رد: ¨°•√♥ مشكله للمناقشه "الجزء الثاني" - موضوع متجدد¨°•√
بنات الله يعافيكم
ساعدوني برد ع مشكلتي هي مو مع زوجي بس احسها تاثر ع علاقتي بزوجي وهو اهله
هم ناااس طيبين وكريمين ونقدر نقول وحيدين يعني ماعندهم الا ولدين وبنت الولين الا هو زوجي واخوه تزوجوا والبنت كذلك
ابو زوجي الا هو خالي اخو امي اغلب الاوقات برا البيت يعني موجود من 1 ل 3 بس
وفي الليل يجي بعد الاذان يجيب اغراض للبيت ويطلع مايقعد
مرت خالي الا اغلب اوقاتها داخله لحالها وانا ساكنه معاهم بس في شقه منفصله
مشكلتهم يبغون الزق اربع وعشرين ساعه
وخالي توه مهزئني دي روحي اقعدي ويا مرت خالك وخالتك والناس الي هناك كله حابسه روحك وش ذا اطلعي من الشقه
ومرت خالي كانت من اول تقول لامي اني مره مانشاف واي شششي تروح تقوله لها
وامي تقعد تتحلطم علي
واذا اقول لها بسوي انا الغذا !! احسها تنقهر ماتبغاني اسويه مهما كان هي تحبني بس مو لدرجه ان كلامي ماكان ينقال يعني انا بالنهايه زوجه ابي ادلع زوجي واطبخ له
ابي اقعد معاه واستانس
لدرجه من كثر ماتطبخ صرت خايبه ماحب ادخل مطبخي احسانا اقولها لا تسوين وتقولين ماعليه واقوم اتعب حالي واطبخ ماشوفها الا جايبه لي الغذا !! هالشي يحسسني ان مالي شخصيه
ومشكله تسوي كميه كبيره يعني لا اكثر من شخصين احس واذا اقولها مثلاِ لا تسوين واجد لان ينقط نعمه حرام مافيه فايده ماتنقص وتسالني ساعات جاز لكم اقولها اي حلو بس فضل وخليته لبكره تقول قطيه ليش تخليه وانا ماحب ارمي النعمه احس ماحب نفسي حررام ناس مو قادره تاكل وانا اقط
ولو جابت كميه قليله يعني تكفينا تسالني زينه اقولها اي اتقول وش ذا غير قليل يعني خلاص انا الي اعرف كمية الي اكله صح هو ولدها وتعرف ياكل قد وين بس انا اشوفه بعيوني ماياكل واجد ويقولي مثلاِ ذا واااجد اقوله وش اسوي اكبه بالزباله !!!
هي تحب زوجي مره بحكم ان اخر العنقود والمدلع على كذا احسها مادري تحاتيه ولازم تطبخ له بعكس الثاني احيانا اقول يمكن خايفه يتغير عليها لان بعض الاولاد يتغيرون مع امهاتهم
وغيير كذا
لو فيه مثلاً مجلس حريم وكذا تقولي تعالي تخيلوا كباررر انا بطبعي خجوله ماعرف اتكلم ولا شي وانطوائيه بنات باعماري بالموت اطلع لي سالفه مابالكم بحريم كلهم باعمار امي !!!
اذا قلت لا مابجي تقعد امي تقولين عشان جيتي اقولها هذا نسوان اولادك اذا تسوين ماينزلون ليش ماتزعلين تقول هي غير تقولك تعالي قلت اي ومو اي شي ينقال لي لازم اسويه هالشي راجع لي يعني لو رحت وش بقول مافيه احد اسولف وياه
وبيت زوجي احسه كئيب مافيه روح كلهم اكبر مني اخته عمرها يمكن 38 وانطوائيه زيي وسوالفها غيير عن سوالفي هي تبع الماركات ومدري وشو وانا حتى اسماء الماركات ماعرفهم خخخ
ولازم انتي تكلميها حق تكلمك
انا صح انطوائيه بس اسولف اذا لزم الامر يعني حماة بنت اختي اول ماشفتها ولله سوالف ماخصلتنا لان هي تتكلم وياي وتضحك عادي بعكس اخت زوجي احسها مادري يعني انا خجوله اكثر هي تقدر تتكلم وياي وتقدر تسولف وتضحك ماتستحي ليش ماتبادر
انا ابادر بس احس اتكلم برسميه يعني حدي ايه متى رحتي مثلاِ شريتي كذا
بس سوالف بنات مافيه ابداً !!!
