~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[eng.q8]

موجوديييييييين

صج منمن شلون علاوي الحين؟؟طمنينا عليه؟

 

[mn.mn]

صباااااااااااااااااااااااااح الخير وجمعة مباركة على الكل

انوج طليتي بعد ما طلعت وعلاوي الحمد الله احسن فجوا الشاش من على بطنه بس الله لا يراويج شكله يخرررررررررررع

وايده وفخذه لي الحين عنده مراجعة يوم الاحد بعد عمري مل من الروحة والردة الحين لازم ياخذ كورس كريمات على ما شوي شوي

يخف ويرد الجلد مثل اول

اليوم الحمد الله حاسة فيني شوي ارداة عسى ما تروح مني حزة الغدا ولا العصاري ولا العشا ياربي تثبتنا

تريقت صمونة سمرة مدورة مع جبن وخيار وطماط وكوب جاي

الغدا عندي زوارة وان شاء الله ما اخربط

 

[just-me]

صباح الخير


اليوم بداية جديدة جدية ... ها موافقين


بلا مطبات بلا زوارة .. نرجو انقاذ ما يمكن انقاذه لووووووول


بطه بالعافية القفنة و الفال لشقتج و بيتج يارب

من من ...عليكم بالعافية الفندق وزين سويتي

انوجه صباح الفل يا ست الكل

اتنمنى اني اصمد يوم كامل -------> هذا حد طموحي الحالي

 

[eng.q8]

صباااااااح الخير

انا اتمنى الصموووووووود للكل

 

[b6ooo6a*_*]

اهلن اشلونكم اشلون الاكل والرجيم معاكم ؟؟

 

[FuLL.MooN]

السلام عليكم شلونكم صبايا
الحمد الله الحمد الله أخيرا المنتدى دششني اووووووووف استغفر الله ماأدري اشفيه علي
شخباركم ولهتو علي ؟؟
سكتو انا منهارة بجهاز الوي امبيييه قمت العب رياضة انا اللي من زمان ما لعبت صارت عندي النص ساعة جنها 5 دقايق ما احس فيها
بس وزني مو قاعد ينزل يمكن عضلات من الرياضة ( أرقع حق نفسي )
بس صراحة ولهت عليكم صج

 

[بطة رشيقة]

السلام عليكم شلونكم بنات شخباركم انا اليوم الحمدلله احسن ورجعت لعقلى شوى وانشالله اتم جذى على الاقل جم يوم فشلانه حدى من الميزان هههه الله كريم تغديت سلطه وخذت سماك خمطه حب والعشا حلوومه وبس الحمدلله ومامشيت لحد الحين يمكن شوى اروح امشى بالصاله اليوم رحت الصالوون وسيت تنظيفكووو حق روحى وادرى حدى حدى محتاجه وبعدين رحت المعلم مع امى كنت باخذ شى حق خالتى حق رمضان بس ماعجبووونى المواعين فما خذيت الا جم شغله حق القرقيعان وبس وعساكم من عواده

باجر عندى عرس وانشالله هم امسك روحى وما امد ايدى على الحلو اللى بيوزعووونه

اليوم بنام عند امى عشان ابونا زااااااااااااام

وانتوا شخباركم عساكم من الصامدووووون ..؟

واى جسوت شلونج حبيتبى تصدقين لى الحين مشتهيه البرد اللى قلتى عنه خخخخخخخ

منمن حبيبتى الحمدلله ان اخبارج صايره كويسه هاليومين وبالعافيه المشتروات وبالعافيه التغير تستاهلين وانشالله علاوى يصير احسن بد عمرى ....

فل مون وناسه شوقتينى على اللعبه موفقه حبيبتى

بطاطا احنا زينين انتى شلونج ..؟

انوج قوه شلونج حبيبتى​

 

[eng.q8]

هلا هلا بطه

ان شالله دووم هالاراده

 

[ياعيونك]

المعذبه البطه تنضم اليكم الان


كيف الحال

 

[just-me]

صياح الخير

ما كو فايدة ... خلاص الظاهر بانزين الارادة خلص و انقطع من السوق

من اقول ريجيم جني قايلة بلعة.... ما ادري شبسوي بعمري

بنات ادعو لي انا و باقي المسّرحين ان الله ينصرنا و يوافقون على طلباتنا و يدبرون لنا

وظايف محترة وبراتب مثل رتبنا القديم و الله ترا الحالة كسيفة و الرياييل حالهم ازفت من

الحريم الله يعين الجميع ...الله يسهل و ييسر امرنا ويسخر لنا خلقه و يفك ضيقتنا يااااااارب

في ناس الحمد الله و فقهم بوظايف و الفال للباقين يارب

 

