¨°•√♥ مشكله للمناقشه "الجزء الثاني" - موضوع متجدد¨°•√

[متيمه فيه]

رد: ¨°•√♥ مشكله للمناقشه "الجزء الثاني" - موضوع متجدد¨°•√

اختي ام خزامي اي في بيتي تيفي وفي نتوبخصوص العباة انا من قبل زواجي حريصه عليها وهو بعد حريص على الستر والعباة
صارلي اسبوع وماكلمني

 

[خالتي قموش]

رد: ¨°•√♥ مشكله للمناقشه "الجزء الثاني" - موضوع متجدد¨°•√

تدرين عاد
روحي تكلمي معاه
وحذفي الواتس اب وافتكي
وربي بترتاحين
اصلا لا يقدم ولا ياخر
كلميه بلهداويه و عطيه بوسه و جم كلمة حلوه
الريال ينقص عليه بكلمتين

 

[فديت محمد]

رد: ¨°•√♥ مشكله للمناقشه "الجزء الثاني" - موضوع متجدد¨°•√

شلونكم بنات انا عندي مشكله وهي ان زوجي طلقني والسبب تافه اني طلعت بدون اذن منه ما توقعت ردت فعله جذيه
وبصراحه ودي احل الموضوع لان بينا بنت وابيها تتربى بينا مع العلم اني طرشت له مسج عشان يرد بقراره بس ما رد علي

 

[امـ خــزامـى]

رد: ¨°•√♥ مشكله للمناقشه "الجزء الثاني" - موضوع متجدد¨°•√

متيمه حبيبتي غريبه يعني عندك نت وتلفزيون بيغار من صور بالجوال
ليش مركز على الجوال بالذات التلفزيون كله ممثلين وش يفرق يعني والاب توب بعد

الشيطان دخل بينكم ومالقيت اي تفسير مقنع باللي صار بينكم
شكله كان متنرفز من شي وكملها الواتس اب

المهم حبيبتي انت ارسلي له مسج شعر او خاطره واختاري انت عتاب شوق وحب اي شي
وشوفي وش بيرد عليك
اتوقع باذن الله متحسف ومستحي ومايدري وش بيسوي وخايف من اهلك وردة فعلهم
فانتي هونيها عليه ومهما رد عليك على مسج اللي بترسلينه ردي عليه وامدحي اخلاقه ووصلي اعجابك له
وان اللي سواه ماله تفسير والشيطان دخل بينكم


هذا كل اللي عندي وربي يسخرلك حبيبتي

 

[فديت محمد]

رد: ¨°•√♥ مشكله للمناقشه "الجزء الثاني" - موضوع متجدد¨°•√

بليز ردوا علي انصحوني قبل لاتخلص العده

 

[حشمه]

رد: ¨°•√♥ مشكله للمناقشه "الجزء الثاني" - موضوع متجدد¨°•√

شلونكم بنات انا عندي مشكله وهي ان زوجي طلقني والسبب تافه اني طلعت بدون اذن منه ما توقعت ردت فعله جذيه
وبصراحه ودي احل الموضوع لان بينا بنت وابيها تتربى بينا مع العلم اني طرشت له مسج عشان يرد بقراره بس ما رد علي

انتي تشوفين السبب تافهه بس بالنسبه للريال هذا شي ماينسكت عنه

لما تكسرين كلامه وخاصه بالطلعه الحين المهم انج تبين تردين له

جربتي تكلمينه ولا بس مسجات او جربتي تخلين احد يصالحكم

يتدخل بينكم ويحل الاشكال شنو سويتي ولا بس طرشتي مسج وبس

ريلج وتعرفين اطباعه يبي المبادره منج ولا مسكر الباب

هل كانت بينكم مشاكل وختامها كانت طلعتج بدون اذن

الحلول انج تكلمينه تتصلين عليه او يتدخل احد من الاهل

بس طبعا انتي ادره بتفكيره شوفي شنو يناسبه

 

[كويتية بروما]

رد: ¨°•√♥ مشكله للمناقشه "الجزء الثاني" - موضوع متجدد¨°•√

شلونكم بنات انا عندي مشكله وهي ان زوجي طلقني والسبب تافه اني طلعت بدون اذن منه ما توقعت ردت فعله جذيه
وبصراحه ودي احل الموضوع لان بينا بنت وابيها تتربى بينا مع العلم اني طرشت له مسج عشان يرد بقراره بس ما رد علي

حبيبتي اشلونج
عندج انتي السبب تافهه
الا الغلط راكبج من راسج لريولج
وين قاعده
وكاله من غير بواب
شنو تطلعين من غير استئدان
ماتدرين انج بدمته ومسؤوله منه وشورج بايد ريلج مو بايدج
انتي فاهمه الحياه الزوجيه غلط
هالشي لازم تتعلمينه من بيت ابوج مو زوجج يعلمج السنع
حتى شرعا ما يصيييييير تطلعين بدون مشوره الزوج
وشكلج غلطتي وايد وطوف لج لين فاض فيه الكيل وطلق

