©«-.¸¸.-»© ¶ *رابطة المتكممات* ¶© «-.¸¸.-»© الجزء الثاني

[اوووفه]

مرحبا
الحنونه ومشاعر مشكورين ما قصدتوا انتو والبنات والله استفدت منكم حيل
الحنونه انا بعد عند الدكتور خالد بس بسالك الروب واللبن متي اشربهم
باول اسبوع عادي
بنات عوار بالقفص الصدري فوق معدتي بالضبط ما ادري شسوي هذي هي الغازات

 

[كرستاالة]

اووفه حمدالله على السلامة حبيبتي ....انا عمليتي بكره عند خالد العنزي واللة ميته من الخوف حبيبتي ابي اعرف حسيتي بشي وأبي التفاصيل كلها وتنصحيني بالعملية ولا لا...وشنو رايج بالدكتور

 

[al7nooona]

مرحبا
الحنونه ومشاعر مشكورين ما قصدتوا انتو والبنات والله استفدت منكم حيل
الحنونه انا بعد عند الدكتور خالد بس بسالك الروب واللبن متي اشربهم
باول اسبوع عادي
بنات عوار بالقفص الصدري فوق معدتي بالضبط ما ادري شسوي هذي هي الغازات

هلا حبيبتي

اي عادي باول اسبوووع بس خالي الدسسسسم ... وبالنسبه للعوار والغازات مالج غير المشييي

تمشي شوي شوووي وان شاءالله بتصيرين احسن

 

[al7nooona]

اسمله عليج يالغاليه
ماعليه خليه يثبت شوي انا مثلج كنت اعاني وطنشته
انتي اهم شي امشي علي النظام بالظبط وتحركي كثر ماتقدرين راح ينزل ان شاء الله

وترا جسم لي جسم في فرق يعني في اجسام بسرعه تنزل وفي لا ...وهذا كلام الدكتور لي اخر مره..
ونصيحه مني كل اسبوعين وقفي مره علي الميزان ..

لاتحاتين يالغاليه :eh_s(7):

ان شاءالله ينزززل:bbbiu:

عاد انا تقريبا يوميا ع الميزان ابي اشووف جم نزلت بس خلاص ما راح اوقف عليه الا كل اسبوعين وبمشي على شووورج :eh_s(7):

عاد هالاسبوعين كثر ما قدرت قاعده امشي ع النظام وشوي قاعد امشي

وحتى اليوم عندي موعد مع اخصائية التغذيه بس اجلته للاربعا مره وحده عندي موعد ويا الدكتور


والله كرررريم

 

[أم مـنـ*ـار]

الف الحمدلله عي سلامتك لاباس طهور ان شاء الله اني احاتيك من امس وادعي لك الله يسهل عليك اهم شئ التزمي بالتعليمات الله لا يضيع لك تعب حاول تلتزمين عند اخصائية تغذيه وطبقي التعليمات

 

[FullyFully]

باركوووولي يا بنااااااات الحمــــــــــدلله الف الحمد لك يا رب
حرقة معدتي والحارج اللي كان فيني راح بعد ماستعملت الحبوب ووصرت اكل اللي ابيه من غير محاتات ولا تعب كل مرة اللي كنت اشوف الويــــل منه , كنت حابة احطلكم صورته بس موراضي يصير معاي او اني ماني عارفتله عالعمووووم اسمهم الحبوب nexium pill 40 mg العلبة لونها بنفسجي

 

[المستغفرة 74]

اشكر كل البنات الي سالت عني والا ماسالت ماقصرتوا حبايبي صج حسيتكم مثل خواتي
بنات ذبحني عزكم الله البلغم وما اقدر اقح حيل عشان اطلعه مع اني مسويه قيصريه من قبل ما صار معاي جذي من فيكم صارلها نفسي

الحمدلله على سلامتج امس احاتيج وادعيلج
:eh_s(17):

 