[eng.q8]

صباح الخييييييير

جسووت الله يوفقج بوظيفه احسن من اللي رااااحت الف مررررررررررررره وكل المسرحييين ياااااارب

 

[mn.mn]

السلااااااااااااااااااااااااااااااااااام عليكم

شلونكم كلكم وشخباركم ؟؟؟؟؟؟؟؟

الله يعافيكم كلكم والحمد الله هاليومين شوي غيروا الروتين اللي انا فيه من بداية العطلة والله يسهل علينا وايينا رمضان ونخلص

من هاللوية وربي يتقبل منا صيامنا وصلاتنا يارب بسنا ركضة يا ورا الاكل ولا ورا السوق اف حدي مليت من اللوية

احس يومي مخربط لا نومي عدل ولا رجيمي عدل والله ختلص العطلة ويداومون الياهال ونفتك وترد الامور تتضبط شوي

جسوت بعد عمري والله حاسة فيج ربي يسهل الامور ويفتح لج باب الرزق من اوووووووووووووووووسع ابوابه

انا امس ماكان الرجيم عدل عدل بس اليوم ان شاء الله خلاص وزنت وانصدمت امبيه باجي اقل من كيلوين وارجع 80 !!!!!!!

خلاص بمسك روحي اكثر كافي اللي ضاع بدال ما أوصل 70 قبل رمضان شكلي بوصل 80 اذا ما حطيت حد حق روحي

الله يثبتا يارب والله حرااااااااااااااااااااااام يروح تعبنا هدر وبطبط بعد عمري حطي رجيم رمضان خلونا نطبقه كلنا مع بعض

عشان وحدة تشجع الثانية والله انا اكتب لكم وحدي متأزمة ليش جذي الامور صارت بالسالب ماكو شي ايجابي ؟؟؟؟؟؟؟؟؟؟

 

[eng.q8]

 

[زيـنـه]

صباح الخير و التغيير

التغيير لي شنو .. الافضل طبعا .

كافي اسبوعين تبربس .. اليوم بدا الجد .. و هالله هالله على الجد والجد هالله هالله عليه .

اليوم عدت الى رشدي بس مو رشدي اباظه --> يا حلوه
رديت حق عقلي اللي طار الايام اللي طافت .

و رديت على شابوراتي و قهوتي .. وسناكي بيكون شاي اخضر و لوز و يوز .. و سناكي الثاني بيكون بار كورن فليكس بو 90 كالوري ان شاء الله .

هذا بالدوام .

غداي باشوف لي شي خفيف ..مشوي و سلطه .

و ان شاء الله عشا خفيف .

لازم هالعوده الحميده للتخفيف و الا اللي بالسبعينات يوصلون ثمانينات .. و اللي ثمانينات يوصلون تسعينات .. و يتغير عنوان هالموضوع و يصير من الديوانيه الى تعليم النحيفات كيف يزيدون اوزانهن !

طبعا ما وزنت .. و لا ابي اوزن الا عقب جم يوم التزام .

جست مي .. ربي يوفقج بالوظيفه المحترمه اللي راتبها محترم ومريحه و يعطيج على نيتج اللهم امين

شالاخبار ؟

 

[eng.q8]

هلا هلا زيوووووووووون

ولكمووووووووو وولككم بااااك

الله يتمم علييج مع شابوراتج وسناكج

انا امس اخذت اليوم اوووف واليوم رديت الي قواعدي سالمه

 

[زيـنـه]

هلا انوج
بصراحه بس مليت من البلعه .. لي متى !؟

الحمدلله .. تريقت شابوراتي و قهوتي .

وين البنات اليوم ؟

 

[eng.q8]

:eh_s(1):ما ادري للحين محد بييييييين​

 

[زيـنـه]

واي ما اصدق .. وين مختفين اليوم ؟
انوج شلون روحتج للدكتور .. كنتي تقولين موعدج 8-8 .. بشري على الميزان ؟ و شنو ريجيمج اليديد ؟؟

 

[زيـنـه]

يا بنات المكلا .. يا دوا كل عله .. وينكن ؟

 

[mn.mn]

ظهر الخيرررررررررررررررررر

انوج وزيون شلونكم ؟؟؟؟ وين الباجي اليوم ؟؟؟؟؟؟؟؟؟؟؟؟؟

زيون زين سويتي والله انا امس وزنت ولا القى وزني 78.6 انصددددددددددددددددمت قلت امبيه اقل من كيلوين واصير 80 لااااااااااااا

عاد الحمد الله امس بديت وربي يتمم علي لي نهاية الاسبوع

اليوم ماراح اتريق الحين بشرب نسكافيه والغدا راح يكون 6 قفاش مربين وسلطة