~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[miss.lol]

واي بعد عمري مشكورة

تخيلي خل اقولج انا الاسبوع الي طاف بلشت رجيم يوم السبت و تخيلي من السبت لي الخميس و انا اكلي باليوم بس 7 تمرات و قلاص لبن و كان وزني لما بلشت 82 و الحين الحمدلله صار 77 و نص

بس لاحظت برجيم الاسبوع الي طاف ان شعري حيل حيل حيل طاح و هالاسبوع غيرته و قمت آكل اكل مشوي وسلطة و لازم معاها جرجير وعصير اناناس و لازم تفاحة وحده باليوم

نهاية الاسبوع الي طاف يوم الخميس وزني كان 79 و يوم اليمعه اووف
و هالاسبوع بلشت من يوم السبت و صار وزني 77.5 لي اليوم الحمدلله

اتمنى يوصل الستينات برمضان

قوليلي انتي شمسوية شلونج مع الرجيم ؟؟

 

[just-me]

صباح الخير ....شلونكم ....

 

[just-me]

صباح الخير بطة .... انا معاج باذن الله صايمة ....

امس تسحرت توست و جبن و دايت بيبسي شزيني .....و تالي طبيت على جيس

المخلط السوبر ديلوكس مال الرفاعي ....وااااااااي

نطرت اذان الفجر و لساني لازق بلهاتي من العطش فشربت لي طشت ماي على ال 3:15

و الحمدلله صليت و نمت على ال 4 و شي و اليوم فازعة من ال 7:30 شهالحالة

 

[just-me]

انوجه صباح القشطه شلونج

هل فل مون شلون تضبطين عدد السعرات ماشاء الله احس صعب ماشاء الله ربي يتمم عليج

هلا مس لولحياج الله معانا

 

[زيـنـه]

صباح الفل على الكل

شلونكم ؟

 

[miss.lol]

اهلين جست مي شكله ماكو احد غيري لووووووووول

تقبل الله طاعتج يالغاليه

 

[miss.lol]

اهلين زيونه نورتينا




تمام الله يسلمج انتي شمسوية عساج ماشيه بالرجيم

 

[FuLL.MooN]

صباح الخير جسوته وانوجه ولوله شلونكم صبايا
لوله سوي ريجم السعرات يهبل صاري 5 ايام يمكن كيلو ونص ضاعفه عليه وناسة ما ادري بس ضاعفة وما احرم نفسي 1000 كالوري
انزين يوم سويت الريجيم والتمر ما رديت سمنتي كلش ؟ وإذا سمنتي بسرعة ؟

 

[miss.lol]

شوفي حبوبة انا الله يسلمج بلشت برجيم التمر و اللبن واهوا المفروض تاخذين باليوم 21 تمرة و 3 قلاصات لبن

انا خذيت باليوم كله بس 7 تمرات و قلاص لبن و حسيت شعري طاح و خذيت اوف يوم اليمعه يعني سويته بس 6 ايام و نقصت من 82 لي 79 يعني = 3 كيلو
بس شعري حيل طاااااااح منه و كان الاسبوع ثقيل و طويل

الحين مبلشة برجيم ثاني و احس انه احسن

بلشت فيه من يوم السبت و بخلص يوم الخميس و يوم اليمعه اوف طبعا

اني اكل وجبة وحده باليوم و هالوجة تتكون من سلطة و عصير اناناس قلاص و لحم و لا دياي مشوي و لا مرتديلا و بعدين آكل تفاحة عقبها بساعه و لا ساعتين

الحين وزني 77 و نص

اتمنى يوصل الستينات قبل العيد

اييييييييه صح على طاري رجيم الـ 1000 كالوري انا الطبيبة معطتني رجيم 1200 كالوري بس مشكلته ما ينقص بسرعه

انا قاعده اسوي رجيمات على الاقل تنقص 3 كيلو بالاسبوع و بعدين ببلش برجيم الدكتورة عشان اثبت وزني

 

[FuLL.MooN]

