©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[مذهلة 78]

هلا مذهله اشلونج وشخبارج ياه ايام تذكرين لما سويناها مع بعض ونتحلطم وحالتنا حاله الحمدلله اليوم تغير وضعنا وصرنا احسن صج ذكري

بس حبيبتي الابر هذي شريتيها من بري او المستوصف يعطيج اياها لان انا شعري يخرع خلاص مابقي شي ضايق خلقي حيل عليه
وجهي بعد صار مصوفر وكلش مافي حياه كل من شافني يقولي شكلج مريضه

ماتعرفون مكان ودكتور زين نطق عنده ابر النظاره او تفخ خدود

ايي والله كانت ايام وللحين مسلسل التحلطم شغال وانا اختج :d

الحمدلله صحتي بدت تتحسن واكلي بعد والحمدلله ان الترجيع وقف والغصه راااااحت :d

حبيبتي الابر صرفهم لي الدكتور من المستشفى ما شريتهم وانا اطقهم بالمستوصف انشالله مراجعتي اليايه اسئله عن اسمهم

 

[لوولووة]

تكفين مذهله اسم الابر.
وابي اعرف متي نوقف طحن الدوا زهقت طعمه مر

 

[الريم30]

انا تميت شهر لطحن الجبه واشربهاً بس ترا وايد زينه للمعدهً تغلفهاً وتخففً الحموضهً ولابرهً كانت فيتامين دال انا اذكر قلت حق الدكتور شوي فيني رجفهً قام وعطانيً اياهم ثلاث ابر يوم وترك خذيتهًمن بالمستوصف

 

[الريم30]

مافي وقت والكسل امبدعهً معاي حته مشي مالي مزاج

 

[نبض الغلآ]

بنااااااااااااااااااااااااااااااااااااااااااااااااات اجرمت في عمري

انا لي اللحين 12 وتهورة واكلت ملعقتين جريش تندمت مااقدروو يدشون في معدتي استفرغهم ولا شسوي اخاف تنفتح معدتي
ااااااااااااااااااااااااااااااااااااااه

 

[تيناا]

نبض الغلا تهورت قبلج ان شاء الله ما يصير شي بس لا تعيدينها باقي يومين و ندش بالمهروس

 

[نبض الغلآ]

تينااا معدتي قامت تطلع اصواات نفس الهواء او مدري شنوو اخااف تبطلت,,اااااااه

تووووبه والله توووبه

 

[لوولووة]

انا شربت يقمتين لبن عصرت عمري ونمت قام تطلع اصوات عادي اذا تبطلت بعيد الشر حرارة وتعب يحوشج
تينا متي سويتيها

 

[تيناا]

عادي صارت معاي حبيبتي اسم الله عليج ان شاء الله ما تبطلت و لاشي بس ديري بالج . انت حاطه المادة اللاصقة بعد التدبيس بالعملية ؟ ولا لا

 

[تيناا]

لولو اللبن مسموح واخصائية التغذية قالتلي يمكن يكون ثقيل على المعده بس انا شفته عادي .انا سويت العملية يوم 10-10-2011

 

[نبض الغلآ]

الله يطمنج لوولووة

تيناا شنوو الماده اللاصقه مااقال لي الدكتور عنهاا شي؟؟؟

 

[تيناا]

انا دكتوري قالي هذي مادة جديدة تحمي من التسريب اكثر اذا تبينها اشتريها هي اختيارية و نص اللي يسوون العملية ما يحطونها وفي بعضهم يحطها زيادةحماية سعرها 400 دينار انا حطيتها

 

[اميره بكلمتي]

تينااا معدتي قامت تطلع اصواات نفس الهواء او مدري شنوو اخااف تبطلت,,اااااااه

تووووبه والله توووبه

لاعادي شكو ماتبطلت انتي عشان معدتج فاضيه من الاكل عشان جذي تطلع اصوات لاتخافين

 

[اميره بكلمتي]

مشكورين على الموضوع الرائع​

الاسم: ام خالد
الطول: 154
الوزن قبل العملية:94
معدل النزول والمدة : ليلحين نازلة كيلو واحد
تاريخ اجراء العملية : 2011/10/20
اسم الدكتور : الدكتور الرائع محمد العجمي
التكلفة : 2800
النتائج الايجابية للعملية : ليلحين احس بألم صوب المعدة
النتائج السلبية للعملية : دوخة وترجيع​

