¨°•√♥ مشكله للمناقشه - موضوع متجدد¨°•√

[تفاحه خضره]

رد: مشكله للمناقشه - موضوع متجدد

ودايما ادعيله وقولي اللهم اجعل بيني وبين زوجي موده ورحمه خاصه بالسجود والله بالدعاء كلشي يهون حبيبتي

 

[رمش العين]

رد: مشكله للمناقشه - موضوع متجدد

مرحبا
انا عندي مشكلة وياريت تساعدوني
انا صارلي 4 سنين و انا متزوجة
و الحمدالله زوجي زين لكن المشكلة ان زوجي من اول ما يدش البيت ما يتكلم يعني مادري شنو مشكلته قالولي حاولي تسولفين معاه او تجذبينه بشغلات و انتي طلعي السوالف من عنده
و الله حاولت و تعبت و ماني قادره استحمل و الله ما اقعد يومين إلا اليوم الثالث و انا زعلانه
لدرجة اسولف معاه و الله مايرد علي بس قاعد على الكمبيوتر و إلا يطالع تلفزيون ا
اقوله اذا موعاجبك كلامي على الاقل قولي لا تسولفين
و الله من كثر ماني محترة صرت اطق عيالي مع اني ما احب اطقهم
و اللي يعافيكم قولولي شسوي
طبعا هو الحين بالصالة على كمبيوتره يلعب و انا بغرفتي من اول ما جاء من الساعة 12,30 ما تكلم و لا كلمة ( طبعا الحين الساعة 4 و شوي ) و انا صرت ما احب اكلمه اقول يمكن يحس

 

[همسات ليالي]

رد: مشكله للمناقشه - موضوع متجدد

حبيبتي خليه على راحته

ترى حتى احنا الحين ساعات نبي نقعد بروحنا ونمارس هواياتنا من نت او قراءة او او

لا تكبرين المشكله واختاري الوقت المناسب ومالهم ذنب عيالج بالسالفه

 

[الشقراااااااء]

رد: مشكله للمناقشه - موضوع متجدد

هااااااااااااااااااااااااااااااااااي ابي احد يرد انا توني مشاركة

 

[البيلسان]

رد: مشكله للمناقشه - موضوع متجدد

حبيبتي رمش العين بالنسبة لمشكلتك حلها يبيله صبر وطولة بال، وتصدقين آنا دايما أقول حق نفسي طالما الريال ما عنده سوالف حريم ولا خمر ولا مخدرات كل شي يهون، بالنسبة لزوجك أنا أقترح عليك إتخلينه على راحته لأنه إحتمال طبعه يكون جذي حتى لما كان في بيت أهله وسإلي أحد ثقه من أهله عن هالموضوع هل كان أهو جذي ولا لأ؟...وبعدين حاولي بالتدريج تقتنصين الأوقات اللي يكون فيها رايق وحاولي تتكلمين معاه بالمواضيع اللي إهو يحبها أو هواياته، دوامه،كرة..أي شي يحبه،،،وأرد أركز على إختيار الوقت المناسب للكلام مو مثلا توه راجع من الدوام وتعبان وإنتي تيين تسولفين....والله يوفقك.

 

[رمش العين]

رد: مشكله للمناقشه - موضوع متجدد

يعطيكم العافية و بحاول معاه

 

[دلـــوعة^أبـــوها]

رد: مشكله للمناقشه - موضوع متجدد

أنا مشكلتي اني اشك بريلي احس انه يكلم بنات او مايحبني



بتسالوني طايحة عليه اقولكم لا ولا عندي دليل مع اني افتش بتلفونه وماالقى شي



انا احبه وااااااااااااااااايد واخاف يضيع مني ماادري شسوي

 

[ولا احلا]