[بالمشمش]

وااااي تعبت من الميزان صارت عندي عقده منه الوزن مو راضي يتحرك ثااابت

والمشكله تقريبا كل يوم اوقف عليييييه


بنات جاوبوني الله يخليكم المفروض والطبيعي بالاسبوعين جم المفروض ننزل تقريبا ؟؟؟؟؟؟؟؟؟

الحنونه
حبيبتي شي عادي الوزن يثبت د خالد العنزي يقول لان الجسم قاعد يعيد ترتيب نفسه فلا يضيق خلقج كلنا جذي

 

[al7nooona]

الحنونه
حبيبتي شي عادي الوزن يثبت د خالد العنزي يقول لان الجسم قاعد يعيد ترتيب نفسه فلا يضيق خلقج كلنا جذي

طمنتيني يالغالية دام الدكتور يقول جذي

انا اللي مخوفني اني ما استفيد من العمليه وايييد ويثبت هالوزن ولا ينزل:eh_s(2):


عاد موعدي ويا الدكتور خالد يوم الاربعا ... بس قبل اسبوعين يوم رحت موعدي عند سماح كنت نازله بس 3 كيلوات باسبوعين (المهروس) قالت المفروض اكثررر وقالت بدنا همه ولا اشكيك للدكتور خالد


شسوي يعني ما دري :eh_s(4)::eh_s(4)::eh_s(4):

 

[بالمشمش]

طمنتيني يالغالية دام الدكتور يقول جذي

انا اللي مخوفني اني ما استفيد من العمليه وايييد ويثبت هالوزن ولا ينزل:eh_s(2):


عاد موعدي ويا الدكتور خالد يوم الاربعا ... بس قبل اسبوعين يوم رحت موعدي عند سماح كنت نازله بس 3 كيلوات باسبوعين (المهروس) قالت المفروض اكثررر وقالت بدنا همه ولا اشكيك للدكتور خالد


شسوي يعني ما دري :eh_s(4)::eh_s(4)::eh_s(4):

انا يوم راجعت عند سماح نزلت 3 ونص في شهر ونفس الشي قالت لي لازم تنزلين اكثر بس الدكتور طمني وقال لي عادي لان هذا الشي غريب على الجسم وعلى قولته قاعد يعيد ترتيب نفسه
go hed

 

[اوووفه]

الف الحمدلله عي سلامتك لاباس طهور ان شاء الله اني احاتيك من امس وادعي لك الله يسهل عليك اهم شئ التزمي بالتعليمات الله لا يضيع لك تعب حاول تلتزمين عند اخصائية تغذيه وطبقي التعليمات

حبيبتي ام منار ماتحاتين غالي يالغاليه
واالله انا علمت خواتي وحسيتكم بسوالكم عني ودعاكم لي مثل خواتي واكثر

 

[اوووفه]

كرستاله توكلي علي الله وسويها بس اهم شي تكون نفسيتك وغزيمتك قويه دشي وانت عندك رغبه بالتغيير للاحسن وانك ماله من جسمك وتذكري الرشاقه واللبس وصحتك بالاول وانت راح تدخلين العمايات وانت ملبتسمه
اما بالنسبه لدكتور رووووووعه شويه عليه والله والله طبعا بعد الله والتوكل عليه ثم الدكتور خالد الحمدلله احس انه اختيار الدكتور من اسباب نجاح العمليه وانك ما تحسين بالم وعوار واجد مثل ما سمعت من باقي المتكممات مثل دمع القلوب حرام اتعبت انا الحمد لله وقولوا ماشاءالله حسيت بعوار بسيط اقدر اتحمله انا الساعه ٨ قمت وتوضيت وصليت وبعدين مشيت اشوي ونمت
انت اول ما تطلعين من العمليع يعطونك مسكن وابرة سيوله وجهاز داخله ٣ كور مثل اللعبه عشان تشفطين نفس وطلعين البلغم اذا فيك وثاني يوم يمرك الدكتور وقبل اا ينزلونك الغرفه هم يشوفك
انت قوليله انت من طرف العنزيه الي السبت سويتلها العمليه الدكتور روعه ونفسه حلوه كله يضحك معاي ويحسسني ان الامر سهاله وان شالله انت سهاله

