©«-.¸¸.-»© ¶ *رابطة المتكممات* ¶© «-.¸¸.-»©

[اميره بكلمتي]

الييوم حسيت اني بذلت مجهوود مو طبيعي رحت اول شي الممشى مشيت ساعتين ونص وبعدها رحت السووق مشيت خلاص حسيت انه رجلي بغت تنكسر من كثر ماامشي

 

[عذبه الصوت]

رد : ©«-.¸¸.-»© ¶ *رابطة المتكممات* ¶© «-.¸¸.-»©

ويه الله يعينج دام تبين تروحين السوق ليش مشيتي مشي السوق كافي ويتعب

 

[اميره بكلمتي]

شسوي فصلت طالعه من ساعه 2 ونص تخيلي تغديت وطلعت وخلصت من الممشى رحت السووق افتر كل هذا ابي جسمي يشد

 

[عذبه الصوت]

رد : ©«-.¸¸.-»© ¶ *رابطة المتكممات* ¶© «-.¸¸.-»©

الله يعيين

في سؤال اليوم يدور بمخي ان شاءالله اذا الله كتب لنا نصيب نقول حق الريال انه مسوين عمليه ؟

 

[عذبه الصوت]

رد : ©«-.¸¸.-»© ¶ *رابطة المتكممات* ¶© «-.¸¸.-»©

انزين ليش ماتشترين من النصر هذيلا حق العظلات تشد الايد ابو 2 كيلو جذي

 

[اميره بكلمتي]

اييي صح هذا كله افكر فيييه مادري احس مالا داعي نقووله ولا انتي شراايج ؟

 

[اميره بكلمتي]

لا انا ماحب شغل العضلات

 

[عذبه الصوت]

رد : ©«-.¸¸.-»© ¶ *رابطة المتكممات* ¶© «-.¸¸.-»©

ماادري خوفج بعدين بعد الزواج وحمل وجذي نروح الطبيب يسألونا يقولون مسوين عمليه ويطيح علينا

 

[اميره بكلمتي]

ماكوووو الا نقووله بعد الزواج بفتره طويله مو من اول الايام

انا عن نفسي ماراح اتكلم اذا سئلني ليش اكل شوي اقووله جسمي قابل للسمنه فلازم اكل شوي عشان ماامتن او اقووله انا ماحب اكل واجد

 

[اميره بكلمتي]

انزين عذبه في دكتوره مستضيفتها المديره اسمها وجدان الشمري ليش ماتسئلينها اذا تعطي نظام غذائي حق العمليات اذا تسوي تابعيها

 

[عذبه الصوت]

رد : ©«-.¸¸.-»© ¶ *رابطة المتكممات* ¶© «-.¸¸.-»©

ماادري والله اصلا انا موقاعده اكل شي ثقيل للحين على الهريس والجريش والسوائل ومن فتره لفتره اكل توست وجبن

 

[اميره بكلمتي]

تلقينها بقسم السمنه والنحاافه

 

[اميره بكلمتي]

ماتلكلين بسااكيت او دايجستيف لايت ترا هم زين يعني تاكلينها بحزة الضحى او المغرب تأدي غرض

 

[عذبه الصوت]

رد : ©«-.¸¸.-»© ¶ *رابطة المتكممات* ¶© «-.¸¸.-»©

يبتلج نظام من منتدى دكتور سلطان الشباب كانوا مسوينه على مسابقه


النظام الاسبوع الاول




الأسبوع الأول:
استعد لفكرة تناول الكثير من الخضر والبروتين مع تقليل النشويات. تدرج في ذلك لكي
لا تصاب بالانتفاخ.
الإفطار موحد:حليب خالي الدسم+ ملعقة صغيرة عسل.+زنجبيل
السبت:
الغداء:-
أي نوع من السلطة بدون زيت.- وبعد ساعه دجاج مشوي “صدر دجاج
العشاء:
شوربة خضار+ بعد ساعتين حبه توست اسمرمع جبن لايت

الأحد:
الغداء:- 3 ملاعق أرز مسلوق+ وبعد ساعه سمك مشوي
العشاء:- عصير فواكه طازج ويفضل يكون كيوي واناناس
الاثنين:
الغداء:- خضار مسلوق+ وبعد ساعه 2 قطعة ستيك مشوية.
ا
لعشاء: – سلطة تونة
الثلاثاء:





الغداء:- طبق خضار مسلوقه
العشاء: – 2 ثمرة فاكهة متوسطة الحجم.

