¨`•.¸¸.جميله وبندر¨`•.¸¸.

[راعية مذهب]

يا حلو يومن عرفته به وقابلته
احلى الصدف فالعمركله والازماني .¸¸.•¨



جميله من أين أتيت ؟
أنا فتاة ..
أنا فتاة ..
أنا فتاة ..
( تصرخ بعالي صوتها أنا فتاة ..)
أكتب لكم هذه القصه التي تعبر عن فتاة تبحث عن نفسها بين انحاء الكون ..
لا تستغربوا هذا الطرح المليئ بالتساؤلات ..
نعم هناك أناس لا يعرفوا أين هم بل لا يعلموا عن أنفسهم شيئا ..

جميله فتاة عاشت طفوله مليئه بالحزن ,جميله تلك الفتاة التي لم يجعل لها أحد مجال بأن تخوض مجالات الحوار واللعب مع الاطفال والمنافسات بين الفتيات بالخياطه والرسم وحتى الطبخ ,,
كانت والدتها لا تحب الفتيات بسبب تعرضت له ,
ووالدها الذي كان يتشائم من الفتيات بأنهم هما على القلب
وكان هناك ما يزيد النار اشتعالا ,,اختها التي جلبت لهم عار ( الخاله) بسبب فعلتها الفاضحه مع احد الشبان المتمردين ,,
((جميله ضحيه للماضي )) أكتبها بقلمي لكي يقرأها الجميع ويفهم ما في نفس تلك الفتاة التي تعيش في بيت مع خمسة اخوه ,,
وهي اكبر ابنه لوالديها ..
<< تنبيه : راح اكمل بالعاميه لانها اقرب لحياتنا وراح نعيش القصه اكثر >>
شرح حياتهم الاجتماعيه : ابو جميله ( محسن ) يشتغل عند احد التجار مقهوي ,, وجميله ما تدرس مع ان عمرها ١٢ سنه واخوانها بالترتيب ( حمد ١٠ سنوات و راشد ٩ سنوات و بدر
٧سنوات ومحمد ٤ سنوات وعلي ٩ اشهر)
امها ( تهاني ) شغلتها المفروض البيت والاعيال ...
حالتهم كسيفه يعيشون في حاره قديمه ومسكربه حدها ..



............
[جميله وهي نايمه بسابع نومه ]
ام جميله : قومي وجع كل هذا نوم انتي ما تشبعين .( مع العلم انها مخليتها تغسل الملابس طول الليل )
جميله : ان شاء الله يمه بقوم وهي تعبانه .,
(طبعا الام مانطرتها تقوم جابت دولكه كلها ماي بارد وعلى طول فوق راس هالمسكينه )
جميله لا شعوريا عيونها تدمع من التعب :يمه ليش انا كنت ابقوم ..
الام : اقول بلا كثرت حكي اخلصي قومي الشمس اطلعت سوي حق اخوانج الفطور وغسلي الحوش ( كان يوم الثلاثاء ١١ ديسمبر )
جميله : يمه بس امس واولت امس مغسلته !!
الام تمسك بشعر جميله : عفوا ما سمعت انتي امي والا انا امج ,,
جميله وهي حابسه عبرتها : لا انتي امي ان شاء الله بغسله .
راحت ام جميله تقعد ابو جميله وهي معصبه : قوم قوم يمال شقول هذا حضي فالدنيا يوم الله رزقني رزقني بخمار انا بأعرف شمسويه بدنيتي اااه ,,
( وتبطل الدريشه )
ابو جميله : وجع اذلفي برا لابوج لابو الي جابج انتي والي جايبتهم ..
ام جميله : مالت اي والله لابو الي جايبتهم ..
( هذا مشهد من حياة جميله الي ماكانت جميله بشكلها بس كانت جميله بصفاتها ..
جميله كانت لها رموش كثيفه تلفت النظر وكانت لها ابتسامه تسحر بشده يعني من هالصفتين راح ابتدي قصتي )
(راحت جميله للمطبخ وهي ما تقدر تبطل عينها )
جميله تفتح الثلاجه : ياربي مافي شي في هالثلاجه امي بتطقني ( وتدمع عينها لا شعوريا )
حمد بصراخ: جميلووه جميلووه ؟
جميله : نعم نعم جايه جايه ,,
حمد : اذلفي جيبيلي ملابسي ياحيوانه بسرعه ..
جميله وخانقتها العبره : أنا حاطتهم ورى الباب .
حمد وهو معصب : فار انا حاطه ملابسي وراء الباب ( ويقوم ويطقها ويمسك شعرها ويشده بقوه )
[طبعا جميله لا حول لها ولا قوه ,, تبكي من الداخل وتخفي انينها ]

ام جميله : وين الفطور يا زفته ؟
جميله طالعه من غرفت العيال : يمه لا تطقيني بس زفيني تكفين بعدين احبج والله تكفين لا تطقيني ,,
ام جميله بعصبيه : نعم شمسويه يا قرده ..قوليلي شمسويه ,,
جميله وهي ترتجف : مالقيت شي في المطبخ اسويه فطور ,, والله اسفه سامحيني يمه !!
ام جميله : تعالي تعالي ( وتمسك اذنها وتقرصها ) كلا منج انتي الي افقرتينا اذلفي يلا اذلفي ,,
[جميله من كثر التعب راحت لسريرها وقطت راسها على المخده ونامت ,, فجأه احد يجر المخده من تحت راسها ]
جميله وهي مفزوزه : يبه ؟؟
ابو جميله : اي ليش شايفه جني ,, جني الي يركبج قولي امين ,,
جميله : ليش يبه انا مو بنتك ماتبيني ,,
ابو جميله بكل وقاحه : لأ مابيج وقعد يضحك هاهاهاهاهاهاهااا
جميله ماسكه بكيتها : شنو تبي يبه ليش مصحيني ؟؟
ابو جميله : قومي قومي اذلفي للدكان جيبيلي زقاير يلا راسي يعورني ,,
جميله : يبه انطر حمد انا استحي اقول حق راعي الدكان ابي زقاير قدام الناس ,,
[ قالت هالكلمتين بغت تفقد روحها ]
ابو جميله : شنو اساسا انا ابيج اتفشلين ( وطاح فيها طق )


جميله طالعه من البيت رايحه للدكان ,,,,,,
جميله :لو سمحت ابي ابي ؛؛
راعي الدكان : شنو يبي بابا انا في شغل واجد ..
جميله اول ماأنطقت دخل شاب للدكان وكان مستانس ويضحك ,,
راعي الدكان : بنيه شنو انتي يبي ,,
(الشاب كان ينطر البنت تقظي حاجتها )
جميله وهي متفشله : خلاص انا بعدين يجي .,
راعي الدكان : الهمدولله والشكر مجنون هذي بنيه ,,
جميله كان وجهها احمر من كلام راعي الدكان لانه فشلها ( نزلت راسها وطلعت )
: مشكور بس انا مو مجنونه ..