لاتاخدج العزه بالاثم
وقعدي حسبيها بينج وبين نفسج وعدلي من تصرفاتج
ووعديه بالتغير
وخلج سنعه
الافضل تتصلين فيه موضوع وصل للطلاق وانتي مكتفيه بمسج؟؟؟؟؟
وان ما رد دخلي ابوج او اخوج
الله يهديج

 

[فديت محمد]

رد: ¨°•√♥ مشكله للمناقشه "الجزء الثاني" - موضوع متجدد¨°•√

بالعكس انا تحملت شغلات وايد منه وهو ادرى وهو يعرف ليش تصرفة هالتصرف بصراحه الحين حياتي احسن من دونه
والله يعوضني اما اني ادق مستحيل هو مايمسك سر ويحب ينقل الحجي ونا حذرته

 

[حشمه]

رد: ¨°•√♥ مشكله للمناقشه "الجزء الثاني" - موضوع متجدد¨°•√

بالعكس انا تحملت شغلات وايد منه وهو ادرى وهو يعرف ليش تصرفة هالتصرف بصراحه الحين حياتي احسن من دونه
والله يعوضني اما اني ادق مستحيل هو مايمسك سر ويحب ينقل الحجي ونا حذرته

دام حياتج احسن ليش كاتبه لنا مشكلتج وتبين حل قبل ماتخلص العده

وانتي لو ماتبينه وماتبين تردين ماكتبتي بس على راحتج دامج

تقولين حياتج احسن الله يهنيج

 

[عزيز قلبي]

رد: ¨°•√♥ مشكله للمناقشه "الجزء الثاني" - موضوع متجدد¨°•√

حبيبتي فديت محمد يعني لهدرجه انتي رخيصه عنده لهدرجه صار الطلاق سهل

يا حول الله شفيهم الرياييل صاروا يبيعون لاتفه الاسباب

خلي احد من عندج يتفاهم معاه ابوج اواخوج او اي احد علي بو الكلام والصلح من عندهم

مو من عندج عشان لا تطبح كرامتج بالارض وصبري شوي تلقينه اهو اللي يايلج

 

[عزيز قلبي]

رد: ¨°•√♥ مشكله للمناقشه "الجزء الثاني" - موضوع متجدد¨°•√

حبيبتي متيمه زوجج وايد شكاك اذا تبين المركب تمشي دقي عليه وقوليله بكنسل الواتس اب عشانك

اذا عندج استعداد وانا اشوف انه مو ضروري وجوده

 

[عيني عليه]

رد: ¨°•√♥ مشكله للمناقشه "الجزء الثاني" - موضوع متجدد¨°•√

السلام عليكم بناااات ..

وحده من قريباتي كانت متزوجه وجابت من زوجها طفليين ... بعدها اهووو طلقها مايبيها مع انها ماكنت تبي الطلاق ..وقالت له ماتبيني خلني لعيالي وروح تزوج عليك بالعافيه ... بس هم رفض وطلقها..

تزوج وحده غيرها وجاب من زوجته الثانيه ولد ... وبعد ثلاث سنيين جاااي يبي يرجع قريبتي ..

اهي قررت ترجع له ... بس خايفه من بعض الامور يالييت اللي مرت بنفس تجربتها تقولها ..

شلون رااح تكووون علاقتها بزوجها بعددد الرجووع ؟؟ اذا اهو مطلقها من قبل ؟؟ شلون والحين عنده زوجه ثانيه ؟؟

ممكن يحاول يرجعها لانه توهق بعياله مو رغبه فيها ؟؟

اذا اهي تدري انه ماكاان يحبها من قبل ..هل ممكن يحبها الحييين ؟؟

وقوع الطلاق الى اي مدى يترك شرررخ في العلاقه ؟؟

بانتظار ردودكم بنات ...