رد: مشكله للمناقشه - موضوع متجدد

أنا مشكلتي اني اشك بريلي احس انه يكلم بنات او مايحبني



بتسالوني طايحة عليه اقولكم لا ولا عندي دليل مع اني افتش بتلفونه وماالقى شي



انا احبه وااااااااااااااااايد واخاف يضيع مني ماادري شسوي

:tek: مراحب خواتي
لازم تكون عندج ثقة بنفسج ولا شنو يضيع الريال من بيته غير الشك والغيرة الي مالهم داعي صدقيني خليج دايما متفائلة واتركي عنج الشكوك واذا ما عندج دليل ولا شي ليش الوسواس هذا جذي بتهتز صورتج جدامه وبتصيرين بالنسبة له مزعجة وممله لانك اكيد بتسألينه وايد وبتزعلين وايد وبتتهاوشون بعد وممكن تكبر المشاكل وما في سبب مقنع لها والغيرة ترى حلوة بس تحملي كثرتها والشي لي زاد عن حده ينقلب ضده ...ثقي عزيزتي ان زوجج ما يحب ولا يشوف غيرج وكوني بنظره انتي وبس وانت الحبيبه والصديقه وتظنين فيه من غير دليل .......... حافظي على حياتج قبل ما تهدينها .............وتقبلي مرووري

 

[دلـــوعة^أبـــوها]

رد: مشكله للمناقشه - موضوع متجدد

مشكووووووووووورة حبيبتي وماتقصرين



وانشالله راح اخذ بنصيحتج

 

[كـ غلا ــلي]

رد: مشكله للمناقشه - موضوع متجدد

انا مشكلتي ريلي انه طول ايام الاسبوع ولا كأنه معاي بالبيت اصلااا ما احس اني متزوجه طبعا ايي من الدوام متاخر عال 3

ونص على طووووووووووول يبدل وينااام زين منه لين سلم علي يقعد عال 5 ونص او 6 يرجع يداوم لين ال9 ونص مع هاذا

يرجه البيت يوميا عال 12ونص اومرات يمسخها ويرد عال 1 بس اليوم حده خارها جيه البيت عال3 ونص وانا بس اتقلب و

نومتي متقطعه صج ما عندي سالفه دقيت عليه ولا رد علي اشوي والا طاب الشقه حضرته وانا حدي دايخه رديت نمت لا

شعوريا مع انه كان ودي اعاتبه واسأله وينه فيه لين هالحزه يالله جيه البيت طبعاا حاسه باهمال عجيب منه لابينا لاسوالف

ولا بطيخ واصلااا ما يمديني اشوفه ايي من الدوام الا الاخ نايم اقعد اروح النادي مازال نايم ارد من النادي مو موجود أأخر

رجعتي للبيت عشان اشوفه هم يتاخر بزياده واذا بجر بالجيه ينااااااااااااااااام .. نادر يسويها ايي عال 10 ونص ينااام

دايركت عالاقل بالويكند شوي يعطي ويه تناجر شي بس ايام الدوام كلش والله ياتني الكآبه عيزت دخلت نادي قلت اشغل

روحي- بس هم ماكو فايده بالي معاه واللي باط جبدي ليش مو حاس فيني ليش هالاهمال كله مع انه توه صار لنا 10

اشهر من تزوجنا وعلى فكره من خذيته واهواا جذيه لالالالالالالالاعت جبدي منه ومن بروده نصحوني شسوي

وعلى فكره انا واايد مرات اسولف معاه لين تواجد بالبيبت طبعا واضحك ولا جنه فيني شي مع هاذا مو مبين بعينه


أأأففففففففففف استغفر الله ياربي .. وبصراحه حاسه بفراغ عاطفي كبير غير الفراغ الصجي اللي انا فيه مع اني داخله نادي ومعظم وقتي فيه بس هم حاسه بفراغ ووحده ..آآآآخ ياربي تعبت

 

[**أم السنع**]

رد: مشكله للمناقشه - موضوع متجدد

حبيبتي كلي غلا تعوذي من ابليس ماكو الا العافية.صدقيني عن تجربة ماكو احلى من الصراحة والنقاش قعدي معاه قعده حلوه هاديه وشموع وحركات وكلميه عن اللي مضايقج وطبعا ابديها بانج تحبينه وتبين تقعدين معاه وهو كل شي بالنسبة لج يمكن يكون مو منتبه ان عدم وجوده مضايقج؟؟والله يوفقج وطمنيني عليج يا الغالية

 

[noof1975]

رد: مشكله للمناقشه - موضوع متجدد

آبي آكتب لكم مشكلتي واتمنى القى الحل عندكم صارلي اسبوع مااكلم ريلي والسبه ان قالي ابيك اتحملين مومقدر ان عندي اربع عيال ٣بنات ولد الحمدلله نعمه بس اهو ما يبي لعيال علشان لعيال بس لاني العام مسويه عمليه كشط حق بطني السنه قزيت ابر ميزوثرب يمعنا منزعج من اليهال بس احس يقول جذي علشان يحرني المهم طلبت منه ان يتزوج اذا يبي عيال ويطلقني لاني مليت نتيجه تراكم المشاكل عمره مااعتذر لي كله آنا سواء آنا غلطانه او اهو اتمنى الاقي الحل عندكم :0bee2e8d89:

