***¥ تجمع مواليد فبراير و مارس 2013 ربي يسلم قلبهم ¥***

[المتميزة دائما]

امهات بسألكم الترجيع عادي ؟ اذا الياهل يرجع بس مو دايما بس عطيته الحليب يوعان وبعدين ما ادري رجع واحس بعد الترجيع يصير يوعان ارد اعطيه ولا لأ

 

[المتميزة دائما]

هلا بالمهلي هلا قلبونه

 

[نجمة فجر]

عقبال ماننظم لكم يارب

 

[قَلبڪْ صًخرْ]

انا ميح مع الياهل
وقاعده اتعلم شوي شوي
جني خدامه يديده هههههههههه



وامين نجمه

 

[ام الحلوااات]

الــمـتــمــيـــزه
بــــعــــد مــــاتــرضـــعـــيــن الــيــاهــــل رفـــعـــيــــه عـــلـــى كــتــفـــج
مــع مــســك راســـه عــشــان لا يـتـحـــرك
وجـــشـئـــيــــــه يــعــنــي اضــربــي ضـــرب خــفـيـف بـايــدج عــلــى ضــهــره مــن ورا لـــيـــن يــطـلـع صــوت خــفـيـف
وان شـــآء اللـــه جــذي مــايــرجــع​

 

[Withered flower]

ويييي انتوا هني؟؟؟

شلونكم بنات؟؟ انا انشغلت مع ولدي
وحاليا منشغله بالتجهيز ههههه بس ما شريت الا عطر وشوية ميكب

شنو افكاركم لطلعة الاربعين؟؟
طبعا وزني مع الحمل ماشاءالله زايده ٢٠ كيلو للاسف ونصهم ماي
وحاليا طيحت ١٠ كيلو وباقي ١٠ هههههه
الجسم لا تعليق اكيد ورقبتي فتح لونها الحمدلله

شنو مفكرين بصبغ الشعر؟؟
انا مفكره اسوي اشقر رمادي واسوي كولاجين الشعر
يقولون ينعم الشعر بس ما يطيحه مثل الكيراتين
ونتيجته تبين خلال ساعه عكس الكيراتين خلال ٤ ايام
بس خايفه يطلع اي شي ويطيح شعري

وكنت بسوي تلم بس ريلي زفني قال ما تدشين البيت اذا سويتيه هههههه ما يحبه كلش
فقلت بسويه شهر ٦ ان شالله لان خاطري فيه وعناد بريلي بعد ههههه
وودي اسوي تبييض بس بستعمل لزقات كريست لان جربت القوالب قبل عرسي وصراحة استخفيت من العوار
حده فظيع وشلت فكرته من راسي مع ان والله لقيت نتيجه حلوه خلال ١٠ ايام بس وللحين اسناني بيضه بس اصفروا شوي من الجاي والقهوه


يلا شاركوني يا حلوات

 

[Withered flower]

واي الخيااااااط اعوووذ بالله

الحمدلله لي 17 يوم

بس فيني اثر ندبه من الخياط

وقاعده احط بهالكريميات عشان تختفي


وادور الحين شي يفتح المنطقه خخخخخخ


شنو بتحطون امهات ،،


امبيه لا بياض ولاضيق ولاشكل ههههههههههه خربت

كله من بنتي المشفوطه هههعهههههههههه

نفس الحاله
المنطقه حدها كويحه ههههه
انا بسوي ليزر بس عقب شهر من الاربعين ان شالله

وبروح للجلديه احتمال بدار الشفا او السلام وبقول لهم يعطوني تقشير لان ما ظنتي الخلطات الطبيعيه او كريمات التفتيح تفيدني بدون تقشير

حاليا ما استعمل غير سودو كريم وخالطه شوي منه مع زين اللوز المر
لان صار فيني حكة واحمرار من الكوتكس

 

[Withered flower]

بسوي تان مو تلم هههههههه
بدليات الايفون

 

[اخت خالتهم]

السلام عليكم بنات
شلونكم شخباركم


ياحلوكم و ياحلو تجمعنا

 

[Withered flower]

