***¥ تجمع مواليد فبراير و مارس 2013 ربي يسلم قلبهم ¥***

[Withered flower]

شخباركم بنات شمسوين ولهت عليكم يومين ما أدري عنكم أنا حاليا تعبنا حايشني فايرس الله المعين و احس جسمي مكسر حتى خفت اني مصخنه بس الحمدلله مافي اله احتقان خفيف بالبلاعيم و أذوني ملتهبه شوي بنات أنا بنتي من ولدتها من المستشفى كله تناخر و سولها منظار قبل ما تطلع قالوا ما فيها شي الوضع طبيعي عقب ما ردينا البيت بفترة كان عندها موعد و قال الدكتور همن عادي وعقب همن فترة خفت عليها همن قلت بوديها دكتور متخصص بالأطفال قالولي لا تودينها أمي سألت خالي لانه استشاري اطفال قال يمكن لحميه بس الحميه حتى بالمنظار ما تبين و يمكن تروح و إذا ما راحت يسولها عمليه ليما تكبر شوي وقال اذا ما تختنق باليل و لا تصير زرقه لا تحاتون هاليومين احس جنه خف عليها الحمدلله على كل حال ...

نفس ولدي ونفس الكلام اللي قالوا لي بالضبط!! انا احط له قطره ماي البحر تخفف عليه شوي

 

[M6eria]

زبده

ام محمد وينها ؟؟

متى رحتيلها ؟؟

انا اعرف وحده قالتلي اذا صارلج شهر تعالي



بنات شلون اعرف اذا خياطي طاح

 

[M6eria]

انا ولدي فديت قلبه يكح كحه قويه

وديته قبل اسبوع دار الشفا يقول متحسس من ريحه عطور و بخور قويه

من بعدها ما قمنا نبخر البيت عنده

بس للحين يكح قلبي يعورني عليه .. اوديه مره ثانيه ؟؟

 

[جعفرية و أفتخر]

وذهارد فلور الله يعينهم و الله و يشافيهم و يخفف عنهم نفس القطرة إلي استخدمها حق بنتي أنا بقى لي 4 أيام و أطلع من النفاس بس حايشتني صخونه وحرارتي 39 و جسمي متكسر وحدي تعبانه وهلكانه الله المستعان

 

[زبدة الكاكاو]

هلامطيريه رحت لام محمد كان لي اسبوعين

وقبل رحت لها كان لي 20 يوم

حلو تروحين مبجر عشان تاكلين العلاج عشر ايام من النفاس ماتكفى لج شنو تسوين فيها
راح تعطيج بخور وتحاميل وانا احط يومين راحه بين كل تحميله والثانيه محب يكونو ورا بعض وتحاميلها تقوي عضله الرحم ويسكر والله مااوصل لاخر تحميله الا مقدر ادخلها من كثر ماهو مسكر

والبخور حلوووو



مايشوف شر ولدج لاتحطون عطر او بخور حرام ولدج انا من بعد اللي صار في بنتي قبل قلت تووبه لابخور ولاشي في اي نفاس كانت تختنق حيل وتقعد عشر دقايق لين ترد النفس


اذا حسيتي انه تعبان روحي المستشفى لاتقعدين

 

[زبدة الكاكاو]

مطيريه شوفي الصفحه اللي قبلها حطيت رقم ام محمد
خياطج ماتحسين فيه اذا غسلتي ؟؟غرز ماحسيتي فيها

فيه اللي تذوب معاج واللي تطيح تشوفينها

 

[سماء الاحساء]

صباح الخير على أحباب قلبي. أخباركم حاسه بحر ومن اشغل المكيف أبرد ومااقدرعليه واذا خليته عالمروحه احترحييل ومن البارح راسي يوجعني منه زبده ولولي فديتكم يسلمووو عالرد والنصائح

 

[زبدة الكاكاو]

صباااح الورد ع الورد

فداااج الكون ي الغاليه

انتي نفس حالتي ههههه ذبحني الحرر ولااقدر اتحمل التكييف وكاسر خاطري ولدي ذايب من الحر ياقلبي مدري شنو اسوي ؟!