 

[عروس2013]

رد: ¨°•√♥ مشكله للمناقشه "الجزء الثاني" - موضوع متجدد¨°•√

بنات انا متملكه ماتزوجت
اتواصل مع زوجي بالواتس اب
مشكلتي معاه انه يسولف وياي وقت فراغه
يتركني الى نهاية اليوم ﻻ جا باليل 12 وﻻ 1 كلمني شوي وطلع
مره قال لي انتي طفشانه قلت ايه قال مالومك اكل ونوم حتى المسلسلات حفظتيهم
يعني شايفني وحده فاضيه متى مايبيني يﻻقيني
انصحوني شلون اغير نظرته لي

 

[امـ خــزامـى]

رد: ¨°•√♥ مشكله للمناقشه "الجزء الثاني" - موضوع متجدد¨°•√

عروووس 2013

ههههههههه زوجك يطقطق عليك

انا اقول اسحبي عليه كثييييير

واذا قالك وينك من زمان مادخلتي الواتس اب قولي والله مشغوله
اتابع كريم وفاطمه فديتهم


لا جد عاد نصيحتي اتركي الواتس اب لان الكتابه مو ممثل السوالف بالاتصال
دائما تصير مشاكل بين الصديقات والقرايب لان الكتابه دائما له عده تفسيرات وغالبا تكون الكلمات قويه

خليك على المكالمات ولو حابه ترسلين مسج عادي بس مو سواليف ونقاش

 

[Patcholli]

رد: ¨°•√♥ مشكله للمناقشه "الجزء الثاني" - موضوع متجدد¨°•√

قوه بنات خبيت اكتب مشلكتي اهني ماحبيت انزل موضوع خاص لان هالمووضوع احسه احسن ..

اهما مشكلتين مو وحده

الاولى : حمواتي حيل متدخلين بابسط امور حياتي
بتقولين لاتردين عليهم ولاتعطينهم ويه
المشكله ان يدقون على زوجي
حتى بحزة الغدا لازم وحده كليوم تدق شنو غداكم ؟
وين بتروحون ؟
وين بتسافرون ؟
وين فلانه شقاعده تسوي ؟
طلعت ولا ماطلعت ؟؟
وين راحت ووين ردت ..؟؟

بعض الاسئله امشيها بس بعض الاسئله اتظايقني لازم ا تكون خاصه مايضير انا سوالفي وخماجيري كلها عند الناس ..!!
مولازم امة محمد كلها تعرف تفاصيل حياتي
واهما بالمقابل كل امورهم بالخش
بناتهم يتزوجون يتطلقون يحملون يسافرون كله كله كله بالخش بيت المفاجآآآآت ماندري عن ولاشي
وزوجي يخرلهم كلشي على حسن نيه

وفوق هاذا عادي يقتحمون شقتي بدون احم ولا دستور
جم مره داشين علي وانا توني سابحه ولا لابسه قميص نوم ولا اطبخ ووضعي مايكون مناسب اني استقبل احد بس ماكو احساس
الحين صرت اقفل الباب
بس والله يطقون الباب يكسرونه اذا مابطلته
ذاك اليوم اتسبح بالحمام واسمع الباب طااااااااااااااح وطيييييييييييييح
انزين دقو تلفون ولا مسج اشدعوه هالترقع ؟
ولما ادق عليهم مايردون يعني ازعلو ..؟؟
انزين كنت اسبح شالي يزعل ؟



المشكله الثانيه مرتبطه بالاولى

حيل فيهم طبع الكتمان
لدرجه ان لما وحده عندهم تولد مايقولون ؟
اوكي ماندري انها حامل وحتى لما تولد مايطرشون مسج نفس الاوادم يقولون استقبال
عقب الولاده ب3 ايام ريلي يقولي امشي معاي فلانه بنت اختي ولدت ..!!
اقوله نعم ؟
الحين محد قالي انها حملت ومحد وجبني وقال فلانه ولدت
وتبيني ارز ويهي واروح ؟؟

اطباعهم غريبه حيل
احبهم بس كل ما افتح قلبي انصدم واحتر من تصرفاتهم ..!!

 

[Patcholli]

رد: ¨°•√♥ مشكله للمناقشه "الجزء الثاني" - موضوع متجدد¨°•√

اول مره اشتكي منهم بس صج طفح الكيل خصوصا الحين وانا ماعندي خدامه تالفه اعصابي ماتحمل هالسوالف البايخه منهم كلش

 

[برد ابو الذهب]

رد: ¨°•√♥ مشكله للمناقشه "الجزء الثاني" - موضوع متجدد¨°•√

عندي وعندج خير هذي الحموله محد مرتاااااااااح طنشي وسوي اللي يريحج لا تحسبني حساب لاحد

 

[جورية الكوت]

رد: ¨°•√♥ مشكله للمناقشه "الجزء الثاني" - موضوع متجدد¨°•√

اول مره اشتكي منهم بس صج طفح الكيل خصوصا الحين وانا ماعندي خدامه تالفه اعصابي ماتحمل هالسوالف البايخه منهم كلش

السلام عليكم ورحمة الله وبركاته
أولا بقول لصاحبة الموضوع : الله يعطيج العافيه حبيبتي فكره حلوه خاصه للي ماتبي تعرض مشكلتها في موضوع بروحها فيكون اهني بين السوالف :rerrerek:
لكن المشكله السوالف داشه ببعضها ماادري ارد على منو واخلي منو فقلت أحسن حل ولأني يايه متأخره أرد على آخر مشكله وهي اللي كاتبتها الاخت Patcholli