 

[كسرة عود]

رد: مشكله للمناقشه - موضوع متجدد


حبيبتي الغالية noof1975 أولا استفسار هل عمليه الكشط حق البطن تمنع الحمل على طول

إذا لا ......... ماله عذر وإذا إي وأنتي مسويه بموافقته هم ماله عذر

وثانيا لاتتسرعين وتقربين الفكرة بباله وتقولين تزوج >>>>> ترى ياكثرهم الحييين

ديري بالج وأكثري من الاستغفااااااااااار ترى مفعوله بتغيير الأحوال مجرب

وصدقيني العياااااااااال أبدا موعذر والله أعرف مرة عندها عشر عيال وبنتين متزوج عليها عراقية >>> شفتي الرجاله

الحين لازم تفتشين عن السبب اللي يتعذر فيه ...... حاولي ترضينه

وننتظر بشارتج ياقلبي والله يألف مابينكم يارب .....

 

[رحلة امل]

رد: مشكله للمناقشه - موضوع متجدد

هااي

اليوم حدى مضايقة البارحة ااج زوجى من الدوام وقال لى ابيش في موضوع طلعنا رحنا مطعم وتعشينا وقال لى بصراحة مو شايفة ان المفروض نجيب ااخ اوو ااخت الى ابنا ماادري تنرفزت وقلت الو يعنى انت مش حاس ان ابنك للحين محتاج الى عناية وابنى كتير عنيد ومتعبني وزوجى كل في دوام ماايدري عن شيء اجازته يوم الجمعه ماايدري شنو اعاني هو ابنه مايشوفه الايوم الجمعه زوجى عايش كل في مستشفى وماايدري عن شيء يوم الجمعه ااهيء الو الجو البيت مع انو يعرف ابنه عنيد ابنى عمره 6 سنوات متعبنى عنيد حتى في الاكل ماايقبل ياكل ووو شغلات جااي على راحة زوجى يقول ابيش تحملين
واليوم حده ماله خلقي وزعلان وكل ساكت بس الحين لما طلع قال لى حبوب مافي مفهوم قلت اله مو على كيفك هذا الامر يخصنا مع بعض مفروض نتفق قال انا رجال وانا الى اقول معصب ماادري شو فيه وحدى مضايقة لو قلت الى امي بتقول معه حق بس انى مانى قادرة افكر احمل الحين ولدى متعبنى كيف اجيب واحد ثانى يمكن انجن ماادري شنو الحل ؟ظ

 

[GaZoZiYa]

رد: مشكله للمناقشه - موضوع متجدد

آبي آكتب لكم مشكلتي واتمنى القى الحل عندكم صارلي اسبوع مااكلم ريلي والسبه ان قالي ابيك اتحملين مومقدر ان عندي اربع عيال 3بنات ولد الحمدلله نعمه بس اهو ما يبي لعيال علشان لعيال بس لاني العام مسويه عمليه كشط حق بطني السنه قزيت ابر ميزوثرب يمعنا منزعج من اليهال بس احس يقول جذي علشان يحرني المهم طلبت منه ان يتزوج اذا يبي عيال ويطلقني لاني مليت نتيجه تراكم المشاكل عمره مااعتذر لي كله آنا سواء آنا غلطانه او اهو اتمنى الاقي الحل عندكم :0bee2e8d89:

أمبية ترا وايد حرام عليج اللي قلتيه..
حبيبتي لا تزعلين من كلامي ترا اللي سويتيه غلط
أكو وحدة تخرب بيتها بايدها و بهالبرود؟؟ ليش تفتحين علا نفسج باب و تحطين فكرة انه يتزرج عليج و يطلقج كأنها شي سهل.. حرام عشان عيالج..
انا مادري شنو المشاكل اللي بينج و بينه.. بس مهما كان هذا ابو عيالج.. و عيالج يحتاجون ابوهم و مافي احد ممكن يحل مكانه و يسوي دور الأب بالنسبة لللأبناء وجوده له دور كبير...
و من حقه كزوج انه يطلب منج عيال،، و من حقج كزوجة انج اتييبينله..
اسمحيلي ترا انتي غلطانه.. درسي الموضوع و قلبيه بمخج عدل و راجعي حساباتج قبل لا تتخذين اي قرار..
وفكري بعيالج قبل لا تفكرين بنفسج..
ولا تزعلين من كلامي.. بس حبيت انصحج لله

