هذا اللي لقيته بالتقيم
التقييم ملاحظات الطلبة
- النجوم:
- المستوى: صعب جدا
- الشرح: شرح جيد جدا
- حصلت على: F
لا ننصح به
المـادة: بيولوجيا 1 التاريخ: 2010-06-21
الطالب: 79ooh رقم التقييم: 21092
تشرح من قلب وتتعب بالشرح واتعيد اكثر من مرة
ونفسيتها حلوة
بس امتحاناتها وايد صعبه
- النجوم: لا يستحق نجوم
- المستوى: صعب جدا
- الشرح: شرح متوسط
- حصلت على: F
لا ننصح به
المـادة: بيولوجيا 101 التاريخ: 2009-08-02
الطالب: وردة الاجتماعية رقم التقييم: 18512
لا تستغربوون من اسمي >> داخله بأسم اختي وردة الاجتماعيه
حسبي الله ونعم الوكيل ..
ماترضى بأي إجابه لازم مثل الكتاب حتى لو كانت اجابتج صح
وتخلينا ندرس الكتاب كله ..
وماتعطي لا مذكراات ولا ورقه مراجعه
ومرة عطتنا ورقتين تلخيص بالغصب يعني احنا طلبنا منها وبالعافيه وافقت ..
نصيحه نصيحه نصيحه لحد يــاخذ عندها إسأل مجرب ..
وماعندها مشكله ان كل الشعبه ياخذوون f يعني عادي يهون عليها..
الكورس اللي طاف علقت نتايجنا وكل وكل شعبتنا ماخذين f
والناس يضحكوون ويصورووون نتايجنا !!!!!!!!
للعلم إني كنت أدرس بــجد وكل يوووم لـــين أنصدمت بدرجه االميدتيرم الأول عطتني f بالرغم اني كنت طالعه من الامتحااان و واثقه اني ناجحه .. !!!!!!
الله يسامحها !!!
- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: بيولوجيا 101 التاريخ: 2009-07-05
الطالب: Cba finest!! رقم التقييم: 18189
هالدكتوره هاذي كرهتني بعيشتي و الله ما قمت احب اداوم وسبتها بس هم كنت احضر عشان ما يكون في أي عذر و همن عدتها !!! نصيحة لااااااااااااااااااااااا تاخذون !!!!!
عليها امتحانات مفاجئه و لو تقعد تتكلم من اليوم لي باجر ما راح تفهمون شي !! و عشان التأكيد بس مروا يم لابها و شوفوا درجات طلبتها !!!!
- النجوم:
- المستوى: صعب
- الشرح: شرح جيد جدا
- حصلت على: D
لا ننصح به
المـادة: (بيولوجيا انسان) التاريخ: 2009-06-24
الطالب: حمزة رقم التقييم: 17789
هللو
خذيت هالمادة في الكورس الثاني سنة 2009 كان وقتها الساعة 11:00 في موقع الخالدية
تقسيم الدرجات:
20 درجة امتحان أول
25 امتحان ثاني
5 درجات شفوي ومشاركة وكويزات مفاجئة
50 درجة فاينل
______________________
المجموع = 100
الدكتور حيل مصعبة المادة مع إنها ممكن تكون أسهل من جذي، ابدًا ما راح تتعاون معاك ومهما تقولها دكتورة سهلي علينا وحذفي وحولي الامتحان من مقالي إلى موضوعي ما راح توافق وراح تسمع من هني وتطلع من الصوب الثاني..
ذوقتنا المر داخل الكلاس وتعبنا معاها وايد لأن تعطي كويزات مفاجاة لكن ماعليها درجات، وغير جذي امتحانها الاول والثاني والفاينل حيل صعبين..
أنصحك لا تاخذ عندها إلا إذا كنت مجبور أو ما عندك شي تاخذها إلا هالمادة، عشت أسوء لحظات حياتي وأنا أنطر نتيجتي النهائية لأني كنت خايف أسقط وأعيدها وغير جذي ما حليت عدل بالامتحان وورقة المسائل هديتها كلها بالفاينل وطلعت أول واحد لكن الله سترها عليه وحبني وطلعت منها
d ومادري شلون نجحت فيها وحمدت ربي وشكرته وصليت ركعتين شكر لأني طفت هالمادة المقيتة..
تكره عيشتك والمادة بكبرها جد جد الله لا يعودها من أيام حالتي حالة كانت والكمية اللي تدرسها حيل كبيرة، بالفاينل لغت لنا مذكرة وحدة من أصل 3 مذكرات يعني صاروا مذكرتين وكل مذكرة تقول الزود عندي من الدسومة..
خذيت بالامتحان الأول: 11.5 من 20
والثاني: 18.5 من 25
والشفوي يمكن حطتلي 3 أو 4
والفاينل اعتقد ماخذ درجة مابين 29 إلى 35
والحمدلله افتكيت ونجحت..
نصيحة لا تاخذون عندها، راح تتعذبون طول الكورس وفي وايد شباب سحبوا منها من بعد أول امتحان لما كان خيار الانسحاب متاح وقتها، وفي وايد شباب ندموا ليش ما سحبنوا منها.. ونسبة السقوط كانت وايد عالية سواء من الشباب والبنات..
وعيبها انها سريعة بالكلام لكن اذا تبي تعيد شي، راح تعيده لك وتفهمه لك، نظامها كله بروجكتر حراري وسلايدات، ولازم تنقل اللي تكتبه وتكتب بسرعة بسرعة لأن لو بتعتمد على النوت رحت فيها ولا بتدرس شي..
حمزة
- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: 101 بيولوجيا التاريخ: 2009-05-09
الطالب: Zozo90 رقم التقييم: 17351
اذا انا مو غلطانة فاهيا أسوء دكتورة بالكلية
الشرح كلش مو وافي و لا كافي و سريع و غير مفهوم
لا عندها نوت و لا تخلينا ندون المحاضرة و لا تخلينا نصور السلايدات اللي تعرضهم
امتحانها كان صدمة عمر !! 8 صفحات و 4 جباتر بساعة وحدة
مقارنة بدكاترة ثانين الميد تيرم الاول معطين جابترين وامتحانهم 3 صفحات و بساعتين
امتحانها شبه تعجيزي وجنها تقول يا انا يا انتو
و النتيجة ان السكشن كله f ماعدا بنت وحدة b- و هذي حاله خاصة
وهذا غير الكويزات المفاجئة اللي عقب كل جابتر تعطينا ياهم اللي يشوفها يقول فاهمين احنا!!!!!
نصيحة مني .. مو لا تاخذون عندها .. الا لا تفكرون تاخذون عندها ..
لانكم جنيتوا على نفسكم
و اللي ياخذ عندها خل يجهز نفسه الكورس اللي وراه يدور له دكتور زين ياخذ يعيد عنده المادة
- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: بيولوجيا 1 التاريخ: 2009-04-26
الطالب: Craziya f9la رقم التقييم: 17165
هايي
شلونكم؟؟
لوولوة الغيث ؟؟؟
نصييييييييييحه من اخت لا تاخذوون عندها ... ماتشرح عدل اوو كوزات مفاجئة اوو امتحاناتها صعببببببببببببببببه حدها ... اففف يعني اللي ياخذ عندها امه داعية عليييه ...
- النجوم:
- المستوى: متوسط الصعوبة
- الشرح: شرح ممتاز
- حصلت على: A
ننصح به
المـادة: بيلوجيا انسان التاريخ: 2008-12-26
الطالب: Aisha رقم التقييم: 15788
والله دكتوره لولوه عجيييبة, خذيت عندها صيفي.. والكل كان يقولي انها مو زينه !! بس والله ان شرحها حلو ورووحها حلوه وتسولف وتضحك.. والله اني حبيت البيلوجيا منها p:
كانت تعطينا بوبكويزز.. و ما كنت أحل الا سؤالين يمكن وأشير الباجي.. لاني ما كنت ادرس الا قبل الميدتيرم.. والميدتيرماات كانت زويينه.. وطلعت
اب a-..
- النجوم: لا يستحق نجوم
- المستوى: صعب جدا
- الشرح: شرح غير مفهوم
- حصلت على: F
لا ننصح به
المـادة: 101 التاريخ: 2008-04-30
الطالب: Keep_alive رقم التقييم: 13710
لايحووووووشكم
لاتفكرون تاخذون عندها احنا سكشن كامل كلنا معطتنا اف واعلى وحده فينا بي
وذا محد مزل الماده الا اهي تاخرو كورس بس لاتعذبون نفسكم معاها حتى الدراسه عندها ماتنفع
- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: بيولوجيا انسان التاريخ: 2007-12-31
الطالب: أحمد رقم التقييم: 12453
الدكتورة لولوة حدها عجيبة ومحترمة في التعامل
المادة تنزل بالعربي وبالانجليزي احنا بالآداب ناخذها بالعربي بس طلبة العلوم انجليزي وبالعربي وايد سهلة
المحاضرة كلها ضحك او وناسة والامتحانات شوي صعبة بس الدكتورة عتدها طريقة حلوه لما تجمع الدرجات مادري شلون بس اذا في امتحان كنت مزفت فيه ترفعك الامتحانات الثانية
نظام الدرجات 3 مدتيرمات كل واحد 30 درجة و 10درجات مشاركة وحضور
انصح كل الطلبة ياخذون عندها وخاصةً طلبة الكليات الأدبية إلي مطلوب عليهم مواد العلوم وآنا كنت وايد خايف من المادة بس الحمدالله طلعت +b
- النجوم:
- المستوى: صعب
- الشرح: شرح ضعيف
- حصلت على: B
لا ننصح به
المـادة: بيولوجيا101 التاريخ: 2007-09-17
الطالب: 3lmia4ever رقم التقييم: 11746
امتحانها شنو صعب اساله تعجيزيه تييب بمتحان واحد رسم وتعاريف ومسطلح وفراغات....الخ
اللي يخطر في بالك تحطه وكويزات مفاجئه تبي تمشي معاها تدرس الكتاب ويا النوت وسررررريعه ابداااا ماتاخذ نفس بس بالتعامل اوكي
- النجوم:
- المستوى: سهل جدا
- الشرح: شرح ممتاز
- حصلت على: A
ننصح به
المـادة: بيولوجيا الإنسان التاريخ: 2006-09-08
الطالب: البطة رقم التقييم: 7046
خوش دكتورة ملتزمة بالمواعيد ومخلصة بالشرح تعطي معلومات وايد مفيدة وامتحاناتها متنوعة شنها امتحانات المتوسط وما تطلع من النوت بس ما تزيد بالقريدات إلا لما تسوي كيرف
- النجوم:
- المستوى: صعب جدا
- الشرح: شرح متوسط
- حصلت على: B
لا ننصح به
المـادة: بيولوجي التاريخ: 2006-06-06
الطالب: Dna رقم التقييم: 4830
اهم شي انك لازم تعرف ان سرعة شرح الدكتوره اسرع من سرعة الضؤء بشي بسيط جدا <.<
يعني بالمختصر اذا كنت تقدر تفهم كلام الدكاتره السريع جدا جدا و تقدر على الامتحانات التعجيزيه جدا جدا اخذ عندها -_-
و بالتوفيق p:
- النجوم:
- المستوى: صعب
- الشرح: شرح جيد جدا
- حصلت على: B
لا ننصح به
المـادة: Biology101 التاريخ: 2006-06-05
الطالب: طالبه رقم التقييم: 4744
بصراحه صعبه وتحتاج انك تدرس اول باول لا وتفهم
بعد كل المعلومات الموجوده بالكتاب من جميع النواحي وامتحاناتها صعبه حيل فيها اختياري واذكري واشرحي وصور حتى مسائل حسابيه فيها !!
بصراحه انا مابطلت الكتاب الا مره او مرتين وكل دراستي
بنوت الدكتور ماجد الله يعطيه العافيه في نفس اللي تشرحه الدكتوره بالمحاضره
- النجوم:
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: بيولوجي التاريخ: 2006-04-26
الطالب: انسان رقم التقييم: 3881
اذا ما في بالدنيا الا اهي ..... نحاشوا من الكلية
- النجوم:
- المستوى: صعب جدا
- الشرح: شرح ضعيف
- حصلت على: D
لا ننصح به
المـادة: بيوجليا101 التاريخ: 2006-01-06
الطالب: ؟ رقم التقييم: 1922
خطر
ممنوع الاقتراب
ابتعد عنها كثر ما تقدر
تكرهك بشي أسمه بيولوجيا
- النجوم:
- المستوى: صعب جدا
- الشرح: شرح غير مفهوم
- حصلت على: D
لا ننصح به
المـادة: Biology 101 التاريخ: 2006-01-02
الطالب: Q8_italy رقم التقييم: 1847
والله يا جماعه دكتوره ما تعرف تشرح ولا تعرف حتى شلون تتكلم والامتحانات اصعب امتحان بالقسم كله والله محد كرهني بهل الماده غيرها اهي
- النجوم:
- المستوى: صعب
- الشرح: شرح جيد جدا
- حصلت على: A
لا ننصح به
المـادة: Biology101 التاريخ: 2005-09-03
الطالب: Nawal رقم التقييم: 733
الشرح حلو بس سريعه شوي
امتحاناتها وايد صعبه وتحير وكانت كلها اختيارات يعني تعتمد على التشيير اكثر شي
واسئله الامتحان تكون مو من الكتاب
- النجوم:
- المستوى: صعب
- الشرح: شرح ممتاز
- حصلت على: A
ننصح به
المـادة: Biology1 101 التاريخ: 2005-07-01
الطالب: 1234raha رقم التقييم: 272
الدكتورة ممتازة بس الدراسة لازم تكون أول بأول لأنها كل محاضرة تسأل عن المحاضرة السابقة والامتحانات بشكل عام صعبة
- النجوم:
- المستوى: صعب
- الشرح: شرح ممتاز
- حصلت على: A
ننصح به
المـادة: احياء 101 التاريخ: 2005-06-20
الطالب: Dr_marami رقم التقييم: 71
دكتورة حليوة و شرحها ممتاز بس امتحاناتها صعبة تعتمد على مدى الانتباه اثناء المحاضرة تقدر تاخذ عندها a بس مو بسهولة يعني لازم تدرس اول باول و عندها امتحانات مفاجئة
موفقة يارب :yaaaaaarb:
