفه.. سلامه قالت حق الريم اتي عندها..عسب تغير جو شويه..سكرت الريم من سلامه وقامت وكتبت :

** ليش القدر دايم الدوم ضدي ...
وليش الامــل يشــرق دقيقــه ثـــم يتـــلاشى ويغيــــب ....
** من العنـا اليوم وصلت حدي ...
اخاف اغمض عيوني ولي فتحتها ما ألقى حتى الحبيب ....
** ماظن أحـد قلبه انكسـر قدي ...
وماظن فـي أحــدٍ شراتي عــــاش مـع ذاتـــه غريــــب ....
** عبراتي تســيل وبللت خدي ..
تلعب بي الايام..وأكتشف حالي اعجــب من عجـــــيب
عبيد نزل تحت وكانت هند تترياه..وكان حاط في باله يخبر هند عن خليفه ..
عبيد : خير ان شالله ياهند ... شو السالفه اللي تبيني فيهـا .....؟؟؟؟
هند : والله يا عبيد مادري شو اقول لك .. بس الظاهر اليوم انا وانت غلطنا غلطه .. ومادري كيف نصلحها ...
عبيد انصدم من رمسة هند ... يعني شو هاي الغلطه الي سووها ..؟؟
عبيد :هند شو تقولين ... واي غلطه هاي اللي ترمسين عنها ؟؟...
هند : حيرنا الريم بين اثنين..وماكان المفروض هالشي يستوي يعني والله انا لو كنت ادري عن خليفه..ماكنت خبرتها عن سلطان ..بس الحين اللي استوى استوى ...وريم عرفت عن الاثنين انهم خاطبينها وخطبوها نفس اليوم ....
عبيد فج عيونه .......سلطان بعد خطب بنته ريم .................؟؟
عبيد : سلطان وخليفه خطبو ريم ... وريم عرفت عن الاثنين...؟؟؟؟؟؟؟
هند : والله يا عبيد إنا حطينا بنتنا في موقف الله يعينها عليه .. الحين شو بتسوي عسب تراضي الطرفين..يعني خالتها عاشه وعمها سعيد.....
عبيد : ماعليه ان شاءالله مابيستوي الا الخير واللي له نصيب فيها بياخذها..
وانا بكلم الريم ... وبفهمها...وبخليها تختار اللي تباه وانا وانتي مابندخل ..
....
في هالوقت نزلت الريم من فوق وكانت تبا تطلع تسيرعند سلامه ..
الريم وكان باين انها مظايجه : امايه وابويه ... بسير صوب سلامه ربيعتيه
عبيد : توكلي على الله ... بس ابويه لا تتاخرين ...
الريم : ان شاءالله ابويه ...
هند : ريم سلمي على مريم ام سلامه واااااايد ...
الريم : ان شاءالله يوصل ..
.... طلعت الريم من البيت ... وسارت مع الدريول وكارمي عسب يوصلونها
....سلامه كانت تتريا الريم اتيها ....واتصلت بميثا بعد ... عسب يستانسون كلهم في الWeek end...عقب هالاسبوع لانه كان عندهم ضغط في الكليه..
في هالوقت الريم كانت في الدرب ... والدريول كان وايد مسرع .. مانتبهت له ريم لانها كانت سرحانه .. وتفكر شو بتسوي الحين في سالفة خطوبتها من سلطان وخليفه .....مانتبهت الا على صوت بريـــــــــــــــك بالقو ... اشتلت السياره .... ودعمت العمود .......انجلبت فوق الثلاث جلبات ....!!!!!!.....
... ميثا وصلت عند سلامه ... الوقت يمر ويمر ... والريم بعدها ماوصلت ...
............................

وفي مستشفى خليفه بأبوظبي ...محي الدين << دريول عبيد ..كان على اعصابه عقب ماجبسو يديه وربطو راسه .....إدارة المستشفى خذو رقم عبيد من عند محي الدين ...في هالوقت كان عبيد يالس مع هند وحمود وحموده..
والكل كان يظحك على سوالف حمدوه .. ورمستها المنقعه .. شوي ولا تيلفون عبيد رن ....استغرب من الرقم !! ....رد عبيد عاللي داقيله ..
المستشفى : السلام عليكم ...عبيد ويانا ؟؟
عبيد : وعليك السلام هيه اخويـه .........عبيد وياك ..
المستشفى : اخوي انت كفيل السايق محي الدين ؟
عبيد بعده مستغرب : هيه نعم .... خير ان شاءالله ...
الستشفى : والله يا اخوي ماعرف شو اقولك ... بس دريولك محي الدين سوى حادث قبل ساعتين على شارع الكورنيش ... ومثل ماعرفنا كانت معاه بنتك والخادمه ووووو..........
عبيد وجنه قلبه وقف : و شو ؟؟؟؟؟؟؟
المستشفى : البقيه في حياتك اخوي .. الحادث كان وايد كبير..الله يصبرك
بس نباك اتي المستشفى عسب تخلص الاجراءات ....
عبيد نزل عالارض ...حس بخنقه .... تم يردد " لا ....لا ..لالا
هند يوم شافت حالة عبيد ... خافت حتى تساله شو مستوي !!
هند وبدت تتنافض : عبيد ... شو مستوي .....
عبيد والدموع ملت عيونه : هند البسي عباتج وتعالي بسرعه
طلع عبيد ركب سيارته....وهند تمت تصيح وهي ماتعرف شو السالفه بس حست انه شي كبير..لان ما جد عبيد دمعت عيونه !!... خذت عباتها وركبت وياه ........وشلت حموده وحمود لان محد كان في البيت غير الخدم
وفي المستشفى .......... وصل عبيد ومعاه مرته ...وعياله ...
هند قبل لا تدخل : عبيد دخيلك قول لي شو اللي مستوي << تصيح
عبيد : الريم ياهند ... الريم .........................
هند من سمعت اسم الريم تمت تصيح وتصارخ ....
هند : شو بلااااااها ... عبيد دخيلك قول لي بلاها ريم ..بلاها
عبيد وهو الثاني كان يصيح واول مره عبيد يصيح ........
عبيد : الريم ماتت يا هند .............خلاص راحت...........!!
هند من سمعت عبيد ..... مااستحملت الخبر !! .......طاحت واغمى عليها
عبيد ماعرف شو يسوي حس ان خلاص الحياه بتوقف عنده ...بنته مثل ماخبروه ..ماتت .... ومرته طاحت عليه وودوها الطواري ...!!
محمد وحمده..واقفين ومايعرفون شو السالفه ..عبيد سار وخذهم في حضنه وتم يصيح ..
حس في هاللحظه انه محتاج اخوه سعيد يكون وياه .... حس ان الدنيا ظلام في عيونه .....سار عند (ريسبشن المستشفى) عسب يتصل في سعيد ... ماكان عنده مبايله .. لانه من سمع الخبر فر الموبايل وربع المستشفى ..
... في هالوقت ..... سعيد كان يالس مع خليفه وراشد في الميلس ...
رن تيلفون سعيد .... وقطعو الشباب سوالفهم.......
سعيد : الو .....
عبيد : الحقني يااخوي ........................
سعيد من سمع نبرة حس عبيد ...حس بشي في قلبه ...
سعيد : عبيد شو فيك ....؟؟؟ وانت وين ؟؟؟
عبيد : الريم يا بوخليفه ..الريم عطتك عمرها ......وهند الحين مغمي عليها
سعيد كان يالس من سمع كلام عبيد ...وقف !!
سعيد : عبيد يااخويه هد عمرك ... انا الحين ياينك ...مع السلامه
سكر سعيد من عبيد .. والدمعه كانت في عيونه ...................
خليفه : خير ابويه شو فيه عمي عبيد ....؟؟؟
سعيد نزل راسه : الريم بنت عمك يا خليفه ....عطتك عمرها ....
