~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[just-me]

[

 

[عنيّد]

صباح الخير :ada:


بييييييه جسووووووووووووت عاااش من شاااااااافج
علينا وعليج باجي الشهر :eh_s(6):

هااااا ويييينج شخباااااارج شالدنياااا فييييج ؟؟

 

[بطة رشيقة]

صباح الخير

شلووونكم بنات ...

عساكم بخير

مشكورين اللى سالوا عنى منمن وانوج والكل حباايبى والله

انا الخميس ما يت الدوام خذته عرضى تعبت الصراحه ... والحين هم بروحى ومحد ياى ... الله كريم انشالله ...

انتوا شخباركم ..؟

عنيد صباح الخير حبيبتى

جسوته هلا وغلا وعلينا وعليج باجى الشهر بشرينا عنج ..؟

كلكم بنات شخباركم شمسوين ...

انا الصراحه وايد وايد وايد متضايقه وحدى بنغجر وفينى بجوه ..

بنات ما ادرى شقولكم او من وين ابدى ..

احس انى تعبت خلاص مو قادره اتحمل وايد وايد اشياء وضغوط على راسى والمفروض انى اتحمل كل هالاشياء ... وانا صايره عصبيه ما ادرى شفينى بسرعه اعصب على كارز على ريلى على اهلى اى احد صايره جبريت والله ولدى صايره بس اصرخ عليه واطقه صاير يعاندنى وما يسمع كلامى فانا ما اتحمل واطقه وبعدين اتحسف ما ادرى شفينى جذى والله اول ما كنت جذى كلش بس الحين صايره ما ادرى مو صاحيه والكل يقولى انتى شفيج مينونه ..؟ ما ادرى شفينى ..

والشى الصانى اللى مكدر خاطرى واكيد اهو له الدور الاكبر فى حالتى النفسيه ... الرجيم الله يسامحه صارلى شكثر اكافح معاه .... بس للاسف صارلى الحين يمكن 5 شهور والله بدون مبالغه نفس الرقم يصعد واحد وينزل واحد .. ما ادرى شنو السبب اللى مخليه يعلق على نفس الرينج صج انى قاعده ازرق بس مو هاده الرجيم ومتمسكه فيه وامشى والعب رياضه .. بس ماكو فايده وهالشى قاعد يحبطنى وايد وايد وايد .... يعنى تخيلوا ينكن هذا 3 اسبوع اوزن ونفسه 76 يعنى انا من بدايه رمضان التزمت والله ولا اخربط ولا شى ووزنت قبل جم يوم والا اشوفه 75 وشوى قلت يالله حلو بدى يتحرك بدت تنفل العقده والا اخذ سوم اليمعه فرى والا يردة 76 يعنى ماكو فايده اى شى بنحطه بحلجنا بيرد مثل ما كان .. لاحول ولا قوه الا بالله احس انى حدى حدى متضايقه

سوررى ضيقت خلقكم من الصبح ..

:0bee2e8d89::0bee2e8d89::0bee2e8d89:​

 

[خنفروشه]

:eh_s(6):صبحج الله بالخير بطبوطه
شخبارج عساج بخير
حبيبتي مشكلتج مثل مشكلتي الوزن ما قاعد يتغير ..والله حاسه فيج
بس انتي حاولي كثر ماتقدرين ما تيأسيين ..راح تجوفين النتيجه مره وحده..الوزن يثبت لفتره و بعدين ينزل و راح تستانسيييييين صدقيني...
وبعدين حبيبتي صلي على النبي ولا تخلين الشيطان يقص عليج..وتعصبين !!!صدقيني ما في شي يستاهل
ربج كريم مايقصر مع عبيده

 

[زيـنـه]

صباح الخير

شلونكم و شخباركم ؟

عنيد .. شلون ريجيم العبد ؟ بشري ؟
انا شكلي بروح له عقب العيد ..ابي واااااسطهههه ..شلون ؟

انوج .. شنو الرقم اللي خرعج يا فتاه ؟؟ ان شاء الله نزول و انصدمتي -- > ردة الفعل العكسيه .

بطبط .. الله يعينج على الدوام .. صج يضيق الخلق في رمضان

جست مي ..تو ماهل هلالج يا فتاه .. وينج ؟؟ لج وحشه .. من زمان عنج .. غالبه رمضان والا غالبج ؟؟

خنفروشه ..شلونج ؟

فل مون .. صاه رمضان لويه بلويه عساها على خير .. لا تقاطعين .

