~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[بطة رشيقة]

صباح الخير .. صباح الحب . صباح الكارى ..

شلونكم شخباركم بنات ابشركم امس اول مره بحياتى انجز طبخه كامله وكلتها الحمدلله وعجبت قوزو والحمدلله الوضع قاعد يتعدل والله يوفقنا يارب بس اللى مو زين ومو حلو ومو شى .. انا تفطرت تمام التمام 10 قفاش عيش وشوى مرق وسلطه وشربت قىص عصير و3 تمرات اول شى زين .؟؟ اى زين وتالى رحت بيتنا بأمان الله وتالى هجمت على طاوله فيفى عبده !!

برب

 

[عنيّد]

زيون ،، سلامات يالغالي سلامات ، الا اشسالفة (((عوار الله لا يوريه العدو))) ليييش شهالحب للعدو هااا لا لا شكل العوار لاعب دوره
اما سالفة القفاش والله توني ادري عنها انا عبالي يصير ألغي المقلي واحط زياده قفشتين ، صج يعني الله بالخيييير خخخخخ ، الحمدلله ان امس بس الي سويت هالحركه والله يتمم علينا بالصح

هل القرقيعان والله يعييين عالحرتااات الي فيه ، صار تفنتق من يومين وصلنا واشتهيت الككاو بس تعوذت من ابليس لاني افضل اللقيمات عليه


بطبط ،، اهم شي تحول اسم بؤرة الفساد لطاولة فيفي عبده ،لووووووووووووول
بالعافيه بالعافيه والله يستر عالعيد << نغزه

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

العبد تكلم اليوم عن التمر او الرطب او الخلال

- اسرع السكريات اللي تدخل الجسم التمر و العسل و لا ترفع الانسولين وايد لوجود الالياف العاليه اللي امتصاصها بطئ و ترفع الانسولين تدريجي .
- يحتوي على الفيتامينات و البوتاسيوم
- تسحروا تمر .. يقتل الجوع و العطش .
-يحتوى على الفلوريد المناسب لسلامة الاسنان .

فوائده
ينشط حركة الامعاء و يتخلص من الامساك لاحتوائه على الالياف
يقوى المناعه و يقاوم السرطان و الاورام .
يخفض ضغط الدم العالي لاحتوائه على البوتاسيوم
يقوي البصر و يحمي النظر من التلف
يساعد في زيادة افراز هرمون الحليب (البرولاكتين)للمرضعه

ان شاء الله استفدتوا .

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد .. الله لا يواريه العدو .. كنايه عن شدة الالم و الذي لا اتمناه يحصل حتى للعدو .. و لكن واقعيا كيفه العدو ش ياه و الا ش ما ياه ..لوووول

بطبط .. شيف بطه ..قواج الله و بالعافيه .. و انا قلت مشكلة النفس الدنيه .. و شلون راح از نفسي عن هالاشياء ..لوووول.
بحاربهم و باتغلى عليهم .

 

[عنيّد]

زيون ،، اشعنده ابوالاسود الدؤلي :d
ويسلموووووو على فقرة العبد ..... عجيييييب هالتمر والله الحمدلله الله يديم النعمه

 

[بطة رشيقة]

هلا فيكم انا باك

مساع ما قدرت اقرق علىر احتى لان يانى مراجع وماكو الا انا والمصرى بالدوام ما ادرى ليش يعنى الباجى مو ياين عشان انا ما دوامت امس مثلا ...؟

المهم




اى خل اكمل لكم لالا جد يعنى الحين شسالفه البلعه وليش ليش كليت ما تدرووون شكثر تحسفت ووالله قد شعر راسى واكثر منه بعد يعنى لى متى جذى صارلى شكثر اطحس ميته اشوف رقم 70 على الميزان ووراه 69 ليش لى متى يعنى لى متى استغفقر الله كل يوم اتكلم واوعد نفسى وما ادرى شنو .. شدعوا مو قادره امسك روحى لو اسبوع !!!!!!!!!!!!!!!!!!!! اكره نفسى وانا متينه اكره نفسى وانا منفرشه اكره الايام اللى كنت فيها الوع الجبد وريلى ساكت وبالع بس يبين انه مو عاجبه ليش ارد نفسى لى ذيج الايام ... نسيت يوم صرت 74 ولبست البجامه المصرصره والله شحلووووها على !!!! الحين بس اطالعها من بعيد !!! يارب يارب ثبتنى يارب ...

الحين عندنا قرقيعان الاحد الياى واتمنى من كل كل كل كل قلبى انى التزم لى الاحد وان شالله من عقب الاحد التزم لى العيد الله كريم الله يقدرنا ... :weight_lift:


زيووون حبيبتى سلامتج الف الف الف الف سلامه وما تشوفين شر صج صج الضرس يضيق الخلق وما تقدرين تسويتن اى شى الله يعينج حبيبتى وشنو الشى اللى بتسوينه حق نفسج عشان البلعه خل اسويه وياج ..؟

جسوووت يا هلا يا هلا اى علىق ولتج لا تعلقين ولا تقااارنين على الحكووومه وشبكنا الحكووومه وبئينا اراااايب خخخخخ وان شالله ان شالله ضميرج وضميرى يصحى ويتعدل ويقوم تذكرين جسوت اول مشالله شلون كنتى ملتزمه وكلنا والله كنا ما يهزنا ولا شى تذكرين مره يوم تقولين انج رحتى جليز وتحملتىر يحه الاكل وما تشوقتى وتعشيتى افندى ..؟؟؟؟؟؟؟ الحين شفينا ما نقدر نقاوووم وحتى من غير محد يقولنا اكلوا ناكل ..؟؟؟؟؟؟؟؟؟؟ يالله بنات خل نشد الحيل يالله يالله \

تذكرون قروب شهر 5 ..؟ و6 ..؟ الحين بنوصل 9 واحنا ما انجزنا !!!!!!!!!

