رد : مشكله للمناقشه - موضوع متجدد
االسلام عليكم ورحمة الله .. شلونكم بنات ..
انا عندي مشكله او مو مشكله بحد زاتها لا اختلاف مع ريلي بموضوع وابيرايكم ..
بنات ريلي يقولي اشتقيلي من الدوام وخليج حك بيتج وعيالج احسن دام الله رازقني وفاتحها علي منتي محتاجه لي معاشج ولا انا وطبعا ريلي طلب هالشي مو تعصب منه او تحكم لا والله ريلي ريال ونعم فيه اخلاق وديانه وادب .. بس اهو شايف انه تربية الام لاولادها احسن وافضل بكثير وهو يقولي انتي صار لج سنه تقريبا قاعده بالبيت من قبل الحمال يقول حياتنا صارة احسن واحمل يقول ارجع البيت القاج تقابلين بكل بتسامه والكلام الحلو طبعا لانه مرتاحه لا دوام ولا لويه وزاك الطباخ الزين والعصر القهوه والشاي والكيك ونقعد نسولف وانتي كاشخه على سنكت عشره وبنتج نظيفه ومرتبه وتلعبين معاها ومجابلتها وباليل ارجع البيت هادي وزاك البخور والدلع غير انه الصبح تعلمين بنتج وتبارينها ..
باني وبينكم كلامه صح انا الفتره الي قعدتها بالبيت حياتنا صارت احسن واجمل واسعد كل شي امباشرته بنفسي سواء بنتي وبيتي وريلي .. بصراحه انا عن نفسي لاحظت الفرق صرنا مرتاحين نفسيا اكثر ..
مو مثل قبل اقوم من الساعه 6 لي 3 توني ادش البيت وعلى طول المطبخ وله صلاة ولا سباح ما تدرين تلحقين على شنو وله شنو واهو يدش بعدي بنص ساعه طبعا يسلم يدوبك في حيل ارد نتغدا الساعه 4 نخلص ونص وعلى طول نوم حتى بنتي مالي خلقها يدوبك ابوسها وبس من الصبح ما اشوفها ولم ارجع تعبانه انام 5 نقوم 7 الراس امصدع النفسيه خايسه على ما استوعب صارت الساعه 8ازا بطلع اطلع من 8 وفوق او اني اقع بالبيت
متخيلين بنات انه من الصبح لي 7 او 8 ما قعت مع بنتي
..
اما من ناحية ريلي فالحياة عاديه كل واحد تعبان ومصدع من الدوام
بصراحه فرق عن حياتنا لم قعدت بالبيت ..
انا كام وكزوجه وحتى كانثى مقتنعه بكلامه لانه انا بزات لاحظت الفرق بين الحالتين حتى يابنات احس صج اني اؤنثى امبدعه بالبس والمكياج والدلع وطبعا حتى بالفراش مزجي رايق ومرتاحه وبالتالي امبدعه ومستانس اانا استانس وهو بعد احس براحه بكل شي ..
وقولي احنى اصغار لا نضيع حياتنى وخل نتمتع ومتعينه سواء انا او اعيالج وبلا مقثة الدوام ..
بس يابنات انا متردده اولا انتي ما تضمنين باجر والوظيفه امان للمره ..
واليوم ريلج زين باجر ممكن شين .. اصيع بعدها انا واليهال ..
اهوه عنده حك بالكلام إلي قاله .. وانا عندي حك
شوروا علي بليز .. اسمع كلامه او اضل بالوظيفه ..
