***¥ تجمع مواليد فبراير و مارس 2013 ربي يسلم قلبهم ¥***

[سنفورة زرقة]

لولي انا صارلي الحين ٢٠ يوم

 

[زبدة الكاكاو]

بنات ام محمد اللي تسال عنها والله عجيبه ماشاءالله عليها

انا رحت لها بنفاسي في بنتي ونفاسي هذا


بنات اقول لكم كلمة الحق والله بعد مارحت لها مو رجعت مثل اول وبس رجعت بنت تعرفون شلون بنت

تردد وبعدها تاكلين الدوا والله راح تدعين لها ولي

وبإذن الله بعدها ماراح تشتكين من نزول الرحم وخرابيط حتى بالحمل مافيه اي معاناه بالجماع ولله الحمد


شي فووووووووق الخيال ماااشاءالله
والله وهي تردد لي ادعي لها بقلبي اقول عسى يدج ماتجيها النار من قلبي طااالعه والله

سبحان الله هالمره في يدها بركه بعدالله سبحانه وتعالى

 

[زبدة الكاكاو]

65506544

هذا رقم ام محمد
والصبح تستقبل من الساعه 9
والعصر من 4 ونص الى 6 يمكن

 

[زبدة الكاكاو]

سنفوره انا الحمدلله والده اكثر من مره ترجعين حبيبتي بنت بس اهتمي بنفسج بالنفاس
اذا تركتي النفاس احلمي ترجعين لادوره ولاغيرها

الى النفاس الثاني انا اقولها لج من خبررره والله

تدرين زوجي بنفاسي اللي طاف قال شنوو بنت مومصدق والله

 

[زبدة الكاكاو]

بنات صبغت شعري بالبيت طلعت اللون رووعه بس الجذور والباقي اسود

انا مابي اروح الصالون وسحب لون ابي طريقه اسحب اللون بالبيت بعدها اروح اصبغ

ساعدوني

 

[لولي غلاي]

ماشاءالله غدا شرك ياسنفوره
خلاص مثل ماقلتلك ابتعدي عن الممنوعات نهائيا حتى بعد الاربعين بمده طويله
وسوي تمارين كيجل على طول في اي وقت سويها وامشي المشي يشد الجسم

 

[^-^قطــــــوه^-^]

مساء الخير بنات شلوونكم وشلوون الحلوين.. تأقلمتو مع الوضع الجديد.. انا لي الحين ما تعودت.. النوم صار مقطع..

بنات شنو جهزتو لطلعت الاربعين.. انا ماني عارفه شنو اشتري احس مخي مخربط عالآخر..


خياطي طاح يوم صارلي تقريبا 20يووم
بس مادري شكله انفتح.. عندي مراجعه الحين وبجيك عليه ان شاء الله احساسي غلط.. هههههههه صج لا قالو المنحوس منحوس

 

[بقلبك مكاني]

وجااااااااااااان القااااااقكم...اروح مارس وابجي عليكم جني ضايعه بروحي انقهرت التجمع سكر وماسلمت عليكم وادور وادور والقاااكم....امس دخلت والنت عللللق شخباااااركم وحمدلله ع سلامتكم كلكم والله يخلي لكن عيااالكم

 

[^-^قطــــــوه^-^]

هلا والله بقلبك شلووونج وشلون ولدج بشرينا عنه ان شاء الله بخير..

اي والله ضاق خلقي يوم تسكر التجمع الثاني بس ان شاء الله نتجمع بهذا ومانقطع لان بصراحه تعودنا على بعض

 

[لولي غلاي]

بقلبك وقطوه شخباااااركم
وشخبار ولدك بقلبك بشرينا عنه

خلصتوا نفاسكم ماشاءالله ؟؟

 

[^-^قطــــــوه^-^]

هلا وغلا لولي شخبارج...

انا صارلي تقريبا شهر... هانت..

