~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[just-me]

وي الله يعينج زيون اجتماعات الخميس كلش مالها سالفة

بنات فتوش امريكانا عجييييييييييييييييييب بس رشو عليه سماق

حتى الخبز اللي معاه مو محمص بدهن و الدرسنغ خفيف جربوه

 

[just-me]

صح لسانج زيون خوش ابيات ....

انا وايد احب و أؤومن بالمقولة اللي تقول :

واصبر على كيد الحسود فان صبرك قاتله

فالنار تأكل بعضها ان لم تجد ماتأكله

شالطاري عليج جسوت الامثال اليوم ؟؟؟

 

[just-me]

بس طقني اليوع ... اشوفكم جريب

ديرو بالكم من مطبات الويك اند وخرو عنها

حافظكم الرحمن و Happy week end

سلام

 

[mn.mn]

السلام عليكم

توني واصلة الزوارة وناطرة باجي القافلة على ما ايون بالسلامة

اليوم طلعت من الدوام مريت الفرع كنت أبي بطاط عشان خدامتي بتسوي ورق عنب حق الزوارة واحنا نقصص بطاط حلقات بقاع الجدر

وما كان عندي بالبيت بطاط فمريت الفرع عاد اشتهيت البريد جان آكل بريد ساندويج >>> كل هالقصة عشان بقول كليت بريد لوووووول

وجني شوي زدت الجيلة بالغدا بدال 4 قفاش صاروا 6 وكنت ناوية أكنسل كتكات العصر بس ما قاومت كليته حسيت ابي ككاو لما قعدت

من النوم يمكن ليش جريب اتييني >> كلش ما أعرف ارقع

عاد الله يستر من الياي عشى ما اخوره بالعشا عدل انا ما يبت وياي عشاي لاني ادري برده قلت بذوق من الموجود على الخفيف وبقوم من

السفرة بدون ما أفول العداد يارب منك الثبات يارب وللأسف ما مشيت ما مداني ان شاء الله اعوضها باجر وعقبه

 

[just-me]

مساء الخير

من من عوافي و معلوم هذا ويك اند بس ماجنه المطبه قربت ؟؟

كنت احسبج ما توصلين لها الا اليمعه لوووووول ميخالف هونيها

من شوي ردينا انا و البنات من فلم Shorts يجيب الماحي بالنسبة

حقي و حلو بالنسبة للبنات عليهم بالعافية اهمه اهم و الطلعه حقهم المهم اني

قزرتها هذرة بالتلفون و اكلت سناكي 2 بالسينما ( كتكات حاطته بالجنطة جني ام العبد)

بس شريت اميريكان كوفي وصج ان الصراحة راحة خمطت لي 3 خمطات نفيش من كل وحده

يعني 6 خمطات ... وباعتبرهم عشاي عقابا لي

واي الافنيوز كان زبالة زباله زباله كنت ناوي عقب الفلم نطق لنا فره اخذ لهم جم

خلقونه بس من شفت الزحمه و الشكولات انحشت ---->اضطرينا نروح ماكان في

موعد مناسب و اماكن فاضية الا بهالزمان و المكان ماشاء الله ماجنه امتحانات السوق

والسينما Full

يالله بنات .... أخليكم الحين و اطل باذن الله باجر ...لا تباعدون

تصبحون على خير ....اخر وحده الله يعافيكم تصك الباب و الدرايش لووووول

 

[زيـنـه]

فير الخير

شلونكم ؟

بدت الخواره !!

لي المغرب شزيني .. رحت سوق شرق .. تقولين الناس ما عندها هدوم .. صج خرعتهم البريدااااات ..بصراحه ناويه على عشا الريجيم بس تشيشت على العشا مع اختي .. و تعشيت من جريت ستيك اند غريل .. صمونه ما كملتها (الحمدلله من توابع الريجيم) و نتفة بطاط هم ما كملته !!

و كملت على العشا وحليت كره من باسكن روبنز .. بس ما كملتها !

