~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[بطة رشيقة]

ملل !!!!!

 

[بطة رشيقة]

اخ اخ اخ اخ شوقتوووونى ابيييييييييييييييييييييييييييييييييه

 

[عنيّد]

لوووووووووووووووووووووول ، بطوط ولا يهمج ، خلاص أنا قررت اليوم ، بعد الغدا بــ اسيا اسيا ، نروح نحلي بكولد ستون
والله يسااااامحج يا جسوت d:

 

[b6ooo6a*_*]

هااااي بنات اشلونكم شخباركم ؟؟

وانا وزني 84
وطولي 160

يعني حديييييييييييييي امتيونه بالكيلو بس شكلي 70 مو اكثر اشلون مادري!!

 

[b6ooo6a*_*]

انزين بنات شنو الرجيم الي قاعدين اتسوونى ؟

 

[بطة رشيقة]

باك من بعد الصلاه ...

عنيده بالعافيه

وانا بعد انشالله بشووووف متى اروح له انزين بس بس عيب لا تفشلووونا جدام الزميله اليديده بعالم الرشاااقه ننصحها وتالى نتحجى عن البرد والبلعه ...

حياج الله بطوطه وانشالله تنزلين وزنج وانشالله تصيرين 70 والناس يحسبووونج 65 لان ترى الضعف حلو والله الكيلو الواحد يفرق مع الانسان ..

المهم انا عن نفسى اسوى رجيم 1400 سعره متنوع وحلو بس ليش من زمان اسوى متملله منه عرفتى ... بس ماعليه لازم نكمل ..

وامشى نص ساعه واحاول انط حبل او اسوى اى حركات بسيطه وبس الله كريم


وموفقه انشالله

منمن وينها غاطه صالالها يومين يعنى معقوووووله حاربتنا ...؟ لالالالالالا منمن منمن منمن منمن منمن نداااااااااااء اين انتى

 

[b6ooo6a*_*]

لوووووول بطبط تقبل الله بس حبيبتي ممكن تعطيني الرجيمج لاني مااعرفه

 

[بطة رشيقة]

شووفى الله يسلمج ..

نظام 1400 سعره ..

الريوق :

توست او نص خبزه او شابوره + جبن او لبنه او بيضه مفيوحه مع خيار او طماط + عصير او حليب ..

السناك :

- اما حفنه مكسرات مع قهوه او جاى

- حبه فاكهه

-حبتين بسكوت مع جاى حليب

-علبه عصير

الغدا :

سلطه + شوربه صغيره( يفضل عملها بالبيت ) + 8 حبات عيش مع لحم او دياى او سمج او نص خبزه او 8قفاش معكرونيا بيضه وعلبه لبن او عصير او بيبسى

السناك الثانى يختار من السناك اللى فوووق

العشا :

- اما نفس الريوق

- همبرجر مع خس وطماط وصمون وبيبسى

-حبه فاكهه مع روب مع شريحه وحده توست

وبس سلامتج

ولازم تحرصين على 8 قلاصات ماى يوميا

والشاى الاخضر والمشى نص ساعه يوميا .. ​

 

[عنيّد]

بطوط ،، عاد 8 حبات عيش ؟؟ ddd:

 

[زيـنـه]

بطوط .قويه 8 حبات عيش !!

 

[b6ooo6a*_*]

لووووووووووووووووول 8 حبات اشلون قصدج اقفاش ..؟

 

[eng.q8]

عنيد اهو بمجمع الوطيه بالميزانينن وعواااااااافي

 

[just-me]

مساء الورد ....

 

[just-me]

الريوق كان اوكي

الغدا حمسة همبرجر مع فلفل اخضر باؤد و بصل اول مرة اجربها حلوة تغيير

من العصر ليمن الحين ما بقى نوع حلو ماطب بحلجي.... الشكوى لله

جود باجر اصير احسن و تخف هاللوثة البلعية ...

نصيحة للي بيروحون كولد ستون طلبو دارك جوكلت أيس كريم و فانيلا ايس كريم

و التوبنغ اوريو مع سنيكرز يخلطونهم مع كيرمل و هت فدج و يالاهوييييييي

و قولو لهم يغنون لكم ياجمالو ياجمالو ----->من صجي مو غشمرة

 

[mn.mn]

السلام عليكم يا حلوين والله ولهت عليكم حدي وفقدتكم بطبط بعد عمري سألت عنج العاااااااافية ولا تحاتين انا مو محاربتكم لي الحين ما صرت

رشيقة عشان يكبر راسي عليكم هههه امبيه غطيت عنكم يومين وجنه الحال من سيء الى أسوأ الله يهادكم المهم انا كنت حاجزة فندق مع الياهال

وابوهم طبعا ليلتين قلنا نغير جو والحمد الله اليوم ردينا لقواعدنا سالمين وبالنسبة للرجيم كان باااااااااااي بااااااااااي رجيم من قلب بس خلاص