بس ريجماتج كلها خطرة حبيبتي مو بس اطيح الشعر اله تلعب بحسبتج مو صحية ماكو ريوق ؟ ولا عشى بس وجبة وحدة الله يهداج وين قاعدين easy go easy come وبعدين مو طول عمرج بتقعدين على وجبة وحدة ما ردج بتاكلين اكثر من وجبة .. تالي وزنج برد بسرعة ....
السصبح 3 تمرات الغداة سلطوة ومشاوي وبليل روب وخيار على القل جذي وتضعفين انشاء الله
انا لأني اموت على البلعة فا سويت ريجيم الكالوري حتى سانكست وكوكيز اكل انا راضية بالإسبووع كيلوين الحمد الله
وبعدين معطينج 21 تمرة تاكلين 7 الزيادة كالنقصان الجسم إذا ما لقى شي يحقه ما يحرق
حطي بالج بس اشوه الكيلوات اللي تبينها اشويه انا 116.5 لوووول درب طوويل

 

[miss.lol]

الله يسهل عليج حبيبتي بس مشكلتي مابي اخرب فل حدي متضايقه تخيلي سنة 2006 كان وزني 69 و فجأه جك بوم من البلعه وصل 75 و طق الثمانين

كله اتذكر جسمي قبل و اضايق

ايه صح بغيت اسئلج توه طالعتلي خطوط بيضا بزنودي تتوقعين راح تروح ؟؟؟

و ابيلهم علاج ماتعرفين؟؟؟

 

[just-me]

هلا بالكل و الجميع هلا مس لول مرة ثانية


و أخيرا زيووووووووووووونه ولهت عليج ...موجودة والا انشغلتي ...؟؟؟

 

[FuLL.MooN]

كل شي يرووح لا تحاتين بس يبله طولت بال وطولة وقت بس احنا بسرعة بسرعة ونبي شي بوقت قياسي تالي لا يصير ويكون مضر على اجسامنا
انا احس حتى جسمي يفرق مع السباحة اخليه مشدود ولا خطوط ولا هم يحزنون الحين خريطة العالم على جسمي بخاطريج جزيرة ديرة تعالي عندي سهالة لوووول
بس انشاء الله ارد على السباحة اول ما اوصل 99 اساسا الحين ما عندي وقت

 

[just-me]

اخيرا اكو احد معاي ... فل مون موجودة..؟؟؟

 

[FuLL.MooN]

افا علييييج أضبطج امري ادللي جسوته

 

[just-me]

اليوم مثل ما قريتي انا صايمة و محتارة شنو اتفطر مع ان عندي 900 الف نظام

غذائي ....شرايج ...؟؟؟؟ تحسين بخاطري اسولف

 

[FuLL.MooN]

لووووووووووول وانا صايمة بعد وياج انا فطوري ربيان انشاء الله عسى الله يتقبل منا ومنكم انشاء الله
انا حاليا ريجيم 1000 كالوري اللي بخاطري اكله وطبعا لازم اتفطر لو بتمرة
تفطري ربيان واي شي بروتيني مع سلطةوسحورج حلو
امس تسحرت سانكسيت و2 كوكيز من هارديز تقريا انا من كيفي قدرتهم 400 كالوري لأن 150 الكوكيزة الوحدة ... والسانكسيت قلت يمكن 100

 

[just-me]

تهقين ....؟؟؟؟ ليش لأ


شكلي بشتري دجاي طري و احطه بالفرن مع سلطة .....امممممم شكلي بسوي جذي

 

[بطة رشيقة]

قوه انا باك ...

واى مشالله والله من يت ومارفعت راسى شغل شغل شغل ..

عاد تونى مخلصه قلت اشوفكم ..

جسوت اهلين شلونج وشلون احوالج الرجيميه ..؟ والحمدلله انج صايمه اليوم

فل مون موفقه حبيبتى برجيم ال1000 وانشالله تتغيرين

انوج شلوونج حبيبتى

 

[eng.q8]

هلاوالله مس لوول
انا اسوي رجيم دكتور احمد الخولي ويوم8-8 مراجعتي ان شالله خيييييير

فل مووووووون وجسووووووت وبطوط

انا بخير شخباركم؟؟

زيوون ولكمووووووووو