بالنسبه للمهروس انتي صح انا توني راده من دكتورة التغذية بالاميري وعطتني نظام المهروس ابتدي فيه من اليوم انا مسوية العملية يوم 10/10/2011 قالتلي كل 3 ساعات اكل 3 قفشات مهروس سواء عيش او معكرونه او دياي مسحب او سمج او تونا يريش هريس وطبعا شوربات ثقيلة مثل العدس و الشوفان بس ما اخلط الشوربات مع الاكل حذرتني . عطتني هالنظام لمدة شهر والله يسهل يارب انا وزني صارله اسبوع واقف قالتلي امشي واشربي ماي وان شاء الله بينزل لا تحاتين .
هلا صديقة مشواري التكممي
اي الدكتور قال لي ابدي بالمهروس
بس انا شكلي كثرت وصدمت معدتي
مع انه نبه علي اني اكل قفشه او قفشتين بس
بس ما حسيت بنفسي واكلت اربع لقمات !
الحين باكل بعد شوي جريش وباضربه بالخلاط واشخله بمشخال
لاني هذا اللي قالته لي سكرتيرة الدكتور
تقول للحين انتي ما وصلتي لمرحلة الاكل العادي
الجريش لازم تضربينه بالخلاط وتشخلينه بمشخال
بعد شوي ان شاء الله باكل والله يعين
صار لي يومين الحين من المهروس
ومن بديت فيه وانا صايره تحوشني دوخة ما دري ليش
يمكن من اكلت بديت انسى الماي !
شربت يمكن بس نص بطل ماي المتوسط
الله يوفق الجميع ويعيننا
وننزل بصحة وعافية ورشاقة وسعادة