 

[مهايا]

ياهلا بنات .. وانضميت لكم

شلونكم كلكم عساكم بخير


بنات طبعا تدرون انا قيصريه .. بس مستغربه من ولدت الله يكرمكم الدم مو واجد
وتنقطع عني يومين وترجع مرات ثلاث وترجع
بس الحين صارلي خمس ايام تقريبا مافيه شي
مع اني اشرب حار واكل لهوم وتمره برشاد وحبة بركه

يعني مادري مستغربه صراحه .. طبيعي جذي اللي والده قيصري؟؟ او لا


وعندي سؤال
انا ارضع بنتي مع الصناعي طبيعي من صدري
لا بكون يضرها الاعشاب اللي اخذها
والعنزروت وهالسوالف ؟؟؟؟

 

[لولي غلاي]

مهايا
العنزروت قوي لا تاخذينه وانتي ترضعين ، ولا تكثرين انتي منه خليه اخر الايام للتنظيف وبس

 

[لولي غلاي]

قطوه ماشاءالله ، هانت ان شاءالله ، الله يهونها علي وعليكم وتعدي الايام بسرعه

 

[^-^قطــــــوه^-^]

مهايا.. اتوقع طبيعي لان انا بنت خالتي والده قيصريه نفس حالتج لان الحين ينظفونج بالولاده من الدم..


والرضاعه اتوقع عادي الاعشاب ماتضر بس العنزروت مادري

 

[سماء الاحساء]

هلا بأحلى تجمع الله يعدي هالفترة بخير ان شالله بنات بسالكم اللي يرحون للرداده يعني شنو تسوي تدهن اسفل الرحم ويعول او كيف ؟؟لان انا استشرت ومحد نصحني يقولون لي الرحم يرد مكانه بروحه مع أني الوله الخامسة وأخذلي١٥يوم والده والخياط لسه باقي ....... سنفورة انا ما لاحظت تغير لا بالأول ولا بالثاني ولامره رحت رداده ومدري منعه بالشرقيه منو يسوي ومن أحسن وافضل وحده. وعلى الصبغه اللي تقول الزيتي اللون الدارج ابي أشوف لونه كيف صاير حمستوني بالصبغ بس شعري تعب وجف وتقصف بالنفاس ومحتاره عالصبر وأبي بطن ادخله بس التمارين صعبه غير المشي لان الخياط بعده عذرا طولت عليكم

 

[لولي غلاي]

سما
تبين بطنك يروح ، اشربي قشر قهوه

والصبغ ماانصحك فيه اذا شعرك تالف ، تعرفين الصبغ راح يضره زياده

 

[لولي غلاي]

والخياط استخدمي كريم ميبو على طول يشيل الخياط بسرعه

 

[زبدة الكاكاو]

سماء الرداده موشرط انها ترد الرحم بس وانتي تقولون هو يرد


انا شافت بطني ورحمي قالت رحمج شوي نازل وفيه شوي هوا
نازل تقول من كثر القعده قلت اي ارضع ولا انام بس قاعده مدري ليش هههههه

والحمدلله 3 ايام رحت لها ومافيني شي رفعت الرحم وراح الهوا بإذن الله وقاعده اكل العلاج اللي عطتني
والحمدلله الحين احسن بنفسي شي عجيييييب ماشاءالله



صبغة الزيتي حلوووه سما

 

[زبدة الكاكاو]

اي تدهن اسفل البطن بس

انتبهي لاتروحين اي رداده الا ثقه ومجربه لان نادر تحصلين وحده زينه
والله اذكر بنات عندي بالدوام جربو وحده تردد مسخرتهم ههههه وافتحت خياطهم تسوي لهم حركات ويفتحون رجولهم
يعني ماادري شنو الغباء انا اشوف شي مايناسبني مااسويه والده وتسوي حركان وشوي وتكسر ظهرها وينفتح الخياط صراحه غبااااء منهم يسمعون كلامها


اي رداده تحط يدها على بطنج وانتي منسدحه بس تشوف شنو فيه وبدعا تسوي مثل المساج خفيف يمين ويسار كم مره ترفعه حركات بسيطه بالبطن بس

هذي هي بسسسس


سما فيه صالونات يحطون فيتامين ع الشعر قبل الصبغ مثل حنان دشتي

انتي حطي فيتامين وحمام زيت واذا شفتيه تعدل اصبغي