G!RLooNa
New member
اول شي سوري عالتأخير كنت ابيت يدتي و المنتدى خرف شوي :eh_s(22):
امممم اصعب موقف واجهته...
...
كنا بالشاليه يوم اليمعه 22-8-2008
دقوا تلفون على امي او وحده من خالاتي مانشوفهم الا كلهم راحوا برا و صار الجو مشوش وايد ماندري شالسالفه
كنا بنام يومها بالشاليه
دشوا داخل يالله بسرعه شيلوا اغراضكم بنمشي
شالسالفه شصاير محد راضي يرد علينا
و نشوف خالاتي يبجون
خلال 10 دقايق شالوا اللي يقدرون عليه و خلوا باجي الشغلات حتى اذكر كان اكو حلو و صحون عالطاوله خلوا كل شي و مشوا
بالدرب ولا كلمه يمه شصاير خرعتونا ماكو رد
احساس ما ينوصف لما تحسين و تدرين انه صاير شي بس محد راضي يقول الف فكره وفكره تيي براسج
اخر شي امي قالت لنا خالكم تعبان
و بس ماقالت شي
قطتنا البيت و راحت اهيا بيت يدتي قالت ادق عليكم
رحنا البيت قاعدين بالصاله انا واختي واخوي ماتحركنا
طافت نص ساعه ساعه ساعتين ناطرين احد يدق محد دق
قاعده ساعتين ما تحركت بالصاله .. اخر شي قمت تكرمون الحمام والله العظيم دقيقتين مو اكثر طلعت من الحمام اشوف موبايلي ولا يايني مسجين من بنات عمتي
فتحت المسجين ولا مكتوب
عظم الله اجرج
انا جذي صار ويهي
شنو عظم الله اجرج؟؟؟
منو مااااات؟؟؟؟
ادري انه خالي بس مابي اصدق
حبيبي عمره 29
ادق على امي ماترد
قمت ادق على ابوي شكلت عليه لما رد
قتله يبا منو مات
قالي محد مات
قتله دازينلي مسجات عظم الله اجرج
يقولي منو دازلج؟؟؟
قمت اصارخ قتله منو مات مو مهم منو اللي داز
ادري انه خالي والله ادري بس مابي اصدق
قالي خالج توفى كاني يايلكم بالطريج :eh_s(2):
وقتها اختي نامت بالصاله واخوي صغير
قعدت بروحي بالدار والله من الصدمه احس دموعي تجمدت
لما دقوا عليهم بالشاليه ما قالولهم انه توفى قالولهم تعبان عشان ما يخترعون لكن اهما حسوا انه السالفه اكبر من انه تعبان
خالي حبيبي توفى بسكته قلبيه الله يرحمه ويغمد روحه الجنه يارب ويجمعني معاه بالاخره بالجنه
واللي عور قلبي اكثر اني كنت وقتها مشتركه بنادي فعلى ما اطلع من النادي الوقت اللي اروح في بيت يدي ما احصل خالي
اسبوعين قبل لا يتوفى ما شفته
الله ياخذ النادي اللي ما خلاني اشوفك حبيبي :eh_s(2):
بس الحمدالله ربي من يوم اللي توفا و الكل يحلم فيه احلام تبشر بالخير و تفرح القلب والله كل ما احد حلم وايي يقولنا الحلم نبجي من الفرحه الحلم يشرح الصدرررررر
و سويناله مسيد و دار تعليم بوحده من الدول الفقيره صدقه جاريه باسمه
و نترحم له و ندعي له كل يوم
الله يرحمه ياربي ويغفر له
التعديل الأخير:
