***¥ تجمع مواليد فبراير و مارس 2013 ربي يسلم قلبهم ¥***

[لولي غلاي]

هههههههههه سنفوره اصبري لاتشربين بيبسي الحين
انا ميته ع السفن والبريييييد

 

[لولي غلاي]

انا حجزت الصالونه تجي بكره

بنات تعرفون ام خالد السوريه االي تبيع لانجري ومنتجات زوجيه
موجوده بمعرض السفير ومسويه عرض كل شي تبيعه على خمسه ، شريت منها شغلات حلوه

 

[دلع24]

وانااا ليلحيين مااسويت ولااااا شي


هههههههههه العن ام البروووووووووووود

 

[Q8_QT]

شلونكم بنات
انا ولدت بتاريخ 2/2 ويبت عزيزان الحمدالله يارب
الحين اهو عمره 3 شهور تقريبا اعطيه حليب نوفولاك ولدي عسر شوي وخصوصا بالليل لاييت انومه وااايد يتعسر فانا قمت اسدحه علي بطنه ولاحظت انه ينام احسن لي صار منسدح علي بطنه واذا حطيته علي جنب يتفزز وايد ويقوم مايكمل نومته في احد صار معاه جذيه مع عياله انا ولدي العود يوم كان كبره اهدى منه وايد وشي ثاني بنات اهو وايد ينتشل ووديته الطبيب كذا مرة يصحصح جم يوم ويرد ينتشل وخشمه يتسكر انا كنت اوديه الهادي بس ودي الحين اوديه عيادة تعرفون دكتور زين تنصحوني فيه وشاكرة لكم مقدما

 

[ReEm Q6R]

حبيبتي مهايا فديت قلبج انا ..

شخبارج وشخبار بناتج ؟


بخصوص تحاميل البيتادين .. انا بعد عشر ايام من الولاده رحت حق دكتورتي وكنت مطهره لان صادني نزيف فالولاده فمانزل علي دم وايد المهم الدكتوره شافت الخياط وشافت ان فيني التهاب وعطتني تحاميل البيتادين لمده خمس ايام .. وامس رحت لها كان لي ٤٠ يوم وعطتني تحاميل نوع ثاني العلبه فيها تحميلتين وحده فاليوم لمده يومين .. والحمدلله قالت كل شي تمام ..

انتي روحي حق دكتورتج وخل تشوفج وتعطيج اللي يناسبج احسن

 

[سماء الاحساء]

مسا الخير عالجميع ياهلا فيكم طلعتي من الشر ريم وماعليش شر ان شالله اهم شي صرتي زينه أخباركم والباقيات ان شالله بخير

 

[لولي غلاي]

كيفكم صبايا

ياحلو النظافه اليوم سويت حمام مغربي وحفيت جسمي ، رااااحه

 

[دلع24]

نعيماا بناات


اناا بستشيركم بشغله

انا طلعتي ٨/٥متى ابتدي تنظيف وصبغ وهالسوااالف

 

[مهايا]

صباحوووو

هلا قلبو ريم وطالعه من الشر يارب شكرا حبيبتي ع الافاده
وفعلا قالت مدة خمس ايام ..


مشالله يا بنات نعيمممااااااا

لولي انا للحين ما رحت صالون هههههه بروح باجر ان شاءالله


الحين عادي اسوي حمام مغربي وانا عمليه بنات ؟؟؟؟؟


انا احس اللي علي هي اخت نفاس
صارلها يومين تقريبا ومثل الدوره
صج انها مو واجد واجد بس باربعيني كله مانزل علي مثل جذي
واحتياط رجعت لادويتي ودفيت نفسي

بس بنات انا لابسه دلاغات ومغطيه راسي بسكارف
ولابسه ليقن .. بس دايم البس دراعه او بجامه نص كم ... عادي ؟؟؟ دامني مدفيه الباقي
او حتى الذراع لازم يتدفى .. ياربي بلشه الحمدلله

 

[لولي غلاي]