خليفه من سمع الخبر ...... تم يصارخ " لاااااااا ابويه دخيلك .. قول غير هذي الرمسه .. ابويه الله يخليك .. لاتقول جذي حرام عليك والله ....الريم ماماتت ......ماماتت ....
راشد وهو الثاني فز من مكانه ....وقبض ربيعه خليفه عن يطيح ...
سعيد طلع ... وخليفه وراشد وراه ..............خليفه كان شبه منهار

شو بيستوي الحين ؟؟؟؟!!....عبيد كيف بتكون حالته وهند بعد وين بتوصل حالتها ... خليفه شو بيسوي ؟؟؟....!!!
في شي بيتغير ولا لا ؟؟...
تريوني في البارت الياي ... ^_^

 

[ضوى العيون]

وفي مستشفى خليفه ...... عبيد كان واقف وحالته كانت وايد صعبه...
مر واحد من المسؤولين في المستشفى .. يوم شاف عبيد عرفه...طبعا لان عبيد كان معروف في بوظبي هو واخوه سعيد ..
المسؤول : خير ان شاءالله يا بو محمد ...
عبيد : والله قبل نص ساعه واحد من عندكم اتصل بي ... وقال لي ان الدريول سوه حادث ... واللي كانن معاه توفن .. ولين الحين يااخوي ..هب شايف حد عسب اساله ... خاطري اشوف بنتي حتى لو من بعيد .............. ..... سكت عبيد ومارام يكمل كلامه ... خنقته العبره ...
المسؤول : البقيه في حياتك يا بو محمد .... دريولك محي الدين ؟؟؟؟؟
عبيد : هيه ياخوي ...
المسؤول : بس انا توني ياي من الطواري واللي عرفته ان اللي كانن معاه هنتين وحده منهن عطتك عمرها والثانيه في العنايه المركزه حالتها خطيره..
عبيد : شوووووو ؟؟؟؟؟؟؟؟...دخيلك شوف منو اللي في العنايه دخيلك..
منوه اللي توفت .... الريم ولا كارمي ...................................؟؟؟

المسؤول اتصل بقسم الطوراي عسب يسال عن الحادث ...
المسؤول : بو محمد .... بنتك الله نقذها .. وهي الحين محتاجه دعواتك ..لان حالتها خطيره .......
عبيد وكن الامل رد يطرق بابه من يديد ...حمد ربه انه بنته حيه ....
المسؤول : السموحه منك يا بو محمد ... بس اللي اتصل فيك الظاهر انه قرا المعلومات لحادث ثاني ...... السموحه منك واللـه ...
عبيد في هالوقت على طول سار صوب مرته هند ..ومعاه طبعا محمد وحمده
هند كانت مرقده عالشبريه ... توها فتحت عيونها ..لانه كان مغمي عليها ..
اول مافتحت عيونها .. وصل عبيد عندها ...قبل لاترمس هند ..عبيد تكلم ..
عبيد والابتسامه على ويها : هند الريم ماماتت .. والله الريم حيه ...
هند من سمعت كلام عبيد تمت تصيح من الفرحه .....
هند : عبيد احلف .. عبيد قول الصدق دخيلك خلني ارتاح صدق ..
عبيد : والله والله والله ياهند .. انتي الحين نشي ... خلينا نسير صوبها تراها محتاجتنا الحين اكثر من اي وقت ثاني ..
يت النيرس .. وخلت هند تشرب ماي عسب تهدا اعصابها ..لان الصدمه كانت وايد قويه عليها .....هند وعبيد وحمود وحمدوه .. طلعو من الطوراي عسب يسيرون قسم العنايه المركزه يشوفون الريم ..
وفي دربهم ... سعيد توه كان واصل ومعاه خليفه وراشد .... خليفه كان منتهي .... وراشد كان يحاول يهديه طول الدرب ....
