***¥ تجمع مواليد فبراير و مارس 2013 ربي يسلم قلبهم ¥***

[لولي غلاي]

هلا نبرمان
شخبارك مع النفاس ؛؛ اول الايام كآبه بس سبحان الله الايام تعدي بسرعه

 

[سماء الاحساء]

صدقني نبرمان حرر وغير الوالد تعرق على طوول الله يعدي هالفترة على خير

 

[لولي غلاي]

اي والله الجو حر
اول الايام كنت البس ملفع ؛؛ الحين قطيته حر وخيسه

 

[لولي غلاي]

سما
كم صارلك انتي الحين ؟؟

 

[سماء الاحساء]

لولي صار 19يوم وانتي كم لك

 

[سماء الاحساء]

والله ألاحظ حاشني هوا بالرحم كلش مؤ مرتاحه شنو اسوي او اشرب وتطلع

 

[M6eria]

سماء

تبخري وتغطي عدل يطلع الهوا

بس سؤال

شلون عرفتي ان فيج هوا بالرحم ؟؟

 

[نبرمان]

والله ياقلبي سما
اذا كان يطلع منج اصوت او هوا وانني تمشين وجذي
ف هذا اتوقع زييين لانه مفعول الادويه والعلاجات واللهوم وهالسوالف قتم يمشي وقاعد يطرد الهوا اللي داخلج

مو داشج هوا لاتخافين .. هذا بس هوا فبج وقاعد يطلع ان شاءالله

لان توج ماصارلج وايد وانتي اهتمي اكثر لبسي عدل حتا لو حررر لان مو زين تعرقين ويلفحج هوا

وتالي سوي كاسات هواا قبل طلاعتج هم زينه

 

[لولي غلاي]

انا صارلي ١٢ يوم
ياربي حر مااقدر استحمل الملفع ؛ مع اني اشغل التكييف
بس جسمي حاااااار .

 

[زبدة الكاكاو]

lulugifts


بنااات هذا اكاونت بالانستقرام عجييييييييب طلبت منهم سليب باق على فراري مع الجنطه وباقي الاشياء

لايطوفكم صج طلبته متاخر حسافه لاني كنت ابيه في وقت طلاعتي عند اهلي والعشا بس ي الله اكشخ فيه المناسبات كثيره

رووووعه بنات لايطوفكم

الطلب يبيله 25 يوم شوي غالي بس مو حسااافه والله شغل مرررتب ومميز خاصه الفراري

 

[جعفرية و أفتخر]

بنات أمبي بنات ما أدري شفيني حاسة بضيجة مو طبيعيه يمكن بتيلي الدورة عقب الاربعين أنا أطلع من الأربعين السبت بس باجر برد شقتي من جذي زيادة حاسه بضيجه وقعدت ابجي أعوذ بالله من الشيطان الرجيم الله المعين .

 

[زبدة الكاكاو]

ياقلبي تعوذي من الشيطان وان شاءالله مافيج الا العافيه

حاولي تفكرين بشي يريحج ويوونسج واستغفري كثير سبحان الله كثرت الاستغفار تريح القلب والبال

 

[^-^قطــــــوه^-^]

جعفريه تعوذي من ابليس... ومثل ماقالت زبده فكري بشغلات حلوه..

......

امبيييه انا ولدي الكبير مجنني حرااام ذابحته الغيره.. مع اني ادلعه وجذيه بس ماكوو.. ومرات يطلعني عن طوري وازفه يعور قلبي..

 

[لولي غلاي]

صبااااح الخير ؛؛ شخباركم بنات
جعفريه تعوذي من ابليس ؛ واحسن خلي الدوره تجي عشان تخلصين مره وحده
ومو ضروري ترجعين شقتك الحين اصبري ليما تخلص الدوره مره وحده

 

[لولي غلاي]

قطوه
الله يعينك عليهم ، لازم الغيره
انا بنتي شكبرها وتغار من اختها

 

[نبرمان]

صبحكم الله بالخير

انا الخياط قام يعورني مادري ليش .. ايمكن لاني اقعد وايد وقليبل انسدح
مع انه اقبل ما احس فيه ماشاءالله

الله يستر .. صارلي الحين 6 أيام والده وافكر متا يطيح لوول مستعيله حدي

 

[لولي غلاي]

عادي نبرمان
الخياط يشد لان الجرح بدا يلتئم
انا طاحت عني بعض الغرز بس للحين باقي مليت منه

 

[لولي غلاي]

بنات سولفوا عن طلعتكم من الاربعين
حدي متشوقه لطلعتي ،، الله يتمم لنا ع خير
وطول فترة حملي ماشريت ملابس جديده الا نفنوفين ناعمين

 

[سنفورة زرقة]

نفسي لووولي حديي متشووقه
انا بصبغ شعري وبسوي حمام مغربي وحمام عطري
وبروح اجهز بشتري مكياج يديد وملابس يديده وعطورررات يديده وناسه متشوقه باقيلي اسبوعين تقريبا واطلع
بس قام احاتي شلون بروح شقتي مع ولدي بروووحي مو متخيله الوضع اهني الكل يسااعدني

 

[سماء الاحساء]

هلا فيكم مسا الخير وجمعة خير عالجميع مطيريه انا لاحظت الهوا لأنو بحس خروجه من الامام مثل الغازات تكرمون بس مؤ دائم مشكوره نبرمان عالمعلومات فديتج انا شريت لي ملابس قمصان وبرمودات وعندي تطورات ومكياج يعني الهم. الحمام المغربي والشيخ وصبغ شعري بس لسه باقي على طلوعي من الأربعين.