دلوعة الكويت
New member
- إنضم
- 29 أكتوبر 2004
- المشاركات
- 757
- مستوى التفاعل
- 0
- النقاط
- 0
- العمر
- 40
][][§¤°^°¤§][][[grade="000000 FF6347 008000 FFFFFF"]كويـــــــتيـــــــه[/grade]][][§¤°^°¤§][][
قبل ما تقلع الرحله رحلت بعالم ثاني
رحلت لكوكب آخر وشفت الموت بعينيه
رحلت وكني المذهول بدون أدرك ما جاني
رحلت وكني اللي راحل بأحلام ورديه
مع اللي شفتها صدفه تناظر كنها تحداني
تحداني وانا ادري رابحه مليووون بالميــه
يغطي عينها جيش عـلى العشاق عدواني
على كل الملا تعلن حروب العشق إباديه
على شط الكحل شفت الهلاك وصرت غرقاني
يشيل الموووج الاسود جثتي لاقصى موانيه
وحييت بقذلة مدري من اي الوان والواني
لها لون غريب واقرب التوصيف خمريه
وبنيت بشمس ذاك الخد كثير احلام واماني
وذخرت بالشفه الحلوه دفا وان جت شماليه
وانا ما كنت احسب اني ضعيف الحكي بلساني
الين الرجل ساقتنـــي اجيها واصدق النيه
وصلت وقصدي اتكلم ولا ادري ويش خلاني
اناظر..اسكت..اتأمل..في بنت كنها حوريه
وبعد ما خفت لا تمشي وقبل ما يفوت الاواني
نطقت وقلت من شفتك : وانا والله ما فيه
ابي اعرف من اي الناس منين من اي الاوطاني
ملامج حضرتك تنبي تقول انك خليجيه
من البحرين ولا من قطر ولا من عماني ؟؟
من اهل دبي ولا من الرياض او انك كويتيه؟؟!!
دخيلك يا جمالك وين رحل بي وين وداني ؟!!
انا طالبك تكفين ارحمي من جاك يا بنيه
عطيني مثل ما ربي عطاك الزين واعطاني
عطاني منظر اعجابك وهذي بصمة ايديه
لك الله وان مشيتي زاد قهر حالي وحرماني
واذا ودك تزيديني عساها ما هي بهيه
ولدت بالعيون السود وقالت وين تلقاني ؟!
انا عنك بعيده ولا تحسب اني سعوديه
ظروفي ما تساعدني لو انك جيت لي عاني
لو انك مشتري بعدي مع الروحات والجيه
ولكن بذكرك لامن شعاع الصبح صحاني
وبذكر كل من يرسل قمر ليل العناصيه
وبذكر هالمطار وموقفك كان الله احياني
ولك مني قبل ما ارحل سلامي والوداعيه
وداعيه على خير وعسى ما يكون تنساني
وعلى فكره قبل ما امشي انا وحده كويتيه
وسلااااااااااااااااااامـتــكــم .....]