ما ادري شفيني ما اكمل .. يمكن معدتي صغرت ---> هذه اللي صج اترقع حق روحها

اي .. و خدامتي بغت تنخطف بالمواقف بس الله ستر عليها من هالشباب الصيع و الله حفظها !!
عاد واعليه كبيره بالسن و مو زود حلات .. بس ابليس لا تسلط على هالناس اللي موليه !
خطانا السو كلنا

شالاخبار؟

 

[mn.mn]

هلا والله زيون وجسوت زين والله طليتوا عقبي وعليكم بالعافية الطلعة واللي كليتوه

انا طبعا بدعت بالعشا ما شاء الله كل وحدة مسوية صنف والأكل يمشي على السفرة وانا رووووووووح >> تحوشني حالة انفصام بالويك اند

بس ان شاء الله اليوم وباجر ملتزمة ولغيت فري باجر عشان الاحد الميزان يكون بكامل قواه العقلية

 

[سارونه87]

صباح الخير
شلونكم ياحلوين
قلت امر اسلم عليكم

 

[زيـنـه]

عصر الخير

شلونكم ؟؟

من من .. يا ربي كلنا ننفصم بالويك اند .. وزنت اليوم الصبح 82.5 .. عسى يكمل لي الاحد جذي !!

سارونه .. هلا فيج .. بشري ..شلون الريجيم ؟ و شلون النزول و مسابقة الرابح الاكبر ؟

سؤال : الترمس شنو موقعه من الاعراب ؟؟ يعتبر شنو ؟؟ و يمتن و الا يصير سناك ؟؟

 

[سارونه87]

هلا زيووون
الحمدلله بخير
والرجيم تمااااااام التمام

 

[just-me]

صباح الخير

شلونكم بنات .... عذروني ما قدرت اكتب امس بس كنت اطل و اتابع سوالفكم

اولا و قبل كل شي امس الصبح كان وزني 71.8 حلو؟؟؟ حلو

اليوم الصبح 72.5 !!! جان اقول بصوت عالي لا شعوريا شنو هذا ؟؟؟

ذكرت انها بتشرف هاليومين عاد انا ذابحه روحي مشي و فعلا ملتزمه من قلب

و باذن الله انا طالعه من السبعينات قريب باذن الله بس شنسوي باسبوع المرور اللي يهدم

الاحلام صج كلها يومين بس ولو بهاليومين تحوشنا حالة كاكاويشن و خباليشن

يؤدي الى بلعيشين

الله كريم

 

[just-me]

ردود سريعه :

زيونه ولين ليش جذي شكو باسكن روبنز شكو ستيك لا لا لا اختج خرابو

ردي فوق تحت بسرعة و اخذي اول لفة يمين لوووووول

من من ... خلاص امس و اليوم انتي اوكي ترا وراج عيد ولويه اليهال ديري بالج

سارونه : انا كنت شاكة بنظرية بس شكلي باثبتها ... من تضعفون تبتدون

تطلطلون علينا من بعيد ... وينج مكانج خالي .. ترا مو بس انتي حتى انوجه

و نحوله و وايد بنات ...نبيج بيناتنا كل يوم لا تباعدين

بطه ... اذا طليتي بدون ما تكتبين مو معناته تنسين الريجيم ترا احنا وراج وراج

عنيد .... وينج ماصارت ترا عيزنا ننطر تقريرج عن موعدج مع المطوع نبيه عندنا

مو بقسم التغذية نبي شي سبشل

خنفروشه و تينا و ام فجر شلونكم ليش ما تطلون بالويك اند والا فرصه عشان تخربطون بالريجيم

 

[just-me]

زيونه نسيت اقول لج خطاكم السو ... شلون يخطفون الخدامة وين قاعدين ..؟؟؟

والله شي يخرع ... اللهم احفظنا و احفظ بناتنا الديرة صارت تخرع من هاللفو

و بالنسبة للترمس ما ادري والله .. بس عاد ترمس كلش مو مشفوق ( تنوبن بالكسر )عليه

شالطاري ... نساة و الا استفسار

 

[just-me]

مساء الخير

شلونكم بنات ... وينكم اليوم

حايشتني كأبة و محاتات و اعصاب ع الطل ما ادري شفيني اللي يقول لي

شفيج من ريلي و الا اهلي و الا عيالي بتهاوش معاه ....اف استغفر الله

ماصار اسبوع مرور ما بدا متى مليت !!!