 

[خنفروشه]

هلا زيونه
الحمدلله ..انتي شخبارج وشلون الاكل معاج عسى بس مثبته !!
:082502bye_prv:

 

[بطة رشيقة]

هلا فيكم مشكورين وماقصرتوا حبيباتى .. واللله كريم انشالله ... وعلى قولتكم الصبر ثم الصبر ويارب الثبات من عندك ...

 

[زيـنـه]

خنفروشه .. انا نص نص على قولة نانسي بنت عجرم .

بطبط .. الله كريم الله كريم .
انا اقول حاولي تغيرين شوي بنوع اكلج .. ما ادري ليش احس جسمج تعود على الاصناف اللي تاكلينها .. و الا شرايج ؟

من من .. و انوج .. وينكم ؟

 

[بطة رشيقة]

اكيييييييد اكييييييييييييد زيون جسمى تعود مشالله مشالله ترى انا صارلى تقريبا سنه ونص من بديت الرجيم وادرى نزولى مو شى بس الظاهر ان جسمى وايد تعود على نوع الاكل او كميه الاكل او نوع الرياضه اكيد يبيله شى كبيرعشان يغيره انا قلت اذذا استمر جذى بروح حق دكتور يغير لى حياتى فوق تحت واكيد راح يستحى على ويهه ويستجيب ... الله كريم ...

 

[زيـنـه]

بطبط .. خيار الدكتور تمام .. و انا اقول لو تغيرين اكلج ان شاء الله في فرق .

 

[عنيّد]

بطوط ،، أنا أقول لا تصبرين على نفسج أكثر ، وروحي لدكتور تغذيه يضبط لج الوضع أحسن والله ، انتي الحين بالمرحله الأخيره من مسيرة الرجيم :eh_s(6):

زيووون ،، والله رجيم العبد تمام التمام الحمدلله مرتاحه ، وعلى الواسطه ، والله اخوي كان موديني ودخل معاي ، ولما خلصنا قال حق الدكتور والله شكلي بسوي عندك اشلووون ، الدكتور قاله اخذ موعد :dddds: يقوله انا ماتدخل بالمواعيد ، المهم بالأخير قاله حط اسمك ورقمك عند السكرتيره واذا احد كنسل بيتصلون فيك يعني ويتنق صار

 

[زيـنـه]

عنيد .. طريقة المواعيد مو خووووش !

 

[عنيّد]

زيون ،، الي اعرفه من قبل ان المواعيد عند السكرتيره ، ومن ايام عيادته القديمه كانت المواعيد بعيده على 2010 !!!
بعد الحين احسن تحصلين على شهر 11
ومن قبل جم وحده قالت لما تتصلين وتعطيج موعد بعيد لزمي عليها وانج مستعيله ومن هالكلام بتجدمه لج هذا الي اذكر قريته بالمنتدى على ايام العياده القديمه
اهو شنو قال لاخوي ، قاله انا ما اخذ اكثر من 6 حالات يديده باليوم ، يقول ابي اعطي الواحد حقه مو بو خمس دقايق واخلص معاه ، وفعلاً لاحظت هالشي وهذا الي ريحني
ولا صج لو هو تجاري مثل البعض جان اخوي واصل عنده وقاعد جان قاله يالله وعطاه رجيم وربح من وراه

 

[زيـنـه]

و الله يا عنيد يصير .. جم رقم عيادتهم ؟
اجرب و اشوف ؟

 

[عنيّد]

والله زيون هالكلام قريته من زمان بالمنتدى على ايام عيادته القديمه
هذا رقمهم وعساه يضبط وياج لانه من 3 ايام مسكرب يدق ويشيلونه بس ماتسمعين احد :/
22492229
انتي دقي واخذي موعد مو خسرانه شي

 

[زيـنـه]

عنيد .. انا ودي عقب رمضان ان شاء الله .

 

[عنيّد]

انشالله زيون ، جربي والله يكتب الي فيه الخير

 

[eng.q8]

سلااااااااااااااااااااااااااام

 

[عنيّد]

وعليكم السلااااااااام

ها انوج يايه بالوقت الضايع d:

 

[خنفروشه]

جوفوا بنات انا جربت كل شي ما تم دكتور او برنامج ما جربته
واخر شي جربت رحت حق وحده تسوي لف و لازم رجيم
صج حسيت جسمي اعتدل بس يبله وفت و متابعه