~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[ام فجور 2008]

صباح الخير

 

[عنيّد]

صباح التأخير
:tomato2:

 

[mn.mn]

صباح النور على البنور

عنيد وام فجور شلونكم وشخباركم ؟

انا بعد الحمد الله امس كان اوكي والحمد الله اليوم وزنت < ادري لقافة بس ما قدرت

وزني اليوم 78.7 وان شاء الله على السبت اكون 78 بدوووووووووون كسور

 

[just-me]

صباحكم فل

وزني اليوم 73.2 يارب يطيرون هال 3.2 قريب

 

[just-me]

ماشاء الله ماشاء الله على الالتزام جميعا

عفية عفية شدو الهمه مابقى شي على اخر السنة عساها سنو خير لاخر يوم فيها

وسنه 2010 احلى منها يارب و 2012 على قولة الفلم نهاية العالم ( الحمدلله على الاسلام مالت عليهم )

أمس تعشيت 12 ربيانه صغار مالوت شيليز اللي بالماعون اللي يسوس تششششششششششششش

عرفتوه ؟؟ مال قيصر قبل لووووول

كان المفروض عشاي 5حبات ربيان مشوي ( جامبو) فمن قلة الحيلة سويتهم 12 عنونين

بس اللي محيرني التش هذا شنو لان شلكله مو مشوي و لا مقلي ؟؟؟

أحد يفيدني...؟؟؟

 

[teenaa]

صباااااااااح الخير

شلونكم

شخباركم


انا ماادري شفيه وزني

مو راضي ينزل حدي تعبت

 

[teenaa]

جسوووووووووت شخبااااااااااااري التش تش
لووووووووووول

يمي يمي

يوعتيني


احسه مشوي


المهم انا شربت كابشينوووو


وبس

 

[just-me]

هلا تينا ... مو هذا الغلط عشان جذي مو قاعدة تضعفين حارمة روحج و عايشة على

الشوربة السريعة و القهوه غلط غلط غلط

جربي واحد من ريجيمات المطوع اسبوع بس و اذا مافرقتي على عمرج ردي على شغلج

غلط لازم اكلج يكون صحي و متنوع عشان ما تنفجعين و بنفس الوقت تصعفين

 

[teenaa]

احس وزني زايد


والله تعبت ببلش برجيم طالب الشمري ومالش شغل باحد والله

طول الوقت بالدوام نسكافي او كابتشينو وماي

وغداي بفوح بيضتين او احتمال همبورجر مشوي

وعشاي يمكن روب لان معدتي تعورني لما اكل برتقال

وبشوف هالميزان المرض اخرتها معاه

جسوووووووت تعبت امس طول الصبح قهوه

ييت برد البيت ولا تقول اختي تعالي خنطلع وانا ميته يوع
مريت المطعم الهندي خذيت صمونه بطاط وزهر لوووووول

كليت نصها وجم حبه سمبوسه >>> يا الراهيه

وعشاي كان 2 كيوي

 

[بطة رشيقة]

صباح الخير

اليوم انا

لانى امس

كنت

× × × × ×

ما ابى اقول شنو سويت بس كنت

حدى خرابوووو ,,, ما ادرى ليش جذى وما ادرى لى متى .. امس كرهت نفسى .. واحس انى متضاااااايقه وعمرى ما راح احقق هدفى ولا اوصل للى ابيه ..


انا


مو شى ​

انا البلاعه انا الخربطويه انا البطه انا المتينه اللى عمرى ما راح اشوف الرشاقه
.....

 

[just-me]

تصدقون امس انغثيت من الفلم عمى بعينهم

الزبده ان الطبيعه انعفست و العالم بينتهي و زلازل و براكين و القارات افترت

و طبعا امريكا بنت سفينة مثل غواصة مثل صاروخ المهم عشان تنقذ الناس المهمين من علماء و مفكرين على قولتهم

طقة بيل قيتس ومن الحيوانات زوج من كل حيوان ( تكرمون )

فكان في لقطة بالفلم ان التذكرة حق هالسفينة تنباع ( بمليار يورو)

حق الغناية وطبعا لمن صار وقت الاقلاع و ركوب هالفئة من الناس المفروض مو اكثر من 400الف كائن حي

والا بنت رئيس امريكا واقفة عند المدخل تشوف و تتطمن على الركاب و الناس طوابير يمرون جدامها

جان تسأل اللي يمها ( عالم بالبيئة ) اكو ناس عاديين قال لها هذولا نحتاجهم جينيا عشان السلالة

البشرية جان يمر واحد غتره و عقال و معاه (حريم منقبات و العيون مرسومه رسم ) جان تقوله

وهذول بعد محتاجينهم جينيا ؟أعتقد شيكاتهم دخلتهم معانا ! ---> يعني العرب ماكو مخ ماكو

جينات وراثية يستفيدون منها العلماء بس فلوسهم فادتهم و لاحظو معاه حريم يعني يفكر بس بالحريم

و دافع مليار عنه و مليار حق كل وحده واحنا بعد شارين التذاكر و الدولة شارية هالفلم عشان