 

[اوووفه]

الحمدلله على سلامتج امس احاتيج وادعيلج
:eh_s(17):

بعد قلبي جزااك الله خير ماتحاتين. غالي
بفضل دعاكم خواتي حبيباتي الحمدالله تسهلت اموري الفال لكم تضعفون بصحه وعافيه

 

[وعد2006]

اوووووووفه
الف الف الف الحمدلله على سلامتج يا الغلا وعسى ربي يخليج لعيالج ويخلي عيالج لج انشالله
بالنسبه حق البلغم حاولي اطلعينه شوي شوي عشان ماتعورج العمليه
ونصييييييحه لا تطيعين نفسج مره وتخربطين بالكل ولا والله ماراح تمسكين نفسج بعدين وهذي نصيحة مجرب وانا اختج

 

[كرستاالة]

اوووفه تسلمين يا الغالية ...والله اني كنت مرتبكة حيل وخايفة ومن امس اتقلب في لفراش ما قدرت انام ورحت الدوام ولما رديت ما قدرت انام ويوم شفت عيالي بكيت وبسرعه رحت الحمام قلت خل اتسبح علشان ما يحسون بشي .... والعصر ما قدرت انام من الخوف المشكلة ما اقدر اشكي لامي اخاف تحسفني .... والله انج ريحتيني يا الغالية وما قصرتي واللة يجزاج الف خير وتكونين في احسن صحة وعافية ......بنات احنى نبي نشجع بعض ما نخوف بعض خصوصا ان بعض البنات مسويتها ما حد يعرف ..... والاهل من خوفهم علينا يحبطون ....... ومشكورة أورومية على التشجيع والله كل ما حس بالخوف ارد اقرا اللي كتبتيه ....اليوم دقت علي سكرتيرة الدكتور خالد وقالت لازم ادشين بالليل والعملية بكره الساعة٨....لدعوتي بنات....واللة كل ما شوف عيالي نزلت دمعتي.....وقول شكلي بهون عنها

 

[وعد2006]

كرستاله لا تخافين ولا شي العمليه سهله والدكتور خالد ماشالله عليه معروووووف بشطارته فانتي بيد امينه انشالله
والله يا كرستاله اني سويت العمليه واهلي مايدرون و ماتحسفت لا تحاتين انشالله ربي يسهلها لج

 

[اوووفه]

اوووووووفه
الف الف الف الحمدلله على سلامتج يا الغلا وعسى ربي يخليج لعيالج ويخلي عيالج لج انشالله
بالنسبه حق البلغم حاولي اطلعينه شوي شوي عشان ماتعورج العمليه
ونصييييييحه لا تطيعين نفسج مره وتخربطين بالكل ولا والله ماراح تمسكين نفسج بعدين وهذي نصيحة مجرب وانا اختج

بعد قلبي وعد جزاك الف خير ماقصرتي وانشالله تضعفين بصحه وعافيه وما تعتازين العمليه الثانيه
ان شالله بسمع نصيحك انا ماعرضت نفسي للخطر وتركت عيالي والدي المريض الا عشان اضعف وافتك من المتن وعوار الظهر والركب
فاللكم الرشاقه

 

[وعد2006]

ياقلبييييي
متى تطلعين انشالله

 

[اوووفه]

بنات مرتني من شوي البورتر الي توزع الاكل للمرضي الي بجنبي واي يحلات ريحته اشتهيت اكل جني استعجلت بالعمليه الاكل لذيذ

 

[وعد2006]

هههههههههه اووووووفه
والله حاسه فيج امسكي نفسج