الشاب الي كان مستانس تعكر مزاجه من البنت ونفسيتها ومن رد راعي الدكان السخيف ,..
طلع الشاب ورى جميله : يابنت يابنت ؟؟
جميله تمشي وتسمع وكانت صامته لانها عمرها محد قالها يابنت دائما يلقبونها باللقاب الرديئه ,,

الشاب صار بينه وبين جميله مسافه بسيطه بس ماردت قال في نفسه ( مستحيل تكون ما تسمع اجل اشلون اسمعت راعي الدكان )
,.مسك كتفها عشان يوقفها ..
جميله بكل خوف : اشتبي ؟؟؟
الشاب : لا مابي شي بس بغيت اعرف شنو قصة هالهندي مظايقج بشي مسويلج شي اساسا انتي ليش ما اخذتي حاجتج ليش طلعتي وبعدين امج وابوج وينهم عنج ؟؟؟
جميله تطالع بالشاب وعيونها مليانه دموع : امي ..؟ابوي..؟ ليش ما تدري ان في ناس يولدون بدون ام واب ..؟
الشاب وهو مستغرب من رد البنت : أنتي عايشه وحيده ؟
جميله : عايشه وحيده بس بين سبعت افراد عائله ,,
الشاب : عفوا انتي اشقاعده تقولين ( كان مستغرب من ردها وكان ما يقدر يشيل اعيونه من اعيونها )
جميله وهي تبتسم : مافي شي شكرا علي انك حسيت فيني مع ان اول مره في احد يحس فيني ( وقامت تبتسم من كل قلبها )
انابروح للبيت بس ادري ان ابتسامتي بتنقلب بكي.....

[ جميله راحت تمشي وتسحب خطوات الحزن والالم والتعب ...اااه ]
الشاب في قلبه : هذي انسان والا ملاك ياربي انا احس عمري ما شفت عين تناطرني مثل هالنظرات ولا شفت اجمل من هالابتسامه البريئه .. ( ورد ركب سيارته وراح للبيت )
......؛
اعرفكم على بطل القصه .. الشاب بندر شاب مقتدر وراعي رجوله بندر ماعنده الا اخو اكبر منه هو خالد الكبير _ بندر يدرس بكلية العلوم السياسيه ,, عمره ٢٠سنه شخصيته مرح وله اصدقاء واجد ويحب البر والكشتات وجلسات الشله ,حساس واحيانا تغلبه العاطفه ملتزم بشرع الله وماعنده خرابيط يعني فارس احلام اي فتاه ,,,

[في بيت جميله] ,,,
,,,,,,,,,,,,,,,,,,
جميله وهي ميته من الخوف: يبه مالقيت الي تبيه ,,
ابو جميله : وشو ( ويجرها مع شعرها ويفتح باب الشارع ويحذفها ) اذا جبتيلي علبة الزقاير أدخلج أذلفي ,,
(جميله حاسه بشعور الخوف والرهبه والوحده ,, كانت ما تقدر تحبس ادموعها الي انزلت من عيونها مثل السيل )



,,,,,,,,,,,,في بيت بندر ,,,,,,,,,,,
( بندر توه داخل البيت والعائله اتغدى)
بندر : السلام عليكم ؟
الجميع : وعليكم السلام ( كانت العائله كلها متجمعه .. الام وخالد )
ام بندر : تعال تغدى ياولدي ..
بندر : تسلمين يمه شبعان بس ابريح شوي ,
( صعد بندر وكان تفكيره كله مشغول بالبنت الي اسحرته برائتها .. حط راسه وقعد يفكر فيها )


في الدكان.........
جميله في الدكان : لوسمحت في في
راعي الدكان : مره تاني ما يأرف أنتى شنو يبي ..
جميله : بلى ,,ابي زقاير بس والله مو حقي والله ..
راعي الدكان : انا مافي دخل حق منو يشتري , جيب فلوس ,,


( ردت جميله البيت وعلى طول عطت ابوها العلبه وراحت عشان تنام ولكن ما اسلمت من الصراع الثاني امها ,,)
ام جميله : يا حيوانه وينج تعالي يامال الصمخ ماتسمعين ,,
جميله : يارب ارزقني بطولت البال اااه
ام جميله : انتي ماتسمعين ,,تكلمي ؟؟
جميله وهي ماتشوف من النوم: يمه اسمعج بس والله تعبانه مايصير انام نص ساعه بس واقعد بسرعه بسرعه ,,
ام جميله : نعم نعم ما سمعت والله .. اقول نامت عليج طوفه قولي امين يمال النومه الي ماتقعدين منها يالخنزيره ,, روحي نظفي البيت وغسلي الحوش ورتبي غرف اخوانج وعقبها خيطي ثوبي المنشق عندي عرس ولاخلصتي سوي العشا وبعدين روحي لأم خالد جارتنا خل تعطيج من عشاهم وتعطيج ملابس اذا ماتبي الي والله مشاريهم واجد عفيه ناس عايشين بالسوق ,,
جميله وهي خانقتها العبره و ذابحها التعب : بس يمه ,,
ام جميله : وش الي موقفج اذلفي ابدي بشغلج موتقولين تبينن تنامين يلا يمديج تخلصين وترقدين مبجر ..
جميله بهدوء : ان شاء الله انا رايحه ..
( جميله التي لم تذهب الى المدرسه جميله التي لا تذوق طعما للنوم جميله التي كبرت وهي في سن الزهور جميله التي لم تسمع كلمة شكر او ثناء للعمل الذي تقوم به جميله ....)

في بيت بندر ......؛
{بندر لبس ونزل وكان رايح للأسطبل وكان شايل معاه لاب توب وكيس ملابسه للكواي }
ام بندر : شكلك طالع على وين ياولدي ؟
بندر : ولدك يمه زهقان وطاقه جبده من القعده وده يروح الاسطبل تبين شي ,,؟
ام بندر : لا يمك بس كنت ابي اقعد اسولف معك بس يلا الجايات ,,
بندر : ابد زهبي القهوه وانا انطرج بالصاله ,,
ام بندر : يابن الحلال رح وان جيت ان شاء الله اقعد معك ,,
بندر : ما أثني كلامي قومي جيبي اقهوتج ,,
{ وتقوم ام بندر كنها ماصدقت .. وجابت القهوه وتقهوا وقعدوا يسلفون شوي }
بندر : يمه ..
ام بندر : لبيه ..
بندر : لو بقولج اخطبيلي ,,منو بتخطبيلي ؟
ام بندر : احسن بنت في الديره جم بندر عندي .
بندر : تسلمين ياجعل عيني ماتبجيج ,, بس بقولج حاجه ,,
ام بندر : سم يأمي ,,
بندر : يمه انا ابيها ,,
ام بندر : تبيها..!!!
هي منهي ؟؟؟
بندر : الي شافتها عيوني واسكنت قلبي ..
ام بندر : وشو انت صاحي وش تقول ..؟
بندر : يمه هذي بنت شفتها الصبح في الدكان ,, وانا ليش اقولج والله اني انتهيت ,,ههههه
ام بندر : لا والله ولدي موبخالي ,,انت جنيت يمك ؟؟
بندر : كنت صاحي بس الحين جنيت .. يلا اخليج ياست الحبايب ,,
ام بندر : الله يعقلك ياولدي وما تشوف شر ..
بندر : الشر مايجيج يالغاليه ..

{ بندر لاشعوريا راح للمكان الي شاف جميله فيه لعل وعسى يشوفها .. ولكن لاجدوى }


......الساعه الثامنه مساءا .......
(بندر واقف نفس الوقفه ولا تحرك ,,جميله خلصت من شغلها بس بقى الحوش وغسله )
يطق جوال بندر : هلا ,,
سعد : وينك يابن الحلال تعال بنقلط العشى ,,
بندر : ماني بجاي قلطوه ..
سعد : بندر انت فيك شي ,,تعبان ؟
بندر : لا ,,
سعد : انت فيك بلا ..انت وينك ؟
بندر : انا بروح للبحر تعال ,, بس لاتقول حق احد بروحك تعال ,,
سعد باستغراب : صار انا جايك ..

........في البحر .......
سعد : هلا بندر انت فيك شي ,,
بندر : اي فيني اشياء ,,
سعد : تكلم اشغلتني ,,
بندر : بنيه اسحرتني ,,
سعد بضحك : ههههههههه وشو الحين جايبني من الاسطبل وخانقتك العبره و متعومس ورايح فيها وانا داعس حدي قلت فيه بلا وتقول بنيه ساحرتك ,,
بندر بعصبيه وبصراخ : سعد ,,
سعد مصدوم : بندر شفيك امزح لهدرجه فرت راسك ؟
بندر : يابن الحلال انت فاهم الموضوع غلط ..
سعد : فهمني ..
بندر بتردد: هي ,هي ,هي بزر ...
سعد ميت من الضحك : انت منصجك ,, يعني جم عمرها حتى انت بزر ,.
بندر : لا اله الا الله يابن الحلال عمرها يمكن عشر سنين ,,
سعد : وشو ( وقعد يضحك ) ههههههههههههههههه
ههههههههههههههههه
ههههههههههههههه من جدك والا تمزح ؟
بندر لاشعوريا يدمع : حبيتها اي حبيتها ليش ماتفهموني ,,
سعد : تعوذ من الشيطان يابن الحلال انت تبجي عشان بزر والله اني مافهمتك ليل الحين ,, انزين وشو القصه وشلون شفتها ,
(بندر قال القصه لسعد كلها ..)
,,,,اقعدوا ليل الفجر عند البحر بعدين كل واحد راح لبيتهم ....

.........اليوم الثاني .......
بندر من الساعه ٦ الصبح لبس وراح للدكان ,,

(في بيت جميله ),,,
ام جميله : قومي وقومه ..
جميله تحرك حركه بسيطه : ان شاء الله
ام جميله : تسحبها مع شعرها اقول قومي يمال الكسل ,,سوي لاخوانج فطور ,,

(جميله قامت وراحت للمطبخ وسوت الفطور وهي طبعا ماتفطر معاهم تفطر بروحها هذي اوامر من ابوها ,,)
راشد : جميله ياحيوانه وين ملابسي ,,
جميله : عندك بالكبت ,,
ام جميله : صج عاد بالكبت قومي وجع طلعيهم له بقره ما تفتهم ,,
جميله خانقتها العبره : ان شاء الله
( دشت الغرفه جان يجر شعرها حمد جان تصرخ )
طلع ابوها من غرفته : شنو هذا جميله تعالي ,
جميله رايحه صوب ابوها وهي تبكي : يبه والله ماسويت شي والله
( جان يمسك ايدها ويقرصها بقوه )
جميله ميته من البكي : والله توبه ما اصرخ ,,
جان يحذفها على الارض : اذلفي ياجعلج الموت ,,
جميله منهاره من البكي ،،

......في الدكان ......
بندر : راجو انت يعرف هذي بنيه امس يجي؟
راجو : انت شنو يبي في هزي بنيه ؟ انت مجنون ؟
بندر: اوف اوف لهدرجه ليش شنو في هذي بنيه ,,
راجو : هزي بنيه جميله مسكين ابو ام مال هي كلا ما يحبي يطقي كل يوم .. انت يشوف بنيه يشتري حق ابو مال هي زقاير والله هرام ,,
بندر : زقاير ؟؟ اسمها جميله .. انزين وين مدرسه مال هي ..
راجو: هههههه بابا هزي بنيه مايروح مدرس هزي بنيه مسكينه واجد والله ..
بندر : انزين وين بيت مال هي ؟؟
راجو: بيت يطلع من دكان مال انا يروح يسار بعدين في لفه اخر بيت مال هي,,, بس بابا لا يروح ابو مال هي مجنون واجد ،
بندر : اقول انثبر بس ..عطنا لبن وكتكات


.......في بيت جميله .......
ام جميله : محسن يلا قوم انا بروح لبيت امي اخلص,,
ابو جميله : مالت عليج وعلى امج انزين ..
ام جميله : من زين امك عاد ..
ابو جميله : عاد بلشتنا امك وامك اقول انتي خالصه امشي وبدون حكي ..
ام جميله : جميله سوي الغدا وخمي السطح وغسلي الملابس وان جيت وانتي ماخلصتي ياويلج واحرصي علي علاوي ..
جميله : ان شاء الله

في السياره .....
ابو جميله : والله اني تعبان منج ومن بنتج
ام جميله : ياسلام ويعني مو بنتك بعد ..
ابو جميله: ياليتج تفكيني من شرج وتسكتين سديتي نفسي
( راحوا وبعد ساعه ردوا )



...........
بندر كان يراقب البيت من بعيد وشاف ابو جميله وامها من راحوا لين جوا ... بس ماكان فاهم شي وطل الوقت بمكانه وفجأه جو ثلاث صبيان ودخلو البيت وهم ما عرفهم منو يكونون كان اهم شي عنده جميله وهي الوحيد ماطلعت ...


...........في بيت جميله ........
جميله تشتغل واهلها كلهم مرقدين عقب الغدا ...
( بعد نص ساعه )
ابو جميله ينادي : جميله جميله
جميله : نعم يبه ؟
ابو جميله : روحي للدكان وجيبيلي زقاير ,, فاهمه ولا تبطين ..