من صجي من باجر ببدي عدل من يديد والله يثبتي لي رمضان عاد الله يهديج جسوت اليوم كنت بالافنيوز جان قلتي عنه من قبل الحين ناوية

ما اخربط وان شاء الله ربي بيقدرني ويقدركم ترى والله مصخناااااااااااااااااااااها اليوم تخيلت نفسي على التخربط بطلع من رمضان وانا 85

امبيه حاشني رعب مووووووووووووووووو طبيعي عاد قلت خلااااااااااص من باجر برد على الرجيم والرياضة دعوااااااااااااتكم

 

[eng.q8]

موفقه منمن وبالعافيه اليومييييييييييييييييييييييييييين

واهم شي نبي ستووووب قوي

 

[بطة رشيقة]

قووووه


ولييييييييييييييييييييه عسى االواحد مايقط بدليه الا استلموووووه هالربع



يبا 8 قفااااااااااش عيش


شفوا شلون اليوم م كثر ما عيبتوا على والله خربطت على الفطور للاسف ضاق خلقى وبعدن صار اليوم كله خربوطه بخربوووطه مابقى برد مابقى كاكاو مابقى ساهون ياينى من ايران هديه مابقى شى وحش فيغا هم يانى بعد اليوم لاحول ولا قوه الا بالله بلعت لما قلت بس حسافه كنت ناويه التزم لى الاسبوع الياى بس يالله ماعليه ماعليه ماكو شى يبقى على مااااهو عليه حب يبقى وحب يروح حب فرحه وحب جروح بس بس عاد اشتغلت بطه رويشد على بالها على الاقل رويشد اضعف منج يالدبه ( تضيق خلق روحها عشان باجر ما تاكل ) بس صج صج صج ضاااق خلقى حتى الاشايء اللى كلتها مو مالت تخربط ما تسوى بس يالله ماعليه بس بس انا منيشنه على محل البرد مال جسوووووووت فقلت اليوم حسافه لو انى كنت هناك جان كلت خخخخخخخخ

اليوم رحنا الفروانيه انا وامى واختى وعربنا على طقم غنفات يدد حق غرفه المعيشه على قولتهم حق رمضان عسى الله يعودنا وياكم بالخير وابوى متحلف فيينا يقول اذا واحد من عيالكم كب فيمتو والا بيذان والا عصير برتقال والا كريم كراميل ياااا ويله طبعا بما انى انا اللى رايحه وياهم اغرمتهم على انهم يختارون قعده بنفسجيه واى واى واىى هاللون حبيبى وكنت اتمنى تكون عدى شقه عشان اسوى فيها اللى بخاطرى يالله الله كريم ..... يهون الجرح الاليم هالله هالله ( حتى عبدالكريم اضعف منج )

وبس




منمن انا اقول وين راحت حبيبتى صديقتى البطوطه ( هم هذا عشان اضيق خلقج وتردي باجر على الرجيم ) خخخخخ اضحك وياج .... بس الحمدلله انج رحتى مكان وغيرى جوووو وعليج بالف الف الف عافيه حبيبتى وانشالله باجر 7-8-209 يكون يوم رجيمى مميز وبدايه طيبه للكل عاد انا باقى 10 ايام على عيد ميدى واصير 25 فانشالله بستمر لى ذاك اليوم عشان جود احصل احد يذكرنى بالمناسبه هذى واخربط معاه خخخخخخخخخخخخخخخخخ

وانوووج شلونج حبيبتى اكيد كارز 2 قاعد يحوس لا كارز 1 كاهو مابقى تركيب ومابقى لعبه مو شايحها بالداااار خخخخخخخ ​

 

[eng.q8]

هلا والله بطبط
وعوااااافي

كارز نايم حبيبي

 

[بطة رشيقة]

هيا هيا انا بعد نومته مشالله حاسنى حوووووس مابقى لعبه مو مطلعها تونى غصب سدحته وقلت له يالله نام ونام الحمدلله

ودى اقعد وياكم بس هذى قعدتى من الصبح واحس انى قاعده اغمض وتسبحت جان ادوخ زود ههه

يالله تصبحون على خير وانشالله باجر يكون يوم يديد من الالتام والرشاقه والنحافه وكل شى يخص الضغف ونبى ترجع دوانيتنا الى سابق عهدها :

تصبحون على خير وجمعه مباركه للكل

 

[mn.mn]

انوج الله يوفق الجميع وان شاء الله من باجر ستوووووووووووب

بطبط بعد عمري حسافة والله مادري انج طليتي جان سولفنا شوي واي والله غيرنا جو صج هم حر وخيسة ولوعوا جبدي الياهال شوي

بس كانوا يومين حلوين شريت فيهم الاغراض اللي ابيهم حق المدارس والعيد وبقى لي بعد جم غرض

ليتاتكم شابة موجودين ولا لأ ؟؟؟؟؟؟؟؟؟؟؟؟؟؟؟؟؟؟؟؟