نشوف هالاهانه المفروض الرقابة مو بس على اللقطات الوصخه مفروض يقاطعون هالفئة اللي

يتطنزون على العرب لان احنا على قولتهم فلوس وبس .. خلاص تتطنزون ماكو فلوس

تحترمون نشتري فلمكم بالفلوس

صج مندقه من هالفلم غير انه كفر طبعا اهم مايقولون يوم القيامة لا من الMother Nature

 

[عنيّد]

منمن ،، ع البركه الوزن :ggdw:

جسوت ،، أيوه أيوه عاشوا والله أخيراً الكل رد لصراط الرجيم :dddds: وعليج بالعافيه الربيانااااات العنووناااات

تينا ،، ترى انتي قاعده تقصين على نفسج بهالرجيم التأليف ! :S

 

[عنيّد]

جسوت ،، شنو يعني الفلم مقلدين قصة النبي نوح (ع) سفينة ومن كل حيوان زوج ووو !!!!
اما عن العرب ، فصدقوا هذا للاسف الشكل الي طاغي
أما البعض السنع فمو باين بالصوره ، خبرج الخير يخص والشر يعم

 

[بطة رشيقة]

هلا بنات شلونكم .. عنيد كلكم حلوين انا انا .. مو خوش مو خووش وكسلانه وحاربونى .. لانى اعطيكم خطب واخر شى اخرب الدنيا ..

جسووته صباحج ورد وعلى الفلم انا ماش فته بس سمعت عنه وتبين الصج انا ما احب هالنوع من هالافلام علىق ولتج تخلى الواحد يشوف اشياء ماتعجبه وشحقه حاره روحج خل يولون مالت عليهم وعلى ويوهم .. اهم اصلا بدون فلسوونا مو قادرين يعيشون وسليمه تصكهم انا كان عاجبنى فلم رومانصى كان عاجبنى شكله حلووووو ما اعرف اسمه بسكله شى .. .. بس ما رضى قوزوووووو نروح اليوووم عنده شغل ... مممم وبالعافيه العشاااا ...

 

[mn.mn]

هلا والله جسوت وتينا

جسوت يلا يلا هاااااااااااااااانت ما بقالج شي شدي الهمة

تينا اي والله ليش تعذبين روحج سوي رجيم حلو وان شاء الله تنزلين وانتي دوامج طويل مو زين تقعدين على القهوة طول اليوم

بطبط بعد عمري ميخالف كل يوم نقول ان شاء الله اليوم احسن من امس بس انتي والله حاولي تشدين على روحج خلال الاسبوع

لان احنا دايما نضعف بالويك اند من اليمعات والطلعة فشي يعوض شي

 

[رهوف]

تينااا ،، بالعافيييه


بناااااات سؤاااااااااااااااااااااااااال
تعرفون رقم الي ايون البيت مع عدتهم والاكل وووو ويسوون باربكيو ؟

مادري احد رد عليج او لا >>> المطعم اسمه munch واييون اهم وعدتهم واغراضهم يشوون وانتوا تاكلون .. صراحه عجيب بالذات الجو صاير حلو

هذا blog مالهم


http://themunchblog.blogspot.com

 

[just-me]

هلا عنوده ... الفلم كان كله مسجات

ولد البطل اسمه نوح - الحيوانات - رئيس امريكا اسود ماركب المركب

معاهم عشان يصير مع عامة الشعب اللي ماعندهم فلوس ولمن كانو بالاجتماعات يشاورون

رؤساء الدول ولا رئيس دولة عربي محطوط او حتى ملمحين عن وجوده بس لمن اعتفست

الدنيا ماقصروا حطوا المسلمين يسجدون بالصلاة بمكة عند الكعبة طبعا اللقطة مع الكنيسة و

اليهود و البوذه و احنا مع الخيل ياشقرا

 

[teenaa]

جسوت لا تقهرين نفسج شنو نسوي اذا الرقابه راضيه تعرضه


عنيد ما قصيت على روحي
اهوا رجيم طالب الشمري

الريوق نسكافي او كابتشينو
والغدا سلطه و 2 همبورقر او 2 شيخ كباب او ربيان 5 حبات

والعشا شوربه كنور او من حبه الى حبتين برتقال

انا معدتي ما تتحمل البرتقال
والشوربه مااحبها بالليل

 

[just-me]

من من حبيبتي الله يسمع منج جميعا يارب

زينه وينج طليتي و انحشتي

تينا ما احب ريجيمات طالب احسها دايخه مثله لووووول

بطه ....يبي لج قرصه على الزند شنو حاربوني شنو صالحوني

لا يبا هاللوثة افترت علينا على قولتج احده احده نفره نفره

والحين دورج على قولة زيون عافور يمر و يروح عاد انتي تقضبي بالعامود

( الديوانية ) واحنا بنعينج و نعاونج افا عليج

 

[teenaa]

=جسوت حبيبتي الحياه سعيده وحسبي الله عليهم وبس