ومره قالت لامي بما معناه ان اذا عطتني شي ما اخذه قصدها مثلاِ اا قالت تبغين هريسه او او !! يعني بالعقل بنات اذا الشي ماحبه وزوجي مايحبه ليش اخذه ليش ارميه !! ولله يقهر الموضوع انا بالنسبه لي معروف عني ماحب اجرررب اي اكله ماعرفها واكلي اكل عصافير حتى لو اكل قليل او ماجرب تنقهر اي ماكليتن الا الفلس !! حتى لو تمزح احس ان هالشي يخليني استحي وماحب اكل لان مليييت من العبارات المعتاده اكلي ان تمتنين مره قالت لي اكلي وكنت شبعانه صارت نفسيتي تلوع الجبد شوي وازوع ومالي خلق احد !! مشكله هي لو تقولها مره ماعليه بس تقولها اكثر م مرتين وتحايل فيني والانظار كلها علي ف استحي
وزوجي ماياكل يخليه ف الثلاجه اسئله تبغى يقول لا الا لو كان حلا لان يحب الحلا مره
روحتي لهم يبغون لازم امر يومياً انا اعترف احياناً بالاسبوع ماروح اقعد وياهم بس مو اني اقطع احيانا قبل لا اطلع امر لمرت خالي بعد الاذان او قبله احيانا قبل ماطلع واقعد اياها نص ساعه ربع ساعه
لحاينا امر اسلم واطلع بين فتره وفتره
بنات خاصه المتزوجين من فتره افيدوني ولله من مليت من الروتين اليومي للهسوالف احس كرهت اني تزوجي واقول لو ماخذه غرييب احسن لي ! مع اني احب زوجي ويحبني بس احس ان اذا كانوا اهله يتحكمون في كل شي واذا اتكلمت ماحس ان لي كلمه بعكس مرة حماي اذا تكلمت خلاص
خاصه خالي هو صح انا متعوده هو ويا الكل كذا يعني يسخر بس انا ماحب
من شوي كنت قاعده بحط لي قناع وبجهز ثيابي لبكره وكذا
جا لي وقالي الكلام اليي قلته لكم اقوله انا باعدل شقتي لبكره العير يقولي يعني كل يوم عيد كل يوم قصده اني ماروح مع ان ولله اذا اروح دائماً هو مو هناك لان اوقات جيته اكون مشغوله خاصه وقت قعدته في البيت الي هفترة من 2 ل 3 بهالوقت انا ارتب شقتي واحط لي خلطات وارتب شكلي حق اذا جا زوجي لاني ماشيه ع برنامج عنايه مكثف وماقدر ااجل العنايه مابي زوجي يدور ع غيري ابي اتغييير
ايه ف فقلت له لا باشيل البطانيه برتب الارضيه قال وشو هي خمس دقايق !! انا البطانيه اقعد فيها نص ساعه ثقيله مره
عارفه
ان كلامي ملخبط ويمكن فيه اغلاط ويمكن تحسون المشكله بايخه بس بحكم طبيعتي اني انسانه خجوله ومنعزله ف ماتحمل الضغط
هالحال صار له 8 شهور !! من اول زواجي للحين
ابي مشورتكم كيف اتصرف كيف اغير من نفسي شي مهم ابيكم تعلموني اياه انتوا خواتي ومابينا حيا
( كم مره ع الاقل لازم اروح لهم وقاعد وياهم ) يعني صراحه انا ماتحمل اختلط واجد يعني لو رحت 3 مرات بالاسبوع تكفي !!
اكيد ان عندي اخطاء انصحوني
واكيد انكم فاهميني يعني يمكن البعض يشوفها مو مشكله بس انا احس مرهقني الموضوع ماقدر احذ راحتي حتى ببيتي ينطق الباب علي يهزئني خالي ويمشي
شخصيتي احس ماعندي شخصيه مستقله مرت خالي تقول لامي وامي تجي هزئني هي خفت عن هالحركه لان مره قلت لها ان انا بطبخ ايام الاسبوع والباقي عليها قالت لي ماعليه التزمت يوم والي بعده طقت الباب وانا نايمه وهو مقفل
وساعات صراحه ادري ان هي مسويه الغذا ف ما افتحه لان مليييت وانا اعيد وازيد انا بسوي انا بسوي انا بسوي
ف لما صحيت سبحان الله صحيت الا اسمعها تقول هذا غذاكم من الظهر ماخذتوه قالها زوجي فلانه سوت ! الا هي تقول بنبرة صراخ وعصبيه ع الاقل تفتح الباب لما جا كنت منقهره قالي وش فيك قلت ولا شي وحسيت اني مابغى اتكلم وياه قلت له اللحين امك مو انا قايله لها اني بطبخ قال وش دراها قلت لا تدري اوب امس مكلمتنها انا مو لهدرجه اقول شي ومايسمع الطرف الثاني قلت له معناتها ان مالي تقدير اتكلم وكاني ياهله ام عشر سنوات ماله قيمه كلامها !!
الظاهر كلمها ومن بعدها خفت عن سالفة الغذا وحتى الشكوات قلت له امك تسبب لي مشاكل مع امي ومن بعدها خفت قليل قليل لو قالت
بس سالفة الغذا هالايام تتكرر
ابي اقوي شخصيتي فهموني وش الي لازم اسويه لهم يمكن انا مقصره نوروني ووش رايكم بافعالهم لو انتوا مكاني وش بتسووا ! وزي ماقلت نوروني كم مره لازم ازورها بالاسبوع ؟؟
اخيراً
ادعوا لي بالذريه الصالحه ادعوا لي ببنوته تفهمني وتكون صدييقه لي
الله يرزق من ترد علي بالخير والفرح والسعاده
ويكتب لها بكل حرفه تكتبه لي اجر وثواب <3
محبتكم من السعوديه ^ـ*