( اطلعت جميله وراحت للدكان وكانت مثل هلال العيد بالنسبه لبندر يوم شافها )
بندر : يالله شنو هالملاك الي يمشي والله لبسها وشعرها مايسون من نظراتها وابتسامتها شي اه اه صج الانسان مو لبسه ,,

جميله عند الدكان : لو سمحت ابي ابي ...
راجوا فهمها : ان شاء الله ماما انا يعرف شنو يبي ,,
فجأه دخل بندر : السلام عليكم ,,
الكل : وعليكم
جميله في قلبها( هذا الطيب وابتسمت له )
بندر تحطم من الابتسامه وتنح : ااااااه
راجو: جميله جيب فلوس
جميله عطته الفلوس وطلعت ..
بندر : راجو جيب ثنين شاني واثنين كتكات بسرعه ..
( وطلع يركض وراها )
بندر ينادي : جميله جميله ,,
جميله لفت بنعومه : نعم منو انت تعرفني ؟
بندر وهو ينهت : لحظه بأخذ هوا ..
اي اعرفج ,,
جميله : اشلون تعرفني ؟
بندر : اول اخذي الشاني والكتكات وبعدين اقولج ,,
جميله : بس انا مابي ,,
بندر : ليش ؟
جميله : بعدين امي تطقني ..
بندر : انا اقولها بس انتي شكلك ماتحبين الكتكات ,, اروح اجيبلج غيره اجيبلج كل الدكان والا اشرايج اجيبلج الجمعيه التعاونيه كلها بس ترضين
(جميله اخذت الاكل و بدون شعور اضحكت ضحكه من قلبها قويه)
بندر متعجب من جمال ضحكتها : الله هذي ضحكه والا نغمه ..
جميله : انا احب اضحك بس ما يصير ,,
بندر : طب ليش مايصير فهميني يا ابله ؟
جميله :انا ابله منو قال انا اسمي ما اعرف اكتبه ..
بندر: انا اعلمج ... بس اسمج ,,
( ويقعد يكتب بالتراب جميله بخط كبير )
بندر : شفتي هذا اسمج عمري ما شفت احلى من هالاسم ,,
جميله : ممكن اطلب منك طلب ,,
بندر : بس طلب امري لو تقولين قط عمرك بالنار بدون تردد اقط نفسي ,,
جميله : ابي اعرف اكتب ,,اكتب
بندر: شنو تبين تعرفين تكتبين ,,
جميله : احبج يا ماما , احبك يا بابا
بندر وهو مصعوق : بس كذا انا اعلمج
( وقعد يكتب لها )
جميله : انا تأخرت ياويلي بيطقني ابوي ( وراحت تركض )
بندر كان واقف ويناظرها بتعجب : معقوله في انسان يغزي منطقة القلب ويحتلها بهالسهوله ..



( بندر صار معشعش عند بيت جميله وكل يوم صارت وجبته الرئسيه شاني وكتكات)



مرت شهور والحال نفس الحال بندر قامت تسيء حالته وجميله مثل ماهي تحت لعنة امها وابوها,,,


...... في دوانية بندر .....
سعد : يابن الحلال هذي ماهي بحاله ,,
بندر بسكوت : بس احبها ,
سعد : رح اخطبها من ابوها ,,واشتنتظر ,,
بندر : بس هي صغيره وابوها بيرفض .
سعد : انت سألته ؟
بندر : لا
سعد : اجل اشلون تحكم بالامور ,,
بندر : اخاف يسألني وين شفتها وان قلتله يمكن يذبحها ,,
سعد باستهزاء: اوف يذبحها عاد ,..انت وين عايش يذبحها ؟
بندر : اي لنك ما شفت الناس شتحكي عنه ..
سعد : خلاص قول شافتها امك مع امها في عرس ,,
بندر : انت ما تفهم البنت ما تطلع من البيت ,, الا للدكان او تجيب اغراض البيت
سعد : والله مشكله ذي البزر ,,
بندر وهو معصب: رجاءا سعد انت المشكله موبهي ,,
سعد وهو ميت من الضحك : اوكي اوكي انا المشكله زين كذا ؟
بندر : مشكلتين بعد انزين ..


بعد فتره ......
( في بيت جميله )
ام جميله : محسن ماعندنا سلندر للجوله قوم جيبلنا ,
ابو جميله : وماتبين اجيبلج شراب التوت بعد ,,
ام جميله: انا ماني بمزح معك اخلص ياحضي المايل ,,
ابو جميله : ناديلي جميله ,,
ام جميله : انت صاحي جميله هي الي بتجيب السلندر بكبره ,,
ابو جميله : انتي واش عليج ناديها وبس .
ام جميله : جميله ابوج يبيج روحيله .
جميله : لبيه تأمرني بشي ؟
ابو جميله : يابوج روحي لفرع الغاز وبدلي السلندر بسرعه .
جميله وهي حزينه : ان شاء الله ,.



( اطلعت جميله من البيت وهي شايله اسلندر الغاز بيدينها وكان ثقيل حيل ,, وكان بالصدفه توه جاي بندر وصافط بعيد وشافها وهو معصب : شنو هذا في ناس يطرشون بنت تبدل السلندر ..
جميله كانت خانقتها العبره : لا حول ولا قوه الابالله والله ثقيل .
( بندر ماقدر يمسك اعصابه وراح على طول صوبها )
بندر بصوت واطي : جوجو , جوجو
جميله : نعم .. تبي شي.
بندر : تعالي الحقيني صوب اللفه بسرعه ..
جميله : ليش ؟
بندر : بعدين اقولج ,.
( راحت للفه وهي مو مستوعبه شال الاسلندر ومسكها مع ايدها ومشى بسرعه لسيارته )
جميله وهي خايفه : هدني هدني
بندر :ماني مسويلج شي يابنت الناس ,,
جميله مصدومه: انزين ليش رحنا بسيارتك؟
بندر : عشان اعبيلج الاسلندر ,,
( جميله كانت مستغربه ومصدومه ركبت ورى وجنبها وحط اسلندر الغاز بالصندوق الخلفي للسياره )
بندر: جميله ؟
جميله : نعم ..
بندر: جميله انتي جم عمرج ؟
جميله : انا عمري بعد شهر راح يصير ١٣ سنه ان شاء الله ,, بس ليش ؟
بندر: بس عشان اشتريلج هديه وما ادري شنو الهديه الي تناسب عمرج
جميله و هي مستحيه : شكرا يا .....
بندر : بندر اسمي بندر , حلو اسمي ؟
جميله : مدري ,,
بندر : اشلون ما تدرين لا أغير اسمي ,, بس على شرط انتي تسميني اوكي ؟
جميله : لا مو اوكي ,, لان اسمك حلو .
بندر: اول مره احس بحلاوة اسمي .
جميله : انت ليش تسوي معاي كل هذا انت تعرفنا يعني من قرايبنا ؟
بندر: لا .. بس باختصار ابساعدج .
جميله : مايصير , لان ابوي يقول مافي مساعده ببلاش
بندر : هههههههههه ما شاء الله عليج فهيمه ,,
جميله وهي خايفه : اشتقصد .
بندز: ما اقصد شي يابنت الحلال لا تخاافين مني ,, يلا وصلنا انخشي تحت .
(بدل اسلندر الغاز وكان في فرع ودخله وشرى ٢ شاني ٢ كتكات وراح للسياره )
بندر: هذا شاني وكتكات لج اكليهم
جميله : شكرا بندر
(بندر في حاله هستيريه ,, وصل جميله للبيت بس محد شافه وراح للبيتهم )