صباح الخير ، شخباركم ياعرااااايس

دلع سوي صبغ وتنظيف بشره الحين ، لكن الحف والحمامات اجليها لقبل طلعتك بيوم احسن عشان ترجعين لزوجك ناعمه ونظيفه

مهايا : مادري والله عن العمليه يصير تسوين حمام او لا

وبالنسبه للبس انا كنت نفسك مرات ادفي نفسي من داخل والبس بيجامه والا دشداشه نص كم بس اكون مسكره التكييف يعني الجو يكون عادي مو بارد

 

[سماء الاحساء]

يصباح السعادة عالجميع. هلا فيكم اليوم لي ٤٢ونزل عندي دم تعتبر دوره ؟؟ولواخذ حبوب منع الحمل متا أخذه اي يوم في الدوره لسه ماصرفت لي لان الدكتوره نصحتني باللولب بس مابيه

 

[مهايا]

ايه ياقلبي يا سماء الاحساء هذي اخت النفاس
اهتمي حيل بنفسج واخذي ادوية مفاس وتدفي

 

[مهايا]

والله مادري يااا لولي عادي او مو عادي
الله يستر بس هههه

 

[مهايا]

بنات تكفون الله يجزاكم خير

بنتي معاها مغص مو طبيعي والله يقومها من النوم ويقلب وجهها احممممر
وتتعصرررر وتبجي
والله مامر علي هالمغصص

طبيعي جذي؟؟؟؟؟

عطيتها ينسون وكمون وحبة حلوه وكراويه وسكر نبات وخرجت اليوم مشالله واجد
ونامت بعدهاااا ثلاث ساعات ارتاحت بس بعد ما قامت ورضعتها رجع لها يلويها لووووي

وعطيتها ماي غريب قبل ساعتين ومافاااد
وامس اعطيتها نقاااط دسفلاتيل امس اشتريته من الصيدليه واحط بالرضعه عشر نقاط
واحس زااااااد مغصها حيل

بنات هذا طبيعي او من حليبها مو مناسبها ؟؟؟؟
من ولدتها معاها مغص بس كل ماله يزيد هالمغص

 

[لولي غلاي]

سما : اهتمي بالدوره هذي كأنك نفاس والله يعين
انا صارلي يومين احس بعوار الدوره ماامداني استانست اني خلصت برجع للهم ثاني

مهايا : استخدمي لبنتك ماي غريب الهمالايا يهبل وحده بوحده ، والمغص عادي من الحليب لانه ثقيل على معدة الطفل
واليانسون شربيها رضعه قبل النوم راح ترتاح وتنام ، الينسون يساعد ع النوم ، انا شكبري اذا شربته نمت.

 

[لولي غلاي]

سما : حبوب منع الحمل اخذيها من خامس يوم الدوره

 

[ام الحلوااات]

بــنــــات بـــاجــــر الاربــعـــاء بــيــصــيــر لـــي شـــهـــــر
مـــن خـــلــصــــت الاربــعــيـــن ولا شـــفـــت اخـــت الــنــفــاس
ولا الــــدوره مــع انــي مــن خـلـصــت الاربــعــيــن
وآآلآلآآآم الــدورة مــعــاااي بـــس مــانــزلــت
وش الــســـااالــفـــــــــــه​

 

[مهايا]

هلا لولي
والله جربته قبل وقال لي الدكتور مدة شهر فقط استخدميه
وخلص الشهر ووقفته .. كانت تتمغص حتى ايام الهمالايا

بس لها كم يوم زايد حيل معاها

يعني طبيعي هالمغص ؟؟؟؟ او اغير حليبها ؟؟؟؟

 

[مهايا]

ام الحلوات ماجاج شي اخر الاربعين ؟؟؟

 

[ام الحلوااات]

انـــا طــهــــرت عـــلــى 25 ولا شـــفــــت شــــــــي آآآخــــر الاربــعـــيـــن
بـــس آآآآلآلآلآلآآآآم الـــدوره مــعــاااي مـــن خــلـصـــت الاربــعــيــن
ومــو رااضــيــه تــنــزل