رد: ¨°•√♥ مشكله للمناقشه "الجزء الثاني" - موضوع متجدد¨°•√
أختي الغاليهpatcholli ( أنا موضوعي ومشكلتي أني متزوجه وصار لي أربع أشهر على زواجي وزوجي مطلق وعنده بنتين و ولد وبحضانه أمهم أوكي مشكلتي أللي أنظلمت فيها آيه أول ما تقدم لي زوجي وأمه وأخواته وأخوانه اهم شرطو علي زواج أخوهم على أن لي سكن خاص وأن مالي دخل في عيال زوجي وأمه هم قالت لأمي أن عياله بس يجون الجمعة عندي ويروحون لأمهم يعني معنات كلامهم مالي دخل فيهم وهو بعد ماله دخل فيهم اللأ بأزوارتهم الجمعة لأنه أبوهم ومايشوفهم غير بأزوارتهم الجمعة عند أهله بيت جدتهم ،وخواني وافقو على الشرط وبلغوني وأنا وافقت وأكتبوا على العقد أني لي سكن خاص والحمد الله تزوحت وأنا راده من شهر العسل لشقتي لين أشوف غرفه نوم مسكر بابها وسألت زوجي قال هذي غرفه العيال عشان الجمعة ينامون عندي أنا تفأجأت قلت شنو عجل وين كلامكم لي وبالعقد سكت وثاني أسبوع عرسي جايب ولده ينام عندنا وأنا عروس وتضايقت ومشيت الأمور ولده عمره ثمان سنين وصبرت ودايم نتهاوش علي هالموضوع لين أخر مره قبل أسبوع أعترفت حق أخوي عن زوجي قلت هو ينوم عياله عندي كل زوارتهم الجمعة وأنا ماخذيت راحتي وهو وأهله قايلين لأهلي أن مالي دخل بالعيال وسكن خاص لي وحتي بالعقد مكتوب راح أخوي كلم زوجي وأعترف أن الحق معاي وتعذر لأخوي هذا صار الجمعة اللي طافت وعطئ أخوي كلمه أن السكن خاص لي وعياله مراح ينامون عندي وراضاني ومشت الأمور عاد أمس الجمعة زوارت عياله يوم صار بليل خذاني من بيت أهلي كانت زوارتي عند أمي اول مادخلت الشقه عصب قال بناتي يبجون ويحنون علي إني أنومهم أنا قلت مايصير هم كبار وحده عمرها١٣والثانيه١١والولد٨ وهم بحضانة أمهم ماله داعي ينامون عندنا وانت عطيت أخوي كلمه أنهم ماينامون عندنا وأعترفت انه الحق معاي لأنه هذا شرط أمك وأخوانك لأهلي وبالعقد وأناماظلمتك ولا ظلمت عيالك لين يعصب ويصرخ عليه ويقول أنتي مارحمتيني وطلع بره الشقه وانا والله مومقصره بحق من حقوقه .وأنا رحت صليت ونمت بفراشي أبجي ليش أخدعوني بالزواج علي ولدهم وأحس أني أنكسرت ومظلومه والساعه ثلاث الفجر جأه ونام يمي بالسرير أنا قمت صليت الفجر وبنام بغرفه الأستقبال ( فيدوني أبي أعرف الحق والصح مع منو )