........ في بيت بندر ........
(دخل بندر البيت وهو مستانس وكان الكل موجود )
بندر : السلام عليكم ,,
الكل : وعليكم السلام ,,
ام بندر : ان شاء الله دوم هالفرح بس شنو المناسبه ياولدي ؟
بندر : الدنيا يا ناس حلوه ..
خالد اخوه الكبير : والله انك منت بخالي عسى ماشر ياخوي ,,
بندر : خالد طلبتك ( للعلم ابو بندر متوفي )
خالد : عطيتك بس وش اعلومك .
بندر: ابيك تخطبلي ,,
خالد : وشو ههههههه ان شاء الله بس تخرج ولك مني اخطبلك وازوجك بعد
بندر : لا انا الحين ابي اخطب .
خالد: اشهالاصرار ياخوك العرس موهب لعب مسؤوليه .
بندر: ادري بس انا طاق براسي الا اخطب الحين ,,
خالد : انزين مو لازم تشوفلك امك مره وهذا يبيله على الاقل شهرين .
بندر: المره موجوده بس وافقوا ,
خالد منصدم : نعم ,, وين عرفتها وين شفتها ,,
بندر: شفتها بدكان ,
خالد معصب : بالدكان انت خبل اشلون اتكشف على بنات خلق الله ,
بندر: هي مو متقطيه , بس متحجبه
خالد:انت من صجك تاخذ وحده كبرك ومو متقطيه ؟
بندر : بس هي مو كبري ,
خالد معصب : اجل اشكبرها لاتجنني ,,
بندر: عمرها ١٣ سنه
خالد : منت بصاحي بزر
ام بندر ميته من الضحك : ههههههههههه
خالد : يمه لا تضحكين شايفه ولدج هالدلخ شيقول .
ام بندر : انا قايمه بشوف العشا ابرك ههههههه
بندر : انتو مالكم شغل بعمرها انا الي بتزوجها والا انتم ؟
خالد: شف يا بندر المسأله مو بالعمر المسأله بنوعية البنت انت تقول ان عمرها ١٣ سنه وتقول انك شايفها بالدكان يعني اكثر من كذا اكيد البنت مو مضبوطه الله يستر علينا وعليها
بندر بعصبيه : خالد انت معاي والا ضدي ..
خالد: انا معاك .
بندر: هالبنت مالها شغل بالخراب مو مثل بنات هالوقت ..
خالد : انت اشدراك ابفهم .
بندر: انا كنت اراقبها من بعيد لبعيد فهمت ,
خالد : يعني تعرف اهلها ؟
بندر : لا .
خالد : ماقلت راقبتها الا تعرف اهلها ,,
بندر : اسمع عنهم انهم ناس شديدين على البنات وانهم على قد حالهم ,,
خالد : بندر خلك من هالبنت وخل امك تدورلك وحده نعرفها ونعرف اهلها احسن .
بندر : انا مابي الا هي اشلون بتخطبها والا لا ؟
خالد : خل البنت تكبر شوي على الاقل ,,وانت تكمل دراستك .
بندر : انا الحين شكيتلك الحال .. ياخي لا تعكر مزاجي
وتقاطعهم امهم : يلا العشا .
خالد : يلا يا روميو وبعدين نتفاهم .ههههههههه
بندر : لاتطنز اقول
خالد : وشو , اقول انت الي لايكثر والا ترى ما اخطبلك ,,
بندر : ان شاء الله اخوي انت تامر ..
خالد : بعدي خلك جذي ههههههههههه


( بعد العشى وعقب اصرار قوي من بندر وافقوا واتفقوا ان الخطبه الحين بس العرس عقب الجامعه )
(ام بندر دقت على ام جميله واتفقت معاها على يوم عشان الخطبه )


........ في يوم الخطبه ........
بندر كاشخ : هاه خالد اشرايك فيني ؟
خالد : احلى معرس بس يلا استعجل وخل امك تستعجل
ام بندر : الله يستر والله المره يوم كلمتها ردت علي بأسلوب غريب والله العالم انهم ماراح يناسبونا .
بندر: يومه لا تفاولين ,,
خالد : اشرايكم اجيبلكم قهوه وتقعدون اتباحثون بالموضوع .
ام بندر : الا اشرايك انت تستعجل وتشغل الموتر ؟
بندر وهو يضحك : اي والله ..



في بيت جميله ........
(خالد وامه وبندر يطقون الباب )
خالد : مافي احد هالبيت .
بندر : طق طق لعلى وعسى احد يفتح .
( فجأه انفتح الباب )
بندر بصوت خفيف : جميله !
ام بندر : هذا البنت الي جاين نخطبها .
جميله مصدومه : يخطبوني ( وادخلت بسرعه )
خالد: هذي بزر يا خوك ..
بندر : عاد انا جايزلي ..
( ادخلوا وراحوا الاعيال للمجلس وام بندر راحت مجلس الحريم )

في مجلس الرجال .....
ابو جميله توه داخل : السلام عليكم
الاعيال : وعليكم
( قاموا وسلموا واشربوا اقهوتهم وبلش خالد يتكلم في الموضوع )
خالد : ياعم حنا جاين قاصدين القرب منك ,,
ابو جميله : بس انا ما عندي بنات للزواج
بندر يتكلم ويقاطعه خالد : حنا ندري ان بنتكم صغيره بالعمر بس هذي مو مشكله وانت خابر ان الرسول عليه الصلاة والسلام متزوج عائشه وهي عمرما٩ سنوات فعشان كذا حنا مانبي ناخذ رايك الحين بنخليك تشاور ام العيال وتسأل عنا والله يقدم الي فيه الخير ..
( بمجلس الحريم كانت ام جميله مستانسه وصايره خوش مره وهذاك الاسلوب الي مافي مثله )


في بيت بندر ......
.( توهم واصلين )
بندر مستانس : والله انكم خوش اهل .
ام بندر : عز الله انها بنت حلوه بس صغيره بزود بس حنا بنقولهم اذا وافقوا بنحط العرس بعد جم سنه لين تكبر
خالد : انا قايلكم من الاول خنا نستنى شوي بس الطيره و الشفاقه
بندر يطالع خالد بنظر غريبه : اشتقصد ياخوي ؟
خالد : اقصد الي انت خابره ياروميو ههههههههههه
بندر : اقول انثبر ولا يكثر ..