حبيبتي اول شي اقولج الله يعينج ويصبرج ويعطيج العافيه لانج متحمله ماشاءالله عليج لان اللي يصادفون حموات من هالنوع على طول يتطلقون اسم الله عليج والله يتمم عليج حياتج بسعاده وراحه آمين

حبيبتي الحل بإيد زوجج بعد الله سبحانه محد يقدر ينهي معاناتج الا اهو لازم يتصرف ويوقفهم عند حدهم بنقاش وهدوء مولازم يتهاوش معاهم (لازم تفهمينه ان قصدج حل المشكله مو خلق مشاكل بينهم) وبالنسبه لكتمانهم فهذا شي وايد صاير بأغلب البيوت والحل انج ماتهتمين واللي تبلغج متأخر تتحمل ولاتروحين قولي ماعندي خبر خلج عزيزه ولاتنهارين من تصرفاتهم وتفاهمي مع زوجج أهم شي والله يكتبلج اللي فيه الخير
و دوم رددي االدعاء لله سبحانه والأدعيه الزوجيه وايد منها:
اللهم اجعل الذات بيننا واهدنا سبل السلام.
الله يوفقج ويريح قلبج آمين

 

[يونييك]

رد: ¨°•√♥ مشكله للمناقشه "الجزء الثاني" - موضوع متجدد¨°•√

باتشولي
كلنا نشتكي من الحموله:eh_s(11):
بس مجبورين نستحمل(لجل عين تكرم مدينه)
بعطيج بعض النصايح
لما تكونين مع زوجج خلي تلفونج سايلنت عشان تتفادين الإزعاج
واذا عندج تلفون بيت بعد فصلي الواير
هذا في حال أوقات ألراحه
ولما يصير شي كاتبين احد يعرف عنه وهذا من حقج قولي له بطريقه حلوه
موشرط دايركت لا
لان الرياييل مؤ نفسنا وراح يشوف الشينه منج
وساعات قطي نغمات بضحك ان كل شي يصير في بيتنا يكون عندهم علم فيه حتى الأبره اذا طاحت عندهم خبر فيها
والمشكله الثانيه
موقفج محرج لو ما قمتي بالواجب
واذا قمتي بالواجب عادي قولي ليش مادزيتوا لي مسج!!

 

[Patcholli]

رد: ¨°•√♥ مشكله للمناقشه "الجزء الثاني" - موضوع متجدد¨°•√

برد بوذهب والله اهم طيبين بس في حركات اتخلي الواحد يتظايق غصب وانا حساسه الصراحه ماتحمل هالحركات البايخه ..
الحين صارلي فتره مخففه زيارات لهم اروحلهم مره كل 3 اسابيع واقعدلي ساعه ولا ساعتين بالكثير .. اروح اخر وحده وامشي اول وحده ..


جورية الكوت ..
والله ماجذب عليج انا اول زواجي كنت فعلا مو متحمله وكنت افكر بالطلاق بسبب الظغط الكبير الي قاعده اتعرضلهم منهم بس الحين احس كبرت وفهمت وريلي ماله ذهب اهو مايبي يزعل اهله ولا يبي يزعلني واهو طبعه وايد وايد وايد يجامل على حساب نفسه وبيته يعني حتى لو اهو يتظايق مايبين ولا يتكلم
وطبعه لما اتناقش معاه حتى لو بهدوء يزعل ويتظايق ويقولي تحملي مو كلشي له حل ..

بونيك ..
المشكله اذا انا مارديت عليهم على طول يدقون على زوجي
وين باتشو دقينا عليها ماردت لووووووووووووول
وتعالي شوفي العتب ليش ماتردين على خواتي وليش وليش وليش
اتخيلي يونيك العام حجزنا اوروبا انا وريلي واهلي
اخته بس درت ثاني يوم دقت عليه تبي اتي معانا ..!! شكووووووووووو ههههههههههههههههههههههه
امي وابوي واخواني شكو بتيين معانا ..!!
المهم ريلي قالها مايصير عمي يستحي << عن ابوي
مادري احس يحاسبوني على اي شي زوجي يسويلي ياه جنهم يغارون او مايبونه يسويلي شي مادري مابي اظلمهم والله
اهم طيبين بس ساعات حركاتهم تحسسني ان مو عاجبهم .!!
خصوصا لما يدرعمون علي بشقتي .. او ينادون خدامتي ويدقون على زوجي ينزلها لهم ..
احس انا مو حاطينلي اعتبار
يعني جنهم يقولونلي .. هاذا بيت اخونا .. خدامة اخونا .. فلوس اخونا .. انتي مالج حق ولا لج راي