ابي اكل و مو متحسفة على الريجيم بس متحسفة اني باكل شي مو بالمزاج

توه وصلتني مسج افتتاح wagamama بمجمع 360 شكلي بدق سلف

وبارتز بروحي بالمطعم اطلع نرفزتي اللي ماني لاقيه لها سبب

اعوذ بالله من الشيطان الرجيم ... استغفر الله ...

على فكره كليت كاكاو بس ماياب راسي صج صج ماعندي سالفة

ضيعت تعب اسبوعين بس غصبن على

 

[سارونه87]

الجو عجيب
انصحكم بالطلعه خخخخخخخخخ

 

[بطة رشيقة]

قوووه بنات شلونكم شخباركم ... :68_asmilies-com:

انا الحمدلله تمام التمام وربى يتمم علينا ان شالله ...

خل اقولكم يومياتى وتالى ارد على حجيااتكم الحلوه ..

الخميس عقب القهوه رديت البيت وتغديت كورن فلكس وحليب والسناك 2 كان فى القهوه الشعبيه رحت انا واختى ورفيجاتنا وعيالنا الحمدلله عدى اليوم على خير تعشيت مشويات والسناك كان خمطه حب مع جاى دارسين والحمدلله ما خربطت ... اليمعه رحت مشيت تالى رحت الصاالون سويت تنظيفكووو وكان يوم السواااائل ماخليت شى ما شربته وماخليت شى ما حطيته بحلجى م المسمووووح وضقت روب اكتيفيا بو فراوله حلو والله وباللليل كنت معزووومه على استقبال والحمدلله تعشيت سلطات وشربت عصير ووناسه انا هذول الناس مو شايفتهم من زمان والحمدلله حصلت مديح لى الراس واستاست وتشقق حلجى من الحجى الحلووووو :sfg: وتمام الحمدلله اليوم الله يسلمكم قعدت من الوم شوى تعبااااانه بدايه افلوونزا شكلها بس الله يستر مو خنزوووريه :eh_s(20):

وكنت صايمه زرت بيتنا ومستحده ومتبطحه مالى خلق شى احس جمى متكسر ومامشيت ولا تحركت وتفطرت 5 قفااااش هريس مع شوربه وسلطه وفطيره لحم عنونه وبس الحين قاعده اشرب جاى اخضر عاصره فيه ليموووونه ومالى خلق اكل شى الله يستر عسى ما اخنجر لى بعد شوى وو استمرض مالى خلق !!!!

زيون ... وى وى وى اسم الله على خدامتج وخطاااج السوووو حسبى الله عليهم هالشباااب الطايشين وين قاعدين شتيون بالمره وعليه زين ما رحات من جيس اهلها الله يخليها لج وعليه والله بنت ناس ويايه تترزق الله وهم تباااق مسكينه بس ماعليه الحمدلله يت سليمه وربى يثبتج رجيميا ... :eh_s(15):

منمن حبيبتى والله ما ادرى شقولج بخصوووص هالزوااااااابع والله ما ادرى شيصير فينا اذا صارت يمعه ومع السوالف تصير خربطيشن وايد بس ماعليه ماعليه ... انتى قدها يا حبيتبى وربى يوفقج ان شالله وماعليه ا شالله جريب نتيمع على قهوه بس .... وانا بعد مثلج بديت اطلع الشتوى بالقهوه الشعبيه والله ثلجنا وتسلفت من اختى جاكيت لبسته كارز ... والله يكون بالعوووووون ....

جسوووت ضحكتينى على سالفه مكينه القهوه اسم الله عليكم وعليكم بالف عافيه وشلون طعم القهوه عاد حلو مثل الكافيهااات ..؟ جووود اخذ لى وحده انا من عشاااق القهوه .... واسم الله عليج ع الضيجه والغلقه لا تحاتين ساعات الواحد يصير فيه جذى تعوذى من بليس وماكو الا العافيه وصاااجه اذا قربت الدوره الوحده تنعفس عفاااس انا قبل جم يوم يوم كانت على جذى صار فينى قمت ابجى بدون سبب وتهاوشت مع ريلى وكان ودى اروح اقعد على البحر بروحى واغنى غريب وبقلبى حزن خخخخ لالالا صج صج والله تعوذى من بليس وماكو الا العافيه ولج منى اليوم فرى ( بنات لا تخزوون ولا تعصبون عليها والله ساعات الواحد ينضغط من كل صووب وضغط الرجيم ترى مووو هين ويالواحدى ساعات تطق جبده وانا كان هذا السبب اللى خلانى ابجى ذاك اليوم مليت من الرجيم ودى اكل اللى ابيه بالوقت اللى ابيه بس اعرف روحى اذا هديتها قامت تركض وتنحاش بدووون لا تطق ستوت هذى روحى اذا هديتها عشان جذى تعوذت من بليس وقلت بالاوف ان شالله اكل اللى ابيه ) خلاص جسووته حبيبتى ولا تكدرين خاطرج ولا شى يا بعد شبدى انتى ... :082502bye_prv:

ساروونه شلونج اليوم ..؟

عنيد وينج يا بنت ولهنا عليج ..؟

و=خنفروووشه ماطليتى هاليومين ..؟

وام فجوره وانوج وعبير وينكم من زمان عنكم ...


:hjy5jewf:​

 

[ام فجور 2008]

السلام
شلونكم
انا موزينة لظروف زفت
انا رحت اخذت رجيم يوسف الخضر
وهذا رجيمه

الريوق
نسكافيه

الغداء اي شي لحم بكف اليد وسلطة ولبن اكتيفيا
المغرب
كاكاو وسط ونسكافيه
العشا
روب وخيار
اولبن اكتيفيا وقطعه فاكهه
او 4 حبات فراولة

 

[زيـنـه]

مسا الخير

بكل بساطه


انا

مو

خووووش

للاسف ما ادري شفيني !

 

[عنيّد]

صباااااااااح الخييييييييييير

يسلمهممم ربييي رشيقاااات المستقبل على السؤااال بعد عمري ماتقصرون :gathering:

يوم الخميس كان عيدميلاد اختي ، فاخذتها من قاصرها وغبت عشان اجهز لها < كلا قاطينها براسي :eh_s(1):

ااااااالمهم ماعلينا اشلووووونكم انتووووا :eh_s(6):

جسوووت ،، أهم شي انج تبين تقرير خاص بالدوانية لمراجعة العُبد :dddds:
وآآآآآآآآلله كل الي عندي قلته بالموضوع >> رجيمي مع د.عبدالله المطوع (6)

الحمدلله كانت زياره موفقه ونزول غير متوقع :ggdw:
بس للحين اعترف اني بأول ثلاث أيام بعد المراجعه احس مثل الي قرب يوصل لشي بس خلص البانزين
العزيمه موجووووووووده ولله الحمد يعني ولا ببالي اترك الرجيم ، لكن احس بالتعب مثل ماتوقع الدكتور :dddds:
لكن حسافه مابي اوقف ، هو عطاني نظام التوست على قولته للي عزيمتهم نازله شوي
وقالي بعد 3 اسابيع راجعيني ويكفيني اذا نزلتي كيلو ونص

هممممم الحمدلله كل شي OK ، وأمس شفت اخت رفيجتي قالتلي ضعفااانه ، اخذتها من قاصرها وقلت لها اييييي رجيييم :tomato2:

باقي بس الرياضه ، صايره كسوله ، ولازم أرجع لقواعدي ساااالمه باذن الله >_<



غرررررردوا انتوا شخباركم :ada:

 

[just-me]

صباح الخيــــــــــــــــــــــــــــــــــــــــــر