بالتوفيق حق اللي بيسوونها​

مساء الخير
شخباركم ان شاءالله بخير
مبرووووووووك المتكممات الجدد فالكم الرشاقه يارب
ومبروك المتكممات القدم هالنزول الحلو موفقين يارب وفالكم الوصول لهدفكم يارب

نبذه عني للمتكممات اليدد

الاسم new-life
الوزن قبل العمليه ٨٠
الطول ١٤٨الى١٥٠ ماني متأكده كل ساع قياس ومرات ١٤٧
الزول ١٤.٥ حده بطيئ
مسويه العمليه في ٥-٧-٢٠١١ من ثلاث شهور ونص
كنت امشي والحين بطلت قمة الإهمال
مشيت اول شهر بس
سويتها عند الدكتور موسى خورشيد
في السلام وكلفتني ٣٠٠٨ دك

الحمدالله على سلامتكم وفاالكم الرشاقه

 

[نورة سعد]

فالكم الرشاقة يا بنات
انا ببدا في المهروس بكرا واحب الحوار ينفع ولا خطر علي ؟



فالنا الرشاقة والصحة ياربّ ..

 

[نبض الغلآ]

بنات هذا النظام اللي ابي امشي عليه اخذته من منتدى الدكتور سلطان التمياط

أفضل نظام غذائي للدكتور عبدالرحمن سالم


أخواني أوخواتي اعضاء المنتدى الغالي اقدم لكم افضل برنامج غذائي للمتكممين الجدد وهذا من وجه نظري
يعتمد هذا النظام على المراحل الستة اي ستة اسابيع وهو مريح للمعده ويعتمد على التدريج في تعويد المعده على تقبل الحياه الجديده لها

قاعدهـ عامه .. ونقاط مهمه جداً


لابد أن يحصل الإرتواء


وذلك بشرب 3 لتر يومياً .. منوعه بين الماء والسوائل الأخرى
الشرب يكون رشفه رشفه .. وعلى مدار اليوم الكأس باليد



علامات الإرتواء //


1 اللسان يكون رطب .. عدم وجود نشوفه

2 التبول بكثرهـ .. أعزكم الله .. من 5 إلى 6 مرات يومياً
ويكون لونه شفاف غير غامق



تحذير:
نقطه مهمه جداً وقاعدهـ ثابته




عدم الأكل والشرب في وقت واحد

لأن المعدهـ صغيرهـ .. ولو تم الشرب والأكل في نفس الوقت
لن يوجد متسع للأكل .. فالشراب يضغط على المساحه المتاحه للأكل


الشرب يكون قبل الأكل أو بعدهـ .. من نص ساعه إلى ساعه
حسب قدرة المتكمم وتقديرهـ لحجم معدته واستيعابها
وذلك يتم التعرف عليه بالتدريج مع الوقت




النــظـــــــام




الأسبوع الأول


سوائل شفافه ( مالح + حالي )

أي كل ماهو شفاف ترى من خلاله .. أو بكثافة الشفاف .. كالقهوهـ


حالي ( عصير التفاح + عصير العنب )

ولا نفضل الحوامض في البدايه تجنباً للحموضه اللتي قد تصاحبك


مالح ( مرقة الدجاج ) تحضر في المنزل .. وهي مرقه شفافه
يمكن اضافة منكهات بسيطه .. كالملح .. وبهارات بسيطه
لكن كبدايه نُفضل عدم الإكثار من المنكهات .. تجنباً للحموضه

مالح ( الشوربات الجاهزهـ الشفافه مثل اكنور + ماجي )
وتوجد تحت مسمى شوربة خضار + شوربة الشعيريه بالدجاج
مهم يتم تصفيتها بالمشخاله من أي جسم صلب ونكتفي فقط بالسائل الشفاف



شاهي + نعناع + ينسون = يتم تصفيتهم من أي أوراق مهم



الجلي الجلو .. يعتبر من السوائل الشفافه
يمكنك تناوله مع الحرص على المضغ الجيد .. الإذابه ثم البلع



جميع السوائل الشفافه يمكنك اضافة السكر عليها ان احببت
سكر طبيعي أو عسل طبيعي
أو من يفضلون السكر الدايت ننصح بسكر .. سبليندا splinda
ويوجد في السوبرماركت .. بندهـ .. السيفوي .. محلات دايت شوب