منمن حبيبتى الططبخه تمام وابشرج كل شى اوكى ... ووينج طلى علينا ..

عنيدووو اى اى انش الله اشد حيلى وان شالله ما اقرب من طاوله الحلو بعد !!! عاد والله انها ما تسوى اشيااااء تافهه واقدرى ما اتشوووق عليها ..؟؟؟؟؟؟؟؟؟؟؟ منبطه جبدى من روحى :eh_s(2):​

 

[بطة رشيقة]

شفينى بدليات هالكثر !!!!!!!

 

[عنيّد]

ياجماعه تعرفون مدرس تقويه ؟؟ وينها منمن عساها تفيدنا ولا تعطينا كورس

بطططططبطططططط ،، تكفييييييين رجعي على لابتوب اخوج

خخخخخخ بدددددعتي لا لا صج صدقت انج ندمانه على تبربس امس ، خلاص والله عادي عادي لا تنفعلين حلااااتج والله:fun:

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد .. اي و الله التمر عجيب .. و اشوه احنا بدديره فيها التمر اشكال و انواع و الكل قادر يشتريه اذا مو في بيتهم اساسا .. الف حمد و شكر .

بطبط .. مو قلت قبل .. بالنسبه لي النفس صايره دنيه على اشياء ما تسوى كبب و مقالي ... و حلو .
الحلو مسموح .. و المقالي حبه .
فاللي راح اسويه اني اعز النفس و اتغلى عليهم شوي .. و اكل بحدود المسموح بالريجيم .
و الفطور .. راح اكل بحدود المسموح بالريجيم .. تالي باقوم من الطاوله .. لان القعده الزايده عليها مع السوالف تخلي الايد تنمد اهني و هناك .. فاحسن اقوم بسرعه .
هذه الخطه و العلاج .

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

انا من الدوخه اللي انا فيها .. كلام بطبط مر علي مفهوم حده .
--- شفتوا شزيني ما ادقق ----
لوووول

 

[عنيّد]

ههههههههههههه
ربي يديم هاليمعه والله



زيون ،، وين تيكرج ؟

 

[عنيّد]

اوه كاهو شفته فوق
لا لا الظاهر كلنا متنحين اليوم ، حووووووبة بطبط :d

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد .. شفيج ؟
من كثر النوم الظاهر .. لوووول

 

[بطة رشيقة]

خخخخخخخخخخخخخخخخخخخخخخخخخخ شفتتووو شلون الله ما يرضى تعيبون على وكلكم تعاديتوووووو

الله كريم لا زال فى وقت ولازم نشد الحيل ..

برب

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بطبط .. الله كريم و ربي يعين .

 

[عنيّد]

بطبط ،، الله كرييييييم وتيييت ^ــ^

زيون ،، اي والله الظاهر ، نمت بكير وماتسحرت والحين يوعانه :\

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليكم خواتي اشلونكم واشلون النفسية حق الدايت اوكي ان شاء الله وشكرا اختي حست مي على الترحيب باليدد لأني منهم ان شاء الله انكون اخفاف عليكم ونفيد ونستفيد

 

[بطة رشيقة]

واى هالمراجعين الواحد ما يقدر يكتب كلمتين على بعضها واااى شنو هاذاااااااا غوووبراااااااااا ( شعنده نبوووولى ولد بو نبووولى ) خخخخخخ

تعالوا بنات قرقيعان وقرقيعان شبتسوون اليوم ..؟ شنو احتفااالاتكم اليوم ... انا السنه ما خبيت روحى ولا اذيت نفسى سديرى نفس مال ولد زاجل حق كارز بكشخه فيه اليوم ويلبس دراعه وبروح بيتنا وباخذ زبيلى معاى اللى فيه حلاوووو واوزعه على اللى بينا وبس السلام عليكم وباجر بودى قرقيعان المحمووله وبس خلاص وفص كلاص خخخخخخخخخخخخخخخخخخخخخخخخخخخخخخخ

يالله صلاه

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد .. مو قلنا السحور لازم .
عيزنا ننصح

بطبط ..ماكو شي مجهز حق القرقيعان .. الابطال زهبت دشاديشهم و صديرياتهم .. و انا البس ن الموجود ..و زهبت القرقيعان بالزبيل حق عيال الفريج المقرقعووون من الاطقال .. و بس

 

[عنيّد]

همممم والله احنا ببيتنا مالنا طقوس للقرقيعان لانه ماعندنا يهالو
بس كل سنه ننعزم على قرقيعان حماة خالتي لكن محد له خلق يروح الا هي واختي خخخخ
والله القرقيعان صار عزيمه بعد

دعواااااتكم لاخوي اييله ياهل والسنه اليايه انشالله نسويله قرقيعان ^___^