سلام عليكم خواتي المتكمكمات ... ( :
عشت معاكم أيام قريت فيها أحوالكم .. حسيت بمشاعركم .. عشت فيها تجاربكم .. فودي أشاركم .. إذا تسمحون لي أنضم لكم
في البداية أحب أقول للي
وزنه نزل >>> بالبركة عليكم وفالكم الصحة والرشاقة (على قولة نورة سعد - وايد حلوة مقولتها وكل من قالها)
توه مسوي العملية >>> ألف الحمدالله على السلامة
للتعبانة .. سخونة / امساك / حايشها أي عوار >>> ما تشوفين شر .. أجر وعافية
ناوية تسوي العملية بس مترددة >>> توكلي على الواحد القهار وطلعي من ظلمات البدانة .. شوفي الصحة كيف بتصير
إللي ودها تسويها بس أهلها مو موافقين >>> الصبر مفتاح الفرج وكل تأخيرة فيها خيرة لا تزعلين .. بالنهاية إللي الله قاسمه لك بصير
---------------------------
عندي وايد أسئلة بطرحها تالي ... وأتمني يكون عندكم سعة صدر كافيه وألقى لها جواب من تجاربكم الرائعة
بس السؤال إللي ما أقدر أأجله ويطرح نفسه اهو أن:
من أسباب اتخاذ قرار اتمام العملية بالنسبة لي وأكيد لمعظمكم >>> هو التخلص النهائي من أنظمة الدايت ومشتقاتها
ولكني رأيت الكثير منكم يتبع نظام معين ... فهل ذلك فى بداية الأشهر الأولى من العملية فقط؟ وإن كنت من النوع الغير صبور
كيف لي أن أنتظم لمدة أكثر من شهر دون تناول ما يحبه قلبي ولو بكمية بسيطة؟
الله يتمم عليكم وفالكم الرشاقه 