في بيت جميله ......
ام جميله : ياولد الحلال انت ليش رافض ؟
ابو جميله : انتي مالك شغل بنتي وانا حر
ام جميله : ليش بس بنتك لوحدك .. اقول انت مافيك عقل لو تزوجها هالولد وتفتك منها يمكن يكون عنده حلال وتستغنى وتغنينا معها ..
ابو جميله : البنت بزر باجر يستقون عليها وخلونها خادمه عندهم ..
ام جميله : لا يا شيخ وانت اشحاطها عندك لا تقول محسسها بالابوه والا معطيها حنان اقول فكنا من كلام المسلسلات وخلنا نشوف مصير هالبنت
ابو جميله : شوفي دقي عليهم واعرضي عليهم مبلغ كبير وشبكه غاليه .. حنا بنشوف هم متمسكين فيها والا لهم غرض ثاني .
ام جميله : اي هذا عين العقل ..

بعد كم يوم ....
ام بندر : الوو
ام جميله : الوو السلام عليكم .
ام بندر : وعليكم من معي ؟
ام جميله : انا ام جميله الي خطبتوها من كم يوم .
ام بندر: يا هلا وغلا ,,هاه بشري اش رسيتوا عليه ؟
ام جميله : والله يام خالد رسينا على امور ان شاءالله ترضي الجميع .
ام بندر : وشنهي اموركم
ام جميله : نبي مهر ب٢٠ الف دينار وشبكه
ام بندر مصدومه : وشو .. يصير خير ان شاءالله بشوف الاعيال وبردلكم خبر
( وصكت التلفون وهي معصبه )
خالد : اشفيك يمه ؟
ام بندر: هذا نسيبتنا تقول نبي ٢٠ الف مهر .
خالد : مين امناسبين حنا ,,,؟؟؟
بندر : يمه عطوهم
خالد : هذي لاحسه راسك شنو عطوهم ,,
بندر وهو متطايق : انتو اشفيكم ليش حاطين علي ,,
ام بندر : انت صاحي والا مجنون اقولك ٢٠ الف وهي بنت على قد حاله وبزر هذوله يضحكون علينا ,,
بندر: عاد يضحكون والا مايضحكون عطوهم .
خالد : اقول انثبر من وين بتجيب هال٢٠ الف انت منجن روحي يمه دقي عليهم وقليلهم يبون يزوجون بنتهم ب ٦ الاف زين مايبون خلهم يقعدون عنك ,,
بندر : انت شنو حرام عليكم انا ابها ..
خالد : اذا هم شارينك يطلبون مهر مثل الناس
بندر : وين افلوسكم الي تارسه هالبنوك
خالد : افلوسنا مو عارضينهم للحراميه تدري اشلون رح اخذ ٢٠ الف وعطهم بس شوف مو تجيني ندمان .
بندر : انت ليش تبي تغثني ماتحس ماتحس ؟
خالد : احس بس بعقل روح سو الي في بالك يلا ولا تجيني ..



في بيت جميله ....
ابو جميله : دقيتي .
ام جميله : اي .
ابو جميله : كم طلبتي منهم ؟
ام جميله : ٢٠ الف دينار
ابو جميله : بسسسس
ام جميله : ليه كم تبي ؟
ابو جميله : ابي ٣٠ الف
ام جميله عصبة : انت مجنون والا صاحي شنهي بنتك لاتكون بنت السلطان انت احمد ربك ان احد يبي يناسبك .
ابو جميله : اقول الي يناسبني يوافق علي طلبي ..
ام جميله : انا ماني داقه على العرب انت الي دق ..
ابو جميله : جيبي التلفون ..

في بيت بندر .....
ام بندر : الووو
ابو جميله : الوو السلام خالد موجود ؟
ام بندر : لحظه شوي .
خالد : الوو
ابو جميله : مرحبا
خالد : هلا والله منو معي ؟
ابو جميله : معاك ابو جميله
خالد : هلا والله بغيت شي ؟
ابو جميله : والله انا كنت بقولكم ان ام الاعيال خربطت بالمهر وانا داق عليكم عشان اقولكم كم المهر .
خالد استانس حسباله الرجال استحى منهم : لا عادي يالرجال انت بس اطلب .
ابو جميله : والله نبي ٣٠ الف دينار .
خالد: وشو ؟؟ ماتبي١٠٠ الف احسن
ابو جميله : انت ووجهك اتمصخر ؟
خالد : اذا كذا اي اتمصخر.
ابو جميله : اجل ماعندنا بنات للزواج وانا داري انكم منو كفو .
( صك التلفون بوجه خالد وخالد عصب وحلف انه مايدق عليه ولا يخطب منه )


في بيت بندر .......
بندر متحطم : طيب ليش كذا في رجال مايبي لبنته الخير حراام عليه .
خالد : زين انها جت منه مو منا عشان تعرف معدن الرجال الي تناسبهم ..
بندر : يمه خلاص انا بقدم اوراقي برى بسافر وبدرس ااااه
ام بندر : ياولدي انت علامك انا اشوفلك الي احسن منها واطيب من اهلها ..
بندر : انا اخذت قراري وبسافر ..
( بندر كان مصدوم وميت من الحسره بس حس ان كرامته مايصير تنهدر قدام عيونه وهو ساكت فقرر ان يسافر وينحش عن الواقع المر )


في بيت جميله .....
ابو جميله : يلا يا عيال بنروح لخوالي في الدمام .
ام جميله: وش ذا العجله انطر شوي على ما نزهب اغراضنا
جميله : البس عبايتي الراس ترى احلى علي ..
ابو جميله : وشو انتي وين بتروحين ؟
جميله وهي مستغربه : ليش بروح معاكم ..
ابو جميله : اقول اذلفي السياره ما تكفي .
جميله : بس السياره كبيره وانا مو بطه .
ابو جميله : بس انا قلت لا يعني لا تفهمين ,,
جميله خانقتها العبره : ان شاءالله يبه بس وين ابقعد ؟
ابو جميله : انثبري بالبيت .
جميله : بروحي ؟؟
ابو جميله : لا مع الخدم .. اي بروحج شتخافين منه ؟
ام جميله : انت صاحي اشهالاخبال تبيها تخرب ..
ابو جميله : مو انا ابوها انا حر ,
( جميله دخلت نوبت بكاد ولكن بدون صوت كانت تنظر للسياره وهي متشفقه على السفر في جوا عائلي ولكن كان القدر يمنعها من ذالك )



في الطريق ...
ابو جميله : يلا مابقى شي ونوصل ,
ام جميله : شنو مابقى شي بقى ساعتين وشوي .
( الاعيال كلهم كانوا نايمين )
ام جميله : انا فيني نومه بنام لاوصلنا قعدني ..انزين ؟
ابو جميله : فكيني من شرج ونامي بس .
( الصدمه ان بعد ما نامت ام جميله ابو جميله قام يغفي والنوم ذبحه ................
...............وبعد لحظات ..................
..........................................
......................
والا السياره منقلبه رأسا على عقب والانفاس تخف وتنقطع واحدا تلوا الاخر ................
....................
............
.....
يالها من مصيبة حلت على جميله الفتاة التي لم تحس في حياتها الا انها يتيمه ااااه جميله اصبحت يتيمه بالواقع بعدما كانت تعاني باليتم على الرغم من وجود
والديها يالها من مأسات ... انين و صراخ و بكاء وشعور بالوحد يسكنن جميله الفتاة البرئيه ..