الأربعاء:
الغداء:- تونة موجوده بالاسواق بماءيعني بدون زيوت + بعد ساعه سلطة خضراء.
العشاء:- 2 بيضة مسلوقة
الخميس :

الغداء:- خضار مسلوق+ بعد ساعه ستيك مشوي
لعشاء:- حليب خالي الدسم كوب واحد.- 2 ثمرة فاكهة.
الجمعة:

الغداء:- صدر دجاج مشوي+ بعد ساعه سلطة خضرا ء+ وبعد ساعتين2 ثمرة فاكهة.
العشاء:- كوب عصير برتقال أو ثمرة برتقال.

هذا رجيم جبته لكم من النت وعدلته عشان يناسب المتكممين
وابي منكم اللي يجوع عليه بالخس والخيار
والابتعاد عن الملح وتقليله قدر المستطاع
وعليكم بالاكثار من الشغلات اللي تزود الحرق مثل الزنجبيل وبالذات قبل الرياضه
اشربو مغلي الزنجبيل هالشغله مجربها
وعليكم بعصير الكيوي والاناناس
والاكثار من شرب الماء
وابعدوا عن المنجا والموز والجزر
والرياضه ياليت تكون بدايتنا ساعه باليوم
واللي يزود ممتاز
ونصيحه اشربو كاسين ماء دافي على الريق
هذا الرجيم يناسب من تجاوز الشهرين بس

===============


الاسبوع الثاني



الأسبوع الثاني:



ستلاحظون في هذا الأسبوع وبعد أن تناولت الأغذية المخصصة للأسبوع الماضي أنك بدأت

تفقد الكثير من السوائل في جسمك وهذا يجعلك تشعربأنك أخف وزناً.
شجع هذه العملية بالحرص على تناول الكثير من الماء خصوصاً بين الوجبات ويفضل أن
يكون الماء بارداً لكونه يتطلب المزيد من السعرات الحرارية.
الإفطار موحد:- عصير فواكه طبيعية.
السبت :
الغداء:- خضار مسلوق+ بعد ساعتين بيضه مسلوقه
.العشاء: – 2 ثمرة فاكهة.

الأحد :

الغداء:- 3ملاعق مكرونةاو خضار مسلوقه
العشاء:- حليب خالي الدسم+ ثمرة فاكهة.

الاثنين:

الغداء:- سلطة خضراء+ بعد ساعتين صدر دجاج مشوي.-
.العشاء: – سلطة تونة بدون زيت.-
ثمرة تفاح متوسطة الحجم.

الثلاثاء:



الغداء:- خضار مسلوق+ بعد ساعتين 2 توست ريجيم.
العشاء:- سلطة فواكه.

الأربعاء :

الغداء:- سمك مشوي+ بعد ساعتين سلطة خضراء.
العشاء:- سلطة فواكه.

الخميس :
الغداء: 3 ملاعق أرز+ بعد ساعتين سلطة خضراء
.العشاء:- عصير فواكه طازج.

الجمعة
الغداء:- سمك مشوي+ بعد ساعتين سلطة خضراء.
العشاء: – عصير فواكه طازج.

 

[عذبه الصوت]

رد : ©«-.¸¸.-»© ¶ *رابطة المتكممات* ¶© «-.¸¸.-»©

لا والله مااشتهي الاكل كلش

 

[اميره بكلمتي]

حلوو النظام عييل اذا عجبج اخذي منهم واصلا الدكتوور سلطان غني عن التعريف

نفسي نفسيتي دايم مسدووده عاد ماخلصت من الممشى لقيت امي ماخذه معاها بسكووت اجبرتني لازم اكل منه شوي اكلت بس حبه وحده

لان سبحان الله الدكتور شاال غده الجوع واهي قبل تخلينا دايم ناكل واما بعد ماشالها مانحس بالجوع نهائيا

 

[عذبه الصوت]

رد : ©«-.¸¸.-»© ¶ *رابطة المتكممات* ¶© «-.¸¸.-»©

اي حمدلله افتكينا من اليوع

 

[اميره بكلمتي]

ايي والله اهو اللي مسببلنا الشرااهه بالاكل

 

[عذبه الصوت]

رد : ©«-.¸¸.-»© ¶ *رابطة المتكممات* ¶© «-.¸¸.-»©

ودي انام واقعد اشوف نفسي خلاص ضعيفه وجسمي مشدود

 

[اميره بكلمتي]

تصدقين وحده ويااي بالمدرسه سئلتني قاالت انتي ضعفانه عن قبل شنوو ريجيمج ؟

قلت مخففه عن الغدا والريووق كله خفيف اما العشا نهائيا ماتعشى عاد قالت انا اتفنن بالعشا اقدر استغنى عن الغدا والريووق اما العشا مستحييل استغنى عنه

قلت هذا نظامي بالاكل عاد ماقلتلهم اني مسويه عمليه خوفج الخبر ينتشر بالمدرسه ومو ناقصه