سما كلامج وايد خرعني
لان ابو صديقه قبل سنتين بغى يموت وقعد بفرنسا كم شهر
ولاعندنا وحده توفت الله يرحمها
وواحد امي تعرفه يغير بعد اسبوع اكل وانبطت معدته الله يرحمه
انا وايد عندي اسأله ابالي صج انها شويه غبيه بس ودي اسأل الدكتور عنها مثل ما قلتي يعني يمكن تنبط المعده او يصير نزيف او يقصونها اكثر من المطلوب او او شنو بيكون نتيجت هل اشياء ؟؟ بس استحيت اسأله والحين مليون فكره وفكره براسي ودي اقعد وياه عشان ارتاااح من الافكار اللي تيي براسي
للامانه حبيبتي
الثلاث حالات اللي قلت عنها كانت كلها قبل سنتين تقريبا
الا وحده بحدود السنة والعيب من الدكتور
عشان جدي اقول لكم لازم الدكتور شاطر
وانا عن نفسي لو رد فيني الزمن ماراح اسوي الا عند الهيفي او خالد العنزي
لان ماشاء الله ما سمعت ولا مره ان صارت عندهم حالات خطره
الحين الخياطين خياطين الملابس كلهم مثل بعض !؟
طبعا لا !
فيه زين وقصته مره وحده ما يحتاج تصليحات
وفيه اللي ما يفيد فيها التصليحات لو مليون مره
المعدة جذي بيقصونها ويخيطونها
فيه دكاتره يخافون يقصون بالمقاس العالمي فيزيدون شويه وهالشويه هذي تخليج من تطلعين من العمليه بعد يومين تخسين بالجوع لان ما قص عدل ، خلى اكثر من اللازم ومافصه
وغير جذي
ان ما يخيط عقب الكبس بجهاز الكبس اللي هو جهاز التكميم
او يخيط شويه او يخيط واجد بس ما يخيط 100٪
قبل كم يوم بتويتر خالد العنزي يتكلم عن الخياطة التغليفية اتوقع بدا يسويها
مثل الهيفي
فانا عن نفسي وامام الله اللي يسالني بنصحه بهالثنين لاني متاكده انهم ممازين
الباقي يمكن زينين لكن ما اعرفهم ما اظلمهم
لكن ما انصح بنصيحةالله يحاسبني عليها الا على شي اعرفه
لكن كذلك ان العمليه صار لها فتره
حتى اللي كان توه متعلمها صار الحين احسن
اهم شي الاستخارة
من استخار الله ماخاب
والاتكال عليه
كل شي يصيب الانسان الله كاتبه له
انا من ضمن الدوافع اللي امي خلتها تقتنع في العمليه وانا بعد ارتحت اكثر
لما توفت عندنا وحده الله يرحمها عمرها 11 سنه بفراشها قوموها للمدرسه ما قامت
لا هي مريضه ولا حتى فيها كحه
ما فيها الا العافيه جاها الموت بفراشها
ولا حتى حادث سيارة
ابد بفراشها !
الله يرحمها ويصبر اهلها
الموت بيد رب العالمين
محدد لا نقدر نقدم ساعه ولا ناخر ساعه
ولا له اسباب
يا مرضى سنين مالهم علاج
ماتوا عيالهم وهم عايشين
نتوقع يموتون باي لحظه وما يموتون
ويموت اللي ما توقعناه
لو كان المرض علامة من علامات الموت ماكان فيه مستشفيات ولا طب
وراج دب
اهم شي التوكل على الله
والله كريم