سعيد من شاف عبيد لوى عليه ............
عبيد : سعيد ... الريم ..كاتبلها ربي عمر ... الريم ياخويه ربي حفظها ..
خليفه من سمع الرمسه .... ماصدق ... حس انه كان في كابوس ...وطلع منه ..... حس الدنيا نورت من يديد مجرد انه سمع ان الريم حيه ...
.... فهٌم عبيد سعيد السالفه وكيف انه الموظف غلط .. وجي ..
سارو كلهم صوب الغرفه اللي فيها الريم ...بس طبعا محد منهم قدر يدخل عليها لان الحاله ماكانت تسمح .....شوي وطلع الدكتور من عند الريم ..
عبيد : دكتور دخيلك طمني ... شحالها بنتي الحين ..
الدكتور : والله مااقدر اقول لك شي الحين ... بننتظر الساعات اليايه .. لين نعرف وضع الحاله .... وبعدين بنقدر نشخص ... بس اللي اقدر اقول لكم الحين انكم تدعولها تعدي هالمرحله .. لانها لو عدتها ... بتكون طلعت من مرحلة الخطر ..... بنتكم محتاجتلكم ........ يلا استأذن ......
... محد علق على رمسة الدكتور .. والكل التزم الصمت .....
شوي ولا محي الدين كان ياي صوبهم ...عبيد يوم شافه خطر في باله يسطعه طراق لانه السبب في اللي استوى بالريم ... بس عقب تعوذ من ابليس لانه عرف مافي شي يستوي الا بقضا الله وقدره ..
.........
... وفي بيت سلامه ........
ميثا : سلوم ... وينها الريم .. والله بديت احاتي ...
سلامه : والله يا ميثا قلبي ناغزني ...مبايلها مغلق.. وكل مااتصل بيتهم ترد عليه البشكاره .... وتقول ماتعرف ...كلهم طالعين ...
ميثا : الله يستر يارب ........ انشاءالله بس خير ......
....
في هالوقت ... سعيد اتصل بمرته وخبرها ....
وفي بيت مصبح ................. رن التيلفون ....... ردت عاشه ..
هند : السلام عليكم <<< وكان صوتها مبحوح من كثر النوح والصياح
عاشه : هند شووو بلاااااااااااج ؟؟؟؟
هند خبرت عاشه السالفه ... عاشه شوي وقلبها يوقف هي الثانيه ... علايه من عرفت يلست تصيح ... حتى شويخ ..عاشه اتصلت بسلطان .. عسب يرد البيت ويوديهم بوظبي .............سلطان من سمع حس ان قلبه انكسر ....
علايه كانت تكلم اليازيه يوم سمعت الخبر ...واليازيه عقب ما عرفت واايد اظايجت ......لانها الفتره الاخيره وايد كانت مع الريم .....
اليازيه كانت عالمسن ... يوم كانت تكلم علايه عالفون ...
وسلامه وميثا في هالوقت قالن بيدخلن المسن يمكن يلاقن ريم اون لاين
اول مافتحت سلامه ايميلها لقت اليازيه <<<< ترى الريم عرفت سلامه وميثا على اليازيه .....وسوت سلامه حق اليازيه ادد ...
اليازيه توها كانت بتطلع من المسن...بس استغربت يوم شافت سلامه حادره
اليازيه : ماسرتي عند الريــــم المستشفى ؟؟؟؟؟؟؟؟؟؟؟
سلامه وميثا فجن عيونهن ........... الريم في المستشفى ؟؟ من متى ؟؟
سلامه : شوووووووووووووووووووو ريم في المستشفى ...
اليازيه عرفت بعدين ان سلامه وميثا مايدرن عن السالفه .. خبرتهن اللي فهمته من علايه ...سلامه وميثا بغن ايينن يوم عرفن بالسالفه ......
ومثل الميانين سارن المستشفى ..............

..............
في هالوقت وصلت ام خليفه ونوف .....وقبل لا يوصلن ميثا وسلامه بدقايق .. راشد ترخص من هل خليفه ...لانه حس شكله غلط امبينهم ...
وعقب ساعه وشي .. وصلت عاشه مع عيالها سلطان وعليا وشيخه ...
والممر كان زحمه من كثر الناس اللي يايين ..لان معارف عبيد وهند وايدين .. وغير الاهل اللي يوهم من بوظبي ودبي .....يفازعونهم .......
مر الوقت ....ولين الحين ماشي خبرعن حالة الريم ....الناس قلو .. لان الوقت استوى 11 فليل ...واللي تـم مع عبيد وهند ...عاشه وعيالها .. وسعيد ومرته وعياله ........شوي وطلع الدكتور مره ثانيه من عند الريم .... والكل كان متوتر يبون يعرفون شو بيقوللهم الدكتور ..
عبيد : ها دكتور ... شو الحين ..؟؟
الدكتور : الحمدالله والله كل خير ... مثل ماعرفنا ان الظربه كانت الصوب الثاني يعني وين الخادمه كانت يالسه...وبنتك الريم من كثر مالظربه كانت قويه ... دخلت في غيبوبه ... بس الحمدالله بعد الله ستر ..لان الحين عدت مرحلة الخطـر وان شاءالله خلال ال24 ساعه بتطلع من الغيبوبه ... وعقب ماسوينا الها الاشاعه عرفنا ان ماعندها اصابات كبيره .. مجرد كدمات ...بس لازم تكون تحت العنايه .......عسب نراقب حالتها ...
......... كانت رمسة الدكتور مثل العسل عليهم ........حسو ان الريم بترجعلهم ... عقب ماحسو انهم بيفقدونها ....
عبيد ترخص منهم عسب يسير يخلص اجاراءات الوفاه ( وفاة كارمي) ....
وسار معاه سعيد .........
ام خليفه : يلا يا هند ...نحن الحين بنترخص وان شاءالله باجر بنييكم ..
هند : في حفظ الله يا ام خليفه ... والله ماتقصرين ...
عاشه : يلا عيل نحن بعد بنسير.. ورانا خط ..وان شاءالله باجر بنكون عندكم
ام خليفه : والله ياام حمدان ماتسيرين دبي لا انتي ولا عيالج .....
هند : افا ياعاشه .. تظربون خط الحين في نص الليالي وبيتي موجود ...
عاشه : خلاص ماعليه .. بنبات عندكم .. والله اخاف من سواقة نص الليل..
الكل ظحك على عاشه ...
سلطان : خلاص يااميه انا بوصلكم بيت قوم خالوه وبرد دبي ...
هند : وليش ان شاءالله بترد دبي ..
سلطان : لا والله مواعد ربيعي باجر الصبح....نسير البر
............. ترخصـت ام خليفـه ونـوف....وعقب شوي.............الدكتور طمنهم على حالة الريم .... وان مافي خطر على حياتها الحين ... هند وعاشه وعلايه وشويخ ....ردو البيت مع سلطان ............وصلهم سلطان ورد دبي ..........عبيد اتاخر لين مارجع البيت لانه كان يخلص اجاراءات كارمي.....
وكان معاه سعيد اخوه .........خلصو الاجراءات وكل واحد رد بيته ...
خليفه هالليله مابات ... وتم طول الليل يفكر باللي استوى ...كل شوي يرد يذكر لو ان الريم .. كانت صدق خلاص اختفت من حياته شو كان بيستوي فيه وكيف كان بيعيش بدونها ...كل مايذكر الموقف يوم انه ابوه يقوله ان الريم توفت ...تهل دموعه غصب عنه ..... بس ان كيف الشمعه طفت وردت نورت مره ثانيه .. كيف ان القدر بقى صامد ...تم كل شوي يحمد ربه انه ستر وحفظ الريــــم ...........لان ماله حياه من غيرها..هي الدنيا بالنسبه له..