في الفترهـ الأولى الشهر الأول

يكون تركيزنا على التعافي أكثر
الوزن سيتم فقدهـ .. تدريجياً ان شاء الله
لذلك لا يتم التركيز كثيراً على عدد السعرات الموجودهـ بين السكر العادي والدايت
فمجموع ما يستقبله الإنسان المتكمم من سعرات حراريه
قليل جداً في الشهر الأول أي أن النزول سيتم في جميع الأحول .. ان شاء الله







الأسبوع الثاني



سوائل بكثافة الحليب


أي سائل بكثافة الحليب ممكن شربه

تخفيف الشوربه البيضاء إلى أن تصل بكثافة الحليب

أي نوع من أنواع الحليب مخلوط بأي نكهه ممكن شربه

شاي بالحليب + كابتشينو + موكا + حليب بالشكولاته + فراوله وغيرهـ

كذلك يوجد الدايت من هذهـ السوائل .. إن كنت تفضله
يوجد في أقسام الدايت بالسوبرماركت + دايت شوب

ويوجد العادي بالتأكيد في أي سوبرماركت




الأسبوع الثالث



سوائل بكثافة اللبن


أي سائل بكثافة اللبن ممكن شربه
الكثير من المتكممين يفضلون اللبن قليل الدسم لأنه أخف من الكامل الدسم



العصائر .. يمكننا الدخول بـ عصائر بسماكة اللبن
مثل عصير المنقى المصفى + الحليب بالموز + الكوكتيل الخفيف



الشوربات .. نبدأ الدخول بالأسمك قليلاً
شوربة الحليب الأثقل قوامها كاللبن
شوربة كويكر + شوربة العدس الخفيفه


مالح ( الشوربات الجاهزهـ .. مثل اكنور + ماجي )
وتوجد تحت مسمى شوربة كريمة + شوربة مشروم + شوربة خضار .. وغيرهم
مهم يتم تصفيتها بالمشخاله من أي جسم صلب ونكتفي فقط بالسائل



الأيس كريم .. يوجد الدايت بمحلات دايت شوب + باسكن + كون زون + السيفوي
وبإمكانك أخذ الأيس كريم العادي + الميلك شيك أيضاً


مع مراعاة إذابة الأيس كريم جيداً بالفم .. وبعد ذلك يتم البلع






الأسبوع الرابع



كثافة الزبادي


أي شيء بكثافة الزبادي يمكنك أكله

مثل المهلبيه + الكريمه + تيراميسو = توجد في محلات دايت شوب جاهزهـ

الشوربات الأثقل لكن بدون جسم صلب

الفول المهروس جيداً .. بحيث يصبح بكثافة الزبادي

الملوخيه المفرومه فرم جيد .. سائله بدون قطع ورق كبيرهـ




الأسبوع الخامس



الأكل المهروس


سليق + جريش + البطاطس المهروسه = ماش بوتيتو + اللبنه + الحمص
تغميس الشابورهـ والتوست جيداً بالحليب او الشاي والمضغ الجيد لها
والخيارات كثيرهـ جدا ً .. في مرحلة المهروس





الأسبوع السادس



أنت وأنتِ أطباء أنفسكم .. نبدأ بمرحلة تجريب الأكل العادي

وهو يختلف من إنسان لآخر في تقبل الأكل واستصاغة نوع من نوع آخر


أمثله ( اللحمه المفرومه + السمك المطهو جيداً + الخضار المطبوخه جيداً )

التجريب والتجريب إلى أن تصل مع نفسك إلى الشعور بالارتياح مع نوعية غذائك الجديدهـ


هذا النظام اعطاني الدكتور نسخة منه وهو موجود في منتدى اخر وحبيت انقلة لكم لتعم الفائده للجميع​

 

[نبض الغلآ]

شرايكم بناات فيه انا حرمت ابلع شي تووبه مع ان معدتي جهة اليسار ذابحتني بناات وسوست

 

[لوولووة]

لولو اللبن مسموح واخصائية التغذية قالتلي يمكن يكون ثقيل على المعده بس انا شفته عادي .انا سويت العملية يوم 10-10-2011

انا بعد سويتها 10/10/2011
بس تو الناس عبي المهروس الحين شوربه مطحونه اي شي ينحط بكوب بس المهروس بعد 20 يوم

 

[لوولووة]

حبيبتي اخذي حبة المعده وشربي بندول مال الاطفال عطاني الدكتور حق وقت اللزوم والله يشافيج قلبونه

 

[om-3abodey]

لوولووة وتينا شكثر نزلتو