 

[GaZoZiYa]

رد: مشكله للمناقشه - موضوع متجدد

هااي

اليوم حدى مضايقة البارحة ااج زوجى من الدوام وقال لى ابيش في موضوع طلعنا رحنا مطعم وتعشينا وقال لى بصراحة مو شايفة ان المفروض نجيب ااخ اوو ااخت الى ابنا ماادري تنرفزت وقلت الو يعنى انت مش حاس ان ابنك للحين محتاج الى عناية وابنى كتير عنيد ومتعبني وزوجى كل في دوام ماايدري عن شيء اجازته يوم الجمعه ماايدري شنو اعاني هو ابنه مايشوفه الايوم الجمعه زوجى عايش كل في مستشفى وماايدري عن شيء يوم الجمعه ااهيء الو الجو البيت مع انو يعرف ابنه عنيد ابنى عمره 6 سنوات متعبنى عنيد حتى في الاكل ماايقبل ياكل ووو شغلات جااي على راحة زوجى يقول ابيش تحملين
واليوم حده ماله خلقي وزعلان وكل ساكت بس الحين لما طلع قال لى حبوب مافي مفهوم قلت اله مو على كيفك هذا الامر يخصنا مع بعض مفروض نتفق قال انا رجال وانا الى اقول معصب ماادري شو فيه وحدى مضايقة لو قلت الى امي بتقول معه حق بس انى مانى قادرة افكر احمل الحين ولدى متعبنى كيف اجيب واحد ثانى يمكن انجن ماادري شنو الحل ؟ظ

الله يعينج علا ولدج اول شي..
ثاني شي حبيبتي مو كل اليهال نفس الشي..
ولدج كبر ماشالله مو ياهل و تقدرين تتحكمين فيه.. و تربينه عدل .. عاقبيه مرة مرتين حرميه من الاشياء اللي يحبها لما يتعلم.. عرفي شلون تتعاملين معاه صح.. شغلي مخج شوي.. و من غير عصبية بس يبيلج تفكير و ادارة عدلة

الزوج من حقة يطلب منج عيال و لاااااااازم اتييبينله..
و بعدين لما اتييبين له ياهل.. ولدج راح يتغير.. اهوا اكيد الحين مدلع و الجو كله له عشان جذي مزودها حبتين.. بس لما اتييبين واحد ياخذ اهتمامج و وقتج كله.. ولدج راح يتغير صدقيني.. اهوا من نفسه راح يغير نفسه..
انا لما كنت صغيرة كنت وااااااااااااااايد عسرة (علا كلام امي) و من بعدي خلاص ما يابت عيال لمدة 7 سنين.. بس بعدين حملت وراي.. و كل شي تغير..
نصيحتي لاترفضين هالشي لزوجج ولا ترا بيروح يطلبه من وحدة ثانية..

 

[للحين ناطره]

رد: مشكله للمناقشه - موضوع متجدد

مرحبا.....انا الحين ماعندي مشكله مع ريلي لان صار ايحاجيني عقب ماكان زعلان... انا مشكلتي مع خالتي ام ريلي اهي واااايد عصبيهوصوتها واااااااااااااااااااااااااااااااااايد عالي انا اذكر اول ايام زواجي كنت اخاف لما اسمعها اتسولف عبالي اكو مشكله او شي وتطلع الحجيه مافيها الا العافيه اتسولف وتضحك بس اهي طريقتها جذي.....المهم انا وااااااايد هاديه وسكوتيه وماحب المشاكل وكانت خالتي وايد اتحاول تستفزني وانا كنت طبعا انزل راسي وماارد ابولا كلمه واصعد بعدين شقتي ابجي على راحتي وعمري ماشكيت لريلي لانه ريلي وخوانه اشوفهم واااايد يسمعون حجي امهم واللي اتقوله اهو اللي يمشي لدرجة ان مرت حماي العود قالتلي انا اذا ابي شي من ريلي اقول لخالتي واهي اتقوله... انا لا عمري مادخلت خالتي بحياتي واتفقنا انا وريلي مشاكلنا احنا انحلها...المهم انا ابشتى الطرق احاول ارضي خالتي وعمري ماتدخلت باي موضوع ولا ابديت رايي الا لما ينطلب مني.. وخالتي كانت دايما اتقول عني مرت ولدي هذي غير البشر صارلها سنتين عندنا وبدش السنه الثالثه وعمري ماسمعت حسها ومااسمع منها غير انشالله وحاضر...عقب ما ولدت يبتلي خدامه والحمدلله الله وفقني فيها حبوبه وزينه مع ولدي ونظيفه بس خالتي حاطه دوبها دوب الخدامه زف وهواش بسبب وبدون سبب وكل ما شافتني ليش خدامتج لابسه جذي ليش ماخذه خدامتج معاج ليش خدامتج ماتنزل(خدامتي تشتغل تحت اكثر من شغلها عندي) وليش وليش وانا طبعا انشالله وحاضر... المهم في يوم كنت نايمه العصر وقعدت على صوت خالتي الجهوري(طبعا عادي) بس اللي مو عادي كان لخدامتي صوت ولريلي صوت فزيت من فراشي والا على دخلت ريلي وشكله متغير واعصابه تالفه وخدامتي دشت اتصيح وتبجي قلت لزوجي عسى ماشر اشفيكم رد خدامتج اتعاند امي وارفعت ضغطها بس انا مادري اشلون مديت ايدي عليها(انا ريلي طبعه هادي وعمره ماعامل الخدم بطريقه موحلوه) هديته وقتله خلاص اللي صار صار انا ابيك الحين اتروح ادورلي خدامه ثانيه لان عقب ما خدامتي انطقت ما آمن على ولدي عندها اخاف تنتقم منه راح ريلي ايحوس بالمكاتب وانا هديت الخدامه وطيبت خاطرها وقتلها اذا ماتبينا عادي روحي انتي واايد زينه وبتلاقين بيت احسن من اهنيه اهي ارفضت وقالتلي انا ماابي اروح ابقعد عندج...رد ريلي وقالي ماكو الا اطلب خدامه يديده وانا ماعندي افلوس خليها عندنا بس ماتنزل تحت..وانا وافقت(فكه احسن ماتنزل) ومرت الايام وعادي ماكو شي وولدي انزله مع عمته الصغيره او انا اجابله او ابوه ايجابله...وفيوم يت حماتي الصغيره (14 سنه) وخذت ولدي تحت وعقبها ابنص ساعه دقت علي وبصراااااخ انا مو خدامه عند ولدج اركض وراه نزلي خدامتج اتجابله وسكرت التلفون ابويهي... انا لا تعليق وماقلت لاحد ولما شفتها وحاجتني رديت عليها عادي.... واستمر الوضع هادي وماكو شي دشيت بفترة نساة ثقيله وماقمت انزل تحت ومحد سال عني وصار معاي نزيف ودشيت المستشفى وطلعت ويوني 3من حمواتي يتحمدولي بسلامه(اهم 5)وخالتي مارفعت التلفون تسال عني(عادي مو اول مره عمرها ما وجبتني) عقبها بيومين قاعدين انا وريلي مستانسين ونسولف ونزل ريلي ايييب افلام من السياره تلفوني دق ولا رقم خالتي قلت غريبه بتحمدلي عسلامتي ومامداني اقول الو الا الصوت الجهوري وانتي اشفيج على بنتي ليش امهاوشتها كله ولا بنتي(ام 14 سنه) لاتخليني اضرج ليش ماتنزلين خدامتج والله ما اخليلج خدامه ادش البيت وطااااااااااااااااااخ ابويهي.... انا طبعا صعقت وعيوني اغرورقت ولا على دخلت ريلي حاولت اخش مشاعري بس طبعا اول ماشافني قالي اشفيج اكو شي ايعورج اوديج الطبيب قتله مافيني شي وسكت حن علي وطقيتها بجيه وقتله اللي صار وعلمته عن مكالمة اخته اللي قبل اسبوعين...سكت ولاتعليق طبعا...عقبها بيومين قلت خل انزل لخالتي اوضح موقفي (كان ريلي مو بالبيت) ونزلت ومعاي ولدي لقيت البنات (حمواتي) يطالعوني بنفسيه (بس اكو وحده سلمت علي بنفسيه حلوه)والثنتين اللي ماصعدولي عقب طلعتي من المستشفى كانهم مو شايفيني خذيت ولدي وصعدت وخذيت قرار اهما بحالهم وانا بحالي خلاااااص...عقبها ابجم يوم ريلي قالي بودي امي وخواتي عمره ودي اتكونين معانا بس انتي تعبانه..و ريلي طلب مني انزل اسلم على امه وخواته لان باجر الضهر بيمشون انا قتله تعبانه مااقدر... سافروا وبنفس يوم ردتهم بليل صار معاي نزيف ووداني ريلي المستشفى وسوولي تنظيفات وتميت بالمستشفى لي ثاني يوم وريلي حبيبي مجابلني ماهدني ليما طلعت الصبح وتخيلوا ريلي واحنا بالطريج رادين البيت اشطلب مني؟؟؟؟؟؟؟ قالي امشي ناخد حلو وفطاير ونروح انسلم على امي بمناسبة عودتها من العمره!!!!!!!!!!!!!!!!! انا صعقت(ياكثر صعقاتي) وقتله انا مو رايحه لاحد انا توني طالعه من عمليه وتعبانه وباخذ اغراضي واروح ارتاح فبيت اهلي.. وردينا البيت وقالي الحين الجو حار خنام اشوي والمغرب اوديج لاهلج عقب مانسلم على امي (انا عاد طفح الكيل) امك غلطت علي وهاوشتني وانا ماسويت شي وخلاااص مااقدر حتى اتحمل اشوف ويها اسمحلي ماقدر ادوس على نفسي اكثر..واهو انتي زوجتي حبيبتي وتسمعين كلامي ياعمري عشاني وانا لا ماقدر ....زعل وطنقر وانا طاف رحت بيت اهلي ومادق علي (يعني زعلان) وانا حقرته وادق واسولف عادي(واهو نفسيه) وانا طاف امس عيد ميلاده عزمته عالعشا وشريتله هديه (جهاز تلفون اهو خاطره فيه) وامورنا صارت تمام... انا اتفقت مع ريلي باجر ارد بيتنا (اهلي بيسافرون) بس ماادري اشلووون على خالتي ماابي ايرد يطلب مني انزلها وانرد نتزاعل ومادري شسوي واشلوووون اتصرف؟؟؟؟؟؟؟ ساااااااااااااااااااااااااااااعدوني ارجوووووكم