 

[لولي غلاي]

صباح الخييير
سما وزبده شخباركم
انتوا شغلوا التكييف وقصروا عليه يكون الجو لطيف

 

[سنفورة زرقة]

ولدي بعد يطلع اصةات جنه منشول
وصج طلع منشول وحبيبي الغازات ذابحته يتعصر ويها يصير احمممممر
بنات انا ١٠ يوم رحت شلت الخياط الدكتور شاف الجرح قالي التام بس الخيوط ماطاحت وشالي اياهم قلت ليش ماطاحو
قالي جسمج ماتقبلهم او ماامتصهم وطيحهم رووحو حق الدكتوور يشيلهم انا انصح بكريم ميبووو عجييب كان يبرد علي خياطي وبسرعه التام

 

[لولي غلاي]

سنفوره
شربي ولدك ماي وعطيه ماي غريب عشان يروح عنه الامساك والغازات

 

[سماء الاحساء]

مساء الخيرات على الجميلات أخباركم ان شالله بخير أتصفح منتدى آخر وشفت هالطريقه وناويه أسويها وما حبيت ابخل عليكم ولونه الوالد مافي وقت تسوي شئ بس بدئت بالكريمات. وان شالله ابلش بهذي

 

[سماء الاحساء]

هل تعانين من ترهلات في جسمك, هل بدأت تؤثر على نفسيتك,لا تقلقي سيدتي ,الحل موجود لدينا,اليكي خلطه مجربه, لشد ترهلات الجسم ,نتائجها ستلاحظينها ,بعد مرور اسبوعين ,اليكي الوصفه,
ملعقة صغيرة شبه مطحونة
ملعقتين من اي كريم للجسم
3 ملاعق جلسرين
3 ملاعق زيت زيتون
ملعقة صغيرة ماء ورد
ونصف ليمونة
ونخلطهم جيدا ونضعهم بزجاجة ,ونضع الزجاجة بإناء فيه ماء مغلي ,الى ان يبرد الماء ثم تأخد منها قليل ,براحة اليد ويدلك المكان المراد شده بحركة دائرية ,وتترك لمدة ساعة ثم تغسل بالصابون, وتكرر لمدة 15 يوم الى ان تبدأ النتائج في الظهور.

 

[لولي غلاي]

قريت قبل معلومه عن الشبه انها مو زينه وتسد مسام الجسم
مادري عاد اذا صح او خطا

 

[زبدة الكاكاو]

يمممه الشبة تخوف لاا

بنات لاتستعجلون ع الضعف انتم تو طالعين من النفاس
الرياضه هي تشد الجسم كلها شهرين وبلشي بالرياضه وخففي اكلج
مافيه شي يجي بسررعه

 

[جعفرية و أفتخر]

بنات أنا قاعده أحاتي إذا رديت شقتي شبسوي معه البيبي ساعات تعر علينا أنا و أبوها ماتسكت إله عند أمي وساعات تسكت عندنا و صارلها جم يوم تعر باليل ما تنام اله عقب جم ساعه يمغصها بطنها و تبجي كاسرة خاطري حبيبتي .

 

[لولي غلاي]

صبااااح الخير

جعفريه ؛ الجهال يبيلهم معابل واذا ع النوم يتعدل ع الشهرين بس تكبر شوي يتعدل نومها
واحمدي ربك انها بنيه مو صبي لو صبي تتعبين معاه اكثر ويظل لثلاث شهور نومه متقطع 

 

[لولي غلاي]

مو مصدقه بعد اسبوع ابدا اجهز لطلعتي من الاربعين الحمدلله هاااانت

وتوبه مافيه حمل الا بعد خمس سنين ههههههههه

 

[سماء الاحساء]

يمه خوفتوني اول مره اسمع عن الشبه انها كذا

 

[نبرمان]

مساء الخييير خواتي

انا توني اصحصح اليوم هههههه من ولدت وانا كله طايحه بفراشي بس صدااااغ وانام


شخباركم مع النفاس ..
انا امي الله يحفظها حاطتني بتنووور .. لدرجه اني مو لابسه دلاغ *_* .. واعرق حييييييل حييل شكلي قاعده افش من سوائل الشهر التاسع
ههههههه