( جميله سكنت عند امراه تعيش وحدها واصبحت تشتغل في الخياطه بعد وفاة جميع افراد عائلة جميله الام والاب والاخوه الكبير منهم والصغير الجميع انتقلوا الى رحمت الله )





,,,,,,,,,,,,,,,,بعد خمس سنوات...........
( بندر تخرج ورجع للبلاد وكان عمره ٢٤ سنه وخالد تزوج وجاب ناصر ومحمد وهديل ام بندر كانت تنطر بندر يرجه وتشوف اعياله وما عندها الا هالسالفه )

( جميله توها مكمله ١٧ سنه اكبرت وزاد حلاها وكانت تشتغل مع مشغل للملابس والدراعات كانت هبت ريح وتفهم على السريع وكانت رئيسة المشغل معروفه بين الحريم ومشغلها له صيت بين المشاغل )



......في بيت بندر .......
(بندر قاعد على الغنفه ويتابع المباراة )
ام بندر : السلام عليكم
بندر : عليكم السلام ياهلا بالغاليه بس لوتدعين لنا نفوز ..
ام بندر : امين يارب تفوزون وتجيبون الكاس
بندر : اي كاس يمه هذي مو النهائي ههههه
ام بندر : يمك اعذرني ما اعرف لهالطمباخيه .
بندر يتطنز : ههههههه تبيني اعلمج بس تجيبين الكاس ..
ام بندر : اقول بدال ما تعلمني اشرايك تقوم توديني للسوق عرس بنت خالي بعد اسبوعين بشتريلي هديه لها ..
بندر : ابشري بس تخلص المباراة خليج زاهبه .
ام بندر : مهي بمشكله ..



(في السوق ام بندر اخلصت من مقاظيها
واركبت السياره )
ام بندر : عندك شغل ؟
بندر :لا بس ليش ؟
ام بندر: ودي اشوف دراعات ام عبدالله , ودني لمشغلها قريب من هنيه .
بندر : يلا مو مشكله ,

( صفط بندر وادخلت امه وهو في السياره زهق لان امه طولت جان ينزل وتراكه على السياره يطالع الرايح والي جاي وفجأه وقف باص صغير وانزلت منه بنت وكانت مستعجله وراحت وماصكت الباب البنت كانت متنقبه جان يناديها السايق : ماما جميله تالي صكي باب كل يوم مايصكي شنو هذا ..
بندر : لوسمحتي السايق يكلمك ,
جميله لفت على بندر : نعم ..
بندر شاف اعيونها وعرفها وكان مصدوم نفس النظره : جميله .
جميله ردت للسايق وصكت الباب : اسفه نور اعذرني والله مستعجله .
بندر : جميله ؟
جميله اتحلطم : الله يفضحك يا نور زين كذا الناس اعرفت اسمي .
بندر : بس انا اعرفج من زمان
جميله : اخوي انت صاحي استح على وجهك ومش من قدامي .
بندر : جميله انا بندر
جميله مصدومه : بندر !!!
بندر : اشلونج جميله .
جميله : ماني بخير .
بندر : جميله تزوجتي ؟؟
جميله وهي تضحك: تزوجت ليش في احد ياخذ وحده مااعندها اهل؟
بندر متعجب : ما عندها اهل ، ليش وين اهلج عسى ماشر .
جميله : بعد ماجيتونا بفتره بسيطه راحوا وما جو ليل الحين قالولي خليج بنرجع بس كذبوا علي اساسا هم مايحبوني ليش يرجعونلي انا بعدين ليش اسأل عنهم ( وفجأه نزلت الدموع كالسيل )
بندر : جميله انتي تبكين ؟
جميله : ابكي ؟ اساسا انا ماابكي ادموعي تعودة تنزل على طول ..
بندر : انزين انتي وين عايشه الحين ومنو يصرف عليج ؟
جميله : عايشه عند وحده في بيتها احفظتني وربتني الله يرزقها الجنه لولاها كان انا في الشارع اما على مصرف فشوفت عينك اشتغل بهالمشغل وكل يوم مخصوم علي بسبت التأخير .
بندر : جميله اتزوجيني ؟
جميله مصدومه : شنو !!
بندر : جميله انا حياتي بيدج وعمري ماحبيت غيرج جميله وافقي انا ابيج وربي ابج انا لما ابوج رفع المهر اهلي ارفضوا بس الحين انتي بروحج وانا زاد الحاحي عليج جميله انا خايف عليج انتي بنت شابه توج ببداية عمرج اخاف تضيعين والا يأكلون حقج الوحوش .
جميله مصدومه : انت ليل الحين تفكر فيني؟
بندر: جميله انا جبان سامحيني لما ما قدرت على فرقاج سافرت قلت يمكن اذا فارقت البلد راح انساج جميله لو تبين ١٠٠ الف الحين بجيبلج بس تكفين ارضي فيني جميله انا درست برى وجبت الشهاده عشان باجر اتفاخرين فيني ...جميله؟
جميله : ياعيون جميله .
بندر : يا لبيه انا كذا بموت .
جميله : الحين تقول ابيج بعدين بتموت ؟
بندر : تخافين علي ؟
جميله : اكيد لانك انت اول انسان حس فيني بندر انا كنت صغيره لما عرفتك بس ما عرفتك بروحك عرفت معاك شي اسمه الحب بندر انا ماكان عندي اهتمامات مثل غيري من البنات تدري ان جاء الليل حطيت راسي وقعت احلم فيك احلام يقظه وتقول اخاف عليك , ليش انت ماتخاف على نفسك ؟
بندر : الا اخاف عليها وشلون ماخاف على نفسي ونفسي جميله جميله انتي نفسي وروحي وكل اعضائي ااااه ... اتصدقين ان ربي يحبنا جمعنا بعد كم سنه ولا بعد الاثنين ماتزوجوا جميله فكري انتي قدري
...جميله تبيني ؟
جميله مستحيه : اهم شي انت تبيني ؟
بندر : ابيج ابيج ابيج والله ابيج بس لو ترضين لأعيشج بأحسن بيت وأعيشج عيشت الملوك انتي بس وافقي .
جميله : بندر انا ما.....؛
بندر معصب : ليشششششش انا فيني شي ليش ماتبيني جميله لا تكلمين فكري اول
وتقاطعه جميله : انا مابي غيرك ,
بندر ردت روحه ومو مصدق : انتي شنو قلتي يعني موافقه صح
جميله بدلع : سح اقصد صح
بندر متعذب : اموووووت بالدلع انا ااااااه
جميله : لي هالدرجه تحبني ؟
بندر : اجل ماتدرين لو تشوفين قلبي اساسا مافي قلبي عيرج حتى ربعي وناسي مايسون عندج مهبله فيني الله ياخذ عدوج .
جميله : يابختج يا جميله في احد يحس فيج .بندر ؟
بندر : يا روح بندر .
جميله : انا خايفه .
بندر : من شنو ؟
جميله : خايفه يكون حلم مثل كل مره ,, بندر حنا في حلم صح ؟
بندر : تبين اعطيج اسطار عشان تفرقين .
جميله : اذا تقدر عطني ههههه
بندر : اعطي عمري ولا اعطيج .
جميله : يابختي فيك انت غير عن هالعرب مدري ليش
بندر : لانك انتي الي عايشه في قلبي ,,
جميله : ياويلي تأخرت كله منك بنطرد .( وراحت تركض )
بندر : احرصي على نفسج يا بعدي .
جميله مستانسه : ان شاء الله .