 

[للحين ناطره]

رد: مشكله للمناقشه - موضوع متجدد

وااااااااااااااااااااااااااااي ماتوقعت اني كاتبه حجي واااااااااااااااااااااااااااايد جذي (من الحره والله) الله يعين اللي بتقراه وانشالله ماتبخلون علي بالرد

 

[ســــــــــما]

رد: مشكله للمناقشه - موضوع متجدد

( ليلحين ناطره )

تصرفج واايد صح وفي محله

بس تبقى بالنهايه ام ريلج الي مالج مفر منها

حمواتج مو بالضروره تكسبين رضاهم عادي يعني كلمه ورد غطاها

اما خالتج فعلشان زوجج سوي الي اهوا يبيه بالضبط بس علشان ترضينه

يعني سلمي عليها بس من غير لا تنطرين منها اي ردة فعل

سلمي عليها علشان زوجج ونطري ردة الفعل من زوجج

واهيا من حقها عليج الاحترام والتقدير وانتي مبين عليج محترمه وسنعه

فخلج ماشيه مثل ما انتي ولا تحرين عمرج

 

[للحين ناطره]

رد: مشكله للمناقشه - موضوع متجدد

والله يا سما ودي بس نفسي مو مطاوعتني وقلت هالحجي لزوجي قالي عشاني...بس على قولتج مالي مفر منها وبالعكس انا خالتي طول عمري محترمتها ومتحمله طبايعها واقول حسبة امي محد يزعل او يتضايق من امه بس قمت احس ان لاني سكوتيه تمادت معاي اهي ماتعامل مرت حماي جذي(مرت حماي اترادد وماتسكت عن حقها يعني عكسي)وااااااااااااااااااي قلبي ايعورني ومالي خلق اشوفها باجر................. عالعموم مشكوووووووووووووووووووووره حبيبتي واسفه عالازعاج