بخير اخت خالتهم
انتي شخبارج ووينج ما عاد تبينين

 

[لولي غلاي]

متي ادخل هالتجمع ؟؟؟؟

عقبال ماانظم لكم يارب

 

[a7la siorah]

ههههههههه

الحال من بعضوو

بخصوص التجهيز

فصلت عبايتين

و٥ بدل استقبال وشريت ٥ دراريع بيت جاهزه

وبجايم وبدل بيت وملابس داخليه وقمصان نوم من الجميع

كنت مفكره اشتري من الانستقرام بس يبيله جسم

ف شريت من الجميع ينفعون لوضعي ستيانه بوش اب ترفع الصدر الي ترهل

وشفااااااااف عشان يخفي السمار ومنها اغراء كثرت شريت ٧

وفي نظام نفنانيف ستيانه وضيج نفس الكورسيه يضعف ويطلع خصر

والجسم قاعده احط شغلات شاريتهم وفي نتيجه خفيفه فتحت شوي بس

 

[a7la siorah]

هههههه نسيت لا اتكلم عن ولدي

اي الحمدلله تعودت عليه وع نومة الليل

كنت اتعب كل شوي قايمه بس الحين تعودت

واهو هادي نوعا ما

اعطيه حليب سيميلاك و وماي غريب رقم ونص مره او مرتين باليوم

والحفاظ دايم ابدله واحط له سودوو كريم لان طلعت له حساسيه اول الايام كنت استخدم

كريم الحفاظ من جونسون بس مافاده سودو كريم اقوى واحسسن والسباحه يوم ويومين لا

 

[a7la siorah]

في شغله بتكلم عنها زوجي صاير اووف نفسيه ويتهاوش معاي

ويهددني يتزوج شكله استخف عشانه بروحه ههههههههه

صج الرياجيل مايبون يتعبون كلش ولا يراعون

بس هانت يارب محد يغيره علي هالفتره صاير جبريت

 

[روعة خيال]

الله يسهل علينا و نولد بالسلامه و نتكي بهالقروب

 

[سنفورة زرقة]

انا ولدت 13/3 خوووووش تاريخ ها
الخياط ياذذذي ماتوقعته جذي استغفر الله
والرضاعه ضيييم حاولت فيه اول يوم يمص بس ماكو حليب
الحين كل اعطي صناعي وتوه بده ينقط حليب صدري واحط له صدري مايبي شسوي

 

[^-^قطــــــوه^-^]

مرحبا.. شلوونكم..

انا ولدت تاريخ 4-3 وجبت ولد..
والحمدلله طلع من المستشفى يوم الأربعاء كانت تعبانه عنده الارئه.. والحيين الحمدلله احسن..

بس متعبني بالرضاعه ما يرضع عدل يدوب رقم او نص رقم.. كاسر خاطري.. ووانا يوم جبته كيلوين و100نتفه
ويوم كان عندهم بالمستشفى ماكانو يرضعونه من اول ما ولدته فمو متعلم يرضع عدل..

 

[pinkoosha]

امهات بسألكم الترجيع عادي ؟ اذا الياهل يرجع بس مو دايما بس عطيته الحليب يوعان وبعدين ما ادري رجع واحس بعد الترجيع يصير يوعان ارد اعطيه ولا لأ

اي عادي بس لمه يخلص من الرضاعه طبطبي على ظهره عشان يتريع بعدين خليه داي من منسدح على جنب وطبطبي عليه عجهالطريقه تساعده انه يطلع الهوا و هم اذا رجع ما يشرق ديربالج لا تنومينه على ظهره خليه كله على جنب و حطيله فوطه عشان ما يدمر نفسه

 

[ReEm Q6R]

الحمدلله اخيراً انضميت لكم ،،

ولدت بتاريخ ١٩/٣/٢٠١٣ وجبت بنوته الحمدلله ،.

 

[om.mohamed]

سنفورة زرقة
اذا تبين تعطينه طبيعي ومو راضي من صدرج اشفطيه بالآلة من الصيدلية او مذركير سويسرية زينة
اسمها medela