( بعد ربع ساعه جت ام بندر واركبت السياره وراحو البيت )


.......بعد يومين في بيت بندر .......
بندر : يمه
ام بندر: يا اعيون امه .
بندر : يمه بتزوج ؟
ام بدر : شنو عيدها ماسمعت ؟
بندر: بتزوج
ام بندر : هذي الساعه المباركه الحين ادق على ام فهد واخذ موعد بنتها خوش بنت .
بندر : ابي جميله
ام بندر : وشو ؟
بندر : جمييييييييله
ام بندر : جميله ان شاءالله الي
ويقاطعها بندر : اي
ام بندر :وين نجيبها يمك شوفلك وحده غيرها
بندر : ابي جميله جمييييييييله
ام بندر : شوف اخوك وانا ماعندي مانع بس يمك فكر قبل اي شي .

( دخل خالد البيت ولقى امه وبندر يتناقشون وفجأه اسكتوا )
خالد : عسى ماشر اشفيكم سكتوا ؟
بندر : خالد طلبتك ؟
خالد : اطلب انت الغالي ,
بندر: ابيك تخطبلي .
خالد : بس اخطبلك وازوجك بعد
بندز: خالد ابي اخطب جميله ,
خالد : اي جميله مين بنته ؟
بندر : خالد الي خطبتها من كم سنه ورفظتوا خالد : الي ابوها طماع ؟
بندر : عليك نور .
خالد : يمكن تزوجت والا انخطبت احسن لك خل امك تخطبلك .
بندر : انتوا ما تفهمون انا ابي جميله وبس واذا ماخطبتولي جميله ماني بمعرس ومن اولها تكلموا وقولوا عشان اعرف موقفكم .
خالد : انزين ابوها شيفهمه ابوها طماع .
بندر : بس ابوها توفى .
ام بندر : لا حول ولا قوه الا بالله .. من شنو توفى ؟
بندر : بحادث سياره هو واهله كلهم توفوا الا جميله ,
ام بندر : وهي وين عايشه ؟
بندر : عايشه عند مره عجوز وحيده .
خالد : انزين انت ترضى تاخذ وحده ما عندها عائله ؟ باجر تبتلش اعيالك بسألونك عن خوالهم .
بندر : انا راضي ليش تعقدون المسائل ..
خالد : كيفك .
بندر : يعني بتخطبونها لي ؟
خالد : على بركة الله .
بندر : يا جعلي ما أذوق فرقاكم ..


.........بعد يوم .......
( راح بندر ينطر جميله عند المشغل وبشرها واخذ عنوان المره الي عايشه عندها وأخذ رقم تلفونهم وراح على طول وعطاهم امه طدقت واخطبتها ووافقة )


.........في يوم العرس ........
( جميله لابس الثوب الابيض وكان ناعم الشغل كله من فوق على الصدر ونازل بشكل مرتب ولابسه تراجي نازله على ارقبتها ورافعه شعرها بشكل روماني وحاطه الطرحه من فوق على الطريقه الهنديه وحاطه روج ( حمره) لونها احمر فاقع وكانت مسكتها جوري احمر يعني كانت كيوت )
( بندر كان لابس دشداشه لونها اوف وايت ولابس البشت الاسود ولابس اشماغ راد على العنابي والجوتي بني ومسوي سكسوكه وكان شكله قمه )


في صالة الافراح ........
( جميله مستحيه و بندر مرتبك )
بندر : جميله ؟
جميله مستحيه : نعم
بندر : مبروك
جميله : الله يبارك علينا
بندر : جميله انتي جميله اسم على مسمى
جميله وجهها حمر : خلاص عاد


(خلص العرس ......... ومرت الايام وجابوا محسن على اسم ابوها وعمره ٦سنوات وتهاني على اسم امها وعمرها ١١ سنه وجابوا خالد عمره ٨ سنوات و رحاب عمرها ٣ سنوات وساره عمرها اربع شهور )
......بعد كم سنه .....
( جميله قاعده في غرفة بناتها وتمشط تهاني )
تهاني : يمه ؟
جميله : ياعيون امها .
تهاني : يمه ممكن اسألج وسؤال واحد ؟
جميله : بس واحد ! عطيني امتحان اذا تبين .
تهاني : يمه ليش سميتيني تهاني ؟
جميله مستغربه : على على امي ليش ؟
تهاني : انزين امج كانت حنونه مثلج ؟
جميله : امي كانت تحبني حيل وانا كنت اموت فيها بس كنت اخاف اقولها احبج ..
تهاني : ليش ماتقولين لها احبج انتي ماتسوين غلط .
جميله: لان امي كانت ماتحب احد يقولها احبج هي تعرف من نفسها ,
تهاني : وانتي يمه تعرفين من بفسج .
جميله : لا يمه انا لازم احد يعلمني اذا يحبني ...يمه تهاني تعالي بوسيني على خدي .
( قامت تهاني ونقزت في حظن امها )
جميله : ياجعلج من اهل الجنه ..
(جميله تتكلم في قلبها ياليت كنت اقدر انقز بحظن امي والا ابوسها اااه يالدنيا شلون الانسان يكره الي يحبه وخاصه اذا من صلبه )



...........في الختام.......
انظر كيف يحبونك الناس وعلى قدر ما يحبونك حبهم ..
ووفر حبك الحقيقي للانسان القريب منك ..
لا تنسى ان اجمل مافي الحياة الحب والموده بين الناس وانسى الكراهيه والبغض لانها اسوء ما في الحياه ...
انظر من نافذة التفائل لان شمسها لاتغيب ولا تنظر من نافذة التشاؤم لان الليل فيها لا يتزحزح ..
...ردد هذه الكلمات ...
احب الحياة ..
احب من يعيش حولي ..
ارغب بالنجاح ..
هدفي قريب مني ..
الصبر مفتاح لكل العوائق ..
اشكر من ساعدني ..
اقدم النيه الحسنه في كل الامور ..
ابتعد عن الكراهيه والحسد ..


الى الجميع << اتمنى ان القصه نالت على اعجابكم وان رسخ معنى القصه في اذهانكم .. مع خالص شكري لكم ,,كما واطلب من الجميع ان يدعيلي بالثبات والهدايا ....