رد: مشكله للمناقشه - موضوع متجدد
الى كل الخوات اللي ردوا على موضوعي(مشكوووووووووووووووووووووورين
ولكل باقي الخوات...سمعوا باقي القصه(المأساة)
عقب مارديت بيتي مع ريلي طلب مني انزل اسلم على امه وقتله ان شاء الله ونزلت لقيت خالتي ومرت حماي قاعدين بالصاله سلمت عليهم بس خالتي بوزت ابويهي(مادري انا شمسويه) قعدت عشر دقايق وصعدت شقتي..رتبت اغراضي على ماياه ريلي من بره وكان يايب عشا تعشينا وسألني ليش ماطولتي تحت(اشدرااااه؟؟ماكان فالبيت) قتله ماكو الا خالتي ومرت اخوك والوقت كان متأخر وانا برتب الشقه(طبعا ماقتله عن التبوز اللي حصلته ) ثاني يوم قعدت ريلي وقتله خنروح مركز سلطان ابي اغراض للبيت(ماكنا امشيلين هالشهر لان ريلي دفع اللي عنده للمستشفى) رحنا وتشرينا وانا اللي دفعت(عادي مو اول مره) كنا مستانسين ومافينا الا العافيه وردينا البيت انا صعدت ارتب الاغراض مع الخدامه وريلي تم تحت دقيت اساله تبي عشى ولا بتطلع قالي لا انا الحين بصعد وسوي عشا خفايف(ايحاجيني بنفسيه) وانا اسوي العشا ذكرت ان ماشرينا خبز بس عندنا صمون وقلت لريلي ماعندنا خبز وانا خلصت العشا قالي عيزان اروح طرشي الخدامه بيت اخوي (شقتهم قبالنا بس عمرنا ما طلبنا منهم شي) خدامتهم قالت ماعندنا خبز ريلي قال لخدامتي روحي ييبي خبز من تحت انا قتله لأ انا ما اكل شي من تحت ولا تحرجني سألني وبنفسيه ليش اشفيهم تحت رديت مافيهم شي بس انا ماحب احد يتمنن علي وقتله موقف صار قبل فتره واهو ان مره سلندر الغاز عندي خالص وريلي كان بالدوام وقالي انا قلت للسايق ايعبي الغاز وخليت الخدامه اتنزل السلندر واتشوف السلندرات اللي تحت الفاضيه وعطيتها عشر دنانير بس خالتي مارضت تعطي الخدامه اسويج السياره وبصوتها الجهوري اللي ايسمع اخر الشارع انا ماأكد على احد اهي عندها سياره اتروح وتعبي الغاز انا قلت للخدامه مو مشكله ردي السلندرات مكانهم بس خالتي لما درت اني بعبي سلندراتهم عطت السايق السياره,,,,, لما قلت لريلي هالموقف ماعلق ولا قال شي(دايما ماعنده رد حرنيييييي) فقتله مو مشكله حبيبي ناكل صمون...لبست دراعه بروح اييب ولدي من تحت فقالي ريلي لا ماتروحين خلي الخدامه اتروح انا قتله ولدي وبروح اييبه والخدامه ماتنزل تحت احنا متفقين رد علي بعصبيه لا الخدامه اهي اللي تنزل وايكون بعلمج بتشتغل تحت بعد (انا خلااااص طفح الكيل) وقتله اذا الخدامه بتزل انا مالي قعده فالبيت صعقني وقالي ذلفي لاتقعدين؟!!!!! لبست ولبست ولدي ويوم ييت اطلع ماخلاني وكان يعاملني بعنف(انا ريلي هادي وعمره ماكان عنيف) قاومته ولما وصلت الدرج ماحستت الا ساحبني ومدخلني الشقه الى الغرفه سحب وعطاني طراااااااااااق قوي(اول مره بحياتي) صارت الدنيا بعيني ألوان بألوان وقتله انا الحين مالي قعده على ذمتك عقب مامديت ايدك علي,,,,قفل باب الغرفه وطاح فيني طق بالعقال انا حاولت ادافع عن نفسي وحاشه مني جم طراق بس ماقدرت عليه(والله للحين مو مصدقه وكأن حلم خصوصا وانا اسمع صياح ولدي من ورا الباب وصياح خدامتي) وعقب ما خلص علي طلع من الغرفه للصاله وولدي دش علي يركض وهو مخترع حضنته وحاولت ما ابجي(ما انسى ويه ولدي وهو مخترع) دقيت على اخوي وخذاني
وعقب ماصارلي اكثر من عشر ايام وريلي مادق علي او على اخوي طرشت اخوي وخدامتي يابوا سيارتي واغراضي(امس) حماي دق علي وسألني شسالفه قتله اخوك مد ايده علي وانا قعدت فبيت اهلي 26 سنه عمري ما انطقيت قالي الشيطان شاطر ومسحيها ابويهي واخوي انا اكلمه انا رفضت وقله اخوك بيتم ابو ولدي وبس لان اليوم اللي مد في ايده علي كان اخر يوم بينا.....
ألحين انا محتاره شنو تنصحوني اسوي... انا صج كنت احب ريلي بس الحين احس ان الله نزع محبته من قلبي
ولا اقدر اعيش معاه عقب اللي صار...
